Rreziku nga putizmi

[Xhuxhumaku]

Rreziku nga putizmi

4 Prill 2014 | : Kulturë | Autor: Gazeta Shqip

3
Legjenda e shahut botëror tregoi dje në një intervistë për “Top Story” në “Top Channel”, jetën e tij. Pasioni i lindur për shahun dhe kritikat ndaj Putinit
Sokol Balla

Geri Kasparov, legjenda e shahut botëror, u rrëfye dje në një intervistë për “Top Story”. Udhëtimi i një jete të jashtëzakonshme dhe mendimet e tij për politikën e Putinit.

Në moshën 5 vjeç jeni njohur me shahun, ju ka mësuar babai juaj. Ky ka qenë momenti kur Geri Kasparov ka filluar të luajë shah apo jo? Sa ka influencuar babai në karrierën tuaj?

Babai im u nda nga jeta kur unë isha 7 vjeç. Nuk besoj se mund të flasim për diçka sinjifikative apo influencë. Mbaj mend pak rreth tij. Nëse do të shikojmë sekuencat e karrierës si u zhvilluan, do të thosha se lëvizjet e para që mësova prej tij ishin vitale. Ai ishte i pari që e kuptoi se unë në mënyrë sinjifikative isha një talent në shah. Është për të ardhur keq që ai nuk mundi të shikonte sukseset e mia, pasi ndërroi jetë në janar 1971.

17 vjeç fituat kampionatin për të rinj dhe titullin “Mjeshtër i Madh”. Çfarë do të thotë të jesh kampion në një moshë kaq të re?



Unë nuk mendoj se ky ishte një moment deciziv, sepse ishte diçka më shumë se një formalitet. Isha mjaftueshëm i fortë për ta marrë titullin “Mjeshtër i madh”. Le të mos ta harrojmë se në vitet ‘80 titulli ishte më shumë i rëndësishëm, pasi kishte vetëm pak mjeshtër të mëdhenj. Për mua ky titull kishte një kuptim të madh. Që në moshën 15-vjeçare luajta në kampionatin sovjetik dhe isha i vetmi pa pasur statusin e mjeshtrit të madh apo titull ndërkombëtar. Ishte me rëndësi për mua dhe do të thosha se ishte një hap i ndërmjetëm, pasi unë i kisha sytë te një titull botëror. Mund t’ju them se momenti vendimtar ishte në moshën 14-vjeçare, kur kalova atë që do ta përshkruaj si një gurë kilometrik, duke fituar titullin e parë si i rritur në Bashkimin Sovjetik në Minsk tani Bjellorusi. Ky ishte momenti kur e kuptova se mund të shkoja lart e më lart siç unë dëshiroja.

Le t’i rikthehemi ngjarjes, që padyshim ktheu të gjithë sytë e botës. Unë kam qenë 11 vjeç atëherë kur ju sfiduat kampionin e botës Anatoli Karpov për titullin botëror në vitin 1984, e cila rezultoi në ndeshjen më të famshme dhe më të gjatë në historinë e shahut, por edhe të ndërprerë. Ndoshta do të kishte zgjatur edhe më shumë. Pas 5 muajsh, presidenti i FID-ës e ndërpreu atë, duke cituar lodhjen e të dy lojtarëve. Meqenëse ju kam këtu, do të doja t’ju pyes drejtpërdrejt, nëse ndiheshit vërtet i lodhur për ta lënë ndeshjen përgjysmë? Në mos gaboj, ju keni qenë në një disavantazh të lehtë….

Deklarata e FID-ës se të dy lojtarët ishin ekstremisht të lodhur ishte 50% korrekte. Nuk mund ta them se isha po aq i freskët sa në fillim të ndeshjes. Por isha në një gjendje të shkëlqyer duke iu afruar kundërshtarit. Deri diku isha pak prapa, por iniciativa ishte nën kontrollin tim, në duart e mia dhe Karpov nuk dukej mirë. Dukej qartë se ai kishte një disbalancë psikologjike.

Vendimi për ta ndalur lojën ishte qartësisht i diktuar prej autoriteteve sovjetike. Prandaj Karpov e pranoi atë vendim, duke u dakordësuar me atë çka thuhej në deklaratë. Unë iu binda, pasi s’kisha mundësi tjetër. Lajm i mirë ishte se falë Perestrojkës dhe Bashkimit Sovjetik ata mund të më largonin mua dhe të organizonin një ndeshje të re. 8 muaj më vonë unë e fitova atë ndeshje.

Pra, le të themi, Anatoli Karpov megjithëse ishte në avantazh në pikë ndaj jush, nuk ishte i të njëjtit mendim me ju. Pra, ai ishte për ndërprerjen e lojës apo jo?

Karpov po e fitonte ndeshjen që në fillim. Në një moment rezultati ishte 5 me 0 në favor të tij. Në kohën ku loja u ndërpre ishim 5 me 3 dhe ai humbi dy lojë radhazi. Për një kohë të gjatë ai nuk mundi të fitojë një lojë të vetme. Nëse do të vijonte të luante më 1984-1985, ai ishte në pozita ta ndalonte dhe askush nuk do të guxonte të vinte me sugjerime të tilla. Mund të them që kjo ndodhi pas një marrëveshjeje pasive prej tij, në një kohë që unë isha një kundërshtar agresiv. Disa njerëz thonë që në shkurt të vitit 1985 ndodhi protesta e parë publike e një kalibri të tillë që mbahej mend në Bashkimin Sovjetik, pasi konferenca për median më 15 shkurt rreth ndërprerjes së ndeshjes u transmetua në të gjithë botën.



Zoti Kasoparov unë atë kohë kam qënë rreth 11 vjec, ndiqja për orë të tëra ndeshjen tuaj me Anatoli Karpov në televizionet e huaja kryesisht ato Jugosllave i cili e jepte pothuajse Live gjatë gjithë kohës dhe mund të them që pas kësaj ndeshje kam blerë kutinë time të parë të shahut dhe kam filluar të luaj me babain tim. Megjithëse shumë amator për të cështjen e shahut. Kaq i fortë ka qënë impakti i kësaj ndeshje besoj jo vertëm ndaj meje por edhe ndaj një brezi të ri fëmijësh edhe të rinjsh. Cili është kujtimi më i fortë që ju keni nga ajo ndeshje që zgjati 5 muaj?

Ishte një ndeshje e gjatë. Unë nuk e konsideroj si vetëm një ndeshje sepse ishte një konkurs 5 vjecar që filloi në 1984 Shtator dhe nëse konsideroni ndeshjen e fundit pra 6 vjet. Pra ishte një konkurim në vijueshmëri. Natyrisht momenti më fantastik ishte momenti kur unë fitova ndeshjen e 24-rt. Ishte një shoë i vërtetë. Dicka vësghtirë ta përshkruash. Ti bën lëvizjen. Karpov tërhiqet dhe ti bëhesh kampion bote. Kjo është dicka e papërsëritshme pasi cdo sekond fitoreje për kampion bote është një nder i madh i të gjithë asaj ndjesije sensacionale që unë përjetova në 9 Nëntor 1985.

Në fakt si e solli historia ju tani politikisht jeni sërish përballë jo Anatoli Karpov i cili është një figurë sekondare politike sot në Rusi, përkrahës dhe deputet në Duma i Rusia Jonë që është padyshim partia më e madhe pro Putinit në parlament. Megjithatë ju e mundët Anatoli Karpov ishit vetëm 22 vjec në Moskë në 9 Nëntor 1985. A ka një raport mes Gary Kasparov dhe Anatoli Karpov sot?

Koha kalon dhe gjërat nuk mund të jenë të mprehta sic ishin në të shkuarën. Mund të them se marrdhëniet tona janë stabilizuar. Kur unë u arrestova në 2007-tën duke shpenzuar pak ditë në qelitë e Putinit, Karpov tentoi të më vizitonte duke treguar kështu solidaritet. Kjo për mua ishte një shenjë e madhe . Në 2010 unë e mbështeta Karpov kur kandidoi për president të Federatës Botërore të Shahut, duke shpenzuar shumë energji dhe kohë duke mbështetur përpjekjet e tij presidenciale. Por mbetemi shumë të ndryshëm.Anatoli Karpov sot është mbështetës i rregjimit është pjesë e tij sic edhe ishte 20 apo 30 vjet më parë. Ironikisht unë vijoj të jem kundështari i rregjimit . Unë besoj fort në këtë që bëj dhe këto përpjekje i shikoj si dicka me rëndësi të madhe. Jeta nuk është detyrimisht vetëm lojë shahu ku ti ose fiton ose humb.Duhet të bësh gjëra të cilat janë të drejta duke konsideruar se cfarë vjen prej tyre.

Gari Kasparov është një ndër të parët që paralajmëroi fenomenin e Putinizmit.Në 2006 ju formuat Frontin Civil të Bashkuar një organizatë që i kundërvihej shkeljes së të drejtave të njeriut nga Vladimir Putin. Ju jeni ende kryetar i këtij fronti dhe një prej liderve kryesor të opozitës ruse nëse mund të flitet që ka një opozitë në Rusi apo jo?

Nuk mund ta themi që ka një opozitë sot në Rusi sepse të gjithë ata të cilët kundërshtojnë rregjimin ose janë pas hekurave në azil. Putini ka totalisht kontrollin dhe ky nuk është një shtet ku lejohet opozitë. Ka vënd për diskutim nëse Rusia është një rregjim dictatorial apo rregjim totalitar apo po shkon drejt njën shteti monstër. Është e qartë pas zhvillimeve të fundit dhe nga ato cfarë Putini tashmë ka deklaruar e gjitha është një kopje e retorikave të Adolf Hitlerit. Kështu nën një klimë të tillë krijuar prej Putinit opozita nuk ekziston si një factor i pavarur politik. Prandaj shumica e kolegëve të mi janë të burgosur apo arrest shtëpije. Unë ndodhem jashtë Rusisë për gati 1 vit dhe nuk e shikoj të afërt rikthimin tim atje në të ardhmen.

Zoti Kasparov ju ishit ndër të parët në dhënien e alarmit që Vladimir Putin paraqiste. Megjithatë le të themi cfarë ju patë negative në Rusinë e 2007tës e cila në fakt dukej e rilindur krahasuar le të themi me të shkuarën e korruptuar me varfëri të madhe por edhe me imazhin e ulur të Rusisë që la Boris Jelcin….

-Është një histori e gjatë e cila nuk e ka piknisjen ne 2006 apo 2007 duhet të kthehemi në vitin 1991 atë kohë Bashkimi Sovjetik sikurse edhe vëndi juaj po zgjohej . Ne kishim pritshmëri të mëdha rreth të ardhmes dhe në Gusht 1991 kur revolucioni fitoi dhe statuja e themeluesit të KGBS Xherxhinnski u hoq nga sheshi qëndror i Moskës, askush nuk mund ta imagjinonte që 9 vite më pas një colonel i KGB-s të bëhej president i Rusisë.Mbase mund të thoni se ka disa kolonelë të KGB-s të cilët kanë punuar mirë por të gjitha zhvillimet kur ishte Jelcini janë tejet dëmtuese për demokracinë. Pasi gjatë kohës së Jelcinit pushteti u përqëndrua në duart e presidentit. Jelcini në 1993 përdori tanket kundra opozitës në një parlament i cili nuk ishte perfekt dhe në përbërje të tij kishte shumë komunistë dhe nacionalistë. Megjithatë kishte një far balance e cila u shkatërrua me forcën e tankevet. Kjo solli situatën kur fuqitë u përqëndruan tek presidenti . Jelcini nuk e përdori një fuqi të tillë në të njëjtën formë që po e përdor Vladimir Putini. Prapsitë e Putinit nisën me konfliktin në Ceceni. Shumë sulme të Cecenëve në qytetet rusi iu atribuan cecenëve në fakt ishin product i ish KGB-s. Pas ndërhyrjeve me simbolet kombëtare Putin iu vërsul televizionit shtetëror duke e vënë nën kontroll. Dëmet e Putinit nuk kishin të ndaluar. Iu vërsul edhe biznesmenit më të madh rus Kodorovski themelues dhe drejtues i një kompanie të suksesshme hidrokarburesh në botë. E burgosi. i izoloi të gjithë aleatët duke i konfisku7ar pronat të cilat iu dhanë njerzve të afërt të Putinit. Pra ishin një mori me veprime të cilat më bënë të mendoja se Putini në asnjë mënyrë nuk ishte i gatshëm të reduktonte pushtetin. Ne të gjithë e dimë se cfarë ndodh kur një person qëndron në pushtet për një kohë të gjatë. Fuqi e akumuluar prej tij ishte shumë e madhe dhe potencialisht tejet e rezikëshme për popullin tonë madhe edhe jashtë Rusisë. Fatkeqësisht disa njerëz që marrin vendime në Ëashington apo Bruksel u gënjyen nga manovra e pasjes së Medvjedevit si pauses . Për mua ishte mëse e qartë. Medvjedevi ishte thjesht një zero. Dikushi i vënë në atë post për 4 vjet e më pas të hapte rrugën për të vijuar Putini së paturi fuqi absolute për më gjatë. Shumë njerëzve ju desh kohë ta kuptonin atë që po ndodhte. Ndërsa mua për ta kuptuar më shërbyen disa factor kyc. Cdo dictator ka një periudhë të ngjashme e cila është një far ngritje e më pas mospasja e ideve. Ideja e vetme që i mbetet është se si të qëndroj në pushtet.E më pas nis të shikojë për armiqtë brënda e më pas ata jashtë duke krijuar një ushtri të fuqishme.Kjo po ndodh sot.

Gjatë viteve të ndryshëm ju i jeni referuar Vladimir Putinit me emra të ndryshëm.E keni quajtur shkelës të drejtave të njeriut, një përson që po risjell të shkuarën komuniste , autoritar, diktator dhe pas ngjarjeve në Krime ju keni shkuar në ekstrem në vlerësimin tuaj duke e krahasuar pothuajse fjalë për fjalë me Adolf Hitlerin. Nëse ju pyes sot si mund ta përshkruani Putinizmin? Pasi putinizmi ka ndikuar jo pak në vëndet ish komuniste me demokraci hibride.

Putinizmi është kombinim i shumë faktorëve pasi ju keni atje gjithcka duke nisur nga shteti që ndërtoj Musolini, nga oligarkia klasike, kemi një strukturë tipike mafioze që do të thotë besnikëri ndaj bosit, gjë e cila është kriteri suksesit. Aftësia e Putinit nëpërmjet putinizmit ishte kalimi nga një ideologji tek tjetra. Ai mund të prezantojë një platformë liberale për ekonominë , ai mund të prezantohet si një i majtë me ide populiste duke shpërndarë paratë apo nacionalist pra ai gjithmonë bën manovra. Me këto ai kërkon të qëndrojë sa më shumë në pushtet.Të tilla manorva përdoren për të arritur qëllime shumë të ngushta dhe tani hapsira sa vjen e ngushtohet. Prandaj aplikon një axhendë agresive i cili është socializmi i përzier me nacionalizëm. Prandaj nuk është surprizë që i përdor shumë citime nga Hitleri pasi fatkeqësisht axhenda e sotme e Putinit na kujton atë të Gjermanisë naziste. Shumë njerëz më thonë si është emundur pamvarisht të këqijave që mbart ky person ta krahasosh me Hitlerin që ishte një djallë i vërtetë. Dhe përgjigja ime ishte. Unë nuk flas për një Hitler nga librat e historisë pasi kur Hitleri nisi epokën e tij ai nuk u dukej njerëzve si një monstër pasi në 1936 ai ishte një lider legjitim i një vendi europian ndoshta radidal ndoshta pak radikal por askush nuk mendonte se ai do të ishte një diktator . Prandaj u them njerëzve ne duhet të mësojmë prej gabimeve të së shkuarës pasi Hitleri u kthye në një monstër falë neglizhencës të Botës e cila nuk i dha rëndësinë e duhur prandaj unë pata një postim në Tëitter në 20 shkurt dhe njerëzit nisën të qeshnin……

Cfarë duhet bërë? Hitleri u ndal nga një kundra sulm ushtarak të të gjitha forcave aleate që zgjati 5 vjet.Putini si mund të zgjatet? Ok, lufta është një opsion që sic thatë ju një luftë sot nuk do të jetë e njëjtë apo ajo e dytë botërore, pasi flasim për arsenale të fuqishme bërthamore dhe në këtë rast ndoshta vëmendja kthehet nga vetë rusët. A e kuptojnë ata se cfarë po ndodh apo ata në shumicë e mbështesin Vldimir Putinin?

Shiko, në 1938-tëen shumica përkrahte Hitlerin. Pra kishte një maxhorancë të rehatshme. Sot nëse bëhet një referendum në Damask, jam i sigurtë se 100% do të përkrahin Bashar Al Asad. Unë mendoj se nuk duhet të mbështetemi në sondazhet publike në një atmosferë 24 orë në 7 ditë propaganda qeveritare helmon mëndjet e njerëzve duke ia shpëlarë trurin.Në Rusi sot ska debat. Ka dy anë ose agresiv ose superagresiv. Nuk ka pikpamje të tjera në televizion pra 24 orë vetëm gënjeshtra. Është e pazakontë për kreun e shtetit Vladimir Putinin dhe enturazhin e tij të gënjejnë publikisht. Batareja e gënjeshtrave të thëna prej Vladimir Putin gjatë 3 javëve të fundit nuk mendoj se Hitleri në kohën e tij mund tja arrinte. Por ndryshe nga 60 apo 80 vite më parë nëse kreu shtetit do të gënjete ajo kalonte pa u vënë re. Sot kemi GPS, Tëitter dhe You Tube nga shikohet propaganda ruse e Vladimir Putin i cili gënjente në cdo deklaratë për Krimenë. Ata vijojnë të gënjejnë. Nuk u bëhet fare vonë.Ata besojnë se kjo është shenjë e një superioriteti pasi gënjejnë dhe nuk i gjen gjë prej gënjeshtrës.Mënyra e të komunikuarit me popullin rus duhet të jetë e tillë që ata ta kuptojnë cmin e të gjithë kësaj që po ndodh. Sot nuk na duhet të përdorim forcë ushtarake. Janë shumë mënyrë për të implementuar sanksione të forta. Europa mund ta bëjë këtë por problemi qëndron se fatkeqësisht në europë ka shumë para ruse. Kemi të bëjmë me interesa të mëdha të korporatave gjermane, bankave britanike. Askushi nuk pranon të sakrifiohet. Problemi qëndron tek ajo cfarë Putini beson. Dobësia e një bote të lirë. Ne duhet të veprojmë tani me zëvëndësimin e hidrokarbureve ruse nëpërmjet vëndeve të tjera.Nuk është e vështirë. Norvegjia e vetëme kompeson Europën me gazin rus. Pra duhet të punohet, për atë që ndodhi në Krime dhe kështu ndoshta kjo do ta frenojë Putinin nga të avancuarit drejt jugut dhe lindjes së Ukrainës. Ndoshta është shumë vonë sepse axhenda e tij është e mirëpërcaktuar pasi nuk njohu autoritet e reja atje dhe mund të shkoj më tej.

Në fakt skenari që ju jepni zoti Kasparov është i frikshëm pasi ju flisni për një Hitler me armë Bërthamore dhe kjo natyrisht e bën botën ku ne jetojmë sot një vend shumë të rrezikshëm…..

Nëse shikojmë të gjitha diktaturat Hitlerin apo Stalinin, Maon…tek ta ka disa zhvillime thënë ndryshe gurë kilometrik ku ka patur konflikt mes diktatorit dhe atyre afër tij. Prandaj diktatorët i zëvëndësojnë ata ndërkohë që elitat ndjehen në siklet prej tyre. Elita qeverisëse e Rusisë shpenzon qindra biliona dollarë jashtë vëndit. Sanksionet kundra këtyre njerëzve do të thotë humje shumash kolosale parash. Kjo do të jetë një këmbanë zgjimi për tu thënë atyre se duhet të gjejnë një mënyrë për ta larguar Putinin. Ose ti heqin suportin e tyre ati.Qeveria amerikane hodhi hapin e duhur në këtë drejtim por europa është e frikësuar ta bëj dicka të tillë. Është e thjeshtë. Ndiq ku është paraja. Goditi ku u dhëmb më shumë.Cështjet financiare janë vendimtare për njerëzit e rregjimit të Putinit. Kur unë dëgjoj se Rusia do të mbyllë rrubinetin e gazit unë them OK. Europa do të vuaj por kush do të paguaj për programet e Putinit në Rusi. Gazi dhe Nafta janë dy kontributorët kryesorë në buxhetin e Putinit. Duke treguar guxim ulet numri atyre që i shkojnë nga pas Putinit. Harrojeni Putinin. Kauza e tij është e humbur.Pra asnjë gjeneral se fiton luftën pa ushtarë. Ne duhet të godasim ata afër atij duke i dërguar një sinjal të qartë. Nëe pikpamjen time qeveritë perëndimore janë duke e bërë këtë por në mënyrë modeste.

Shqipëria ka pasur dhe ka shahistë shumë të mirë dhe para dy vitesh ka organizuar kampionatin botëror të shahut për femra.Sa informacion keni për shahun dhe Shqipërinë?

-E tek sa unë rritesha Shqipëria ishte një prej vëndeve më të mbyllura të Botës prandaj njohuritë e mija për vëndin tuaj ishin të limituara. Deri më tani për mua ishte një pikë e bardhë në hartën e europës të cilën nuk e kasha vizituar. Por ja ku jam.I kam ndjekur zhvillimet këtu sic ishte edhe kampionati botëror i femrave në shah apo aktivitetet e federatës shqiptare të shahut.Kam dijeni edhe për përpjekjet e futjes së shahut në sistemin arsimor gjë për të cilën jam i gatshëm të jam ndihmën tuaj.Kam patur rastin të takoja në Neë York kryeministrin tuaj Edi Rama. Biseduam dhe më pas i dërgova një leër ministrisë së arsimit. Kështu mendova të vija vetë në Shqipëri dhe kjo përkon gjithashtu me fushatën time globale pasi jam kandidat për president të federatës botërore të shahut. Jam duke kërkuar përkerahjen e vëndeve mike dhe në të njëjtën kohë axhenda ime është e ndërthurur me takime me autoritet tek të cilat pash gadishmërinë për të implementuar shahun në edukim.

[G.S.Vangjeli]

Ky pse nuk shkon të bëjë ndonjë lojë..... u marrka dhe me politikë!!!!!

Por të mos jem i keq...., mirë bën që flet ai, keq bëjmë ne që i marrim seriozisht ato që thotë Kasparovi.

Luftëtari i lirisë...!!

Ai edhe Berisha janë shpëtimtarët e lirisë edhe të demokracisë.....!!

Nuk venë në....... djall, u mërzitëm nga shpëtimtarët e hendekosur

[NIKOLA TESLA]

I pa besueshem, sepse deri dje pikerisht ky individ i thuri lavde komunizmit, dhe pikerisht talentin ja perkrahu komunizmi. Nuk eshte aspak i besueshem. Ore duhet rini jo ky brez i shtrydhur. Gari ishe ok, po tashme nuk ke çjep as ne fushen e shahut sepse ka zogj te rinj qe te bejne spektakel.
Merr shembull nga Mikail Kalashnikov qe e mbylli jeten e tij si nje burre dhe kurre nuk e ofendoi Rusine. Idealistet jane njerezit me te ndershem.

[Xhuxhumaku]

E ke gabim o niko,

Ishte karpovi ai qe ka mbrojtje komunizmin.

Kasparovi, gjithnji ka qene kunder.

[ATMAN]

Shtetet e bashkuara te Amerikes dhe Bashkimi Europian thone qe kemi dhunuar te drejten nderkombetare

me mire vone se kurre

Krimea ka qene Rusi kur manhatan i perkiste akoma indianeve autokton te amerikes

(Vladimir Putin)

[Xhuxhumaku]

Krimeja, ka qene toke nen venedikun, e pushtuar deri ne shek e XIX, nga osmanet.

Stalini, I zhvendosi, ne stepa tartaret, dhe I zevendesoi me ruse.

[ATMAN]

Vetem 9 vende kane nje banke qendrore qe nuk i perket Rothschild,keto vende jane Kina Rusia Irani Venezuela Hungaria Siria Kuba Islanda dhe Korea veriut
tre nga keto vende kane edhe rrezervat me te medha ne bote te gazit naftes dhe qymyrit keto vende jane Rusia Irani dhe Venezuela

[iliria e para]

Eh sa toka ishin te dikuj tjeter, dhe sot nuk jane. Putini dhe Erdogani kan shume ngjashmeri me njeri tjetrin. Metodat i kan pothuaj se identike ( brutale).

Me neve si qenje nuk eshte veshtire te manipulohet. Truni eshte i tille.Psh. ky Putini nuk u jep te drejten ne referendum çeçeneve, kareleve... As kurdet nuk i pyet kush se me ke duen. Ketu mund te hyjne edhe shume e shume kombe tjera... Drejtesi ne kte bote nuk ka.

[Xhuxhumaku]

KGB-ist,

Ca prisni ndonji gje te mire prej ktij.

Eshte njesoj sikur Kadri Hazbiu te udhehiqte Shqiprine tani.

Si do ishte?

[NIKOLA TESLA]

KGB-ist,

Ca prisni ndonji gje te mire prej ktij.

Eshte njesoj sikur Kadri Hazbiu te udhehiqte Shqiprine tani.

Si do ishte?

Pa me thuaj mua kush nga keta qe jane sot ne politike nuk eshte ne nje forme apo ne tjetren lidhur me ish nomenklaturen komuniste?
Vjen nje dite kur revolucione si tetori kuq shembin nje pale e ngrejne ngadale nje lloj te ri diktature, dmth kur mbushet kupa turma shfryhet, dhe presin te rimbushet serish kupa me neodiktaturen e instaluar qe te rifilloje nga e para.