Kuriozitete te ndryshme.

[AlbaneZ]

10 aksidentet më të kushtueshme në histori.

1.Chernobyl, 200 miliardë dollarë

Në 26 prill të 1986-ës, bota pa aksidentin më të kushtueshëm të historisë. Tragjedia e Chernobyl është quajtur katastrofa më e madhe social-ekonomike në histori. 50% e sipërfaqes së Ukrainës është në një fare mënyre e pabanueshme. Mbi 200,000 persona u detyruan të iknin nga shtëpitë e tyre dhe të gjenin të tjera, ndërkohë 1.7 milion veta u preken direkt nga fatkeqësia.

Numri i vdekjeve i lidhur me këtë tragjedi u përfshirë njerëzit e vdekur me kancer vite me vone arrin 125.000. Çmimi total për pastrim, dhe kompensimi i viktimave është llogaritur të jetë 200 miliardë dollarë. Çmimi i një mburoje prej çeliku për centralin bërthamor të Chernobyl kushton 2 miliardë dollarë. Faji për aksidentin iu ngarkua punëtoreve të centralit, të cilët vepruan kundër procedurave të centralit dhe ishin injorant ndaj kërkesave të sigurisë.

2- Space Shuttle, Columbia, 13 miliardë dollarë

Anija kozmike “Columbia” ishte e para shuttle e vlefshme ne grupin e anijeve te NASA. Ajo u prish gjatë një hyrje mbi Teksas në 1 shkurt të 2003-ës, pasi një vrimë ishte formuar në një nga krahët gjatë nisjes 16 ditë përpara. Çmimi origjinal i anijes shkonte 2 miliardë dollarë në 1978-ën. Ajo është e barabartë me 6.3 miliardë dollare në ditët e sotme. Në fund, çmimi total i aksidentit (për përfshirë zëvendësimin e anijes) arriti në 13 miliardë dollarë.

3- Prestige Oil Spil, 12 miliardë dollarë

Në 13 nëntor 2002, naftëmbajtësja “Prestige” mbante 77 000 ton naftë të rendë kur një nga 12 depozitat e saj u dëmtua gjatë një furtune në Galicia, Spanjë. Nga frika se anija do të mërmbytje, kapiteni kërkoi ndihmë skuadrën e shpëtimit Spanjoll, duke menduar që do ta merrnin anijen në port. Por, presioni nga autoritetet vendase detyruan kapitenin të largohej nga bregu.

Kapiteni u mundua të kërkonte ndihmë nga autoritetet franceze dhe ato portugeze, por dhe ato e detyruan të largohej nge brigjet e tyre. Për shkak të furtunës anija nuk mund të qëndronte më dhe u nda në dysh duke lëshuar në det më shumë se 20 milionë litra nafte. Çmimi i pastrimit total shkoi në $12 miliardë dollarë.

4- Shpërthimi “Challenger”, 5.5 miliardë dollarë

Anija kozmike “Challenger” u prish 73 sekonda pas nisjes në 28 janar 1986. Ajo falimentoi të mbyllte një nga lidhjet, duke lejuar gazin nën presion të dilte jashtë anijes. Kjo shkaktoi depozitën e jashtme të hidhte mbushjen me hidrogjen të lëngshëm, duke shkaktuar një shpërthim të madh.

Çmimi për të zëvendesuar anijen kozmike “Space Shuttle” ishte 2 miliardë dollarë në 1986 ($4.5 miliardë me kursin e sotëm). 1 miliard dollar me kursin aktual u shpenzuan për të gjetur dhe korrigjuar gabimin.

5- Platforma e naftës “Piper Alpha”, 3.4 miliardë dollarë

Në një kohë ajo ishte prodhuesi i naftës i vetëm më i madh në botë duke prodhuar 317 mijë fuçi naftë në ditë. Në 6 korrik të 1988-ës, si pjesë e mirëmbajtjes së përhershme, teknicienët hoqën dhe verifikuan funksionimin e saktë të valvulave të sigurisë, të cilat ishin të nevojshme për të parandaluar formimin e gazrave të lëngshëm. Ishin 100 valvula të njëjta të cilat u verifikuan.

Fatkeqësisht, teknicienët bënë një gabim dhe harruan të zëvendësojnë njërën prej tyre. Në orën 10:00 pasdite të , një teknik shtypi një buton “Start” për pompat e gazit të lëngshëm dhe kështu filloi aksidenti më i madh ndodhur në një platforme nafte. Brenda 2 orësh, platforma e gjatë 300 këmbë u përfshi në flakë. Pas një kohe të shkurtër ajo ra duke vrare 167 punëtorë dhe 3.4 miliardë dollarë deme.

6- Exxon Valde, 2.5 miliardë dollarë

Dalja e naftës në Exxon Valdez nuk qe e madhe duke konsideruar më të mëdhaja në botë, por ishte shumë e shtrenjtë për shkak të vendndodhjes shumë të vështirë dhe të largët të Prince William Sound (ku mund të shkohet vetëm me helikopter ose varkë). Në 24 mars të 1989-ën, 10.8 milionë litra nafte doli nga anija kur kapiteni i anijes humbi kontrollin, dhe anija u përplas me një njësi korali. Pastrimi i kushtoi.

7. Spirit 1.4 miliardë dollarë

Ky është aksidenti i parë prej 1 miliard dollarë dhe jemi vetëm në vendin e 7-të. Ky bombardues, B-2 Spirit Stealth u rrëzua shumë pak nga nisja nga një bazë në Guam, në 23 shkurt 2008-ës. Investigatorët ia vunë fajin informacionit të ndryshuar në kompjuterët e kontrollit të fluturimit për shkak të lagështirës në sistem. Kjo përfundoi në një ngritje të menjëhershme të avionit, i cili shkaktoi një humbje kontrolli nga ana e pilotit dhe në fund përplasjen. Ky avion është 1 nga 25 të tillë të ndërtuar ndonjëherë dhe është aksidenti më i shtrenjte në historinë e aviacionit. Të dy pilotët ishin në gjendje të dilnin përpara se avioni të rrëzohej.

8. MetroLink, 500 milionë dollarë

Në 12 shtator të 2008-ës, në çfarë ishte një nga përplasjet e trenave më të mëdha në historinë e Kalifornisë, 25 njerëz vdiqen kur një tren, “Metrolinku” u përplas ballpërball me një tren mallrash “Union Pacific” në Los Angeles. Mendohet se treni “Metrolink” mund të ketë vazhduar të ecë me semafor të kuq, ndërkohë që shoferi ishte i zënë duke shkruar mesazh. Padi kundër kompanisë “Metrolink” supozohettë ketë kushtuar 500 milonë në krah të kompanisë.

9. Autobot kundër një Urë, 358 milionë dollarë

Në 26 gusht të 2004-ës, një makinë u përplas me një. Kamioni mbante 32,000 litra karburant në Urën Ëiehltal Bridge në Gjermani. Autoboti u përplas me hekurin anësorë të urës dhe ra 90 këmbë nga autostrada A4, duke përfunduar kështu në një shpërthim dhe flakë që prishën aftësinë e urës për të mbajtur pesha të rënda. Rregullime të menjëhershme kushtuan 40 milionë dollarë, shuma totale për të zëvendësuar urën supozohet të jetë rreth 318 milionë.

10. Titaniku, 150 milionë dollarë

Me siguri keni pyetur se ku është Titaniku. Ky është ndoshta aksidenti më i famshëm në botë. Por ndodhet në fund të listës së 10 aksidenteve më të kushtueshme.

Në 15 prill 1912-ës, Titaniku u mbyt dhe u konsideronte që të ishte anija më luksoze e ndërtuar ndonjëherë. Mbi 1 500 vete humben jetën kur anija shkoi përballë një ajsbergu dhe u zhyt në ujëra të akullta. Çmimi i anijes ishte 7 milionë për t’u ndërtuar.

[AlbaneZ]

Loja me e gjate e pokerit thuhet se ka vazhduar pa nderprerje per 8 vjet, 5 muaj dhe 3 dite. Ajo u zhvillua ne Tombstome, Arizona, Sh.B.A ne nje tavoline ne Teatrin "Bird Cage". Teatri u mbyll ne vitin 1889, por sot tavolina e pokerit qendron ende ashtu sic u la ne fund te lojes.

[AlbaneZ]

Telefonatë “nga varri”

Një nënë mbeti e shokuar, kur mori një telefonatë nga i biri i saj, një muaji pasi ai kishte ndërruar jetë.

35-vjeçari Gilsimar de Souza, u shpall i vdekur pasi e ëma dhe një teze e tij identifikuan trupin e pajetë, në një morg të Uberabës, një qytet në juglindje të Brazilit.I riu ishte përplasur nga një mjet ndërsa kalonte një rrugë dhe pas identifikimit, familjarët varrosën trupin e pajetë me nderimet përkatëse në varrezën e qytetit.Megjithatë, ajo që do të raportonte të premten shtypi brazilian, i kalon kufijtë e të pabesueshmes.I vdekuri telefonoi gjatës javës nënën e tij, për t’i dhënë që ishte mirë dhe që nuk duhet të merakosej. E tmerruar, nënës i ra të fikët dhe nuk mundi të lëvizte për disa orë, ndërsa trupi iu përshkrua nga të dridhura të pakontrolluara si reagim i nje spasme nervore.Më vonë, u vërtetua se Gilsimar, në fakt nuk kishte vdekur, por ishte futur në një klinikë rehabilitimi, për të luftuar varësinë e tij nga droga dhe për këtë arsye, nuk kishte pasur mundësi të vihej në kontakt me familjen më parë.Personi i identifikuar dhe varrosur mes dhimbjes nga familjarët e de Souzës, mbetet i paidentifikuar.

Ndikuar nga dëmtimet e pësuara nga aksidenti dhe mbase tronditja e momentit, si nëna, ashtu dhe tezja, kishin identifikuar gabimisht në morg “të birin”.

[AlbaneZ]

Plazhi më i çuditshëm në botë: ujë i kripur, rërë, madje edhe dallgë, në mes të lëndinës.

Ky është plazhi më i çuditshëm që mund të keni parë ndonjëherë. Ka ujë të kripur kristal i pastër, rërë të bardhë, madje edhe dallgë, dhe është ‘hedhur tutje’ në një lëndinë të gjelbër. Plazhi i Gulpiyuri është një skutë jashtëzakonisht e këndshme e bregdetit, afër qytetit të Llanes, në veri të Spanjës, i cili të mahnit për ujin shumë të pastër, rërën e bardhe e të imët dhe qetësinë e jashtëzakonshme të një ‘ishulli’ të çuditshëm.Çuditërisht, në sipërfaqen e vogël të ujit, që duket sikur ka ngecur në atë vend, krijohen edhe valë, njësoj si në një det të hapur, çka e bën edhe më magjike eksperiencën që mund të përjetohet, edhe pse temperaturat e ujit mund te jenë të ftohta. Miniplazhi ushqehet me ujë të kripur nga Gjiri i Biscay, në detin Cantabrian. Gjatë miliona vjetëve, valët kanë gërryer një seri tunelesh nën shkëmbinjtë që e lidhin këtë parajsë të vogël tokësore me plazhin. Gulpiyuri fshihet pas disa kodrave të ulëta, rreth 100 metra larg nga deti. Pavarësisht se vendi është i fshehur dhe i vështirë për t’u gjetur, ai është kthyer tashmë në një Mekë për turistët e huaj.

[AlbaneZ]

Autostrada e zhdukjes së vajzave “Autostrada e lotëve”

Me emrin “autostrada e lotëve”, një rrugë në Kanada rrezikon të hyjë në histori si një prej më të rrezikshmeve dhe misteriozeve në botë, pasi më shumë se 50 gra janë zhdukur duke udhëtuar në të në 30 vitet e fundit.Sipas të gjitha gjasave, në autostradën numër 16, që përshkron rrugën nga Princi Xhorxh në Princ Rupert, në Kolumbian Britanike, fshihet një vrasës serial, i vendosur në gjuetinë e grave të reja.Pavarësisht hetimeve të shumta që janë bërë për këto zhdukje enigmatike, policia nuk ka arritur kurrë të identifikojë një të dyshuar.Së fundmi, 20-vjeçarja Madison Scott humbi në rrugën famëkeqe në datën 28 maj 2011, pasi ishte pjesëmarrëse në një festë.Policia arriti të lokalizonte mjetin e saj në një zonë pyjore, por asnjë shenjë nga Scott nuk u identifikua dhe asnjë informatë nuk ka qarkulluar, ndonëse është ofruar një shpërblim prej 100 mijë dollarësh për këtë.Zyrtarisht, për policinë kanë humbur në këtë rrugë 18 vajza në pothuajse tre dekada, por banorët vendas janë në gjendje të identifikojnë të paktën 43 raste.Sipas hetimeve, të paktët tetë rrëmbime dhe zhdukje kanë qenë identikë dhe kjo bën të besohet se është dora e një individi të vetëm.

[AlbaneZ]

Lë garën për të ndihmuar rivalen.

Një 17-vjeçare fitoi vëmendje kombëtare në Shtetet e Bashkuara të Amerikës, pasi ajo vendosi të ndërpriste një garë atletike, për t’i ardhur në ndihmë një konkurrenteje në vështirësi.Meghan Vogel, gjimnaziste në Ohajo, ishte pjesëmarrëse në një garë kombëtare të 3 200 metrave për femra, në një disiplinë ku sfidohej nga bashkëmoshatare të tjera.Në xhiron e fundit të garës, Vogel ndodhej në pozicionin e fundit, kur Arden McMath, një rivale nga një gjimnaz në Arlington, e sfilitur nisi të ngadalësonte hapin dhe për pak të rrëzohej në pistë nga stërmundimi.Në atë që është vlerësuar nga mediat amerikane si një gjest i rrallë sportiviteti, Vogel i hodhi krahun në mes dhe nisi të shoqëronte me ecje konkurrenten drejt finishin, në vend që të parakalonte dhe të vazhdonte garën e saj deri në fund.

Video e ngjarjes në “youtube” fitoi brenda orëve të para pas publikimit me qindra mijëra klikime, ndërsa e reja që ndihmoi kundërshtaren u përball papritmas me një famë që errësoi edhe emrin e fitueses së garës.

[AlbaneZ]

Frojdi kishte të drejtë, ndjenjat e fajit shkaktojnë depresion.

Skanimet e trurit tregojnë se teoria e ngritur nga Zigmund Frojdi, i cili beson se ndjenjat e fajit luajnë një rol të madh në formimin e depresionit, janë të vërteta.Në një prej shkrimeve të tij të famshme, Frojdi pretendoi se depresioni karakterizohet nga ndjenja e fajit ndaj të tjerëve ose vetëfajësimi për gjendje të caktuara dhe se kjo është pika që e ndryshon më shumë depresionin nga gjendja e zakonshme e trishtimit.Një studim i Universitetit të Mançesterit, në Britaninë e Madhe, u përqendrua në skanimin e trurit të personave që kishin vuajtur më parë ose vuanin nga depresioni.Në mënyrë të habitshme, u verifikua se skanimi i njerëzve në depresion nga ata që nuk kishin përjetuar asnjëherë probleme të tilla tregonte se ndryshimi më i madh ndodhte pikërisht në sferat e trurit të lidhura me ndjenjën e fajit dhe me pranimin shoqëror nga të tjerët.Studimi, i publikuar në gazetën e përmuajshme të “Psikiatrisë së Përgjithshme” përbën provën e parë se mekanizmat e përshkruar nga Frojdi gjatë vëzhgimeve të tij klasike janë të sakta.Një prej udhëheqësve kryesorë të studimit, doktori Roland Zahn, u shpreh: “Kërkimi ynë përkon me ato mekanizma të trurit të përshkruara nga Frojdi pas vëzhgimeve të tij. Sipas Frojdit, depresioni ishte një ekzagjerim i ndienjave të vetfajësisë dhe për herë të parë, skanimi i trurit tregon se është pikërisht zona e lidhur me ndjenjat e fajit ajo që ndryshon nga truri i një njeriu të prekur nga depresioni, prej një tjetri. Personat që kanë një ndjenjë përkatësie më të dobët ndaj shoqërisë dhe që në lobin e tyre të përparmë, ku ndodhet sfera në fjalë, nuk e kanë të fuqishëm ndienjën e përshtatjes më shoqërinë, bien shumë më rrallë pre e depresionit”.

[Elonesaa]

........Se di nese i takon temes ama mu dok shum intresante

[Elonesaa]

Një djalë 12-vjeçar me një bisht në kurriz konsiderohet si një Zot në Indi. Ai ka ndjekës të cilët kur vizitojnë shtëpinë e tij lënë para’ ose dhurata në këmbim të bekimit.(topchannel)



Megjithate budallakia ska fund....-A-A-A

Mua me dhimbset ky djali per kete deformim trupor...e me shum indianet qe asnjehere nuk bejne perpjekeje per tu civilizuar...duket se e duan shum jeten primitive....

[AlbaneZ]

........Se di nese i takon temes ama mu dok shum intresante

Te kthesh koken anash cfare ndodh ?!