AKZ dhe K.Spahiu rrezik per Kishen Orthodhokse

[ilia spiro]

Pas intervistes se Kreshnik Spahiut ne Top-Chanel, pervec shume ideve raciste e fashiste, u hodh indirekt, ideja e largimit te Kryepiskopit Anastas nga vendi i tij, nese ky njeri dhe shoket e tij vijne ne pushtet dhe promovimi i nikolla markut ne kete pozicion, duke kryer ne kete menyre nje shkelje kushtetuese dhe nderhyrje te paskrupullt ne komunitetet fetare...
E hap kete teme per diskutim vetem per ate qe eshte i deklaruar orthodhoks, ku per mendimin tim, KOASH-i duhet te beje menjehere denoncim ne Prokurori per kete person dhe te sinjalizoje qeverine, paralamentin dhe organizmat nderkombetare,..
Komuniteti orthodhoks eshte i rrezikuar,...

[I KTHYERI]

Unë besoj se Shqipëria nuk ka nevojë për Spahinj (gradë ushtarake Osmane), dhe aq më tepër njerëz aventurjerë që duan të shkatërrojnë çdo gjë Orthodhokse. Ata nuk i shqetëson fare se kush është në krye të Kishës Orthodhokse, as se kush do të jetë, por cili do të jetë ai që do të do ta shkatërrojë Kishën dhe të mbajë ison e këtyre aventurierëve. Gjithnjë e më shumë po kuptoj se Niçe ka pasur të drejtë kur tha se: "Nacionalizmi është streha e fundit e maskarenjve".

[ilia spiro]

Jam dakord me ty I KTHYER, por shqetesimi im eshte institucional, dhe ka te beje me reagimin ligjor te KOASH-it,.pra nuk mund te mbetemi vetem ne rrafshin e deklaratave, pasi kercenimi eshte i hapur,..., duhet pra padi ne PROKURORI, pervec, sensibilizimit qeveritar dhe parlamentar dhe deri nderkombetar..., per rrezikun ne te cilen ndodhet KOASH-i, nga fashisto-racistet...

[ilia spiro]

LIGJ
Nr.10 057, datë 22.1.2009

PËR RATIFIKIMIN E "MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KISHËS ORTODOKSE AUTOQEFALE TË SHQIPËRISË PËR RREGULLIMIN E MARRËDHËNIEVE TË NDËRSJELLA"

Në mbështetje të neneve 10 pika 5, 78 dhe 83 pika 1 të Kushtetutës, me propozimin e Këshillit të Ministrave,

KUVENDI I
REPUBLIKËS SË SHQIPËRISË

VENDOSI:

Neni 1

Ratifikohet "Marrëveshja ndërmjet Këshillit të Ministrave të Republikës së Shqipërisë dhe Kishës Ortodokse Autoqefale të Shqipërisë për rregullimin e marrëdhënieve të ndërsjella", sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6033, datë 29.1.2009 të Presidentit të Republikës së Shqipërisë, Bamir Topi

MARRËVESHJE
NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KISHËS ORTODOKSE AUTOQEFALE TË SHQIPËRISË PËR RREGULLIMIN E MARRËDHËNIEVE TË NDËRSJELLA

Këshilli i Ministrave i Republikës së Shqipërisë dhe Kisha Ortodokse Autoqefale e Shqipërisë, bazuar në parimet e lirisë së ndërgjegjes dhe të besimit fetar, të sanksionuara e garantuara në nenet 10 e 24 të Kushtetutës së Republikës së Shqipërisë, në marrëveshjet ndërkombëtare të ratifikuara me ligj, si dhe në ligjet e tjera në fuqi (më poshtë sipas rastit do të citohen Kushtetuta, ligjet dhe/ose legjislacioni në fuqi), lidhin marrëveshjen si më poshtë (më poshtë do të citohet "Marrëveshja").

KREU I
DISPOZITA TË PËRGJITHSHME

Neni 1
Objekti

Kjo Marrëveshje rregullon çështjet e marrëdhënieve dhe të bashkëpunimit midis Shtetit Shqiptar, dhe Kishës Ortodokse Autoqefale të Shqipërisë, në të mirë të secilit dhe të të gjithëve, mbi bazën e parimeve kushtetuese që garantojnë lirinë e shfaqjes dhe të ushtrimit të besimit fetar, si dhe të dëshirës së përbashkët për të forcuar dhe zhvilluar marrëdhëniet e ndërsjella.

Neni 2
Kuptimi

Kisha Ortodokse Autoqefale e Shqipërisë e kupton dhe e shpreh vetveten ashtu siç përcaktohet në nenin 1 të statutit të saj.

Neni 3
Qëllimi

Qëllimi i kësaj Marrëveshjeje është:
a) të garantojë realizimin e të drejtave të sanksionuara nga Kushtetuta dhe ligjet në fuqi në lidhje me lirinë e ndërgjegjes dhe të fesë;
b) të njohë e të garantojë respektimin e të drejtave të Kishës Ortodokse Autoqefale të Shqipërisë, të institucioneve dhe strukturave të saj, si dhe të personave juridikë të themeluar prej tyre, për të zhvilluar lirisht misionin e tyre fetar, edukativ e bamirës;
c) të njohë dhe të garantojë paprekshmërinë e institucioneve të kultit, për aq sa veprimtaria e tyre nuk vjen në kundërshtim me ushtrimin e lirisë së ndërgjegjes dhe të fesë, si dhe me Kushtetutën e ligjet në fuqi dhe me kanonet dhe traditën e shenjtë të Kishës Ortodokse Autoqefale të Shqipërisë;
d) të garantojë lirinë e individit për të zgjedhur ose ndryshuar fenë, për ta shfaqur atë individualisht ose kolektivisht në institucionet fetare, ose jashtë tyre, nëpërmjet kultit, arsimimit, praktikave ose kryerjes së riteve fetare;
e) të sigurojë lirinë e individit për të mos ndaluar dhe as detyruar të bëjë pjesë në një bashkësi fetare, ose të marrë pjesë në praktikat, ritet dhe në strukturat drejtuese të saj.
Me anë të kësaj Marrëveshjeje, palët angazhohen në sigurimin e lirisë së mendimit, të ndërgjegjes dhe të fesë. Kjo liri nuk mund të bëhet objekt i kufizimeve të tjera nga ato që, të parashikuara me ligj, përbëjnë masat e nevojshme në një shoqëri demokratike, për sigurimin publik, për mbrojtjen e rendit, të shtetit, të shëndetit e moralit publik, ose për mbrojtjen e të drejtave dhe të lirive të të tjerëve.

Neni 4
Zbatimi i Marrëveshjes

1. Kjo Marrëveshje i shtrin efektet mbi të gjitha organet dhe institucionet shtetërore që kanë të bëjnë me fenë, me Kishën Ortodokse Autoqefale të Shqipërisë, si dhe me institucionet dhe personat juridikë të themeluar prej saj.
2. Individët ose grupimet e tyre, përfitojnë nga të drejtat e parashikuara nga kjo Marrëveshje, kur marrin pjesë në Kishën Ortodokse Autoqefale të Shqipërisë ose në praktikat e saj.

Neni 5
Parime të përgjithshme

1. Shteti respekton Kishën Ortodokse Autoqefale të Shqipërisë dhe njeh si përfaqësues të saj vetëm personat e autorizuar nga Sinodi i Shenjtë i kësaj Kishe dhe garanton mbrojtjen e Kishës Ortodokse Autoqefale të Shqipërisë nga çdo person ose grup që pretendon emrin, objektet e kultit, pronat, simbolet ose vulën e saj.
2. Kisha Ortodokse Autoqefale e Shqipërisë ka të drejtë të organizohet dhe të realizojë misionin e saj në mënyrë të pavarur nga shteti, duke respektuar parimin e laicitetit të shtetit, Kushtetutën dhe ligjet në fuqi dhe kanonet e traditën e shenjtë të Kishës Ortodokse. Shteti mbron bashkëjetesën fetare.

Neni 6
Bashkërendimi me organet shtetërore

Në marrëdhëniet e ndërsjella me Kishën Ortodokse Autoqefale të Shqipërisë, shteti përfaqësohet nga Komiteti Shtetëror për Kultet. Kisha bashkëpunon me Komitetin për mundësimin dhe realizimin e një komun ikimi aktiv me organet dhe institucionet shtetërore.

KREU II
ORGANIZIMI DHE PERSONALITETI JURIDIK I KISHËS ORTODOKSE AUTOQEFALE TË SHQIPËRISË

Neni 7
Kisha Ortodokse Autoqefale e Shqipërisë dhe personat juridikë

1. Shteti njeh dhe respekton personalitetin juridik të Kishës Ortodokse Autoqefale të Shqipërisë, si dhe të gjitha veprimet e deritanishme të kryera prej saj për aq sa ato nuk vijnë në kundërshtim me Kushtetutën dhe legjislacionin.
2. Themelimi, struktura, organizimi, objekti i veprimtarisë, administrimi, rregullimi dhe mbarimi i Kishës Ortodokse Autoqefale të Shqipërisë, si person juridik, realizohet në përputhje me legjislacionin në fuqi, me këtë Marrëveshje dhe me kanonet dhe traditën e shenjtë të Kishës Ortodokse.
3. Shteti i njeh Kishës Ortodokse Autoqefale të Shqipërisë të drejtën për të krijuar institucione e struktura me karakter fetar ose jofetar, të cilat e sigurojnë statusin e personit juridik, në përputhje me legjislacionin në fuqi.
4. Institucionet dhe strukturat e krijuara nga Kisha Ortodokse Autoqefale e Shqipërisë mund të ushtrojnë çdo lloj veprimtarie shoqërore, arsimore, shëndetësore e ekonomike, në përputhje me rregullat e saj, si dhe me legjislacionin në fuqi, që rregullon ndërmjet të tjerave edhe pajisjen me licenca dhe lejet përkatëse.
5. Kisha Ortodokse Autoqefale e Shqipërisë, me vullnetin e saj të lirë, mund të krijojë bashkime fetare, nëpërmjet bashkimit të dy ose më shumë bashkësive, me qëllim që të realizohen synimet e përbashkëta. Këto bashkime, edhe nëse nuk regjistrohen si persona juridikë, njihen nga shteti pas depozitimit të aktmarrëveshjes për krijimin e tyre, në Komitetin Shtetëror për Kultet.
6. Kisha Ortodokse Autoqefale e Shqipërisë, si dhe organizatat e tjera që krijon për ushtrimin e veprimtarisë së saj, në të gjitha format e ligjshme të organizimit të tyre, janë persona juridikë jofitimprurës.

Neni 8
Personaliteti juridik i Kishës Ortodokse Autoqefale të Shqipërisë

1. Kisha Ortodokse Autoqefale e Shqipërisë, e rinjohur dhe rikonfirmuar nga shteti shqiptar, regjistrohet si e tillë me vendim të Gjykatës së Rrethit Gjyqësor Tiranë dhe i njihen të gjitha veprimet e mëparshme. Për regjistrimin e saj Kisha Ortodokse Autoqefale e Shqipërisë do të paraqesë dokumentet e mëposhtme:
a) Kërkesën për regjistrimin e personit juridik, paraqitur nga përfaqësuesi ligjor i Kishës Ortodokse Autoqefale të Shqipërisë (Kryepeshkopi i Tiranës, Durrësit dhe i gjithë Shqipërisë).
b) Statutin e Kishës Ortodokse Autoqefale të Shqipërisë.
2. Gjykata e Rrethit Gjyqësor Tiranë, brenda 30 ditëve nga data e paraqitjes së kërkesës, të shoqëruar me dokumentet e sipërpërmendura, bën njohjen e personit juridik dhe regjistrimin e tij, nëpërmjet vendimit përkatës.

Neni 9
Afati dhe territori i veprimtarisë së personave juridikë të Kishës Ortodokse Autoqefale të Shqipërisë

Kisha Ortodokse Autoqefale e Shqipërisë dhe personat juridikë të krijuar prej saj, mund ta ushtrojnë veprimtarinë e tyre me afat të pakufizuar, në një pjesë ose në të gjithë territorin e Republikës së Shqipërisë, sipas përzgjedhjes së vetë Kishës Ortodokse Autoqefale të Shqipërisë.

Neni 10
Parimet e organizimit dhe të veprimtarisë së Kishës Ortodokse Autoqefale të Shqipërisë

1. Palët angazhohen për respektimin e parimeve kushtetuese mbi të cilat ndërtohet kjo Marrëveshje dhe do të punojnë së bashku për zbatimin e legjislacionit shqiptar në fuqi.
2. Shteti respekton pavarësinë e Kishës Ortodokse Autoqefale të Shqipërisë për t'u organizuar e ushtruar veprimtarinë e saj, si dhe për të administruar pasuritë që zotëron, në bazë të parimeve, rregullave, traditave, kanoneve dhe statutit të saj.
3. Kisha Ortodokse Autoqefale e Shqipërisë respekton interesat kombëtarë dhe bashkëjetesën e tolerancën fetare në Shqipëri.

Neni 11
Organizimi i Kishës Ortodokse Autoqefale të Shqipërisë

1. Në marrëdhëniet me organet, institucionet dhe organizatat e tjera laike e fetare, brenda dhe jashtë vendit, besimtarët e Kishës Ortodokse Autoqefale të Shqipërisë përfaqësohen nga organet, funksionarët dhe drejtuesit e formuar, të emëruar a zgjedhur në përputhje me statutin.
2. Kisha Ortodokse Autoqefale e Shqipërisë ka të drejtë të formojë organet e saj, të emërojë funksionarët dhe drejtuesit në mënyrë të pavarur, në përputhje me dispozitat e parashikuara në statutin e saj. Titullari i Kishës Ortodokse Autoqefale të Shqipërisë caktohet sipas procedurave dhe kritereve të parashikuara në statutin e saj.
3. Kisha Ortodokse Autoqefale e Shqipërisë njofton Komitetin Shtetëror për Kultet për emërimin e titullarit të saj.
4. Funksionarëve, drejtuesve dhe organeve të Kishës Ortodokse Autoqefale të Shqipërisë u garantohet liri e plotë e ushtrimit të veprimtarisë fetare, organizative e administrative, në përputhje me aktet e Kishës, por aq sa kjo veprimtari nuk vjen si kundërshtim me rendin kushtetues dhe ligjor.

Neni 12
Marrëdhëniet me bashkësitë e huaja fetare

1. Kisha Ortodokse Autoqefale e Shqipërisë ka të d rejtë të krijojë dhe të mbajë kontakte me bashkësi fetare të një vendi tjetër ose ndërkombëtare, të marrë pjesë në veprimtaritë e tyre fetare e bamirëse, për aq sa këto kontakte nuk bien ndesh me rendin e brendshëm kushtetues.
2. Kisha Ortodokse Autoqefale e Shqipërisë ka të drejtë të përfitojë mbështetje financiare dhe/ose materiale nga entitete dhe/ose individë të huaj, për aq sa kjo mbështetje nuk bie ndesh me këtë Marrëveshje dhe me legjislacionin në fuqi.

KREU III
STATUSI JURIDIK DHE FINANCIAR

Neni 13
Mbështetja financiare ose materiale shtetërore

1. Shteti shqiptar mund t'i japë Kishës Ortodokse Autoqefale të Shqipërisë, apo subjekteve juridike të themeluara prej saj, mbështetje financiare ose materiale.
2. Modalitetet dhe kriteret për sigurimin e kësaj mbështetjeje financiare duhet të përcaktohen në një ligj specifik për mbështetje financiare nga Buxheti i Shtetit për kultet fetare.

Neni 14
Regjistrimi në organet tatimore

Kisha Ortodokse Autoqefale e Shqipërisë, si dhe personat e saj juridikë duhet të regjistrohen në organet tatimore, sikurse çdo person juridik jofitimprurës, në përputhje me legjislacionin përkatës.

Neni 15
Statusi juridik dhe fiskal

1. Kisha Ortodokse Autoqefale e Shqipërisë njeh dhe respekton kuadrin ligjor në Republikën e Shqipërisë në fushën financiare, duke ruajtur tërësisht pavarësinë në administrimin e buxhetit të saj financiar, të krijuar qoftë nga burime të brendshme edhe nga ato të jashtme, në formë dhuratash nga kisha dhe organizma ndërkombëtarë simotra.
2. Përjashtohen nga të gjitha llojet e taksave:
a) Subvencionet financiare të çfarëdo lloji dhe çdo e ardhur tjetër e ligjshme, si edhe donacionet materiale të destinuara për të realizuar misionin e vet, kur këto të ardhura apo donacione nuk përdoren për përfitime nga organizatorët.
b) Ndërtimi i objekteve të reja, ndërtesat në pronësi apo në përdorim të Kishës Ortodokse Autoqefale të Shqipërisë, ose të personave juridikë të themeluar prej saj të regjistruara pranë organeve kompetente shtetërore, në rastet kur ato përdoren pa qëllim fitimi për ushtrimin e besimit, drejtimin dhe administrimin kishtar, veprimtarinë baritore, humanitare e bamirëse, formimin e klerikëve, mësimin e teologjisë dhe shkencave të tjera kishtare, si dhe të personelit fetar dhe laik në shërbim të Kishës Ortodokse Autoqefale të Shqipërisë.
c) Taksa e trashëgimisë ose e kalimit të pasurisë në procesin e regjistrimit të pasurive të luajtshme dhe të paluajtshme, të cilat i dhurohen Kishës Ortodokse Autoqefale të Shqipërisë ose kur ato kalojnë mes entiteteve të vetë Kishës.
3. Personat juridikë të themeluar nga Kisha Ortodokse Autoqefale e Shqipërisë, por që nuk e kanë zotësinë juridike ose nuk janë regjistruar si organizata jofitimprurëse përpara ratifikimit të kësaj Marrëveshjeje, gëzojnë të drejtën që të regjistrohen në Gjykatën e Rrethit Gjyqësor Tiranë, sipas nenit 8 të kësaj Marrëveshjeje, brenda dy vjetëve nga dita e hyrjes së saj në fuqi.
4. Përjashtohen nga detyrimi i derdhjes së kontributeve për sigurim shoqëror dhe shëndetësor personeli fetar dhe laik në shërbim të Kishës Ortodokse Autoqefale të Shqipërisë, me kombësi të huaj, me banim të rregullt në Shqipëri, të cilët nuk përfitojnë asnjë të ardhur apo shpërblim për kryerjen e veprimtarisë së tyre dhe që i kanë derdhur këto kontribute në vendet e origjinës.
5. Kisha Ortodokse Autoqefale e Shqipërisë, për personelin klerik dhe laik të saj, si kategori profesionale krejt të veçanta, ka të drejtë shkallëzimin e diferencuar për nivelin e pagës, për efekt kontributesh të sigurimeve shoqërore e shëndetësore dhe tatimi mbi të ardhurat e personit.
6. Për veprimtaritë me karakter institucional, si: ushtrimi i kultit, drejtimi dhe administrimi kishtar, veprimtaria baritore, humanitare dhe bamirëse, formimi i klerit, mësimi i teologjisë dhe i shkencave fetare, kisha dhe personat juridikë të themeluar prej saj nuk janë të detyruar të mbajnë regjistër kontabël dhe t'u nënshtrohen standardeve administrative të parashikuara në aktet ligjore dhe nënligjore në fuqi për këtë çështje. Si pasojë, për të tilla veprimtari ato nuk e kanë detyrim që të paraqesin bilancin kontabël vjetor tek organet kompetente shtetërore dhe as ta depozitojnë atë pranë organizmave shtetërorë të caktuar nga legjislacioni në fuqi.

KREU IV
BASHKËPUNIMI NË TË MIRË TË SHTETASVE

Neni 16
Festat fetare

1. Ditët e festave fetare që do të jenë ditë pushimi, vendosen me ligj. Kisha Ortodokse Autoqefale e Shqipërisë mund të propozojë festa fetare që, sipas mendimit të saj, mund të shpallen ditë pushimi.
2. Kisha Ortodokse Autoqefale e Shqipërisë, në përputhje me nevojat fetare të besimtarëve, ka të drejtë të përcaktojë edhe festa të tjera, veç atyre që do të trajtohen me ligj si festa zyrtare, të cilat nuk janë të detyrueshme për sektorin shtetëror publik dhe privat.

Neni 17
Institucionet edukative dhe arsimore të Kishës Ortodokse Autoqefale të Shqipërisë

1. Kisha Ortodokse Autoqefale e Shqipë risë ka të drejtë, në përputhje me kriteret e parashikuara nga legjislacioni në fuqi, të ngrejë dhe të administrojë institucionet edukative dhe arsimore të të gjitha niveleve.
2. Shteti dhe Kisha Ortodokse Autoqefale e Shqipërisë angazhohen të garantojnë të drejtën e individëve për t'u arsimuar, pa asnjë dallim, duke respektuar të drejtën e prindërve për të siguruar edukimin e fëmijëve në përputhje me bindjet e tyre.
3. Shteti e njeh vlefshmërinë e dokumenteve të lëshuara nga institucionet arsimore fetare, sipas kritereve të caktuara nga legjislacioni në fuqi për arsimin.
4. Shteti dhe Kisha Ortodokse Autoqefale e Shqipërisë hartojnë kurrikulat përkatëse për shkollat fetare jopublike, si dhe bëjnë vlerësimin dhe certifikojnë personelin pedagogjik. Për realizimin e tyre ngarkohet Ministria e Arsimit dhe e Shkencës.
5. Gjatë procesit mësimdhënës, shteti dhe Kisha Ortodokse Autoqefale e Shqipërisë angazhohen që arsimimi i fëmijëve të bazohet mbi të drejtat e njeriut dhe parimet demokratike, të drejtohet në përgatitjen e fëmijëve për një jetë të përgjegjshme në një shoqëri të lirë, në frymën e mirëkuptimit, paqes, tolerancës, barazisë gjinore dhe vëllazërisë midis njerëzve, grupeve etnike, kombëtare dhe fetare ose personave me origjinë tjetër, duke iu kundërvënë racizmit e fanatizmit.

Neni 18
Kryerja e veprimtarive sociale

Kisha Ortodokse Autoqefale e Shqipërisë ka të drejtë të ushtrojë veprimtari sociale me karakter ekonomik, edukativ e shëndetësor. Kjo e drejtë përfshin edhe krijimin e mjediseve sociale të përshtatshme, në përputhje me legjislacionin në fuqi.

Neni 19
Organizatat bamirëse

Kisha Ortodokse Autoqefale e Shqipërisë mund të themelojë organizata bamirëse, duke respektuar rregullat e përgjithshme dhe legjislacionin në fuqi.

Neni 20
Liria e shprehjes dhe e drejta për informim

1. Shteti dhe Kisha Ortodokse Autoqefale e Shqipërisë njohin dhe pranojnë mjetet e informimit publik, si një element të rëndësishëm për mbrojtjen e lirisë së shprehjes dhe të ndërgjegjes.
2. Kisha Ortodokse Autoqefale e Shqipërisë ka të drejtë të shprehë dhe të përhapë lirisht bindjet e saj, nëpërmjet çfarëdo forme ligjore të njohur, ose që do të njihet në të ardhmen.
3. Kisha Ortodokse Autoqefale e Shqipërisë ka të drejtë të themelojë struktura të komunikimit publik, në përputhje me legjislacionin në fuqi. Në çdo rast, përmbajtja që jepet përmes mjeteve të komunikimit masiv nuk duhet të përshkohet nga ide që cenojnë rendin kushtetues, tolerancën fetare, ose që diskriminojnë bashkësitë fetare dhe nxisin grindje ndërfetare.
4. Kisha Ortodokse Autoqefale e Shqipërisë ka të drejtë të shprehet nëpërmjet mjeteve të komunikimit dhe informimit publik.
5. Komiteti Shtetëror për Kultet bashkëpunon me Kishën Ortodokse Autoqefale të Shqipërisë për nevoja studimore e informuese.

Neni 21
Objektet e kultit

1. Ndërtesat dhe objektet që shërbejnë për kryerjen e ceremonive fetare konsiderohen të shenjta nga Kisha Ortodokse Autoqefale e Shqipërisë. Ndërhyrja e autoriteteve shtetërore në to është e ndaluar, me përjashtim të rasteve të flagrancës, kur një gjë e tillë kërkohet në zbatim të një urdhri të prokurorisë, të një vendimi gjyqësor ose titulli ekzekutiv, ose në rast të kanosjes së një rreziku të afërm.
2. Paprekshmëria e hapësirës publike garantohet nga shteti. Shteti mbron objektet dhe vendet e caktuara fetare, në përputhje me ligjin.
3. Për nevojat e saj dhe në përputhje me procedurat ligjore, Kisha Ortodokse Autoqefale e Shqipërisë mund të ndërtojë objekte të reja kulti.

KREU V
ÇËSHTJET E PRONËSISË

Neni 22
E drejta e pronës

1. Shteti i njeh Kishës Ortodokse Autoqefale të Shqipërisë të drejtën e pronës mbi sende të luajtshme dhe të paluajtshme.
2. Shteti do t'i kthejë dhe kompensojë Kishës Ortodokse Autoqefale të Shqipërisë të gjitha pronat, me përparësi objektet e kultit tashmë të njohura nga të gjithë, të cilat kanë qenë për shekuj qendra shpirtërore dhe kulturore të komunitetit ortodoks dhe përbëjnë historinë e këtij komuniteti, si objektet e kultit, manastiret e shenjta, pasuritë, arkivat e saj, të konfiskuara nga regjimi komunist, në përputhje me legjislacionin në fuqi.
3. Në rastet kur objektet e kultit (kishat dhe manastiret) e komunitetit ortodoks nuk gjenden të regjistruara në zyrat e regjistrimit të pasurive të paluajtshme, Agjencia e Kthimit dhe Kompensimit të Pronave, pronësinë do ta vërtetojë (provojë) nëpërmjet dokumenteve të Arkivit Qendror të Shtetit.

Neni 23
Mbrojtja e trashëgimisë kulturore fetare

1. Objektet e kultit që kanë statusin e monumentit të kulturës t'i kthehen në pronësi Kishës Ortodokse Autoqefale të Shqipërisë dhe do të mbrohen e trajtohen nga ligji për trashëgiminë kulturore.
2. Shteti mund të marrë në përdorim një objekt të kultit vetëm për nevoja e interesa madhorë dhe vetëm pasi të ketë marrë paraprakisht pëlqimin e Kishës Ortodokse Autoqefale të Shqipërisë.
3. Këshilli i Ministrave, duke u bazuar edhe në mendimin e Kishës Ortodokse Autoqefale të Shqipërisë, bashkërendon përpjekjet në të ardhmen për të evidentuar, vlerësuar e mbrojtur pasuritë kulturore, si dhe godinat e kultit të Kishës Ortodokse Autoqefale të Shqipërisë, të cilat bartin vlera të kulturës kombëtare, materiale e shpirtërore.

KREU VI
DISPOZITA KALIMTARE DHE PËRFUNDIMTARE

Neni 24
Zgjidhja e mosmarrëveshjeve

1. Interpretimi dhe zbatimi i kësaj Marrëveshjeje, si dhe zgjidhja e çështjeve të diskutueshme, bëhen mbi bazën e mirëkuptimit midis palëve.
2. Ndryshimet e kësaj Marrëveshjeje mund të bëhen me mirëkuptim e marrëveshje midis palëve.

Neni 25
Dispozita e fundit

1. Shteti i njeh Kishës Ortodokse Autoqefale të Shqipërisë të drejtën që të lidhin marrëveshje të veçanta për zbatimin e dispozitave të kësaj Marrëveshjeje.
2. Kjo Marrëveshje shërben si akt bazë për nënshkrimin e marrëveshjeve të veçanta me Kishën Ortodokse Autoqefale të Shqipërisë, që ratifikohen në Kuvend.
3. Kisha Ortodokse Autoqefale e Shqipërisë mund të tërhiqet nga kjo Marrëveshje me anë të denoncimit të marrëveshjes së ratifikuar në Kuvend.

PËR KËSHILLIN E MINISTRAVE PËR KISHËN ORTODOKSE AUTOQEFALE
MINISTRI I TURIZMIT, KULTURËS, RINISË TË SHQIPËRISË
E SPORTEVE FATLUMTURIA E TIJ,
Ylli Pango KRYEPESHKOPI I TIRANËS, DURRËSIT
DHE GJITHË SHQIPËRISË
Prof.Dr.Anastasi

Qe te realizohet deshira e z. Spahiu, duhet me pare te cfuqizoje kete marreveshje te ratifikuar ne Kuvendin e Shqiperise, marreveshje kjo ne perputhje me Kushtetuten e Shqiperise..., dhe duhet te vendose Spahiu se cili do te vihet ne krye te KOASH-it,...as fashistet nuk e benin kete....
Evropa deri tani nuk eshte marre me kete njeri, teper te rrezikshem per demokracine,...

[Archon]

Vertet nuk kemi nje arab ne krye te KMSH po kemi qindra turq e arabe qe bredhin neper Shqiperi qe punojne per KMSH,vertet nuk kemi nje italian ne krye te kishes katolike por te gjithe peshkopet e tjere te kishes katolike ne Shkoder,ne Lezhe,ecc dhe dhjetera prifterinj jane italiane dhe ju ankoheni per kishen orthodokse qe gjithsej ne te tere administraten nuk ka me shume se 10 shtetas greke qe kane ardhur te ndihmojne kishen si misionare.I gjithe ky debat se gjoja kisha eshte greke bazohet mbi nje "legjende urbane" qe eshte krijuar nga persona qe s'kane interesin me te vogel per kishen dhe nisen nga fakti se kryepeshkopi eshte grek,sikur ta kete fajin kryepeshkopi qe rregjimi komunist i vrau gjithe peshkopet dhe e shkaterroi kishen....

[I KTHYERI]

Vertet nuk kemi nje arab ne krye te KMSH po kemi qindra turq e arabe qe bredhin neper Shqiperi qe punojne per KMSH,vertet nuk kemi nje italian ne krye te kishes katolike por te gjithe peshkopet e tjere te kishes katolike ne Shkoder,ne Lezhe,ecc dhe dhjetera prifterinj jane italiane dhe ju ankoheni per kishen orthodokse qe gjithsej ne te tere administraten nuk ka me shume se 10 shtetas greke qe kane ardhur te ndihmojne kishen si misionare.I gjithe ky debat se gjoja kisha eshte greke bazohet mbi nje "legjende urbane" qe eshte krijuar nga persona qe s'kane interesin me te vogel per kishen dhe nisen nga fakti se kryepeshkopi eshte grek,sikur ta kete fajin kryepeshkopi qe rregjimi komunist i vrau gjithe peshkopet dhe e shkaterroi kishen....

Jo mor djalë ke thënë shumë 10 persona, janë shumë më pak. Por ata nuk i shqetëson as Greqia dhe as kush është në krye të Kishës Orthodhokse, por "baba", je i ri në këtë forum të paktën nga numri i postimeve, por po të shohësh të gjithë ata që u digjet mender xhani për shqipëri, janë ata që ju digjet më shumë xhani për "babën", dhe Idrizët dhe Spahinjtë atë flamur që kanë marrë, jo se e duan sepse edhe ata e dinë se ai është "Flamuri i kaurit me sorrën e zezë", këta janë mender patriotët që do të gjesh më së shumti në këtë forum.

[Kryeengjelli]

Nga dola armik une? Pse mendoj ndryshe nga ty?

Eshte grek me fe Ortodokse.

Per ne orthodhokset dhe sipas kanone te Kishes pasaporta jone ne Kishe eshte dokumenti i pagezimit si orthodhoks te tjerat nuk na hyjne shume ne pune. "Ju jeni komb i zgjedhur prifteri shenjtetie" i quan te krishteret apostull Pavli vetem kaq eshte mjaft. Nje prift orthodhoks eshte prift i cdo orthodhoksi ne bote dhe cdo orthodhoks i botes ka pjese tek ai, aq me shume kur flasim per episkopet.
lerini orthodhokset ta zgjedhin vete kreun e tyre juve as ju bie radha tiu pyesim per shtepine tone. Shikoni varjanti se mos duhet shqiperuar edhe ezani.

[ilia spiro]

SHBA dhe BE u prononcuan se fundi duke i rikujtuar shqiptareve se jane kunder nacionalizmit dhe cdo lloj ndryshimi kufish e shqiperi etnike,...keshtu qe jane te deshtuara te gjitha levizjet extremiste, si AKZ, PDIU, etj..., nuk kane shans te kene sukses...
Falenderojme edhe nje here SHBA dhe BE per qendrimin e tyre kunder cdo nacionalizmi e rracizmi...

[ilia spiro]

Ja se cfare kane deklaruar sot akz:

“Për dy dekada me radhë, lideri uzurpator i Kishës Ortodokse Autoqefale të Shqipërisë punoi për interesat e Greqisë, duke vazhduar me besnikëri rrugën e Kozma Etolianit, i cili më shumë se 100 vjet më parë i kushtoi jetën e vet helenizimit të Epirit, hapjes së shkollave dhe kishave greke në territore të mbushura historikisht me shqiptarë. Si për ironi të fatit ardhja e këtij njeriu në krye të Kishës sonë u bë në kundërshtim të hapur me interesat e Shqipërisë e të besimtarëve ortodokse shqiptare. U veprua haptas në kundërshtim me statuset e hartuara në Kongresin e Beratit të vitit 1922 si dhe në Kongresin e Korçës të vitit 1929. Si për çudi, u harrua vendimi i Patriarkanës së Stambollit i marrë në vitin 1936 ku shprehimisht thuhet se "Cdo komb ka të drejtë të ketë kishën e tij të pavarur dhe Kryepeshkopin e racës së vet". Ka ardhur koha qe ti themi Anastas Janullatosit "largohu nga Shqipëria me paqe".- deklaroi Uruci.

Sekretariati i Aleancës Kuq e Zi dorëzoi zyrtarisht rreth mesditës kërkesën për këtë çështje pranë zyrës së Presidentit Nishani.

Sic shihet ka nje akuze pa fakte ndaj Kryepiskopit Anastas dhe me kryesorja ka hedhur balte mi Shenjtin e Kishes sone Kozma Etolianin,.....per mendimin tim KOASH-i duhet te ngreje menjehere akuze penale ndaj akz-se, per shkelje te tolerances fetare dhe nderyrje ne punet e brendshme te KOASH-it.

[Albo]

Ky eshte nen-forumi i komunitetit orthodhoks, e askush pervec besimtareve orthodhokse nuk mund te shkruaje. Ky eshte rregull ne forum ne te gjitha forumet fetare keshtu qe respektojeni.

Spahiu dhe loja qe ai po ben nuk eshte nje loje qe kercenon vetem komunitetin orthodhoks, ajo loje eshte nje loje qe ne shenjester ka gjithe rendin kushtetues ne Shqiperi, Kosove dhe shkaterrimin e imazhit te Shqiperise e shqiptareve ne Ballkan e ne bote. Kjo eshte loje e sponsorizuar nga Turqia, qe ka per qellim te mbaje larg Shqiperine, Kosoven e shqiptaret e Ballkanit nga integrimi i tyre evropian, kur keta jane sot me afer se kurre pranimit si vende me te drejta te plota ne Evrope. Integrimi i Shqiperise e Kosoves ne Evrope, nuk eshte vetem nje arritje historike e shqiptareve qe zene vendin e tyre dinjitoz ne familjen evropiane, por eshte edhe nje divorc i hapur nga kultura e ndikimi turk mes shqiptareve: Turqia do te ngelet si zogu i korbit jashte Evropes dhe me nje ndikim ne renie mes shqiptareve ne Ballkan.

Objektivi tjeter i interesave turke mes shqiptareve eshte goditja e perqendruar e shtetit am shqiptar. Progresi i jashtezakonshem qe shteti am i shqiptareve ne Ballkan ka bere, ka rritur imazhin e shtetit am ne syte e shqiptareve ne Kosove, Maqedoni, Mal te Zi. Kete Turqia e sheh si "konkurrence" pasi e kam thene heret ne kete forum, qe objektivi i Turqise eshte biresimi i Kosoves dhe ndalja me cdo kusht e integrimit te Kosoves me shtetin am. Kosova duhet te ngelet koloni osmane e jo koloni evropiane, e ca me keq te eci ne hapat e shtetit am ne keto 100 vjet, qe ka ndertuar nje identitet komplet te divorcuar nga influenca e kultura osmane. Dhe Turqit sponsorizojne levizje si ajo e Spahiut, qe eshte nje pinjoll me origjine osmane mes shqiptareve, per te destabilizuar shtetet shqiptare si ne Prishtine edhe ne Tirane. Kur degjoni Spahiun te flasi per "referendum per bashkim", ai nuk eshte duke punuar per bashkimin e shqiptareve, ai eshte duke punuar per prishjen e rendit kushtetues si ne Shqiperi edhe ne Kosove, kushtetutat e te cilave nuk lejojne referendume per terresine territoriale te vendit. Kur degjon Spahijte e Idrizat per "shtetesi shqiptare gjithe shqiptareve", ata nenkuptojne shkaterrimin e sistemit politik e zgjedhor si ne Kosove edhe ne Shqiperi, edhe ne Maqedoni edhe ne Mal te Zi, ku shqiptaret kane perfaqesuesit e tyre politike. Kur degjon Spahiun e Idrizin qe te sulmojne me gurre familjet e ushtareve te rene greke ne Kelcyre qe vine per te kujtuar te afermit e tyre, apo sulmet ndaj minoritetit maqedonas ne Liqenas, apo shantazhi e kercenimi per minoritetet e vendit e komunitetet fetare te vendit ne lidhje me censusin, qellimi i tyre eshte shkaterrimi i harmonise fetare dhe etnike te shoqerise shqiptare dhe futja e frymes se sektarizmit etnik dhe fetar. Kur shikon Spahijte e Idrizat qe te pushtojne ekranet e mediave te paguara me lira turke si Top Channel, qellimi i tyre eshte sektarizimi i votes se shqiptareve: ti shtyjne shqiptaret te bejne ate qe nuk e kane ndonjehere deri me sot, te votojne per nje parti politike apo kandidat vetem te prirur nga motivet e urrejtjes etnike apo fetare.

Turpi ne situaten e krijuar i ngelet ne dere shtetit shqiptar. Ne nje shtet demokratik ku institucionet demokratike jane te forta, SHISH do te kish zbuluar skemen e financimit te ketyre njerezve te shitur mes shqiptareve, policia do te kish bere arrestimet kur dikush shkel rendin kushtetues te vendit, dhe Spahiu nuk do ta gjente veten ne podiume e ekrane televizionesh, do ta gejnte veten pas hekurave te bankes se te akuzuarve ne gjyq per prishje te rendit kushtues te vendit dhe per tradheti kombetare. Te perfaqesosh interesat e vendeve fqinje ne politiken shqiptare, ka vetem nje emer: Tradheti Kombetare. Fakti qe kjo nuk ka ndodhur, bile nuk eshte denoncuar as nga klasa politike e vendit, eshte nje turp per ta qe ka per ti kushtuar shume rende vendit.

KOASH nga ana e saj nuk duhet ti lere keto akuza te bien ne toke. Ajo duhet te japi shembullin e saj duke iu drejtuar gjykatave te vendit per te mbrojtur te drejtat e saja ligjore te sanksionuara ne ligj. Nese burrat e shtetit te vendit dhe ata deputetet ne Kuvend nuk kane kurajon qytetare ta bejne kete gje, KOASH duhet te japi shembullin e saj duke iu drejtuar gjykatave te vendit. Keta tellalle te paguar duhet te pergjigjen para ligjit per shkeljet e tyre, pasi po nuk e bene kete gje, keta nuk kane per te rreshtur, deri sa Shqiperise e shqiptareve t'i kete dale tymi.

Albo