Histeri kuq e zi

[Akili-A]

Shqiptarët e Kosovës mund të çmenden në festë e gëzim për 28 Nëntorin, por ata të Shqipërisë do të vazhdojnë t’i shohin me habi e mospërfillje. Siç e shohin edhe festën e vet.

Nga Imer Mushkolaj

Në vitin 1996, Armend Rexhepagiqi dhe Aida Baraku u prezantuan në Festivalin e RTSH’së me këngën “Ti nuk më meriton”, një ndër më të mirat të kënduara shqip. Si zakonisht kur bëhej fjalë për pjesëmarrës nga Kosova, kënga nuk fitoi, edhe pse prezantimi ishte mjaft dinjitoz.

Ndonëse tema e këngës kishte të bënte me dashurinë mes njerëzve, porosia e saj iu shkonte mjaft mirë të gjithë atyre që kishin zgjedhur të mos i vlerësojnë sa dhe si duhet krijimet artistike nga Kosova. Do të mund të interpretohej edhe si protestë dhe shprehje zhgënjimi se festivali i Tiranës nuk meritonte këngë të bukura si këto, të kënduara nga kosovarët.

Një vit pas Shqipëria u pllakos nga trazirat që lanë mbrapa shkatërrime, mijëra të vdekur dhe shumë dhembje, ndërkaq në Kosovë nisi cikli i dhunës dhe luftës me serbët.

Tash, kur Shqipëria feston 100 vjetorin e të qenit shtet, e Kosova është e lirë, “Ti nuk më meriton” tingëllon porosi më aktuale se kurrë – jo vetëm për botën artistike shqiptare, por për vetë shtetin shqiptar.

Jo ekzaltim, por njëfarë histerie e papërmbajtshme i ka kapluar kosovarët me rastin e festës së një shekulli shtet shqiptar. Që nga kopshtet e fëmijëve e deri te institucionet shtetërore – të gjithë janë përfshirë në atmosferën festive, madje duke kaluar çdo sens mase e logjike të shëndoshë. Tashmë janë kthyer në diçka banale organizimet “me rastin e 100 vjetorit”, duke humbur arsyeshmërinë dhe racionalitetin e nevojshëm.

Gjithsesi, në mesin e krejt kësaj rrëmuje patriotiko-folklorike, ku secili përpiqet të tregojë se është më shqiptar se tjetri, gjenden edhe simbolika interesante që ia vlejnë, siç është ajo e rritjes së mustaqeve nga të rinjtë, apo ajo e marshimit mbi kuaj të 100 kosovarëve nga Mitrovica deri në Vlorë.

Nuk do të kishte gjë të keqe në krejt këtë muhabet, po që se edhe vetë Shqipëria dhe qytetarët e saj, madje më fort se qytetarët e Kosovës, do të festonin përvjetorin e rëndësishëm të pavarësisë. Tekefundit, kjo edhe iu takon.

Por, ndryshe nga Kosova, në Shqipëri në përgjithësi shfaqet njëfarë mosinteresimi dhe indiference për festë. Mungojnë iniciativat, mungojnë simbolikat, mungon entuziazmi, mungon festa.

Nga qytetarët e Shqipërisë, ne të Kosovës mund të shihemi me habi, për gjithë çfarë bëjmë për festën, e cila zyrtarisht është e atyre. Siç jemi parë me habi sa e sa herë kur jemi shfaqur “më katolik se papa” me veprimet tona, që nga sporti e kultura, deri te politika.

Më 1912 u shpall pavarësia, por gjysma e trojeve shqiptare mbeti jashtë. Një shekull më vonë situata nuk ka ndryshuar fort.

Gjatë njëqind vjetëve, Shqipëria më shumë i ka bërë dëme vetes, sesa ka ndihmuar shqiptarët jashtë kufijve. Gati 50 vjet në diktaturë, e 20 të tjera në demokraci, secili që ka qenë në krye të saj më tepër e ka shkatërruar e sakatuar, sesa qeverisur si duhet e përparuar.

Tash, në prag të festës që po vjen, shqiptarët andej kufirit kanë zgjedhur prapë të na shohin me habi për gjithë entuziazmin që tregojmë për shtetin e tyre. Ashtu siç na kanë parë edhe kur tifozët nga Kosova shqyhen së përkrahuri Kombëtaren, edhe kur takojnë të rinj që mbajnë emra qytetesh, bjeshkësh e lumenjsh të tyre, edhe kur qindra-mijëra kosovarë mësyjnë bregdetin shqiptar duke shpenzuar miliona euro.

Do t’i zgurdullojnë sytë edhe më shumë kur, edhe dhjetë ditë, shteti do t’iu bllokohet nga kosovarë që do t’ia mësyjnë Tiranës e Vlorës për të festuar, për t’u “tranuar”, duke lënë atje miliona të tjerë.

Për ata që mendojnë se ky shkrim sjell ndarje e përçarje ndër shqiptarë, më duhet të them se nuk jam kundër festës, por vetëm do të doja që bashkështetasit e mi të tregoheshin më të përmbajtur e racionalë – do të doja që të logjikojnë me kokë të ftohtë, e jo të nxehur nga folklorizmat. Sepse, situata e tashme ngjan sikur të shkosh në dasmë të një të afërmi, të çmendesh së kënduari e vallëzuari, përderisa ai vetë nuk sillet ashtu. A mund ta duam dikë më shumë se që e do ai veten? Kanë të drejtë ata andej kufirit nëse thonë “çne këta kosovarët!”.

***

Më shumë se një dekadë e gjysmë pas Festivalit të RTSH’së, Armend Rexhepagiqi dhe Aida Baraku nuk kanë realizuar ndonjë këngë “me rastin e 100 vjetorit”, siç kanë bërë dhjetëra kolegë të tyre.

Një dekadë e gjysmë pas trazirave të tmerrshme, Shqipëria udhëhiqet nga njeriu që shihet fajtor pse lejoi të funksionojnë firmat piramidale, që e çuan vendin në kaos. Retorika e tij vazhdon t’i çojë peshë shqiptarët jashtë kufijve.

Gati pesë vjet pas shpalljes së pavarësisë së vendit të tyre, kosovarëve vazhdon t’iu mungojë arsyeja e shëndoshë dhe racionaliteti për gjithçka që ka të bëjë me Shqipërinë.

Ne mund të çmendemi në festë e gëzim këtë fundnëntori, por ata do të vazhdojnë të na shohin me habi e mospërfillje. Siç e shohin edhe festën e vet./EXPRESS

[agonny]

Nje shkrim personal i nje opinionisti tnje gazete,

njeri nder komentet tek gazeta i cili me pelqej.

z . Mushkolaj , e dua SHQIPËRINË se i them vetit Shqiptarë , e kështu veprojnë të gjithë ata që ndihen si unë! Dasma është e jona , se ne na kanë nda , e nuk jemi nda vetë! Ne nuk shkojmë të dalldisemi në dasmën e kusherinjëve , por në dasmën tonë. Urime festa paraprakisht edhe nëse nuk feston!

http://gazetaexpress.com/?cid=1,890,96919

[ilia spiro]

[QUOTE]

Shqiptarët e Kosovës mund të çmenden në festë e gëzim për 28 Nëntorin, por ata të Sh

qipërisë do të vazhdojnë t’i shohin me habi e mospërfillje. Siç e shohin edhe festën e vet./QUOTE]

Kjo qendron, sepse shqiptaret e Kosoves e kane perjetuar Shqiperine idilikisht, nuk kane ndjere diktatin 50 vjecar, prishjen e besimit,..etj., qe jane pjese e kesaj "pavaresie"..
dhe sot, genjejme veten nese themi se jemi "te pavarur", pasi jemi te varur nga mafia, varferia, plolitikanet, etj....
populli i thjeshte genjen veten nese thote se eshte "i pavarur"

[_MALSORI_]

ky eshte tipi perqares ne mesin tone..tipa te tille duhet ti qojme ne serbi dhe tja leme ne dore arkanit dhe arkanave..nuk kan vend ne mesin tone..

kosova nuk po feston festen e dikujt tjeter por festen e vet..kosova e ka simbol kombi flamurin kuq e zi dhe per te po feston..kosova eshte shqiperi o mushk kali..ndoshta mushk kali jeton ne nje bote tjeter dhe i ka harruar realitetin..

[Akili-A]

ky eshte tipi perqares ne mesin tone..tipa te tille duhet ti qojme ne serbi dhe tja leme ne dore arkanit dhe arkanave..nuk kan vend ne mesin tone..

kosova nuk po feston festen e dikujt tjeter por festen e vet..kosova e ka simbol kombi flamurin kuq e zi dhe per te po feston..kosova eshte shqiperi o mushk kali..ndoshta mushk kali jeton ne nje bote tjeter dhe i ka harruar realitetin..

sipas kultures perendimore nuk quhet PERQARES dikush qe ka nje mendim ndryshe nga te tjeret. dhe duhet ta respektosh, pa qene nevoja te biesh dakort.

PERQARES eshte mentaliteti yt. ku sipas ketij mentaliteti, ata qe mendojne ndryshe si dhe mendimi i lire quhet tradheti.
boll me keto. se na e keni sjelle ne maje te hundes.

[DYDRINAS]

Prishtina “vishet” kuq e zi

17/11/2012 01:43

Mëngjesin e së premtes, kryeqyteti i Kosovës, Prishtina, është zgjuar i zbukuruar me flamuj kombëtar. Në kuadër të festimeve, Komuna e Prishtinës nisi të vendosë flamujt kuq e zi në rrugët e kryeqytetit kosovar.

Këto flamuj i bashkohen kështu atmosferës festive, që vetë banorët e Kosovës kanë krijuar, duke vendosur prej ditësh flamujt kombëtar në ballkone e dritare.

Prishtina do të jetë kryeqendra e Kosovës, për festimin e 100-vjetorit të shpalljes së Pavarësisë së Shqipërisë. Aktivitetet tashmë kanë filluar. Ditëve të ardhshme pritet që, në qendër të Prishtinës, të rivendoset shtatorja e dëshmorit Zahir Pajaziti, ndërkaq më 25 nëntor, ciklistë nga Prishtina do të nisen drejt Vlorës, ndërsa më 28 nëntor

Ndërsa ministri i Kulturës, Memli Krasniqi, thotë se, që nga fillimi i këtij viti, janë mbajtur qindra aktivitete për nder të 100-vjetorit të shpalljes së Pavarësisë së Shqipërisë dhe në bashkërendim me ministritë përkatëse të Qeverisë së Shqipërisë.

Ai përmend disa nga aktivitetet që do të mbahen, njëri prej tyre është edhe përurimi i pjesës tjetër të Rrugës së Kombit, që do të bëhet më 27 nëntor, ndërsa kujton se liderët shtetërorë të Kosovës do të shkojnë në Tiranë.

Manifestime, për 100-vjetorin e shpalljes së Pavarësisë së Shqipërisë, do të mbahen nëpër të gjitha komunat e Kosovës.

top-channel

[Antiproanti]

Histeri kuq e zi

Gjermania per nje kampionat boteror te futbollit (2006) ra ne histeri "schwarz-rot-gold". Madje ajo histeri e ka edhe emrin e saj: "Ein Sommermärchen" apo "Nje perralle vere"...

Shqiperia ne fund te fundit po e feston 100 vjetorin e ngitjes se flamurit kuq e zi dhe te e pavaresise. Nese ka nje ngjarje qe e arsyeton nje "histeri" te tille kuq e zi, atehere eshte pikerisht festa e 100 vjetorit te flamurit dhe pavaresise ne Shqiperi.

Dokumentimi i "histerise patriotike" te 2006 ne Gjermani madje ka fituar disa cmime pretigjioze te vendit.

"Bambi 2006: Kategorie Dokumentation
Leibniz-Ring-Hannover 2006: für Sönke Wortmann
Bayerischer Filmpreis 2006: Publikumspreis
Grimme-Preis 2007: Kategorie Information & Kultur"


Perndryshe

[Antiproanti]

[_MALSORI_]

sipas kultures perendimore nuk quhet PERQARES dikush qe ka nje mendim ndryshe nga te tjeret. dhe duhet ta respektosh, pa qene nevoja te biesh dakort.

PERQARES eshte mentaliteti yt. ku sipas ketij mentaliteti, ata qe mendojne ndryshe si dhe mendimi i lire quhet tradheti.
boll me keto. se na e keni sjelle ne maje te hundes.

po cfare mendimi ndryshe o hajvan..po cfare kulture perendimore o brekgrisur..aman kur flisni per kulture..pika qe nuk ju bie..doni te ndicni perendimin e breke nuk keni veshur..

ej zot fali se vete i ke derguar budallenj...

[Akili-A]

po cfare mendimi ndryshe o hajvan..po cfare kulture perendimore o brekgrisur..aman kur flisni per kulture..pika qe nuk ju bie..doni te ndicni perendimin e breke nuk keni veshur..

ej zot fali se vete i ke derguar budallenj...

nuk i percakton as ti dhe asnjeri kriteret e shqiptarise ne kete komb.
thjesht secili ka per detyre duhet te respektoje njeri-tjetrin nese duam paqe sociale.
nese vazhdojne njerezit me mendimet e tua, shqiperia do ngeli sic eshte e prapambetur.

filozofia e kombit nuk behet ne kosove por ne tirane.