Dy shkrime per te kuptuar Radikalizmin

[MaDaBeR]

Po sjell me poshte veç e veç dy shkrime per te kuptuar pak nga radikalizmi. Ishin shkrime te botuara te dyja ne te njejten gazete e ne te njejten dite, por nga dy autore te ndryshem. Me saktesisht, ne gazeten MAPO. Autoret nuk kane asnje lidhje me njeri-tjetrin. Ndersa shkrimet, edhe mund te perplasen pakez bashke.

Jam mjaft i lenduar kur lexoj çdo dite ne shtyp per sjelljen e nje mase te madhe besimtaresh si ne Shqiperi ashtu edhe ne Kosove e Maqedoni. Mesa duket, radikalizmi fetar i shtrin rrenjet aty ku varferia dhe mosvemendja e shtetit per popullin e tij eshte me e madhe.

Po e nis fillimisht me:

Radikalizëm islam apo injorancë radikale ndaj Islamit?

Enklid Pelari

Kohët e fundit po vëmë re një fushatë intensive (nuk po e quajmë kryqëzatë) ndaj “islamizmit dhe islamizmave”, por fatkeqësisht jo nga njerëz kompetentë. Pra, jo siç ndodh në botën perëndimore ku, fjala bie, njerëz të subvencionuar nga shteti, por jo vetëm, studiojnë për Orientalizëm dhe pas studimeve informojnë opinionin publik për “të mirat” dhe “të këqijat” e kulturës orientale. Këta studiues njihen me emërtimin Orientalisët. Ajo që bie në sy tek ta janë dy karakteristika esenciale: E para është dituria e thellë rreth kulturës orientale dhe e dyta është etika dhe gjuha e kuruar që ata përdorin kur flasin rreth kulturës orientale në përgjithësi dhe islamit në veçanti. Për këtë gjë në Perëndim nëpër mediume tç ndryshme bëhen debate të hapura dhe dialogë të ndryshëm. Kjo gjë promovon bashkëpunimin dhe tolerancën ndërfetare.

Nga ana tjetër shohim se në Ballkan, ata që bëjnë kompetentin e fushës, jo vetëm, që fatkeqësisht, nuk e kanë “haberin” e kulturës orientale dhe islamit, por dhe gjuha e përdorur prej tyre nuk ndryshon nga ajo e një njeriu të pastudiuar. Pra mesazhi i vetëm që përcillet ndër rreshta është sharja dhe ofendimi i drejtpërdrejtë pa etikë dhe estetikë, se për argumente as që bëhet fjalë. Meqë “analistët” që e kanë marrë tagrin dhe kompetencën për të baltosur “Orientalizmat” e kanë të vështirë të gjejnë argumente të mirëfilltë për para/gjykimin e tyre, atëherë kam menduar t’u vij në ndihmë me disa teza të hedhura nga homologët e tyre në vende të tjera të botës. Disa prej këtyre tezave kanë mbërritur dhe në vendin tonë. Ajo që bie në sy në këto teza janë defektet logjike të qëllimshme ose jo, që në shkrimin akademik njihen me nocionin “tatëpjetë e rrëshqitshme”. Unë po mjaftohem me përmendjen e më të spikaturave prej tyre:

1- XHIHADI SI NOCION TERRORIST I ISLAMIT. Është e vërtetë që xhihadi (apo lufta e shenjtë) evidentohet në Kur’an, por nuk duhet të harrojmë se Kur’ani është një kushtetutë, ku si çdo kushtetutë tjetër në botë evidentohet edhe lufta si “mburojë” e sigurisë kombëtare. Përndryshe në suren Tewbe thuhet; “Paqja është më e mirë -se lufta-”.



2- ISLAMI SI SIMOTËR E DEMOKRACISË. Trendi i analistëve në botë është ta paraqesin islamin si një fe “reaksionare” ndaj demokracisë. Faktikisht, ata që merren me hulumtimin e religjioneve e dinë shumë mirë se kjo fe përkon pothuajse totalisht me parimet demokratike, si “Votimi, Kolegjialiteti dhe delegimi kompetencave në vendimmarrje, e drejta pronës private, e drejta e sipërmarrjes, liria e tregut dhe ndershmëria e tij, lufta ndaj monopolit etj.” Prandaj dhe e përditshmja prestigjioze Nee York Times pas fillimit të Pranverës Arabe e hapte gazetën me artikullin: “Partitë islame që po e kuptojnë demokracinë më mirë se partitë demokratike”.

3- SUBJEKTIVIZIMI ISLAMIT. Islami si çdo fe tjetër në botë është një sistem moral dhe kod etik që përkthehet dhe subjektivizohet te çdo individ në bazë të temperamentit, formimit apo kulturës së tij. Në këtë kontekst çdo mysliman quhet i mangët apo i plotë në baze të zbatimit të fesë dhe nuk mund të emërtohet “mangësia apo ekstremizmi tij” si përfaqësues i islamit.

4- ISLAMI SI FENOMEN DHE JO POLITIKËBËRJE. Përhapja e islamit në botë është një fenomen që lind natyrshëm dhe jo një lëvizje politike e nxitur nga subvencionime apo investime të dyshimta shtetare, celulash terroriste apo ideologjizmash ekstremiste. Që në kohën e Qeverisë Nano, kur u implementua për herë të parë operacioni “fshesa” ndaj organizatave islamiste arabe -dhe mirë bëri- shohim se performanca e islamit në vend është rritur jo vetëm në dimensioni kuatintativ por edhe atë kualitativ.

5- ISLAMI SI “FE” E TË MARGJINALIZUARVE. Nuk është e vërtetë që islami gjen implementim vetëm te shtresat më të margjinalizuara sociale; sot kemi praktikues të kësaj feje duke filluar nga zyrtarët më të lartë, tek akademikë, pedagogë, doktorantë, e deri te specialistë të fushave të ndryshme, si mjekësi, ekonomi, inxhinieri dhe shumë e shumë të tjera që kontribuojnë si pjesë integrale dhe e pandashme e organizimit tonë kolektiv.

6- TENTATIVA E KAMUFLIMIT. Sot po tentohet që islamit t’i jepet identikiti i një feje të karakterizuar nga injoranca, varfëria apo inferioriteti. Kjo shihet qartë te disa media, kur për evenimente fetare mjaftohen me intervistimin e disa njerëzve të moshuar, që nuk do të ishte habi që të kenë humbur edhe memorien. Kjo situatë do të ishte analoge sikur media, në tentativë për t’i prezantuar opinionit publik një subjekt politik, PD, PS, apo LSI, të merrte në intervistë një misërpjekës, këpucëlustrues apo bananeshitës. Pra, t’i jepte ngjyrim gjithë subjektit politik me një pjesë tepër minoritare të saj dhe jo adekuate për një prezantim dinjitoz.

7- TERRORIZMI SI QEVERI E LEGALIZUAR. Nëse do të ishte e vërtetë teza se myslimanët janë radikalë xhihadistë që propagandojnë akoma luftën e shenjtë, atëherë qytetarët do të ngrinin një pyetje ndaj jush: “Pse kur parti islame në botë qeverisin vende të fuqishme si Turqia, Egjipti etj. nuk i shpallin ‘xhihad’ botës perëndimore? Madje kanë marrëdhënie diplomatike edhe ndaj armiqve të tyre tradicionalë, si Izraeli. A mos ndoshta dhe islami është një fe që e pranon edhe luftën, edhe paqen, edhe marrëveshjen, edhe diplomacinë si çdo shtet, qeveri apo parti normale në botë?

8- ISLAMI SI MBROJTËS MORAL. Shoqëria shqiptare ka një “hemorragji” të theksuar në ruajtjen e moralit të rinisë nga veset e këqija, si droga, bixhozi, imoraliteti, krimi etj. Shumë njerëz të rinj, në mungesë të alternativës, gjejnë prehje në religjionet që operojnë në vend. Nëse kjo xhelozon këdo në shoqëri, atëherë le të vijë me platforma më tërheqëse dhe të integruar, në mënyrë që të plotësojmë ato vakuume që nuk i kemi plotësuar deri më sot si shoqëri.

9- ISLAMI SI EKSTERNALITET POZITIV. Ekzistenca e fesë në shoqëri sjell për të benefite të dobishme, jashtë mekanizmave të tregut. Një njeri fetar ka prirje më të dobëta dhe probabilitet më të ulët për të vjedhur, spekuluar, mashtruar, gënjyer etj. Kjo bën që shoqëria të përfitojë prej këtyre sjelljeve të ekuilibruara, të cilat në afat të gjatë sjellin stabilitet në mekanizmat socio-ekonomikë të vendit.

Mesa shohim, islami është pjesë e pandashme e shoqërisë globale. Ai operon normalisht si çdo lëvizje, organizim, religjion apo ideologji e legalizuar dhe pranuar gjerësisht në botë. Ekstremizmat dhe radikalizmat ekzistojnë në çdo fe dhe në çdo ideologji. Madje dhe në sistemet demokratike ka parti të djathta apo të majta ekstremiste që propagandojnë dhe nxisin për luftë. Mos të shkojmë më larg se e majta ekstreme e fqinjëve tanë grekë, apo e djathta ekstreme në Itali. Ajo që e përfaqëson një organizim kolektiv është performanca afatgjatë dhe jo devijanca e individëve të caktuar apo rastet e izoluara e sporadike. Prandaj islami nuk ka qenë dhe nuk do të jetë një kërcënim apo rrezik kombëtar. Nuk duhet harruar se që nga Lidhja e Prizrenit, te Fetvaja e Vehbi Dibrës, e deri te themelimi UÇK-së, islami ka qenë një nga faktorët përcaktues për pavarësinë në viset tona dhe për asnjë arsye apo motiv nuk do të shkonte kundër interesave të shenjta kombëtare.

Sot myslimanët i kanë të gjithë potencialët akademikë, administrativ, financiarë, kanë madje dhe kuorumin e nevojshëm për të themeluar një parti që do të ishte faktor në politikëbërjen e vendit. Këtë gjë, nëse nuk e dinë analistët, e dinë shumë mirë politikanët, që mundohen t’i përcjellin ata me muhabete kafenesh dhe ndërtime xhamish. Fakti që sot myslimanët nuk kanë ambicie dhe nuk tentojnë për të themeluar parti është argumenti më i fortë se ata ndihen të përfaqësuar nga partitë politike që bëjnë ligjet dhe qeverisin në vend. Pra, janë demokracidashës dhe konvenient me të.

Në doktrinat historike ka një parim të induktuar: “Cilësi e lëvizjeve ekstremiste është dritëshkurtësia dhe nxitimi në vendimet politike, çka gjithmonë i çon këto lëvizje në dështim dhe sjellje radikale”.

*Teolog i atashuar pranë Komitetit Mysliman Shqiptar.

[MaDaBeR]

Shkrimi për fondamentalistët dhe shpërthimi i urrejtjes

Imer Mushkolaj

Asnjëherë nuk kam marrë më shumë akuza, sharje, fyerje e kërcënime për ndonjë shkrim në gazetë, sesa javën e kaluar. Në telefon, email e Facebook çfarë s’më kanë thënë e si s’më kanë quajtur. Të prezantuar si “myslimanë të vërtetë”, “luftëtarë të islamit” më kanë paralajmëruar se do ta pësoj keq kur ata të vijnë në pushtet. Më kanë shpallur luftë. Më kanë kërcënuar edhe me vdekje.

Për ditë të tëra jam shndërruar në njeriun më të urryer në debatet e tyre nëpër portale interneti, në personazhin më të përmendur në web faqet që propagandojnë islamin si fe të paqes e të mëshirës. Krejt shkaku i shkrimit të botuar javën e kaluar, në këtë gazetë Express, në të cilin tërhiqja vëmendjen për rrezikun që i kanoset Kosovës nga radikalët islamikë.

Në mesin e atyre që më kanë fyer, sharë e kërcënuar, ka pasur të atillë që më kanë akuzuar si njeri të shitur dhe antiislamist, që po shkruakam për para të majme, paguar nga kushedi kush. Nga Izraeli. Edhe nga Serbia. Të tjerë më kanë cilësuar antikombëtar, tradhtar e islamofob.

Gjithë ky shpërthim urrejtjeje ndaj meje vetëm për shkak se, si qytetar i lirë i këtij vendi, kam shprehur një mendim të lirë për lirinë e këtyre njerëzve që t’i realizojnë qëllimet e tyre, aspak fisnike, të papenguar nga askush.

Feja, besimi janë personale, shpirtërore. Ashtu si dhe praktikimi i besimit të gjithsecilit dhe komunikimi që gjejnë me atë që i besojnë. Por kur cilado fe, cilido besim keqpërdoret nga dikush për agjenda të ndryshme (edhe politike), me qëllimin që të ndryshojnë edhe identitetin e një shoqërie, një vendi, atëherë kemi të bëjmë me diçka tjetër. Diçka që këtyre njerëzve u dhemb kur u thuhet publikisht. Qoftë edhe nga një qytetar i rëndomtë që, thjesht, brengoset se në çfarë shoqërie do t’i rriten fëmijët nesër. Atëherë ata sulmojnë, kërcënojnë e akuzojnë, duke menduar se në këtë mënyrë mund t’ua ndalojnë të tjerëve që nuk mendojnë si ata edhe të shprehen lirshëm.

Unë nuk kam fobi ndaj islamit, as ndaj identitetit tim fetar e kombëtar. Por po, kam fobi ndaj keqpërdoruesve të fesë. Ndaj atyre që bëjnë keq në emër të fesë. E shumica e atyre që kërcënojnë duket se kanë fobi nga vetja, nga identiteti i tyre.

Mund të ndodhë që edhe mallkojnë veten pse kanë lindur në Kosovë, e jo diku tjetër. Diku ku do të mund të ndiheshin më rehat me mënyrën e praktikimit të besimit të tyre dhe ku nuk do të kishin nevojë të përpiqen që t’u imponojnë të tjerëve diçka që ata e ndiejnë se nuk është e vetja.

Unë ndihem rehat këtu ku jetoj. Jam rritur në një mjedis normal fetar, kam lexuar dhe vazhdoj të lexoj për islamin dhe për fe të tjera. Nuk më pengon askush pse i takon një feje a etnie tjetër. Për mua Skënderbeu nuk është tradhtar, që i paska luftuar osmanët, e as Nënë Tereza nuk është lavire, që i paska ndihmuar të sëmurët. Por, si të gjithë njerëzit e vetëdijshëm e të ndërgjegjshëm, nuk mund të hesht kur shoh se ç’po ndodh rreth nesh.

Nuk mund të hesht kur shoh si përpiqen t’i keqpërdorin fëmijët “në emër të fesë”.

Nuk mund të hesht kur përhapet urrejtje “në emër të fesë”.

Nuk mund të hesht kur propagandohet luftimi i tjetrit “në emër të fesë”.

Nuk mund të hesht kur propagandohet jotoleranca dhe dhuna “në emër të fesë”.

Të fesë islame, në këtë rast.

Më ka ardhur keq për nivelin e gjuhës dhe kulturës së shumicës së atyre që më kanë fyer, sharë e kërcënuar. Një shqipe që më së paku mund të quhet e tillë dhe që të krijon përshtypjen se njerëzit që e kanë shkruar nuk lexojnë sa duhet. Madje, as aq sa për të mundur të debatojnë normalisht. Por, ja që të tillët janë të gatshëm të hedhin helm e vrer kur i prek në tel.

Këto janë vetëm disa nga cilësimet që m’i kanë bërë komentuesit / kundërshtuesit e shkrimit tim – bashkëkombësit dhe bashkëfetarët e mi: “dashakeq i islamit”, “shka”, “shka shqipfolës”, “shkërdhatë muti”, “narkoman”, “pijanec”, “qen”, “i shitur”, “i asimiluar”, “i pafe”, “tradhtar”, “sorosist”, “majmun”, “adhurues i djallit”, “hipokrit”, “tuc”, “i prishtë”, “argat i djallit”, “racist”, “ma shka se shkijet, t’bijtë e shkinave”, “i korruptuar”, “i pamend”, “balosh”, “antikombëtar”, “mercenar antifetar e antishqiptar”, ”i pamoralshëm”, “hajvan”, “i paguar nga qarqe çifute”, “i poshtër”, “monstrum”, “ndyrësisë”, “qafir”, “idiot”, “budallë”, “teveqel”, “komunist”. Plot të tjera sharje që më janë adresuar nuk më lejon etika t’i bëj publike këtu. Sikurse as disa nga kërcënimet e poshtra dhe perverse – edhe më të poshtra se ato të stilit “kemi me të kallë në zejtin të nxehtë” ose “kemi me të rrjepë si qen”.

Unë e di se kjo gjuhë dhe këto cilësime nuk i takojnë një myslimani të mirë. Më tepër dalin nga gojët e njerëzve të frustruar dhe të shituar dogme e ideologjie. Sepse, islami është fe e paqes dhe e tolerancës. Si të tillë e njoh unë, e jo si fe të urrejtjes, kërcënimeve e dhunës.

Ky nuk është islami im.

[mesia4ever]

Cka eshte nje mysliman i mire. A nuk eshte nje mysliman i mire nje person qe i bindet Allahut, e Allahu haptazi ne Kuran ben thirrje per lufte deri ne mposhtjen totale te jo myslimaneve.
Kurani flet ne disa sure per paqe?! Po ani cka qe flet per paqe, edhe Hitleri shpeshhere ka fole per paqe, kur nuk ka pas pushtet apo kur ka dashur ta mashtroje dike.

Myslimani i vertete eshte si forcat paraushtarake te Gestapos, qe perdorin terror e dhune ndaj atyre qe mendojne lirisht e qe mendojne ndryshe.
Ta krahason Kuranin me Kushtetute, jo more Kurani nuk eshte kushtetute por eshte liber qe therret njerezit ne lufte te pa kompromis deri sa te mposhten jo myslimanet, e asnje Kushtetute nuk therret per lufte ndaj nje populli tjeter vetem se ka besim tjeter.
Per me besu Islamin si fe te paqes, duhet me bo vetevrasje intelektuale me granate dore. Por dikush do te thoshte se Islami e sjell paqen kur ka 100% kontroll, por kjo s'eshte e vertete por edhe ketyre njerezve qe i fut ne ideologji ja ben jeten ferr.

Bejeni Kosoven keshtu, tek e fundit per kete kemi luftu, kemi vdek e jemi rrahe e malltretu per 100 vjet. Ndoshta do te bombardohemi perseri, jo kesaj here nga Serbia, po nga vet Amerika.



Njerez te mpire ne mendje paskan qene keta

[yllbardh]

Ta krahason Kuranin me Kushtetute, jo more Kurani nuk eshte kushtetute por eshte liber qe therret njerezit ne lufte

Keqpërdorimi i librave të shenjët është bërë gjithherë pa marrë parasysh përkatësin fetare, kushti i vetëm për ta bërë këtë ka qenë dhe është motivi personal për të arritur një qëllim që në mënyrë tjetër është i paarritshëm. Kemi raste të panumërta nga të gjitha drejtimet fetare ku qysh sot bëhet keqpërdorimi i religjioni sa që me fokusimin që sot një numri të mediave, si në vend po-ashtu edhe ato jashtë vendit, në rrezikun e "madh" që na kanoset nga terrorizmi muslimanë në shumicën e rasteve është i ekzagjeruar aq shumë sa që në popullin e thjesht është krijuar një fobi nga çdo gjë muslimane. Nuk dua të them se indoktrinimi i një numri të rinjve tanë nga forca fundamentale është inekzistent por me këtë fobi që sot gjindet po thuajse çdo kund ne nuk jemi duke i ndihmuar ata të rinj që ende ka shpresë për t'i ndihmuar po ne vetëm se jemi duke i shtyrë ata edhe më thellë në grackën fundamentaliste. Dhe këtu dëmin më të madh në këtë drejtim janë duke kontribuar forcat fundamentaliste nga të dyja anët, sepse ka raste ku ata që kanë marrur si "mision" të tyre për ta luftuar fundamentalizmin Islam te ne ata bëhen edhe më fundamentalist se sa vetë fundamentalistët. Kamë hasur në disa persona që e quajnë veten gazetar që vetes i kanë dhënë këtë mision të shenjët ku pas çdo tufe bari ata shohin një terrorist muslimanë, çdo problem shoqëror për ta fajet i ka muslimani. Ngadalë ore se e vërtet është që shumë nga ato organizatat "humanitare" në agjendën e tyre kanë çdo gjë tjetër përpos ndihmave "humanitare" por shqiptari i thjeshtë muslimanë nuk mund të fajësohet për çdo gjë.

[Albo]

Te dy artikujt me lart kane vlerat e veta, por une do te vecoja artikullin e dyte si me problematik dhe prek nje ceshtje qe eshte ne thelb aktakuza me e madhe per fene islame: liria e fjales se lire. Si ne boten islame, si ne Shqiperi e Kosove, eshte e veshtire te gjesh intelektuale shqiptare te fese islame qe kane kurajon te shprehin mendimin e tyre te lire si qytetar te atij vendi per problemet e komunitetit te tyre. Kjo pasi i tremben "reagimit te turmes". Kete e deshmon edhe ne diskutimet ne forum ku spikat mentaliteti i turmes ne shume prej diskutimeve: kur une perdor togfjaleshin "mentalitet anadollak", kam pikerisht kete lloj reagimi, qe nuk lejon levrimin e lirise me elementare e me jetike te njeriut, lirine e fjales se lire.

Kjo eshte nje semundje prej se ciles nuk vuan vetem komuniteti musliman ne Shqiperi e Kosove, por gjithe shqiptaret. Kura e sherimit eshte nje dhe e vetme: intelektualet te japin shembullin e tyre duke levruar fjalen e tyre te lire. Kjo eshte arsyeja perse ky forum eshte hapur dhe ekziston, qe t'iu japi shqiptareve mundesine per te levruar lirine e tyre te fjales e mendimit.

Albo

[MaDaBeR]

Kete gazeten ku mora 2 shkrimet (njeri prej te cileve, saktesisht shkrimi i dyte, ishte botuar ne mjaft te perditshme te Shqiperise e Kosoves), e lexoj pothuajse çdo dite per faqet qe i kushton librit si dhe per hapesiren e madhe qe u jep njerezve te Shoqerise civile me komentet, editorialet, korrigjimet si dhe essete qe ata bejne. (Shpresoj qe mos meret si reklame pasi s'kam asnje lidhje).

Menjehere sapo lexova keto dy shkrime, gjeja e pare qe me vajti ndermend isha ti sillja keta shkrime ketu, duke pare se si "urrehen" Shqiptaret me njeri-tjetrin ne kete kend te forumit, ose me sakte ne te gjithe nenforumin e Botes Shpirterore. Mendova se do te ishte nje gje pozitive, qe duke lexuar dy shkrime si keto, shumekush mund te arrinte te bente pakez autokritike me veten, per menyren e te sjellurit, te besuarit dhe perceptuarit te fese.

Me pelqeu shume menyra se si shpjegonte Teologu islamin, radikalizmin e per me teper, se si mundohet te na sjelle anet me pozitive te kultures orientale e te fese islame. Gjithashtu, me pelqeu shume edhe "shuplaka" nga Mushkolaj, e cila, me duket si nje shuplake ndaj njerezve dritshkurter. Dhe jo vetem kaq, por me duket edhe nje tregim per ata njerezit e dyzuar, ata qe jane sa andej kendej dhe nuk dine ke te besojne.

Historia ka njohur mjaft raste te radikalizmit fetar si psh besimi i krishter me inkuizicionet e denimet me vdekje te atyre qe kundershtonin kishen apo klerin. Lufterat mjaft te ashpra per pushtet dhe urrejtja fetare nder me te medhate ne histori mes Protestanteve dhe Katolikeve ne Angli. Etj etj raste e shembuj.

Duhet te mesohemi pak me keto, sepse radikalizmi fetar i shtrin rrenjet e veta ne shtresat me te varfera dhe me te pashkolluara e te painformuara, ashtu siç ben ne fakt çdo lloj radikalizmi tjeter politik apo ideologjik. Keshtu, menyra me e mire per te ndryshuar per mire eshte studimi, puna, leximi. Nje njeri sa me shume te lexoje aq me shume e kupton boten dhe ligjet e natyres. Madje, duke lexuar behet edhe me i vetedijshem per "Zotin" ne te cilin beson, e kupton me mire ate se sa duke lexuar vetem nje "Kuran" apo nje "Bibel"

Keshtu pra, mendoj se duke lexuar nga cdo gje, qofte duke lexuar edhe radikalet, komunistet, nazistet, fashistet etj etj, do te behemi me te ditur, me mendje hapur dhe do te behemi me te arsyeshem. Populli Shqitpar ne pergjithesi eshte nje popull ne zhvillim e siper, si brenda, ashtu edhe jashte kufijve, ndaj dhe ndodhin keto fenomene. Megjithate, shoqeria Shqiptare eshte e drejtuar per nga kahu i integrimit euro-atlantik dhe besoj se dhe keto grupime qe sot per sot nuk eshte se jane dhe aq te pakte, do te vijne duke u zbehur me brezat dhe ne do ta duam me shume njeri-tjetrin se sa e duam sot.

[Norça.li]

*

Ky i pari, "teologu", ne rend te pare nuk po e ditka cfare d.t.th. xhihad... Pastaj qenka munduar t'i zbuse e hijeshoje gjerat...sa per t'ia pershtatur shkrimin politikes ditore (thuajse gjithmone ka qene keshtu sich eshte sot dhe se ashtu do te jet edhe ne te ardhmen [sic!]).

Pastaj, gjoja, Islami po u pershtatka me tregun e lire (lexo: neoliberalizmin).
Nese ky shoku "teolog" nuk e ka ditur se pikerisht neoliberalizmi (qe sot quhet demokraci) eshte dexhalli (antikrishti) personalisht.

Kurse, sa i perket ketij te dytit, Mushkonjes apo Mickojes...
...kemi te bejme me nje banalize prej gazetaruci te llojit tipik analfabet. Po, ky eshte analfabet per kete qe ka folur ketu... Na i ka shpallur ca rreziqe dhe nga na vijne ato (bazuar ne paçavurat qe i shfleton here pas here dhe pa e pasur as nje kokerr experience ne terren).
Kur flitet per rreziqe duhet ta marrim lapsin e te llogarisim mire e mire.
Ne te gjithe e dijme se 20 vitet e fundit ka pasur viktima te shumta, si ne Kosove, ashtu edhe ne FYROM e Shqiperi.
Kush ishin dorasit e atyre viktimave?
Sejcili nga ne i dijme, pos injoranteve...


*

[MaDaBeR]

Norça.li, teologu me pelqeu sepse mer mundimin per te zbutur gjakrat dhe per te futur pak fryme modernizimi ne kulturen orientale dhe islamike.

Ndersa gazetari, me pelqeu qe perpos gjith atyre qe kane frike te flasin hapur, mer mundimin te shkruaje ne gazete pavaresisht se ai sulmohet e sulmohet pafund.

[qeveriablu]

.... une do te vecoja artikullin e dyte si me problematik dhe prek nje ceshtje qe eshte ne thelb aktakuza me e madhe per fene islame: liria e fjales se lire. Si ne boten islame, si ne Shqiperi e Kosove, eshte e veshtire te gjesh intelektuale shqiptare te fese islame qe kane kurajon te shprehin mendimin e tyre te lire si qytetar te atij vendi per problemet e komunitetit te tyre.

Plotesisht e sakte z.Albo...Kanceri i Islamit eshte deskreditimi i te gjithe atyre njerezve qe hedhin pyetje dhe dyshime ne parimet Islame ose se paku konsiderohet provokim.Me me rendesi per Islamin eshte qe te burgos bashkesine njerezore ne nivelin e opsesionit dhe njohurive femijerore.Islami as nuk e kupton,as nuk e duron shqyrtimin (reflektimin) konsekuent te individit mbi vetveten.
Ne kete sens Islami asnjehere nuk ka mundur,as qe mundet TANI ta mesoje individin mbi shkathtesine e mendimit te vertet apstrakt per ta implikuar ne njohjen e personalitetit te vet.Krejt cka Islami munde te prodhoje per nje individ eshte te ndjek me verberi pervojat e Muhamedit.(Madje as Islami-sufi nuk shkon me larg).Islami si religjion munde te mbijetoj VETEM neqoftese e shtrydh mendimin e lire te atyre qe nuk besojne ne pervojat e te tjereve (p.sh. Muhamedit si autoritet kulmor ne Islam),dhe duke shtuar besimtar per shkakun se kane lindur ne sferen (territorin) ku eshte shpallur ky religjion !
Islami nuk i jep njeriut qe ne menyre te pavarur te zhvilloj boten e tij shpirterore.Kjo shihet ne te gjitha temat ku marrin pjese muslimanet e ketij forumi,kontributi i tyre eshte vetem nga pozitat e nje besimtari fanatik te Kuranit > e kjo eshte me pak se asgje.
Thone qe ne ne Islam nuk kemi hiearki pervec Zotit (Allahut) dhe njeriut,ateher perse na duhet "i derguari" per te kerkuar te verteten.?

Ja nuk vonon shume,dhe fakti se c`ka te ben Islami...Zoteriu Demokracine e quan DEXHALL.( E ka lexuar fletushken e teologut Egjiptian Mustafa Mahmut dhe vepren e tij "Prej dyshimit deri ne besim" dhe vie ketu me tezat e te tjereve dhe na shet mend !)...
C`ka pret tjeter prej ketyre Islamucave qe edhe te arriturrat e kohes i quajne Dexhall !!!

Nese ky shoku "teolog" nuk e ka ditur se pikerisht neoliberalizmi (qe sot quhet demokraci) eshte dexhalli (antikrishti) personalisht.

[Norça.li]

Norça.li, teologu me pelqeu sepse mer mundimin per te zbutur gjakrat dhe per te futur pak fryme modernizimi ne kulturen orientale dhe islamike.

Ndersa gazetari, me pelqeu qe perpos gjith atyre qe kane frike te flasin hapur, mer mundimin te shkruaje ne gazete pavaresisht se ai sulmohet e sulmohet pafund.

MaDaBeR,

teologu nuk guxon per hir te askujt t'i shmaget te se vertetes, kurse analfabeti duhet ta mesoje shkrim-leximin.

Shikuar ne pergjithesi, as i pari e as ky i dyti (ky i dyti bile e ka huqur teresisht) nuk kane dhene zgjidhje: nuk e kane gjetur shkaktarin e radikalizmit.
Asnjeri syresh nuk na e shpjegoi pse dhe si vie deri te nje radikalizim i cfaredo natyre qofte: fetare, sociale, politike, ekonomike...

Kete te parin, "teologun", nuk e njoh e as kam degjuar ndonjehere per te. Kurse ky i dyti, sic edhe e ka pranuar ai vet, artikullin e ka shkruar i shtyer nga dikush, ne stilin e kafeneve duke porositur kenge...

Me kengen "Islami po radikalozohet" Imer Mushkonja ua ploteson deshiren ekipit nga... Urimit i bashkangjiten: tezja, dajet, klusherinjte e kusherirat...


*