Berisha: Do të japim tokë falas për shkollat e spitalet private
Nisma e radhës e qeverisë për mbështetjen e arsimit privat do të jetë aplikimi edhe në Shqipëri i ligjit për dhënien e trojeve publike për ndërtim shkolle. Ajo është bërë e ditur dje nga vetë kreu i qeverisë, Sali Berisha, gjatë mbledhjes së djeshme të Këshillit të Ministrave, ku Kryeministri ka propozuar aplikimin e një ligji amerikan për arsimin “tokë për shkollën”. Kryeministri Berisha tha se qeveria do të vazhdojë të nxisë zhvillimin dhe konsolidimin e iniciativës private në fushën e arsimit, duke forcuar njëherësh mekanizmat e kontrollit rigoroz. “Ne do të shtrëngojmë e forcojmë kontrollin rigoroz mbi arsimin publik dhe atë privat, por do të nxisim iniciativën e lirë në këtë fushë. Duke bërë kontrolle rigoroze, duke konsoliduar mekanizmat e kontrollit, ne nuk mund të ndalemi. Është e domosdoshme të aplikojmë ligjin “tokë për shkollën”. Ky ligj ekziston në Shtetet e Bashkuara të Amerikës dhe në vende të tjera. Ndaj zoti ministër i Arsimit, në bashkëpunim me ministritë respektive, ky ligj do të vendoset edhe në Shqipëri. Ne do t’u japim troje atyre që duan të ndërtojnë shkolla, por dhe spitale”, – u shpreh Kryeministri.
Gjatë fjalës së tij kushtuar arsimit, Kryeministri u ndal edhe në çështjen e financimit të universiteteve, duke kërkuar nga drejtuesit e këtyre të fundit që të marrin masa për shndërrimin e tyre në jofitimprurëse. “Ne jemi sot gjithnjë në dinamikë, por nesër do të instalojmë mekanizmin e përshtatshëm që financimet tona të ndjekin cilësinë. Ndonëse dua t’u bëj thirrje këtyre institucioneve të konsiderojnë në mënyrën më serioze shndërrimin e tyre në institucione arsimore ‘non profit’. Jam i bindur se si institucione ‘non profit’, ato do të mund të ecnin më të sigurta drejt cilësisë dhe konsolidimit të tyre. Nuk kam asnjë lloj problematike me statusin e tyre aktual, por më duhet të rikujtoj se në vendin model të arsimit privat, Shtetet e Bashkuara të Amerikës, shumica dërrmuese e këtyre institucioneve janë ‘non profit’. Në këtë mënyrë, ata zgjidhin në mënyrë të përjetshme kundërshtinë me Ministrinë e Financave dhe institucionet e tjera, të cilat me të drejtë kërkojnë zbatimin e rregullave nga të gjitha bizneset”, – deklaroi më tej kreu i qeverisë, ndërsa shtoi se thirrja e tij është në interesin e universiteteve, megjithatë vendimi është në vullnetin e tyre. Në kuadër të rritjes së cilësisë së mësimdhënies, Kryeministri inkurajoi universitetet publike dhe private që të bëjnë çmos për dhënien e leksioneve në gjuhën angleze. Sipas tij, universitetet që do të përdorin anglishten si gjuhë të përditshme në klasat e tyre, në leksione e seminare, do t’i referohen një literature cilësisht shumë herë më të lartë.
MAPO
Përgjigju Duke Cituar
Postuar më parë nga BlueBaron
Krijoni Kontakt