A.C. Milan

[[PaRTiZoNi]]

Lista e të dëmtuarve dhe koha e rekuperimit, azhornuar më datë 12 Prill.



Van Bommel: Rikthimi parashikohet për ndeshjen, Milan-Genoa.

Antonini: Rikthimi parashikohet për ndeshjen, Milan-Genoa.

Mesbah: Rikthimi parashikohet për ndeshjen, Milan-Genoa.

Ambrosini: Rikthimi parashikohet për ndeshjen, Milan-Bologna.

Mexes: Rikthimi parashikohet për ndeshjen, Milan-Bologna.

Abate: Rikthimi parashikohet për ndeshjen, Milan-Bologna.

Boateng: Akoma nuk është vendosur rikthimi i tij në fushë.

Thiago Silva: Rikthehet mbas dy javësh.

Inzaghi: Rikthehet mbas dy javësh.

Pato: Sezoni përfunduar.

[[PaRTiZoNi]]

Gazetari thotë që se ka bër qëllimisht kët artikull. Hahahaha :-D

[[PaRTiZoNi]]

Milan - Genoa 18:00

Formacioni mundshëm; Milan (4-3-1-2): Abbiati; Bonera, Nesta, Yepes, Antonini; Nocerino, Van Bommel, Muntari; Emanuelson; Ibrahimovic, El Shaarawy

[[PaRTiZoNi]]

Ndeshja Milan - Genoa dhe gjithë ndeshjet e kësaj jave të Serisë A, do të luhen më datë 25 prill.

[AnaH_M]

KEto ndeshje qe u anuluan do luhen ndonje te merkure sigurisht apo? juve luan ne finalen e kupes,shansa per milanin te mer titullin

[[PaRTiZoNi]]

-----------------------------------------------

Boateng, si Pato. S'bohet mo kët sezon. Bravo MilanLab-it që i shkatërroi krejt lojtarët e Milanit.
Flitet për rikthimin e Kaka, shkëmbim Robinho-Ganso me Santosin dhe Montolivo nga Fiorentina.
http://www.milannews.it/?action=read&idnotizia=78413

[MaDaBeR]

Shpresoj qe te vije Ganso per sezonin e ardhshem. Ka nje fantazi te papare, driblim alla Brazilian dhe nje te majte vrasese. Lojtari i duhur per Milanin per sezonin e ardhshem. Ky do jete nje nga me te miret ne bote.

[[PaRTiZoNi]]

Lajmi vetëm i mirë nga dëmtimet, mund të rikthehet Thiago Silva me Bolognën.
Të paktën kthehet siguria në mbrojtje që megjithëato dëmtime kishim pak probleme.
http://www.milannews.it/?action=read&idnotizia=78454

[MaDaBeR]

Ibrahimoviç: Milani është e ardhmja ime

Zlatan Ibrahimoviç parapëlqen të thotë atë që mendon. Dhe kur thotë se: “kemi gabuar, por tani duhet të ruajmë përqendrimin, dhe jam i bindur që do ta fitojmë kampionatin”, i duhet besuar. Gjithsesi, autori i 23 golave në kampionat për kuqezinjtë e pranon që diçka nuk ka funksionuar në të shkuarën: “Duhet të nxjerrim mësimet tona nga gabimet që kemi bërë në kampionat”.

E ardhmja te Milani - I intervistuar nga “Milan Channel”, Ibra mohon se po mendon të largohet nga klubi i “Djallit”: “Gjashtë muaj më parë kam thënë se jam mirë këtu dhe vazhdoj t’i qëndroj besnik asaj deklarate. Këtu jam mirë dhe nuk kam aspak ndër mend të largohem dhe, mbi të gjitha, dua ta fitoj kampionatin me Milanin. Këtu kam rilindur si futbollist, sepse më është rikthyer dëshira për të luajtur. Dhe ju siguroj se pas pushimeve do kthehem për të nisur stërvitjen përgatitore përsëri me këtë fanellë”.
Borxhi - Zlatan Ibrahimoviç i lan gjithmonë borxhet e tij dhe kërkon që me anë të golave ta shlyejë atë debit që i ka presidentit të Milant, Silvio Berluskoni, kur ky i fundit e angazhoi në radhët e Milanit: “Drejtuesit kuqezi, duke filluar që nga Berluskoni, Galiani dhe gjithë të tjerët kanë mbajtur çdo premtim që më kanë bërë, ndaj unë jam i lumtur për këtë. Tani nuk më mbetet gjë tjetër veçse t’ua shlyej borxhin në fushë me anë të golave”. Ndërkaq suedezi fton shokët e tij të skuadrës të japin maksimumin e tyre për ta fituar kampionatin. “Na presin edhe 6 ndeshje deri në fund të kampionatit, – vazhdon Ibra, – duhet të bëjmë të pamundurën për t’i fituar të gjitha këto takime. Jemi shumë pranë titullit, kështu që duhet të ruajmë përqendrimin dhe të përgatisim sa më mirë çdo sfidë. Aktualisht jemi -1 pikë larg Juves, por ndeshje si ato kundër Katanias apo Fiorentinës duhej t’i kishim fituar”, – ka përfunduar 30-vjeçari.
Menaxheri Raiola - Ashtu si Ibra, edhe agjenti i suedezit konfirmon. “Zlatani është një kampion i madh, por nuk është një diplomat i zoti. Ndaj, nëse ai konfirmon se do të qëndrojë te Milani, këtë gjë ta keni të sigurt. Ai nuk është tipi që trembet para medias për të thënë idetë e tij, faktet e së kaluarës nuk e tregojnë këtë gjë. Media jep alternativa? Nëse unë dhe Ibra themi që nuk do të lëvizë nga Milani, kjo është 1 milion për qind e sigurt”, – tha Mino Raiola.

Për Bolonjën kthehen 5 titullarë

Një pauzë e trishtueshme për Serinë A, por shumë pozitive për skuadrën e Milanit. Spostimi me një javë i kampionatit do t’i sjellë forca të reja trajnerit Alegri, i cili pret të luajë ndeshjen me Bolonjën me 5 titullarë më shumë sesa në takimin e fundit kundër Kievos. Në fushë të dielën pritet të kthehen mbrojtësi i djathtë, Injacio Abate, qendërmbrojtësit Daniele Bonera e Tiago Silva, si dhe mesfushorët Alberto Akuilani e Mark Van Bomel. Ndërkohë Abate është lënë pushim edhe dje, por sot do t’i bashkohet grupit pasi ka lënë pas plotësisht dëmtimin e tij në pulpë. Bonera ka përfunduar skualifikimin dhe do të jetë gati, nëse Alegri në fund do të vendosë që të mos e rrezikojë Tiago Silvën, në pritje të sfidës me Xhenoan. Akuilani gjithashtu kthehet pas skualifikimit, ndërsa Van Bomel ka lënë pas shqetësimet në bel. Me grupin dje është stërvitur edhe Ambrozini dhe Boateng por, nëse kapiteni do të jetë gati për transfertën e Sienës më 29 prill, për ganezin nuk ka ende asnjë ide të qartë mbi rikthimin.

Alegri paqe me Berluskonin, i premtoi titullin

Mes Masimiliano Alegrit dhe Silvio Berluskonit nuk ka ekzistuar asnjë përshëndetje në muajin e fundit. Eliminimin nga Champions-i dhe humbja e kreut e kanë irrituar mjaft presidentin e Milanit, i cili kishte ndërprerë çdo komunikim me trajnerin e tij. Por, ky i fundit duket se ka marrë dje hapin për të shkrirë marrëdhënien e akullt mes tyre, duke i telefonuar personalisht dhe i premtuar se në fund, ajo që do ta fitojë titullin do të jetë Milani. “Bosi” Berluskoni duket se e ka vlerësuar shumë këtë deklaratë të Alegrit dhe, përveçse paqes dhe urimeve, ish-kryeministri i ka theksuar teknikut besimin mbi konfirmimin e tij në pankinë edhe për sezonin tjetër, pas thashethemeve për një largim të mundshëm.

Çezare Prandeli “grumbullon” Antonio Kasanon

Milani e ka shijuar për disa minuta kundër Fiorentinës Antonio Kasanon, por ndërkohë trajneri i Italisë, Çezare Prandeli, pret ta përqafojë së shpejti në kombëtaren e tij. Nëse kompania “Panini” nuk i ka lënë një vend fantazistit barez në albumin e saj për Evropianin 2012, dje ai që ka qartësuar këtë gjë ka qenë vetë Prandeli. “Nëse Antonio mungon në revistën ‘Panini’, në koleksionin tim, foto e tij nuk mungon absolutisht. Madje, foton e Kasanos e dua më të qeshur se kurrë, sepse gjithë energjinë e ruajtur prej tij në këto muaj dëmtim dua ta shfrytëzoj totalisht në Poloni dhe Ukrainë. Gjithmonë kam pasur dhe do të kem besim te Antonio, i cili do të udhëheqë sulmin tonë në Euro 2012″.

“Djalli” përgatit spastrimet e merkatos së verës

Në shtëpinë kuqezi ka futbollistë që janë në skadencë kontrate dhe pritet që t’u japin fund aventurës së tyre me Milanin, duke qenë që edhe mosha e madhe ua mohon rinovimin e marrëveshjeve. Objektivi për sezonin e ardhshëm është rinovimi i grupit, ku disa 35-vjeçare e sipër, edhe pse me një emër të madh, kanë bërë gati valixhet. I pari në listë është bomberi Filipo Inzagi, por më pas ajo vazhdon me Alesandro Nestën (dëmtimet e përndjekin), Klarens Sedorf dhe Mark Van Bomel (duan pagë të lartë mbi 3 milionë euro), si dhe Matjë Flamini, i cili nuk bën pjesë në skemat e Alegrit. Por, nëse këta ikin, të vetmit nga garda e vjetër që pritet të rinovojnë edhe për një vit janë portieri i tretë, Flavio Roma, mbrojtësi kolumbian Mario Jepes dhe dy mesfushorët, Masimo Ambrozini dhe Xhenaro Gatuzo, ende poshtë të 35-ave. Ndërkohë, nëse disa ikin dhe disa mbesin, për momentin janë të paktën tre emra të sigurt që do të rinovojnë e përforcojnë mbrojtjen e mesfushën. I pari mbrojtësi Françesko Açerbi i Kievos, Rikardo Montolivo i Fiorentinës dhe Bakaje Traore i Nansit në mesfushë. Por, Galiani ka për momentin edhe tre tratativa të hapura për të sjellë në Milano një mes mesfushorëve Sandro (Totenhem), Sejdu Keita dhe Havier Maskerano (Barcelona).

LËVIZJET

CILËT QËNDROJNË

Flavio Roma
(portier)
Mario Jepes
(mbrojtës)
Masimo Ambrozini
(mesfushor)
Xhenaro Gatuzo
(mesfushor)

CILËT IKIN

Alesandro Nesta
(mbrojtës)
Xhanluka Zambrota
(mbrojtës)
Klarens Sedorf
(mesfushor)
Matjë Flamini
(mesfushor)
Mark Van Bomel
(mesfushor)
Filipo Inzagi
(sulmues)

Panorama Sport

[MaDaBeR]

Nesta driblon Pirlon: Nuk do të luaj për Juventusin

Nuk ka asnjë shans që mbrojtësi i Milanit, Alesandro Nesta, të veshë fanellën e Juventusit në të ardhmen. Ka qenë vetë mbrojtësi i Milanit, i cili përballë mikrofonave të “Milan Channel” ka përgënjeshtruar thashethemet e fundit: “Për të ardhmen time nuk kam menduar akoma. Po pres përfundimin e kampionatit dhe më pas do të vendos. Mund t’ju konfirmoj me plot gojën që nuk shkoj te Juventusi. Për sa u përket të tjerave, të shohim, në fund të sezonit do vlerësoj gjithçka. Por, dua të theksoj edhe një herë se nuk do të shkoj në Torino, dhe ajo çfarë shkruajnë gazetat nuk është e vërtetë. Kështu që rrini të qetë”.

Panorma Sport