Vetevendosja e Koço Danos, cilesohet fashiste nga ambasadori francez.

[Rina_87]

Zakonisht kur hapesi i temes e formon nje titull vet, ma merr mendja qe eshte apo duhet te jete si rregull e pashkrueme qe postimi i pare hyres duhet te jete krijim i tij letrar lol (me hiperbola, parabola, hipotenuza, kateta, metafora, epitafe, etj. etj.) apo politiko-urrejtse-propaganduese.

Po tani kah na doli ky Koco Danaj, qe me gjase vetvendosja po na u frymezoka nga ta? Jo more nuk ka nevoje asnje parti, levizje politike ne Kosove te frymezohet nga individ apo grupe te Shqipnise, se nuk jane te denje per kete. Ne rregull eshte te flasesh kunder nje partie ne kete sistemin tone te dashtun pluralist, por nuk eshte ne rregull te sajohen gjera nga vetja, se nuk eshte etike.

Flini dath per kete qe ky tipi na ka naj rol tek dikush. hm

P.S. Si duket hapi i ardhshem i vetvendosjes do te jete nje note proteste drejtuar qeverise françuze për këtë ambasadorin françuz Fiu asi Fitu, një pëllëmbë mbi tokë njeri e 10 pëllëmbë çudi. Madje është dashur të organizohet para ambasadës françuze nje protestë. Kur Vetvendosja ta pushton Francen ashtu sic beri Hitleri, atehere ka te drejtë ta quajë dikë fashist, se për nazistë kemi qenë shumë te lumtur të bëhemi.


HEIL HITLER!

SIEG HEIL!

O zot cfare armate e persosur ! madje tregojne se ka qene aq profesionale, aq e paster, bravo a, jo ndyresira si felliqesinat qe i kemi perreth !

[G-2]

Letër ambasadorit të Francës

Albin Kurti

Shkëlqesisë së tij Jean-François Fitou,

ambasador,

Ambasada Franceze në Prishtinë, Kosovë,

”Ismail Qemali” 67,

Prishtinë, Republika e Kosovës

I nderuari Ambasador,

Ditën e djeshme, nëntë aktivistë të lëvizjes VETËVENDOSJE! përdorën të drejtën e tyre për të protestuar kundër qeverisë gjatë një prezantimi për liberalizimin e vizave, që u mbajt nga ministri i Brendshëm, Bajram Rexhepi, në Institutin e Studimeve Politike Evropiane (ISPE).

Ndërkohë që situata në veri po degradon dhe shumë njerëz e kanë jetën e tyre në rrezik, ministri Rexhepi i ka tallur vazhdimisht në publik qytetarët, duke shpërfillur kërkesat e tyre për siguri dhe për mbrojtje.

E drejta për të protestuar është e garantuar nga Kushtetuta e Republikës së Kosovës, si dhe nga konventat ndërkombëtare dhe evropiane për të drejtat e njeriut. Protestat konsiderohen si një kontrbut tepër i vyeshëm për demokracinë në shumë vende evropiane perëndimore. Gjatë kësaj proteste, aktivistët tanë kanë protestuar paqësisht, por ata janë rrahur, arrestuar dhe më pas edhe janë keqtrajtuar pasi u është hequr liria.

Aktivistët e lëvizjes VETËVENDOSJE! kanë vepruar ashtu siç do të kishin vepruar edhe qytetarët e ndërgjegjshëm në cilindo vend të botës. Aktivistët kanë vërshëllyer dhe kanë hedhur pamflete në ajër për të mbrojtur të drejtat e qytetarëve në të gjithë vendin, si dhe duke shprehur pakënaqësinë e tyre me politikat e qeverisë.

Kjo protestë u bë për të hedhur poshtë manipulimin dhe demagogjinë e një qeverie, e cila nuk arrin dot të garantojë as lirinë e lëvizjes brenda territorit të Kosovës, një qeveri e cila ka dështuar që të mbrojë kufijtë e saj dhe nuk plotëson as nevojën bazë të qytetarëve të saj për t’u ndjerë të sigurt në atdheun e tyre.

Nëntë aktivistë u shtynë dhe u nxorën me forcë nga salla e konferencave. Por, ata nuk u lejuan të largoheshin nga ndërtesa e kolegjit ISPE. Truprojat e ministrit Rexhepi dhe disa policë i ndanë aktivistet nga aktivistët tanë, duke i mbajtur të mbyllur këta të fundit në mënyrë të jashtëligjshme në njërën prej dhomave të ndërtesës, ku dhe filluan t’i rrihnin rëndë.

E gjithë kjo ka nisur në prezencën tuaj dhe ka vazhduar gjatë kohës që ju keni qenë në prezantim. Pasi ju u larguat, aktivistët u dërguan në burg. Të gjitha mediat kanë mbuluar komentet tuaja ku ju e keni cilësuar aksionin tonë politik si një aksion “fashist”. Për më tepër, ju i keni krahasuar aktivistët tanë me fashistët e vitit 1943, të cilët u hiqnin të tjerëve të drejtën e fjalës së lirë, duke e çuar krahasimin deri aty sa keni përmendur edhe Hitlerin dhe Bavarinë.

Deklaratat tuaja janë thellësisht ofenduese për studentët që kanë marrë pjesë në protestë, për Lëvizjen VETËVENDOSJE!, dhe për popullin e Kosovës. Aktivistët dhe aksioni i tyre nuk kanë asgjë të përbashkët me fashizmin.

Përkundrazi: nuk ka asnjë subjekt tjetër politik në Kosovë që ushqen qëndrime dhe ndjenja antifashiste siç e bën këtë Lëvizja VETËVENDOSJE!. Duke qenë se jemi takuar drejtpërdrejt dhe kemi diskutuar së bashku, unë nuk mund ta besoj që ju nuk jeni në dijeni të kësaj. Prandaj dhe deklaratat tuaja na kanë shokuar së tepërmi.

Nëpërmjet kësaj letre dëshirojmë të qartësojmë nësë deklaratat tuaja përfaqësojnë edhe qëndrimin zyrtar të Ambasadës së Republikës Franceze në Kosovë, dhe qëndrimin e Ministrisë së Punëve të Jashtme në Francë.

Këtë letër po e nisim edhe tek Ministria e Punëve të Jashtme në Francë, tek kryetari i Parlamentit francez, si dhe tek subjekte politike dhe media franceze. Nëse deklarimet tuaja përfaqësojnë qëndrimin zyrtar, dëshirojmë të shprehim indinjatën tonë më të thellë kundër këtyre deklarimeve të padrejta.

Franca, si popull dhe si Republikë, është një shembull i demokracisë për botën. Liria për të protestuar dhe për të shprehur pakënaqësinë me politikat qeverisëse përmes aksioneve paqësore politike është diçka e shenjtë që qëndron në themelet e shtetit francez. Franca gjithashtu gëzon një respekt të madh si dhe përkrahje nga Kosova. Kjo i bën edhe më shqetësuese deklaratat dhe cilësimet që ju keni artikuluar.

Ne shpresojmë me të vërtetë se ju do t’iu kërkoni falje aktivistëve dhe publikut, dhe se do ta sqaroni këtë incident sa më shpejt që të jetë e mundur.

Sinqerisht,

Albin Kurti

kryetar i Lëvizjes VETËVENDOSJE!

(Kjo letër i është dërguar dje Ambasadorit të Francës, Jean-François Fitou)

[Drenica 97]

Sipas kesaj "filozofie" edhe kundershtaret e fashizimit te vertete do te ishin fashiste, nese ata fashizimin nuk do ta luftonin vetem me mjete absolutisht demokratike resp. ligjore. Pra, fashizmi nuk do te ishte ideologji me struktura dhe organizim perkates, por vetem metode apo menyre ad hoc e veprimit.

Ja dy shembuj te fashizmit, sipas perfaqesuesit francez te kolonialisteve ne Kosove:

1.

http://www.youtube.com/watch?v=Hx_8ehX2bBM

2. Sulmi ka te bej direkt me Kosoven e vitit 1999

http://www.youtube.com/watch?v=724ygzPusYo

Ka edhe shembuj te panumert, ku protestues dhe kundershtar politik pengojne fjalime te politikaneve tjere (vendor dhe te huaj), ku sulmojne, shkaterrojne etj. Askush keto veprime nuk i quan fashizem dhe ne asnje forme nuk i krahason me veprime fashiste te viteve te 40-ta. Kjo ndodh vetem ne Kosoven e vitit 2011, ku nje perfaqesues kolonialist, duke mbrojtur ata qe vet i ka vendosur ne pushtet, i urdheron dhe punojne kryesisht per interesa te veta dhe te vendit te tij, e humbe durimin dhe zbulon per nje moment fytyren e vertete te regjimit kolonialist, fytyren e tij personale dhe te shtetit dhe kombit qe e ka derguar ate per sherbim ne regjimin kolonialist ne Kosove. Te gjitha fytyra antishqiptare, te cilat ne vitin 2011, mbi 50 vite pas perfundimit zyrtar te kolonializmit ne Afrike etj., Kosoven (ne Evrope) e kane shenderruar ne shume aspekte ne koloni me nje regjim dhe organizim te ngjashem me ato te kolonive klasike. ...

i ke ngatrru gjerat,bushin e gjuajti me kepuce nje individ (gazetar)fisherin e ngjyrosen anetaret e partise se tij,po ta gjuanin bushin aktivistet e demokrateve te nxitur nga partia ajo parti do te pesonte keq ne shba.

fjalet e ambasadorit fitou per vv jane te ashpera ,por edhe vv me keto "performancat" bajate e ka tepru,vv eshte parti parlamentare dhe duhet te sillet si parlamentar e jo si anarkist.........me keto veprime vv po i shfrytezon mekanizmat e demokracise,parlamentarizmit kur ato i konvenoin
kur nuk i konvenoin i shfrytezon mekanizmat e rruges,turmes keto ngjajn me fashizmin dhe nacizmin.

[Antiproanti]

i ke ngatrru gjerat,bushin e gjuajti me kepuce nje individ (gazetar)fisherin e ngjyrosen anetaret e partise se tij,po ta gjuanin bushin aktivistet e demokrateve te nxitur nga partia ajo parti do te pesonte keq ne shba.

fjalet e ambasadorit fitou per vv jane te ashpera ,por edhe vv me keto "performancat" bajate e ka tepru,vv eshte parti parlamentare dhe duhet te sillet si parlamentar e jo si anarkist.........me keto veprime vv po i shfrytezon mekanizmat e demokracise,parlamentarizmit kur ato i konvenoin
kur nuk i konvenoin i shfrytezon mekanizmat e rruges,turmes keto ngjajn me fashizmin dhe nacizmin.

Fashizmi dhe Nacizmi nuk jane krejtesisht te njejta. Dhe nuk kane perdore asnjehere dhe nuk e perdorin protesten e zakonshme qytetare apo aksione protestuese antiqeveritare. Ka shume theori dhe teza te ndryshme per fashizmin dhe nacionalizmin, te cilat shpesh edhe gabimisht apo qellimisht keqperdoren per propagande apo veprim politik kunder kundershtarit politik apo armikut.

Sa i perket rasteve J. Fischer dhe G. Bush nuk eshte ngaterruar asgje.
Sepse, sipas definitionit te ambasadorit, pengimi i konferencave dhe fjalimeve eshte fashizem. Ne kete kontekst, nuk ka dallin se kush e pengon fjalimin, kundershtar te brendshem apo te jashtem politik. Edhe Fischer i ka akuzuar te majtit nga jashte per sulmin me boje. Ka edhe shume raste, kur organizata joqeveritare dhe parti tjera pengojne dhe sulmojne konferenca dhe fjalime te udheheqsve te shtetit. Askush nuk vjen te ideja te thote se ishin veprime fashiste. Vetem ne raste, kur kemi te bejme me grupe te njohura fashiste dhe neonaciste. VV ne asnje aspekt nuk ju perngjane grupeve fashiste dhe neonaciste te Evropes. As ne praktike, as ne teori, as atyre te organizuara, as atyre te paorganizuara.
Qe kundershtar politik dhe armiq te kombit nje veprim apo ide politike te VV mund ta interpretonjne si fashizem, per ralitetin politik te Kosoves (sidomos per administraten Koloniale dhe bashkpunetoret) eshte e kuptueshme, kur kemi parasyesh performancen tejet te dobet politike dhe zbehjen gjithnje e me teper te shpreses se shumices se qytetareve per nje te ardhme me te mire te Kosoves.
Por, kjo megjithate VV nuk e ben fashiste. Sepse asnje veprim i deritanishem, asnje ide politike, asnje kerkese politike, asnje akt simbolik, asnje paraqitje publike, as struktura organizative, as prononcimet e deritanishme politike...nuk japin as shenja minimale per ndonje orientim fashist apo neonacist te kesaj partie. Per ta "zbuluar" kete te vertete nuk duhet te jesh as anetare, as perkrahes, as simpatizant, as kundershtar, as urrejtes, as armik...i VV.

Pa dashur te bej asnje krahasim, por edhe Gaddafi ne fillim kundershtaret e tij i quante islamista. Anatemimi i kundershtarit politik apo i armikut nuk eshte agje e re dhe e pazakonshme. Fyerjet, urrejtjet dhe propaganda kunder kundershtarit politik behen edhe me te ashpra dhe me radikale, kur pushteti, regjimi, apo ne rastin e Kosoves, administrata koloniale ka probleme dhe halle te cilat nuk mundet apo nuk deshiron ti zgjidhe ne te miren e shumices se qytetareve apo sipas sakrificave, kerkesave dhe pritjeve te kahmotshme te shumices se qytetareve. Pra, eshte shenje e qarte e dobesise se administrates se dhunshme koloniale dhe bashkepunetorve te saj kuisling.

[ARIANI_TB]

Këtu është Vetëvendosja
27 Tetor 2011 12:13, Nga Armand ShkullakuShumëkush mund të mendojë se opozita e Vetëvendosjes nuk është opozita që i duhet Kosovës, por Kosova gjithsesi ka nevojë për një opozitë. Këtë e ka kuptuar Vetëvendosja dhe prandaj ajo prodhon lajm çdo ditë dhe çdo ditë është në qendër të debatit politik.
Forca më e re politike në Kosovë ka marrë brenda një kohe të shkurtër rolin e protagonistes brenda opozitës. Lëvizja Vetëvendosje është e pamundur të mos prodhojë lajm çdo ditë. Brenda gjashtë muajsh ajo e ka thirrur dy herë në interpelancë kryeministrin për veriun, ka pushtuar faqet e gazetave dhe ekranet e televizioneve, është e pashmangshme në çdo debat politik dhe ka intensifikuar aksionet e diskutueshme në rrugë. Ndonëse mazhoranca ka tentuar ta shmangë një polarizim të situatës mes saj dhe VV, duke mos e konsideruar atë si forcën kryesore opozitare, lëvizja e Albin Kurtit ia ka dalë t’i imponohet skenës politike. Sot, Vetëvendosja është një faktor i pashmangshëm i debatit politik në Kosovë dhe pavarësisht ndjeshmërive që provokon radikalizmi i saj, ky është një fakt i pamohueshëm.

Shpeshherë e paragjykuar se flaka e lëvizjes rebele do të shuhej me të kapërcyer portën e Kuvendit, VV po ia del që të shfrytëzojë në maksimum energjitë dhe idealizmin e anëtarëve të saj si dhe të përfitojë nga apatia e dy partive të tjera opozitare. Ngathtësia e AAK dhe LDK ka lënë një terren të lirë brenda të cilit Vetëvendosja është akomoduar shpejt dhe ka vendosur autoritetin e saj. Mosha, entuziasmi për të vepruar, dëshira për të qenë protagonistë dhe eksitimi që të shkakton një aventurë e re si politika, kontrastojnë fort me AAK dhe LDK ku në pjesën më të madhe mbizotëron ngathtësia, rutina, konsumimi dhe velja me politikën. Për më tepër që nëse AAK vuan mungesën e Ramush Haradinajt dhe LDK po ndjen lëkundjet e para të pakënaqësive të brendshme, autoriteti i Kurtit në VV është i padiskutueshëm duke i dhënë asaj një linjë të qartë drejtimi. Pavarësisht se edhe këto dy parti opozitare janë kundërshtare reale të qeverisë Thaçi, Vetëvendosja po imponohet si zëri kryesor opozitar.

Por a është opozita e Vetëvendosjes opozita që i duhet Kosovës? Ky është një debat që sigurisht vë në peshore platformën politike dhe aksionet në terren të kësaj Lëvizje, që një pjesë e mirë e opinionit i kundërshtojnë si radikale, konfliktuale dhe me pasoja për stabilitetin e vendit. Nga animi i peshores do të varet edhe pesha elektorale e Vetëvendosjes në zgjedhjet e ardhshme parlamentare. Përmbysja e kamionëve, domatet mbi Edita Tahirin apo fërshëllimat për Bajram Rexhepin nga njëra anë dhe akuzat e forta për qeverinë, qëndrimi ndaj dialogut me Beogradin dhe mënyra se si kërkohet të zgjidhet çështja e veriut, e dallojnë qëndrimin e Vetëvendosjes prej partive të tjera politike. Kjo opozitë agresive në të gjitha frontet sigurisht që mund të shihet me rezerva në momentet delikate nëpër të cilat po kalon Kosova dhe të gjykohet si armiqësore për ithtarët e kompromisve dhe zgjidhjeve nëpërmjet marrëveshjeve politike. Por qëndrimi i VV në asnjë rast nuk mund të shërbejë si justifikim për pasivitetin e pjesës tjetër të opozitës. LDK është vërtet një parti opozitare e moderuar, që arriti një marrëveshje të zgjuar për të shmangur një krizë permanente politike, që ndahet me mënyrën se si VV bën opozitë dhe që e sheh partinë në pushtet jo si armike por si rivale politike, por ama kjo nuk ka përse ta pengojë atë të jetë më e angazhuar dhe më aktive në rolin e saj opozitar. Mefshtësia e forcës më të madhe opozitare dhe situata e ndezur politike, pa diskutim që shkojnë në favor të përpjekjeve entuziaste të Vetëvendosjes për të qenë protagonistja kryesore, për t’u shndërruar në anën tjetër të pushtetit, për t’u paraqitur si kundërshtarja reale e qeverisë së Hashim Thaçit.

“Shikoni numrat se kush është me e fuqishme”, deklaroi dy ditë më parë shefi i grupit parlamentar të LDK, Ismet Beqiri duke iu referuar krahasimit me Vetëvendosjen si fuqi opozitare. Mirëpo numrat sigurisht nuk janë gjithçka dhe këtë po e tregon çdo ditë VV duke u bërë pjesë e domosdoshme e debatit politik në vend. Tashmë kur kërkohet një ballafaqim me punët e qeverisë ose një përballje për çështje të ndjeshme si veriu apo korrupsioni, gati automatikisht kërkohen përfaqësuesit e Vetëvendosjes, ndonëse nuk është partia e parë opozitare. Këtu duhet ta shohi problemin LDK dhe jo të mbahet e kapur pas numrave. Numrat janë të lëvizshëm dhe duke parë vrullin e VV dhe prirjen e shoqërisë shqiptare drejt polarizimeve ekstreme, LDK mund të humbë rolin e të qenit një alternativë ndaj PDK. Edhe distancimi i ambasadorit Jean François Fitou apo përjashtimi i mëparshëm i ambasadorit Dell, në thelb nuk bëjnë gjë tjetër veçse e faktorizojnë Vetëvendosjen. Për më tepër kur partia nga zyra e të cilës Dell e bëri deklaratën, pasi nuk gjeti hapësirë tjetër si alternativë opozitare u shkri në partinë e Albin Kurtit.

Shumëkush mund të mendojë se opozita e Vetëvendosjes nuk është opozita që i duhet Kosovës, por Kosova gjithsesi ka nevojë për një opozitë. Këtë e ka kuptuar Vetëvendosja dhe prandaj ajo prodhon lajm çdo ditë dhe çdo ditë është në qendër të debatit politik. A do të përkthehet kjo edhe në një rritje të mundshme elektorale, kjo është sfida e VV dhe një provë për spektrin e moderuar të politikës kosovare.

http://www.gazetaexpress.com/?cid=1,877,65922

[ARIANI_TB]

Pas reagimeve të Vetëvendosjes, si duket ambasadori francez Jean François Fitou ka ndërruar qëndrimin e tij, duke thënë se nuk ka dashur ta quajë këtë Lëvizje dhe aktivistët e saj fashist, por vetëm personin, siç ka thënë ai, që ka fyer ministrin e Punëve të Brendshme, Bajram Rexhepi. Ai është lutur me fjalën “inshalla” që Kosova këtë vit të marrë udhërrëfyesin për liberalizimin e vizave.

Ai këto komente i bëri të enjten në forumin e radhës në Universitetin Amerikan në Kosovë, me temën "Perspektiva e Kosovës drejt integrimit në BE".



Në një ligjëratë të mbajtur disa ditë më parë në një institut në Kosovë, disa aktivistë të Vetëvendosjes kishin bërë disa pyetje provokative për ministrin Rexhepi, si dhe duke shkruar një pankartë “Fiu-fiu ministër po të fryn veriu”.

Kjo ka ngjallur reagim te ministri Rexhepi, por edhe ambasadori Fitou, i cili këto veprime i kishte quajtur fashiste dhe të kohës së Evropës së viteve 40-ta.

Por pas reagimeve të Vetëvendosje, ambasadori Fitou ka ndërruar qëndrimin, duke thënë se fashist nuk e ka quajtur Lëvizjen Vetëvendosje, por vetëm personin që ka fyer ministrin Rexhepi.

“Roli i ambasadorit është për t’u përgjigjur në pyetje kur janë në debat publik. E përsëris që unë e këshillova një djalë të ri që ofendoi ministrin Rexhepi, i cili ishte ulur pranë meje, le të themi që dikush këtu në mesin tuaj ju ofendon juve, nuk është politikë. Pra, nëse dëshiron të bënë atë çështje politike, ajo është punë e Vetëvendosjes, jo e imja. Unë nuk kam ndonjë polemikë me Vetëvendosjen, sepse unë i thashë një djali të ri se jeni duke ofenduar Rexhepin”, ka thënë Fitou.

Ndërkohë që Komisioni Evropian kohë më parë ka bërë të ditur se në dhjetor do të fillojë dialogu për liberalizimin e vizave, ambasadori Fitou ka shfaqur shpresën që Kosova këtë vit të marrë udhërrëfyesin për vizat.

“Ka vështirësi me pesë shtetet që nuk e kanë njohur Kosovën, ka vështirësi me dialogun për viza, i cili “inshallah” do të fillojë këtë vit. Vështirësia më e madhe për të ardhmen tuaj në Evropë është vetë Evropa, jo mënyra se si Evropa e shikon Kosovën, jo që Kosova po garon me vendet fqinje për të qenë i pari për t’u bërë anëtar ose për t’u bërë anëtar pa u penguar nga fqinjët. Kërcënim i madh është BE-ja si tërësi”, ka deklaruar ambasadori francez.

Kosova është vendi i fundit në rajon, qytetarët e së cilës nuk mund të udhëtojnë drejt vendeve të Bashkimit Evropian. /kosovapress/


http://www.gazetaexpress.com/?cid=1,13,65939

[halla mine]

Pavarësisht se edhe këto dy parti opozitare(LDK dhe AAK) janë kundërshtare reale të qeverisë Thaçi..

Kundershtare real(!!!).. qe s'kundershtojne asnjehere, si ka mundesi?

[Shkelqesia_E_Tij]

Nje francez qe uron ne arabisht (inshallah) per shqiptaret e Kosoves qe t'u liberalizohen vizat drejt Evropes.....Sa patetike dhe groteske !!!

Kosovare zgjohuni !

[halla mine]

FASHIZMI, APO AMBASADORI QË FSHEH FAJIN E MINISTRIT

Shkruan: Arbër Zaimi - Tiranë, 27. 10. 2011

Fjalët që ambasadori francez në Prishtinë, Jean François Fitou, i shqiptoi para kamerave, e meritojnë një vëmendje të veçantë. I nervozuar prej një proteste paqësore qytetare, nga ato që ndodhin vazhdimisht në vendet e qytetëruara (e më së shpeshti në Francë, për shkak të kulturës së protestës që është kultivuar atje), ambasadori akuzoi aktivistët e Lëvizjes “Vetëvendosje” duke thënë: “Kjo është Europa e vitit 1943, ky është fashizëm. Vendi im, Franca dhe Europa nuk e pranojnë këtë frymë. Kjo është Bavaria. Ky është Hitleri i vitit 1943. Kosova nuk ka nevojë për këto gjëra, vendi im nuk ka nevojë për këtë dhe as Europa”. Janë fjalë të rënda, fjalë që ofendojnë intelektin e një lëvizjeje politike e cila shprehimisht dhe haptazi e merr frymëzimin edhe prej betejave civilizuese e emancipuese antifashiste, të cilat janë ndërmarrë e po ndërmerren edhe sot prej shumë popujve në botë. Mirëpo, ndoshta Fitou nuk e ka menduar kështu. Ai nuk e ka kursyer etiketën “fashist” për anëtarët e “Vetëvendosje”, ashtu siç nuk e ka kursyer as krahasimin derogativ maksimal, atë me Hitlerin. Sot kanë kaluar dy ditë, dhe ende ambasadori nuk e ka sqaruar se çfarë nënkuptoi me atë që tha, nuk ka kërkuar as falje publike, kështu që na mbetet ne të analizojmë metaforat kaq të përzgjedhura të Monsieur Fitou’së.

Përse thirret në Bavarinë e 1943 zoti Fitou?

Ai vit ka qenë vit i gjatë e i stërmbushur me ngjarje, qoftë edhe për një vend jo tepër të madh, si Bavaria. Megjithatë, me aq sa e njoh unë historinë politike, kam përshtypjen se ambasadori i referohet ngjarjes së shkurtit 1943, kur në Mynih të Gjermanisë, nazistët ekzekutuan anëtarët e grupit paqësor anti-nazist të quajtur “Trëndafili i Bardhë” (die Weiβe Rose). Vetë ambasadori duhet ta dijë mirë se cilët ishin nazistët e ç’raport kishin ata me pushtetin, e po ashtu duhet t’i njohë edhe metodat e qëllimet e grupit “Trëndafili i Bardhë”. Këta të fundit ishin një grup që si aktivitet kryesor kishin shpërndarjen e fletushkave (ndoshta fletushkat ju kujtojnë diçka, apo jo zoti ambasador?), ndërkohë që kishin si parim të mos angazhoheshin në terrorizëm, por t’i rezistonin pushtetit totalitar vetëm me aksione simbolike (cili grup në Kosovë bën veprime të ngjashme sot - pyetje e lehtë dhe kjo, për një diplomat). Po të njihemi mirë me historinë e “Trëndafilit të Bardhë”, anëtarët e të cilit u shtypën nga pushteti totalitar nazist, ndoshta të gjithë do të vinim re se metafora e ambasadorit francez vlen vetëm për së mbrapshti. Këtu pushtet abuziv e shtypës nuk ka “Vetëvendosja”, po tjetërkush, ndërsa ata që bëjnë rezistencën paqësore - u futën në burg. Ndoshta, nga nxitimi, ambasadori Fitou ka ngatërruar referentët në metaforën e tij, e pa dashje i ka thënë fashist qytetarit që përpiqet të mos viktimizohet para pushtetit abuziv, ndërkohë që vetë pushtetin (ministrin) e ka krahasuar me viktimat.

Lexuesi padyshim që ka qenë i vëmendshëm ndaj letrës së protestës ndaj ministrit Bajram Rexhepi, që e lexoi aktivisti i “Vetëvendosjes” gjatë aktivitetit ku ndodhi “incidenti”, kështu që nuk ka nevojë ta citojmë këtu atë letër. Por, për hir të ruajtjes së një relate të drejtë me historinë, po citoj disa rreshta nga një prej fletushkave që shpërndante në Gjermaninë naziste grupi anti-nazist “Trëndafili i Bardhë”: “A nuk i vjen turp nga qeveria e vet secilit gjerman në këto kohë? Cilët mes nesh arrijnë ta përfytyrojnë përmasën e stërmadhe të turpit që do të na mbulojë ne dhe fëmijët tanë kur të vijë dita e të na hapen sytë - kur krimet e tmerrshme, krime që dalin jashtë çdo mase njerëzore - të dalin në dritën e diellit?”. Me sa duket, edhe viktimat e nazizmit që na rikujtoi Fitou, ashtu si çdo akt tjetër i protestës ndaj shtypjes, kanë denoncuar publikisht brutalitetin dhe arrogancën kriminale të qeverisë së vet asokohe. E tash dikush mund të ngrihet e të thotë se askush nuk ka të drejtë të protestojë ndaj një qeverie të zgjedhur, mirëpo le të mos harrojmë, meqë flasim për nazistë e fashistë, që edhe këta të fundit (përfshi Hitlerin) kanë ardhur në pushtet me votë.

Referenca e ambasadorit ndaj ngjarjes së Bavarisë në 1943 duket e paqartë, çfarë po nënkupton ai me të? Mos vallë po i këshillon qeveritarët të na trajtojnë siç u trajtuan aktivistët e “Trëndafilit të Bardhë”? Nuk e besoj këtë, se kjo do të ishte tepër për një ambasador, detyra e të cilit do të ishte të përfaqësonte sa më mirë interesat e vendit të vet tek një vend mik e te një popull mik. E meqë vendi i vet është Franca, vend i emancipuar, që ka rezistuar gjatë e fort kundër fashizmit e nazizmit, vend që ka themeluar republikën duke përmbysur ashpër tiraninë e autoritarizmin, vend që ka hequr dorë edhe prej kolonializmit si praktikë shfrytëzuese e shtypëse, ma merr mendja se interesat e saj për Kosovën do të qenë pikërisht në mbështetje e në promovim të këtyre vlerave.

Po të jemi dashamirës ndaj ambasadorit (e pse të mos jemi, në fund të fundit ai s’na bëri asgjë përveçse na ofendoi me fjalët më të rënda që mund të përshkruajnë një krim politik), mund edhe ta harrojmë këtë metaforën bavareze dhe mish-mashin që vjen prej relacionit bijektiv me realitetin kosovar. Mirëpo, nuk mund ta gëlltisim lehtë atë fjalën “fashist”, sepse ajo vulë vështirë se përdoret pa dashje, sidomos nga një person që i përket stafit diplomatik të një vendi të njohur për përgatitjen serioze që i jep administratës dhe burokracisë së vet.

Askush nuk mund të supozojë se Fitou nuk e di mirë se ç’është fashizmi e ç’janë fashistët. Duke qenë folës i një gjuhe neolatine, Fitou ia di dhe etimologjinë fjalës, pra e di se ç’do të thotë fascis, sëpatat e lidhura që mbanin liktorët romakë, truprojat e magjistërve. Fascis simbolizon rojën e pushtetit shtetëror pra, si dhe aftësinë e këtij pushteti për të ekzekutuar kundërshtarët e vet apo qytetarët e pabindur. Liktorët, mbajtësit e fashave, jo vetëm që i hapnin rrugën magjistrave, po edhe mund të vrisnin këdo që kundërshtonte pushtetin e tyre. Me reformimin e Romës ekzekutimi u bë disi më i rrallë e më pak i pranueshëm për qytetarët, kështu që liktorët filluan të shërbenin si një polici moderne, ata thjesht i arrestonin kundërshtarët. Prej këtij akti vjen dhe emri i tyre Lictores - lidhës, prangosës.

Për secilin, edhe pse jo për ambasadorin, është e qartë se cili është mbajtës i pushtetit në Kosovë, e cili është ai që lidh e që dhunon kundërshtarët e vet për t’u mbyllur gojën. Nuk mund të ketë barazim midis një pushtetari që i mbyll gojën qytetarëve duke i arrestuar dhe protestuesve që ndalin fjalimet demagogjike të pushtetit. Qëndrimet e qytetarit janë qëndrime. Qëndrimet e qeveritarit janë vendime. Parashikimet e qytetarit janë parashikime. Parashikimet e qeveritarit janë planifikime. Mendimet e lira të qytetarit janë mendime të lira ndaj qeveritarit. Mendimet e lira të qeveritarit janë imponime dhe detyrime për secilin qytetar.

E për më tepër, askush nuk mundet ta dekontekstualizojë aksionin e Lëvizjes “Vetëvendosje”, ashtu siç dekontekstualizon ambasadori Fitou përdorimin e termave derogativë. Nuk duhet të harrojmë se aksioni synonte protestën ndaj një ministri të Brendshëm që po dështon të ofrojë siguri për qytetarët e këtij vendi, një ministri të Brendshëm i cili nuk po mban përgjegjësi as për kriminelët që po vrasin policë e civilë e që po bëjnë që territore të tëra të qeverisen prej kontrabandës dhe krimit të organizuar. Ç’do të kishte ndodhur në Francë, zoti Fitou, nëse fjala vjen, qeveria do të humbte kontrollin e Provançe’s apo Bretagne’s? A do të protestonte kush? Le që ç’them, në ka diçka që Franca i mëson botës me krenari e me ballë lart - ajo është protesta dhe rezistenca ndaj cilësdo qeveri që zhgënjen pritshmëritë qytetare e që tradhton principin mbi të cilin ngrihet një republikë - lirinë e sovranitetin. Nuk keni të drejtë ta trajtoni Kosovën ndryshe nga ç’do të dëshironit të trajtohej Franca, zoti ambasador! Dy vendet tona njihen reciprokisht, janë vende mike e popuj miq. Si të tilla - edhe pse rrjedhin prej historish të ndryshme - e pranojnë njëra-tjetrën si të barabarta.

Një aksion politik i cili e rikuptimësoi një situatë në të vërtetën e saj, ambasadori Fitou u mundua ta shpjerë e në një vend dhe epokë tjetër (Bavaria 1943), t'ia vërë etiketën atje, dhe ta kthejë në po këtë situatë në favor të maskimit të emergjencës që kumbon në veri. Shprehja e ambasadorit nuk flet asgjë për aksionin e “Vetëvendosjes”, por rrëfen edhe njëherë për vetë situatën alarmante në Kosovë, situatë që e kishte të domosdoshme shprehjen përmes aksionit tonë, aksion që s’mund të dilte kurrë prej xhepit të Rexhepit. Këto aksione janë akte qytetarie, nuk ka xhep që i nxë, sado i pasur të jetë ministri posedues i xhepit.

[skipetar]

...
HEIL HITLER!

SIEG HEIL!
...

Prej një Shqiptareje nga Kosova, nga vendi ku njerëzit i përejtuan të njëjtat tmerre nga Millosheviqi e pasuesit e tij para rreth 12 vjetëve sikur ato që i përjetuan miliona njerëz nga Hitleri dhe pasuesit e tij para rreth 70 vjetëve, kisha me pritë shfaqje të dhembshurisë ndaj viktimave të Hitlerit ose së paku mejtim në heshtje prej pamundësisë të të shprehurit se truri e trupi i janë ngjirur nga pamundësia me i kuptu e me i ripërjetu kujtimet çnjerëzore.

Por, jo, mbetem i habitur nga kjo shfaqje e çnjerëzores, edhe në qoftë se është bërë pavetëdije.

Me u ndërlidh me temë, janë të paditurit e tillë, që pritojnë me e përdor trurin e tyre në shkallën më të ulët, që përdoren sot nga partitë politike në Shqiptari, si Lëvizja Vetëvendosje e të tjerat, që si pakokë e marrin në qafë vetveten e shoqërinë në përgjithësi.