DURRES- Një familje e tërë është aksidentuar për vdekje gjatë natës në një fshat të Durrësit.
Policia bën të ditur se ngjarja ka ndodhur gjate mesnatës ne fshatin Gjopalaj, prane Shijakut ndersa shkak i aksidentit mund të ketë qënë furtuna.
Pasagjere ne automjet ishin Baki Keçi 43-vec e Mimoza Keçi 39- vjec si dhe femijet, Renato Keçi 14 vjec dhe Arber Keçi 10 vjec, banore te fshatit Gjopalaj.
Sot paradite u gjeten të vdekur 3 prej familjareve ndersa trupi i nje prej femijeve që ndodhej në automjet rezultoi i zhdukur në ujrat e kanalit. Policia rreth ores 11:00 gjeti trupin e Renatos 10 vjecar ne ujerat e perroit, prane Shijakut.
Dyshohet se automjeti ka dalë nga rruga dhe ka rënë një një kanal të madh.
Skema e aksidentit
Nga hetimet dhe dëshmitë në zonë, policia ka mundur të ndërtojë skemën e aksidentit të rëndë që i mori jetën familjes Keçi. Në mbrëmjen e së enjtes familja ishte duke udhëtuar me automjetin tip benz me targa Dr 80 71, por në momentin që po kalonin rrugën që lidh qytetin e Shijakut me Gjopalajn, ky aks ishte mbushur me ujë. Duke se drejtuesi është përpjekur të manovrojë por nuk ja ka dalë dot pasi rrebeshi ka qënë i fortë dhe ka rënë në përrua. Përroi sic bëjnë me dije banorë të zonës është një përrua i heshtur përgjatë gjithë verës, kurse në vjeshtë dhe dimër zgjohet frikshem.
Drama e familjes Keçi vijon më tej kur pas rrëzimit ata anë hapur dyert e automjetit dhe me plagë në trup janë munduar të dalin jashtë. Por, uji ka rrëmbyer 2 fëmijët ndërsa bashkëshorët kanë mbetur mes kallamishtave të gjata të dendura të paprerë prej vitesh.
Trupat e viktimave janë gjetur sot herë në mëngjes. Fillimisht u identifikuan Baki dhe Mimoza, bashkëshortët, më pas u gjet trupi i djalit 14 vjecar, Renatos dhe me shumë vështirësi, përgjatë përroit u gjet dhe trupi i 10-vjecarit, Arbër.
(d.b/BalkanWeb)
Përgjigju Duke Cituar
Postuar më parë nga ****
Krijoni Kontakt