Kuriozitete Nga Shkenca Dhe Jeta

[fegi]

Cudira Shqiptare - Makina behet hidrocentral

[fegi]

Çmenduria tregon gjithçka. Është koha e hënës së plotë dhe të gjithë ndihen çuditshëm. Legjenda thotë që hëna e plotë e nxjerr më të keqen nga njerëzit: ka më shumë dhunë, vetëvrasje, fatkeqësi dhe agresion. Ndikimi i hënës në sjellje shpesh quhet efekti transilvanik. Besimi që hëna e plotë është shkak i çrregullimeve mentale dhe sjelljes së çuditshme ka sunduar në Evropë në mesjetë, ndërsa edhe sot pranohet në disa kultura.

Studimet tregojnë që më shumë sulme fizike paraqiten rreth hënës së plotë, si dhe më shumë krime dhe kafshime të kafshëve gjatë hënës së plotë. Ka shumë probleme që njerëzit i lidhin me hënën e plotë.

Ndonjëherë ka dy hëna të plotë brenda një muaji. Njerëzit ende janë të bindur që hëna e plotë ka ndikim në jetën e tyre. Në fund të fundit, sipërfaqja e tokës përbëhet nga 80 për qind ujë, e po ashtu edhe trupi njerëzor, kështu që ka kuptim. Ndryshmet në baticë në shumicën e zonave bregdetare rrallë kalojnë dhjetë metra. Në liqene dhe trupat njerëzorë baticat janë të papërfillshme. Ndikimi i hënës në tokë ndihet në mënyra të ndryshme. Por, si qëndron puna me ndikimin tek njeriu?

Hëna e plotë ndikon në shumë njerëz anembanë botës duke shkaktuar jostabilitet emocional dhe pasiguri. Pasi që forca gravitacionale e hënës është mjaft e fortë për të shkaktuar baticën dhe zbaticën, ndoshta ndryshohet ndikimi gravitacional në gjëndrat dhe organet që mund të ndikojnë në disponim. Kjo ndoshta shpjegon faktin që gjatë kohës së hënës së plotë të gjithë çmenden pak.

Konsiderohet që gjatë kohës së hënës së plotë energjia e hënës është më e fuqishme dhe e mbushur me fuqi magjike. Me një lidhje të fortë me simbolizmin femëror, hëna e plotë po ashtu konsiderohet kohë e bollëkut, pjekurisë dhe pjellorisë. Shumë kultura hënën e plotë e lidhin me ciklin menstrual dhe ngjizjen.

Periudha e hënës së plotë po ashtu shpesh lidhet me pagjumësinë e përkohshme dhe çmendurinë. Hëna e plotë është koha e rrëfimit të legjendës për njeriun-ujk. Atëherë njerëzit shndërrohen në qenie mitike dhe mbjellin frikë rreth e përqark. Të mos harrojmë edhe tregimet e ndryshme për vampirët, shtrigat që dalin në kohë të hënës së plotë dhe në përgjithësi, legjendat që rrëfehen në popull.

Nëse të gjitha këto i takojmë gjatë kohës së hënës së plotë, ndoshta kjo është arsyeja e çmendurisë së përgjithshme që lidhet me hënën e plotë. Nuk takoni çdo ditë vampir, shtrigë dhe njeri-ujk në dyqanin e lagjes suaj. Kjo mundet pak ta turbullojë njeriun.

[teta]

numri i lindjeve te parakoheshme,numri i vetvrasjeve numri i qregullimeve mendore rritet ne henen e plote.
kujdestaria ne kete kohe dyfishohet si ne medicine ashtu edhe ne polici,cak kan filluar qe ne kalendaret e vitit te vehet edhe shenjat e pozicionit te henes qe te dihen perafersisht kur eshte hena e plote

ke te drejt per postimin.

[fegi]

Planeti Tokë mban 8.7 milionë specie
Njerëzit e ndajnë këtë planet me të paktën 8.7 milionë forma të ndryshme jete. Sipas një studimi që konsiderohet më i sakti i kryer deri më sot.

Studiuesit të cilët kanë analizuar kategorizimin hierarkik të jetës kanë kuptuar se jea nuk është e ndarë barabar mes tokës e ujit. Ata kanë kuptuar se shumë specie do të jenë zhdukur para se njerëzit t’i kenë studiuar ato. Ky problem është urgjent. “Ne po humbasim specie për shkak të aktivitetit njerëzor, dhe ne nuk kemi për ta kuptuar edhe për shumë kohë se çfarë species po humbim” tha DrCamilo Mora nga University of Hawaii.

Autorët arritën të kuptojnë edhe çfarë species mund të jenë zhdukur e që nuk janë përshkruar akoma nga biologët, vetëm duke studiuar të dhënat ekzistuese të 1.2milionë specieve, e duke krahasuar të përbashkëtat mes tyre, unazat e zhvillimit që mungojnë sikurse edhe ndryshimet.

Robert May, një këshilltar i mëparshëm britanik për shkencën, pohoi se kjo përpjekje e re, njësoj si të mëparshmet, bazohet mbi të dhëna të paplota. Por, sipas tij, konkluzionet janë të arsyeshme.

Ky numërim i specieve, si të tjerët para tij, nuk mund të jetë fjala e fundit. Ka plot të panjohura në katalogun e jetës, tha Rob Dunn, autori i “Every Living Thing”.

“E vërteta është”, sipas tij, “se ne jemi akoma shumë injorantë… Ne akoma nuk kemi inventarin e plotë të një pylli tropikal në botë, madje, as dhe të një hektari të vetëm pyjor.”

298,000 specie bimësh

611,000 specie kërpudhash

36,400 specie protozoarësh – organizma njëqelizorë

27,500 specie algash

Studiuesve nuk ua mbajti të numëronin as me përafërsi numrin e baktereve.

75% e 8.7milionë specieve – shumica e të cilave janë insekte – jetojnë në tokë;

25% ose afërsisht 2.2 milionë jetojnë në ujë.

86% e të gjitha bimëve dhe kafshëve në tokë dhe 91% e atyre në det, akoma nuk janë kataloguar dhe emërtuar.

250 vjet më parë është shpikur “taksonomia”, sistemi i kategorizimit të specieve nga Carl Linnaeus.

[fegi]

Zbulohet ylli që nuk do të duhej të ekzistonte (video)

Publikuar: 01.09.2011
Heidelberg, 1 shtator - Astronomët kanë zbuluar një yll të vjetër 13 miliardë vjet në galaktikën tonë (Rruga e Qumështit), i cili nuk do të duhej të ekzistonte sipas ligjeve të fizikës që i njohim.

Shkencëtarët kanë thënë se ky yll në tërësi përbëhet nga heliumi dhe hidrogjeni dhe se gjendet në “zonën e ndaluar” të formimit të yjeve, shkruan revista Digital Journal.

Shkencëtarë francezë e gjermanë thonë se është e pashpjegueshme se si ka mundur të mbijetojë ylli i quajtur SDSS J102915+172927, i cili ka masë 200 herë më të vogël se sa Dielli ynë dhe gjendet në nëngalaktikën e Luanit.

Nëpërmjet analizës së karakteristikave të tij është ardhur në përfundim se ai përmban shumë pak litium, gjë që është befasuese sepse ylli i një vjetërsie të tillë do të duhej të përmbante 50 herë më shumë litium, sikundër që do të duhej të përmbante edhe më shumë metale të ndryshme, thanë shkencëtarët.

Sipas shkencëtarëve, ky yll i pazakonshëm nuk është i vetmi, pasi astronomët kanë detektuar edhe disa yje që nuk do të duhej të ekzistonin.


“Tashti planifikojmë t’i hulumtojmë dhe të shohim se a bëhet fjalë për rast të njëjtë”, thanë shkencëtarët.Koha.net

http://imageshack.us/photo/my-images...091121321.jpg/

[fegi]

Një satelit do bjerë mbi Tokë. Mund të godasë këdo
Peshon gjashtë tonë dhe ka dalë jashtë kontrollit. Pritet që këtë muaj të përplaset në tokë. NASA ka paralajmëruar se shanset që sateliti të godasë dikë janë 1 në 3.200.
Sateliti i njohur me emrin UARS mund të ulet në një nga gjashtë kontinentet.
Që nga viti 2005 atij i mbaroi energjia dhe tani po endet për tu përplasur në Tokë. NASA thotë se nuk ia ka idenë se ku do godasë e kë.

[alnosa]

cilat jane pasojat qe mund te shkaktoi ne toke kur te bjere ?????

[fegi]

Në prag të 10 vjetorit të sulmeve të 9 shtatorit në kullat e Nju Jorkut, NASA ka publikuar në You Tube pamje mahnitëse të ditës së ngjarjes së tragjedisë. Nga pamjet e ofruar nga NASA janë të dukshme duket një shtëllungë tymi që vjen nga vendi ku ndodhi përplasja.

Astronauti Amerikan Frank Culbertson dhe dy rusë ishin duke u rrotulluar rreth tokës në ISSH, kur ata kapën videon dhe tymin në rritje që vinte nga Nju Jorku thuhet në raportet e Huffington Post. "Ishte si të shihje një plagë në një anë të vendit tuaj", tha Culbertson. "Ne e morëm këtë video në kohën kur kulla e dytë u rrëzua. Unë nuk e di saktësisht se çfarë po ndodhte, por e dija se ishte me të vërtetë keq, sepse ka pasur një re te madhe te mbeturinave që mbulon Manhattan, " - tha ai.

"Paradoksi i faktit është se gjendesh në anijen e dedikuar për përmirësimin e jetës në tokë dhe ajo që shikon është jeta duke u shkatërruar nga të tilla akte të paramenduara që dhembin në shpirt". /albeu.com/

[fegi]

KE: Hetoni pse po lindin kaq shumë meshkuj në Shqipëri
10-09-2011

Delegatët e Asamblesë së Përgjithshme të Këshillit të Evropës pritet të diskutojnë në sesionin plenar në tetor për një problem shqetësues. Sipas tyre, përzgjedhja e seksit tek fëmijët përpara lindjes është bërë shqetësuese.

Madje Komiteti për Mundësi të Barabarta për Gratë e Burrat ka përgatitur një raport të detajuar. Në krye të vendeve më problematike është Shqipëria, bashkë me Azerbajxhanin e Armeninë, ku numri i të lindurve është 112 meshkuj për 100 femra. Më pas vjen Gjeorgjia me 111 meshkuj për 100 femra.

Komiteti pritet tu bëjë thirrje këtyre vendeve për të hetuar çështjet dhe arsyet pas kësaj rritje të frikshme të diferencës mes meshkujve e femrave. Sipas Komitetit, këto vende duhet të shtojnë përpjekjet për të përmirësuar statusin e grave në shoqëri. /tema/

[fegi]

Dobrosht, gjallesa të çuditshme në ujë
Sht 14th, 2011


Tetovë – Një gjallesë e panjohur ka dalë nga çezma e një banori të fshatit Dobrosht të Tetovës. Para dy ditëve duke lëshuar ujë nga çezma e shtëpisë ku çdo ditë pinë ujë, pronari i çezmës Qemal Elezi, ka gjetur një krijesë të hollë dhe të gjatë rreth 40 centimetra. Fillimisht ai kishte menduar se është ndonjë fije kashte, por më vonë ka parë se gjallesa kishte filluar të lëvizte.“Kjo gjallesë është gjetur pardje dhe ka dalë nga çezmja.Unë rastësisht mbusha ujë në këtë kovën, unë mendova se është fijë bari dhe e lëshova dorën që ta kapi kur e pashë se lëvizin e kuptova se është një gjë që nuk duhet të jetë. Kjo është një gjë që nuk ka vend për torelancë kjo është një gjë që rezkshme për jetën e fëmijëve dhe njerëzve” , tha Qemal Elezi / banor i fshatit Dobrosht. I shqetësuar nga ajo që i kishte ndodhur, Elezi kishte alarmuar autoritetet shëndetësore dhe mediat. “Mos dhashtë zoti që një fëmijë ta gëlltisë dhe prandaj vendosa që për këtë gjë t`i thëras mediumet, që tu tregoj që ndoshta ndikush apo fashatarët tonë nuk do t`a përdorin uijn ashtu siç e kanë përdorur por do të kenë kujdesë se me sa e shohë unë tjetër kujt nuk i intereson për mirëmbajte apo për pastrim të ujit”, Nga Instituti për mbrojtje shëndetësore thonë se kanë marrë mostër të ujit në këtë fshat, por se nuk kanë gjetur asgjë të pazakontë. Në një njoftim për media nga Instituti për mbrojtje shëndetësore thuhet se, “sipas analizave të kryera me datë 13 gusht të këtij viti në dy vende në Dobrosht, uji në të dy mostrat e marra në aspektin mikrobiologjik i plotëson kriteret e parapara. Ndërsa në aspektin fizik, mostrat e marra kanë vetëm pak turbullirë”. Por pavarësisht kësaj, Qemal Elezi edhe më tej ruan gjallesën e pazakontë në një enë.shqipmedia