Sulm terrorist ne Norvegji

[kleadoni]

tragjedi eshte denimi qe i dhane,21 vjet pastaj prap duke luajtur Cakallin ne pyll,vetem vdekje meriton ky alieni

Me te vertete e denuan me 21 vjet?? Mendoja qe do nxirrnin ndonje ligj te ri enkas per kete rast...

[fattlumi]

Sa per denimin nuk ma merr mendja se do denohet me vetem 21 vite burg,pasi kur ta kryej kete denim do shqyrtohet prape mundesija se ky njeri eshte i rrezikshem per shoqerine dhe keshtu do i zgjatet burgu.
Policia ne momentin e arrestimit te tij thote se ka pasur ende shume municion me vete mirepo nuk ka shtene ne polic.
Ky kishte emrin ne polici qe nga muaji mars,kohen kur i kishte paguar permes internetit nje firme polake pasi kishte blere disa" materje kimike".
Poashtu disa deshmitare konfirmojne me vertetesi se nje dite para sulmit,pra te enjten rreth ores 22.30 ne mbremje kishin pare Anders Breivik me nje anije i shoqeruar edhe nga nje person tjeter duke lundruar rreth ishullit Utoya.

[Kryqi i Paqes]

tragjedi eshte denimi qe i dhane,21 vjet pastaj prap duke luajtur Cakallin ne pyll,vetem vdekje meriton ky alieni

Ku e lexove ger, denimin, ndonje link?

[Fleur Blanche]

Sa per denimin nuk ma merr mendja se do denohet me vetem 21 vite burg,pasi kur ta kryej kete denim do shqyrtohet prape mundesija se ky njeri eshte i rrezikshem per shoqerine dhe keshtu do i zgjatet burgu.

Fattlum, jane dy gjera ketu ne lidhje me kete qe thua ti; e para duhet te dish parimin universal qe ligji i ri (nese nxirret nje ligj i ri me i ashper) nuk ka fuqi prapavepruese.
E dyta, nuk ka mundesi te shtohet denimi, kur denimi maksimal eshte 21 vjet, por vetem nese gjate kohes kur eshte duke vuajtur denimin me 21 vjet, ben nje krim tjeter, atehere denimi i krimit tjeter i bashkangjitet denimit 21 vjet, dhe fillon te ekzekutohet si denim, pasi te kryeje 21 vjetet.

[fattlumi]

Fattlum, jane dy gjera ketu ne lidhje me kete qe thua ti; e para duhet te dish parimin universal qe ligji i ri (nese nxirret nje ligj i ri me i ashper) nuk ka fuqi prapavepruese.
E dyta, nuk ka mundesi te shtohet denimi, kur denimi maksimal eshte 21 vjet, por vetem nese gjate kohes kur eshte duke vuajtur denimin me 21 vjet, ben nje krim tjeter, atehere denimi i krimit tjeter i bashkangjitet denimit 21 vjet, dhe fillon te ekzekutohet si denim, pasi te kryeje 21 vjetet.

Edhe mua me duket e palogjikshme nje gje e tille,mirepo edhe me e palogjikshme me duket ky te mos vuaj denim te perjetshem,por te lirohet pas 15 viteve.
Ose ndoshta do ndryshojne gjerat pas 15 viteve.
Sdq,norvegjezet perjetuan ferrin keto dite,pavaresisht a denohet 15 apo perjete.

[Fleur Blanche]

Sdq,norvegjezet perjetuan ferrin keto dite,pavaresisht a denohet 15 apo perjete.

Kjo eshte pra; denoje sa te duash nje bastard pervers si ky, se nuk mund t'i kthesh me ne jete ato qenie te pafajshme qe humben jeten, ne ate menyre aq makabre. Kjo qe ndodhi, nuk ben gje tjeter, vetem se e perforcon ate qe; njeriu eshte e keqja e vetes se tij, dhe e rraces se tij njerezore. Nuk vret feja, nuk vret ideali, por vrasin njerezit qe shpikin dogma dhe behen skllav i tyre.

[xfiles]

Vetem mua me duket interesante kjo ngjarje dhe qe ja vlen te studiohet nga ana socio-psikologjike?
çmenduria thuhet eshte frymezim nga vete zoti,
ku i dihet si e ka patur planin natyra ne kete rast.

[Mexhid Yvejsi]

THE ECONOMIST: Fiksimi i vrasësit norvegjez

Ballkaninhttp://www.gazetatema.net/web/?p=32350



Ky është një shkrim i The Economist, i autorit Tim Judah. Vrasësi norvegjez ka dalë sot përpara gjyqit, ku ka pranuar sulmin me bombë dhe atë me armë në ishull. Ai ka pretenduar se ka vepruar për të shpëtuar Europën nga Islami. Sipas tij, edhe dy celula të tjera janë në veprim. Ndërkohë, policia thotë se numri i të vrarëve është 76 e jo 93.



Nga Tim Judah



Një surprizë pak e pakëndshme. Anders Behring Brejvik, njeriu që ka pranuar se ka kryer sulmet e së premtes në Norvegji, ku u vranë të paktën 96 njerëz, më referohet mua indirekt në manifestin, që mesa duket e ka hedhur në internet pak përpara se të niste vrasjet. Duke marrë në diskutim një ngjarje kyçe në historinë e Serbisë dhe Kosovës, në vitin 1690, Brejvik më referohet mua (gabimisht) si historian, dhe thotë se kam hedhur poshtë një qëndrim specifik të Noel Malkolm në një nga kritikat e mia për librat. Në fakt, unë ngre dyshime për këtë qëndrim: `hedh poshtë' është shumë kategorike.



Një shikim në manifestin prej 1500 faqesh të Brejvik me titull "2083: Një deklaratë për pavarësinë e Europës", që e ka publikuar nën një pseudonim, ai shfaq një fiksim të çuditshëm për Ballkanin. Nëse kërkon për fjalën Kosovë, ajo të shfaqet 143 herë, `serbë' të shfaqen 341 herë, `Bosnja' 343 herë dhe Shqipëria 208 herë. (Srebrenica- vendi ky u krye masakra nga serbët e Bosnjes mbi 8 mijë boshnjakë në vitin 1995, nuk shfaqet në dokument).



Dokumenti është përshkruar si një lloj "Mein Kampf" i ditëve tona, në të cilin hebrenjtë janë zëvendësuar nga myslimanët si armiq që duhen luftuar dhe fshirë nga Europa. Duke u mbështetur kryesisht në propagandën më të ashpër luftënxitëse serbe në vitet 1990, dokumenti i përshkruan shqiptarët myslimanë dhe boshnjakët (myslimanët e Bosnjes) si një armik xhihadist, njësoj si djalli. Është e panevojshme të thuhet se historia e tij është e çoroditur dhe e keqinformuar.



Në një kapitull, Brejvik thotë se do donte të takonte Radovan Karaxhiç, liderin e kohës së luftës për serbët e Bosnjës, që po gjykohet për momentin në tribunalin e OKB për krime lufte. "Por a nuk është Radovan Karaxhiç një vrasës në masë dhe racist?!" pyet ai. "Siç tregojnë studimet e mia, jo".



Dokumenti vazhdon duke theksuar se për dekada, myslimanët e Bosnjes dhe shqiptarët, kanë zhvilluar një luftë të qëllimshme demografike ose një "gjenocid indirekt" kundër serbëve. Kjo i bën jehonë një memorandumi fatkeq të Akademisë Serbe të Shkencës dhe Arteve, që u zbulua në vitin 1986, dhe që konsiderohet gjerësisht si një ndikim i rëndësishëm mbi nacionalistët serbë në atë kohë.



Kapitulli vazhdon më tej duke shfaqur shkallën e zhgënjimit të Brejvik. Karaxhiç, thotë ai, "u ofroi myslimanëve në Bosnjen serbe shansin që të konvertoheshin, ose të linin vendin".



Ai vazhdon: "Ai madje shkoi më larg duke u ofruar myslimanëve enklava të caktuara. Kur ata refuzuan, ai donte t'i depërtonte ata me forcë. Ku kjo u bë e pamundur nga NATO, ai dha urdhër për të luftuar njerëzit që nuk pranuan atë që ishte e drejta e tij sovrane dhe përgjegjësi e tij si një nga udhëheqësit kryesorë të forcave serbe. Kjo nuk kishte lidhje me etninë, por me heqjen qafe të një ideologjie gjenocidale dhe urrejtje, të njohur si Islami. Dënoj të gjitha krimet e kryera ndaj kroatëve dhe anasjelltas, por për përpjekjet e tij për të pastruar Serbinë nga Islami, ai duhet konsideruar si një kalorës i kryqëzatave dhe një hero lufte në Europë. Sa për kriminelët e luftës të NATO-s, ata nuk janë veçse kriminelë."



Brejvik përdor fjalë të ashpra edhe për shqiptarët. Familjet e tyre, thotë ai, "lindin në shkallë të madhe, duke u përpjekur të pushtojnë territoret demografikisht e më vonë me anë të gjakderdhjes." Edhe pse shqiptarët janë myslimanët më sekularë në botë, dhe fanatikë pro-amerikanë, Brejvik zgjedh të nxjerrë në pah lidhje të supozuara me Al Kaedën.



Në luftën e ardhshme, që parashikon Brejvik, ai diskuton për deportimin e myslimanëve nga Europa dhe duket se mbështet një eliminim fizik për çdo shqiptar dhe boshnjak që bën rezistencë. "Meqë ata jetuan këtu për shekuj, nuk do e pranojnë deportimin nga Europa dhe do luftojnë për mbijetesë. Për këtë arsye duhet aplikuar një strategji ushtarake më afatgjatë dhe më brutale," shkruan ai.



Kur Europa të pastrohet nga myslimanët, Shqipëria është projektuar sipas Brejvik si një zonë tranziti për Ballkanin. Pas kësaj, harta lokale do rivizatohet tërësisht. "Pasi të gjithë myslimanët të jenë larguar nga Europa, Kosova do të ribashkohet me Serbinë dhe njëherë," shkruan ai.



Bosnja gjithashtu është zhdukur nga harta, në një mënyrë që të kujton përpjekjet e dështuara në vitet '90 për ta ndarë atë mes Serbisë dhe Kroacisë. Brejvik i referohet vendit si një "territor serbo-kroat, i njohur si Bosnje Hercegovina". Ajo do ndahet mes "serbëve në masën 60-70 përqind dhe kroatëve në masën 30-40 përqind, sipas kufijve etnikë historikë. Të gjithë myslimanët, boshnjakë e shqiptarë, do deportohen në zonën më të afërt të tranzitit (Shqipëri), për të pritur deportimin nga Europa".



Gjeografia e tij turbullohet pak kur vjen tek vendi që ai i referohet si "territori greko-kroat-serb, i njohur si Shqipëria". Shqipëria nuk ka kufij me Kroacinë. Ai sugjeron që vendi të ndahet në atë mënyrë që grekët dhe malazezët të marrin nga 20 përqind secili, dhe pjesa tjetër tu mbetet kristianëve shqiptarë. "Të gjithë myslimanët shqiptarë do deportohen në qendër të Anadollit. Vendi i mbetur në Shqipëri do ofrohet si një shtëpi e përkohshme për disa minoritete kristiane që vijnë nga Lindja e Mesme".



Duke e parë veten si një kalorës modern i kryqëzatave, Brejvik mesa duket shpresonte se duke vrarë sa më shumë bashkëkombas norvegjez, do provokonte një luftë të re botërore, në të cilën Ballkani do ishte një nga frontet qendrore. Dokumenti i tij përmban disa detaje edhe për medaljet që do ofroheshin. Medalja "Për çlirimin e Ballkanit" do u jepej atyre që do ndihmonin për të larguar Islamin nga territoret e pushtuara që i përkasin Serbisë dhe Kroacisë.



Interesante është se Brejvik pretendon se ishte angazhimi i Norvegjisë në sulmet mbi Serbinë (NATO e bombardoi vendin gjatë luftës në Kosovës) që bënë që ai të lëvizte me sulmet. Ai shkruan:



"Ishte krejt e papranueshme se si regjimet e Europës Perëndimore dhe SHBA bombarduan vëllezërit tanë serbë. Ajo çka donin ata ishte që të hiqnin qafe Islamin duke depërtuar shqiptarët myslimanë sërish në Shqipëri. Kur shqiptarët refuzuan, ata nuk kishin zgjidhje tjetër përveçse të përdornin forcë. Duke mos lehuar të drejtën e serbëve për vetëvendosje mbi territorin e tyre sovran, ata indirekt hapën një varr në Europë. Një e ardhme ku në çdo kryeqytet të Europës do krijohej nga një mini-Pakistan. Kjo është e papranueshme, totalisht e papranueshme."



Në fund, Brejvik diskuton krijimin e një të ashtuquajturi urdhër ushtarak, të cilit thotë se i përket. Kontakti i parë ishte përmes "konservatorëve kulturorë" serbë- mesa duket nacionalistë ekstremistë në internet. Ai takoi edhe të tjerë nga mbarë Europa, por thekson: "Kam pasur privilegjin të takoj një nga heronjtë më të mëdhenj të gjallë të luftës në Europë. Për shkak të persekutimit nga BE për krime të dyshuara ndaj myslimanëve, ai jetonte në Liberi. E kam vizituar atë në Monrovia dikur, pikërisht pak përpara sesionit të themelimit në Londër, 2002".

[fattlumi]

Në Prishtinë ndezën qirinj për viktimat në Norvegji

Prishtinë, 25 korrik - Zyrtarë të Ministrisë së Punëve të Jashtme të Republikës së Kosovës, bashkë me organizata joqeveritare dhe qytetarë, të hënën mbrëma kanë ndezur qirinj para Teatrit Kombëtar, për të shprehur solidaritetin me familjet e viktimave të tragjedisë më të rëndë në Norvegji, që prej Luftës së Dytë Botërore. Policia norvegjeze e kishte vënë fillimisht në 93 numrin e viktimave, mirëpo të hënën e ka korrigjuar këtë shifër në 76. Anders Behring Breivik, njeriu që akuzohet për vrasjen makabre, në paraqitjen e parë në gjyq ka thënë se sulmet e tij ishin “sinjal” për popullin norvegjez. Ai është urdhëruar që të mbahet në paraburgim për tetë javë.
Koha.net

[Prometeu2]

Me te vertete e denuan me 21 vjet?? Mendoja qe do nxirrnin ndonje ligj te ri enkas per kete rast...

Po prit pak o Kleadon, nuk denohen njerezit brenda nates ne Perendim! Ky do te mund te denohej per kohe aq te shkurter vetem ne Shqiperine e Xhaxhit, apo ne BRSS-ne e Stalinit.