Tahiri: Nga 1 nëntori, s’do t’ketë struktura paralele

[skipetar]

03-07-2011 17:08 CET

Udhëheqësja e delegacionit të Kosovës në bisedime teknike me Serbinë, Edita Tahiri, gjatë një konference për medie pas mbërritjes në Kosovës nga Brukseli, bëri të ditur se tri marrëveshjet e arritura në Bruksel do të fillojnë së implementuari nga 1 nëntori i këtij viti.

“Marrëveshjet fillojnë të zbatohen nga 1 nëntori i këtij viti. Nga kjo datë do të zbatohet ligji në gjithë territorin e Kosovës dhe do të eliminohen strukturat paralele, kurse qytetarët do të lëvizin lirshëm”, ka theksuar ajo.

Tahiri ka ripërsëritur se marrëveshjet e arritura të shtunën ndërmjet Prishtinës dhe Beogradit, janë hapi i parë drejt njohjes së pavarësisë së Kosovës nga ana e Serbisë.

Ndërkaq, vlerësimet e Tahirit i ka hedhur poshtë homologu i saj serb, Borko Stefanoviq, i cili, në disa deklarime për mediet serbe, theksoi se këto marrëveshje nuk kanë të bëjnë aspak me njohjen e Kosovës nga Serbia.

Edhe ndërmjetësi i BE-së, Robert Cooper, ka theksuar se “këto marrëveshje s’kanë të bëjnë fare me statusin dhe qëndrimet e palëve rreth statusit”. /zëri/

[B.C.B]

e qka thua nese mbas 1 nentorit vazhdon te kete struktura paralele????
****** kaqepin e shotes,masi kan met grat me fol qaq mooo.

[orhideja]

e qka thua nese mbas 1 nentorit vazhdon te kete struktura paralele????
****** kaqepin e shotes,masi kan met grat me fol qaq mooo.

Thua qe i tere problemi te grate qenka e? Me vika keq, qe s'paske pas rastin te takohesh me gra sado paaaaaaaaaaaaaak te mencura............ e paske pas rrethin shume te ngushte.

Kjo ishte per ty..............e sa per temen, do pres te flas pas 1 nentorit.

[skipetar]

Një mënyrë që mund të kuptohet fjalimi i Zonjushës Tahiri është edhe se me këto marrëveshje Shteti i Kosovës e ka pranuar se nuk zbatohet ligji në gjithë territorin e Kosovës dhe se nuk ka aftësi e fuqi me e siguruar lëvizjen e lirë të qytetarëve nëpër Shtetin e Kosovës.

Kështu që, përderisa Zonjusha Tahiri pret që këto marrëveshje "janë hapi i parë drejt njohjes së pavarësisë së Kosovës nga ana e Serbisë", përmes "aftësive diplomatike" të saj, ajo në emër të Shtetit të Kosovës, qysh tani i ka pranuar dhe legjitimuar "strukturat paralele" se ndryshe ato nuk "eliminohen".

Pra, Zonjusha Tahiri me këtë fjalim e ka bërë ndarjen e një pjese të territorit të Shtetit të Kosovës. Nëse lejohet Zonjusha Tahiri që të vazhdojë të flet në emër të Shtetit të Kosovës, atëher me 1 Nëntor pritet të shihet se a do të vetadministrohet ajo pjesë e ndarë e territorit të Kosovës apo do të i bashkohet Shkinisë.

[B.C.B]

Thua qe i tere problemi te grate qenka e? Me vika keq, qe s'paske pas rastin te takohesh me gra sado paaaaaaaaaaaaaak te mencura............ e paske pas rrethin shume te ngushte.

Kjo ishte per ty..............e sa per temen, do pres te flas pas 1 nentorit.

phaaa sa shpejt pe din me qfar gra kom nejt hahah a ma kqyr fallin???

hajde ti me rreth te gjere kallxom qka te vyn menquria kur nuk punon ne interes te atdheut dhe e genjen popullin???qfar menqurie eshte?..
ec mos fol qu qite naj pite se nuk jeni ju per politike hahah.

edhe nime,me gra nuk rri bre une,rri vetem kur osht ajo koha e mbledhjes se pazarit

[ARIANI_TB]

Në Serbi as me targa, as me pasaporta të Kosovës !!!!

Publikuar: 04.07.2011 - 11:32
Beograd, 4 korrik - Shefi i ekipit negociator serb në bisedimet me Kosovën Borko Stefanoviq ka deklaruar se "Kosova për Serbinë nuk është shtet, as që do të jetë ndonjëherë". Sipas tij, marrëveshja e Brukselit me Prishtinën do të lehtësojë jetën e përditshme të popullit serbë në Kosovës, por nuk do të thotë njohje indirekte e pavarësisë së Kosovës, ka thënë Stefanoviq në një intervistë për gazetën "Veçernje novosti".

"Pasaportat që si zgjidhje na imponoi Prishtina, nuk kaluan. Nëpër rrugët tona nuk do të ketë makina ne stemën e të ashtuquajturës Republikë e Kosovës", siç e citon “Novosti” të jetë shprehur Stafanoviq, duke i numëruar "përparësitë" e marrëveshjes për palën serbe.

"Do të vazhdojmë të kryejmë funksionin e shtetit ndaj komunave tona dhe qytetarëve tanë në Kosovë. Serbët edhe më tutje normalisht mund të shfrytëzojnë dokumentet e Republikës së Serbisë, nëse këtë e duan", thotë Stefanoviq.

Siç shkruan kjo gazetë gazetë, qytetarët e Kosovës që në linjën administrative me Serbinë vijnë me makina, në të cilat janë targat me stemë të Kosovës dhe të cilët kanë me vete vetëm pasaportat e Kosovës, por nuk do të mund të vazhdojnë rrugën.

Mirëpo, nëse kanë letërnjoftim, mund të vazhdojnë më tutje, por me atë rast do të marrin një karton identifikues, ndërsa targat do të ndërrohen me ato të përkohshme. Targat e UNMIK-ut me singlën KS nuk do të bëjnë pengesa. Në dalje të Serbisë udhëtari ua kthen aurtoriteteve kufitare serbe kartonin identifikues, i cili shërben si dëshmi se ka hyrë në Serbi. Udhëtari pastaj në shtetin tjetër mund të tregojë pasaportën e Kosovës.

[ARIANI_TB]

Dikush genjen ketu. Ose ky fare Berkoja genjen ose kjo Edita genjen. Njeri nga keta nuk tregojne te drejten.

[orhideja]

phaaa sa shpejt pe din me qfar gra kom nejt hahah a ma kqyr fallin???

hajde ti me rreth te gjere kallxom qka te vyn menquria kur nuk punon ne interes te atdheut dhe e genjen popullin???qfar menqurie eshte?..
ec mos fol qu qite naj pite se nuk jeni ju per politike hahah.

edhe nime,me gra nuk rri bre une,rri vetem kur osht ajo koha e mbledhjes se pazarit

Se si te tha falli...........tregove vet ............ pak qeliza ne tru qe i kam ma than kete

Vallain, di me te ba pite ma mire se ti, di me te ba ushqime qe gishtat ne te i le, edhe kete me mire se ti, di me organizu nje familje me mire se ti, di me eduku femije, qe rralle e kund i gjen, prape me mire se ti, se edukaten tende p'e shoh...... di me dasht vendin tem me shume se ti, di me e dallu te keqen prej se mires - me mire se ti.................di me te qu me pi uje e me te kthy pa pi.......edhe kete e di

E sa per at zojen qe s'po punon ne interes te popullit, ajo s'me perfaqeson mu dhe s'me duket qe ajo koke ne vete flet aty, po i ka do qe i tregojne cka me thane e me ba...............me kete jo qe po du ta perkrahi dike qe ben pazarllëqe ne kurriz te vendit tem e ne kurriz te femijeve tanë, por po ta kthej ty ne habine tande qe po folkan femrat.

[ARIANI_TB]

VV: Marrëveshjet janë të Thaçit, jo të popullit.

Lëvizja Vetëvendosje, duke komentuar marrëveshjet e arritura së fundi në Bruksel në mes të Qeverisë së Kosovës dhe asaj të Serbisë, ka deklaruar se Qeveria e vendit nuk e ka respektuar fjalën e saj, kur pati deklaruar se çdo marrëveshje mes dy vendeve, fillimisht do të vijë në Kuvend për aprovim përfundimtar.

“Gjatë tërë kohës sa është diskutuar për këto negociata, përfaqësuesit e qeverisë së Kosovës, përfshirë kreun e saj Hashim Thaçin, patën deklaruar në interpelancën e thirrur nga Lëvizja Vetëvendosje për dialogun me Serbinë, të mbajtur më 4 maj të këtij viti, se secila marrëveshje do të vij në Kuvend për aprovim përfundimtar të saj. Është e njëjta qeveri me të njëjtit përfaqësues, si dhe i njëjti Kryeministër, ata të cilët vazhdimisht kanë deklaruar, përfshirë edhe në interpelancën e thirrur nga Lëvizja Vetëvendosje se platforma e këtij dialogu do t’i bëhet publike deputetëve të Kuvendit të Republikës së Kosovës. Platforma asnjëherë nuk iu është dhënë as deputetëve e as Kryesisë”, reagon Vetëvendosje.


Kjo Lëvizje vë në pah se informatat i kanë nxjerr vetëm përmes komunikatave për medie dërguar nga ndërmjetësuesi Robert Cooper, si dhe nga Qeveria e Kosovës, mirëpo, sipas tyre, ato informata nuk mjaftojnë.

Sipas VV-së, “shihet qartë se këto marrëveshje nuk do të jenë marrëveshje në mes të dy shteteve, por do të jenë marrëveshje me shumë elemente të cilat e anulojnë apo zbusin shtetësinë e Kosovës karshi Serbisë”.

“Serbia ka refuzuar kategorikisht që të ketë marrëveshje të cilat mund të aludojnë në njohjen e shtetësisë së Kosovës nga ana e Serbisë. Ndërkohë Qeveria e Kosovës e pranoi këtë pozicion duke humbur edhe atë pak sovranitet të fituar pas shpalljes formale të pavarësisë më 17 shkurt 2008. Ky refuzim dhe ky pranim i bën këto marrëveshje të jenë marrëveshje të brendshme pa karakter ndërkombëtar”, thekson Vetëvendosje, duke shtuar se ato marrëveshje nuk do të vlerësohen nga ndërmjetësuesi, njëkohësisht edhe garantues i zbatimit të tyre, si marrëveshje të karakterit ndërkombëtar, dhe, gjithnjë sipas Vetëvendosjes, “ky fakt mesa duket i konvenon Qeverisë meqenëse kështu ajo i shmanget ballafaqimit në Kuvend dhe ratifikimit të tyre nga deputetët”.


Lëvizja Vetëvendosje edhe njëherë përsërit qëndrimin e saj se është kundër këtyre negociatave, për shkak se, sipas tyre, “ato janë në kundërshtim me të drejtën për të qenë sovran si shtet dhe të drejtat tona si popull”.

“Ne e kemi paraqitur një tekst të rezolutës për të cilën u kemi bërë thirrje deputetëve për ta votuar në seancën e jashtëzakonshme të Kuvendit të Republikës së Kosovës, të mbajtur më 7 mars 2011, ku i kemi paraqitur kushtet kryesore të cilat duhen plotësuar nga Serbia para se të mendohet për çfarëdo procesi bisedash me të. Meqenëse janë negociata të padrejta, rezultatet e tyre nuk mund të jenë as të drejta e as të dobishme, prandaj qeveria e Kosovës ngurron për t’i informuar qytetarët për negociatat dhe tekstin e marrëveshjes”, thuhet mes tjerash në komunikatën e kësaj lëvizjeje, duke shtuar se kjo lëvizje insiston që teksti i marrëveshjes t’i sillet Kuvendit të Republikës së Kosovës dhe të debatohet aty.

“Në republikën parlamentare nuk ka organ më të lartë politik sesa Kuvendi. Anashkalimi dhe përqeshja që po ia bën Kuvendit Hashim Thaçi dhe Qeveria e Kosovës e pamundësojnë republikën e qytetarëve, duke e kthyer vendin në shtet të pushtetarëve”, thekson Vetëvendosje.


Ndërkaq, në fund, lëvizja Vetëvendosje shton se gjatë ditëve në vazhdim do të angazhohet që tekstin e këtyre marrëveshjeve dhe debatin për to ta sjellë në hapësirën publike, si në Kuvend po ashtu edhe në opinionin e gjerë, duke informuar kështu “qytetarët e Kosovës se çfarë marrëveshje po bën Hashim Thaçi me Serbinë për vendin tonë”.

http://www.zeri.info/artikulli/1/1/2...o-te-popullit/

[ARIANI_TB]

Vetëvendosje: Marrëveshjet anulojnë shtetësinë e Kosovës karshi Serbisë.

Publikuar: 04.07.2011 - 18:27
Prishtinë, 4 korrik - Lëvizja Vetëvendosje ka reaguar ndaj formës së arritjes së marrëveshjeve mes Prishtinës dhe Beogradit. Përmes një komunikate për media, drekuesit e Vetëvendosjes thonë se kryeministri Hashim Thaçi nuk e ka respektuar fjalën qe vet e ka thënë se Kuvendi i Kosovës do të debatoj para miratimit të çdo marrëveshje me Serbinë.
“Gjatë tërë kohës sa është diskutuar për këto negociata, përfaqësuesit e qeverisë së Kosovës, përfshirë kreun e saj Hashim Thaçin, patën deklaruar në interpelancën e thirrur nga Lëvizja Vetëvendosje për dialogun me Serbinë, të mbajtur më 4 maj të këtij viti, se secila marrëveshje do të vij në Kuvend për aprovim përfundimtar të saj. Është e njëjta qeveri me të njëjtit përfaqësues, si dhe i njëjti kryeministër, ata të cilët vazhdimisht kanë deklaruar, përfshirë edhe në interpelancën e thirrur nga Lëvizja Vetëvendosje se platforma e këtij dialogu do t’i bëhet publike deputetëve të Kuvendit të Republikës së Kosovës. Platforma asnjëherë nuk iu është dhënë as deputetëve e as Kryesisë “ thuhet në reagimin e Vetëvendosjes.
Kjo Lëvizje vë në pah se informatat i kanë nxjerr vetëm përmes komunikatave për medie dërguar nga ndërmjetësuesi Robert Cooper, si dhe nga Qeveria e Kosovës, mirëpo, sipas tyre, ato informata nuk mjaftojnë.
Sipas VV-së, “shihet qartë se këto marrëveshje nuk do të jenë marrëveshje në mes të dy shteteve, por do të jenë marrëveshje me shumë elemente të cilat e anulojnë apo zbusin shtetësinë e Kosovës karshi Serbisë”.
“Lëvizja Vetëvendosje edhe njëherë përsërit qëndrimin e saj se është kundër këtyre negociatave, për shkak se, sipas tyre, “ato janë në kundërshtim me të drejtën për të qenë sovran si shtet dhe të drejtat tona si popull”.
“Ne e kemi paraqitur një tekst të rezolutës për të cilën u kemi bërë thirrje deputetëve për ta votuar në seancën e jashtëzakonshme të Kuvendit të Republikës së Kosovës, të mbajtur më 7 mars 2011, ku i kemi paraqitur kushtet kryesore të cilat duhen plotësuar nga Serbia para se të mendohet për çfarëdo procesi bisedash me të. Meqenëse janë negociata të padrejta, rezultatet e tyre nuk mund të jenë as të drejta e as të dobishme, prandaj qeveria e Kosovës ngurron për t’i informuar qytetarët për negociatat dhe tekstin e marrëveshjes”, thuhet mes tjerash në komunikatën e kësaj lëvizjeje, duke shtuar se kjo lëvizje insiston që teksti i marrëveshjes t’i sillet Kuvendit të Republikës së Kosovës dhe të debatohet aty.
“Në republikën parlamentare nuk ka organ më të lartë politik sesa Kuvendi. Anashkalimi dhe përqeshja që po ia bën Kuvendit Hashim Thaçi dhe Qeveria e Kosovës e pamundësojnë republikën e qytetarëve, duke e kthyer vendin në shtet të pushtetarëve”, thekson mes tjerash reagimi.

http://www.koha.net/?page=1,13,61201