Murat Jashari kandidon për president të Kosovës?!

[Dar_di]

Nipi i Komandantit Legjendar, Adem Jashari, Murat Jashari është duke e menduar mundësinë që të garojë për të udhëhequr me Presidencën e Kosovës. Jashari nuk e ka përjashtuar kandidimin, por ka thënë se pret që të shoh mënyrën se si do të zgjidhet presidenti i ri.

“Në secilin rast, do të vazhdoj me këtë frymë që të jem në shërbim të popullit, edhe pse në Kosovë nuk ka interesa politike, por grupore”, ka thënë Jashari për Klan Kosova.

Jashari është duke e kryer doktoraturën në temën e zgjedhjes së presidentit.

Çfarë mendoni ju, a do të ishte i denjë z. Murat Jashari për postin e presidentit të Republikës së Kosovës?

Cilat elemente e bëjnë z. Murat Jasharin kandidat serioz dhe të arsyeshëm për president të Republikës së Kosovës?

Diskutim të mbarë!

Dar_di

[Prometeu2]

Keta Jasharet kane nise te futen paksa shume ne sistem, se pari ishte ky Murati si kandidat per Avokat te Popullit, pasi qe u refuzua na nderkombetaret shkoi ne UP dhe u be ligjerues atje (megjithese ende nuk ka tituj shkencore), Bekim Jashari nese nuk gaboj eshte drejtor ne Aeroport te Prishtines, poashtu kam degjuar se ka punesuar shume nga rrethi i tij familjar ne ate ndermarrje.
Kam frike se mbiemri "Jashari" po fillon te kete edhe kuptime te tjera ne Kosove pervec atij i te qenit mbiemri i "Komandatit Legjendar" Adem Jasharit.

[Edmond.S]

Heroizmi ne lufte paguhet me respekt e me medalje,e asesi me poste shteterore.Pa keqkuptime,une nuk di gjendjen e Muratit,ama kjo le te mbetet si formule per tan ata qe i prek.

Nuk di,secilen here po zhgenjehemi.Dikush thoshte po t'i shtim kta trinjt.Me met tu provu cdo mandat,kur vlla me u 'rahatu' na?

[Kandy*]

Kosoves i duhet nje president i tille.

Tek ky person jane te ngerthyera dija, patriotizmi, dhe motivi qe s'mund ta kete askush tjeter per te dhene per Kosoven, e jo per t'i mare asaj. Kete e ka trashegim nga Familja.

Pastaj ne na duhen politikane me etike, i tille eshte z. Murati.

[anita340]

S`me duket ide e mire. Jo qe s´e meriton ai te jete, po pse ne ende nuk e meritojme ate ta kemi president.

[vetima]

Keshtu ja humbin edhe vleren JASHARVE , ne keto gjeste te kqija

[B.C.B]

mos e teproni tash,bile kur folni per jasharajt matuni pak...kur eshte ne gjendje me na udheheq bexheti e atifetja qe as nuk kan tipare te shqiptarit e as te presidentit,atehere pse mos te behet president murat jashari.murat jashari e familja e tij kan dhene shume per kosoven,mos harroni.
une mendoj edhe pse nuk jam 100% i sigurt, se murati nuk eshte si kta tjert te rajonit te tij,edhe plotsisht e meriton kete vend.
mos merrni shembuj palidhje,jo aeroporti jo posta jo univerziteti,sepse eshte marre e madhe,kta shkurt e shqip e meritojne qka dojne ne kosove,kan hise ne krejt kosoven e mos jepni komente t`kota.mos krahasoni jasharajt me tjeret sepse gaboni shume.
shiqoni kend e kemi pas president para ktij,duke filluar nga rroqi rugova e deri te kjo budallica e fundit,kshtu qe nuk eshte asgje tragjike murati president.
na veq dijm me fol ne internet,e familja jashari me shkaun ka fol vetem me plumba.hajt me t`mira e mos shurdhoni fort spaku bile per jasharajt,sidomos ti anita340 hiq mos fol se secilin shkrim qe shkrun e shkreton krejt.

[Guri i Kuq]

[QUOTE=Dar_di;3128230]

Nipi i Komandantit Legjendar, Adem Jashari, Murat Jashari është duke e menduar mundësinë që të garojë për të udhëhequr me Presidencën e Kosovës. Jashari nuk e ka përjashtuar kandidimin, por ka thënë se pret që të shoh mënyrën se si do të zgjidhet presidenti i ri.

“Në secilin rast, do të vazhdoj me këtë frymë që të jem në shërbim të popullit, edhe pse në Kosovë nuk ka interesa politike, por grupore”, ka thënë Jashari për Klan Kosova.

Jashari është duke e kryer doktoraturën në temën e zgjedhjes së presidentit.

Çfarë mendoni ju, a do të ishte i denjë z. Murat Jashari për postin e presidentit të Republikës së Kosovës?

Cilat elemente e bëjnë z. Murat Jasharin kandidat serioz dhe të arsyeshëm për president të Republikës së Kosovës?

------------------------------
I nderuem Dard_i,
Kam përshtypjen se tema ashtë e hershme.Pse do të thuash ?
E hershme ashtë,sepse ndryshimiet kushtetuese në Kushtetuten e Kosovës nuk janë hala në vi....
Veç sa ashtë formue nji farë lloj- si Komisoni,por gjasat për të ndryshue diçka ma serioze në këtë Kushtetutë janë baraz me xerro...
Së pari,nevojitet nji lloj pajtueshmënie(konsenzues),i të gjitha partive politike shqiptare për kuotat që mendojnë ti ndryshojnë..!Kuptohet,pas një llogarie shumë precize se kush,sa dhe çka mund të përfitojë nga këto ndryshime....
E dyta,nevojitet pajtimi i ndërkombëtarëve,sepse mos të harrojmë,ne ende jemi nën protektorat ndërkombëtarë,biles kam përshtypjen edhe ma të fuqishëm se para disa vitesh...Dhe,ata(ndërkombëtarët), i masin gjanat me kandar e sahat të tyne,natyrisht gjithnji tue i hjekë kandari e sahati kah vetja....!
Dhe e treta,kjo ta quajmë Kushtetutë,ashtë nji dokument ndërkombëtarë,i hartuar e aprovuar me njiqind kompromise nga Grupi i Kontaktit,KS dhe oragnizmat tjera kryesore nderkombëtare,që kanë investue në çlirimin e Kosovës,por pa qellimin final-ndeshkimin e krimit dhe kriminelëve të Beogradit....!
Ky zotnia Murat Jashari,mirë që po mësoka për president...!Por,ky dhe shumë të tjerë që kanë këtë ambicie shumë fisnike dhe legale,duhet ta dinë se Kosova kishte nji Presdent (DR. Ibrahim Rugova),i cili kishte autoritetin e zotit e të kombit,e të robit, për të kenë në krye të punëve të Kosovës,dhe deri sa e përcollëm në ate botë...,shumë patëm hjekë...!
Kosovës,edhe shumë vjetë,kam frigë edhe shumë dekada, kanë me iu dashtë disa presidentë që kanë ma pak ambicie dhe orë nga zoti e robi...!
Pra,na duhen edhe do kohë, do si Fatmira,Pacollla e ma së miri -do si kjo zoja Atifete,që bile e din sa po shkon tërshana....!
Murat Jashari,le të ruhet nga miqët që ia rrehin supet...,e që po tentojnë haptas ta djegin për sot e mot...!I ka shumë ngatë,bile për çdo vjet ia dhunojnë edhe ate pak dinjitet që ia kanë lanë kësaj familje....!
I din ai se kush janë ata....!

[Dar_di]

Në bazë të nenit 85 të Kushtetutës të Republikës së Kosovës, thuhet se president mund të zgjidhet çdo shtetas i cili e ka mbushur moshën 35 vjeçare dhe secili shtetas mund të nominohet si kandidat për president të Republikës së Kosovës. Mirëpo, kjo sa i takon dispozitave aktuale të nenit që përcakton zgjedhjen e presidentit të shtetit, e cila bëhet nga ana e Kuvendit të Republikës së Kosovës.

Sipas planeve për ndryshimin e nenit kushtetues që përcakton zgjedhjen e presidentit të shtetit, thuhet se ai do të zgjedhet me votim të drejtpërdrejtë nga çdo shtetas me të drejtë vote.

Atëherë, cilat do të ishin disa nga elementet që e bëjnë një president të denjë për Republikën e Kosovës. Konsideroj që një shtetas kandidat për president është e nevojshme të jetë i veshur me disa vlera të tilla:

1. Të ketë përgatitje profesionale adekuate;
2. Të ketë një të kaluar të veprimtarisë në shërbim të atdheut, por i pavarur politikisht dhe nga ndonjë shërbim tjetër;
3. Të ketë një të kaluar të pastër morale, politike e kombëtare;
4. Të ketë të kultivuar ndjenjën e atdhetadashurisë, seriozitetit në punë dhe patriotizmit kombëtar;
5. Të veprojë konform dispozitave kushtetuese dhe të konsideroj të barabartë të gjitha shtetasit e Republikës së Kosovës;
6. Të zotëroj gjuhë të pastër amtare dhe të njohë gjuhë të huaja, sidomos ato diplomatike;
7. Të disponojë aftësi të jashtëzakonshme për bashkëpunim institucional shtetëror dhe ndërshtetëror;
8. Të këmbëngulë që parimet kushtetuese dhe mekanizmat shtetërorë të jenë funksional në të gjithë territorin e Republikës së Kosovës, etj...

Në retrospektivë, familja e Jasharajve ka qenë fort e matur në deklarata që ka dhënë pas luftës e deri më tani dhe ka gjykuar me stoicizëm ngjarjet nëpër të cilat ka kaluar Kosova pas luftës, por gjithnjë me një qasje kritike të veshur me mesazhin se përfaqësuesit politik e kanë hapësirën që vendin tonë ta zhvillojnë më tepër ekonomikisht, ta forcojnë politikisht dhe ta integrojnë si vend, por edhe në arenën ndërkombëtare.

Murat Jashari, në deklaratat e tij ka treguar se nuk është fort i kënaqur me udhëheqjen politike në vend dhe sikur kjo e ka nxitur që ai të jetë në dispozicion të shërbimit të vendit. Me gjasë që si një njeri i matur që tregohet, me qëndrim burrëror, i qetë, serioz dhe që gjykon racionalisht, ai përtyp në veten e tij ide, mendime, plane përmes të cilave pretendon që shtetin e Republikës së Kosovës ta ndihmojë drejt zhvillimit të përgjithshëm të tij. Tipare të tilla ai i ka të kultivuara nga familja e tij, por edhe të përforcuara nga profesioni që bënë.

Konsideroj se prania e tij si kandidat për president të Republikës së Kosovës nuk do t`i shkonte për shtat qasjes politike që ndërkombëtarët kanë për shtetin e Republikës së Kosovës. I vetëdijshëm për nocionin e barazisë dhe kushtetutshmërisë, Murat Jashari do të ishte kategorik që në shtetin tonë të jetësohej ligji, në gjithë territorin e shtetit. E kur jemi në dijeni se shteti ynë funksionon pa zbatimin e plotë të kushtetutës, kjo do të ballafaqonte parimet e tij me problemet si të brendshme ashtu edhe të jashtme. Ekziston dilema që ndërkombëtarët nuk preferojnë njerëz patriot (në kuptimin shtetformues), por njerëz luajalë që përmes këtyre dirigjentëve të zbatojnë dhe realizojnë politikën e tyre në raport me shtetin e Republikës së Kosovës.

Personalisht, vërej virtyte të shumta që Murat Jasharin e bëjnë të denjë për president të Republikës së Kosovës, ku disa prej këtyre vlerave shpalosa më lart. Megjithëkëtë, asnjëherë nuk mohohet mundësia për përforcim, përmirësim e plotësim të kushteve që një shtetas i Republikës së Kosovës të jetë i pari i vendit.

Mirëpo, vota e shtetasve të Republikës së Kosovës akoma nuk është e sigurtë pasi që e drejta e saj po deformohet çoftë nga brenda ose nga jashtë. Prandaj, protektorati ndërkombëtar ka peshë të madhe në të gjitha zhvillimet që po kalon shtetit i Republikës së Kosovës, njëkohësisht edhe në ato të zgjedhjes së presidentit të shtetit, siç ishte shembulli i fundit

Dar_di

[Sovrani]

Nje JO te madhe.
Me sa e kam degjuar ne disa intervista qe ka dhene, kam ardhur ne perfundim se posti me i madh qe ky mund te ushtroje eshte drejtor i ndonje shkolle fillore.