10 qershor 2011 - Festohet ne Prizren Lidhja e Prizrenit

[halla mine]

"Qëllimi i kësaj mbledhje sot për sot është t'u presim hovin armiqve të egër duke lidhur besën shqiptare dhe duke u betuar që t'i mbrojmë me gjak trojet që na kanë lënë gjyshërit dhe stërgjyshërit tanë."

Abdyl Frashëri - me rastin e hapjes së punimeve të Lidhjes së Prizrenit


Pas 28 Nëntorit, 10 Qershori mbetet dita më e rëndësishme për identitetin dhe politikën shqiptare. Prej 10 qershorit 1878 kombi shqiptar e ka kurorëzuar identitetin e vet kombëtar. Prej kësaj dite projekti i shtetkrijimit shqiptar e ka themelin e vet. Lidhja shqiptare e Prizrenit e ka vulosur horizontin e asaj kush jemi si dhe kornizën e synimit tonë politik. Lidhja e Prizrenit është projekt politik, organizim ushtarak, lëvizje kombëtare, program emancipator dhe ideal shtetkrijues.
Në kohën kur u themelua Lidhja e Prizrenit, kombi shqiptar ndodhej në situatën më të keqe prej shekujsh. Ishte koha e përfundimit të Krizës Lindore, atëherë kur humbja e Perandorisë Osmane përballë Rusisë u manifestua me koncesione marramendëse territoriale të Portës së Lartë ndaj perandorisë cariste në Ballkan. Më së keqi e pësuan vilajetet shqiptare. Porta po i shihte trojet shqiptare si dhuratë për ngopjen e hegjemonizmit sllav. Shtetet e reja sllave që e fituan pavarësinë pas Traktatit të Shën Stefanit, Serbia, Mali i Zi e Bullgaria, i zgjeruan territoret e tyre, duke i përgjysmuar tokat shqiptare.
Kombi shqiptar u gjet në pozitën më të pafavorshme gjeopolitike të mundshme, si kurrë më parë. Shqiptarët gjendeshin mes rënies së Perandorisë Osmane që po i shihte ata si mish për top si dhe aleatëve sllavë të Rusisë në Ballkan që i shihnin trojet shqiptare si qëllim. Shqiptarët në këtë kohë gjithçka patën – gjakun, tokën dhe mundin. Krerët politikë, ushtarakë, fetarë e intektualë shqiptarë nga të gjitha vilajetet shqiptare u mblodhën më 10 qershor 1878 në Prizren për themelimin e Lidhjes e cila mori përsipër mbrojtjen e territoreve shqiptare nga ekspansionizmi sllav dhe realizimin e programit politik për bashkimin e vilajeteve shqiptare.

Lidhja e Prizrenit është pikëmbështetja politike e së ardhmes shqiptare. Aty mund t'i gjejmë të gjitha mësimet e duhura. Aty është përpjekja më masive shqiptare për mbrojtje dhe çlirim. Kjo përpjekje i bashkoi shqiptarët dhe e ngriti ndjenjën e përkatësisë kombëtare në kulmin e një identiteti të konsoliduar. Aty mund ta gjejmë programin e parë serioz politik të kombit shqiptar për krijimin e shtetit të tij që i përfshin të gjithë bashkëkombësit. Aty është edhe mësimi për pamjaftueshmërinë e perandorive tutore si dhe domosdoshmërinë e vetëvendosjes si e vetmja zgjidhje e qëndrueshme politike për popujt.

Lëvizja VETËVENDOSJE!

10 qershor 2011

[halla mine]

Gëzuar 10 Qershori Dita e Lidhjes së Prizrenit


Partia Nacionale Demokratike Shqiptare i uron të gjithë qytetarëve të Kosovës dhe të gjithë shqiptarëve kudo që janë 10 Qershorin Ditën e Lidhjes së Prizrenit. Sikundër e kemi thënë shumë herë deri më tash, ashtu edhe tani po e përsërisim se 10 Qershori është ditë e shënuar, ditë e madhe për të gjithë shqiptarët por edhe për të gjithë ata që jetojnë me shqiptarët sepse në këtë ditë 133 vite më parë dimensionet e mendimit politik shqiptarë, kultura politike shqiptare dhe vetë shqiptarizma janë strukturuar për të pulsuar aktive ndër shumë decenie, dhe janë formësuar për të hapur horizonte të reja paqe e lirie, për tu bërë kështu udhërrëfyese ndër vite dhe për t’u kthyer në referencë për ecjet përpara.

10 Qershori as sot e kësaj dite askund në hapësirat ku jetojnë shqiptarët nuk e ka zënë vendin e merituar si festë nacionale. Ne konsiderojmë se kjo është një nga festat tona të rralla përmasat e së cilës përthekojnë gjithë shqiptarinë në Ballkan, prandaj nga të gjithë e sidomos nga institucionet tona duhet të trajtohet si ditë që integron shqiptarët, si ditë që freskon dhe begaton memorien e tyre kolektive, si ditë që parandalon aktivisht dhe pandalshëm politikat dezintegruese dhe antishqiptare.

Me shpresën se duke qenë vetja dhe duke qenë më të integruar ndër veti do të jemi më të gatshëm për integrime kualitative dhe të barabarta edhe me të tjerët, dhe me dëshirën që kjo ditë do të ngrihet atje ku e ka vendin dhe prej ku shqiptarët do të njësohen pandalshëm, ju urojmë gëzuar 10 Qershorin Ditën e Lidhjes së Prizrenit.

Partia Nacionale Demokratike Shqiptare

9 qershor 2011

[halla mine]

Arrestohen 6 aktivistë të Vetëvendosjes, zëvendësonin flamujt


Lëvizja "Vetëvendosje" ka njoftuar se gjashtë aktivistë të saj janë arrestuar sot në orët e hershme të mëngjesit, në Prizren, gjatë "dekorimit" të qytetit për nder të përvjetorit të Lidhjes së Prizrenit.

Aktivistët Kushtrim Dakaj, Vigan Bytyqi, Abdyl Osmanaj, Gëzon Kastrati, Memli Balaj dhe Lumbardh Bukoshi janë prangosur nga policia rreth orës 04.20 në mëngjes, derisa po vendosnin flamuj kombëtarë shqiptarë në rrugët e qytetit.

"'Mëkati' i tyre ishte se simbolet antikombëtare po i zëvendësonin me ato kombëtare, në përvjetorin e ngjarjes më të rëndësishme politike për identitetin dhe politikën shqiptare", thuhet në një komunikatë shpërndarë medieve.

“Vetëvendosje këtë arrestim e cilëson politik dhe në funksion të tjetërsimit të identitetit, historisë dhe politikës kombëtare, nga institucionet, të cilat moti ja kanë shitur shpirtin djallit. Këto institucione para një viti, po në këtë përvjetor e tjetërsuan logon e Komunës së Prizrenit. Arrestimi i sotëm për flamur është vazhdim i të njëjtës fushatë dhe të përkujton historinë e dhimbshme të popullit tone gjatë viteve të persekutimit”, thekson komunikata.

"Vetëvendosje" kërkon lirimin e menjëhershëm dhe të pakusht të gjashtë aktivistëve.

[halla mine]

Prizrenit i rikthehet Aleanca Kuq e Zi

Prizren, 10 qershor - Në 133 vjetorin e Lidhjes së Prizrenit, Aleanca Kuq e Zi, organizon në Prizren forumin e intelektualëve, akademikëve, historianëve, sportistëve dhe figurave të tjera të njohura shqiptare.

Në këtë forum është paralajmëruar të marrin pjesë personalitete si: Kreshnik Spahiu, Esat Stavileci, Kim Mehmeti, Mehmet Kraja, pastaj futbollisti i njohur Lorik Cana e të tjerë.

Organizatorët kanë paralajmëruar se sot Prizreni do të vishet në petkun kuq e zi.

Në këtë përvjetor, edhe Rrjeti i Organizatave Shqiptare organizon aktivitete të cilat do të mbahen në Prizren.
Ky rrjet ka paralajmëruar stolisjen e qytetit të Prizrenit me flamuj shqiptar, duke veçuar se do të vendoset një flamur i madh shqiptar në kalanë e Prizrenit, kurse parashihet edhe defilim i motoristave me flamuj kombëtarë, lëshim me parashutë me posterin "Lidhja është gjallë", dhe aktivitete tjera.

Lidhja e Prizrenit njihet si datë me rëndësi tek shqiptarët, por këtë vit duket të ketë një mobilizim më të madh për manifestime sesa viteve tjera.
Nga këndvështrimi historik, Lidhja Shqiptare e Prizrenit (1878 - 1881) zyrtarisht filloi me tubimin e 300 përfaqësuesve të të gjitha krahinave shqiptare në kuvendin shqiptarë të mbajtur në Prizren më 10 qershor 1878.
Sipas të dhënave historike, qëllimi i takimit ishte formimi i një shteti autonom shqiptar që do të mbulonte vilajetet otoman të Prizrenit, Shkodrës, Manastirit, dhe Janinës.

Lidhja njihet si përpjekja e parë e madhe për të krijuar një rajon të bashkuar shqiptar qysh nga dështimi i forcave të Skënderbeut në Mesjetë.

[iLirjam]

RRoft Lidhja e PriZrenit!

Sa her e sa her e kam degjuar kte fjal ne jeten time,,Lidhja e Prizrenit!

c´do her kur e Degjoj,,kam nje ndjenj me nje status te vecant,,qe smund ta spjegoj!

[halla mine]

[halla mine]

“LIDHJA ËSHTË GJALLË”! (nga Adnan Abrashi)

Me 10 qershor 2011 në Prizrenin e Lidhjes do të valojnë mijëra flamuj kombëtar

Kjo datë e madhe e kujtesës tonë kombëtare (10 Qershori 1878), edhe pse në fakt, krahas 28 Nëntorit, duhet të kremtohet si një festë e madhe për të gjithë shqiptarët kudo që janë, ajo sot nga institucionet e Kosovës së “pavarur” dhe “sovrane”, përveç se nuk është paraparë as me ligj si festë zyrtare, ende hezitohet të shënohet me dinjitet të merituar. Kur e them këtë, mendoj më tepër në nivel nacional, sepse, sipas disa narracioneve, KK i Prizrenit, kushtuar këtij jubileu, edhe këtë vit sa për sy e faqe, zyrtarisht do të organizoj një Akademi solemne, detyrimisht me drekën e pasur festive për gjithë të ftuarit; një koncert në mbrëmje nga një shoqëri amatore vendore, dhe i gjithë qyteti do të stoliset me flamuj “kaltëroshe” shtetërore të shoqëruar edhe me ato “të miqve tanë ndërkombëtar”: Bashkësisë Evropiane, SHBA’ve, Anglisë, Turqisë, Gjermanisë... Në këtë laramani flamujsh, aty-këtu do të ketë edhe disa sosh kombëtar?!!

“O tempora, o mores”. Sipas mendësisë së politikanëve tanë komunal (pa përjashtuar edhe ata qendror), në një festë të kulluar nacionale, qyteti i Prizrenit më shumë u dashka të dominohet i stolisur nga flamujt e shteteve të huaja se sa ato kombëtare shqiptare?!
A ka ndonjë shembull të këtillë në botë?! Populli i një shteti me mbi 92% shqiptar, kremton një festë kombëtare, e qytetet e saja stolisen të dominuar nga flamujt e shteteve te huaja?! Dhe ... jo vetëm se janë të huaj, por edhe tejet të disfavorshme për atë histori. Pa dyshim se kjo do të kishte mbetur kështu, sikur të mos na ishte lëvizja VETËVENDOSJE! e cila, 3 vite rresht (vjet këtë festë e shënoi me protestë të madhe popullore kundër Aktgjykimit të Gjykatës Kushtetuese për heqjen e logos së LSHP nga emblema e qytetit) organizon një manifestim madhështor.

Sikurse në shumë qytete tjera, më 17 shkurt 2008, me rastin e euforisë së kremtimit të deklaratës së Pavarësisë së Kosovës, këtë ditë edhe Prizreni e shënoj në mënyrën e vetë festive. Në mes të shumë aktiviteteve ceremoniale që atëbotë ishin në agjendën e kremtimit, përshtypje të madhe na kishte lënë një atraksion i organizuar me këtë rast nga ana e veteranëve të UÇK’së së Prizrenit. Një flamur kombëtar i gjatë disa kilometra u nisë prej varrezës së dëshmorëve (Landovica e Prizrenit), dhe i bartur nga duart e mijëra të rinjve, defiloi deri në qendrën e qytetit. Caku i fundit i kësaj marshute atraktive ishte kompleksi memorial i Lidhjes Shqiptare të Prizrenit. Aty, flamuri gjigant kombëtar u palos dhe iu dorëzua Muzeut të Lidhjes Shqiptare, kurse, më pas, në oborrin e saj, triumfalisht u ngrit flamuri i ri “kaltërosh” i shtetit të posashpallur të Kosovës.

Aty, më 17 Shkurtit 2008, nga ne pasardhësit e atyre burrave me nam të 10 Qershorit 1878, po kremtohej copëtimi. Një ngjarje në dukje pavarësi, e në thelb shkëputje e motivuar ndryshe, pasojat e së cilës do t’ia ndiejmë tek dikur më vonë. Jo! Jo! Me këtë shembull, aspak nuk e kam për qëllim ta stigmatizoj këtë ide të padjallëzuar dhe qëllimmirë të organizatorëve të kësaj performance tejet atraktive, por, kjo koincidencë intuitivisht më bëri që në atë moment të ndjej një frikë të bazuar për të ardhmen e trungut tonë të përbashkët kombëtar. Një frikë që ne sot më 10 Qershor të këtij viti 2011, fuqishëm do t’i themi jo!

[tias]

Urime per diten e Lidhjes se Prizrenit,por sot ke shqipetaret e Shqiperise ndjenja kombetare ka ardhe ne zero, ps si parti tradhetare cysh me themelimin e saj nga komunistet serb vazhdon tradhetine e radhes ,qe do te thote bllokimin e perparimit te Shqiperise ne rrugen evropiane,me aresyen tradhetare qe te mos lejoj Shqiperin te behet antare e BE para Serbise dhe derisa Serbia ti plotesoj kushtet e saja per ate antarsim(njeri prej tyre kapja e krimineli Mladiq,e cila posa ndodhi).
Kam rrespekt per aleancen kuq e zi por nuk pajtohem me qendrimin e saj kunder regjistrimt te popullsise ne baza etnike dhe fetare.Pse.
Arsyeja pse nuk pajtohem qendron ne faktin se ai regjistrim eshte nje regjistrim i ndershem,e ne qofte se dikush nuk do te regjistrohet si shqiptare edhe pse eshte shqiptare ,ajo eshte problemii tije ,por Shqiperija dhe populli shqipetare do ta dije se ku gjindet dhe ne ke mundet te llogarise.
Me mire tradhetare te deklaruar se sa tradhetare te fshehur.

[halla mine]

133 vjet nga Lidhja e Prizrenit,
Spahiu: Imediate platforma kombëtare


PRIZREN- Sot në 133-vjetorin e Lidhjes së Prizrenit ka qenë e pranishme edhe Aleanca Kuq e Zi. Në këtë ditë të shënuar për kombin shqiptar anëtarët e kësaj lëvizje organizuan një forum me intelektualë, akademikë, historianë, sportistë dhe figura të tjera të njohura shqiptare.
Në fjalën e tij nënkryetari i KLD-së Kreshnik Spahiu sqaroi se pikërisht kjo lidhje bëri të ndjehet fort zëri i shqiptarëve dhe dëshira e tyre për të krijuar një shtet të pavarur, ndërsa kërkoi që autoritetet shqiptare dhe kosovare të hartojnë së bashku strategji për të ardhmen e cështjes kombëtare.

“Lidhja e Prizrenit nuk paraqet për shqiptarët vetëm vlera historike, por flet qartë dhe pastër për vlerat politike dhe juridike që ka një organizim i tillë”, tha Spahiu në nisje.

Duke e vënë theksin tek mungesa e një platforme të përbashkët mes Kosovës e Shqipërisë për cështjen kombëtare, Spahiu nënvizoi se, është nevojë urgjente për kombin shqiptar dhe për dy shtetet shqiptare që të këtë një program të qartë dhe paraprak për cështjen kombëtare, një program gjithëpërfshirës, i cili të konsultohet dhe të përfshijë të gjithë opinionin publik shqiptar dhe që të përmbajë një platformë për të ardhmen e përbashkët”, nënvizoi Spahiu.

Sic deklaroi Spahiu, kjo është një cështje që duhet zgjidhur tani, nuk pret dhe nuk mund të shtyhet.
“Më në fund ka ardhur koha që politika shqiptare, por në cdo rast shoqëria shqiptare të konkludojë në një platformë për të ardhmen e kombit dhe interesave kombëtare brenda dhe jashtë shteteve shqiptare dhe kjo cështje nuk mund të presë dhe nuk mund të shtyhet”, shtoi nënkryetari i KLD-së.

Duke u ndalur tek Kosova, Spahiu theksoi se “Sovraniteti i një shteti të ardhshëm duhet të kalojë nëpërmjet vullnetit dhe vendimmarrjes së shtetit shqiptar dhe jo nëpërmjet Beogradit e Athinës, të cilat kanë qënë gjithmonë pak dhe aspak dashamirëse, në interesat e tyre kundrejt kombit shqiptar”.

Dita e sotme, sipas Spahiut duhet t’i kujtojë cdo shqiptari nevojën imediate për të punuar dhe për të pasur mendime të përbashkëta për cështjen kombëtare. Kombi shqiptar sipas tij, me një histori të përbashkët, gjuhë e kulturë të përbashkët së fundmi duhet të synojë një të ardhme të përbashkët: Europën.
“Kjo ditë sot më 10 qershor dhe ky vend, Prizreni, na kujton dhe rifreskon se si cështjet dhe interesat kombëtare janë sot pas më shumë se 130 vjetësh, tërësisht aktuale ashtu sic kanë qënë edhe dje. Kjo ditë na frymëzon dhe mbush me shpresë se kombi shqiptar është i aftë, por edhe ka nxjerrë nga gjiri i vetë, njerëz të cilët janë në gjendje të mendojnë dhe punojnë për interesat kombëtare dhe për të ardhmen e përbashkët europiane”, nënvizoi Spahiu.
(m.arapi/BalkanWeb)

[Mike Oldfield]

Aleanca Kuqezi apo Aleanca Faqezi


Scritto da Gazeta Sot
abato 11 Giugno 2011 00:00

Nga Kastriot MYFTARAJ

Ajo që po bën Kreshnik Spahiu në Shqipëri, nuk ndodh as në vendet më joserioze afrikane. Nënkryetari i Këshillit të Lartë të Drejtësisë, mbajtësi i një posti të lartë, për të cilin paguhet nga taksapaguesit shqiptarë, prej disa muajsh ka abandonuar detyrën

e vet zyrtare dhe po jep një shfaqje prej sharlatani. E gjithë kjo nisi kur Kreshnik Spahiu filloi të flasë publikisht kundër vendimeve të gjykatave për ndryshimin e kombësisë, duke i konsideruar këto vendime si të kundërligjshme dhe antikombëtare. Me këtë rast ishte dashur që Kreshnik Spahiu të jepte dorëheqjen për shkak se ai ishte përgjegjës që nuk ishin marrë masa ndaj gjyqtarëve që i kanë dhënë këto vendime. Por, në vend që Kreshnik Spahiu të pranonte përgjegjësinë e tij, ai na u shfaq si hero dhe i bëri këto deklarata pikënisjen e katapultimit të tij në politikë. Kreshnik Spahiu asnjëherë nuk foli për përgjegjësinë e tij që gjyqtarët të cilët i kanë dhënë këto vendime janë toleruar për vite të tëra. Kreshnik Spahiu foli sikur të ishte analist i medias dhe veprimtar i shoqërisë civile dhe jo një njeri i veshur me pushtet, dhe që ishte dashur që ta ushtronte këtë pushtet që këto gjëra të pengoheshin të ndodhnin.
Deri në këtë pikë, Kreshnik Spahiu ishte gjithsesi brenda orbitës së drejtësisë. Por shpejt ai doli nga orbita dhe duke përdorur si instrument një parti politike informale, të quajtur Aleanca Kuqezi, filloi të flasë për gjithçka që ia merrte mendja, për politikën e jashtme, politikën e brendshme etj. Tashmë Kreshnik Spahiu e ka abandonuar krejt detyrën e tij të lartë, në krye të instancës qeverisëse të drejtësisë, për të cilën paguhet nga taksapaguesit shqiptarë dhe merret me gjithçka që i thotë fantazia e tij. Para pak ditësh, Kreshnik Spahiu arriti deri atje sa të deklaronte publikisht në media se ai kishte një mesazh për Presidentin e Serbisë, Tadiç, me rastin e deklaratave të këtij të fundit për ndarjen e Kosovës mes Serbisë dhe Shqipërisë. Deklarata e Spahiut në këtë rast ishte një deklaratë prej politikani. Nuk ishte nënkryetari i KLD të Serbisë, homologu i Spahiut ai që foli, prandaj nuk kishte vend që të përgjigjej Spahiu. Kjo vetëm sa e bën Shqipërinë që të shfaqet në një dritë të keqe. Spahiu arriti deri atje sa në një intervistë për revistën “Mapo” dhënë Skënder Minxhozit, të prononcohej për ngjarjet e 21 janarit në terma që janë krejt të papranueshme për një zyrtar si Spahiu. Në vend që Spahiu të merret me gjykatat, të cilat janë në gjendje katastrofale dhe janë bërë qendra të korrupsionit, ai merret me politikë.
Aleanca Kuqezi e Kreshnik Spahiut në fakt meriton emrin Aleanca Faqezi. E vetmja gjë kuqezi tek Kreshnik Spahiu është se ai përdor në fytyrën e vet ngjyrë të verdhë në gri, një aleancë ngjyrash kozmetike, pudre, kremi e ku e di unë tjetër, për t’ dhënë një ngjyrë paksa të çelur fytyrës. Nëse ka ndonjë gjë tjetër kuqezi tek Spahiu kjo ka të bëjë me ngjyrat e tryezës së ruletës dhe jo të flamurit shqiptar. Spahiu edhe Këshillin e Lartë të Drejtësisë e ka shndërruar në një ruletë fitimprurëse ku Spahiu u thotë atyre që duan të emërohen gjyqtarë, ose gjyqtarëve që duan të transferohen dhe të ngjitin shkallët e karrierës, si drejtuesi i lojës së ruletës në kazino: “Fait votre jeux!” Në rrethet e drejtësisë shqiptare, të gjithë e dinë se Kreshnik Spahiu merr nga 100-500 mijë euro për emërimet dhe transferimet e gjyqtarëve. Por kështu do të ndodhte kur nr. 2 i KLD u bë njeriu që nuk e thotë dot fjalën “jurisprudencë”, por thotë “jurispundencë”. Qëkurse Faqeziu ka filluar të merret me politikë, ai pothuajse nuk shkon më fare në zyrën e tij në KLD, ku supozohej të gjendej çdo mëngjes. Faqeziun e gjen në Londër, në New York, e gjen kahdo përveçse në zyrën e tij shtetërore.
Tashmë është e qartë, se sado që Spahiu e mohon si me gjysmë zëri, Aleanca Kuqezi është parti politike dhe Spahiu është politikan. Më e keqja është se Aleanca Kuqezi është një parti politike ilegale, e paregjistruar në gjykatë sipas ligjit, dhe e cila për më tepër është krijuar dhe drejtohet nga një zyrtar i cili mban një post që e bën këtë person një nga përgjegjësit kryesorë për ligjshmërinë në Shqipëri. Kjo Aleanca Kuqezi e Faqeziut është si studio ligjore “Legibus” që hapi dikur Faqeziu në një ndërtesë pa leje në anë të Lumit të Lanës, pranë Ministrisë së Punëve të Jashtme, në katin e parë të një ndërtese pa leje. Studio “Legibus”, e cila e kishte marrë emrin nga dialogu i famshëm i Ciceronit, u zhduk bashkë me ndërtesën pa leje, dhe i vetmi kujtim prej saj është se Faqeziun e hodhën një herë në Lanë klientët të cilëve ai u kishte marrë lekët dhe i kishte mashtruar. Është sa skandaloze aq edhe kuptimplotë që shefi i drejtpërdrejtë i Spahiut, kryetari i Këshillit të Lartë të Drejtësisë, Presidenti i Republikës, Topi, nuk i tërheq vërejtjen Spahiut për këto veprime të kundërligjshme. Kjo ndodh se Spahiu është realisht vetëm nënkryetar i Aleancës Kuqezi dhe kryetar i saj është Bamir Topi. Aleanca Kuqezi është një parti presidenciale.
Kreshnik Spahiu, i cili befas po na shfaqet si një nacionalist i madh, ndonëse është person publik që në fillim të viteve nëntëdhjetë, nuk ka mbajtur kurrë qëndrime nacionaliste në media, para muajve të fundit. Ai nuk mund të sjellë asnjë shkrim, asnjë deklaratë në media, ku të ketë mbajtur një qëndrim “kuqezi”. E njëjta gjë mund të thuhet edhe për entourage të tij në Aleancën Kuqezi. Leitnanti i Spahiut në Aleancën Kuqezi është kushëriri i tij, Endri Shabani, të cilin Spahiu e merr me vete në të gjitha OJF-të fitimprurëse ku shkon, si dhe e katapulton atje ku nuk shkon dot vetë, siç ndodhi me Transparency International. Në prononcimet publike të Endri Shabanit, mund të gjeni gjithçka, deri edhe ato për “Male lifestyle”, siç bëri para disa ditësh në emisionin Top Shoë të Alban Dudushit, por kurrherë prononcime kuqezi, përveç muajve të fundit, kur filloi të flasë kështu me porosinë e kushëririt. Njëjtë si Endri Shabani janë dhe ata që Kreshnik Spahiu kishte zgjedhur për takimin e fundit të aleancës në Prizren, sorosianët Kim Mehmeti dhe Mehmet Kraja. Kim Mehmeti që ka studiuar në Irak, dhe pozon në fotot e shkrimeve të veta dhe në website të tij me shallin islamik, të llojit që mbante Arafati, është aq kuqezi sa Arafati.
Faqeziu, i cili po na del si shpëtimtar i kombit, do të bënte mirë që të tregonte se cilës zonë të hapësirës shqiptare i takon nderi që të jetë vendi i origjinës së këtij “burrështetasi” të madh. Se do të vijë dita që faqeziut t’ i ngrihen monumente në vendin e origjinës familjare. Babai i Faqeziut, thotë në kafeteritë e Tiranës, si nën zë, se është me origjinë nga Prizreni, por kjo ka shumë gjasa që të jetë legjendim, siç thuhej në atë gjuhën profesionale të vendit të punës të babait të Faqeziut. Vetë Faqeziu, nuk e tha këtë gjë kur shkoi në Prizren para disa ditësh. Natyrisht se Faqeziu nuk mund t’ i gënjente prizrenasit, se do t’ i kërkonin më tepër hollësira dhe do t’ i dilte rrena. Që familja e Faqeziut ka ardhur nga Kosova, kjo është e sigurt, por kjo nuk do të thotë se ai është shqiptar. Në shtëpinë e Faqeziut deri vonë flitej turqisht, e ndoshta flitet ende. Duke konsideruar se babai i Faqeziut kishte miqësi me ambasadorin boshnjak, me të cilin tërhiqnin tehspijet, ka më shumë gjasa që origjina e familjes së Faqeziut të jetë boshnjake. Faqeziut vetë i pëlqen të përmendë vetëm Libohovën, nga e ka origjinën nëna e vet.
Faqeziu në politikë është ashtu si në drejtësi, pra një sharlatan. Faqeziu shtiret sikur kërkon bashkimin nacional, pra që të bashkohen të gjitha trojet shqiptare në një shtet të vetëm dhe pastaj thotë se kufijtë e Kosovës janë të paprekshëm, siç deklaroi në mesazhin e tij për Tadiçin. Por nëse kufijtë e Kosovës qenkan të paprekshëm, gjë që në fakt nuk është e vërtetë, se Kosovën Veriore e kontrollon Serbia, atëherë kur do të ndodhë bashkimi nacional shqiptar, edhe sa shekuj duhet të presim? Faqeziu as që ka ndërmend t’ i përgjigjet kësaj pyetjeje, se ai këto deklarata i quan si spekulime politike dhe beson në to aq sa beson në intelektin e Endri Shabanit. Tani që Faqeziu u bë “lider” rreth tij janë shtuar vajzat e reja, me të cilat atij i pëlqen që të rrethohet në vendqëndrimin e tij të pëlqyer, tek restorant “Gjeli”, ku rri edhe drejtori i SHISH, Bahri Shaqiri, “lideri” tjetër i Aleancës Kuqezi. Vajzat të cilat shkojnë me shpresë që të bëjnë karrierë me ndihmën e Faqeziut i bëjnë atij komplimente dhe atij nga kënaqësia i ngrihen lart flokët me xhel.
Shteti shqiptar duhet t’ i thotë Faqeziut, ashtu si Ciceroni, nga i cili Faqeziu mori emrin e studios, iu drejtua Katilinës, duke i thënë: “Quo usque tandem abutere Catilina, patientia nostra?” (Deri kur do të abuzosh me durimin tonë, Katilinë?) Ndërtimi pa leje i Faqeziut duhet të shembet ashtu si ndërtesa ku ishte studioja e tij ligjore. E kuqja dhe e zeza e Faqeziut nuk është si e kuqja dhe e zeza e Stendalit. E kuqja e Faqeziut është ajo e Nexhmije Hoxhës, e cila dikur i siguroi Faqeziut të drejtën e studimit në fakultetin juridik, kurse e zeza është ajo e kriminelëve që Faqeziu ka ndihmuar të lirohen nga burgu dhe që i mban si forcë paramilitare të kinse Aleancës Kuqezi. Faqeziu i cili shtiret sikur nuk ka dëshirë që të merret me politikë dhe në fakt merret gjithë ditën me politikë, shpejt do të thotë se kanë qenë mbështetësit e Aleancës Kuqezi ata që e detyruan që ta bëjë lëvizjen parti politike. Kështu i ka ndodhur në jetë Faqeziut, ai do një gjë dhe të tjerët e detyrojnë që të bëjë një gjë tjetër. Dikur Faqeziu donte që të studionte për aktor, por ja që Nexhmije Hoxha, në disa rrethana që i di mirë Faqeziu, e dërgoi në Fakultetin Juridik. E kështu me radhë…
kastriotmyftaraj@sot.com.al