Mos e thinjni mallin......!

[riza2008]

S'kam asgjë më shumë........!


Si të gjithë frymë marr dhe unë,
Shikoj diellin,kur lind në mëngjes.
E shtyj ditën diku në një punë,
Të marr rrogën,pesmeditshin pres.

Si të gjithë bukë ha dhe unë,
Të pi kupa dëshirën s'e fsheh.
M'a do qejfi të pushoj të shtunë
Edhe zemra për dikë më rreh.

Si të gjithë,gjumin dua natën
Endrra malli të shoh kam dëshirë.
Ti them vetes :Po të tjerët ç'patën?!
Pse nuk dinë të jetojnë të lirë.

Si të gjithë jam njeri prej mishi,
Flas,dëgjoj dhe shikoj dynianë.
Po ju pyes otën kush e prishi?!
Kush fëmijës ja vrau babanë?!

Si të gjithë,pra asgjë më shumë
Nuk kam unë e s'dalloj nga ty.
Vetëm vargjet më rrjedhin si lumë
Aty jap dhe marr dashuri.

Unë u'a thashë që të gjithë ta dini,
Sikur bota të ishte si unë.
Verë me kana për ditë do të pini
Dhe poetë do kishte më shumë....!

[Foleja_]

Ti je si te gjithe ne ,por neve na mungon nje pjese e ytja,shpirti poetik ! Te falenderoj qe e ndane me ne kete dhunti

[riza2008]

S'kam ç'ti them vetes.....?!


Pse kthehem përsëri tek këto udhë,
Tek këto gjerdhe e këto pragje?!
Kthehem me një mëndje tërë muzë
Dhe çdo gur e skalit në vargje.

S'kam ç'ti them vetes,s'më dëgjon
Arratiset në koriet e malet e thepisura.
Çdo qelizë si tingull kitare këndon,
Për manin,bajamen e arat e vidhisura.

Meqënse jam larg, ëndrrat më shpien çdo natë
Burimet etjen m'a shuajnë pa ndrojtje.
Ndihmë më kërkon pjergulla e thatë
Dhe dallandyshet më duan për mbrojtje.

Çdo gjë më do dhe e dua nga ajo anë
Një manushaqe,,një gjethe lofate.
Një thëllëzë,një bilbil dhe një zanë
Të gjitha më vinë në ëndërr, pas mesnate........!


Respekte Foleja ju uroj shëndet e mbarësi në jetë.....

[riza2008]

Me heshtjen shpesh jam dashuruar.....!


Me heshtjen shpesh jam dashuruar,
Si një manjak pa terezi.
Të dy pa gojë,mirkuptuar
Të dy braktisur në qeli.

Ajo më do dhe unë e dua
Mbështetur fort në agoni.
Dashnoria heshtje më puth mua
Dhe flak e prush më ndes në gji.

Si këngë e kobshme,pulson zemra
Të enjtur sytë nga terri i zi.
Në varre,heshtja futet brënda
Aty të gjallë jetojmë të dy.

[riza2008]

Troket në mëndje çast' i bukur.........


Shikimi rreze e llastuar
Më përkëdhel në buz' e sy.
Më ngjall kujtimin e harruar,
Një çast i shkuar në rini.

Troket në mëndje çast' i bukur,
Me lule mali plot aromë.
Mbi shpirtin tim ulet si flutur
Dhe përkëdhelet si një zonjë.

Në gishta flokët kokolepsur,
Shikimi rreze e llastuar.
Si pjergull trupit tim je pleksur
Aty bistakët ke lëshuar.

Kujtimet libër i pa shkruar,
Në ëndrra treten dalngadalë.
Ky malli zjarrtë në koh' të shkuar,
Si fllad pranvere më puth në ballë.

[riza2008]

U lodh dhe pritja......!


Ju e prisnit këtë varg,
Ju e prisnit shpëtimtarin.
Këtë zë që vjen nga larg
Që në shpirt t'u sjell' beharin.

Prit e prit u lodh dhe pritja
S'dihet rrugën nga ka humbur.
Bashk' me pritjen vdiq mërzitja
Edhe lumi u bë trumbull.

Shpëtimtari,mëkatari,
S'quhet dhe s'është më i tillë.
Nga do shkon ndes vatra zjarri
Edhe diellin e ka ngrirë.

Shpitin e ka mbush me bomba
Dhe i zbraz si fishekzjarre.
As në varg nuk të lë nojma
Dhe të gjallë të çon në varre.

[riza2008]

Ti nuk e di se ç'far ndjej unë....?!


Ti më shikoje drejt në sy,
Si ndonjë grabitqare.
Dhe thoshje: Ç'është një matuf ky,
S'ja ka haberin fare....!

Hyrje,dilje brënda meje,
Si në shtëpinë tënde.
Të gjitha portat i shpërtheje
Trazirë më sjell në mëndje.

Por ti s'e di se çfar ndjej unë,
Kur syt' mi eklipson.
Më vjen një ndjenjë si një lumë
Dhe më përplas mbi hon.

Se kur shikimet ngul mbi gjinj
Tërthorazi dhe drejtë
I tëri shkrihem si qiri
Dhe ty të përpij krejtë......!

[riza2008]

Të dashur miq,lexues,krijues, dashamirës të letërsisë sot sa po mora në dorë vëllimin e ri poetik (Njëkohësisht dhe vëllimi i pestë që unë botoj) i titulluar : "Dashuroj me mallin tënd" botim i shtëpisë botuese "ALMERA" .Ky vëllim është përzgjedhur dhe redaktuar nga poeti i mirnjohur Arben Duka.Shpresoj që lexuesi të ngelet i kënaqur nga kjo krijimtari...

[riza2008]

Po kush je ti........?!


Papritur ti m'a ndale rrugën,
Si vagabond a cub prej mali.
Me dhunë m'a coptove buzën
Atë të mirë që kish puth' djali.

Ti i pa binduri i kohës,
Ti i pa mëndi në çmëndi.
Furtunën vet' ja shtove llohës
Dhe dashurisë..tradhëti...

Po kush je ti me sy tërbuar?!
O manjak i dalur mode.
Për dashuri jam lauruar
Dhe dashurisë i kam vënë kode.

Dikush mendon edhe për mua,
Por jo si ty që nuk ke mënd.
Atë me vdekje do ta dua
Për ty dhe sytë i nxjerr në vënd....

[riza2008]

S'di pse me të keqen shpesh takohem......!


S'di pse me të keqen shpesh takohem,
Nuk e dua ,por më del në shteg.
Herë si engjëll,herë si xhind largohem,
Por si hije nga prapa më ndjek.

Herë si lumë i turbullt e i fryrë,
Herë si drizë e tharë tek një gardh.
Herë si gjë e nxirë në fytyrë,
Herë si lule vyshkur në livadh.

Herë si kalë i çalë nga një gozhdë
Herë si natë pa hënë,sterrë, pus.
Herë si vagabondi në një llozhë
Herë si fjalë e ngrirë përmbi buzë.

S'di pse me të keqen shpesh takohem
Ndoshta dhe kjo më ka rënë në pjesë.
Nga e mira si një xham thërmohem
Sa e prek dhe pa pritur vdesë.....!