Bamir Topi hedh voten ne kutine e gabuar. KQZ: Vote per Edi Rama

[Fleur Blanche]

Sa po me dhimbset presindenti, ia paskan njollosur biografine! Pupupuuuu....
Kam nje kujtese te keqe une, si per dreq e kujtoj mire kur per te votuar presidentin qe eshte sot, ne Parlament ne ate kohe quorumi ishte 3/5, dhe Rama iu kishte dhene urdher ushtareve te tij qe te braktisnin Parlamentin qe te mos votonin Topin. Ata socialiste qe e votuan, i perjashtoi vete Rama sepse kishin tradhetuar idealin e partise.
Si nuk paska qofte nje grimce moral ne politike!!!

"Kur lodhem, pushoj ne mes te pushimit" -copyright Bamir Topi.

[Antimafia]

Mero Baze

Si qytetar dhe gazetar që e njoh qytetarin dhe politikanin Bamir Topi, as që dua të diskutoj fare cilësinë e votës së tij. Duke qenë një pinjoll i së djathtës kryeqytetase...

Gazeta SOT
E Enjte, 12-11-2009, 06:36pm (GMT)

A do të kërkojë falje Presidenti Topi ditën e përkujtimit të viktimave të terrorit komunist të nëntorit 1944 në Tiranë

Nga Kastriot MYFTARAJ

Presidenti Topi, për t’ i vendosur një “gjethe fiku” mbi lakuriqësinë e faktit që ai është vënë totalisht në shërbim të djemve të ish-bllokut të udhëheqjes komuniste, ditën e hënë, do të organizojë një ceremoni përkujtimore për viktimat e terrorit komunist në qytetin e Tiranës, në nëntor 1944, në kohën që forcat komuniste hynë në qytet. Në këtë ceremoni, që mbahet në 65-vjetorin e kësaj ngjarjeje, Presidenti Topi sigurisht që do të flasë me një patetikë false në nderim të këtyre viktimave. Por ajo që duan të dinë familjarët e viktimave dhe gjithë shqiptarët është e vërteta e kësaj ngjarjeje misterioze. Kjo ngjarje ka shumë aspekte enigmatike. Viktimat e terrorit komunist në Tiranë në nëntor 1944, shumica e të cilëve qenë intelektualë, me shkolla perëndimore, e dinin mirë se çfarë ishte komunizmi dhe terrori i tij, dhe e dinin se çfarë i priste kur komunistët të hynin në qytet. Komunistët e kishin treguar tashmë veten me terrorin që kishin ushtruar deri më atëherë.
Të gjithë ata që u vranë nga komunistët në Tiranë, në nëntor 1944 e kishin ndarë mendjen që të largoheshin nga Shqipëria. Dilema e tyre ishte vetëm mënyra se si do ta realizonin këtë gjë. Se në atë kohë një udhëtim i tillë kishte rreziqe të mëdha. Komunistët nuk donin që këta njerëz të largoheshin, se donin t’ i asgjësonin e t’ a mbyllnin llogarinë një herë e mirë me ta. Për këtë arsye komunistët sajuan një kurth. Në Tiranë u hap fjala se me t’ u larguar gjermanët nga qyteti, do të vinin disa aeroplanë të Kryqit të Kuq të cilët do të merrnin persona të përzgjedhur, sipas një liste që do të bëhej nga Kryqi i kuq Shqiptar. Për t’ i bërë gjërat të besueshme, një punonjës i Kryqit të Kuq Shqiptar, Myrteza Topi, babai i Bamir Topit, filloi të hartonte një listë me emra. Njerëzit e interesuar paguanin flori që emri i tyre të shënohej në atë listë. Myrteza Topi ishte njeriu i përshtatshëm për ta bërë këtë gjë. Në një intervistë që vëllai i presidentit, Flamur Topi dha në gazetën “Panorama”, në 23 korrik 2007, pra pak pas zgjedhjes së Bamir Topit president, thuhet:
“Dyqani “Flora”, ku Enver Hoxha kishte një nga bazat më të rëndësishme të luftës, ka qenë pronë e hershme e familjes tonë dhe për arsye ekonomike të parët e kanë shitur. Por vazhduan të kishin në pronësi disa dyqane të tjerë rrotull. Familjet tona e kanë ndihmuar disa herë Enverin… Familja jonë dhe të tjerë tregtarë rrotull e ruajtën me besnikëri Enver Hoxhën gjatë kohës së luftës, dhe për këtë shkak kur ai u largua nga Tirana, u dërgoi të gjithëve nga një foto të tijën, me uniformë ushtarake me dedikim në shenjë mirënjohjeje. Kjo foto deri vonë është mbajtur në familjen tonë, pastaj nuk e di nga humbi (ndoshta është në presidencë- K.Myftaraj). Për shkak të kësaj njohjeje dhe besnikërie që kishte treguar ndaj Hoxhës, im atë në vitet e para të çlirimit ka punuar si spiker i anglishtes në Radio-Tirana”. (Gazeta “Panorama”, 23 korrik 2007, f. 3)
Kur forcat komuniste po avanconin në qytetin e Tiranës, skuadrat partizane të terrorit, filluan të eliminojnë këta njerëz. Por edhe këtu ka një enigmë. Asnjë nga këta njerëz, kur patrullat partizane u shkuan tek dera e shtëpisë, apo tek Hotel “Bristol” në qendër të Tiranës, ku u bënë vrasje masive dhe kufomat u hodhën në bodrumet e tij, nuk u largua, edhe pse kishin mundësi të largoheshin, duke ikur nga dyert e pasme të shtëpive (apo avllitë) dhe hotelit. Kjo ndodhte se patrullat partizane shoqëroheshin nga Myrteza Topi, i cili me listën në dorë komunikonte me familjarët që hapnin derën e shtëpisë, apo me punonjësit e hotelit. Myrteza Topi u thoshte se kishin ardhur për personin që e kishte emrin në listën e atyre që do të udhëtonin me avionin e kryqit të kuq. Por shtonte, babai i presidentit të sotëm, personi duhet të lëshonte një deklaratë të cilën do t’ ua dorëzonte partizanëve të patrullës, se po ikte nga Shqipëria me dëshirën e tij, dhe jo i detyruar nga qeveria e re partizane. Sigurisht që të gjithë personat në fjalë qenë gati ta nënshkruanin këtë deklaratë, nëse ishte si kusht për t’ u larguar nga vendi. Por kur dilnin tek hyrja, patrulla partizane i çonte pak metra më tej dhe atje i pushkatonte.
Për këto shërbime speciale që bëri Myrteza Topi, emri i tij nuk do të figuronte në listën e tregtarëve të cilët u ngarkuan nga regjimi komunist me tatimin e jashtëzakonshëm mbi fitimet gjatë luftës. E pra, sipas pasurisë që thotë vëllai i presidentit se kishte familja e tij, duhej të ishte tatuar patjetër në këtë mënyrë. Arrestimi i babait të Bamir Topit, disa vite më vonë, në 1951, ka lidhje pikërisht me rolin e Myrteza Topit në terrorin e nëntorit 1944. Flamur Topi thotë më tutje në intervistën e vet:
“Kjo lloj miqësie (me Enver Hoxhën- K.Myftaraj) vazhdoi derisa u arrestua babai. Arrestimi i tij u bë nga sigurimi i shtetit, pasi e kapën duke thyer tri monedha floriri. Ishin vitet e para të çlirimit dhe familja jonë njëlloj si të tjerat kishim probleme ekonomike. Babait tonë iu desh të vuante 6 muaj burg nën tortura, derisa sigurimi i mori të gjithë floririn. Në fakt, ai tregon se ata i kërkonin më tepër flori sesa ai kishte realisht. Me siguri arrestimi i tim ati ka shkuar në vesh të Enver Hoxhës, i cili ka mbajtur qëndrim jo të keq. Kjo u duk në faktin se më pas ne nuk patëm më probleme, me përjashtim të ndonjë rasti të vogël. Ndërsa burgosja e tim ati u konsiderua si burgosje ordinere dhe nuk na u përmend asnjëherë, por pasoja patëm… Gjithsesi më vonë të gjitha u shpërblyen me dërgimin e Bamirit për specializim në Itali. Shteti komunist duhej të korrigjonte ato gabime që kishte bërë padrejtësisht te ne”. (Gazeta “Panorama”, 23 korrik 2007, f. 3)
Nga këto fjalë të Flamur Topit ngrihen disa enigma. Pse Sigurimi i Shtetit i kërkonte Myrteza Topit më tepër flori se ç’ kishte, siç thotë Flamur Topi më lart? Për cilin flori ishte fjala këtu? Sigurisht jo për floririn që kishte Myrteza Topi para nëntorit të vitit 1944, se atë regjimi komunist duhej t’ ia kishte marrë, në kohën që ua mori tregtarëve të tjerë, pra fill pas ardhjes së regjimit komunist në fuqi. Atëherë del se tashmë Sigurimi i Shtetit po i kërkonte Myrteza Topit floririn që kishte mbledhur nga viktimat e terrorit komunist të nëntorit 1944. Fjalët që pëshpëriteshin gjithmonë e më tepër se Myrteza Topi siguroi më shumë flori në nëntor 1944, se ç’ kishte pasur më parë familja e tij, e bënë Sigurimin e Shtetit që ta arrestonte dhe ta torturonte për t’ ia nxjerrë edhe këtë flori. Flamur Topi pohon se edhe këtë herë i ati shpëtoi falë ndërhyrjes së Enver Hoxhës. Kjo ndodhi për shkak të misionit special që Myrteza Topi kishte kryer në nëntor 1944.
Flamur Topi thotë në intervistën e vet: “Pak vite para ndryshimeve politike në ’90, Bamiri shkoi në Itali për specializim dyvjeçar. Mendoj se ky specializim i ka bërë mirë. Në fakt, shteti komunist na e kishte borxh këtë gjë”. (Gazeta “Panorama”, 23 korrik 2007, f. 2)
Regjimi komunist me të vërtetë i kishte një borxh të madh Myrteza Topit dhe ky borxh ishte aq i madh, sa Edi Rama, megjithëse deklaroi se nuk do ta pranonte zgjedhjen e Bamir Topit president për shkak se ai kishte blerë votat e deputetëve socialistë, pak më vonë e pranoi atë, duke e quajtur garant të Kushtetutës.
A do t’ u kërkojë falje Bamir Topi familjarëve të viktimave të terrorit komunist në Tiranë, në nëntor 1944, për rolin që pati atje babai i tij, Myrteza Topi? Nuk e besoj. Sigurisht që Bamir Topi do të gjejë ndonjë të vetëshpallur ish-të persekutuar politik, i cili ka krijuar një shoqatë me të cilën pretendon se përfaqëson dhe mbron interesat e kësaj shtrese, por që ende nuk ka paraqitur publikisht një vendim gjyqësor që të tregojë se ka qenë dënuar politikisht në kohën e diktaturës komuniste. Sigurisht që ky është lloji i pseudo-ish-të persekutuarve politikë që pëlqen ambasadori amerikan në Tiranë, i cili pritet të marrë pjesë në këtë ceremoni, se edhe ai ka nevojë për një “gjethe fiku”, si Presidenti Topi.

[the admiral]

po as 20 vjet nuk paskan qene te mjaftueshem per shqiptaret per te bere nje pale votime per se mbari??? 20 vjet.
sikur te jemi ne afrike e jo ne europe. barcalete jemi bere. as konceptin elementar qe "vota eshte e fshehte", nuk arrijme ta respektojme. TURP!

[PINK]

Xfile,

vota e çdo qytetari është dhe duhet të jetë e fshehtë, siç përcaktohet nga Kushtetuta, Kodi Zgjedhor dhe Kodi Penal i Republikës së Shqipërisë. Ku duan te dalin qe duan te demaskojne dhe presidentin ? Edhe nese kishte votuar per ps jane ndesh ligjit. Po i tregojne botes 'demokracine' e vertete. E ja e morem vesht ? Edhe ? Cudia me e madhe 3 dite zgjat atje. Pune e madhe. Atje kane dal horlliqe me te medha, e vrasje e krime, dhe cndodh? Hic asgje - 3 dite zgjat. Harrohen.

luajne me popullin disa te ashtequajtur politikane. Dhe me e forta, behet bum ne lokale dhe kudo keto muhabete. U japin popullit material, per te kaluar kohen.

LOL,
ne nje fare menyre po pranoni se te votosh per ramen eshte njollosje ,
dhe une ashtu mendoj.

seriozisht tani, askush nuk njollosi askend, thjesht u paraqit nje fakt. Vete e pati fajin topi qe nuk votoi siç duhej.
Thoni tani qe fajin e ka berisha se ia hodhi voten topit ne kutine e gabuar.

O PINK, une njoh shume tironca den baba den qe jane demokrat te flakte, dhe shume prej tyre mbeshtetes te topit, por kjo qe beri topi quhet tradheti keshtu qe edhe ate mbeshtetje qe kishte topi prej demokrateve e ka humbur me kete fakt.
Kuptohet qe nuk ishte ndonje e papritur duke patur parasysh reagimet e 21 janarit.

[mia@]

Plasen nga inati pd-et pse te votoje presidenti per ps. Ka arsyet e veta o njerez. Mund dhe te jete zhgenjyer per arsye qe vetem ai i di. Direkt ne sulm hidheni! Diktature e gjalle jeni! Nuk pranoni qe njerezit te ndryshojne bindje.

Sipas teje smth etike eshte ti qendrosh besnike dickaje dhe atehere kur mund te jete e demshme per ty?

[xfiles]

Nuk e kuptoj pse akuzoni per mosrespektim te votes se fshehte,
topi eshte person publik dhe iu filmua votimi.
U vendos qe te numerohen dhe votat e hedhura gabim.

Tani kemi dy fakte: Topi votoi ne kutine e gabuar. Ne kutine e gabuar ishte vetem nje vote e hedhur per ramen.
1+1=2

Tani nese mendon se numerimi i votave te hedhura gabim u be enkas per te zbuluar voten e topit... kurre mos thuaj kurre por eshte goxha jo probabel.

[Antimafia]

Vota e Topit tregoi se ai ishte garanti i grushtit të shtetit

Presidenti tregoi se gjatë gjithë kohës nuk ka qenë “Top”, por një numëror topi i Edi Ramës

Tashmë në dritën e diellit për të gjithë shqiptarët është lexuar në mënyrën më transparente që vota e presidentit Topi në kutinë 1968 të njësisë 9, ishte për Edi Ramën. Kjo nuk është e vetmja tradhti në këto zgjedhje, por është më e larta, më e egra, më e turpshmja. Por, ka një të mirë të madhe, që atë sekretencën e qëndrimeve të Bamir Topit, të fshehur pas institucioneve të varësisë, PS-së dhe ndonjë bande vagabondësh në vende të tjera e zbërtheu përfundimisht. Ky njeri, natën dhe ditën, në orët e punës së tij si president i republikës, ka punuar, menduar, luftuar, investuar për sjelljen në pushtet në mënyrë të paligjshme të Edi Ramës. Vota që ai ka hedhur për Ramën është brenda ligjit, por është brenda turpit më të madh të një njeriu që u lëpi për vite të tëra në Partinë Demokratike, gënjeu dhe mashtroi shokët, miqtë dhe votoi për njeriun që i vë flakën Shqipërisë. Me këtë rast, ai e amniston Edi Ramën, i cili është një rast klinik, personalisht dhe politikisht. Edi Rama vjen nga palca e krimit komunist. Mbi të u investua një teatër i madh, për ta paraqitur modelisto-anarkist, demek të larë e të lyer nga Perëndimi, po kurrë ndonjëherë PS-ja nuk pati dhe nuk ka lojtarë më të zi e të dalë nga themeli i stalinizmit.
Por pavarësisht nga të gjitha këto, ai është kryetar i opozitës dhe me atë parti që pranon për kryetar çdo njeri që sjell kartën e rrënimit të Shqipërisë, ai mund të sillet dhe mund të veprojë si ta gjykojë ai. Por ti o zoti president, që mendove për të futur nëpër burgje për agjitacion e propagandë në pluralizëm, njerëzit më të devotshëm të luftës për demokraci, njerëzit më të sinqertë dhe pa kurrfarë përfitimesh, ty more ditëzi ku të çon mushka? Ti kujton se do të strehohesh në vilën për të cilën s’ke paguar as një gjethe ulliri. Ti kujton se do t’i fshihesh syrit të së drejtës dhe të së vërtetës. Ti kujton se mund ta kalosh e anashkalosh e të tallesh me atë luftë opozitare të tmerrshme që ka bërë Partia Demokratike në ’97-n, për 8 vjet... Ti kujton se mund ta shkelësh gjakun e Azemit dhe të dëshmorëve të tjerë të demokracisë, ti kujton se do t’i zëvendësosh ata me viktimat e qarqeve më të zeza antishqiptare, që stimulojnë rrënimin e shtetit shqiptar…
Por ja ku ta dha e drejta e atyre që tradhtove, ja ku ta bëri gjyqin transparenca e ligjit dhe sigurisht është edhe dora e Zotit, për të ta shkruar në mënyrë të pashlyeshme veprën tënde të pështirë dhe të turpshme…
Ti që gjysmën e jetës e ke nëpër dreka e darka, e ke parë se si të janë larguar miqtë e ditëve të para dhe të është dashur të shpikësh miq të rinj, por me një standard për të qarë hallin, vetëm nga ata që e pranojnë tradhtinë tënde. Ty t’u demaskua përfundimisht gjuha e Ezopit dhe të ka dalë në fytyrë, ty dhe klanzhganit tënd!
Askujt në Shqipëri nuk i ka ndodhur kjo që të ndodhi ty. Ndëshkim i përnjëhershëm, brenda kohës së mandatit. Tani ti je simboli dhe shembulli më klasik i mosmirënjohjes, i grushtit të shtetit, i hipokrizisë dhe i pabesisë ndaj atyre që të rritën e të mandatuan në atë post. Kështu që nuk mund ta ngopësh dot urinë tënde tradhtare me përgjimet e telefonave, me videot dhe me turpe të tjera të Sigurimit të Shtetit. Sepse praktikë e tyre ishte dhe është spiunimi dhe tradhtia.
Por në ditët që do të vijnë, orët e jetës tënde do të jenë më të gjata, më të dhimbshme, më të lodhshme, më të turpshme… Ti i vure një damkë jo vetëm karrierës dhe jetës tënde, por gjithkujt që është i lidhur me ty. Shqipja është me shumë pasuri leksikore dhe me thënë të drejtën, për shkak të zanatit nuk na mungojnë që të të etiketojmë, por jemi në çastet e para të zbulimit të krimit dhe gjëja e parë që provojmë është të pasurit ndot.
Edhe këta të huajt nuk do të mund t’i gënjesh më, t’i mashtrosh, t’i thërrasësh, të bisedosh me ta dhe t’i raportosh Edi Ramës. Në fakt analiza të shtyn shumë thellë. Pyetjes pse ti more rrugën e tradhtisë dhe të turpit, nuk mund t’i përgjigjesh thjesht “çështje karakteri”. Kjo është një histori e gjatë, e vjetër, e thellë dhe do të botohet zotëri, herët a vonë...si krimet e Hoxhës, që po dalin ditë pas dite. Mos kujto se duke dalë në televizor, me atë staf eunukësh që ke do t’ia hedhësh më ndokujt. Ka shumë socialistë që s’e votuan Edi Ramën. Lulzim Basha ka marrë mbi 50 mijë vota më shumë krahasuar me paraardhësin, por ti zgjodhe Edi Ramën. Me tërë hukubetet e tij.
Eh, nuk mbaron mllefi kundër këtij turpi. Tashmë s’mund të gënjesh më njeri se ti na qenkësh me të djathtën, gjasme qytetare. Ti or zotëri paske qenë, je dhe do të jesh veç me palcën dhe zezonën që quhet Edi Rama…bile ti je vartës i tij.

20-05-2011 / Nga Fahri Balliu

[xfiles]

e ke gabim mia@, ne te PD nuk plasem aspak, perkundrazi nese e ke vene re jemi shume entuziast qe me ne fund doli hapur mbeshtetja e topit per ramen, jo se nuk dihej.
Me duket se ata qe po plasin jane pala tjeter

[Fleur Blanche]

Akoma i genjen mendja njerezit qe kemi privatesi, dhe hidhen e perdridhen se na qenka bere publike vota e atij qe fle gjume ne Presidencen qe ia dha "qofte te daja" Saliu, dhe Rama perjashtoi deputetet e tij qe e votuan Topin per president.

Per nje cope vote te filloni te na beni moral, kur vete keta nuk kane moral! Me te thene mendja se cfare u be!

Sa per Topin, po citoi dicka; sic thote edhe nje nga filozofet e mi te preferuar Seneka "Askush nuk e mban shume gjate masken"...

[mia@]

Vota eshte e fshehte dhe pike!
Sipas teje xfiles i bie qe personat publik te shkruajne dhe emrat e tyre ne fleten e votimit meqe jane persona publik?