Beteja per Tiranen: Lulzim Basha perballe Edi Rama

[Apollyon]

Lul Basha do fitoje. Tpakten un jam me Lulin, fitojm apo sfitojm, ska rensi.. di vetem qe edhe nese e merr Edi Rama, sdo pendohem qe ja dhashe Lulit.

[Jack Watson]

Kam shumë besim te fitorja e Bashës sot!

Vë re sot një optimizëm të përgjithshëm pro Bashës. Një lloj perceptimi të përgjithshëm.

[martini1984]

Basha për “Bota sot”: Jam i sigurt në fitore
Nga i dërguari ynë në Tiranë, Bajrush Morina.

http://www.botasot.info/mesme/xbasha92444.jpg

(I plotësuar)-Në një takim të shkurtë në selinë e Partisë Demokratike në Tiranë, kandidati i PD-së për Tiranën, Lulzim Basha i ka deklaruar gazetës kombëtare “Bota sot” se është i sigurt për fitore. “Unë shoh dëshirën e njerëzve për ndryshime dhe ky ndryshim fillon me fitoren time”, ka thënë Basha.
* * * * * * *
Dalja masive në votime në Tiranë, Basha në epërsi të konsiderueshme
Deri në ora 14:00 në të gjitha qendrat e votimit të Tiranës vërhet një fluks i madh i votuesve. Sipas disa të dhënave jo zyrtare, krahasuar me zgjedhjet e kaluara ka një rritje deri në 20% të pjesëmarrësve në votime që i bën këto zgejdhje edhe më interesante dhe më të vlefshme për partitë dhe kandidatët për të parin e kryeqytetit shqiptar.
Sipas deklarimeve të disa deklariemve të zyrtarëve të lartë të Partisë Demokratike kjo dalje masive e qytetarëve të Tiranës janë shenja pozitive se kandidati i tyre Lulzim Basha do të jetë favorit për të marrë kreun e Tiranës. Kjo epërsi e kandidatit të PD-së shtohet për faktin se kjo dalje masive e votuesve vërehet sidomos në qendrat e votimit ku PD-ja tradicionalisht njihet si fituese apsolute.
* * * * * * *

Topi dhe Wollfarth u bëjnë thirrje qytetarëve të votojnë

Presidenti Bamir Topi së bashku me ambasadorin e OSBE-së Eugen Wollfarth nga kalaja e Petrelës i kanë bërë thirrje qytetarëve të votojnë ndërsa klasës politike të pranojë rezultatin e zgjedhjeve.

http://www.botasot.info/reklama/topi...ne-petrele.jpg

Në fjalën e tij kreu i shtetit theksoi se shqiptarët sot duhet të përjetojnë një ditë feste larg çdo lloj tensioni për të provokuar incidente.
“Nga kalaja e Petrelës që ka edhe një pozicion sa historik ashtu edhe kulturor mendoj se kjo ditë duhet të kalojë e gëzueshme dhe uroj që shqiptarët pas përfundimit të zgjedhjeve të kenë bërë një hap drejt një standarti që do të na ofrojë me Bashkimin Evropian”, theksoi Topi.
Më tej kreu i shtetit ka theksuar se kjo ditë duhet të shkojë jashtë çdo lloj deklarate që do të bëntë të mundur provokimin e incidenteve.
“Ftoj qytetarët të mos kenë asnjë lloj presioni dhe mendoj se ata e kanë konshiencën e duhur dhe për ta orientuar votën atje ku dëshirojnë”, theksoi Topi duke shtuar se rregulli i demokracisë është të pranohet rezultati dhe organet e reja të ushtrojnë veprimtarinë e tyre që shqiptarët të jetë një vend me standardet evropiane.
Nga ana e tij ambasadori Wollfarth duke i bërë thirrje qytetarëve të votojnë theksoi se deri më tani procesi i votimit ka vijuar i qetë.
Ai ka përshëndetur edhe komisionerët dhe forcat e policisë për kontributin që po japin pasi sipas tij puna e tyre nuk do të mbarojë në orën 19:00 por edhe më pas me numërimin e votave.
Duke iu referuar numrit të madh të vëzhguesve ndërkombëtar, ambasadori Wollfarth theksoi se ardhja e tyre është një kartë biznesi për Shqipërinë dhe një mundësi për të folur mirë për imazhin e saj.
* * * * * * *

KQZ publikon të dhënat për pjesëmarrje deri në orën 10:30

Komisioni qëndror i Zgjedhjeve ka publikuar të dhënat për pjesëmarrjen e votuesve deri në orën 10:30. Kështu sipas KQZ në bashkinë e Beratit pjesëmarrja e votuesve kap shifrën e 9.81 përqind, në bashkinë e Elbasanit 12.3 përqind, në Sarandë pjesëmarrja kap shifrën 7.1 përqind.

http://www.botasot.info/reklama/9-kqz.jpg

Gjithashtu KQZ-ja ka publikuar të dhënat edhe bashkinë e Tiranës ku pjesëmarrja e votuesve është 8.2 përqind, në bashkinë e Durrësit 7.3 %, bashkia Librazhd 17.5 përqind, bashkia Kamëz 10.5 përqind, bashkia e Fierit 9.1 përqind, bashkia Krujë 19.1 %, bashkia Gramsh 21.4 përqind, bashkia Peqin 17.1 përqind, bashkia Kuçovë 8.1 përqind dhe bashkia e Bulqizës ka një pjesëmarrje prej 15.7 përqind.
* * * * * * *

Sequi: Zgjedhjet, një mundësi për të treguar maturi
Ambasadori i BE-së në Tiranë Ettore Sequi ka vëzhguar nga afër procesin e votimit në shkollën e mesme “Abdulla Keta” në Tiranë.
Në një prononcim për mediat ambasadori Sequi ka deklaruar se zgjedhjet vendore janë një mundësi për të treguar maturi demokratike.
“Kam arritur të vëzhgoj disa qëndra votimi. Kam parë një numër të madh votuesish. Dua të shoh me sytë e mi një proces shumë të rëndësishëm për Shqipërinë theksoi Sequi.

http://www.botasot.info/reklama/9sequi.jpg

Më tej ambasadori i BE-së ka deklaruar se mendimin e tij do ta japë pas përfundimit të procesit zgjedhor
* * * * * * *

Topalli: Sot të jetë ditë feste për të gjithë shqiptarët
Kryetarja e Kuvendit të Shqipërisë, Jozefina Topalli votoi sot në orën 10:00 në Qendrën numër 306, në Fakultetin e Gjuhëve të Huaja, në qytetin e Shkodrës. Topalli, pas votimit u shpreh se "dita e sotme është një ditë feste për të gjithë shqiptarët, pasi kjo është dita e tyre". Kryetarja e Kuvendit të Shqipërisë, Jozefina Topalli tha për gazetarët se "këto do të jenë zgjedhjet më të mira, ku qytetarët, kudo, në çdo cep të Shqipërisë, do të votojnë me qytetari, të lirë, si qytetarë evropianë”.
"Sot është një ditë e bukur, një ditë me diell. Unë jam e sigurt se kjo ditë e votimeve për pushtetin lokal, për qeverisjen vendore do të jetë një ditë feste. Jam shumë e kënaqur; mesa shoh organizimi është I shkëlqyer. Njerëzit , qytetarët vijnë këtu që herët, për të votuar për atë që, do të jetë kryetar i tyre i bashkisë dhe komunës. Unë jam e sigurt se, këto zgjedhje do të jenë zgjedhjet më të mira , ku qytetarët, kudo, jo vetëm në Shkodër, por në çdo cep të Shqipërisë, do të votojnë me qytetari , do të votojnë si evropianë.
Dhe sot ata kanë ditën e tyre për të vendosur për atë, që do të jetë kryetari i tyre i bashkisë më i miri , ai që mendon për qytetin dhe për qytetarët . Unë jam e sigurt se, qytetarët shqiptarë do të japin një kontribut të jashtëzakonshëm, sepse është dita e tyre. Është dita, në të cilën, ata vendosin dhe kontributi I tyre do të jetë për të ardhmen e Shqipërisë, jo vetëm për qytetin e tyre, jo vetëm për qytetarët e tyre. Kështu që unë, edhe një herë ftoj të gjithë qytetarët, jo vetëm në Qarkun e Shkodrës, por në çdo cep të Shqipërisë , që të shkojnë për të votuar të lirë, të qetë, si qytetarë të një vendi, anëtar i NATO-s; si qytetarë shqiptarë, që dinë të vlerësojnë se çfarë është liria, sa mirë funksionon ajo, mrekullinë e lirisë dhe për të votuar, për të vendosur atë, që ata gjykojnë për qytetin dhe për qytetarët. Unë ju uroj dhe ju gazetarëve, duke ju kërkuar në të njëjtën kohë, që të bëni transmetimin e vërtetë, real të kësaj dite të mrekullueshme, që unë do ta konsideroja një ditë feste”, tha Topalli.
* * * * * * *


Rama: Të mos votosh sot është të pranosh papunësinë
Kreu aktual i bashkisë së Tiranës dhe njëherësh edhe kandidati për këtë bashki Edi Rama ka votuar rreth orës 11:40 në njësinë bashkiake numër 7 tek shkolla “Pjetër Budi” në Tiranë.
I shoqëruar nga nëna e tij Anita Rama, bashkëshortja Linda dhe djali Gregor, kreu i opozitës është paraqitur para komisionit dhe pasi ka marrë fletët e votimit i është drejtuar dhomës së fshehtë dhe më pas I ka hedhur ato në kutitë e votimit përkatëse.
http://www.botasot.info/reklama/rama-voton.jpg
Në një prononcim për mediat, kandidati për bashkinë më të madhe në vend Edi Rama i bëri thirrje të gjithë shqiptarëve të mos ngurojnë por të shkojnë të votojnë.
“Të mos votosh sot është të pranosh papunësinë, të thellosh varfërinë prandaj asnjë familje që kërkon mirëqënie nuk duhe të rrijë pa votuar” theksoi Rama.
* * * * * * *


Sondazhi: Lulzim Basha do t’i fitojë zgjedhjet në Tiranë
Kandidati i “Aleanca për Qytetarin” për Bashkinë e Tiranës, Lulzim Basha fiton 54.8% të votave, ndërsa kryebashkiaku Edi Rama 43.6%. Kandidati i Partisë Komuniste, Hysni Milloshi, fiton 0.4 %, ndërsa 1.2 % nuk pranojnë që të shprehen.
Është ky përfundimi i një sondazhi të organizuar nga Qendra Ndërkombëtare për Strategji Fushatash në lidhje me procesin zgjedhor të 8 majit për Bashkinë e Tiranës. Në këtë sondazh, janë shpërndarë 500 pyetësorë dhe ai përfshin periudhën 8-15 prill. Sipas organizatorëve të sondazhit, në shqyrtim janë marrë vetëm personat që do votonin në zgjedhjet e 8 majit dhe që ishin votues të asaj qendre votimi ku po zhvillohej pyetësori.
Sipas të dhënave të bëra publike, 54.8% e të anketuarve do të votojnë në zgjedhjet vendore të 8 majit, kandidatin Lulzim Basha dhe 43.6% e tyre do të votonin për kandidatin e “Aleanca për të Ardhmen” Edi Rama. Marzhi i gabimit për këtë sondazh sipas organizatorëve është llogaritur në 8%, por edhe pas kësaj sërish Basha del fitues i zgjedhjeve me 50.4% dhe Rama me 48 % të votave të të anketuarve.
Nëse do t’u referoheshim votave të partive, atëherë pro partisë Socialiste kanë votuar 43.2%, për Partinë Demokratike 49.6%, për LSI-në 4%, për partitë e tjera 2.4%, ndërsa 0.8% nuk japin asnjë lloj informacioni.
Ndërkohë, si prioritet 39. 8 % e të anketuarve rendisin punësimin si çështje parësore, për të vijuar më tej me 22.35 % për infrastrukturën, 16.2% për mirëqenien, 4.9 për të rinjtë, 4.5 projekte konkrete, 3.3 arsim, 2.4% rritje pensionesh, 2% ulje çmimesh, 1.6 gjelbërim, 0.8% ulje taksash.
Personave të përfshirë në këtë sondazh i janë drejtuar pyetje edhe mbi kandidatët, Rama dhe Basha, çfarë ato mendojnë për aftësitë, kulturën, ndershmërinë etj. Mendimin për çdo kandidat po e japim të plotë si më poshtë:
Opinioni për Ramën: 24% mendojnë se është punëtor, 15% arrogant, 15% mashtrues, 14% i aftë, 7% korrekt, 7% i zgjuar, 6% i konsumuar, 5% i paaftë, 5% i ndershëm, 2% jo familjar.
Opinion për Bashën: 26% mendojnë se është i aftë, 19% i kulturuar, 11% i zgjuar, 10% mashtrues, 9% i paaftë, 6% punëtor, 5% sjell ndryshimin, 5% s’bën për kryebashkiak, 5% diplomat, 2% barbar, 2% i besueshëm.
* * * * * * *

Topi: Qytetarët kanë një votë, ta japin atë atje ku mendojnë
Kreu i shtetit Bamir Topi i shoqëruar nga zonja e parë Teuta Topi dhe dy vajzat e tij i janë drejtuar qëndrës së votimit në njësinë bashkiake numër 9 në shkollën "Servete Maci" në Tiranë.
Pasi kanë marrë fletët e votimit familja presidenciale, një dhe nga një i është drejtuar dhomës së fshehtë dhe më pas i kanë hedhur fletët e votimit në kutitë përkatëse.

http://www.botasot.info/reklama/t0pp119486.jpg

Në një prononcim për mediat presidenti Topi ka deklaruar se për të është një emocion i dyfishtë pasi kthehet në shkollën kur ka kryer klasën e parë dhe sepse sot votohet për progresin e demokracisë në Shqipëri.
“Është një ditë e bukur dhe dëshiroj ti drejtohem bashkëkombësve të mi që ta shfrytëzojnë këtë ditë. Qytetarët kanë një votë, ta japin atë atje ku mendojnë, duke votuar sot votojnë për dinjitetin dhe prestigjin e tyre”, theksoi Topi.
Gjithashtu në apel kreu i shtetit i drejtoi edhe komisionerëve dhe forcave të rendit që të bëjnë të mundur një mjedis të qëtë në mënyrë që qytetarët të votojnë të lirë.
* * * * * * *


Zgjedhjet, voton kandidati për bashkinë e Tiranës Lulzim Basha

http://www.botasot.info/reklama/9basha-voton.jpg

Lulzim Basha votoi sot në orën 10 e 30 në cerdhen 13, në rrugën “Demir Gashi”, në lagjen ku ai ka lindur dhe është rritur në Tiranë. Pas hedhjes së votës në zgjedhjet për Kryetarin e Bashkisë së Tiranës, z.Basha u shpreh para medias se 8 maji është një ditë e rëndësishme.
“Procesi shkoi shumë mirë, uroj dhe jam i bindur që kjo ditë e bukur do të shkojë shumë mbarë. I uroj të gjithë qytetarëve të Tiranës, mbarësi, mirësi, votim të qetë. Uroj të gjithë kryeqytetasit tanë, dhe qytetarët e Shqipërisë anëembanë. Është një ditë e bukur, të vazhdojmë kështu që të jetë një ditë e bukur deri në fund të saj”, u shpreh Lulzim Basha para mediave, pasi hodhi votën e tij.
* * * * * * *

Berisha: Qytetarët të votojnë të qetë. Partitë të pranojnë verdiktin

http://www.botasot.info/reklama/May-8-12-7-391.jpg

Kryeministri Berisha ka votuar rreth orës 10:00 në njësinë numër 2 pranë Liceut artistik në Tiranë. I shoqëruar nga bashkëshortja e tij Liri Berisha, shefi i qeverisë është paraqitur para komisionit me kartat e identitetit dhe pasi ka marrë fletët e votimit është drejtuar dhomës së fshehtë dhe më pas ka hehdur edhe fletët në kutitë e votimit.

http://www.botasot.info/reklama/May-8-12-6-573.jpg

Në një prononcim për mediat kryeministri Berisha i bëri apel qytetarëve të votojnë të qetë ndërsa partive politike të kontribuojnë për një proces normal dhe të pranojnë rezultatet e zgjedhjeve.
“I bëj apel qytetarëve të votojnë për të ndryshuar më mirë jetën në komunitetet e tyre. Ftoj të gjithë qytëetarët tëvotojnë të qetë, të votojnë me dinjitet të plotë duke i garantuar që kjo mazhorancë është e vendosur të respektojë votën e çdo qytetari shqiptari” theksoi Berisha.
Më tej kryeministri Berisha theksoi se sipas të dhënave deri më tani procesi I votimit ka vijuar normalisht në mbarë vendin.

http://www.botasot.info/reklama/400May-8-12-7-202.jpg

“Procesi i votimit po zhvillohet tërësisht normal në parametrat e një procesi të denjë për një vend të lirë dhe uroj të vazhdojë kështu deri në mbyllje. I bëj apel partive politike të kontribojnë për një proces sa më normal dhe të pranojnë çdo verdik dhe të vlerësojnë peshën e çdo vote të shqiptarëve” theksoi më tej Berisha.
* * * * * * *


Kukan në njësinë numër 2: Besoj se zgjedhjet do jenë të lira

Raportuesi i PE-së për Shqipërinë Eduard Kukan është duke monitoruar nga afër procesin e votimit në qendrën numër 2 pranë Liceut Artistik.
Në një prononcim për mediat Kukan ka theksuar se në përgjithësi në këtë qendër votimi procesi po vijon normalisht përveçse ka pasur probleme me bojën pasi fshihet.
I pyetur nga “Ora News” se nëse do të takohet sot me liderët shqiptarë, Kukan është përgjigjur që sot nuk do të ketë takime me ta.
Ndërkohë raportuesi i PE-së për Shqipërinë Kukan ka theksuar se beson se zgjedhjet e 8 majit do të jenë të lira pasi vendi ynë e meriton anëtarësimin në BE.
“Unë besoj se politikanët shqiptarë janë të përgjegjshëm se zgjedhjet janë mjaft të rëndësishme për anëtarësimin e vendit në BE pasi populli shqiptar e meriton të jetë pjesë e Bashkimit Europian” theksoi Kukan.
* * * * * * *

Pas pak minutash pritet të votojnë Berisha, Rama, Topi, Basha e Meta
Paraditen e sotme pritet që drejtuesit politik të bëjnë dhe deklarata e para në lidhje me procesin e zgjedhjeve. Kryeministri Sali Berisha, pritet të votojë rreth orës 10:00 në njësinë bashkiake numër 2 pranë Liceut Artistik në kryeqytet.
Presidenti i vendit Bamir Topi voton në njësinë bashkiake numër 9, në shkollën “Servet Malçi”. Kryetari i LSI-së, Ilir Meta pritet të votojë në orën 09:30 në Kopshtin NR. 31.
Ndërsa kreu u PS dhe kandidati për Bashkinë e Tiranës, Edi Rama pritet të votojë në shkolla “Pjetër Budi”, Njësia Bashkiake Nr. 7. Sipas PS, Rama pritet të votojë me bashkëshorten rreth orës, 11:30. Po ashtu edhe rivali i tij, Lulzim Basha voton në njësinë bashkiake Nr. 7. në “Çerdhen 13”
Sokol Olldashi dhe deputeti i PS-së Erjon Braçe, të cilët kanë votuar në orët e para të mëngjesit në njësinë bashkiake numër 2 pranë Liceut Artistik në kryeqytet.
* * * * * * *


Incident në Shkodër

Shënohet incidenti i parë gjatë procesit të votimit të zgjedhjeve vendore.
Një komisioner i Partisë Socialiste në fshatin Kuq të qarkut të Shkodrës është dhunuar në një qëndër votimi por ende nuk dihen rrethanat e ngjarjes.
Mësohet se komisioneri i PS-së është dërguar në spitalin e Shkodrës ku po merr edhe ndihmën mjekësore.
* * * * * *

Votojnë Olldashi dhe Braçe
Ministri i transporteve Sokol Olldashi dhe deputeti i PS-së Erjon Braçe kanë votuar në orët e para të mëngjesit në njësinë bashkiake numër 2 pranë Liceut Artistik në kryeqytet.
Ndërkohë që rreth orës 10:00 pritet që në këtë qendër votimi të vijë për të votuar edhe kryeministri Sali Berisha.
Ndërkohë në këtë qendër votimi procesi ka nisur në orën 07:00 dhe mësohet se deri më tani procesi i votimit ka vijuar normalisht dhe interesimi i qytetarëve për të votuar është i lartë.
* * * * * *

Interesim i madh i emigrantëve për zgjedhjet në Shqipëri
Zgjedhjet e 8 majit 2011 kanë bërë që në Shqipëri të vijnë si rrallë herë një numër rekord emigrantësh për votime dhe vizita familjare.
Gjatë 24 orëve të fundit për të marrë pjesë në këtë votim kanë ardhur rreth 3200 emigrantë nga katër pikat doganore me Greqinë.
Ndërkohë që pika e Kakavijës kanë ardhur gjatë këtyre ditëve 7200 persona. Ky është numri më i madh i emigrantëve që ka ardhur në vend gjatë zgjedhjeve.
Nis zyrtarisht procesi i votimit për zgjedhjet vendore
Ka nisur zyrtarisht proçesi i votimit ku 3166279 shtetas shqiptarë me të drejtë vote do t`i drejtohen 4882 qendrave të votimit në të gjithë vendin për të zgjedhur drejtuesit e tyre vendorë.
Procesi i votimit ka nisur në orën 07:00 dhe do të mbyllet në orën 19:00 ku mbi 150 mijë të rinj do të votojnë për herë të parë.
Mbi tre milion shqiptarë sot votojnë për pushtetarët lokalë
Janë 3 milion e 164.859 votues që do të zgjedhin 6125 pushtetarë në nivel komune e bashkie.Janë 3 milion e 164.859 votues që do të zgjedhin 6125 pushtetarë në nivel komune e bashkie.
Shqipëria është zgjuar sot në një atmosferë sa festive aq edhe të rëndësishme. Mbi tre milion shqiptarë sot do vendosin për të ardhmen e tyre duke zgjedhur me votën e tyre pushtetarët lokalë në nivel komune e bashkie. Në Tiranë dhe në përgjithësi në Shqipëri po mban një mot jashtëzakonisht I mirë për zgjedhjet.
Përgatitjet për këto zgejdhje tashmë kanë përfunduar dhe që në orën 7 të mëngjesit gjithëçka ka qenë gati për fillimin e votimeve të sotme.
Në zgejdhje kanë të drejtë vote 3 milion e 164.859 votues. Në këto zgejdhje garojnë 56 subjekte dhe ka dy koalcione të mëdha, Aleanca për Qytetarin që kryesohet nga Partia Demokratike dhe që përbëhet prej 22 subjekteve politike dhe Aleanca për të Ardhmen që përbëhet nga 23 subjekte dhe që kryesohet nga partia Socialiste.
Sipas njoftiemve të mediave televizive në orën 7 janë hapur 4882 qendra të votimit në 383 njësi zgejdhore.
Për herë të parë në këto zgejdhje do të votojnë 150 të rinj ndërsa votuesit do të zgejdhin 6125 përfaqësues komunalë e bashkiakë.
Të shtojmë se në KQZ janë bërë të gjitha përgaditjet për fillimin e mbarë të zgjedhjeve. Kështu në të gjitha qendrat e numërimit janë instaluar kamerat dhe anëtarët e KQZ-së kanë mundësi që të vëzhgojnë “live” gjithë procesin e numërimit të votave.
* * * * * * *

11Kanë mbetur vetëm disa orë deri në mëngjesin e 8 majit kur më shumë se 3 milion 100 mijë qytetarë të Shqipërisë do të kenë mundësinë t’ua mësyjnë kutive të votimit për të zgjedhur përfaqësuesit dhe udhëheqësit e tyre lokal.
Pas një “beteje” parazgjedhore që zgjati për më shumë se 6 javë, liderët e partive politike por edhe mediat radiotelevizive sot po e mbajnë “gojën e mbyllur” për shkak të heshtjes zgjedhore.
Edhe në këto zgjedhje lokale beteja kryesore është zhvilluar në mes të dy partive kryesore në Shqipëri, Partisë Demokratik dhe asaj Socialiste. Liderët e këtyre dy partive politike kryeministri Sali Berisha e kryesocialisti Edi Rama kanë udhëhequr një fushatë tepër të ashpër politike, herë herë me tensione, por që krahasuar me zgjedhjet e kaluara, kjo fushatë është përshkuar pa ndonjë ekces të rëndë që vlen të veçohet.
Por përderisa liderët politikë dhe mediumet audiovizuele po respektojnë heshtjen zgjedhore, Tirana sonte po “vlon” më shumë sesa netëve të tjera. Në kryeqytetin shqiptar kanë ardhë qindra vëzhgues ndërkombëtar e po kaq edhe gazetarë të mediumeve vendorë e ndërkombëtar.
Heshtjen e Tiranës po e shprish edhe valëvitja e flamujve partiakë dhe posterat e panot e liderëve kreysorë të garës për kreybashkiakun e Tiranës.
Reporteri special i gazetës kombëtare “Bota sot” është dëshmitar i kësaj “zhurme” të gjallë të Tiranës e cila vlon nga brenda, por që respekton heshtjen parazgjedhore nga jashtë.
Mbrëmja e 7 majit në Tiranë është e veçantë edhe për shkak të “etheve” parazgjedhore. Nesër tiranasit do të vendosin për të ardhmen e tyre. Është në dorën e tyre që të votojnë për ndryshimet e premtuara nga kandidati i Partisë Demokratike Lulëzim Basha apo do të votojnë për vazhdimin e mandatit të katërt të kryesocialistit Edi Rama.

Emigrante qe vijne per zgjedhje???
durohen keta simptom skleroze...
dil ne pension bace

[Apollyon]

O Jack, kte Edin kemi nis ta marrim inat qe kur ka nis ta marri kte punen e partise socialiste shum seriozisht.. Bashkine e ka len pas dore, kshu qe le te merret me PS-n se mire esht.

[martini1984]

O Jack, kte Edin kemi nis ta marrim inat qe kur ka nis ta marri kte punen e partise socialiste shum seriozisht.. Bashkine e ka len pas dore, kshu qe le te merret me PS-n se mire esht.

Ti mos u qaj se nuk paguan energji elektike,e ke si bonus

[Jack Watson]

O Jack, kte Edin kemi nis ta marrim inat qe kur ka nis ta marri kte punen e partise socialiste shum seriozisht.. Bashkine e ka len pas dore, kshu qe le te merret me PS-n se mire esht.

Eh kjo osht edhe arsyja kryesore. Bashkia duhet të punojë gjith kohës për qytetarët e Tiranës se atë detyrë ka jo të bëhet vegla e Partisë Socialiste, të hyjë në sherre me qeverinë vetëm kreu i saj është njëkohsisht edhe koka e opozitës.

Tirana ka për t'ja pa hajrin Bashës nëse ky e fiton, e ka mandatin e parë dhe ka për të punu me gjithë shpirt për të realizu projektet për të cilat ka nevojë Tirana (unaza e madhe së pari se vdiqëm në trafik) ndërkohë që Rama bën 12 vjet në bashki e s'ka më motiv që ta shtyjë t'i dedikohet bashkisë (apo s'ja ka vu edhe syrin kryeministrisë, Tirana vrima e funit e kavallit i takon).

Ishalla po fiton Basha sot. Shpresoj shumë që për të fitu sot. T'shofim.

[miki_al2001]

Fiton Lulzim Basha

[Apollyon]

Ti mos u qaj se nuk paguan energji elektike,e ke si bonus

Qe kur kam rraf elektricistin skam pas me probleme me dritat, se kshu me rruge ligji sjua dilja dot.. HUNI HUNIIIII DRUNIII JASHAaaaaa adelajda, ai ju vje hakut.. ahahaha

[Apollyon]

Eh kjo osht edhe arsyja kryesore. Bashkia duhet të punojë gjith kohës për qytetarët e Tiranës se atë detyrë ka jo të bëhet vegla e Partisë Socialiste, të hyjë në sherre me qeverinë vetëm kreu i saj është njëkohsisht edhe koka e opozitës.

Tirana ka për t'ja pa hajrin Bashës nëse ky e fiton, e ka mandatin e parë dhe ka për të punu me gjithë shpirt për të realizu projektet për të cilat ka nevojë Tirana (unaza e madhe së pari se vdiqëm në trafik) ndërkohë që Rama bën 12 vjet në bashki e s'ka më motiv që ta shtyjë t'i dedikohet bashkisë (apo s'ja ka vu edhe syrin kryeministrisë, Tirana vrima e funit e kavallit i takon).

Ishalla po fiton Basha sot. Shpresoj shumë që për të fitu sot. T'shofim.

Jo me jo se Edi ka punu sa te dush per Tironen. Po e vetmja arsye se du qe te fitoje Luli esht se Qeveria ne pushtet esht PD, prandaj edhe Luli do marri fonde.. se Edit si jepte njeri fonde me lla, kot me e majt ne karrige ate. Kshu qe me mire ta marri Luli e te boje noj gjo per nja 4 vjet, pastaj ja japim prap Edit ne ska gje.

[PLAKU]

Berisha e Basha presin rezultatin në selinë e Partisë Demokratike

http://www.botasot.info/mesme/pd-selia.jpg

Pasi kanë votuar në qendrat e tyre të votimit kryeministri Sali Berisha dhe kandidati për Tiranën Lulzim Basha dhe pasi kanë dhënë mesazhet e tyre për votuesit, ata kanë mësyrë selinë e Partisë Demokratike ku po vëzhdojnë procesin e zgjedhjeve përmes mediave elektronika dhe përmes njoftimeve të komisionerëve të Partisë Demokratike anembanë Shqipërisë.
Reth orës 12 është paraparë që të mbahet një konverencë shtypi në të cilën do të jepet një pasqyrë e shkurtër e zhvillimeve të votimeve në orët e paradites. Tash për tash nuk dihet se a do të flasë Berisha apo zëdhënësja e Partisë Demokratike Albana Mustafaraj.