Beteja per Tiranen: Lulzim Basha perballe Edi Rama

[PLAKU]

Ish-të përndjekurit gjejnë tek Lulzim Basha, alternativën më të besueshme për aspiratën tyre
06-05-2011 / Intervistoi: Eden Babani
Intervistë me Z. Reshat Kripa, Kryetar i Degës së Tiranës, i Shoqatës Antikomuniste të ish-të Përndjekurve Politikë Demokratë

Gazeta 55: Ju jeni Kryetar i degës së Tiranës i Shoqatës Antikomuniste të ish-të përndjekurve Politikë. Çfarë përfaqëson dega juaj?
Reshat Kripa: Dega e Shoqatës Antikomuniste të ish-të Përndjekurve Politikë Demokratë të Tiranës e zhvillon aktivitetin e saj mbështetur në statutin dhe vendimet e kuvendeve të Shoqatës. Lidhur me këtë, në nenin 5 të statutit thuhet: “Shoqata, për vetë natyrën e saj sociale dhe përbërjen heterogjene ideore nuk merr përsipër detyrat e partive politike dhe nuk ka synime për pushtet”.
Ne i qëndrojmë rigorozisht këtij neni, por kjo nuk do të thotë se nuk kemi bindjet tona politike. Të gjithë anëtarët e degës sonë, pavarësisht se në cilën parti bëjnë pjesë, i përkasin spektrit politik të djathtë. Kjo për shkak të prejardhjes sonë, të kaluarës dhe qëndrimit të sotëm të secilit.
Më lejoni t’i shpjegoj këta tre faktorë: 1. Prejardhja: Të gjithë anëtarët e degës sonë rrjedhin nga familje nacionaliste, që kanë qenë dhe janë në ballë të luftës për liri dhe demokraci. 2. E kaluara: Me këtë, kam parasysh periudhën e sundimit totalitar gjatë së cilës ne u vramë, u burgosëm, u internuam, u dëbuam dhe u persekutuam pa mëshirë nga diktatura komuniste. 3. E sotmja: Anëtar i degës sonë mund të jetë çdo i përndjekur politik që është i gatshëm të kontribuojë për forcimin e shtetit demokratik, kundër mentaliteteve antikombëtare të së kaluarës komuniste.

Gazeta 55: Ç’do të thotë kjo?
Reshat Kripa: Për dy faktorët e parë, nuk do të zgjatem. Gjithçka është e qartë. Unë do të përqendrohem në faktorin e tretë. Është një detyrë mjaft e rëndësishme, e lënë në të gjitha kuvendet kombëtare të Shoqatës. Dega jonë do të qëndrojë përgjithmonë në krah të koalicionit të madh të djathtë, të kryesuar prej Partisë Demokratike. Ne nuk mund te jemi ndryshe. Ne nuk mund të bashkëpunojmë me forcat e majta dhe ultra të majta, si Partia e sotme Socialiste, e drejtuar nga Edi Rama, pinjoll i një familjeje komuniste, karrierist dhe revanshist që, sa herë diskutohet në parlament për ligje në mbështetje të shtresës sonë, urdhëron grupin e vet parlamentar të braktisë sallën. Kështu vepruan deputetët e tij në rastin e miratimit të rezolutës në mbështetje të asaj të Këshillit të Europës “Mbi ndëshkimin e krimeve të regjimeve komuniste”. Kështu vepruan në seancën për miratimin e ligjit “Për dëmshpërblimin material të ish-të përndjekurve politikë” dhe të amendamenteve të tij. Kështu edhe për ligje të tjera të kësaj natyre.

Gazeta 55: Si e shikoni qëndrimin e disa liderëve të përndjekur politikë, të cilët u janë bashkëngjitur forcave të majta?
Reshat Kripa: Ky është turpi i tyre më i madh. Një gjë e tillë do të thotë të mohosh të kaluarën tënde dhe të bashkohesh me ata që për gati një gjysmë shekulli të dhunuan dhe të përçmuan familjarisht. Mendoj se arsyeja e kësaj duhet kërkuar në faktin që mund të kenë ngrënë “një lugë çorbë të prishur dhe sot nuk e nxjerrin dot”, - siç thoshte dikur protagonisti i një filmi shqiptar të kohës së diktaturës. Shkaqe të tjera mund të jenë joshja me para, pse jo, edhe me ndonjë femër të përdalë.

Gazeta 55: Keni parasysh ndonjë lider të caktuar?
Reshat Kripa: Po. Do veçoja Kurt Kolën, një person që dikur të përndjekurit politikë e zgjodhën në krye të tyre por që ai, harroi edhe familjarët e vet të shtypur egërsisht nga regjimi. Me që erdhi fjala, do të shtoja gjithashtu se, mbështetur në nenin 5 të statutit, kryetarit të një shoqate i ndalohet krijimi i një partie politike, sa kohë ai qëndron në krye të shoqatës. Sipas nenit 22 të Shoqatës sonë, nen i formuluar qysh me themelimin e saj, “Kryetari, nënkryetarët dhe sekretari i shoqatës nuk duhet të bëjnë pjesë në forumet drejtuese të partive politike si dhe të kenë funksione drejtuese shtetërore”. Kurt Kola ka krijuar një parti politike, e cila aktualisht është në koalicion me partitë e majta, ani se, në zgjedhjet politike ose për pushtetin vendor, nuk është në gjendje të marrë as votat e familjes së vet.
Ka edhe të tjerë, të cilëve nuk është nevoja t’ua përmend emrat, pasi të përndjekurit i njohin mirë. Janë ata që çirren e bërtasin se gjoja do të shkuakan deri në Bruksel ku, të lidhur me zinxhirë, dashkan të demonstrojnë për të drejtat e tyre. Po deshën le ta provojnë! Do të çjerrin maskën që mbajnë, dhe do të demonstrojnë faqen e tyre të zezë. Është dhe një kategori e tretë, tip kameleonësh, që nuk e dinë ku e kanë kokën. Në mëngjes, kur zgjohen nga gjumi, ata janë të djathtë. Në mbrëmje, kur bëjnë llogaritë e ditës dhe bëhen gati për të fjetur, shndërrohen në të majtë, duke ëndërruar të dalin në demonstrata të mëdha për të kërkuar të drejtat e tyre. Le të provojnë të dalin dhe do ta shohin se sa do t’i ndjekin pas.
Do të shtoja këtu keqardhjen, që të mos them neverinë time, ndaj qëndrimit të një pjese të shtypit, sidomos atij të majtë, ose të mediave audio-vizive, që i kanë hapur dykanatësh dyert për këta gjoja kryetarë të përndjekurish politikë. Kam bindjen e plotë se ata e kanë humbur përfundimisht besueshmërinë e shtresës që i takojnë.

Gazeta 55: Cili do të jetë qëndrimi juaj në këto zgjedhje lokale?
Reshat Kripa: E thashë qysh në fillim. Dega jonë dhe gjithë të përndjekurit politikë të vërtetë janë me koalicionin “Aleanca për qytetarin” të drejtuar nga Partia Demokratike. Jemi me këtë koalicion, sepse këtu e kemi gjetur veten plotësisht, sepse vetëm ky koalicion ka bërë të mundur të realizohen disa prej kërkesave tona. Sigurisht, ne kemi edhe kërkesa të tjera, që s’kanë gjetur zgjidhje ende, sikundër e pranoi ndershmërisht Lulzim Basha, në takimin me ish-të përndjekurit politikë gjatë kësaj fushate elektorale. Unë kam besim të palëkundur se në të ardhmen edhe ato do të zgjidhen, gjithmonë brenda legjislacionit ekzistues shqiptar.

Gazeta 55: Po për kandidatin për Kryetar Bashkie në Tiranë, çfarë do të na thoni?
Reshat Kripa: Lulzim Basha është kandidati më i besueshëm, do të thosha më i shkëlqyeri, që ka nxjerrë ndonjëherë e djathta dhe Partia Demokratike. Vështroni fushatën elektorale që ka zhvilluar. Një fushatë tepër domethënëse, sa u takon alternativave që ka shpalosur në interes të kryeqytetasve. Shumë e qytetëruar, sa i takon gjuhës së përdorur ndaj kundërshtarëve të tij politikë. Me të vërtetë europiane, për sytë e të huajve, që po e ndjekin hap pas hapi dhe me vëmendje ecurinë e fushatës. Është kandidati që i garanton të ardhme kryeqytetit.

Gazeta 55: Domethënë?
Reshat Kripa: Pyetjen tuaj, ndonëse kaq të shkurtër, do ta zbërthej pak gjatë dhe në dy plane: si i përndjekur politikë dhe si qytetar i Tiranës.
Si i përndjekur politik, mendoj se është i vetmi kandidat që mund të zgjidhë disa prej problemeve tona të lëna në harresë. Zgjidhjen e problemit të strehimit për të përndjekurit, fjala vjen, nëpërmjet ndërtimit të banesave me kosto të ulët. Hipotekimi i banesave të atyre që kanë vite që presin. Dhënia e trojeve për ndërtim objektesh me karakter social. Dhënia e kredive me interes të ulët dhe të tjera masa. Më lart thashë se kemi edhe kërkesa të tjera. Jam i bindur se, në rast se do t’i drejtohemi Kryetarit të ardhshëm të Bashkisë, Lulzim Bashës, porta e tij do të jetë e hapur në çdo kohë që ne do të kemi nevojë, siç ka qenë dhe do të jetë e hapur edhe porta e Kryeministrit apo e ministrave të qeverisë demokratike. Ne nuk kemi nevojë të zhvillojmë protesta kundër qeverisë që vetë e kemi votëbesuar, çka do të thotë të ngrihemi kundër vetes tonë.
Si qytetar i Tiranës, dua të them se përkrahim zotin Basha, pasi duam të shikojmë, si gjithë qytetarët e tjerë, një Tiranë, ku të marrim frymë lirisht, kundër betonizimit të saj. Duam një qytet të pastër, ku të mos na mbulojnë plehrat. Duam një qytet, ku tregu të jetë me të vërtetë i kontrolluar nga pikëpamja higjienike dhe e vlerave ushqimore, ku sistemi i taksave të jetë i kontrolluar dhe i drejtë, ku të mos u lihet shteg manipulimeve të ndryshme që shkatërrojnë tregun. Duam një rregullim të transportit urban dhe të shërbimit mjekësor. Së fundi edhe një përkrahje më të madhe për njerëzit në nevojë.
Siç e shihni, gjithë sa përmenda, janë tërësisht pjesë e alternativave elektorale të Bashës, i cili, deri sot, çka ka premtuar, e ka bërë realitet. Si ministër i Punëve Publike dhe Transporteve, është i njohur kontributi i tij në ndërtimin e Autostradës së Kombit, që lidh dy gjymtyrët më të mëdha të trojeve tona etnike. Si Ministër i Punëve të Jashtme, s’ka shqiptar të mos ia njohë Bashës meritat për pranimin e Shqipërisë në NATO. Si Ministër i Punëve të Brendshme, falë kontributit të tij të padiskutueshëm, sot shqiptarët udhëtojnë pa viza në zonën Shenghen.

Gazeta 55: Përfundimisht?
Reshat Kripa: Urojmë që pas 8 majit, Lulzim Bashën ta kemi Kryetar të Bashkisë së Kryeqytetit, më të madhes bashki në gjithë vendin. Për këtë i ftoj gjithë të përndjekurit politikë me banim në Kryeqytet të votojnë për të, pasi, në këtë mënyrë, kanë votuar për ndryshimin që ne presim prej nëntëmbëdhjetë vjetësh. Gjithashtu, i ftoj të përndjekurit politikë që, si subjekt politik, të votojnë atë parti të koalicionit “Aleanca për qytetarin”, së cilës mendojnë se i përkasin.

[PLAKU]

Ana misterioze e Edvinit
06-05-2011 / Nga Kostaq Xoxa
Kjo faqe e personalitetit të Edvinit shfaqet në një mori argumentesh. Askush nga propagandistët e tij nuk di të na shpjegojë përse shefi i tyre nuk pranonte ballafaqimin elektoral të drejtpërdrejtë me kundërshtarin politik, në rang të kreut të partisë (qershor 2009), apo të kreut të bashkisë (maj 2011)? Një shpjegimi të tillë edhe vetë E. Rama, i është shmangur. Drejtuesit e programeve e dinë mirë se Edin e nervozojnë disa pyetje, të cilat ky i merr si provokim. Dhe nuk kanë ngulmuar në pyetje të tilla, “për të ruajtur atmosferën e bashkëbisedimit”. Veçse pyetje të tilla, që e shfazojnë të ftuarin në studio, janë të shumta.
Gazetarët, në përgjithësi, duhet të kenë kujdes, në pyetjet që i drejtohen këtij personi, nëse nuk e durojnë dot kundërveprimin e tij agresiv, me fyerje për mungesë profesionalizmi, gjer te prekja në dinjitetin vetjak të gazetarit ose të gazetares që guxon të bëjë pyetje “të papëlqyeshme”. Rasti i fundit i të qenit alergjik të të pyeturit Edi jashtë amplitudës së durueshme prej tij, është ai i poshtërimit të gazetares së Shijak TV-së, e cila u bombardua me fjalë përcëlluese, gjer në përmendjen se ajo ishte për semaforët e kuq. Shkurt, e quajti prostitutë!
A mund të thuhet e njëjta gjë për dr. Berishën në marrëdhënie me gazetarët? Që në fizionominë mirëdashëse, që në tonalitetin e zërit, Berisha është i qeshur, miqësor, pranues i cilësdo lloj pyetjeje. Delikat ndaj atij që ka përballë. “ Më falni, por duhet t’ju sqaroj se ...”. Nuk acarohet ndaj gazetarëve të rinj, e t’u thotë atyre se kjo pyetje është e pavend, se pyetësi është i papërgatitur profesionalisht, palé t’i fyejë arbitrarisht. Për doktorin nuk ka pyetje “të ndaluara”. Në qoftë se jam i saktë në këtë shqyrtim, atëherë del për t’u përmendur edhe ajo fjala që tingëllon aq hipokrite: “transparencë”! Kjo fjalë është bërë gërvishtëse e timpanit të veshit, në përdorimin e vend e pa vend të saj, domethënë e shpërdoruar tej mase nga Edi. Transparenca bëhet groteske, në mbledhjet e bunkerizuara për të hequr qafe mendimin ndryshe; pra, në mbledhjet e tensionuara brenda radhëve. Bëhet e pasinqertë në marrëdhënie me faktorin euroatlantik, kur ky faktor bie ndesh me nihilizmin absolut të Edvinit ndaj forcës kundërshtare të tij. Bëhet e padurueshme kur, në forumet e grave socialiste, e pikturon veten me penelata superhumaniste ndaj seksit femëror, kur ai është sjellë si Barbabluja me mjaft femra me aftësi të spikatura në gjininë e tyre artistike.
Ne disa pika të karakterit të tij, ai është thelbësisht i errët, thuajse konspirativ. Nëse nuk ka ç’t’i fshehë këtij populli, ai s’kishte përse të ngarkonte militantët e tij vetjakë (në kuptimin “të besuar”) që të shkonin në të gjitha libraritë e të tërhiqnin, me pare në dorë, të gjithë librat e tij me titullin “Refleksionet”, që t’i digjte pastaj si në kohën e autodafé-ve. Ai donte të mbulonte kundërthëniet e tij kundër diktaturës gjysmëshekullore, kundër tiranit Enver Hoxha, kundër Lëvizjes Nacionalçlirimtare, kundër krimeve të komunizmit, kundër mendësisë komuniste. Veçanërisht e stigmatizonte rëndshëm këtë të fundit. Veçse a mund të fshihet minarja në thes? Po aq sa mund të fshihen mendimet e tij të mëvonshme, në kundërshtim diametral me ato të librit të tij, të pushkatuar po prej tij! Por gazeta jonë i ka nxjerrë një nga një të gjitha këto kontradikta, që portretizojnë një person inkoherent, që ç’thotë sot nuk thotë nesër; e që kërkon rrënjosjen e temave-tabù, si në kohën e Enver Hoxhës. A pranojnë veteranët, - në emër të të cilëve flet sot E. Rama, - që të quhet N.çl.-ja si shkaktare e luftës civile në vendin tonë, e cila u përftua nga Enveri, me diktat të armiqve shekullorë të kombit shqiptar? Ja se çfarë shkruante! Kuptohet se fjala është për emisarët jugosllavë, që bënin ligjin në shtabet partizane.
Ç’mund t’i përgjigjej ai që mëton kreun e ekzekutivit shqiptar, kësaj pyetjeje? Upupu! Pyetje te tilla janë në kategorinë e sakrilegjeve. Palé të pyetej për personalitetin e tij si qytetar, në marrëdhënie me ish-bashkëshorten, me djalin e mohuar; po të pyetej për incestin përbrenda familjes... Në këtë vështrim, ne e kemi kaluar édhe Europën, édhe Amerikën, ndërsa flasim me liberalizëm të shtirë për homoseksualët (disa prej të cilëve shprehen me vetëmburrje në ekran se janë të tillë); ndërsa jemi mirëkuptues për martesat e të njëjtit seks, e ku të di unë... Ne (dhe kudo jashtë, veç nesh) marrim në gojë Berluskonin për jetën e tij private. Por Berluskoni nuk ka përdorur dhunën në marrëdhëniet me femrat. As Klintoni nuk i rezistoi dot joshjes së Monika Levinskit, duke u bërë objekt, që për pak sa nuk humbi presidencën. Veçse Levinski sot tregon të vërtetën ndaj kundërshtarëve, se ishte ajo nxitësja! Por te ne, mbrojtësit e kreut të tanishëm të PS-së, na flasin për “Privacy-n” e të mbrojturit të tyre. Dhe ia kanë arritur qëllimit. Kanë mbjellë kulturën e disa “çështjeve” që duhet të mbulohen nga misteri!
Në të vërtetë protagonisti i kësaj “kulture” është vetë Edi Rama. Në librin e tij të pabesueshëm, ai hiqet si tepër i revoltuar ndaj asaj mendësie të nxitur nga qarqe ekstremiste. Jo më kot është vërtet anakronike që këtë nostalgji enveriste ta kemi nëpër këmbë e të na pengojë në aspiratën tonë euroatlantike. Kur erdhi në fuqi, përse nuk bëri asnjë orvatje kundër këtij mentaliteti? Përkundrazi, e stimuloi vetë në orgjitë pezake të 16 shtatorëve! A ka dëgjuar dikush t’i drejtohet kjo pyetje e.r.-së: “Përse e zhdukët librin e mendimeve tuaja të dikurshme” ? Do të quhej një provokacion, nga të majtët e skajshëm! Ndërsa në BE-në ku synojmë të arrijmë, kjo do të ishte një pyetje e natyrshme. Atëherë kjo kategori propagandistësh le ta quajë hapur si një provokacion edhe thënien e Edit se PS-ja, një alter ego e PPSH-së, duhet të nxirret jashtë ligjit!
E. Ramës ia donte interesi vetjak që tetëvjeçarin e sundimit të socialistëve ta nxiroste me ngjyrat më të zeza, ta katranoste fare (2005). Megjithëse zgjedhjet e këtij viti nuk ishin më të mira se ato të 2009-s, për shkak të progresit teknologjik në këto të 28 qershorit. Ka dëgjuar ndonjëri që të flitet qoftë edhe një fjalë e keqe për zgjedhjet 2005 nga pretendenti i kreut të PS-së së vitit 2005? Përkundrazi. Kujtoni: “E kishim me hak humbjen e pushtetit!”. Argumenti i tij? Korrupsioni galopant, prostitucioni, trafiqet e drogës, trafiqet e mishit të bardhë, trafiku ilegal i kapërcimit të detit, mjerimi ekonomik, e të tjera, e të tjera. Tani dalin pyetjet pa përgjigje: Cilit nga të korruptuarit e përmendur nga Rama i ka hyrë gjembi në këmbë? Përse u mbrojtën dosjet e pluhurosura të Theodhori Sollakut? Ç’etalon regjimi po na jepet sot si shëmbëlltyrë pozitive e një qeverisjeje të mirë socialiste, qoftë edhe të një fragmenti të kohës? Jo vetëm, por shohim një qëndrim 180-gradësh: Autostrada e Kombit, po na del si imitacion i një sajese rrugore të tillë, nga e cila mbahet mend shija e hidhur e taksës Majko, jo më e rrugës që as nisi, as bitisi! Ka shembuj të tjerë të përvetësimit të punës së demokratëve, madje edhe të fajësimit të të tjerëve, në vend të vetvetes. Por ne po mjaftohemi vetëm në një rast, që është qesharak. Do ta shihni se nuk e vë më kot këtë cilësor: E. Rama kishte dy vite në detyrën e kryetarit të bashkisë, kur ndodhi ajo që e bëri ish-nënkryetarin e bashkisë të jepte dorëheqjen dhe të ikte në Greqi, për të mbyllur një skandal: atë të përmbytjes së pjesës jugore të Tiranës së Re, për shkak se nënkryetari hapi, me nismë të vet, digën e liqenit artificial. Tani ishte e pamundur që të mbyllej porta hapëse, për shkak të presionit të madh të ujit. Katet e para të Tiranës së Re u përmbytën. Nuk qé një katastrofë natyrore, si ajo e Shkodrës dhe e rrethinave të saj. U shkatërruan frigoriferë, televizorë, lavatriçe, divanë. Dolën jashtë përdorimit automobilë, që u mbuluan nga ujërat. Kryetari i bashkisë “premtoi” se do të rimbursoheshin të dëmtuarit. Ishin si premtimet e Haxhi pishmanit! Pastaj u gjet një variant tjetër: Fajtor na ishte ish-kryetari Albert Brojka! Ky doli në intervistë dhe shpjegoi se kishte dy vjet që e kishte lënë detyrën e kryetarit! S’kishte ç’të shtonte më tepër, veçse ta tipizonte kryetarin e bashkisë, Edi Ramën, si një mashtrues!
A ka dalë ndonjë pyetje për kryetarin e bashkisë për këtë çështje? Përse iku jashtë shtetit nënkryetari dhe jo Albert Brojka? Përse u premtuan rimbursimet kur nuk e paska fajin bashkia e Edi Ramës? Përse u bënë premtimet e pambajtura për pagesat një më një të të dëmtuarve?
Jo më kot Rama del me sloganin që evokon të ardhmen. Kërkon t’i shmanget një pyetje akuzuese: -Ç’është bërë, më parë se ç’do të bëhet? Pyetjet janë aq të shumta, sa nuk do të mjaftonin të gjitha faqet e gazetës për t’i rreshtuar të gjitha! Duke filluar me pyetjet e “sukseseve” të tij, si ministër i Kulturës! – (kur artistët u futën në grevën e urisë dhe u nxorën zvarrë nga ajo grevë, përdhunshëm, duke përdorur shkopinjtë... e policisë). Tani ai kërkon një mandat tjetër, kur veprimtaria e tij e mandatit paraardhës ka dalë në dritë të diellit nga kandidati Lulzim Basha, që e njeh problematikën e Tiranës shumë më mirë nga E. Rama. Ja përse ky i fundit nuk pranon të përballet drejtpërdrejt me z. L. Basha. Sepse ky do të fliste me shifra e me argumente, ndërsa Edi është mësuar të bëjë fushatë retorike me shpifje e me përbaltje!
Votuesi po ndërgjegjësohet se “ardhmëria” e Edit është etaloni (se nuk mund të quhet model) i tij që na ka dhënë, me dëshmitarë këpëdarët injorantë të 2005-s. Ai édhe mossukseset e një qeverisjeje, si ajo që përmendi në atë rast, i sheh me sytë e një daltonisti! I urojmë votuesit që të mos bjerë në kurthe të tilla, në zgjedhje më të mira në progres. Ndonëse ai është deklaruar se do t’i deklarojë si të manipuluara, nëse i humb!

[DYDRINAS]

Shenje e mire per Tiranen qe do te kete per kryetar nje djalosh vendali te shkolluar ne perendim, i cili do te dije te punoje dhe te beje me te miren per qytetin e tij.

I uroj qe ne postin e kryetarit te bashkise se Tiranes te kete vetem suksese dhe te punoje pa pertese e me perkushtim qe qyteti i tij, qyteti i bashkeqytetareve te tij dhe i yne si shqiptar te kthehet ne nje qytet modern, ne nje yll polar te te gjithe qyteterimit te sotem dhe te neserm shqiptar e europian.

Tirana e meriton qe ne krye te saj te kete nje djale te sajin, nje djale qe ja njeh pulsin, qe ja njeh dhimbjet dhe gezimt.

Mbi te gjitha urojme qe institucionin e bashkise ai dhe administrata e tij ta kthejne ne rrugen e duhur, ne rrugen qe nxit zhvillimin, qe nxit bashkejetesen, qe nxit pjesmarrjen, qe i hap udhe idese se tjetrit pavaresisht nga bindjet politike apo nga prejardhja.

Ai mundet ta beje kete!

[DYDRINAS]

Tirana eshte qyteti i kapur peng nga mafja e kuqe e rrenjosur aty qe nga viti 1941, kur komunistet jugosllave instaluan nje kaste kriminale ne krye te asaj qe u quajt PKSH dhe qe siç u paralajmerua nga patriotet shqiptare ajo ishte dhe mbeti pjella me e rrezikshme e te gjitha koherave te kombit shqiptar.

Tirana ka qene e mbajtur peng qe ne vitin 1941 e ne vazhdim, kur asaj ne menyre te dhunshme ju vrane bijte dhe intelektualet, ju perqeshen dhe ju ofenduan figurat me te ndritura te qytetarise se saj, ju mor toka dhe dyqanet, ju mor tradita dhe nami i mire i qytetarit te urte dhe tolerant.

Tirana ka shansin e saj me te mire qe te shkeputet njeher e mire nga kasta e kuqe e opingareve te partizanit Meke dhe te pasardhesve te tyre!

Ka trokit ora e qytetarise tiranase!

Tek Lulzim Basha ata gjejne vetveten, gjejne te sotmen dhe te ardhmen e tyre!

[Brari]

ik jakob e pi ilacet..

u bo von..

--

mir ke fol o dydrins..

me ne fund eshte shanci qe tirana te shpetoje nga zgedha 70 e ca vjecare e khmer rruzhve..

me lulin.. do ket nji tiran te lire e demokratike..

po fitoj ed-veri.. vazhdon zgedha polpotiste..

sipas paralajmerimeve qe ben shtypi ed rucist.. e pam dhe tek gazet shqipi.. qe ka sjell rraptushi.. mafia khmer rruzhe ka bere gati nje armate roze.. pra nje ushtri kanibalesh qe do terrorizojne sic pranon gazeta nga saranda ne durres..
pra ata do ta pushtojne forcerisht 8 majin..

ina rama e topi nuk ndihen..
vazhdojne ti sherbejne mafies ed ruce..
kjo armate roze eshte nje grusht shteti..

urgjent duhet te reagoje gjith populli sepse duket qarte kasaphana qe ka pergatitur ruci me te vetet nga durrsi deri ne konispol..

era 97 te.. e 21 janar..

..

[RAPTILOID]

Po te vje era humje he brar??
E kam thene dhe po ta them dhe I here
Kujdes kush luan me voten ne 8 maj se mund te shpallet pishtar I demokracise
Jan marre masat per gjithcka
Kujdes dhe vetem kujdes

[RAPTILOID]

Rama: Fushata, e karakterizuar nga dhuna ndaj PS-së
06/05/2011 21:50


Kryetari i PS-së dhe kandidati për bashkinë e Tiranës, Edi Rama ka deklaruar në emisionin “Top Story” në Top Channel se kjo fushatë është karakterizuar nga dhuna ndaj kandidatëve dhe mbështetësve të PS-së.

“Fushata është karakterizuar nga kërcënime në të gjithë territorin që kontrollon pushteti duke vënë në presion mësues e nxënës që janë një dëshmi e frikës që ka Saliu nga 8 maji dhe vota”, tha Rama.



I pyetur se çfarë kishte vënë re gjatë rrugëtimit të tij në gjithë Shqipërinë, Rama tha se në zonat ku qeverisë mazhoranca ka një ngushtim të bashkëjetesës qytetare.



“Në të gjitha zonat e qeverisura nga Saliu, ku sundimi i harbutllëkut dhe inorancën që karakterizon qeverisjen e Saliut ka mbyllur njerëzit dhe ka ngushtuar hapësirën e bashkëjetesës qytetare”, theksoi Rama.



Kreu i PS-së ka theksuar se pakti me qytetarin është një nga arsyet se pse qytetarët duhet të votojnë për “Aleancën për të ardhmen”.



“Ne kemi të gjithë arsyet për të fituar se njerëzve u ka ardhur në maj të hundës me njerëz që qeverisnin si Saliu dhe nga ana tjetër ne ofrojmë një pakt qytetar që u ofron qytetarëve të drejta të barabarta”, tha ai.



Rama është shprehur optimist për fitore në zgjedhje.



“Nuk do ketë më historira grabitjesh, dhune dhe frike, në Kamëz apo Kavajë sepse jemi të bashkuar shumë fuqishëm për të përballuar një proçes elektoral që do na nxjerrë fitues në të gjithë Shqipërinë”, deklaroi ai.



I pyetur nëse po kërkon një mandat të plotë për bashkinë, Rama theksoi se Tirana ka nevojë për një politikë tjetër kombëtare.



“Këtë e vendos Tirana. Sot Tirana ka nevojë për një politikë tjetër kombëtare dhe një politikë zhvillimi ashtu si edhe gjithë Shqipëria”, tha Rama.



Ndërkohë pyetjes nëse do të jetë ai kryeministri i ardhshëm i vendit, nëse do fitojë zgjedhjet për pushtetin qendror, Rama tha se gjithçka është në dorën e qytetarëve.



“Këtë e vendosin qytetarët me votë”, theksoi Rama.

Top chanel

[Jack Watson]

Ndiqni Lul Bashën në TV një bashkëbisedim përmbyllës të fushatës.

[juanito02]

Edhe mbreme edhe sot Tom Doshi dhe Edi Rama me ca karta identiteti falso ne dore po demaskojne nje nga manovrat e ndyra qe kupola e pd po i ben emigranteve si ne.
Po prodhon karta identiteti jashte firmes Sagem, me emra emigrantesh dhe me foto pdistesh.
Per fat te mire eshte gjetur burimi kush i ben ca ndyshimesh kane dhe jane trainuar komisioneret qe ti dallojne ato me shikimin e pare.

A e shikoni cfare kafshesh jane salistet ?
A meritojne keta te qeverisin vendin e shqiptareve?
He si mendoni o forumista jo saliste?

[Besoja]

Juanito përshëndetje!
Sapo kemi dalë nga mbledhja e komisionerëve dhe gjëja e parë që na u tha se janë prodhuar karta idenditeti false ndaj duhet të mësojmë t'i njohim.Por kupto që unë jam në anën e PD-së.Tani si thua ti,të besojmë vetëm ato që thotë Rama?!Pse ti mendon se vetëm PD-ja ka vegla për të prodhuar karta?!