Beteja per Tiranen: Lulzim Basha perballe Edi Rama

[2043]

Sa i squt ky Mero mer jahu.
Kot e rrafin kete nje here ne dy muj

[RAPTILOID]

INTERVISTA/ Rama: Jam në garë me Berishën

Bisedoi: Alfred Peza, Vizion Plus
*
Rama për Bashën
*
Zoti Basha ju ka respektuar deklaroi në hapje të fushatës se nuk jeni armiku i tij?
*
Po kush është ai? Ai s’ka lidhje fare se çfarë respekton apo nuk respekton me fjalë. Është një shkelës i njohur i ligjit në të gjithë ministritë ku ka shkelur. Sot është përpara domosdoshmërisë që të japë llogari përpara gjyqit për vrasjet e 21 janarit. Përpara se sa llogaria përpara gjyqit do të vijë si një domosdoshmëri për të zbardhur deri në fund atë krim shtetëror, duhet të kishte ardhur përgjegjësia politike sepse edhe Ministri i Brendshëm i Ben Aliut dha dorëheqjen pasi pushkët e shtetit vranë demonstruesit në Tunizi. Ndërsa Ministri i Brendshëm i Saliut jo vetëm që nuk dha dorëheqjen, por tani kërkon që qytetarët e Tiranës të japin votën.
*
Do ju ftoj të dyve përballë në këtë studio të bëni një debat…
*
Këtë mund ta harrosh që sot sepse ai mund të bëjë debat vetëm në sallën e gjyqit për të gjithë ato arsye për të cilat është konsideruar si i pandehur nga prokuroria në një proces tërësisht të korruptuar dhe të analizuar nga Kontrolli i Shtetit, dhe është nga ana tjetër i pandehur i opinionit publik për masakrën e 21 janarit.
*
Rama për betonizimin
*
“1 % e sipërfaqes së Tiranës është ndërtuar me lejet tona të ndërtimit, 1%. E dini se sa përqind e të gjithë ndërtimeve në Tiranë janë? 5%. E çfarë betonizimi i ka ndodhur Tiranës në këto vite? Në këto vite Tiranës i ka ndodhur krejt diçka tjetër. Këto vite Tiranës u janë hapur të gjitha arteriet e frymëmarrjes dhe qarkullimit. Në këto vite Tirana ka sot pas një pune kolosale 55 mijë pemë më shumë.”
*
Nuk mund ta mohoni se ka blloqe të tëra ky s’ka ku hyn as zjarrfikësi dhe as ambulanca…
*
Unë e mohoj këtë dhe e mohoj me forcë sepse mos të harrojmë që një pjesë e konsiderueshme e pallateve që sot janë pjesë e kësaj problematike janë ndërtuar në vitet ’90 kuturu. Ndërkohë që ne kemi sistemuar të gjithë procesin e ndërtimit në Tiranë. Kemi plan të qendrës të Tiranës, kemi plan rregullues me të cilin ne funksionojmë.
*
Rama për presionet mafioze
*
E vetmja rrugë, slogani që keni nxjerrë, është arrogant…
*
Prandaj është e vetmja rrugë, është e vetmja rrugë se në këtë rrugë ka mirëqeverisje, në këtë rrugë nuk ka ndarje të njerëzve në tanët dhe në të atyre. Në këtë rrugë nuk ka ndarje të territoreve në blu dhe në rozë. Qytetarët me vullnet të lirë dhe me votë e kanë zgjidhur me kohë çështjen e Tiranës dhe çështjen e çdo territori ku votohet dhe ku vota nuk vidhet. Ndërkohë që rruga e tyre është rruga e vjedhjes së votës, të vjedhjes së pasurive publike dhe të pronave të qytetarëve me ligje antikushtetuese dhe me vendime qeverie të paligjshme.
*
Ishim ke slogani juaj…
*
Nuk është slogan, ky është fakt. Slogan është që rruga e tyre është rruga e presionit mafioz mbi sipërmarrjen? Ja ku jemi këtu në televizion, ky televizion financohet nga një sipërmarrje që është nën presion mafioz të përditshëm.
*
Rama për Unazën e Madhe
*
“Unazën e Madhe e kemi negociuar dhe e kemi financuar me 20 milionë euro të firmosura me BERZH, e ka bllokuar me dhunë Saliu për ta mbajtur peng dhe për t’u thënë sot qytetarëve të Tiranës që Bashkia nuk e bëri, Edi Rama nuk e mbajti fjalën. Vetëm kaq mjafton që qytetarët e Tiranës t’i japin përgjigjen e merituar Saliut sepse është e pamundur, është e patolerueshme, është barbare, që një qeveri të funksionojë me logjikën e bllokimit të pushtetit vendor për arsye dhe mosarsyes politike. Kjo nuk ndodh në asnjë vend demokratik.”
*
Rama për taksat e Bashkisë
*
“Ku ka shqiptar të besojë sot se mund të besojë se Saliu do të hapi në Tiranë 30 mijë vende pune. Ka premtuar 160 mijë në 2009 dhe sot ka 1 milionë të papunë. Ndërkohë që biznesi i vogël paguan për bashkinë, për pastrimin, për gjelbërimin, për rrugët, për ndriçimin, për punët e Bashkisë, paguan mesatarisht si mesatare, ka që paguajnë më pak dhe ka që paguajnë më shumë, si mesatare është 1 milionë lekë të vjetra në vit. Ndërkohë që Saliut i paguajnë 4 milionë. Pra nëse flasin për ulje taksash, këta duhet t’i ulin taksat që i kanë vënë në kurriz biznesit të vogël në mënyrë antikushtetuese duke shkelur autonominë për pushtetin vendor.”
*
Rama për modelin e fushatës
*
Zoti Basha po e bën këtë fushatë derë me derë, shtëpi më shtëpi, lagje më lagje, ditët e fundit jeni dukur shkuar ju në gjurmët e tij?
*
Këto janë interpretime gazetareske që ju vlejnë juve për t’i dhënë pak emocion një gare që s’ekziston sepse Tirana e ka bërë zgjedhjen e saj, Tirana e ka gjetur rrugën e saj dhe Tirana është e garantuar në zhvillimin e saj. Zbritja ime rrugë më rrugë e derë më derë është ajo që modestisht unë kam sjellë në politikën shqiptare që në vitin 2000. Fushatat elektorale rrugë më rrugë e derë më derë janë fushata që janë të zakonshme për mua siç janë bërë të zakonshme për të gjithë sot. S’ka asnjë ndryshim strategjie dhe s’ka asnjë zotëri me këtë emër në garë mua. Në garë është Saliu, i cili kërkon të grabisë Tiranën ashtu siç po grabit të gjithë Shqipërinë.
*
Rama për Kastriot Islamin
*
Sekretari për Çështjet Elektorale në PS, Kastriot Islami, ka deklaruar që ju do ta humbisni këtë radhë Tiranën me 2 mijë vota, keni ndonjë koment?
*
Kastrioti ka ikur në një drejtim të paditur dhe unë nuk marrë më lajme prej tij, faleminderit që herë pas here më njoftoni ju për vendndodhjen, për mua nuk përbën asnjë problem.
*
Rama për votat e LSI
*
A do të ndikojë LSI në rezultatin tuaj në Tiranë?
*
Ndjesë pastë. Më mirë le të flasim për qytetin dhe për mënyrën se si shohim zhvillimin e qytetit sepse ishte shumë pasiononte pjesa që po diskutonin se sa të flasim për Ilirin. Iliri sot është në sytë e të gjithë shqiptarëve gishti me pështymë që kthen fletën për të marrë llokmën e ditës, por nuk besoj se ka njeri të zakonshëm të këtij vendi që gdhihet në mëngjes me ankthin e çmimeve që do të kthehet në pazar dhe kthehet në darkë me ankthin e punës që do të gjejë nesër që të pranojë se ekziston më ndonjë LSI. Fatkeqësisht ajo parti e lindur në kushte të një historie të caktuar brenda të majtës dhe PS për të sjellë një mesazh të ri dhe për të dhënë një hapësirë të re është katandisur në një shprehje të rrugaçërisë së pushtetit të parasë dhe presionit të parasë të pushteti.
*
Rama për ambasadorin e SHBA dhe të OSBE-së
*
Si janë raportet midis jush dhe ambasadorit të SHBA-së?
*
Shumë të mira.
*
A ju shqetëson që kreu i OSBE-ODHIR është një amerikan?
*
Më lumturon që është një amerikan sepse ai është vendi ku unë personalisht, shqiptarët në përgjithësi, por edhe bota demokratike sheh pikën e vet të referimit në parimet dhe vlerat e demokracisë, për më tepër që është vendi që për ne shqiptarët është partneri strategjik dhe miku i madh dhe i pa zëvendësueshëm.
*
Keni marrë garanci nga ndërkombëtarët për këtë proces elektoral, kush janë pikat e garancisë për këtë proces elektoral?
*
Saliu ka përgjegjësinë e organizmit dhe garantimit të zgjedhjeve. Ne e dimë shumë mirë në çfarë zgjedhjesh të rrezikuara po hymë. Asgjë nga ato që duhet të bëheshin nuk janë bërë. Ne jemi të vetëdijshëm se sot shqiptarët janë shumë më të ndërgjegjshëm për rëndësinë e votës si arma e vetme që ka qytetari për të ndëshkuar qeverinë.
*
Rama për zgjedhjet e parakohshme
*
Nëse nuk cenohet vota dhe ju fitoni zgjedhjet lokale, do të vazhdojë jeta normale politike në vend dhe nuk do të ketë zgjedhje të parakohshme?
*
Zgjedhjet e parakohshme ne i kemi kërkuar dhe do t’i kërkojmë çdo ditë. Kjo nuk diskutohet.
*
Nëse zgjedhjet janë me standarde?
*
Zgjedhjet e parakohshme janë një domosdoshmëri për të larguar një orë e më parë regjimin e kusarisë dhe të matrapazllëkut nga qafa e Shqipërisë dhe shqiptarëve, nuk ka lidhje kjo me preket apo s’preket vota. Nëse zgjedhjet nuk bëhen me standardet, ne do të kërkojmë dëbimin e qeverisë nga populli sepse qeveria ndalon demokracinë në punën e saj.
*
*
Rama nëse humbet në zgjedhje
*
Nëse vota numërohet drejt dhe ju do t’i humbisni këto zgjedhje do ta jepni dorëheqjen nga kreu i PS-së?
*
Kjo është një nëse si ai proverbi. Unë nuk merrem fare me këto nëse dhe nuk e konsideroj fare opsionin e humbjes së këtyre zgjedhjeve, sepse nuk ekziston. Ne kemi sondazhe, ne kemi një njohje të imët të të gjithë territorit, ne e kemi fitoren e plotë më 8 maj. Puna jonë e përditshme dhe mesazhi ynë konstant intensivisht për qytetarët është se vota e 8 majit është arma juaj për t’u çliruar nga të këqijat që bëhen zinxhir me zanafillë të keqen e madhe të vjedhjes së votës dhe për t’i hapur rrugë një qëndrueshmëri zhvillimi duke filluar që nga procesi politik.
*
Rama për garën në Tiranë
*
Zoti Rama, gara nuk është vetëm në Tiranë, gara nuk është vetëm në…
*
Në Tiranë s’ka garë, në vende të tjera ka vende që ka edhe garë, s’ka garë në Tiranë.
*
Po të mos ishte që të mos kishte garë ju nuk dilnit rrugë më rrugë…
*
Unë dal derë me derë për të vazhduar komunikimin dhe për të vazhduar rrugën me qytetarët në të vetmen rrugë. Po nuk dal rrugë më rrugë se ka ndonjë garë me Saliun. Saliu në Tiranë ka vetëm llogari për të dhënë, nuk ka vota dhe pëlqim për të marrë, ka llogari për të dhënë për vrasjet me pushkët e shtetit në bulevard. Ka llogari për të dhënë për kusarinë e pandalshme dhe të pafre.
*
Rama: Ristani është gangster
*
Një nga strukturat kyçe që ka rëndësi në garancinë e këtij procesi është KQZ. Ju e keni kritikuar kryetarin e këtij komisioni zotin Arben Ristani, i cili është në atë pozicion falë votës së PS. Jeni bërë pishman që ia keni dhënë votën?
*
Unë nuk hyj tek njerëzit që nuk bëhem pishman. Sigurisht që hyj tek njerëzit që reflektojnë shumë seriozisht mbi gjërat që bëjnë në funksion të së ardhmen, jo në funksion të së shkuarës. Ajo që ne kemi bërë në funksion të së ardhmes në atë kohë për të ndryshuar tërësisht natyrën e procesit politik duke e çkonfliktualizuar procesin dhe duke hapur një rrugë për mirëkuptim dhe konsensus ka qenë një qasje e ndërgjegjshme për të mirën e vendit, dhe me pasionin e shpresën e koha, konjuktura ndërkombëtare në të cilën Shqipëria hyri me hyrjen në NATO-n dhe rruga për në BE ishin të mjaftueshme për një reflektim tërësor të klasës politike dhe për një qasje të re nga ana e palës tjetër. Rezultoi se Saliu e keqpërdori deri në abuzim dhe shpërdorim të Kushtetutës, të ligjeve dhe të detyrës, këtë kontribut tonin dhe këtë terren konsensusi, pjesë e cilës ishte dhe ngritja e një KQZ me shumicë të qeverisë dhe me pakicë të opozitës, dhe pa një sërë mekanizmash bllokues që në të shkuarën nuk e kishin lehtësuar këtë punë të komisionit. Fakti është që KQZ sot është një institucion i kompromentuar që drejtohet nga një njeri që është shumë më tepër një gangster se sa një funksionar publik.

Është e rëndë kjo. S’mund t’ia thoni këtë një kreu të një institucioni si KQZ-ja.
*
Është shumë më tepër se gangster, është një dorë e papërgjegjshme që lëviz në bazë të interesave të drejtpërdrejta abuzive të pushtetit për procesin zgjedhor se sa një funksionar publik që i shërben Kushtetutës, ligjit dhe qytetarëve.
*
*Marrë me shkurtime


Gazeta tema



Interviste fantastike
Rama pohon per te disaten here qe ne tirane nuk ka gare
Dihet qe fiton Rama

[Mike Oldfield]

Pasi e DOGJI Tiranen me 21 Janar Edveri i kuq i bllokut me 8 Maj do te marre verdiktin nga populli......

[RAPTILOID]

Ne 8 maj fitore ne Tirane dhe Jo vetem


VLORË- Partia Socialiste dhe koalicioni Aleanca për të Ardhmen prezantoi kandidatin në qytetin e Vlorës, ku Shpëtim Gjika kërkon një tjetër mandat nga vlonjatët. Kryesocialisti Rama e nisi fjalën e tij me sloganin e forcës që drejton, “Është këtu vendi për ta thënë përsëri se Shpëtim Gjika e vetmja rrugë për Vlorën, Partia Socialiste është e vetmja rrugë, Aleanca për të Ardhmen është e vetmja rrugë. Vlora është në rrugën e të ardhmes sepse ne jemi ndryshe, modeli ynë funksionin edhe kur na godasin, bllokojnë e pengojnë sic është përpjekur Saliu të bëjë me Vlorën, Tiranën, Durrësin, Fierin e kudo ku qeverisin socialistët”, -tha Rama.

Sipas liderit të opozitës, Saliu i trembet sloganit të Partisë Socialiste, pasi ky slogan përfaqëson të vërtetën në një kohë që rruga e Saliut, sic tha Rama është rruga e dhunës antikushtetuese.

“Rruga e tyre, rruga e dhunës antikushtetuese, e injorancës së verbër që përpëlitet prej zilisë e babëzisë që i bën të papërmbajtshëm Saliun e Ilirin në babëzi e matrapazllëk. Rruga jonë e njerzillëkut, e qytetarisë, rruga për të nxjerrë në dritë njerëzit. Ruga e tyre nuk ka të ardhme, rruga jonë shkon shumë më larg se mandati ynë. Ata i bashkon kusaria, ne na bashkon qytetaria”,- nënvizoi Rama.

Kur u shpreh se Berisha përfaqësonte rrugën e dhunës, kreu i selisë rozë përmendi edhe njëherë rastin e drejtorit të forcave speciale Shemsi Premci, i cili është kërcënuar sic tha kryesocialisti, pasi kundërshtoi urdhrin për të shtypur me dhunë simpatizantët e PS. “Sado të vështirë dhe të pamundur e ka Saliu sloganin tonë, ky nuk është slogan, kjo është e vërteta. Në rrugën e tyre u kërcënua drejtori i forcave speciale të cilit iu kërkua të dilte në rrugë e të shtypte socialistët. Pse e mban Saliu atë ministër të brendshëm që kërkon të shtypë shqiptarët”,- tha Rama më tej.

Edhe nga Vlora Kryetari i opozitës u shpreh se rruga drejt zgjedhjeve të 8 Majit është e rrezikshme, por ai i siguroi kundërshtarëve të tij politikë, se nuk do kenë mundësi të fitojnë me forcë e para, as në zonat që i konsiderojnë bastione të tyret. “Ne e dimë mirë se në cfarë zgjedhjesh të rrezikshme po hyjmë, por Saliu e Iliri ta harrojë se do fitojnë zgjedhjet me forcën deformuese të parasë, nuk kanë shance të fitojnë Vlorën e Tiranën, as sot e as mot, por edhe në Kamëz e Kavajë sado të mundohen, nuk fitojnë dot me forcë”,- nënvizoi Rama.

GJIKA: JEMI FORCË E FJALËS SË MBAJTUR
Ndërsa kryebashkiaku aktual i Vlorës Shpëtim Gjika, i kërkoi qytetarëve të Vlorës ta votbesojnë përsëri për të cuar në një stad të ri projektin për Vlorën Europiane.

“Jemi sot tek ky shesh i lavdishëm përsëri bashkë pas katër viteve ku ju premtova se do isha ballëhapur për të kërkuar votën tuaj, ashtu jam edhe sot. Të gjithë ne vlonjatet ia kemi dalë mbanë në këto vite të arrijmë zhvillimin e pakrahasuar me asnjë periudhë të mëparshme”,- tha Gjika.

Gjika i quajti premtimet e kundërshtarëve të bëra vetëm me rastin e fushatave, ndërsa tha se ai ka zgjedhur Sheshin e Flamurit për të përfaqësuar një forcë që premton zhvillimin.

"Kam mbajtur të hapur një komunikim të pandërprerë, një llogaridhënie për punët në qytet dhe një transparencë. Qyteti Vlorës në rikonstruksion të plotë, arteriet e këtij qyteti janë hapur dhe rindërtuar nga e para, ashtu si asnjë qytet tjetër në Shqipëri. Rruga që kemi përshkuar është e vetmja rrugë sigurie, ndaj unë jam krenar të kërkoj edhe njëherë votën dhe përkushtimin tuaj për të vijuar së bashku projektin e Vlorës, Europiane. Jam sot këtu me të njëjtën ngjyrë, me të njëjtën fanellë sepse ne jemi këtu me një forcë që premton, forcën e fjalës së mbajtur. Vlora dhe Shqipëria nuk mund të votojnë Sali Berishën dhe portofolin e tij bosh”,- tha kryebashkiaku i Vlorës Gjika.

BalkanWeb

[ARIANI_TB]

Le te Fitoj Shqiptaria !!!!

[RAPTILOID]

http://m.youtube.com/watch?gl=US&cli...&v=dXn4uRbHHCQ

[RAPTILOID]

[shigjeta]

Arvizu, thirrje partive të respektojnë rezultatin e 8- majit, pas çertifikimit

Ambasadori i Shteteve të Bashkuara të Amerikës në Tiranë Aleksandër Arvizu, u ka bërë thirrje partive politike që të respektojnë rezultatin e zgjedhjeve të 8 majit, pasi ai të jetë cerifikuar nga institucionet kompetente. Ambasadori Arvizu theksoi se qytetarët kanë nevojë për një debat për një debat konstruktiv mes forcave politike. Sipas tij, etiketimi negative i kundështarit shkon në kurriz të debatit. Këto deklarata diplomati amerika I bëri gjatë një një aktiviteti të organizuar nga Këshilli Shqiptar për Marrëdhëniet me Jashtë.

“SHBA, BE,OSBE/ODIHR, po vëzhgojnë nga afër këto zgjedhje. Dhe mënyrë se si do të zhvillohen këto zgjedhje do të kenë ndikim shumë të rëndësishëm në rrugën e Shqipërisë drejtë BE-së", tha Arvizu.

Më tej, ambasadori vuri në dukje se "zgjedhjet vendore ku kandidatët dhe zyrtarët e zgjedhur jetojnë përkrah zgjedhësve të tyre dhe i shohin ata çdo ditë, janë një pasqyrim më i afërt i asaj demokracie të idealizuar se sa zgjedhjet qëndrore".

"Si kryetar i këshillit bashkiak, ose mund të presësh rezultate ose të mënjanohesh prej votuesve dhe kjo u bë menjëherë e dukshme kur u takova me kryetarët e Bashkive. Këta zyrtarë të zgjedhur duhet të flasin për kujdes shëndetësor, punësim, rrugët, etj dhe nuk është për t'u habitur, kur vetë votuesit janë të shqetësuar nga atmosfera tejet partiake, e cila po pengon të ofrojë shërbime në nivel qëndror", nënvizoi diplomati amerikan.

Lidhur me monitorimin e procesit zgjedhor nga një numër i madh vëzhguesish ndërkombëtare, ambasadori i SHBA-së tha se "kjo është për shkak të vlerësimit që edhe pse këto janë zgjedhje vendore, ato kanë rëndësi të vërtetë kombëtare, rajonale dhe ndërkombëtare"."

"Ne nuk jemi arbitra dhe ne nuk jemi gjykatës. ODIHR dhe komuniteti ndërkombëtar kanë interes të madh për këto zgjedhje, do t'i vëzhgojnë ato dhe do të ndihmojne hera herës aty ku kanë nevojë", përfundoi ambasadori i SHBA-së Aleksandër Arvizu.

ABC

[shigjeta]

"Nje grup ne PS, kerkon te beje Ramen kryeminister me dhune"

Per zyrtarin e larte Ylli Manjani, ngjarjet e fundit te dhunes mes militanteve jane te frymezuar nga nje grupi i drejtuesve te Partise Socialiste, qe synon tensionimin e situates politike ne vend. Ne nje analize qe i ben zhvillimeve te fundit, me incidente, perplasje dhe plagosje, Manjani shprehet se ne kampin e majte eshte pervijuar qarte nje rruge tensioni, e cila sipas tij, kerkon te sjelle me dhune ne krye te qeverise Edi Ramen. Duke u ndalur ne perplasjen e dy diteve me pare, per ngritjen e tendes elektorale ne qender te Tiranes, Manjani veren se mes protagonisteve, ishin pikerisht keta njerez qe kane si qellim vetem tensionin. "Ne Partine Socialiste eshte krijuar nje grup qe ka cuar ne cdo ngjarje dhune, dhe ne fakt, per hir te se vertetes, ose ne stanjacion, ose ne tension. Edhe zgjedhjet, per kete grup jane thjeshte nje mjet i radhes, per ta perdorur ne funksion te tensionimit te metejshem te situates. Keshtu mendojne keta se do ta bejne zotin Rama kryeminister. Kjo eshte filozofia", tha dje Manjani ne nje prononcim dhene per televizionin "Klan". Manjani argumenton se kjo filozofi e perplasjes eshte verejtur qarte prej dy vitesh ne seline roze. Ai sjelle nje sere argumentesh qe nga zgjedhjet e 2009-es, ku personazhe te vecanta te Partise Socialiste, kane pasur si mision vetem krijimin e precedenteve te dhunes. Duke u ndalur ne incidentet e zhvilluara qe nga hapja e fushates elektorale, Manjani shprehet se ato kane ndodhur ne disa vende, ku kandidatet e opozites e kane pare kete zhvillim si pjese e fushates. "Disa prej kandidateve, qe perfaqesojne kete grup ne Partine Socialiste, kujdesen me shume per te provokuar ngjarje dhe per te sjelle situata tensioni, sesa per te komunikuar dhe per te kontribuar ne funksion te kandidimit te tyre", tha dje Manjani. Ai ka bere thirrje qe palet te ulin tonet dhe te fokusohen me shume te alternativat politike dhe jo te debati i politikes. Manjani thekson se zgjedhjet jane lokale dhe kandidatet nuk duhet t'u shmangen pergjegjesive qe kane per qytetaret. Perplasja e fundit e regjistruar mes dy forcave kryesore politike ne vend, eshte ajo dy diteve me pare ne bulevardin "Deshmoret e Kombit", ku perfaqesues te larte te Partise Socialiste, u konfrontuan me drejtues te Policise Ndertimore per ngritjen e nje tende e nje tende elektorale ne lulishten "Vellezerve Frasheri". Ne mesin e perfaqesuesve te PS-se ishin dhe deputeteve te Partise Socialiste, te cilet kane kundershtuar punonjesit e Policise Ndertimore dhe oficere te policise qe kerkonin zbatimin e ligjit. Por me te forta dhe me idensitet me te shpeshte keto perplasje kane qene mes militanteve te dy koalicioneve ne Kashar dhe ne Bathore.

Qamil Xhani - KJ

[Brari]

rruga e 97 tes dhe 21 janarit eshte e vetmja rruge qe di ed ruci.
eshte i sinqerte kur thot se kemi vetem nje rruge.

dhe me matilde makocin nji rrug dinte..
ta shkaterronte..
dhe me rudin magjiken nji rruge dinte..
tja thyente nofullat e brinjet..
dhe me rekrutet e 21 janarit nji rrug dinte..
ti conte me arkivol te shpija..
dhe me shtetin nji rrug di..ta vjedhe e shkaterroje..
dhe me te jatin..
ta turperonte e ne shtish tufin ta conte..

dhe me femijet nje rrug di..

ti braktise kurse femijve te tiranes tu a mbushe mushkerit me gaz karbonik e plumb e squfur..

edvini kercenon cdo dite lul bashen por do vij dita qe do jap ai llogari per 21 janarin e per vrasjen e 4 rekrutve... e sidomos per masakren qe beri 5 ore mbi policet e shtetit..