Beteja per Tiranen: Lulzim Basha perballe Edi Rama

[OPARI]

personalisht mendoje se pika e dobet eshte se po kerkon per here te katert dhe kur i thone fjales dhe uji po ndenji shume ne nje vend qelbet dhe si popull qe ecim me fjalen ajde ta provojme dhe njehere kete tjetrin qe per mendimin time ky BASHA vetem sa flet kote se nuk do beje me shume se cfare do beje RAMA pervec se do ndryshoje planin rregulluse ashtu sic do i interesoje ketij dhe klinteve te vete ,ku dhe qendra e tiranes do kete projekt tjeter do harxhon me teper euro (ndryshim projekti dhe vjedhjen e radhes)

mua me ben pershtypje se ne cdo vizite qe ben neper tirane dhe perplaset me problemet dhe te gjitheve ju premton se do ju zgjidhen hallet me kujtohet estrada ku i kerkonin politikanit nje dicka dhe ai ja plotesonte

1-une dua nje shtepi i tha -ok u be shkruaje shtepi per kete
2-une dua nje makin -ok dhe ti shkruaje makin
3-ishte qeros ,une dua lesh tha -cfare leshi do ti ore shkruaj shtepi -ore duan lesht thoshte qerosi -shkruaje ore shtepi dhe ketij se leshte do merrni te gjithe po he

[RAPTILOID]

Ne facebook jane me mijera njerez qe hyjne ne internet .. Fakti qe per nje muaj do behen zgjedhjet vendore ne Tirane ,numri i atyre personave qe mbeshtesin kandidatin Basha tani jane 80 mije me diference te madhe . Nuk e shikoj si sondazh vote por shikoj perceptimin e nje pjese te shqiptareve . Perceptimi eshte qe Basha do fitoje

Pse s'thua ti qe dhe facebook -un e ka manipuluar Berisha ? Rapto me 8 maj do te ta qaj hallin ..

Nuk jam nga ata qe them I vodhi votat sala un
Un jam nga ata qe po te me vjedhin votat iki I gjej
Se kush do ti qaj hallin kujt ne 8 maj eshte per tu pare
Sa per sondazhet e facebook realisht shpresoj qe mos te bazohet luli tek ato se nqs bazohet tek ato I bie te jet kandidat "patatinash" dhe Jo serioz
Ishalla nuk beson dhe ti tek ato sondazhe

Nje fakt njoh 2 veta qe kan me shume se 1 account fb, te dy Jane minorene dhe te dy kan votu per lulin ne fb
Po me e bukra eshte se nuk jetojne as ne tirane
E njejta gje nuk perjashtohet biles ndodh dhe me ata qe votojne per ramen ne fb
Ja pra se cfare sondazhi dhe cfare perceptimi je facebook

[RAPTILOID]

PD e Bashës dhe PD-ja tjetër
Nga Mero Baze
Kryeministri i vendit Sali Berisha dhe kryetarja e Kuvendit Jozefina Topalli, dy protagonistët kryesorë të shembjes së Piramidës, kanë heshtur publikisht ndaj propozimit të kandidatit të tyre për bashkinë e Tiranës për mosprishjen e saj. Berisha duket se është konsultuar me Bashën për t’ia toleruar formalisht deklaratën, ndërsa zonja Topalli ka reaguar shumë egër në mjediset e brendshme të PD-së ndaj deklaratës. Në të vërtetë deklarata e Bashës është një nga startet e forta të fushatës elektorale. Basha e ka marrë vendimin bazuar në sondazhe ku diferenca mes tij dhe Ramës shumëfishohej sidomos në pikën kur flitej për qëndrimin ndaj Piramidës. Tani jemi para një debati të brendshëm shumë të fortë, nëse Basha rrezikon apo fiton më shumë nga kjo deklaratë.
Përfaqësuesit e vijës së ashpër në PD dhe sidomos ish të persekutuarit politikë që janë një nga kolonat kryesore të asaj partie, ndjehen shumë të lënduar. Të indoktrinuar pak dhe nga argumentet populiste të Berishës mbi dobinë e prishjes së Piramidës bile më 20 Shkurt, ata natyrisht që janë tronditur nga qasja tërësisht e ndryshme e Bashës ndaj këtij debati. Po ashtu të mërzitur me të janë dhe gjithë njerëzit drejtues të PD-së, të keqpërdorur për tre muaj rresht në debate për prishjen e saj. Por zonja Toaplli ka një krye-arsye të jetë e tërbuar, pasi ajo kaloi nga fjala në vepra dhe bëri një procedurë të tërë parlamentare dhe administrative për prishjen e saj dhe ndërtimin e një kompleksi modern parlamentar shumë të kushtueshëm. Pra, gjithçka duket krejt e pamundur për tu prapësuar vetëm për shkak të deklaratës së Bashës. Burime nga zyra e zonjës Topalli bëjnë të ditur se ajo ka pasur një debat të nxehtë me Berishën gjatë ditës së djeshme për këtë çështje dhe është arritur një kompromis që ajo të mos shfaqet para kamerave për disa ditë derisa media të mos e pyesë për këtë çështje.
Por ajo që duket më e besueshme është se Basha nuk ka bërë këto llogari kur ka bërë atë deklaratë. Ai nuk ka llogaritur se sa i fyen ish të përndjekurit brenda partisë tij, apo ata që realisht besojnë se ajo duhet prishur pasi siç u ka thënë dhe Berisha, ka qenë e projektuar për varr të Enver Hoxhës. Basha sipas gjithë gjasave e ka bërë këtë deklaratë për të injoruar dhe* pastaj për të hedhur në erë vrullin me të cilën zonja Topalli ka një muaj që flet përditë për piramidën dhe Kuvendin. Qysh nga prania e saj gazmore në debatin Rama- Berisha për Piramidën, dhe deri para një jave, ajo ka qenë protagonistja e mbajtjes gjallë të debatit mbi prishjen e Piramidës dhe ndërtimin e parlamentit. Sikur të mos mjaftonte kjo, vetëm dy javë para fushatës ajo e shndërroi zyrën e saj në vend pelegrinazhi për gjithë nxënësit, studentët dhe pensionistët demokratë të Shqipërisë për të vizituar maketet e vizatuara të parlamentit të ri. Pastaj një javë para fushatës ajo u përfshi në polemika publike me liderin e opozitës dhe shtypin, përshi gazetën tonë për faktin se ajo kishte parazgjedhur fituesin. Ne ju referuam një gazete vjeneze që kishte njoftuar qysh më 12 mars fituesin e tenderit të parlamentit të ri dhe zonja Topalli nuk përtoi të dërgonte njerëz në Vjenë dhe ta detyronte gazetarin të shpjegonte dhe rishkruante shkrimin, duke theksuar se ai kishte njoftuar pjesëmarrjen e tij si fitues i sigurt, por jo fitoren e tij. Të gjitha këto detaje të marrëdhënieve të saj publike mbajnë realisht nën terror kandidatin Basha, i cili kishte në dorë sondazhe të rënda për impaktin publik të kësaj ngjarjeje, të cilën zonja Topalli po e bënte fakt të kryer. Është pikërisht kjo luftë e egër mes tyre, dhe kjo paranojë e Bashës për një veprimtari publike të qëllimshme kundër fushatës së tij që e kanë shtyrë atë më shumë se analizat reale të tronditjes së elektoratit të vet, të bëjë atë deklaratë, e cila po rezulton sipërfaqësore, pasi nuk po mbështetet as nga Berisha, as nga Topalli.
Ajo që është e qartë është se brenda PD-së Basha po përpiqet të bëjë fushatë me strukturat e veta paralele me PD, me shtabin e vet elektoral, që s’ka lidhje me PD-në tradicionale, por është në shumicë me njerëz që kanë qenë dikur pjesë e së majtës kundër PD-së, bile dhe pjesëtarë të stafit të Edi Ramës në vitin 2007. Nga ana tjetër shihet qartë se ka një mosangazhim të fortë të drejtuesve aktualë të PD-së, të cilët jo pa qesëndi u thonë militantëve se Basha i ka punët në rregull, ka “sjellë partinë e tij” dhe “do të fitojë!”
Kjo ndarje e fortë mes tyre, dhe paranoja e tij se beteja për Kuvendin e ri bëhej për të hedhur atë në erë dhe jo për të ndërtuar një parlament, duket se kanë qenë shkaqet kryesore të deklaratës së Bashës. Edhe pse Berisha mund t’i ketë miratuar një lëvizje taktike për këtë çështje, ai është tani në pozitë të vështirë pasi kanë kaluar tre ditë dhe ideja më e guximshme e Bashës nuk ka asnjë mbështetje. Pra është sërish “një akullore me lesh” që po zgjeron boshllëkun dhe zgavrat e fushatës së tij.

Gazeta tema

[flor1]

Emancipimi i parë i kësaj fushate
Henri Cili Gazeta MAPO
Në konventën e LSI për Tiranën, duartrokitet dhe thërritet me ovacione “Sali Berisha, Sali Berisha; Në konventën e PS, sapo në dokumentarin e përgatitur enkas, shfaqet emri i gazetarit Mero Baze, lidhur me incidentin me Rezart Taçin, salla duartroket me entuziazëm. Kurt Kola dhe Spartak Ngjela janë përkrah Edi Ramës në tribunën e kësaj fushate. Nard Ndoka dhe PDK janë në koalicion me socialistët, si dhe shumë të tjera detaje këto, fshihen dhe kontrastojnë fort në kronikën e kësaj fushate të sapo nisur. Janë të gjitha kapërcime, janë të gjitha zhvendosje në dukje të parë, të panatyrshme nga pozicioni bazë, jo thjesht i mëparshëm, por edhe nga pozicione identitare, i secilit prej këtyre formacioneve politike, apo individëve dhe njerëzve të medias. Dikush mund ta shikonte këtë si një diccka amorale, si një mungesë konseguence, si paqëndrueshmëri, interesa etj. Nuk është asnjë nga këto, ose janë të gjitha bashkë. Më saktë, kjo është demokracia, ajo ecën përpara përmes inkoherencës.



Në vend që ta shohim këtë si një zhvillim negativ, si një ilustrim amoraliteti publik, si një shprehje e degradimit të karakterit identitar politik, ose personal të secilit prej formacioneve apo individëve është koha të shikojmë me një optikë të re gjithë këtë “çrregullim”, në pamje të parë. Kjo sepse hapësira demokratike është një hapësirë heterogjene, në lëvizje dhe në ndryshim të përhershëm. Ajo që është e qëndrueshme është ideja e ndryshimit dinamik në kohë, rrethana të ndryshme. Është ajo që thotë shpesh avokat Ngjela, “I njëjti njeri, në rrethana të ndryshme, është i ndryshëm nga vetja e vet”.

Kjo është një Shqipëri politike në lëvizje, është një Shqipëri politike në rikonstruktim dhe sot është koha t’i thurim një himn inkoherencës, si mënyra e vetme dhe më e sigurt për të shkuar përpara, për të pasur në shoqëri një ekuilibër dinamik dhe për të mos shkuar në një gjendje të sigurt konflikti, në rast se të gjithë do të qëndronin përgjithmonë në pozicionet e tyre. Për të gjithë kritikët e inkoherencës, le të ftojmë në imagjinatë se çfarë do të ndodhte sikur askush të mos lëvizte asnjëherë nga pozicioni i tij. Kjo do të thotë se do të kishim praktikisht një shoqëri statike, fortifikuar në llogore, pamundësi dialogu dhe ndërshkëmbimi, pamundësi për të çuar përpara një dialog ose një mekanizëm jetik, për ruajtjen e ekuilibrit të shoqërisë.



Sali Berisha ndikohet nga Ilir Meta, Edi Rama, po ashtu nga Spartak Ngjela dhe Kurt Kola; sikur të ishte ndryshe do të kishim një shoqëri të ngrirë dogmatike, praktikisht në shpërthim ose gjendje shpërthimi. Ndaj sot është një rast shumë i bukur, ndër të rrallat raste, kur duhet t’i përulemi inkoherencës, si qasje ndaj jetës publike dhe politike. Kurse populli, elektorati, rri dhe vështron për t’i dhënë në verdiktin e tij të drejtë njërës prej inkoherencave, paqëndrueshmërive, lëvizjeve, përkundrejt një rreshtimi imagjinar një herë e mirë në llogore fikse të qëndrueshme dhe pa asnjë ndryshim. Ky transformim është mbi të gjitha edhe një spektakël i këndshëm, që i shumëfishuar nga mediat është magjepsës për publikun. Bekuar qoftë inkoherenca, ajo është në natyrën e demokracisë dhe të politikës.

[Duaje Siveten]

Sipas Berishes, Rama do te humbase, sepse ai nuk kishte fituar asnje beteje.

Sali Berisha pohoi publikisht se makinacioni i sjelljes se Rames ne Shqiperi kishte per autore Fatos Nanon dhe Sali Berishen.

Nuk ka si flitet me hapur e me qarte: ne Shqiperi nuk ka patur dhe nuk ka pozite-opozite, por paska patur Sali Berishe e Fatos Nano, qe te dy te thekur punista.

Te kthehemi tek Rama. Po te maresh plotesisht te vertete deklarimin publik te Sali Berishes ( si thonj-palaresia e Nanos ca vite me pare), Rama na qenka djali plang-prishes i dy beniamineve te lartpermendur te Ramiz Alise.

Nese djali plang-prishes vepron sipas skemes puniste, ahere bresherite e sharjeve prej Sali Berishes nuk do te kene te sosur.

Edhe nese djali plang-prishes Rama eshte kunder skemes Berisha - Nano, perseri ai do te jete objek sharjesh e tabele qitje per ta.

Une per vete nuk jam i sigurte se Rama ka dalur nga binaret e punizmit - ai mund te jete pjese e intriges sigurimse te vijimesise nomenklaturisto-politbyroiste.

Pak gjasa ka qe Rama te jete nje plang-prishes idealist.

[Ziti]

berisha qenka tall me labet
iku nano i korruptuari, keshtu qe iu hap rruga edi mafiozit. c`lidhje ka berisha me PS-ne?

[RAPTILOID]

Pse s'jam dakord me M.Nanon për shtetësinë e gruas së Bashës
PREÇ ZOGAJ | 09/04/2011 | KURIOZITETE | 45 KOMENTE | FACEBOOK | - +

Më ka bërë edhe mua përshtypje vendi që ka zënë më media nënshtetësia hollandeze e bashkëshortes së kandidatit demokrat për bashkinë e Tiranës, zotit Lulëzim Basha. Lexova dje në gazetën "Shekulli" edhe pikëpamjen e kolegut Mustafa Nano në një tip rubrike shumë interesante me titullin "Kundërpërgjigje" (ndoshta nuk e ka menduar ende si rubrikë, por do t'i sugjeroja ta mendonte si të tillë).
Në këtë rubrikë Mustafai komentonte shkurt përgjigjet e Lulëzim Bashës në emisionin e fundit "Opinion" të Blendi Fevziut. Komentet e tij ishin në përgjithësi kritike , të bukura, realiste, në ndonjë rast edhe demaskuese, por jo tendecioze. Dukej qartë se, duke dashur të mbushte me pikpamjen e tij boshllëkun e monologut të Bashës, Mustafai nga një anë shprehte një lloj keqardhjeje për mënyrën si po konsumohet një figurë e re politike, dhe nga ana tjetër kërkonte ta qortonte Bashën që edhe ky, pa i dirsur ende mustaqja në politikë, ka filluar të pëlqejë daljet 'vetëm pull' në TV, pa një panel gazetarësh përballë, siç e kanë bërë zakon "liderët e mëdhenj", që edhe duan të predikojnë për publikun, edhe të mos investigohen nga publiku dhe gazetarët opozitarë. Por në komentet e tij kritike, Mustafai pajtohej me Bashën për çështjen e nënshtetësisë hollandeze të bashkëshortes së tij. Le ta riprodhojmë fragmentin ashtu siç ishte botuar dje te "Shekulli".
B. Fevziu: Bashkëshortja juaj ka shtetësi holandeze, madje nuk mund të votojë për ju në zgjedhje. Pse hoqi dorë bashkëshortja juaj nga shtetesia shqiptare?
L. Basha: Bashkëshortja ime e ka lënë nënshtetësinë në vitin 2004 kur ne kemi qene të fejuar, ka udhëtuar në shumë vende dhe me pasaportën shqiptare, për fat të keq, nuk ka patur mundësinë të lëvizë dhe u detyrua të merrte shtetesinë e vendit ku jetonte dhe banonte.
M.Nano: Në këtë pikë jam me Bashën. Kritikat që i bëhën në lidhje me kete punë janë kret spekullative.Nuk shoh asgjë për tu qortuar në faktin që gruaja e Bashës ka bërë ndërrimin e shtetësisë. Kundërshtarët e tij që merren me këtë çeshtje kërkojnë qimen në vezë.
Unë nuk jam shprehur gjer me sot për këtë çeshtje. Jo se nuk kam gjetur asgjë për të komentuar, por ngaqë nuk është fort rroba ime. Për mw tepër, disa prej kolegëve gazetarë i kanë trajtuar me realizëm dhe objektivitet minuset e kësaj çeshtjeje në kontekstin e një gare politike për kryeqytetin. Por qëndrimi i Mustafait më nxit të them edhe unë timen. Nuk ka dyshim se me ato që thotë Mustafai është koherent me qëndimet e veta liberale dhe mondialiste për temën e shtetësisë dhe shumë tema të tjera-tabu në shoqërinë shqiptare apo edhe njerëzore.
Edhe unë, si poet dhe si njeri, prirem te jem dhe mendoj se jam Qytetar i Botës apo banor i fshatit të vogël botëror, që rrotullohet rreth diellit si një balonë e ngaarkuar me shtatë miliard njerëz të gjallë dhe shumë me tepër se kaq të vdekur. Mua mund të më tërheq vemendjen lajmi se një apo disa prej bashkatdhetarëve të mi kanë vendosur të lënë nënshtësisnë shqiptare. Por nese numri i tyre nuk është kushedi çfarë, nuk është se ky lajm me dhëmb si të kisha hequr mish nga trupi. Në thelb, besoj se ata që lenë shtetesinë kanë një arsye të fortw për ta bërë, që nuk do të uroja ta kisha edhe unë. Besoj ndërkaq se do tw numëroheshin me gishtat e dorës ata që e lënë nënshtetësinë nga përbuzja për vendin e tyre.
I thashë të gjitha këto për të vazhduar me fjalinë që kam në majë të gjuhës qëkurse kam nisur këtë shkrim: nuk jam dakord me Mustafa Nanon, që thotë se kritikat që i janë bërë Lulëzim Bashës për nënshtësinë e gruas janë spekullative, se nuk ka ndonjë ndonjë gjë për t'u qortuar, se kundërshtarët që ia vënë në dukje këtë gjë po kërkojnë qimen ne vezë.
Nuk jam dakort në radhë të parë sepse pikpamjet për nënshtetësinë dhe raportet me atdheun janë plurale. Ata që mendojnë ndryshe nga mondialistët nuk se janë spekullantë, nuk se kërkojnë qimen në vezë, por ashtu e mendojnë dhe kanë disa argumenta që e mendojnë ashtu. Mund t'i konsiderojmë të kufizuar- edhe kjo është subjektive- por nuk ka arsye t'i klasifikojmë si spekullantë.
Nuk jam dakord në radhë të dytë- dhe kjo është kryesorja që dua të them- sepse Lulëzim Basha nuk se po kandidon për bashkinë e kryeqytetit me një program mondialist, që do të përligjte politikisht edhe nënshtëtësinë e huaj të gruas së tij. Po të ishte kështu, Basha do të ishte në rregull me opinionin publik. Por ai ka qenë deputet dhe ministër i një partie të djathtë. Ai është kandidat i një partie të djathtë. I një partie të djathtë, doktrina e së cilës mbështetet apo do të duhej të mbështetej në tri kolona, që janë : Çeshtja Kombëtare, Ligji dhe Tradita. Të mos bëjmë sikur nuk kuptojmë. Nuk mund të jesh mondialist dhe djathtist
njëherësh.
Kur këto gjera përzihen, kostumi i kandidatit ngjan me një kostun kllouni. Fakti që Lulëzim Basha është martuar me një grua që ka lënë nënshtetësinë shqiptare, kur s'kishte arsye ta linte, pasi Hollanda e njeh dyshtetësinë, ka qenë një çeshtje private e gruas së tij dhe e një prej mijëra çifteve të këtij vendi. Por fakti që kjo grua nuk e ka rimarrrë apo rikërkuar shtetësinë shqiptare, kur burri i saj u zgjodh deputet dhe ministër, e minon bazamentin e fushatës së Bashës, duke e shndrruar në demagogji retorikën eventuale për djathtizmin.
E treta pse nuk jam dakord me Mustafa Nanon - dhe kjo është gjithashtu kryesore: në politikë ka disa rregulla dhe standarte që nuk janë as liberale, as konservatore, as socialiste, as mondialiste, as izolacioniste. Politikanët që kërkojnë votën për të drejtuar duhet të jenë të parët, bashkë me familjet e tyre, subjekt i qeverisjes që prodhojnë për gjithë të tjerët. Nuk mundet të jesh Ministër i Arsimit dhe fëmijët e tu të mos i çosh në shkollat publike të vendit tend, nuk mund të jesh Ministër Shendetësie dhe të mos shkosh në spitalet publike të vendit tënd. Kjo është një marrëdhenie etike me detyrën dhe me qytetarët. Kjo është një lidhje e përgjegjesisë politike me zgjedhësit që të kanë votuar. E kundërta është vetën hipokrizi. Po të mos ekzistonte përgjegjësia politike para zgjedhësve, nuk do kishte arsye të mundonim njerëzit në zgjedhje. Kryetarët e bashkive dhe komunave do të merreshin me konkurs kombëtar e ndërkombëtar, me kontratë. Por drejtimi është politik dhe nuk mund të zwvendësohet me format e ushtrimit me korrespondencë, me qera apo me mëkëmbës e guvernatorë të deleguar.
Për të ardhur te rasti ynë, Lulëzim Basha synon kreun e bashkisë që është trampolina e politikës së madhe. Ai nuk mund të besohet në premtimin e një Tirane më të mirë për gratë, fëmijët dhe familjet e të gjithëve kur nuk e ndan edhe me familjen e vet këtë fat. Shqipëria ka patur e ndoshta ka edhe sot politikanë që janë martuar me gra të huaja që janë bërë shqiptare. Por Basha është politikani i parë i rangut të lartë që ka marrë grua shqiptare që është bërë e huaj dhe nuk po rikërkon shtetësi shqiptare. Nuk shkon, nuk shkon fare.

[Besoja]

Nuk e paska zënë gjumi Preçin!!!

[Besoja]

Rama nuk i peshon shumë gjërat nga që është shumë emocional.Ai nuk duhej të kandidonte por duke qënë edhe pak delirant,mendon se do fitojë por këtë rradhë nuk ka heqje kioskash,këtë rradhë kërkohen ide se si mund të ndreqësh ato gabime të mëdha që ka bërë Rama në Tiranë.

[Brari]

Nuk ka sondazh me te mire se ne facebook me emer dhe foto .


keshtu thote noelagu..


noelag.. sondazhet nuk tregojne asgje..


gjithcka vendoset tek qendra e votimit..

1-sa punon nji parti ne fshat lagje e rrugice e pallat qe tu a nxise miletit deshiren qe ne diten e votimit te ngrihen nga krevati te lajn syte e yxhym ne qender te votimit te hedhin kucerisht voten per partine.

2-sa punon nje parti te kompletoje me muaj perpara cdo komision votimi ne cdo qender me burra e gra te forte e te afte qe ste falin.. per partin e tyre qe tu humbe ndonji vote..


keto 2 pika jan ato qe percaktojne rezultatin..

ne kte pune dihet se PS ja merr ne kthese PD-se..

PS i ka te kompletuara komisionet me njerzit me te vendosur te saje..
jan aq te vendosur sa nuku u ngel hatëri edhe kur kryetari i tyre i quan m.uter e zorraxhij qe shiten.. sikurse qe rasti tani me fushaten "hap kutite o sali". Asnjeri nga komisioneret e PS nuk u cua te thote..dale mo edver mos na fyej se ne i kemi numeruar e mbrojtur votat e asnjeri nuku eshte shitur tek saliu.. e se ska asgje te fshehte brenda ne kuti..

PS i njeh me rrenj e dhemballe te vetet ne cdo hyrje pallati e rrugice e lagje fshati..

Kurse Pd eshte ndrishe..

PD deri ne minuten e fundit ska asnji komision qender votimi te kompletuar..
Vendosja e Komisionereve ne Pd eshte thjesh kontribut vullnetar i ca idealisteve.. sepse askush nuk can menderen se.. na more kryevidhi.. i plotsuat qendrat me komisionere a jo..
Fakti se ne nen krye te PD-se ka punuar me vite te tera Bamir spiun topi i ed rucit.. tregon se sa eshte care menderja ne strukturat e PD-se per te perzgedhur ajken e demokratve neper komisione..

Ishte nate ..nata e fundit..te nesermen benej votimi kur shoh te pallati im ne shqiperi njerin.. neper erresire.. me ca letra ne dore..
Ku vete mo Lefter i them..
Ja tha po kerkonj ku e ka shpine Elvis Karavidhaj..
Pse e do i thash..
Po nuku i kam plotsuar tha komisioneret ne lagje tha e me thane se ki elvisi mund te pranoj te benet komisioner se tjeret nuku pranojne se thone..ohu ate dite kam fejesen e cunit xhajes.. tjatri ka me ly shpine..tjatri do vej te krushku te zieje rakine..
Po per naten e fundit mo Lefter i thac e paski lene kte pune.. po PS ka 3 muaj qe iu ka kopsitur kto pune o derbardh..
E po cte bejme tha.. Tanet jan dembele..

Ki eshte problemi i madh pse PD del rru e qeth..

Sikur te jene njesoj te afte e te kompletuar komisioneret e PD... si te PS-se.. PD merr 70% te votave te Shqiptareve me sy myll..

Vetem ne lagjen Bllok te tiranes.. PS fiton pa hile..
Ne gjithe Shqiperine Ajo fiton me marifete..

Pra dhe LUl Basha ktu mund ta haje..

Tek Komisioneret e pa afte te PD-se plus te pa kompletuar ne kohe..

Le te shpresojme se PD i ka thirrur kaplloqes mbas daljes se Bamir Topit si pjestar i shtabit te 21 janarit.. (qe ne vite paska qen agjent i Selise Roze.. ) qe te beje qilizem ne cilesine e komisionereve..

Ka shum Kurt kola e bamira akoma te fshehte ne strukturat e PD-se.

Ata punojne nen urdherat e Rucit te Dokles..

Ata jan rreziku nr 1 qe Basha te dale me humbje..

Puna e Piramides..

Puna e Piramides eshte keshtu..

asnji shqiptar nuk ka qejf ti ndertoje salla e pallate te reja luksoze erion veli braceve e olte xhackave..
kjo eshte nje gomarrlik i saliut e jozit..
eshte nje forme e shendoshjes se xhepave te bosve te ndertimit qe do shkatrrojn piramiden e vjeter e do ndertojne piramiden e re.. e kta bose dihet qe jan kulish bllokmenesh..pra saliu paGUAN SELINE ROZE..

NANI O MU.TER CA MILIARDA EURO E NA PRISHNI PIRAMIDEN E VJETER E NA BENI NJE TE RE PO PER VETEN TUAJ O KULISHA BLLOKU SE JU PERSERI DO JINI DHE DEPUTETE BERATI E FIERI PRA KULISH ENVERI.. DHE BOSA BETONI..



..