Kosove: Policia ndalon ne kufi deputeten e PD Albana Vokshi

[laguna blu]

Tiranë, 20 nëntor – Deputetja e PD-së në Kuvendi e Shqipërisë, Albana Vokshi ka ndërprerë heshtjen disa ditëshe dhe i është drejtuar opinionit lidhur me incidentin që ajo pati në vendkalimin kufitar në Vërmicë më 14 nëntor të këtij viti.
Në njoftimin për media dhe opinion, ajo thekson se nuk janë të vërteta aspak pohimet se ajo ka qenë fajtore për këtë “incident të rëndë”, duke kërkuar njëkohësisht që sa më parë të zbardhen detajet e atij incidenti dhe të vihen para drejtësisë “planifikuesit dhe ekzekutuesit e atij incidenti.
“Në lidhje me ngjarjen e shumëpërfolur ditët e fundit në mediat shqiptare e kosovare, ju bëj me dije se ditën e diel, më 14 nëntor, po udhëtoja për në Kosovë për një vizitë të shkurtër jo zyrtare me motrën dhe dy mikeshat e mia, me dëshirën dhe mallin për vendin e origjinës së prindërve të mi.
Është e vërtetë që në kufirin me Kosovën, në Vërmicë, ka ndodhur një incident shumë i rëndë me policinë kufitare kosovare. Disa autoritete kosovare, të policisë dhe gjyqësorit, kanë abuzuar dhe tejkaluar kompetencat e tyre, duke thyer ligjet e duke mos respektuar asnjë të drejtë elementare themelore njerëzore ndaj meje, jo si deputete, por si femër dhe si qytetare shqiptare.
Për këtë ngjarje të shëmtuar, kam vënë në dijeni kryeministrin e vendit, kryetaren e Parlamentit, ministrin e Brendshëm, ministrin e Drejtësisë, ministrin e Punëve të Jashtme, Drejtorin e Përgjithshëm të Policisë së Shtetit.
Kam kërkuar që kjo ngjarje të zbardhet deri në detaje, të zbulohen e të kërkojnë të vihen para drejtësisë si ata që e planifikuan, ashtu edhe ata që e ekzekutuan këtë incident. Meqë kjo ngjarje, ndërmjet të tjerash, po sqarohet në nivel ndërqeveritar, do të preferoja që për momentin të mos jap më shumë sqarime, në respekt të konfidencialitetit të procedurave të nisura.
Vendosa të thyej heshtjen time duke bërë këtë deklaratë para publikut shqiptar dhe atij kosovar, për shkak se ndjej detyrimin madhor për ta sqaruar pavërtetësinë e thënieve abuzive të ditëve të fundit në media te ndryshme.
Deklaroj para publikut shqiptar dhe kosovar që nuk është e vërtetë se kam thyer rregullat dhe procedurat e policisë kufitare kosovare; nuk është e vërtetë që kam refuzuar kontroll të dokumenteve apo të makinës me të cilën udhëtoja; e mbi të gjitha nuk është e vërtetë që kam fyer cilindo zyrtar të policisë kufitare kosovare.
Kjo është arsyeja që më jep kurajën që të kërkoj zbardhjen e të gjitha shkaqeve, rrethanave, që çuan në këtë incident të paprecedent, si dhe vënien para drejtësisë sqiptare apo ksovare të hartuesve dhe ekzekutuesve të incidentit famëkeq.
Kam bindjen e plotë që Qeveria Shqiptare dhe Kosovare shumë shpejt do të kenë një pononcim publik në lidhje me këtë incident. Në të kundërt, unë personalisht do të bëj publike detajet e hollësishme dhe rrethanat që çuan në këtë ngjarje të jashtëzakonshme. Do ta bëj këtë në emër të mbrojtjes së emrit, nderit, moralit dhe dinjitetit tim”, thuhet në fund të njoftimit të saj dërguar medieve dhe opinionit publik në Kosovë e Shqipëri

[shoku_tanku]

Pavarsisht pohimeve apo pergenjeshtrimeve midis paleve,te gjithe e dime mjaft mire se sa respektohet njeriu me uniforme nga njerezit me imunitet.Nuk dua te tregohem paragjykues por arroganca e politikaneve tane eshte dicka qe nuk ka nevoje per shume publicitet,mjafton te shohim deklaratat qe zoterinjte dhe zonjat e nderuara japin ne parlament apo neper konferenca shtypi.Kjo eshte nje llogjike te cilen do te ishte ne gjendje ta zberthente edhe nje femije.Nese keta sillen ne nje menyre kaq vulgare me njeri tjetrin imagjinoni se si duhet te sillen me njerezit qe kane nen vete!Skenar apo jo,personalisht e pergezoj ate policin kufitar per mesazhin qe i percolli opinionit publik ne lidhje me zbatimin e ligjit.Megjithate do te ishte e tepert t'u beja thirrje policeve te vendit tim te merrnin shembull pasi te shkretet edhe po te duan,e kane te pamundur duke patur parasysh se si funksionojne gjerat ketu...

[Brari]

aspak ska bere sqarim per popullin zonja albana.

fjal te pergjithshme qe nuk zbardhin ate cka ndodhi.

ajo duhet pikerisht njerzve . neve pra .. lexuesve e shikuesve te medias tu a tregoje ngjarjen fije per pe..

kjo ka shum rendesi..
me rendesi se cka do grijn sallat dy qeverit mes njera tjetres..

megjithate dicka po marrim vesh..
ajo thote se ka qen me motren dhe dy mikeshat ne makine..
pra nje makin me femra..

nejse..

por duke mos treguar ngjarjen.. vet albana.. ne jemi te detyruar te degjojme gazetat.. e te bejme hamendjhe sejcili sipas qejfit..

pra kjo vajze nuk kupton fare se cdo te thote tu dalesh para trillimeve e shpifjeve..
pra ajo nuk e kupton se sa eshte sahati..
e kjo eshte tregues i injorances..

shum keq..

..

[Milkway]

ska faj more kjo deputete sepse eshte mesue ne parlamentin shqiptar te sillet ashtu siq tentoi te sillet edhe ne kufi
por nuk i çkrepi me policin e kosoves
pak e paskan denue po qka jan 200 euro per ta se

Llap pse Tadiqin askush si veri gjobe ?? Kur midis Kosoves thirrke Kosova eshte Serbi , apo kjo nuk eshte fyerje per ju qent e SHIK-ut ??


Kjo gje qe kan bere policet eshte rast tragjik sepse nje deputete me pasaport diplomatike nuk guxon te ndalet , gjithe faji eshte i policeve .

Turp

[laguna blu]

Kishte ardhë për vizitë një mikeshë e imja nga larg në Kosovë. U zgjuam të nesërmen në mjes dhe bashkë me tim vëlla e ate shkuam me makinë të blejmë mjesin.
Duke u kthyer na ndaloi policia. Më tha se kishte një ndalim qarkullimi nga ai drejtim. I thashë ma tregoni ju lutem. Kur shkuam tek vendi nuk kishte asnjë shenjë.
Tha kanë pasur të vijnë nga Prizreni e s'qenkan vendosur ende.
I kërkova lejen e qarkullimit prapa por më tha se duhej paguar tek komisariati 35 euro. Im vëlla më bënte shenjë të mos flisnja.
Edhe në komisariat nuk ma dhanë pa i paguar lekët. Kur u ktheva në shtëpi im vëlla më tregoi se dy mbrëmje përpara e kishte zhdepur dru atë polic dhe 4 kolegë të tij në një diskotekë. Motivi: në vend se të mbanin rregull e qetësi në diskotekë kishin ngacmuar gocat e reja të një grupi tjetër.
Konkluzionet e tjera nxirrni vetë. Ose t'a mbrosh vetveten e të drejtën e të shkosh në arkivol në shtëpi ose t'i nënshtrohesh padrejtësisë shtetërore e kombëtare.

Brar, ky rrëfim është diçka që e përjetova vetë ndaj solidarizimi im me Albanën është i plotë, i drejtëpërdrejtë dhe ka si bazë përvojën time personale. Albanës do i'a ketë qepur dikush gojën në Tiranë në emër të të po atij interesi shtetëror e kombëtar...

[Edvin83]

Nën hetim polici që ndaloi deputeten Vokshi
20/11/2010

Zbulohen detajet e takimit mes zyrtarëve të Tiranës dhe Prishtinës në Kukës
Inspektorati Policor i Kosovës ka marrë në shqyrtim dosjen “Vokshi” në Gjykatën Komunale të Prizrenit. Pas incidentit që ndodhi të dielën, kur deputetja e Partisë Demokratike u ndalua nga policia kufitare e Kosovës, dy zyrtarë të Inspektoratit Policor të Kosovës kanë shkuar në Gjykatën Komunale të Prizrenit dhe kanë filluar hetimet e dosjes lidhur me ligjshmërinë e veprimit të policisë ndaj deputetes Albana Vokshi. Shefi i Inspektoratit Policor të Kosovës, Enver Rrustemi, ka konfirmuar se inspektori është i inkuadruar në hetime të rastit të deputetes për shkelje të mundshme të policisë. “Ka nisur hetimi dhe pritet pas grumbullimit të fakteve dhe analizimit të tyre dalja me raport. Në bazë të situatës ex-officio kanë nisur hetimet. Po ashtu, ka qenë kërkesë e ministrit Bajram Rexhepi që të hetohet ky rast”, i tha ai dje gazetës “Koha Ditore”. Ndërkaq, të mërkurën pasdite ka kaluar Pikën e Kalimit Kufitar të Vërmicës një duzinë qeveritarësh në detyrë dhe zyrtarë të lartë të Policisë së Kosovës, të cilët janë takuar në Kukës me homologët nga Shqipëria. Ministri i Brendshëm në detyrë i Kosovës, Bajram Rexhepi, drejtori i Policisë së Kosovës, Reshat Maliqi, ushtruesi i detyrës së drejtorit të kufirit, Shaban Guda, janë takuar në Kukës me ministrin shqiptar të Punëve të Brendshme, Lulzim Basha, ministrin e Drejtësisë, Bujar Nishani, drejtorin e Policisë së Shtetit, Hysni Burgaj, drejtorin e Policisë Kufitare, Pëllumb Nako etj. Takimi është mbajtur “top sekret”, ndërkohë që policia është kujdesur në mënyrë të veçantë që përfaqësuesit e mediave të mos afroheshin në hotelin ku zhvillohej takimi. Një kujdes i veçantë është treguar edhe në përfundim të takimit, ku automjetet e zyrtarëve të lartë janë afruar deri te dera e hotelit. Drejtori i Policisë së Kosovës, Reshat Maliqi, ka konfirmuar se është përmendur edhe rasti i deputetes Vokshi, por, sipas tij, jo si rast i cili ka pasur ndonjë trajtim të veçantë. Ndërkaq, të enjten, zyrtarët e Shqipërisë kanë ardhur në takim në Prishtinë. Në takimin në Prishtinë ka qenë i pranishëm edhe ambasadori i Shqipërisë, Islam Lauka. Ecejaket e zyrtarëve të lartë shtetërorë të të dyja vendeve, vetëm 24 orë pas ngjarjes me zonjën Vokshi kanë vënë në panik efektivin e policisë kufitare që kanë shërbyer të dielën në Vërmicë. “Nuk na lejohet që të japim asnjë prononcim lidhur me ngjarjen. Për çdo gjë drejtojuni zotit Shaban Guda në Prishtinë apo zyrës së shtypit. Por si qytetar i këtij vendi dhe si shqiptar dua të them se zonja deputete ka përdorur ndaj nesh një fjalor tejet të papërshtatshëm e të padenjë edhe për një qytetar të rëndomtë (zakonshëm)”, pohon zv.komandanti i Pikës së Kalimit Kufitar të Vermicës, Shaban Osmanollaj. Ndërkohë që një burim nga Gjykata Komunale e Prizrenit pohon se të njëjtin fjalor zonja Vokshi ka përdorur edhe gjatë gjykimit. Ndërkaq, numri dy i Pikës së Kalimit Kufitar të Vërmicës shpreh rezerva për persona të veshur me pushtet nga Shqipëria, të cilët provokojnë Policinë e Kosovës në kërkim të shkeljes së ligjit. “Nuk është hera e parë që zyrtarë nga Shqipëria krijojnë incidente. Duke përfituar se jemi policë shqiptarë, ata kërkojnë privilegje duke shkelur ligjin, ndërkohë që këto kërkesa nuk i kanë pasur kur këtu shërbente UNMIK-u apo KFOR-i”, deklaron Osmanollaj. Por ndryshe nga Policia e Kosovës deklaron Policia Shqiptare. Zyrtarë të policisë kufitare të Kukësit deklarojnë se Policia e Kosovës ka tejkaluar çdo kompetencë lidhur me trajtimin e deputetes Albana Vokshi. “Policia e Kosovës ka kaluar kompetencat ligjore lidhur me rastin e ndalimit të deputetes Albana Vokshi. Deputetja është mbajtur e izoluar për rreth tetë orë derisa është paraqitur në Gjykatën Komunale, megjithëse përfaqësues të Policisë Shqiptare, përfshi edhe drejtorin e policisë kufitare, Pëllumb Nako, kanë njoftuar homologët për statusin e zonjës Albana Vokshi. “Policia e Kosovës nuk është treguar as humane, pasi zonja Vokshi shoqëronte edhe disa pjesëtarë të familjes që ishin femra”, thotë një oficer i policisë kufitare në Morin. Policia kufitare në Vërmicë ka ndaluar të dielën rreth orës 13.30, deputeten e mazhorancës në Parlamentin e Shqipërisë, Albana Vokshi, kur kjo e fundit ka tentuar të kalonte pa radhë në pikëkalimin kufitar të Vërmicës. Deputetja Vokshi, bashkë me bashkëjetuesin e saj Arjan Tartari dhe një zyrtar të lartë të Ministrisë së Kulturës, po shkonin për në Kosovë. Ndërkohë që Gjykata Komunale e Prizrenit e ka lënë të lirë deputeten Vokshi, pasi i ka shqiptuar një gjobë prej 250 eurosh nën akuzën “për fyerje ndaj policit në kryerjen e detyrës së tij zyrtare dhe për moszbatim të urdhrave të personit zyrtar”. Albana Vokshi, me origjinë nga Gjakova, është zgjedhur deputete e Qarkut të Durrësit në vitin 2009, nën siglën e Partisë Demokratike. Kohët e fundit, deputetja Vokshi është akuzuar nga opozita në Shqipëri për korrupsion lidhur me lehtësirat e krijuara në dhënien e lejeve të koncesioneve të HEC-eve bashkëjetuesit të saj Arjan Tartari dhe për mosdeklarim të pasurisë. Prokuroria shqiptare ka filluar një hetim ndaj Arjan Tartarit, bashkëjetuesit të deputetes Albana Vokshi, ndërkohë që ndaj kësaj të fundit Instituti i Kontrollit dhe Deklarimit të Pasurive po heton lidhur me mosdeklarimin e pasurisë.

[PLAKU]

ketu luhet nje dreq!

[drague]

kam lajme te reja per Brarin.

kamunistet e Kosoves qekan me te thek se te Shqipnise

[Llapi]

Kjo eshte nje prapaskene patjester.
Pore eshte nje incident shum i madh merrnje ma seriozishte.
1-kemi ne shqiptaret e shqiperise gati ni shekull qe te ne flitet e punohet,r ma shum per kosove se per shqiper
i2-,politika shqiptare lobon tash 20 vjet pa nderprerje per kosove
3-,ndodhi 97 ne shqiperi-per kosove
4-ndame buken e bashkum familjet gjate luftes per kosove
5-rrezikum veten ne okb tre here rrjesht per kosove
6-qeveria shqiptare ju jep perparesi investitoreve kosovare ne gjith bregdetin e jan mbi 1000 lokale kosovare-per kosove
7-berisha ju fal edhe portin e shengjinit- per kosove
8-beme dhe autostraden e bashkimit komtare per kosove
9-prishem mardhaniet me te gjith vendet ballkanike-per kosove
10- ne hapem kufirin me kosove dhe nomalishte ne momentin e futjes ne shegen simas ligjeve europiane shqiperia duhet te mbylle kufijte me vendet qe nuk jan ne shegen- i mbyll kosova me shqiperin....
çfare paradoksi
PYESE VETEN,MOSE QARCE TE NDRYSHME POLITIKE E QEVERISESE NE KOSOVE PAGUHEN NGA SHERBIMI SEKRET SERB-QE BASHKIMI KOMBETARE QE PO NA PLADE SHPIRTIN TE NGELET PERJETESISHT NJE ENDERR.

edhe pse i ke cek te gjitha keto e me siguri ka edhe te tiera qe nuk i ke cek
asaj deputetje apo kujdo qoft nuk i lejohet qe ti shaj e ofendoi intitucionet e shtetit ton qe me shum mund e sakrific i krijuam ato
si e arsyton ti ket deputete qe i thot policit ne detyr "Ti je kafshë"dhe nuk i perfill urdhurat dhe nuk don te degjon per ligje dhe rregulla

[PLAKU]

jan te njetit brum o Drague