Vargu biblik i ditës

[toni77_toni]

"Durojeni njëri tjetrin dhe faleni njëri tjetrin"!

Vishuni, pra, pasi jeni të zgjedhurit e Hyjit, shenjtër e të dashur me zemër të dhimbshme, me mirësi, me përvujtëri, me butësi, me duresë.

Durojeni njëri tjetrin dhe faleni njëri tjetrin në qoftë se ndokush ka ndonjë ankim kundër tjetrit. Sikurse Zoti ju fali ju, po ashtu bëni edhe ju! E pastaj, përmbi të gjitha vishuni me dashurinë! Ajo i mban së bashku të gjitha virtytet.

Paqja e Krishtit mbretëroftë në zemrat tuaja në të cilën edhe jeni të grishur të jeni të gjithë një Trup i vetëm. Dhe jini mirënjohës! (Kol 3; 12 – 15)


www.bibla.net

vazhdon-->

[toni77_toni]

"Hyji do t’i gjykojë fëlligështarët dhe kurorëthyesit"!

Martesa le të jetë plot nder ndër të gjithë dhe shtrati martesor i panjollë, sepse Hyji do t’i gjykojë fëlligështarët dhe kurorëthyesit.

Në sjelljen tuaj të mos ndikojë paraja! Jini të kënaqur me aq sa keni, sepse Hyji ka thënë: "Jo, nuk do të të lë, unë nuk do të të braktis në ditë të ngushtë!"

Këndej të mund të themi plot besim:
"Zotin e kam ndihmë [edhe] nuk kam frikë: çka mund të më bëjë njeriu?" (Hebr 13; 2-6)


www.bibla.net

vazhdon-->

[toni77_toni]

"Hyji nuk na ka grishur për të bërë fëlligështi"!

Patjetër i dini urdhërimet që ju kemi dhënë prej anës së Zotit Jezus. Vullneti i Hyjit është ky: shenjtërimi juaj të ruheni nga fëlligështia që secili të dijë të jetojë me gruan e vet në shenjtëri e me nder dhe jo në prirje të ulëta porsi paganët që nuk e njohin Hyjin, sepse Zoti është hakmarrës për të gjitha këto, siç ju kemi thënë më parë dhe jua kemi dëshmuar.

Jo po, Hyji nuk na ka grishur për të bërë fëlligështi, por për të jetuar në shenjtëri.

Prandaj, kush i përbuz këto urdhërime, nuk përbuz një njeri çfarëdo, por vetë Hyjin që ju jep Shpirtin Shenjt të vetin. (1 e Sel 4; 2-9)

www.bibla.net

vazhdon-->

[toni77_toni]

"ajo që jepet pas ëndjeve, edhe pse e gjallë, është e vdekur"!

"Me plakun mos ji i ashpër, por qortoje si ta kishe baba, të rinjtë porsi vëllezër, plakat si nëna, të rejat si motra ‑ me plot pastërti".(1 e Tim; 5; 1-2)


"ajo që jepet pas ëndjeve, edhe pse e gjallë, është e vdekur. Pikërisht këto gjëra porositi që të jenë të patëmeta"(1 e Tim; 5; 6-7)

"Në qoftë se ndokush nuk është i kujdesshëm për të vetët, sidomos për anëtarët e familjes, i ka rënë mohit fesë dhe është më i keq se i pafeu". (1 e Tim; 5; 8)


www.bibla.net

[toni77_toni]

"Lavdëroni në trupin tuaj Hyjin"!

“Për gjithçka kam leje... !” “Por gjithçka nuk më sjell dobi!”

“Për gjithçka kam leje... !” “Por ‑ s’dua që ndonjë gjë të më sundojë.”


“Gjellërat janë për bark e barku për gjellëra... !” “Por Hyji do t’i shkatërrojë këtë dhe ato.

E trupi nuk është për fëlligështi, por i përket Zotit, e Zoti për trupin. Tani, Hyji që e ngjalli Zotërinë me fuqinë e vet, edhe ne do të na ngjallë. (1 e Kor 6; 12-14)


www.bibla.net

vazhdon-->

[toni77_toni]

"Ikni prej fëlligështisë"!

A nuk e dini se ai që bashkohet me laviren, bëhet me të një trup? Sepse thuhet: ‘Do të jenë të dy një trup i vetëm.’

Kurse ai që shpirtërisht bashkohet me Zotin, është me Të një shpirt.

Ikni prej fëlligështisë!

Çdo mëkat që bën njeriu është jashtë trupit, kurse ai njeri që bën fëlligështi, mëkaton kundër trupit të vet. (1 e Kor 6; 16-18)



www.bibla.net

vazhdon-->

[toni77_toni]

"Ata që janë të Krishtit Jezus e kryqëzuan trupin e vet"!

"Jetoni nën ndikimin e Shpirtit Shenjt e nuk do t’i kryeni dëshirat e mishit e të gjakut....

Mishi e gjaku me dëshirat e veta i kundërshtojnë Shpirtit e Shpirti i kundërshton mishit e gjakut: këta të dy janë në kundërshtim me njëri-tjetrin që të mos bëni çka dëshironi....

Ata që janë të Krishtit Jezus e kryqëzuan trupin e vet bashkë me prirjet dhe dëshirat e ulëta". (Gal 5; 16-24)


www.bibla.net

vazhdon-->

[toni77_toni]

"Asnjë kurvar nuk ka pjesë në Mbretërinë e Krishtit"!

Fëlligështia ose çdo lloj papastërtie ose lakmimi as të mos zihet në gojë ndër ju, siç u ka hije shenjtërve.

Po as llafe të ndyta, as marri, as fjalë me dy vështrime që nuk kanë hije, por më mirë falënderime. Sepse dijeni mirë këtë:

asnjë fëlligështar, asnjë kurvar, asnjë lakmues pasurie ‑ që është idhujtar ‑ nuk ka pjesë në Mbretërinë e Krishtit e të Hyjit. (Ef 5; 3-5)


www.bibla.net

vazhdon-->

[toni77_toni]

"fëlligështia, papastërtia, epshet - për shkak të tyre vjen hidhërimi i Hyjit"!

Bëni, pra, të vdesin gjymtyrët tuaja, ato tokësoret: fëlligështia, papastërtia, epshet, dëshirat e këqija, lakmimi i tepruar i pasurisë ‑ që është idhujtari ‑ për shkak të tyre vjen hidhërimi i Hyjit [mbi ata që nuk dëgjojnë].

Po, dikur edhe ju ecët kësaj udhe, kur jetuat në këto vese. Por tani edhe ju flakni larg të gjitha këto: hidhërimin, zemërimin, të keqen, blasfeminë; goja juaj të mos përdorë fjalë të ndyta! Mos rreni njëri‑tjetrin! (Kol 3; 5-9)


www.bibla.net

vazhdon-->

[GANGO of SG]

"Ati juaj që është në qiell, do t’u japë gjëra të mira atyre që ia lypin".

“Lypni e do t’ju jepet, kërkoni dhe do të gjeni, trokitni e do t’ju çelet! Sepse, kush lyp, i jepet, kush kërkon gjen, e kush troket, dera i çelet.

Dhe, a gjendet njeri ndër ju, që po i lypi i biri bukë, i jep gur? Ose, po i lypi peshk, i jep gjarpër?

Po ja, pra, nëse ju që jeni të këqij, dini t’u jepni gjëra të mira bijve tuaj, aq më tepër Ati juaj që është në qiell, do t’u japë gjëra të mira atyre që ia lypin.

Gjithçka dëshironi t’ju bëjnë juve njerëzit, bëjuani edhe ju atyre! Ja, vërtet Ligji e Profetët!” (Mt 7; 7-12)


www.bibla.net


vazhdon-->

Me pelqeu shum ky pasazh qe deshmon forcen e lutjes vlla.
Un besoj qe Zoti jon i gjithdishem i din te fshehtat e deshirat e zemres ton por prap ai na kerkon ne me u lut per to. Se ashtu si thot nana jeme, lutja can qiellin e ndan detin.
Pershentje toni