Shamia në shkollat publike - e ligjshme apo e paligjshme?

[gimche]

Shamia në shkollat publike - e ligjshme apo e paligjshme?

Në Prishtinë debatohet me qëllim të përafrimit të qëndrimeve të kundërta në mes të Bashkësisë Islame të Kosovës dhe Ministrisë së Arsimit.

Besa Ismajli, një 34 vjeçare nga Mitrovica mban shami prej dhjetë vjetësh. Në shikim të parë ajo duket si një grua e zakonshme, nënë e mirë dhe bashkëshorte e përkushtuar, së cilës asnjë i huaj nuk ia ka parë ngjyrën e flokut as stolitë. Por, po të gërmosh më thellë, do të njohësh një magjistër shkence, ligjëruese në një fakultet publik dhe në një kolegj privat, e cila punon edhe si përkthyese pranë Misionit Evropian për Polici dhe Gjyqësi në Kosovë.

Nëse në Kosovë është e lehtë apo e vështirë ndërtimi i një karriere të tillë nga një femër e mbuluar, Besa e di më së miri. Ajo ka bindjen se ata që vijnë nga perëndimi kanë më shumë respekt për diversitetet e ndryshme.

"Pikërisht këtu shoh mangësinë e Kosovës dhe pyes: Nëse ne nuk i pranojmë njerëzit tanë që mendojnë ndryshe, po atë ditë që të bëhemi pjesë e familjes së madhe evropiane, si pretendojmë të pranojmë njerëz nga shtete të ndryshme?” Unë jam njëqind per qind e Kosovës dhe për Kosovën dhe nuk ekziston arsye që dikush t´mundohet t´më përjashtojë në çfarëdo mënyre”.

Protesta e Bashkësisë Islame

Pasueset e Besës nuk do të kenë mundësi të shkollohen të mbuluara, sepse rruga e tyre ndërpritet me të kaluar pragun e shkollës së mesme. Kështu të paktën bëhet e ditur në një Udhëzim Administrativ të Ministrisë së Arsimit, Shkencës dhe Teknologjisë. “Shkelje kjo drastike e të drejtave të njeriut”-thonë nga Bashkësia Islame, e cila e kundërshton fuqishëm përjashtimin e nxënësve nga shkolla për shkak të shamisë.

“Shamia nuk është sikurse kryqi te krishterët apo gjysmëhëna te myslimanët. Shamia është një parim Islam i përcaktuar me dispozitat fetare dhe për këtë arsye është pjesë e pandashme e besimit të një femre myslimane", thotë Kryeimami i Bashkësisë Islame të Kosovës, Sabri Efendi Bajgora.

“Ne jemi kundër këtij Udhëzimi Administrativ se pikë së pari, përpjekja për të minimizuar të drejtat elementare të një femre myslimane në shoqëri nuk përkon me etikën e një shteti demokratik”, thekson Efendi Bajgora.

"Edhe me Kushtetutën e Kosovës është e garantuar liria fetare. Vajzat me shami nuk dëshirojnë të bëhen hoxhanica apo profesoresha të teologjisë, por ato janë mjeke, juriste, ekonomiste...Dhe, prandaj ne shohim në këtë rast një cenim drastik të të drejtave më elementare të një qenieje njerëzore”.

"Udhëzimi Administrativ ka për qëllim të përcaktojë të drejtat, obligimet, veprimet e ndaluara, vijueshmërinë në mësim dhe masat e procedurat disiplinore si dhe zbatimin e tyre ndaj nxënësve, të cilët i shkelin rregullat e Kodit të Mirësjelljes“. Kështu shpjegohet qëllimi i Udhëzimit Administrativ 7/2009, „Kodi i mirësjelljes dhe masat disiplinore për nxënës të shkollave të mesme të larta“, të Ministrisë së Arsimit. Në nenin 4, ndër "Veprimet e Ndaluara" radhitet edhe "Ndalimi i Bartjes se Uniformës Fetare".

Çfarë mendojnë qytetarët e Kosovës lidhur me mbulimin e femrës?

“Jo, shamia nuk më pengon aspak. Përkundrazi, mua më pëlqen shumë një femër e mbuluar”-thotë Bekim Kastrati, nga Malisheva.

“Po t´më mbulonte bashkëshorti im, do të isha ndarë saora. Sepse, kur ke karakter dhe moral, shamia nuk është e domosdoshme”-mendon Drita Krasniqi, nga Prizreni.

“Mua s´do t´me pengonte të martohesha me një femër të mbuluar. Përkundrazi, do ta respektoja edhe më shumë nëse një femër e mbuluar do t´më pranonte të tillë si jam. Dhe, unë mendoj se pikërisht pse ne synojmë të arrimë disa standarde, s´duhet ngritur barriera të tilla e të fusim përçarje në shoqëri”-thotë Iliri, nga Deçani.

Përjashtimet e nxënëseve me shamia nga shkollat, Drejtoratet Komunale i arsyetojnë me aplikimin e këtij Udhezimi Administrativ. Por, krahas kërkesës së parashtruar me kohë dhe insistimit për të pasur edhe qëndrimin e Ministrisë së Arsimit, askush nuk u pronocua për Deutsche Welle lidhur me këtë problem. Takimi i premtuar nga shefja e Zyrës së Informimit nuk u realizua dhe u arsyetua me probleme të natyrës private, si edhe dhënien e numrit pa qasje në rrjet.

Protesta qytetare

Qytetarët ngritën zërin me anë të protestave duke kundërshtuar përjashtimin e një vajze nga shkolla e mesme në Ferizaj, për shkak të shamisë; përvojë kjo e përsëritur kohe pas kohe, në disa qendra të Kosovës. Protestat më të fundit në Ferizaj edhe në Prishtinë ishin spontane, nga nxënës dhe të rinj të shoqatave të ndryshme rinore.

Kryeimami i Bashkësise Islame të Kosovës, Sabri Efendi Bajgora paralajmëron: “Nëse Ministria e Arsimit nuk tërhiqet nga këto vendime, ne do të marrim masa jo për të radikalizuar situatën, por do të kërkojmë me ngulm përkrahjen e popullit për këto të drejta të garantuara qoftë me Kushtetutën e Kosovës, qoftë me Kartën e Kombeve të Bashkuara për Liritë dhe të Drejtat Fetare”. /DW/

[gimche]

Çka po ndodh në KK të Prishtinës dhe në banana-republikën tonë?

Shkruan: Avni Xhemajli - Skënderaj

Ka kohë që në Kuvendin Komunal të Prishtinës dhe në banana-republikën tonë po aplikohen standarde të dyfishta ndaj qytetarëve. Në kohen kur katedralja me përmasa gjigante çdo ditë e më shumë po e merr formën e vet në qendër të qytetit, ndërtimi i së cilës ishte legjitimuar vite më parë nga KK i Prishtinës, po i njëjti kuvend së fundi ka marrë iniciativën me qëllim për nxjerrjen e një vendimi për ndalimin e shkollimit të nxënëseve të mbuluara nga shkollat fillore dhe të mesme publike në këtë komunë.

Po kështu, kjo klasë politike edhe më herët kishte marrë vendimin për ndalimin e ndërtimit të Qendrës Islame në Prishtinë, megjithëse ishte dhenë leja dhe pati filluar ndërtimi i saj. Prej kohës së anulimit të ndërtimit të Qendrës Islame, Komuna e Prishtinës ende nuk e lejon dhe nuk e ofron hapësirën për ndërtimin e saj, kurse tani po bën përpjekje për ndalimin e vajzave të mbuluara nga shkollat publike.

Është shumë paradoksale të ndalohet mbulesa në shkollat publike, sikur edhe moslejimi i ndërtimit të Qendrës Islame në emër të laicizmit, por që në anën tjetër, duke aplikuar standarde të tjera të lejohet ndërtimi i katedrales në mes të Prishtinës, kurse qytetarët serb të Kosovës në enklavat e tyre vazhdojnë të aplikojnë orën mësim-besimit pa u penguar fare nga institucionet e banana-republikës. Çfarë mund të thotë dhe si mund t’i quaj njeriu që ka mendje dhe logjikë të shëndoshë këto veprime? Kurrsesi ndryshe, veçse si standarde të dyfishta.

Prandaj iniciativa për vendime tilla nga komunarët e Prishtinës në dëm të besimtarëve islam janë të papranueshme, sepse janë të padrejta, dhe përveç që janë të padrejta janë edhe diskriminuese, sepse të gjithë duhet të trajtohen njësoj. Si të tilla, këto veprime janë qartazi provokime dhe aplikim i standardeve të dyfishta. Ose nëse nuk janë të tilla, atëherë çfarë vallë tjetër janë?!

Mund të themi lirisht se muslimanët në Kosovë edhe pse e përbejnë shumicën e popullatës, si pasojë e heshtjes me vite me radhë për kërkimin e të drejtave të tyre legjitime, sot janë kategoria shoqërore më e diskriminuar, më e shkelur dhe më dëmtuar në këtë farë banana-republikën tonë.

Por si duket, kjo iniciativë e padrejtë dhe diskriminuese e ka zgjuar e vetëdijesuar përfundimisht edhe Bashkësinë Islame të Kosovës, e cila përmes imamëve të xhamive të saj në xhumanë e fundit reagoi ndaj iniciativës së Kuvendit Komunal të Prishtinës në lidhje me përpjekjet për ndalimin e nxënëseve nga shkollat fillore dhe të mesme publike, vetëm pse mbajnë mbulesë. Gjithashtu u bë me dije se nuk do të heshtet më siç është heshtur deri tani në shkeljen e të drejtave dhe lirive të besimtarëve në Kosovë dhe se do të fillojë angazhimi për mbrojtjen dhe jetësimin e të drejtave të tyre.

Çështja është se, nëse Kuvendi Komunal i Prishtinës arrin të ndalojë vajzat e mbuluara nga shkollat publike, Bashkësia Islame e Kosovës dhe besimtarët islam që përbejnë shumicën në Kosovë, lirisht mund të përshëndeten dhe të harrojnë se Qendra Islame do të ndërtohet ndonjëherë në Prishtinë.

Ja përse. Kur, një gjë që është kaq e thjeshtë dhe gjë elementare si e drejta e një vajze për t’u shkolluar në një shkollë publike nuk lejohet nga KK i Prishtinës, atëherë si do të mund të vijë në shprehje dhënia e hapësirës dhe lejimi i ndërtimit të një Qendre Islame, e cila për nga përmasa e saj nuk do të jetë aspak më e vogël se sa katedralja që gjendet sot në qendër të Prishtinës?!

Por me gjasë, duket se kjo edhe është prapavija e vendimit të Kuvendit Komunal të Prishtinës për ndalimin e shkollimit të vajzave me mbulesa nga shkollat publike, që apriori do të zhvlerësojë edhe kërkesën e BIK-ut për ndërtimin Qendrës Islame në kryeqytet, por edhe kërkesën për aprovimin e lëndës së edukatës fetare në shkollat publike. Tendenca e komunarëve të Prishtinës në këtë rast është më së e qartë: Të zmbrapsen të gjitha kërkesat dhe iniciativat e tilla me një anë.

Prandaj këtu nuk është në pyetje vetëm e drejta e shkollimit dhe dinjiteti i vajzave të mbuluara, por në pyetje është edhe e ardhmja se çfarë në të vërtetë do të ndodhë me Qendrën Islame në Prishtinë, se a do të lejohet apo do të ndalohet përfundimisht ndërtimi i saj. Dhe po ashtu, përmes këtij vendimi të KK të Prishtinës, do të pësojë edhe kërkesa e BIK-ut dhe PD-së për futjen e lëndës së edukatës fetare në shkollat publike.

Prandaj mbrojtja e të drejtës së shkollimit të vajzave të mbuluara, si për BIK-un ashtu edhe për besimtarët islam në përgjithësi, ka një peshë të madhe, sepse në këtë kauzë të drejtë, përveç rrezikimit të humbjes së drejtës së shkollimit të atyre vajzave, tani po rrezikohen seriozisht edhe dy projekte madhore: E para, projekti për ndërtimin e Qendrës Islame në Prishtinë dhe e dyta, përpjekja tash e sa kohë e BIK-ut, PD-së dhe e besimtarëve islam për aprovimin e lëndës së edukatës fetare në shkollat publike.

Nëse humbet e drejta e vajzave për shkollim si pasojë e këtij vendimi të KK të Prishtinës, atëherë do të humbë edhe sensi i kërkesës për ndërtimi e Qendrës Islame në kryeqendër dhe po ashtu do të pësojë goditje të fortë edhe iniciativa e deritanishme për futjen e lëndës së edukatës fetare në shkollat publike. Në atë rast, humbjet do të jenë të pallogaritshme. Shoqëria jonë do të vazhdojë të degradohet edhe më shumë.

Prandaj BIK-u duhet të vazhdojë me iniciativën që edhe në xhumatë e ardhshme të njoftojnë dhe të sensibilizojë nëpër xhamitë e Kosovës të gjithë besimtarët islam me problematikat në fjalë, që kanë të bëjnë me të drejtat elementare të tyre, derisa ato të mos cenohen dhe të realizohen në tërësi. Gjithashtu është koha që seriozisht të mendohet edhe për protesta paqësore masive, para së të merret ndonjë blic-vendim nga Kuvendi Komunal i Prishtinës.

Këtyre provokimeve duhet t’i dalin të gjithë qytetarët përballë, në mënyrë që të ndërpriten fushatat agresive dhe diskriminuese ndaj muslimanëve në Kosovë. Sepse në pyetje është edhe dinjiteti ynë si njerëz dhe shumëçka tjetër në pyetje. Në të kundërt, jeta në këtë farë banana-republikën tonë të dashur do të bëhet edhe më ngushtë dhe do të rendohet edhe më shumë.

[bindi]

Shamia në shkollat publike - e ligjshme apo e paligjshme?

Kjo e ligjshme apo jo, nuk mund te merret per baze sepse ligjin e bejne dhe e ç bejne njerzit
Sikur te thoje e drejte apo jo do te kishte me teper logjike...!
Personalishte edhe pse nuk perkas asnje formati fetare ,nuk me pelqejne sankcione te tilla,te cilat duhet imponuar dikujt te veje apo te heqe shamine...,kjo eshte çeshtje personale qe i perket individit ,nese duhet te veje apo jo shamine...,dhe ketu s,ka te drejte te nderhyje askush ne jeten dhe intimitetin personal te individit...Aq me pak do shpurdhjake politikanesh qe nuk njohin parimet baze te nje shoqrie te lire dhe demokratike...

[skampin]

teme e shtypit te dites?sma mer mendja se shtypi i dites meret me te tilla budallalleqe.secili le te vishet si te doje dhe ku te doje veç vendeve ku nje gje e tille eshte e ndaluar me ligj.

[gimche]

teme e shtypit te dites?sma mer mendja se shtypi i dites meret me te tilla budallalleqe.secili le te vishet si te doje dhe ku te doje veç vendeve ku nje gje e tille eshte e ndaluar me ligj.

Ke të drejtë, realisht nuk do të duhej të merremi me të tilla gjëra por ja që jetojmë në një vend ku normat themelore demokratike nuk respektohen, besoj se e kuptuat edhe nga lajmi por po u citoj se Kuvendi Komunal i Prishtinës me datë 20 Maj 2010 ka marr një vendim që bartja e shamisë nëpër shkollat e mesme dhe fillore të ndalohet me mundësi që gjatë një muaji të bëhët një debat publik ku do të shihen qendrimet e qytetarëve karshi kësaj çështjeje.
Kuvendi Komunal i Prishtinës nuk ka treguar se cilin shtet evropian e merr shembull në miratimin e këtij ligji, por thjesht ka nxjerr një ligj i cili krijon konfuzion brenda shoqërisë, i cili del në kundërshtim të plotë me kushtetutën e vendit dhe i cili cënon liritë themelore të një individi.
Me keto iniciativa që kanë filluar në Prishtinë synohet amandamentimi i ligjit në fjal dhe i heqjes së paragrafit të "uniformes fetare" (term ky i padefinuar).
Absurditeti më i madh në gjithë këtë ligj është se "uniforma" fetare paraqitet tek pjesa e dukurive negative!

[extreme]

Me ligj edhe mund ta ndalojn por nese ligji e ndalon nje gje te till nuk dmth qe ai ligj eshte i dreit . Tem qe tas ma osht konsumu shumm edhe po i vie era *** ksaj teme ! Disa ligjvenes ne Kosove mendojn se me futjen e keti ligji Amerika do te na perkrah me shum , por "nuk e din" ose edhe e dine , se po e humbin ni vler shum shum shum te madhe te kombit Shqiptar , ni vler qe as nje komb ne bot nuk e ka , tolerancen fetare !
Nga cila do ane ta shikosh ky ligj do te bije ndesh me parimet kryesore te dreitave te njeriut

[r'posa]

Pershendetje.


Me siguri qe ndonje deputet i kuvendit komunal te prishtines i fut hundet ne forum dhe e lexon kete lajm.

Dua te jap edhe un mendimin tim duke u bazuar ne dicka.

Cështja e shamis nuk duhët debatuar ne asnje vend ne botë !

Pse do t'me pyetni, por thjesht, ajo eshte nje obligim fetar qe i drejtohet besimtarëve ! E nese dikujt ja mohon te drejten e mbulesës, mjekrrës apo agjerimit sic ka qen ne kohen e komunizmit, atëhere ti ne te vertet je duke ja mohuar BESIMIN, e ne kete rast, ISLAMIN !

Un i bej apel mendjes se ndrecuar te ketyre laperave, qe dikur i keni dhen leje ndertimi katedrales katolike edhe pse ne Prishtin, %-ndja e tyre nuk e arrin as 1%, dhe kete e keni ber pa e pyetur kend fare ! Bile as anket publike nuk ka pasur nga ana juaj, nga kjo, ajo katedrale gjithmon do te jet ILEGALE !

Tjetra,... Kosova eshte nje shtet me popullsi muslimane ! E aty ku ka musliman, jan muslimanet ata qe e bejn ligjin e jo kaurrat e Francës e te Polonis !

[Disa]

Kjo eshte tmerr ne shekullin XXI me fol per shami kjo eshte tmerr,kete punen e shamive kaher ka qen dashte te kryhet,per derisa vendet evropiane i lejojne vajzat me shamia ne shkoll,ketu ne Kosove ndodhe e kundertea,a shtet i poshter....


Mos rrnoni ma si hije,mos rrine ma pa diit,mos fleni mos i leni,hi syve me ju qit.
Mos leni ma me ndodhe,qysh ka ndodhe deri tash,mos fleni mos i leni,se koha nuk kthehet mrapsht....(Troja)

[e panjohura]

Po mire thot Troja more,e na po dojm me u kthy ne ferexhe.
Pse a ka me ma ruajt moralin shamia a?
Jo do ti theme lakuriqesis,por edhe ferexhes.

[Disa]

TROJA ,nuk e ka pas fjalen per shami,por per politikan te flliqure,nuk e paskse kuptuar mesazhin e trojes.



Mos rrnoni ma si hije,mos rrine ma pa diit,mos fleni mos i leni,hi syve me ju qit.
Mos leni ma me ndodhe,qysh ka ndodhe deri tash,mos fleni mos i leni,se koha nuk kthehet mrapsht....(Troja)