Dështon projekti energjitik 35 milionë euro në Kosovë

[veli44]

Kjo nuk eshte peralla e njohur nga vogjelia e jone eshte e verteta qe po e perjetojme roberine dhe hajnine e papare deri sot.Lexoni faktet per kryehajnin dhe 40 cubat qe Kosoven e sollen ne prag te bankrotit si shtet dhe shqiptaret si popull.

Artikull i marre nga "gazeta express"


Për dy javë, shkatërrojnë 35 milionë euro



Projekti 35 milionë euro për hapjen e Mihjes së Re të Sibovcit, ka dështuar. Makineritë e rënda tash janë pjesërisht të demoluara. Inxhinierët fajësojnë menaxhmentin e KEK-ut, në krye me Arben Gjukën, që ka blerë makineri të vjetra, për të reja. I konsideruar projekti më i madh në dy dekadat e fundit në Kosovë, ai duket se u shkatërrua vetëm për dy javë pas përurimit.

Nga Zekirja Shabani më 06.01.2010 në ora 8:21
Një natë para festës së Vitit të Ri, projekti më i madh energjetik i Qeverisë së Kosovë në dy dekadat e fundit - ka dështuar.

Në mihjen e re të Sibofcit jugperëndimor që më 15 dhjetor ishte përuruar vendosja e makinerisë së rëndë për nxjerrjen e qymyrit, të martën ekipi i gazetës Express, e ka gjetur pjesërisht të demoluar. Në dy linjat e shiritave të rinj transportues mungojnë 6 reduktorë dhe cilindra që duhej të vinin në lëvizje shiritat për bartjen e qymyrit nga mihja në termocentralet ekzistuese derisa të ndërtohet termocentrali Kosova e Re.

Punëtorët që për tri javë kishin punuar në këtë pjesë të mihjes tregojnë se reduktorët janë bllokuar papritur dhe më 30 dhjetor janë dërguar për riparim.

“Është ndërprerë puna pasi kanë instaluar pajisje të vjetra. Vetëm i kanë ngjyrosur dhe i kanë marrë miliona euro, e tash shiritat nuk punojnë”, tregon një nga inxhinierët e KEK`ut, i cili nuk pranon t`i përmendet emri. Ai akuzon kreun e KEK`ut, Arben Gjukën, për përzgjedhje të gabuar të kompanive që kanë ndërtuar këtë sistem.

Projekti në tërësi për vendosjen e makinerisë së rëndë, rehabilitimi i ekskavatorëve dhe punëve të tjera për hapjen e minierës, qe thënë se ka kushtuar 35 milionë euro, prej të cilave 16 milionë i ka dhënë Qeveria e Kosovës, kurse 18 milionë të tjera Komisioni Evropian. Ministri i Ekonomisë dhe Financave, Ahmet Shala, pati thënë se ky projekt është një nga projektet më të mëdha në dy dekadat e fundit, që Kosova të ketë energji të mjaftueshme për vete dhe për eksport. Projekti për minierën e Sibofcit, sipas tij, ka përmirësuar makinerinë ekzistuese të rëndë të minierave të thëngjillit, e instaluar në vitin 1972, duke e bërë më stabile. Ndërkaq, zyrtarët e KEK`ut, pranojnë se ky sistem tani është ndalur për shkak të reduktorëve në stacionet vepruese.

Zëdhënësi i KEK`ut, Viktor Buzhala, thotë se këta reduktorë i ka hequr nga shiritat transportues prodhuesi dhe i ka dërguar në fabrikën ku janë prodhuar, sepse është vërejtur se ka pengesa në lidhjen në mes reduktorit dhe tamburit.

“Ekskavatorët e tjerë, të cilët nuk janë riparuar, punojnë. Tani nuk punon vetëm E-10B, i cili ishte inauguruar në dhjetor të këtij viti. Kompania e cila i ka hequr reduktorët ka premtuar se më 10.01.2010 do t`i sjellë reduktorët e riparuar”, thekson Buzhala.

Në anën tjetër, burime të Expressit tregojnë se këta reduktorë s`do të mund të hyjnë në punë minimum edhe gjashtë muaj.

Buzhala thotë se inaugurimi i këtij sistemi është bërë në dhjetor 2009, por jo edhe në komisionin përfundimtar. Projekti, sipas tij, gjendet në fazën e testimit dhe certifikata e komisionit do t’i jepet kontraktuesit kur të kryhen të gjitha obligimet kontraktuale në janar 2011.

Por, për të njëjtët shirita që tani janë jashtë përdorimit, në vitin 2008, Korporata Energjetike e Kosovës ka shpenzuar 49.9 milionë euro për riparimin e tyre.

Në kontratën çelësa në dorë, e nënshkruar në nëntor të vitit 2008, mes KEK-ut dhe kompanive në konzorcium “Eko-Trade” nga Prishtina dhe “IMK 14 Oktobar” nga Serbia, thuhet se ka qenë i paraparë riparimi i Shiritave Transportues dhe Palosëseve për Largim të Djerrinës - sistemi II dhe III. Burime të gazetës Express thonë se edhe reduktorët janë vendosur nga këto kompani, të cilat i kanë blerë ata në Bosnjë e Hercegovinë.

KEK-u tash sa kohë ka probleme me këto pajisje për shkak të tenderëve jo në rregull që po i aplikojnë.

[veli44]

Ky eshte kusheriri qe ja dha serbise tenderin prej 50 milion eurosh

Mr. Njazi Thaçi, Executive Director, Procurement
Kosovo Energy Corporation J.S.C
Street "Nëna Tereza" no. 36
10000 Pristina, Kosovo
Tel: +381 (0) 38 240 245 222

Email: nijazi.thaqi@kek-energy.com or hp.procure@kek-energy.com
www.kek-energy.com

[Llapi]

URIME PDK





Shampanja e Fitores

Stavileci: PDK ka fituar 36.80% të votave totale


PDK-ja, motor lëvizës i demokracisë në Kosovë
Thaçi: Sot dëshmojmë se e meritojmë pavarësinë
Kryeministri Thaçi: Të bashkohemi rreth flamurit të Kosovës

Kryeministri Thaçi: Fitore e PDK-së në 70% të komunave
Rritja e PDK-së për rreth 40.000 vota nga zgjedhjet e vitit 2007, që përbëjnë 36.80% të votave totale



a ti a populli qe po sa ia dha besimin e din ma mire o velko

[drenicaku]

URIME PDK





Shampanja e Fitores

Stavileci: PDK ka fituar 36.80% të votave totale


PDK-ja, motor lëvizës i demokracisë në Kosovë
Thaçi: Sot dëshmojmë se e meritojmë pavarësinë
Kryeministri Thaçi: Të bashkohemi rreth flamurit të Kosovës

Kryeministri Thaçi: Fitore e PDK-së në 70% të komunave
Rritja e PDK-së për rreth 40.000 vota nga zgjedhjet e vitit 2007, që përbëjnë 36.80% të votave totale



a ti a populli qe po sa ia dha besimin e din ma mire o velko

Qyre llapin si meqka para tupanit,i gezohet edhe hajnis,e mos vet qfar niveli kena ardh.

[veli44]

nuk shkon larg edhe Dubraven ka me fitu 100 perqind,

[extreme]

Po normal qe i gzohet ... Kallxom ti mu a kan naj PDK ne KS qe osht pa pun , apo qe hjek per buk ... jo joo njerzit qe deri von skan pas buk me honger ju ka ardhe rasti mu o milionera na pi shohum krejttt

[drenicaku]

U shtanga sot kur ndegjova lajmet ne tv se 35 milion evro shkun ne bishte te sorres,sepse kemi njerz qe jan hyp ne pozita e deri dje ma se nalti qe jan hyp u kan traktori sot jan ban pa nje dit shkoll drejtora e blejn makina te vjetra per te reja.
Te gjitha keto makina qe i kan ble nuk kan mund te hyn ne perdorim sepse ishin totalisht te amortizuara.
Po te kishume pas shtet ketu dikush eshte dasht mu kalb ne burg,po e kan gjet popullin budall pse jo.

[Llapi]

Ministri i MTPT, Fatmir Limaj, mbajti konferencën e fundvitit me gazetarë

2009-12-30

Sot ministri i Ministrisë së Transportit dhe Postë-Telekomunikacionit, Fatmir Limaj mbajti konferencën e fundvitit me gazetarë, me ç’rast prezantoi punën e realizuar gjatë vitit 2009, si dhe rezultatet e korrura gjatë këtij viti në Ministrinë e Transportit dhe Postë-Telekomunikacionit.



Fillimisht, ministri Limaj i falenderoi të gjitha mediat vendore për përcjelljen e aktiviteteve të MTPT-së, për prezantimin dhe informimin e qytetarëve të vendit lidhur me punën që e ka bërë MTPT dhe për të gjitha informacionit që mediat ua kanë ofruar qytetarëve të Republikës sonë.



Sipas ministrit Limaj, gjatë këtij viti Ministria e Transportit ka arritur që të ketë rritje të investimeve kapitale. Gjithashtu, në këtë vit kjo ministri ka filluar dhe ka realizuar mbi 200 projekte, që konsistojnë në zgjerimin e rrugëve nacionale dhe në ndërtimin e rrugëve nacionale dhe lokale.



Ministri Limaj paraqiti pasqyrën përmbledhëse të buxhetit, me të cilën ka administruar Ministria e Transportit, duke precizuar se për sivjet kanë qenë të planifikuara mjete në shumë prej 141 279 621 eurosh, ndërsa janë shpezuar 136 101 365 euro, ose 96,33 për qind. Nga kjo shumë për projekte kapitale është planifikuar të investohen 127 215 589 euro ndërsa për këtë qëllim janë shpenzuar 122 741 248 euro, apo 96,48 për qind e mjeteve të planifikuara.



Duke folur për investimet kapitale, ministri Limaj theksoi se këtë vit është shënuar rritje e investimeve kapitale për 11,13% krahasuar me vitin 2008, me rreth 400 km rrugë nacionale dhe rajonale, të cilat janë asfaltuar vetëm gjatë këtij viti.



“Nëse flasim për këto dy vitet e fundit, realizimi i investimeve kapitale ka qenë 511 për qind, më shumë se sa për tri vjet (2005,2006 dhe 2007), theksoi kreu i MTPT-së.





Duke folur për projektet e realizuara, ministri Limaj tha se gjatë dy viteve të fundit janë realizuar mbi 350 projekte, 307% më shumë se sa për tri vitet paraprake (2005, 2006 2007), kur janë realizuar 114 projekte.





Gjatë prezantimit ministri Limaj tha se në mesin e angazhimeve të kësaj ministrie ishte edhe zhvillimi i procedurave për realizimin e dy projekteve të mëdha nacionale: autostradës Prishtinë-Vërmicë, për të cilën janë kaluar procedurat e domosdoshme, për t’u arritur te momenti final, i cili nënkupton se në 15-ditëshin e parë të viti 2010 do të përzgjedhet kompania fituese, e cila do të fillojë ndërtimin dhe realizimin e ëndrrës së të gjithë qytetarëve të vendit tonë, si dhe përgatitjet për dhënien me koncesion të Aeroportit Ndërkombëtar të Prishtinës.



Lidhur me këtë, ministri Limaj tha: “Ne i kemi ofertat, kemi vlerësimin teknik dhe financiar, ndërsa tani fillon një proceduarë tjetër, ajo e kontratës me fituesin e kësaj oferte, që d.m.th. se MTPT-ja përfundimisht është në përmbyllje të këtij projekti madhor për vendin tonë.

Të shënuara si rezultate të veçanta janë edhe dy projekte, apo siç i quajmë ne - M9 dhe M2, përkatësisht rrugët magjistrale Prishtinë-Shkabaj dhe Prishtinë-Sllatinë, të cilat pothuajse kanë përfunduar, sepse ka mbetur vetëm edhe shtresa e fundit e asfaltit, për të cilën ekspertët kanë këshilluar që të mos bëhet tani për shkak të kushteve atmosferike, kështu që kjo do të realizohet në pranverë. Në rrugën magjistrale Prishtinë-Pejë ka filluar së realizuari segmenti Sllatinë-Gjurgjicë, që do të përfundohet në fund të vitit të ardhshëm”.



Kur është fjala për arritje në lëmin e transportit, sipas ministrit Limaj gjatë këtij viti është bërë anëtarësimi i Kosovës në IRU (Unioni Rrugor Ndërkombëtar), është nënshkruar Traktati i Transportit me UE-në, është realizuar negocimi i marrëveshjeve bilaterale me Maqedoninë, Turqinë dhe Bullgarinë, këmbimi i lejeve për transport me Çekinë, zhvillimi i transportit rrugor të udhëtarëve me të gjitha vendet ku jetojnë bashkëqytetarët tanë, nënshkrimi i protokollit me Shqipërinë dhe liberalizimi, trajnimi i 264 menaxherëve në fushën e transportit në qendrën për trajnime profesionale të akredituar në IRU, si dhe përgatitja e implementimit të tahografëve digjitalë (standard i BE).



Sa u përket hekurudhave, ministri Limaj tha se është bërë funksionalizimi i linjës 10 hekurudhore, finalizimi i funksionimit të sistemit të kontrollimit qendror të lëvizjes së trenave, është krijuar baza ligjore për ndarjen e hekurudhave të Kosovës në Infrastrukturë dhe Operime, është bërë konstituimi i Bordit të Drejtorëve të Hekurudhave të Kosovës, si dhe konstituimi i Bordit të Drejtorëve të Autoritetit Rregullativ të Hekurudhave të Kosovës.



Ministri Limaj tha se gjatë këtij viti është punuar mjaft edhe në aviacionin civil: është bërë kompletimi i legjislacionit sekondar për aviacionin civil, konstituimi i Bordit të Drejtorëve të Autoritetit të Aviacionit Civil, emetimi i licencave për operime ajrore, nënshkrimi i marrëveshjeve bilaterale me Zvicrën dhe Turqinë, është nënshkruar Memorandumi i Mirëkuptimit me Shqipërin, është punuar rreth koncesionimit të Aeroportit Ndërkombëtar të Prishtinës, është bërë realizimi i investimeve kapitale në ANP, rritja e performancës ekonomike të ANP-së, zgjerimi dhe përmirësimi i shërbimeve në ANP dhe ngritja e numrit të pasagjerëve. Ajo që vlen të theksohet është nënshkrimi i Memorandumit për kontrollin e hapësirës mbiajrore të vendit tonë, meqë tani e tutje këtë hapsirë do ta mbikëqyrë shteti shqiptar si anëtar i NATO-s. Tash janë mbi 400 fluturime mbiajrore që kalojnë mbi territorin e vendit tonë dhe aty, përveç mbikqyrjes së këtij territori nga ata që ne duam, është edhe interesi ekonomik, i taksave të cilat deri sot Kosova nuk i ka gëzuar, por ato kanë shkuar diku tjetër.



Për sektorin e automjeteve ministri Limaj tha se është bërë anëtarësimi në CITA (Komiteti Ndërkombëtar për Kontrollimin Teknik të Automjeteve), fillimi i homologimit të automjeteve, monitorimi on-line për kontrollimin e punës në qendrat e kontrollit teknik, prezantimi i Kosovës në Manualin për Shofer të CIECA-s (Komiteti Ndërkombëtar për Patentshofer) etj.



Ministri Limaj gjithashtu prezantoi edhe të arriturat e këtij viti në lëmin e Telekomunikacionit, duke filluar nga krijimi i bazës ligjore dhe administrative për Kodin Shtetëror të Internetit (ccTLD-country code Top Level Domain), Ligji për Shërbime Postare dhe Ligji për Parandalimin e Krimit Kibernetik, konstituimi i Bordit të ART-së, projekti i Web GIS-it Kombëtar, miratimi i tarifave për shërbimet postare ndërkombëtare, licencimi i dy operatorëve të rinj postarë, emisionet e pullave të reja postare, organizimi i Konferencës Ndërkombëtare për Infrastrukturën Brezgjerë të Telekomunikimeve, participimi në projektin e Komisionit Evropian për mbikëqyrjen e sektorit të komunikimeve elektronike dhe shërbimeve të shoqërisë informative, si dhe pjesëmarrja aktive në iniciativat e Këshillit për Bashkëpunim Rajonal.



Limaj tha se me punën, të cilën e ka bërë kjo ministri gjatë këtij viti, është njohur edhe Komisioni Evropian, në raportin e të cilit MTPT-ja është vlerësuar me nota pozitive për zhvillimin e bërë gjatë vitit 2008 dhe 2009. Gjithashtu, një vlerësim pozitiv për këtë ministri e ka dhënë edhe auditori gjeneral. Këto paraqesin tregues, të cilët flasin se në MTPT gjërat kanë ndryshuar në kuptimin pozitiv, andaj pozitivisht janë vlerësuar edhe angazhimt tona.



“Nga informacionet që i kemi marrë, në kuadër të projekteve, të cilat i ka realizuar MTPT, vendit tonë i janë shtuar rreth 5000 vende pune”, tha ministri Limaj, i cili shtoi se vetëm në projektin e autostradës gjatë vitit të ardhshëm në mënyrë të drejtpërdrejtë pritet që të inkuadrohen 4500-5000 punëtorë, ndërsa nëse merren parasysh të gjitha projektet që kjo ministri do t’i realizojë në gjithë vendin, parashihet që të hapen 7000 vende të reja të punës.



Si objektiva të vitit të ardhshëm, sipas ministrit Limaj, janë ekzekutimi i punimeve të Autostradës, dhënia e Aeroportit të Prishtinës me koncesion dhe realizimi i projekteve, të cilat janë paraparë për vitin 2010.

[Llapi]

Përurohet Laboratori i parë Gjeologjik

Mitrovicë, 28 dhjetor 2009 - Ministrja e Energjisë dhe Minierave, Justina Shiroka Pula e shoqëruar nga rektori i UP-së, Mujë Rugova, dekani i Fakultetit Xehtaro-Metalurgjik (FXM), Izet Zeqiri dhe drejtori i Komisionit të Pavarur për Miniera dhe Minerale (KPMM), Azem Rexhaj, në ambiente të FXM-së në Mitrovicë, kanë përuruar të hënën Laboratorin e parë Gjeologjik, për hulumtime të kualitetit të shkëmbinjve dhe mineraleve.

Me këtë rast Ministrja e Energjisë dhe Minierave ka vlerësuar se laboratori Gjeologjik do të ndihmoj në ngritjen e cilësive si dhe kontrollin e materialeve të cilat ky laborator arrin ti analizoj . Ajo ka përgëzuar të pranishmit për interesimin e tyre që pikërisht kjo fushë të avancohet. Me këtë rast dekani i këtij fakulteti, Izet Zeqiri, tha se ky laborator është fryt i bashkëpunimit në mes të UP-së, përkatësisht FXM-së dhe KPMM-së.

“Ngritja e këtij laboratori është i një rëndësie të veçantë për këtë fakultet, meqë në të do të kryhen ushtrimet laboratorike për një numër të madh të studentëve për një numër të madh të lëndëve mësimore të departamentit të gjeologjisë dhe departamenteve të tjera”.

Sipas tij, funksionalizimi i këtij laboratori në këtë kohë kur është riaktivizuar Instituti si njësi për kërkime shkencore, ai fiton një rëndësi të madhe në punën shkencore dhe hulumtuese që mund të bëj personeli akademik duke përdorur pajisjet laboratorike edhe në shërbim të investimeve kapitale të cilat nuk do të ndalojnë në Kosovë.

“Jemi në fazën kur hulumtimet gjeologjike të kryera në Kosovë të analizohen në këtë laborator që të kemi një pasqyrë më reale për pasuri minerale dhe ndërtimore që ka Kosova”.

Dekani Zeqiri tha se pa pajisjet e këtij laboratori do të ishte e pamundur përcaktimi i vetive fiziko-ndërtimore dhe petrologjike të mineraleve të lëndëve të para në industrinë ndërtimore. Ai theksoi se në të do të avancohet puna shkencore dhe hulumtuese e studentëve dhe mësimdhënësve të FXM-së. Zeqiri sqaroi se ky është laboratori i parë i këtij lloj në rajon dhe ka një rëndësi të veçantë për Kosovën. “FXM dhe Fakulteti i Shkencave Teknike të Aplikuara (FSHTA), falë mirëkuptimit dhe marrëveshjeve të lidhura me menanxhmetin e Trepçës, veprimtarinë e vet shkencore dhe mësimore që nga viti 2004 e zhvillon në lokalet e Kompleksit “Trepça”.

Në këtë mënyrë duke pasur parasysh se tani fakulteti punon dhe vepron në kushte më të mira dhe marrë parasysh perspektivën e shfrytëzimit të vendburimeve nëntokësore dhe sipërfaqësore në Kosovë, është shtuar interesimi për regjistrim në fakultet”, tha ai, duke shtuar se në pesë vitet e fundit në vitin e parë të studimeve për çdo vit regjistrohen nga 300 studentë. Ai tha se këtë vit 30 studentë janë regjistruar për master, përderisa 20 të tjerë janë duke vijuar studimet për doktoraturë.

Ndërsa, drejtori i KPMM-së, Azem Rexha, tha se ka projekt ka nisur në vitin 2004 dhe ka kushtuar 360 mijë euro. Sipas tij, qëllimi kryesor ka qenë krijimi i kushteve për kërkime shkencore dhe është vendosur që laboratori të vendoset në FXM. Ndryshe ky laborator kryen analizat respektivisht cilësinë e shkëmbinjve në veçanti llojin i cili përdoret për asfaltimin e rrugëve. Ndërsa hapja e këtij Laboratori është mundësuar me mjete të Qeverisë së Kosovës.



Ministrja Pula me bashkëpunëtorë priti një delegacion nga Sllovenia

Prishtinë, 21 dhjetor 2009 – Ministrja e Energjisë dhe Minierave, Justina Shiroka- Pula, e shoqëruar nga zv/ministri Blerim Rexha, këshilltari Faik Nahi dhe menaxheri i Zyrës së PATEL-it, Lorik Haxhiu, ka pritur një delegacion nga Sllovenia që kryesohej nga Sekretarja e Ministrisë së Ekonomisë të Sllovenisë, Darja Radiq.

Pjesë e delegacionit slloven ishin edhe përfaqësues të Odës Ekonomike të Sllovenisë dhe kompanive të ndryshme si: Vekoslav Koroshec, Oda Ekonomike e Sllovenisë, Matjazh Janezhiq, Holding Elektrana e Sllovenisë, Urosh Mikosh – Komapian IBE, Boshtjan Strmqnik, Korona Power Engineering dhe Kreshimir Bakiq, ELES.

Ministrja Pula ka prezantuar para delegacionit slloven politikat e Qeverisë së Kosovës sa i përket fushës së energjisë dhe minierave dhe projektet kapitale tashmë në zhvillim, mes të cilave Termocentralin “Kosova e Re” dhe Hidrocentralin e Zhurit, si dhe projekte tjera të energjisë së ripërtërishme.

Me këtë rast, Ministrja Pula i ka propozuar Sekretares së Ministrisë së Ekonomisë të Sllovenisë nënshkrimin e një memorandumi të bashkëpunimit mes dy vendeve në fushën e energjisë dhe minierave, gjë që është mirëpritur nga pala sllovene.

“Duke njohur eksperiencën sllovene, ne jemi të gatshëm për bashkëpunim në fushat përkatëse duke krijuar të gjitha kushtet ligjore për investitorët potencialë nga Sllovenia dhe memorandumi do t’i hapte rrugën këtij bashkëpunimi”, tha ministrja Pula.

Nga ana e saj, Sekretarja e Ministrisë së Ekonomisë të Sllovenisë, Darja Radiq, duke shprehur gatishmërinë për bashkëpunim, ka thënë se Sllovenia ka eksperiencë të mirë në fushën e energjetikës, sidomos në politikat e energjisë dhe këtë eksperiencë është e gatshme ta bartë në Kosovë.

Më pas të dy delegacionet kanë shkëmbyer informata lidhur me projektet aktuale të Kosovës në fushën e energjisë me theks të veçantë TC “Kosova e Re” dhe Hidrocentralet, me ç’rast pala sllovene ka prehur interesimin e saj për projektet në fjalë.


Kosova dhe Gjermania diskutojnë përvojat në fushën minerare

Berlin, 15 dhjetor 2009 - Zëvendësministri i Ministrisë së Energjisë dhe Minierave (MEM) dr.Techn Blerim Rexha i shoqëruar nga Ferat Shala drejtor i Trepçës dhe Ilir Morina Drejtor i Agjencionit për Mbrojtje të Mjedisit në kuadër të MMPH –së, kanë qëndruar në Berlin me ç’rast janë takuar me Dr. Werner Stackebrandt nga Agjencioni i Minierave të Republikës së Brandeburg dhe Berlin dhe prof. dr. Frank Riessback nga Universiteti i Humboldtit.

Takimi kishte qëllim diskutimin e përvojave gjermane në ristrukturimin e sektorit minerar në Gjermani në 20 vitet e fundit si dhe këmbimi i përvojave të dy shteteve në këtë fushë. Me këtë rast zv.ministri i energjisë dr. Techn. Blerim Rexha, është shprehur se përvojat gjermane në fushën minerare janë të mirëseardhura dhe si të tilla ato avancojnë përvojat e Kosovës „ Kualiteti i lartë i punës dhe investimet gjermane praktikat gjermane avancojnë fushën minerare të Kosovës dhe një bashkëpunim i tillë është i mirëseardhur „ ka thënë zv.ministri Rexha.

Gjatë qëndrimit në Gjermani delegacioni i Kosovës në krye më zv.ministrin Rexha kanë vizituar edhe Ambasadën e Republikës së Kosovës në Berlin, ku janë pritur nga Ambasadori i Kosovës në Gjermani Vilson Mirëdita, ndërsa janë takuar edhe me përfaqësues të Ministrisë së Ekonomisë gjermane Helge Tolksdorf dhe Petra Gerisch si dhe Gregor Wolf nga Shoqata ekonomike Gjermane-Kosovare. Në takim janë diskutuar zotimet dhe projektet e Qeverisë gjermane në sektorin e energjisë, situata aktuale në këtë sektor dhe mundësia e kyçjes së palës gjermane edhe në reformimin e sektorit minerar në Kosovë.

[veli44]

Keto shkrime te sjellura nga Llapi jane deshmi e veprimit te shikut agjensis serbe te sigurimit dega per Kosmet