Tiranë: Qeveria, shpërblime fundviti për buxhetorët e pensionistët

[Albo]

Hiqet paga e 13, vetëm 10 mijë lekë shpërblim

Këshilli i Ministrave ka vendosur heqjen e pagës së 13-të për të gjithë punonjësit e administratës publike dhe zëvendësimin e saj me një shpërblim prej 10 mijë lekësh. Por edhe ky nuk dihet se kur do të merret. Në fletoren zyrtare është publikuar vendimi i qeverisë në lidhje me këtë çështje, ku urdhërohet që në njësitë e qeverisjes së përgjithshme krijohet fondi i veçantë, në masën 5 për qind të fondit të planifikuar për pagat. "Ky fond përdoret nga drejtuesit e njësive të qeverisjes së përgjithshme për shpërblimin e punonjësve, për rezultate të mira në punë, për dhënie ndihmash të menjëhershme, në raste fatkeqësish, sëmundjesh që kërkojnë ndërhyrje shëndetësore jashtë vendit, për veprimtari social-kulturore, si dhe për rastet e daljes në pension pleqërie", - thuhet në VKM-ë. Sipas tij, shpërblimi për rezultate të mira në punë gjatë vitit, për çdo punonjës, nuk duhet të jetë më shumë se 1 (një) pagë mujore në vit. Përjashtimisht për Drejtorinë e Përgjithshme të Tatimeve, masa e shpërblimit nuk duhet të jetë më shumë se 2 (dy) paga mujore në vit. Në njësitë e qeverisjes së përgjithshme, të cilat janë në fushën e veprimit të ligjit të shërbimit civil, shpërblimi jepet në bazë të rezultateve individuale në punë, sipas parimeve dhe procedurës së përcaktuar në legjislacionin për shërbimin civil. Për DPT-në kriteret e shpërblimit me mbi një pagë përcaktohen sipas udhëzimit përkatës të ministrit të Financave dhe të ministrit të Brendshëm. Të gjitha shpërblimet për rezultate të mira në punë do të përballohen nga fondi i veçantë edhe në rastet kur, sipas ligjeve të veçanta, lindin të drejta specifike të shpërblimit të punonjësve. "Ky rregull nuk zbatohet vetëm kur në ligj janë parashikuar burime të tjera specifike, të ndryshme nga fondi i veçantë i pagave. Në këtë rast, kriteret dhe rregullat e përfitimit të shpërblimeve përcaktohen me udhëzime përkatëse", - thuhet në VKM-në me numër 1151. Për sa i takon shpërblimit të fundvitit, qeveria ka parashikuar që për çdo punonjësi të njësisë së qeverisjes së përgjithshme, në masën 10.000 (dhjetë mijë) lekë, pavarësisht shpërblimit sipas pikës 3 të këtij vendimi.

Albania
17 Dhjetor 2009

[Albo]

Shpërblimi për pensionistët për fundvitin, kategoritë që përfitojnë


Këshilli i Ministrave, gjatë mbledhjes së djeshme, ka miratuar vendimin që përcakton kategoritë që përfitojnë shpërblim me rastin e festave të fundvitit. Në këtë vendim përcaktohet se përfitojnë shpërblim në shumën 2500 lekë personat që marrin pension pleqërie, pension invaliditeti dhe pension familjar. Gjithashtu, në bazë të vendimit të qeverisë, shpërblim përfitojnë personat që marrin pension sipas ligjit “Për pensionet e anëtarëve të kooperativave bujqësore në Republikën Popullore të Shqipërisë”; veteranët e Luftës Antifashiste Nacionalçlirimtare, që trajtohen me shpërblim mujor, sipas ligjit “Për statusin e veteranit të luftës kundër pushtuesve nazifashistë të popullit shqiptar”; personat që marrin pension për merita të veçanta dhe personat që marrin pension të posaçëm shtetëror. Në bazë të vendimit të qeverisë, shpërblim për festat do të marrin edhe personat, që marrin trajtim të veçantë financiar, sipas ligjit “Për një trajtim të veçantë të punonjësve që kanë punuar në miniera, në nëntokë”; personat që përfitojnë trajtim të veçantë financiar sipas ligjit “Për një trajtim të veçantë të punonjësve që kanë punuar në disa ndërmarrje të industrisë ushtarake”; si dhe personat që marrin pension të parakohshëm për vjetërsi shërbimi, sipas ligjit “Për sigurimin shoqëror, suplementar, të ushtarakëve të Forcave të Armatosura, të punonjësve të Policisë së Shtetit, të Gardës së Republikës, të Shërbimit Informativ të Shtetit, të Policisë së Burgjeve, të Policisë së Mbrojtjes nga Zjarri dhe të Shpëtimit e të punonjësve të Shërbimit të Kontrollit të Brendshëm në Republikën e Shqipërisë”.

Albania
17 Dhjetor 2009

[Albo]

Qeveria mundëson shpërblimet e fundvitit për pensionistët dhe punonjësit e institucioneve buxhetore

- Pavarësisht krizës ekonomike dhe rritjes së parakohshme të rrogave, Ministria e Financave siguroi fondin prej 15 milion dollarësh, nga i cili do të bëhet i mundur shpërblimi prej 25 mijë lekësh për pensionistët, si dhe shpërblimin e fundvitit për punonjësit e administratës, shpërblim i cili për rrogat e ulëta të administratës do të jetë 150 mijë lekë dhe për rrogat e tjera do të jetë 100 mijë lekë.

Kryeministri Berisha bëri të ditur sot në mbledhjen e Këshillit të Ministrave se qeveria do të mundësojë shpërblimet e fundvitit për pensionistët dhe punonjësit e institucioneve buxhetore. “Ndryshe nga titujt me germa kapitale, me të cilat janë hapur disa të përditshme sot, qeveria qëndron dhe do t’u dërgojë pensionistëve shqiptarë, si dhe punonjësve të administratës kartolinën e viti të ri.”

Kryeministri u shpreh se pavarësisht disa vështirësive, të cilat nuk mund të shpërfillen si kriza nga njëra anë dhe rritja e e parakohshme e rrogave, Ministria e Financave pas një shqyrtimi të kujdesshëm të burimeve ia ka dalë të sigurojë një fond prej 15 milion dollarësh, nga i cili do të bëhet i mundur shpërblimi prej 25 mijë lekësh për pensionistët, që do të shpërndahet brenda këtyre ditëve. “Nuk mund të injorohen vështirësitë e krijuara nga kriza nga njëra anë dhe nga fakti tjetër se për shkak të zgjedhjeve në mënyrë që të mos mund të lidhej rritja e rrogave dhe pensioneve me votën, ne u detyruam kësaj radhe të avanconim dy muaj para, rritjen e rrogave dhe pensioneve. Pra normalisht rritja bëhet një herë në vit dhe i takonte që të fillonte në një korrik. Këtë vit për të ruajtur etikën në raportin e pagave me zgjedhjet ne u detyruam ti japim dy muaj para.

Së dyti, rritja e këtij viti është rritja më e madhe në historinë e vendit , me një faturë të fuqishme ndërkohë kur në vende të tjera rrogat për shkak të krizës pësuan rënie nga 6 në 12 dhe 14 %. Pavarësisht nga kjo situatë ministria e Financave pas një shqyrtimi tërësor të burimeve ia ka dalë të sigurojë 15 milion dollarë si shpërblim për pensionistët dhe këto do të jenë 25 mijë lekë për pensionist.”

Në këtë kontekst, kryeministri theksoi se janë jo të pakta vendet, të cilat këtë vit nuk do të shpërndajnë shpërblime në fundvit, apo vende të tjera ku kjo shumë do të jetë 12 euro dhe do të jepet në muajin janar.

Kryeministri gjithashtu përgënjeshtroi zërat se qeveria ka bllokuar pagat për zyrtarët, duke bërë të ditur se Ministria e Financave ia ka dalë të garantojë shpërblimin e fundvitit për punonjësit e administratës, shpërblim, i cili për rrogat e ulëta të administratës do të jetë 150 mijë lekë dhe për rrogat e tjera 100 mijë lekë. “Dua të theksoj se nuk ka as edhe një zyrtar të vetëm të të gjithë piramidës shtetërore të vendit që nuk ka marrë rrogën. Ky është një mashtrim i bazuar në gënjeshtrën. Buxheti ka disponuar të gjithë shumën e nevojshme për pagat, pa asnjë lloj mëdyshje. Buxheti, Ministria e Financave ia kanë dalë gjithashtu të garantojnë shpërblimin e fundvitit për punonjësit e administratës, shpërblim i cili për rrogat e ulëta të administratës do të jetë 150 mijë lekë dhe për rrogat e tjera do të jetë 100 mijë lekë. Edhe ky do të shpërndahet në harkun kohor të ditëve që vijnë. Nuk shtyhet për në janar. Qeveria nuk ka bllokuar asnjë pagë, por qeveria ka pranuara të respektohen afatet ligjore në dhënien e pagave . Kështu që asnjë punonjës nuk ka që nuk e ka marrë pagën. Të gjithë do të marrin pagën në janar siç duhet. Shpërblimin do ta marrin gjatë këtyre ditëve në mënyrë që të mund të festojnë vitin e ri më mirë në shtëpitë e tyre. Pra ky është një dekret që ne miratojmë sot dhe në mënyrë që ai të hyjë në fuqi menjëherë dhe të mund të lëvrohet kartolina e vitit të ri që qeveria u dërgon pensionistëve dhe qytetarëve.”

Kryeministria
16/12/2009

[njemik]

e ci duan me shume. boll i kane. kalit te falur nuk i shihen dhembet. ti thon faleminderit salit qe po ju jep edhe aq se un te isha as rogat su jepja. rin gjith diten ne kafene dhe merziten pse si dha rog te 13 por vetem 10.000 lek. ptu far e keqe

[davidd]

Po mbushen tre muaj që mësuesit e dispozicionit, nuk kanë marrë ende asnjë gjysëm leku për shërbimin që u kanë ofruar nxënësve. Po mbushen tre muaj që këta argatë fatkeqë shtyjnë ditët, gojëkycyr prej zorit se po të ndjehen për rrogën që u takon. Ndaj mësuesit nuk flasin, por ne i themi Sali Berishës jepu rrogat ose largohu.

Sali Berisha harxhoi 2 milion euro vetëm për banderola, me papërgjshmërinë e tij la pa rroga gjithë mësuesit me kontratë.

Sikur të mos mjaftonin grevat studentore të urisë, mësuesit e marrë peng nëpër mitingje komuniste apo të flakur në mes të katër rrugëve se nuk u binden borive ogurzeza të këtij palo ahegnxhiu, sikur të mos mjaftonte rreshti i stërgjatë i mësuesve të papunë, sot edhe ata mësues të punësuar, u dashkan t’i shërbejnë veresie shefit të analfabetizmit, e të mbajnë barkun me dorë, ata dhe fëmijët e tyre, pasi rrogave nuk po u duken gjurmët.
Ne i themi Sali Berishës që rroga për ty nuk është asgjë përballë fitimeve të shumta që të sjell biznesi i kryeministrit, por për familjet të cilat jetojnë me punë të ndershme rroga është jetë dhe mbijetesë. Ndaj të bëjmë thirrje jepu rrogat ose largohu.

Sali Berisha, ke përdhosur e po përdhos si mos më keq një nga figurat më të shtrenjta të këtij kombi – mësuesin. Jepu sot këtyre burrave e grave rrogën që u takon me ligj e me të drejtë, ose përndryshe përgatitu të ikësh me turp, duke marrë mbi shpinë gjithë neverinë dhjetëra mijëra arsimtarëve që sot, vec tjerash, të tregojnë me gisht edhe si njeriun që i vuri kazmën arsimit në Shqipëri. Jepu rrogat mësuesve Sali Berisha ose largohu.

ZP

[Brari]

po i qan hallin mesuesve.. zp-ja..
uë..
zp-ja qe coj ne litar e biruca e gulage mijra inxhiniere doktore gjeologe piktore kompozitore profesore e klerike me nga 7 universitete.. per cfar..per qejf te bandes me nick..biro politike e per nder te mustaqeve te stalinit..

ik moj zp e felliqur..
ala ja prish ajrin shqiptareve moj krokodile.. e pantere e zeze..

[Albo]

Pensionet, sot nis shperndarja e shperblimeve per festa

Blerina Hoxha
E Marte, 22 Dhjetor 2009

Nga sot do te nis shperndarja e shperblimit per festen e fundvitit per te gjithe pensionistet, sipas vendimit qe ka marre qeveria per kete qellim. Lajmin e kane dhene burimet zyrtare te Institutit te Sigurimeve Shoqerore. Sipas vendimit ne fjale, te gjithe pensionistet do te mund te terheqin ne sportelet e postes shperblimin prej 2500 lekesh, duke nisur nga dita e sotme deri me 31 dhjetor. Per te mos krijuar probleme ne shperndarjen e pensioneve si dhe ne perfundimin e dhenies se ketij shperblimi, ISSH-ja ne bashkepunim me Posten Shqiptare ka hartuar nje grafik, i cili do te mundesoje shperndarjen pa probleme deri ne fund te dhjetorit. Nga ky vendim do te perfitojne 554.900 mije pensioniste. Vendimi i qeverise perfshin personat qe marrin pension pleqerie, invaliditeti, familjar, pensione te posacme. Gjithashtu ne kete vendim, perfshihen veterane te Luftes Antifashiste Nacionalclirimtare, kur nuk perfitojne pension tjeter, trajtime te vecanta si punonjes te nentokes dhe industrise ushtarake, si dhe ish-ushtaraket dhe punonjesit e Policise se Shtetit qe perfitojne pension te parakohshem per vjetersi sherbimi. Sipas ketij grafiku, pensionistet do te marrin nga ora 08.00 e deri ne oren 13.00 pensionin ne daten e caktuar, si dhe shperblimin perkates, nderkohe qe pas ores 13.00 e deri ne oren 20.00, do te jepet shperblimi per ata pensioniste qe u ka kaluar data e terheqjes se pensionit. Keshtu, sipas grafikut te ISSH-se, sot do te marrin pensionin personat qe kane daten e terheqjes se pensionit, ndersa pas ores 13:00 do te marrin shperblimin pensionistet qe e kane marre pensionin ne daten 1 dhe 2 dhjetor. Pra, me kete grafik do te punohet deri ne perfundimin e shperndarjes se mases prej 2500 lekesh deri ne fund te muajit dhjetor, qe shperblimi te merret nga pensionistet para festave te fundvitit. Efekti financiar vetem per shperblimin e pensionisteve arrin ne shifren 1.387.200 000 leke, ose mbi 15 milione dollare. instituti i Sigurimeve Shoqerore thekson edhe njehere se asnje prej pensionisteve nuk duhet te shqetesohet nese nuk do te arrije te terheqe shperblimin brenda ketyre datave, pasi do te mund te marre edhe pas vitit te ri shperblimin e percaktuar nga qeveria, ashtu sic ka ndodhur edhe ne vitet e shkuara.

Shperblimi do te terhiqet sipas ketij grafiku:

- 22 dhjetor marrin shperblim datat e pensioneve te 1 dhe 2 dhjetor

- 23 dhjetor marrin shperblim datat e pensioneve te 3 dhe 4 dhjetor

- 24 dhjetor marrin shperblim datat e pensioneve te 5 dhe 6 dhjetor

- 25 dhjetor marrin shperblim datat e pensioneve te 7 dhe 8 dhjetor

- 26 dhjetor marrin shperblim datat e pensioneve te 9, 10 dhe 11 dhjetor

- 27 dhjetor marrin shperblim datat e pensioneve te 12, 13 dhe 14 dhjetor

- 28 dhjetor marrin shperblim datat e pensioneve te 15, 16 dhe 17 dhjetor

- 29 dhjetor marrin shperblim datat e pensioneve te 18, 19 dhe 20 dhjetor

-30 dhjetor marrin shperblim datat e pensioneve te 21 dhjetor

si dhe ata qe nuk kane mundur t'i terheqin brenda datave te caktuara ne kete kalendar

-31 dhjetor ata qe nuk kane mundur t'i terheqin brenda datave te caktuara ne kete kalendar

KJ

[davidd]

Bllokohet "shpërblimi" për pensionistët
TIRANË- Qeveria ka premtuar një shpërblim minimal për 570 mijë pensionistët shqiptarë por edhe kjo shumë duket se do të merret pas Vitit të Ri.

Në kulmin e krizës ekonomike kur qeveria nuk ka më mundësi për të dhënë pagat mujore e jo më shpërblime për festat e fundvitit, kryeministri Berisha premtoi të hapte qesen duke shpërndarë nga 2500 lekë për çdo pensionist.

Premtimi u bë në mbledhjen e qeverisë por deri më tani nuk është ndërmarrë asnjë hap për ta vënë në zbatim.

Instituti i Sigurimeve Shoqërore është institucioni që duhet të planifikojë dhënien e shpërblimit të fundvitit për të gjithë pensionistët shqiptarë. Ai do të jepet së bashku me pensionin mujor në zyrat e postës.

Të kontaktuar nga "Shekulli", burimet e ISSH-së pohuan se ende nuk kanë nisur të hartojnë grafikun e shpërndarjes së shpërblimeve të fundvitit sepse nuk ka asnjë vendim konkret për këtë.

"Ministria e Financave, pas një shqyrtimi tërësor të burimeve ia ka dalë të sigurojë 15 milionë dollarë si shpërblim për pensionistët dhe këto do të jenë 25 mijë lekë për çdo pensionist",- ka thënë kryeministri Berisha në mbledhjen e qeverisë të zhvilluar enkas për këtë gjë.

Por premtimi i kryeministrit nuk ka asnjë efekt për institucionet e tjera, të cilat duhet të shohin vendimin e qeverisë dhe më pas të nisin punën.
"Ende nuk ka nisur planifikimi i shpërblimeve të fundvitit.

Ai do të kryhet sipas një grafiku të paracaktuar por nga ana jonë nuk ka nisur puna pasi nuk ka një vendim konkret. Duhet që të dalë vendimi nga qeveria, të publikohet në fletoren zyrtare dhe më pas ne të nisim procedurën e shpërndarjes, e cila do të kryhet nëpërmjet zyrtave të postës",- thanë burimet e ISSH-së. Ato shpjeguan se pa pasur në dorë një vendim të shkruar nuk mund të nisin procedurat.

Problemit komplikohet edhe për efektin kohë. Vitin e kaluar Instituti i Sigurimeve Shoqërore nisi shpërndarjen e shpërblimeve më datë 20 dhjetor por deri më datë 31 dhjetor nuk u bë e mundur shpërndarja e të gjitha shpërblimeve.

Sportelet e postës u mbipopulluan nga pensionistë, të cilët kanë pritur me ditë në radhë ose janë detyruar që të fusin miq për të marrë shpërblimin që u takonte. Një pjesë e tyre i kanë marrë shpërblimet në janar. Kjo "anomali" u krijua për faktin që janë 570 mijë njerëz dhe koha ishte shumë e pakët.

Dje data shënoi 20 dhjetor dhe qeveria nuk ka nisur ende punën për shpërblimin e pensionistëve. Institucionet janë në pritje të fletores zyrtare ku do të publikohet vendimi dhe më pas do të përcaktojnë datat.

Në këto kushte duket se pensionistët shpërblimin minimal prej 2250 lekësh (250 lekë është tatim që mbahet nga shteti) do e marrin në janar të vitit të ardhshëm. Në janar pritet që të merren edhe pagat e shpërblimet nga institucionet e tjera shtetërore pasi për momentin thesari i shtetit nuk ka para.
**************************************

Shpërblimet do të merren në zyrat e postës së bashku me pensionin. Ja procedura për ata që iu ka kaluar data

Skema e ISSH-së për shpërblimet

TIRANË- Burimet e ISSH-së shpjeguan se procedura që do të ndiqet për 570 mijë pensionistë është një skemë e përgatitur që vitin e kaluar por e cila kërkon disa ditë që të aplikohet. Ashtu si në vitet paraardhëse, edhe këtë vit, shpërblimet për pensionistët do të tërhiqen në zyrat e Postës Shqiptare.

Ditën e parë që do të nisë shpërndarja e shpërblimeve të fundvitit (në varësi të publikimit të vendimi të qeverisë) do të bëhet shpërndarja me dy turne.

Nga ora 08.00 deri në 13.00 të ditës së parë në sportelet e Postës Shqiptare do të paraqiten personat, të cilët kanë datën e tërheqjes së pensionit, të cilët krahas pensionit të përhershëm, do të mund të marrin edhe shpërblimin prej 2500 lekësh të akorduar nga qeveria.

Ndërkohë nga ora 13.00 deri në 16.00 në sportelet e postës do të paraqiten personat që kanë marrë pensionin në datat 1, 2 dhe 3 dhjetor 2009. Ditën e dytë kjo procedurë do të funksionojë për ata të moshuar që kanë tërhequr pensionin në datat 4, 5 dhe 6 dhjetor, e kështu me radhë, duke bërë të mundur shpërndarjen e plotë brenda një periudhe 10 ditore.
Me këtë skeme të Institutit të Sigurimeve Shoqërore, duhen minimalisht dhjetë ditë për të shpërndarë të gjitha shpërblimet e fundvitit. Vitin e kaluar kjo periudhë nuk mjaftoi dhe një pjesë e pensionistëve marrin shpërblimin në janar. Këtë vit, edhe sikur vendimi i qeverisë të zbardhet e të publikohet sot në fletoren zyrtare, nuk mjafton koha për të shpërndarë paratë brenda vitit.

Nga dolën paratë e shpërblimit
Në total qeveria ka parashikuar që fondi i shpërblimeve të fundvitit të jetë 14 miliardë lekë. Por për të gjetur këtë fond qeverisë i është dashur të rrëmojë në arkat e ministrive apo institucioneve të tjera të varura prej saj.

Kësti i parë prej 900 milionë lekësh përbëhet nga 115.000.000 lekë nga fondi rezervë; 300.000.000 lekë, nga fondet e planifikuara për pagesat e interesave të huaja; 485.000.000 nga fondet e planifikuara në buxhetin e Ministrisë së Mbrojtjes. Kësti i dytë pesëqind milionë lekë do të merret nga fondet e programuara në buxhetin e ISSH-së, për vitin 2009.

Urdhri i Bodes pasi Thesari i Shtetit konfirmoi faktin që nuk kishte më para
Nuk ka para, qeveria bllokoi pagat e dhjetorit
Në datë 14 dhjetor, vetëm një ditë përpara se të niste shpërndarja e pagave të 15-ditëshit të parë të muajit, të gjitha zyrat e financës në institucionet shqiptare janë njohur me një vendim të ministrit Bode, i cili pezullonte dhënien e pagës dhe shpërblimeve për punonjësit.

"Me urdhër të Ministrit të Financës dhe me porosi të zv.ministrit, Z. Haldeda, urdhërohen të gjitha degët e thesarit që të bllokojnë plotësisht përdorimin e fondit të veçantë për të gjitha institucionet, deri në daljen e VKM, i cili do të përcaktojë mënyrën e përdorimit të këtij fondi. Nga ora 08:00 e ditës së hënë, ky urdhër do të jetë objekt monitorimi, auditimi dhe kontrolli në periudhat në vazhdim.

Në rast se do të vërehen përdorime të fondit të veçantë pas këtij njoftimi, punonjësit e degëve të thesarit do të ngarkohen me përgjegjësi", - thuhet në urdhrin e ministrit Bode.

Ndër të tjera, në urdhër theksohet se duhet të njoftohen të gjitha degët e thesarit që në mënyrë absolute të mos kalojnë pagesa të fondit të veçantë. Por, pjesa më e hidhur për të gjithë punonjësit e administratës ishte fjalia e fundit e këtij urdhri.

"Me porosi të drejtorit të Thesarit, ju sqaroj edhe një herë se pagat e muajit dhjetor 2009 (mujore ose 15-ditëshit të parë ose të dytë) do të ekzekutohen vetëm në janar 2010", - thuhet në fjalinë e fundit të urdhrit të ministrit të Financave, Ritvan Bode.
shekulli//21/12/2009

[Anesti_55]

Mua me duket se kjo forme shperblimi ku te gjithe puojnesit jane pjese e shperblimit nuk eshte e drejte.Shperblimi behet per te stimuluar individin , per ta nxite ate per pune, por nese nuk ka diferenca dhe te gjithe shperblehen njesoj, kjo nuk e luan rrolin e saj, pasi nuk kemi gare.Une mendoj se kjo eshte nje forme komuniste e cila duhet hequr.Cfar kane bere pensionistet per ti shperblyer?Kane ndejtur urte?Jo shprehja shperblim eshte sa e pa vend po aq dhe fyese.Quheni dhurate por jo shperblim.

[MaDaBeR]

Anesti, nuk besoj se kjo forme shperblimi qe ti thua te perdoret ne festat e fundvitit. Ne kete rast nuk ka shperblime per te stimuluar punonjesit, por shperblimet e fundvitit sipas mendimit tim jane nje kartoline apo dhurate qe shteti u ben taksapaguesve te vet me rastin e festave me te medha per familjet, dhe i shperblen ata per 1 vit pune.

Sa per shperblimet, kete vit ishin teper simbolike. Ndoshta ka ndikuar dhe renia e ritmit te rritjes ekonomike ne kete aspekt. Po psh, per pensionistet 2.500 leke te reja nuk jane as nje çerek gjeli. Ose per buxhetoret, 9.000 leke jane teper pak. Per mendimin tim duhej dhene page e 13. Por ky nuk eshte nje vit elektoral dhe qeveria ka menduar se do ti kenaqe buxhetoret e pensionistet edhe me keto vlera simbolike.