Pallati X

[Çaushi]

MALLI

E për kë nuk kemi mall
Për të gjith' që na mungojn'
Her' të heshtur her' me fjal'
Shpirtrat tanë i kërkojn'

Her' një lot dhe na rrëshket
Kur një tuf' lule u çojm'
Malli rritet sa një det
Dhe me shpirt prap i kërkojm'

Edhe pse e dim' që s'kthehen
Po për një çast dhe dyshojm'
Për një çast shpirtrat "gënjehen"
Hedhim syt prap i kërkojm'

Beso i dashur Mik!
Te pergezoj per artin poetik qe ke...ky malli yt ... per pak kohe me permalloj dhe mua ...rrofsh Beso !

ps/ Beso , po na mungon shumeeeee tek tema e xhaxhit Agim, duhet ta dish...!?

[Besoja]

Përshëndetje mik Çaush!
Gëzoj që jeni mirë dhe të falenderoj që më vizitoni.
Kam munguar shumë por do paraqitem me një autokritikë mjaft të fortë sa do tju bëj të mallëngjeheni fare.....ehehehehe.....mirë o mirë.....
Gjithë të mirat!

[Besoja]

KTHEHU ME DALLËNDYSHET

Ja shkriu edhe dëbora
Iku porsi dhe ti
Në dor' kitarën mora
Të t'këndoj një "elegji"

Dhe notat më trishtojnë
Një lot në syt e mi
Dhe gishtat më tradhtojnë
S'munden për elegji

Dhe bora iku tutje
Ashtu porsi dhe ti
Në shpirt shkruar kam lutje
Kthehu në ke perëndi

Pse s'gjete tjetër stinë
Pse dimrin zgjodhe ti
Kur dallëndyshet vinë
Kthehu kthehu dhe ti

[mondishall]

Beso, nëse ke ndonjë të njohur muzikant, do ta ndihmoje vërtet me vargjet e tua për kënge muzike të lehtë, po dhe serenate. Unë disa nga poezitë e tua, i këndoj. Urime!
--------------------------------------------------
Të krijosh domethëne...të krijosh.

[Besoja]

Përshëndetje Mondi!
Të falenderoj si gjithmonë.
Janë pothuajse 15 poezi të miat që janë kompozuar.
Me respekt

[Besoja]

MË THUAJ....PRIT

Tani nuk di për çfar’ t’këndoj
Nuk di se ç’varg të them për ty
Se pa kënduar s’mund t’jetoj
Por dhe pa shkruar s’mund të rri

Se kënget s’di ku m’i ke shpën’
Dhe vargjet shpirtin m’i ke marr’
Tash të gjitha gjethet kan’ rën’
Tash s’çelin lulet në behar

Eja që prap të çelin lulet
Gjethet mos rrin’ mbi trotuar
Mbi pemë prap një zog të ulet
Dhe shpirtin mbushma si më par’

Ishte ky dimër mbi të tjerë
Të ftoht’ e ngrica dhe në shpirt
Po eja sillmë pak pranverë
Në një mesazh më thuaj “PRIT”

[Agim Metbala]

Nuk di tani për çfar' të këndoj
Se shpirtin ëndrrat m'i ke marr

Përshëndetje mik, unë kam shkruar një poezi në këtë temë dhe e kam titulluar "THEJE LAPSIN"...
Po i parafrazoj dy vargje (atëherë kur kam humbur frymëzmin, atëhwerë kur kam thënë se s'kam më çër çka të shkruaj...)

...Sa herë e kam thyer lapsin
ai është shumëzuar në mënyrë gjeometrike...

[Besoja]

Përshëndetje Gimi!
Të falenderoj që jeni vizitor i përhershëm i faqes time.
Me respekt

[Besoja]

DHE ËNDRRAT VDESIN DALNGADAL’


Kam mbetur vetëm në shëtitje
Në mbrëmjet e qytetit ton’
Kaluan oh sa shumë vite
Që ajo më s’më shoqëron

E vazhdoj eci i menduar
Në një vetmi si çmënduri
Si vall’ kështu i dashuruar
Si vall’ kështu pa dashuri

Ndaj kur vjen mbrëmja në qytet
S’di ku të shkoj të them një fjal’
Ajo s’më sheh e më s’më flet
Dhe ëndrrat vdesin dalngadal’

Kam mbetur vetëm në shëtitje
Askush më nuk ma heq mërzin’
Një shekull plot zgjati kjo pritje
Në shoqëri kam veç vetmin’

[Besoja]

PRINDËRVE TË MI

Mu kujtuat përsëri
Ashtu si gjithmon'
O të mir' e të urtët e mi
Kjo zemër s'ju harron

Dhe ju mbaj në zemrën time
Ashtu si më par'
Se më jepnit shum' gëzime
Më sillnit behar'

Se më zbutnit ju çdo hall
Çdo breng' a mërzi
Ndaj për ju e kam një mall
O të mirët e mi

Mu kujtuat përsëri
Ndryshe s'mund të jet'
Për ju mbaj një dashuri
Sa për mijra vjet