Kur politika përzihet me futbollin, sipas shtëpisë evropiane dhe asaj botërore të futbollit duhet të pasojnë dënimet. Rast më i freskët për implikimin e politikës në futboll është transparenti i publikuar në ndeshjen e të tetës së finales të Ligës së Kampioneve mes Olimpiakosit dhe Çelsit. Në këtë përballje tifozët grek duke mbështetur miqtë e tyre, tifozët serbë kanë vendosur që në një prej tribunave të tyre të vendosin edhe mbishkrimin në anglisht “Kosovo is Serbia” (Kosova është Serbi). Në stadiumin “Jorgos Karaiskakis” në Athinë grekët në atë mbrëmje ishin bërë më patriotë se vetë serbët, duke marrë guximin që të publikonin një transparent me mesazh politik që mundë t’i kushtojë dënim edhe vetë klubit. Për të përditshmen serbe “Kurir”, një prej udhëheqësve të grupit të tifozëve të Crvena Zvezdës ka shprehur falënderim për këtë gjest të tifozerisë greke.
“Grekët kanë pasur dëshirë që neve të na shprehin mbështetje në ndeshjen kundër Çelsit. Disa nga tifozët tanë kanë shkuar deri në Athinë për këtë qëllim, por nuk e kanë ditur se do të publikohej ai transparent. Duke pasur parasysh miqësinë 20 vjeçare, ka qenë e logjikshme të fitojmë këtë përkrahje”, ka thënë përfaqësues i grupit të tifozëve “Delia”. I pyetur nga po kjo gazetë me çfarë mirësie do t’ia kthejnë këtë gjest përkrahës grekëve, tifozi serb ka thënë se kur do të ketë nevojë do ta bëjnë një gjë të tillë. Ai ka përmendur edhe përkrahjen që iu është dhënë tifozëve të Olimpiakosit në ndeshjen të zhvilluar për nderë të viktimave nga zjarri që kaploi Greqinë vitin e kaluar.
Ndikimi i tifozerisë serbe në arenën ndërkombëtare dhe provokimi me porosi politike nuk është i panjohur për opinionin e gjerë. Tifozët serbë kishin arritur që në ndeshjen e vitit të kaluar mes Maqedonisë dhe Rusisë në Shkup të publikojnë një transparent të ngjashëm ku shkruhej “Kosova është tokë e Serbisë” (Kosovo je srbska zemlja)”.
UEFA sigurisht se duhet të marrë ndonjë vendim për ndalimin e përhapjes së implikimit të politikës në botën e futbollit. Ndryshe, edhe pse kishte pasur një paralajmërim se mundë të dënohet Maqedonia për mosefikasitetin e organizimit të asaj ndeshje me Rusinë, një gjë e tillë nuk ka ndodhur deri më tani.
%20transparenti%20ne%20greqi.jpg)
Përgjigju Duke Cituar
keshtu qe perpara Shqiptari
Postuar më parë nga Vjosa
Krijoni Kontakt