Emigracioni në Angli__Lajme të ndryshme.

[Sokoli i Malit]

Mjerisht keso genjeshtrash nder ma te ndryshme ndegjojm per dite ne gjygjet e emigracionit,nga emigrant te ndryshem,ku krijojn gejeshtra se jan te perndjekur,te perbuzur apo te dhunuar tu perdor : fen,besimin,gjinin,orientimin sekseksual,partit,krahinat,dhe cka asht ma e pabesushmja; jan ne gjendje me marr verifikime nga zyrat e shtetit shqiptar apo te kosoves ,ku verifikohen genjeshtrat e tyre nga ma te ndryshmet.Atehere cuditemi se pse shum shtete nuk ju besojn shkresave apo premtimeve Zyrtare apo dhe diplomave te marruna atje,ku gjdo dokument mund te merret per ca Lek apo Euro.

[Shijaksi-London]

Viktima polake “Më dërguan SMS kërcënues mos të dëshmoja në gjykatë”

17 vite burg 2 tutorëve shqiptarë

E përdhunonin dhe e rrihnin nëse nuk sillte 800 stërlina në natë


Nga Lodra
Muhamed Veliu

Dy shqiptarë që tentuan të bëheshin të patur duke përfituar shuma të mëdha parash nga shfrytëzimi si prostitut të një vajze polake, në shtëpitë publike të Anglisë, janë dënuar me 17 vite burg në total.
Stefan Berdufi 38 vjeç me profesion baçevan do të brakstiste profesionin e kujdesjes së luleve, për t’ju përkushtuar zanatit më vjetër në botë.
Përmes forcës ai detyroi 24 vjeçaren polake të punonte për llogari të tij.Gjykatësi çështjes do ta dënonte me 10 vjet heqje lirie.
Ndërsa bashkëpuntori 20 vjeçar, Agim Qosja do të dënohej me 7 vite burg.
Studentja polake u trafikua në Angli, në Korrik të 2006 duke u blërë nga dy shqiptarët.
Bërdufi është gjetur fajtor nga juria procesit në akuzat e trafikimit të personit për qëllime prostitucioni, kontroll prostitucioni për qëllime përfitimi, përdhunim si dhe kërcënim.
Ndërsa Qosja është gjetur fajtor për përdhunim dhe ngacmim seksual. Gjatë procesit ai kishte pranuar akuzat për trafikim personi për qëllime prostitucioni dhe kontroll prostitucioni.
Sipas prokurorit të çështjes të dy shqiptarët kanë përdhunuar në mënyrë sitematike viktimën duke e detyruar të prostituojë për llogari të tyre nëpër shtëpi publike.
Ata e kërcënuan atë se nëse do t’u ikte do ta vrisnin atë.Ajo do të shpëtohej nga policia. Duke dhënë dëshmi në gjykatë viktima tregoi se ajo ishte dhunuar në mënyrë sistematike. “Rrihesha nësa nuk u dorëzoja 800 pand në natë” ka thënë ajo.
Gjatë fillimit të procesit gjyqësor shokë të Bërdufit dhe Qoses do ti dërgonin një mesazh “SMS” ku shruhej se ishte dërguar nga “mafia shqiptare”. Mesazhit i kishin bashkangjitur një foto ku dukej një gurr varri me emrin e saj dhe të motrës gdhendur mbi të.Kjo në formë presioni për mos të dëshmuar në gjykatë.Pamvarsisht nga ky kërcënim për pesë ditë me radhë ajo do të dëshmonte para gjykatës,kalvarin e vuajtjeve nën shfrytëzimin e shqiptarëve.
Gjykatesi Neil Stewarte ka cilësuar shfrytëzimin e polakes si akt i pastër skllavërie i patolerushëm për shoqëritë moderrne që ndëshkohet me burg për ata që marrin guximin të përfshihen në një krim të tillë.
Ai rekomandoi dëbimin e dy shqiptarëve në fund të dënimit.

[Shijaksi-London]

Dënohen dy shqiptarë në Londër, grabisnin prostitutat tajlandeze

U merrnin paratë, varëset dhe unazat e floririt, duke i kërcënuar me thika

Nga Londra
Muhamed Veliu


Gjykata e Krimeve "Southwark Crown Court" në Londër ka dënuar me 16 vjet burg në total dy shqiptarë, të cilët terrorizonin duke u vënë thikën në grykë prostitutave tajlandeze për t‘i grabitur.

Geni Burhani, gjatë periudhës nëntor 2006-janar 2007 kishte grabitur tre prostituta nga Tajlanda në apartamentet e tyre në lagjen "Bayswater", ku ato ushtronin prostitucion. Në grabitjen e 8 nëntorit 2006, 24-vjeçari Burhani përdhunoi një prostitutë, e cila në gjykatë kur dha dëshmi, u njoh si "dëshmitarja Pinki". Në këtë grabitje mori pjesë edhe Artur Krasniqi, duke bërë roje poshtë apartamentit ku po grabiste Burhani. Si bashkëpunëtor në krim kjo do t‘i kushtonte rëndë.

Gjykatësi, duke lexuar masën e dënimit ndaj dy shqiptarëve, i cilësoi krimet e tyre si të paramenduara, duke traumatizuar këto vajza, të cilat si mjet jetese kishin zgjedhur prostitucionin. Përdorimi i thikave për të frikësuar viktimat ka qenë një tjetër aspekt që gjykatësi ka analizuar e që do të reflektonte më pas në masën e dënimit. Duke i cilësuar shqiptarët si të rrezikshëm për publikun britanik, në fund të dënimit ai rekomandoi dëbimin e tyre. Për tre grabitje dhe një përdhunim, Geni Burhani u dënua me 10 vjet burg. Artur Krasniqi, 27 vjeç, i dënuar më parë për rrahje, do të vuajë në burgjet britanike 6 vjet burg. Ai kishte fituar leje qëndrimi përgjithmonë në Angli në 3 shtator 2001. Burhani jetonte ilegalisht, pasi "Home Office" i kishte refuzuar kërkesën për azil dhe kishte humbur të dyja gjyqet e apelit në gjykatat e emigracionit.

Të dyja viktimat kanë dhënë dëshmi në gjykatë kundër shqiptarëve, ndërkohë që policia ka ofruar prova ADN-je që i përkisnin dy grabitësve. Burhani i ka mohuar akuzat, ndërsa Krasniqi ka thënë se ai ishte përdorues i rregullt prostitutash dhe kurrë nuk ishte përfshirë në grabitje.

Nga hetimi policor i disa grabitjeve të ngjashme në zonën Bayswater, e njohur si një lagje londineze me shumë shtëpi publike, rezultoi se dëshmitë e dy viktimave jepnin tipare të ngjashme të grabitësve. Ai shkonte si klient, duke lënë takim me agjencitë e prostitutave përmes telefonit, pastaj kryente grabitjen. Më 8 nëntor 2006, Geni Burhani do të grabiste prostitutën Phornip Nguathaisoung, duke i marrë 550 paund, 2 varëse floriri dhe një byzylyk.

Pasi është siguruar se nuk do të dilte duarbosh nga apartamenti i saj, ai e ka përdhunuar. Në grabitjen e dytë, regjistruar më 13 dhjetor 2006, është identifikuar nga policia si autor përsëri Burhani. Viktima e radhës ishte Lin Kewdongjel, të cilës i mori vetëm celularin dhe një unazë. Për të dytën herë, Burhani do të organizonte grabitjen e Phornip Nguathaisoung. Kësaj here, ai nuk ishte vetëm. Mbrëmjen e 12 janarit 2007, me të kishte ardhur në grabitje Artur Krasniqi, i cili do të bënte roje poshtë shtëpisë. Viktima e ka njohur Burhanin nga grabitja e parë. Ai e ka kërcënuar me thikë se do ta vriste po të bërtiste dhe është hedhur nga kati i tretë i apartamentit, duke u kapur pas një shtylle elektrike. Nga kjo grabitje shqiptarët do të përfitonin 375 paund dhe dy celularë. Një kalimtar telefonoi përmes numrit të emergjencës kur pa tajlandezen e varur, e mbërthyer pas shtyllës që kërkonte ndihmë.

Nuk është hera e parë që drejtësia britanike dënon shtetas shqiptarë për krimin e grabitjes së prostitutave tajlandeze. Vitin e shkuar, "St Albans Crown Court" dënoi me dhjetë vjet burg 22-vjeçarin Ardi Hila, ndërsa bashkëpunëtori e tij, Viltjer Zekaj, u dënua me 5 vjet burg. Zekaj është gjetur fajtor në tri grabitje të shtëpive publike në zonën Herts. Më 15 shtator 2005, Zekaj dhe Hila hynë në saunën e masazhit që ndodhet në rrugën St Albans Road në Watford. Pasi kanë nxjerrë thikat, duke kërcënuar prostitutat atje, ata kontrolluan saunën, morën paratë dhe dy telefona celularë. Një javë më pas, më 26 shtator 2005 përsëri do të hynin në një tjetër sauna në rrugën Wood Lane End në zonën Hemel Hempstead. Përsëri kanë nxjerrë thikat, duke kërcënuar tri gra që ishin atje. Kësaj here Hila në krimin e tij do të shkonte më tej, duke përdhunuar njërën. Ata do të largoheshin me një sasi parash, disa bizhuteri, karta krediti dhe një telefon celular. Arrestimi i tyre do të realizohej një vit më pas nga ndodhja e këtyre grabitjeve.

[ediberati]

Ah qe nuk i njoha pak me pare, te me kishin bere dhe mua nje pashaporte angleze dhe te bija rehat se ma nxiu jeten kjo italia, pa dokumenta gjithmone me ricevute se kur ta japin ata ajo skadon mbas nje muaji.

[Shijaksi-London]

Londër, burg përjetë shqiptarit që vrau qiraxhiun

Luan Goci ishte në listën e 10 më të kërkuarve nga "Scotland Yard"

Nga Londra
Muhamed Veliu

Një shqiptar nga Kosova, i cili ishte futur në listën e dhjetë personave më të kërkuar nga "Scotland Yard", është gjetur fajtor për vrasjen e një studenti francez gjashtë vjet më parë. Në fund të një procesi gjyqësor, që zgjati tre javë në Gjykatën e Krimeve të Rënda, "Old Bailey", 33-vjeçari Luan Goci është gjetur fajtor duke u dënuar me burgim përjetë. Vrasja ndodhi më 15 tetor 2002, kur shqiptari në zënie e sipër i ngul thikën Pierre Carnus. Mësohet se shqiptari banonte në një shtëpi me Carnus dhe fillimisht janë grindur për pagesën e qerasë. 33-vjeçari është irrituar pas një sherri për shumën e qirasë që francezi duhet të paguante. Goditjet kanë qenë fatale për Pierre Carnus, i cili ka vdekur të nesërmen në mëngjes në spitalin "Royal London Hospital".


Arratia

Goci ka vazhduar të qëndrojë i fshehur në Angli edhe për disa muaj pas kryerjes së krimit. Për herë të fundit ai është parë në rrugët e Londrës në shkurt të 2003. Besohet se më pas ai është larguar drejt Amerikës, ku banonin disa pjesëtarë të familjes. Hetimet e policisë britanike për të lokalizuar vendndodhjen e tij kanë rezultuar të pasuksesshme. Goci do të provonte ftohtësinë e prangave të policisë kosovare në mesin e vitit të shkuar për llogari të homologëve të tyre britanikë në Prishtinë. Megjithëse Britania e Madhe nuk ka marrëdhënie ekstradimi me Kosovën, autoritetet e UNMIK-ut lejuan ekstradimin. Ekstradimi i Luan Gocit nga Kosova për Britani shënon rastin e parë të këtij lloji, pasi nuk ekziston një marrëveshje ekstradimi. Megjithatë policia në Kosovë ka rënë dakord që ai të ekstradohej drejt Londrës, pasi kanë shqyrtuar materialet e dosjes hetimore. Luan Goci fillimisht ka dalë përpara gjykatës magjistrale të Barkingut, i akuzuar si vrasës i Pierre Carnus. Seancat e tjera gjyqësore janë zhvilluar në Gjykatën e Krimeve të Rënda, "Old Bailey", në Londër.

[J@mes]

Te ishte burgosur ne vendlindje, mund te kishte me shume lehtesira dhe nje denim me te ulet.

[Shijaksi-London]

Xhim Marku, njeriu më i fuqishëm në Britaninë e Madhe

Emigranti shqiptar është një nga njerëzit më popullorë në Londër, falë sportit “Strongest Man. Më shumë sesa për forcën e tij, Marku adhurohet nga femrat për shkak të buzëqeshjes që ka

KLODIANA BUFI
Gazeta Albania Tirane

Xhimi Marku është emri i njeriut më të fuqishëm në Britaninë e Madhe. Emigranti shqiptar është një nga njerëzit më popullorë në Londër falë sportit “Strongest Man”, disiplinë që ai e ushtron prej dy vitesh. Marku ka lindur në Fierzë, pranë qytetit të Tropojës, dhe ka emigruar drejt Londrës kur ishte vetëm 18 vjeç. Sot është 32 vjeç dhe peshon 135 kg, ndërsa mbi shpatullat e ka mbajtur superpesha të rënda.
E ka nisur këtë sport vetëm nga dëshira që të mbante trupin në formë dhe papritur ka fituar respektin e të gjithëve me anë të forcës së tij. Marku jeton në zonën Harrow, në perëndim të Londrës. Falë fizikut të tij të madh është punësuar si roje sigurie në një lokal nate dhe të gjithë e dinë që ai është burri i frikshëm i “strongest men”. Në Britani Xhimi Marku njihet me nofkën Jimmy Calves ose (Jimmy Pulpa), për shkak të pulpave të këmbëve të tij të trasha në krahasim me trupin. Përveç këtij detaji, me të cilin njihet në të gjithë Europën, Xhimi ka dhe duar të mëdha dhe shumë të fuqishme, aq sa do të përkulnin me lehtësi një shufër hekuri.
KARRIERA
Performanca e shqiptarit në aktivitetin më të rëndësishëm "Britain‘s Strongest Man" për herë të parë trembi të gjithë rivalët e tij, derisa Xhimi i mahniti të gjithë duke arritur të realizojë ëndrrën e tij: të jetë njeriu më i fuqishëm i Mbretërisë angleze. Karriera e tij është e larmishme, duke e parë veten disa herë në podiumet e nderit, madje duke thyer njerëz që prej vitesh mbanin titullin e kampionit absolut, siç ndodhi vetëm pak muaj më parë me kampionin polak, Mariuzs Pudzianoeski. Pasi është shpallur një herë kampion i Britanisë së Madhe, shqiptari për dy vjet radhazi ka zënë vendin e katërt në "Britain‘s Strongest Man". 32-vjeçari në vitin 2006 u shpall kampion absolut dhe burri më i fortë në Angli, titull që shumë shpejt Xhimi do ta merrte në të gjithë Mbretërinë e Bashkuar. Në konkurrimet e tij ai gjendej përballë rivalëve të njohur për titull nga Irlanda, Uellsi dhe Skocia. Kalimi me sukses i provë pas prove tërhoqi menjëherë qindra fansa në Britaninë e Madhe, përfshirë këtu dhe shumë shqiptarë emigrantë në mbështetje të bashkëkombësit të tyre. Me mijëra emigrantë shqiptarë edhe sot e kësaj dite në Britani do të ulen përpara ekraneve të televizorit për të parë Markun. Por veçanërisht talenti i tij dhe titulli prej burri të fortë bëri që dhe shumë femra angleze të dashurohen me të. Më shumë sesa për forcën e tij, Marku adhurohet nga femrat për shkak të buzëqeshjes që ka. Xhimi Marku është i vetmi shqiptar që gjendet mes një sporti të tillë. Siç tregon ai vetë, ka shumë të rinj shqiptarë që stërviten për të qenë “Strongest Man”, por ende asnjë prej tyre nuk kanë provuar të garojnë në evenimente të rëndësishme të këtij sporti.

“STRONGEST MAN"

“Strongest Man" është një sport unik dhe i veçuar nga të tjerët, gjithashtu nuk bën pjesë në lojërat olimpike. Është cilësuar si disiplinë e sportit vetëm përpara 30 viteve. Evenimenti “Strongest Man” për herë të parë është zhvilluar në SHBA dhe prej shumë vitesh amerikanët mbanin stafetën e meshkujve më të fortë të rruzullit tokësor. “Strongest Man" hyri në Europë shumë vonë dhe si fillim ishin vendet nordike që e përqafuan si sport. Disa vite më pas ky sport gjeti terren në Irlandë dhe më pas në Angli, ku sot e kësaj dite kanë lënë gjurmë emra të mëdhenj si Jon-Poll Sigmarsson, i cili e mbajti titullin për disa vite më radhë, duke hyrë në histori si “vikingu i hekurt”. Pas viteve ‘90 janë vendet e Lindjes që e njohin këtë sport, sidomos Polonia dhe Ukraina, ku emra të spikatur të këtyre dy vendeve mbajtën për 6 vite radhazi titullin e burrit më të fortë. Njeriu të cilit i tremben të gjithë në Europë në këto momente është Mariuzs Pudzianoeski, por Xhimi Marku e ka thyer atë në një nga disiplinat më të vështira të “Strongest Man" si ajo e mbajtjes së peshës më të rëndë, ku shqiptari ngriti mbi supe 367 kg.


SUPERMAN SHOW

Vizita e Markut në atdheun e tij nuk është e rastësishme. Njeriu më i fortë në Britani do të jetë i ftuar nderi në “Superman Show”, natën e finales së madhe, që transmetohet në Vizion Plus. Emisioni, i cili prej disa muajsh ka mbledhur së bashku burrat më të fortë të Shqipërisë, do të shijojë “live” talentin e shqiptar më të fortë të Britanisë, Xhimi Marku. Të enjten, në orën 21:00, në Vizion Plus do të jetë mbrëmja e madhe.

367 kg

Njeriu të cilit i tremben të gjithë në Europë në këto momente është Mariuzs Pudzianoeski, por Xhimi Marku e ka thyer atë në një nga disiplinat më të vështira të “Strongest Man" si ajo e mbajtjes së peshës më të rëndë, ku shqiptari ngriti mbi supe 367 kg.

[xfiles]

Rrace e mire Markajt dhe rrace e forte, kam njohur vete ca nga ky fisi i madh , hallall plako.

[Qendi]

Ja nje foto nga ky alamet djali

[Shijaksi-London]

LSI hap degën e saj Londër

Meta “Më shumë vëmëndje ndaj shqiptarëve në Britani”

Nga Londra
Muhamed Veliu
Top-Channel


Lideri Lëvizjes Socialiste për Integrim Ilir Meta ka inaguruar dëgën e kësaj patije për Londrën.

Gjatë një takimi me komunitetin shqiptarë Meta e ka cilësuar këtë komunitet si një pjesë të rëndësishme të diasporës shqiptare në botë.

Në fjalën përshëndetëse ai u shpreh se duhet më shumë vëmëndje nga shteti për komunitetin shqiptarë në Britaninë e Madhe pasi ai pa u kuptuar është shtuar shumë.

Më tej lideri LSI-së ka shpjeguar se kjo parti që nga themelimi i saj dhe në program ka të drejtën e emigrantëve për të votur në vëndet ku jetojnë dhe punojnë.

“Politika shqiptare nuk duhet të kujtohet për emigrantët shqiptarë vetëm në fushata elektorale apo kur ne vimë të takohemi me ju. Vëmendja ndaj emigrantëve duhet të jetë në mënyrë sistematike dhe të programuar” është shprehur Ilir Meta.

LSI bëhet e para parti politike shqiptare e cila hap degën e saj në Londër.

Sipas zotin Meta në të ardhëmen kjo parti synon shtrirjen e degëvë e saj në të gjithë Britaninë e Madhe.

Gjatë qëndrimit tre ditor në Londër Ilir Meta ka marë pjesë në një konferencë për forcimin dhe rinovimin e Social Demokracisë Europiane ku morri pjesë edhe kryeministri Britanik Gordon Brown.

Në Londër, Meta u prit në një takim të veçantë edhe nga drejtues të Partisë Konservatore në opozitë.

Ai u takua me Sekretarin e Jashtëm në hije William Hague, ku u bisedua mbi zhvillimet e fundit në Kosovë dhe Shqipëri.

Hague dhe Meta u fokusuan kryesisht në çështjen e Kosovës