Informacione te nevojshme rreth shendetit

[RaPSouL]

Të gjithë duhet të marrin aspirinë

Njerëzit me moshë mesatare duhet që për çdo ditë të marrin aspirinë me qëllim që ta zvogëlojnë rrezikun për sulm në zemër, pohojnë mjekët.

Një studim, në të cilin kanë marrë pjesë 12.000 vullnetarë, ka treguar se shumica e meshkujve më të vjetër se 48 vjet dhe shumica e femrave mbi 57 vjet, kanë dobi nga marrja e aspirinës e cila vepron në gjak duke penguar formimin e trombëve (që janë pasojë e koagulimit të gjakut) të rrezikshëm.

Duke marrë parasysh rrezikun e këtyre personave mbi moshën e shënuar më lartë, shkencëtarët kanë rekomanduar që secili prej tyre ta përdorë aspirinën (100 mg), pasi që dobia është shumë më madhe se efektet anësore.

[RaPSouL]

Antioksiduesit i mbrojnë sytë

Ushqimi i pasur me antioksidues mbron nga degjenerimi makular, shkaktari kryesor i verbërisë i lidhur me moshën.
Shkencëtarët pohojnë se antioksiduesit pengojnë zhvillimin e proceseve në retinë, të cilat shkaktojnë degjenerimin makular. Përveç kësaj antioksiduesit kanë edhe aftësinë e përmirësimit të dëmtimeve në retinë.

Antioksiduesit nga boronica janë treguar shumë të dobishëm për shëndetin e syrit.

[RaPSouL]

Vezë për rritjen e muskujve

Ndikimi pozitiv i vezëve në përmirësimin e muskujve nuk bazohet në proteinat e tyre, por në komponentin yndyrore për të cilën rrallë flitet mirë- kolesterolin.
Gjatë një hulumtimi 12-javor te një grup meshkujsh të moshuar, shkencëtarët kanë zbuluar se konsumimi i një sasie më të madhe të kolesterolit nga vezët ka ndikuar në rritjen e masës muskulore, pavarësisht konsumimit të proteinave.

Çelësi i suksesit gjendet në kombinimin e kolesterolit dhe ushtrimeve.

[RaPSouL]

Përbërësit e marihuanës luftojnë Streptokokun rezistent

Disa lëndë kimike të cilat hyjnë në përbërjen e marihuanës, mund të jenë të dobishme për të luftuar Streptococus aureus rezistent në meticilinë (MRSA), një lloj bakteri i cili është rezistent në një varg antibiotikësh.
Hulumtuesit në Itali dhe Britani, kanë testuar pesë përbërës të mëdhenj të marihuanës, të quajtur kanabinoide, në disa lloje të ndryshme të MRSA. Që të gjitha kanë shfaqur efekt vrasës ndaj sporeve në bakterit. Edhe disa kanabinoide sintetike po ashtu kanë treguar aftësi antibakteriale.

Shkencëtarët thonë se kanabinoidet i vrasin bakteret në disa mënyra që ndryshojnë nga antibiotikët tradicional, duke nënkuptuar se ata mund të jenë në gjendje të shmangin rezistencën bakteriale.

Për më tepër, dy nga kanabinoidet nuk kanë efekte në gjendjen psikike, andaj kjo mund të jetë një mënyrë për të përdorur këto substanca, pa krijuar efektet e shkaktuara nga marihuana.

[RaPSouL]

Alicini është shumë i dobishëm

Duket se nga të gjitha substancat e pranishme në hudhrën mrekullibërëse më i rëndësishëm është alicini.
Një studim më i ri ka treguar për rolin e mundshëm në parandalimin ose mjekimin e karcinomave, malaries dhe tuberkulozit.

Alicini mund të shërbejë edhe si armë për luftimin e Stafilococcus aureus, i cili është rezistent në penicilinë dhe në shumë antibiotikë tjerë.

Alicini është një substancë kimike jostabile që mund të zbërthehet shumë shpejtë në substanca tjera të cilat janë meritore për ndikimet pozitive të alicinit në organizëm.

[RaPSouL]

Gërhitja e dëmshme për shëndetin

Sipas një studimi të bërë nga instituti akademik suedez Uppsala, gërhitja e zakonshme është e dëmshme për shëndetin, dhe lidhet me presionin e lartë të gjakut dhe diabetin.

Dy kryestudiuesit, Eva Lindberg dhe Malin Svensson, kanë gjetur se gratë të cilat gërhasin nuk janë të pushueshme kur zgjohen.

Studimi i përmendur ka përfshirë 400 gra me probleme me gërhitje, dhe ka treguar se madje një e treta prej tyre nuk janë ndjerë të pushueshme, edhe pse kishin fjetur gjatë gjithë natës.

“Rezultatet deri tek cilat erdhëm, tregojnë se gërhitja në vete mund të ketë disa efekte negative në shëndetin”, kanë thënë studiuesit pranë universitetit Uppsala.

[RaPSouL]

Pesha e lartë e lindjes, rrezik për tumor

Një studim gjerman pohon se i porsalinduri i cili peshon më shumë se katër kilogramë është më tepër i rrezikuar nga tumori i trurit.

Shkencëtarët kanë analizuar tetë studime në të cilat kanë marrë pjesë më shumë se 1.7 milionë fëmijë dhe të rinj nën moshën 19 vjeçare.

Pas një kohe të gjatë hulumtimesh është vërejtur një lidhje ndërmjet peshës së madhe të lindjes dhe rrezikut nga tumori në tru, mirëpo arsyet e mundshme ende nuk janë sqaruar.

[RaPSouL]

Aktiviteti trupor për kujtesë të mirë

Aktiviteti mesatar trupor e mbron trurin nga rënia dhe e përmirëson kujtesën te personat të cilat kanë probleme me memorien, ka treguar një studim australian.

Në studim kanë marrë pjesë 138 persona më të vjetër se 50 vjet të cilët kanë qenë të rrezikuar nga zhvillimi i demencës (e cila paraqet rënien e funksioneve psikike, në radhë të parë atyre të kujtesës dhe inteligjencës, zakonisht te të moshuarit).

Participantët janë ndarë në dy grupe: grupi i kontrollit dhe grupi i cili është dashur së paku 150 minuta në javë të merret me aktivitet mesatar fizik, siç është ecja, vallëzimi ose notimi.

Rezultatet kanë treguar se mjaftojnë 20 minuta aktivitet fizik në ditë për t’i përmirësuar aftësitë njohëse te personat moshuar.

[RaPSouL]

Acidi folik mbron nga kanceri i zorrës së trashë

Një studim i përbashkët i shkencëtarëve amerikan dhe anglezë ka treguar se mungesa e acidit folik ndikon në proteinën e cila luan rol në zhvillimin e karcinomës. Ndërsa veprimi negativ i mungesës së acidit folik vërehet sidomos në qelizat e zorrës së trashë.

Kështu, në saje të numrit të madh të roleve tjera të rëndësishme në organizëm, acidit folik i është përshkruar edhe roli mbrojtës nga karcinoma e zorrës së trashë.

Ushqimet e pasura me acid folik përfshijnë marulet, spinaqin, rrepën, drithërat, farat e lulediellit etj.

[RaPSouL]

Kvercetina kundër gripit

Një studim i realizuar te minjtë ka treguar se kuercetina, substancë e cila është e pranishme ne pemë dhe perime, shkurton kohëzgjatjen e gripit.

Përveç kësaj, shkencëtarët kanë pohuar se ushtrimet intensive rritin prirjen e minjve ndaj viruseve, mirëpo kuercetina neutralizon efektin negativ të tyre.

Nëse rezultate të ngjashme vërtetohen edhe te njerëzit, kuercetina mund të shndërrohet në një armë të fuqishme për ta luftuar gripin.

Kuercetina është e përafërt me resveratrolin, ndërsa në sasi të mëdha është e pranishme në qepë, rrush, boronicë, brokoli, çaj dhe verë të kuqe.

[RaPSouL]

Sëmundjet e dhëmbëve rrezik për zemrën

Higjiena e keqe e dhëmbëve mund të shkaktojë sëmundje të zemrës, kanë treguar rezultatet e shkencëtarëve irlandezë.

Në zgavrën e gojës në gjendje normale gjenden afër 700 lloje të ndryshme bakteresh. Këto mikroorganizma nuk janë të dëmshëm nëse nuk kalojnë në qarkullimin e gjakut ku lidhen me pllakëzat e gjakut dhe shkaktojnë koagulime, të cilat janë të rrezikshëm për të shkaktuar infarkt.

Nëse dhëmbët nuk pastrohen rregullisht, vjen deri te gjakderdhjet e gingivës (mishit të dhëmbëve) me ç’rast mundësohet depërtimi i baktereve të ndryshme në qarkullim.

[RaPSouL]

Proteina për mëngjes

Një studim i ri ka zbuluar se mëngjesi i pasur me proteina të rëndësishme mund t’u ndihmojë shumë personave të cilët janë në dietë për të larguar disa kilogramë.

Fshehtësia qëndron në faktin se ushqimi i pasur me proteina e mban më të gjatë ndjenjën e ngopjes.

Mirëpo, është me rëndësi edhe koha e marrjes së proteinave, pohojnë autorët e studimit.

Sipas tyre, rezultatet më të mira arrihen kur proteinat konsumohen për mëngjes dhe jo për drekë apo darkë.

[RaPSouL]

Gërhitja e dëmshme për shëndetin

Sipas një studimi të bërë nga instituti akademik suedez Uppsala, gërhitja e zakonshme është e dëmshme për shëndetin, dhe lidhet me presionin e lartë të gjakut dhe diabetin.

Dy kryestudiuesit, Eva Lindberg dhe Malin Svensson, kanë gjetur se gratë të cilat gërhasin nuk janë të pushueshme kur zgjohen.

Studimi i përmendur ka përfshirë 400 gra me probleme me gërhitje, dhe ka treguar se madje një e treta prej tyre nuk janë ndjerë të pushueshme, edhe pse kishin fjetur gjatë gjithë natës.

“Rezultatet deri tek cilat erdhëm, tregojnë se gërhitja në vete mund të ketë disa efekte negative në shëndetin”, kanë thënë studiuesit pranë universitetit Uppsala.

[RaPSouL]

Ushtrimet luftojnë kancerin e gjirit

Femrat të cilat janë fizikisht aktive edhe pas diagnostikimit me kancer të gjirit i kane shanset më të mëdha për t’i mbijetuar sëmundjes.

Shkencëtarët nga Universiteti Yale, kanë pohuar se nga aktiviteti fizik kanë dobi edhe pacientet të cilat nuk kanë bërë ushtrime para se të kuptojnë për sëmundjen.

Të dhënat e reja tregojnë se ushtrimet trupore mund të zvogëlojnë deri në 60% rrezikun nga vdekshmëria prej kancerit të gjirit.

[RaPSouL]

Enzima e cila pengon plakjen

Ushtrimet e shpeshta fizike dhe konsumimi i ushqimit të shëndetshëm, mund të ndihmojnë në rritjen e nivelit të enzimave vitale, të cilat i mbrojnë qelizat e organizmit nga plakja.

Enzima telomerazë, i mbron pjesët fundore të kromozomeve në ADN. Me kalimin e viteve, kjo enzimë zvogëlohet dhe rritet mundësia që qelizat të vdesin. Ky zvogëlim i nivelit të enzimës shkakton dhimbje, ndërsa mund të çojë deri në vdekje.

Ulja e nivelit të enzimës është e lidhur me disa faktorë si duhanpirrja, mënyra jo e shëndetshme e jetës dhe trashësia.

Një ekip studiuesish nga Kalifornia, kanë dëshiruar të zbulojnë nëse përmirësimi i mënyrës së jetesës, si edhe ushqimi i shëndetshëm, mund të ndikojnë pozitivisht në këtë enzimë.

Gjatë këtij hulumtimi është arritur në përfundim se niveli i enzimës tek të gjithë të hulumtuarit është rritur për 29%, pas përmirësimit të mënyrës së të jetuarit.

“Mënyra e të jetuarit mund të ndikojë në enzimën telomerazë. Mu për këtë, kjo është një motivim për shumë njerëz ta ndryshojnë mënyrën e jetesës”, ka bërë të ditur ekipi studiues.

Ka edhe dëshmi që tregojnë se nëse enzima zvogëlohet ose dobësohet, ka më shumë gjasa për paraqitje të kancerit dhe çrregullimeve kardiovaskulare.

[RaPSouL]

Kontrollimi i sheqerit në gjak është i dobishëm

Diabetikët të cilët e kontrollojnë sheqerin në gjak janë më pak të rrezikuar nga vdekja, nga sulmi në zemër, si edhe nga komplikimet tjera, kanë pohuar shkencëtarët nga Universiteti i Oxfordit.

Këto rezultate janë të bazuara në të dhënat e grumbulluara nga 4.200 pacientë të sëmurë me diabet tip 2, për një periudhe 10-vjeçare

Analizat kanë treguar se kontrollimi intensiv i nivelit të sheqerit në gjak është i lidhur me rrezikun më të vogël të zhvillimit të komplikime të cilat mund të çojnë deri te vdekja e pacientit.

[RaPSouL]

Gjaku i koaguluar në gju mund të jetë vdekjeprurës

Dhimbjet e vogla në gju mund të jenë shenjë e koagulimit të gjakut, që mund të ketë pasoja vdekjeprurëse, bëjnë të ditur mjekët amerikanë.

“Deri tash nuk i është dhënë rëndësi e madhe dhimbjeve të vogla në gju, por njerëzit duhet të merren më seriozisht dhe të bëhen analizat e detajizuara”, thotë mjeku Dr. Steven Galson, për Asossiated Press.

Edhe dhimbja më e vogël në gju mund të jetë shenjë e gjakut të koaguluar që paraqet një vrasës të qetë. Simptomat e kësaj sëmundje janë ënjtje dhe dhimbje në gju, derisa lëkura merr një ngjyrë të skuqur.

Rreziku më i madh është te njerëzit të cilët janë operuar shumë shpejt, ata mbi moshën 65-vjeçare, ata që marrin tableta për mbrojtje nga shtatzënia ose ata të cilët kanë qenë në lëvizje një kohë të gjatë.

[RaPSouL]

Pemët më të dobishme se lëngjet e pemëve

Ushqimi i përditshëm shpesh është konstant sa i takon peshës, por jo edhe sa i takon vlerës energjetike.

Për këtë arsye lëndët ushqimore me vlerë të ulët energjetike, si pemët dhe perimet, janë shumë më të dobishme, sepse mbushin lukthin dhe kanë më pak kalori.

Uji nuk ka vlera energjetike ashtu që mund të llogarisim se marrja e lëngjeve ul marrjen e vlerave të larta energjetike në organizëm.

Por, studimet e reja japoneze kanë treguar se marrja e ujit me anë produkteve ushqimore të pasura me ujë, dhe jo me anë të pijeve, siguron një masë më të ulët trupore trupore.

Një prej shpjegimeve është se uji shpejt kalon nëpër lukth, ndërsa në produktet ushqimore të pasura me proteina dhe ujë (pemët dhe perimet), uji qëndron më shumë në lukth dhe ndjenja e ngopjes vazhdon një kohë më të gjatë.

[RaPSouL]

Kampingu dhe dehja

Ekziston një teori sipas së cilës për shkak të mungesës së oksigjenit në lartësitë e mëdha mbidetare vjen deri te absorbimi i shpejtë i alkoolit dhe te dehja më e shpejtë. Mirëpo në realitet ndodh krejt ndryshe.

Shkencëtarët kanë vlerësuar sasinë e alkoolit të pranishëm në gjakun e participantëve të cilët kishin pirë në nivel të ulët mbidetar dhe në lartësi më të madhe. Rezultatet nuk treguan ndonjë dallim të madh ndërmjet tyre.

Edhe pse ndikimi negativ i pijes në bregdet është më i vogël, megjithatë nuk janë vërejtur dallime të mëdha në funksionet njohëse gjatë kombinimit të alkoolit dhe lartësisë.

[RaPSouL]

Mënyrat jetësore zgjatin jetën

Mënyra e shëndetshme jetësore (e cila nënkupton konsumimin e ushqimit të varfër me yndyra, mungesë ose nivel të ulët të stresit dhe aktivitetin trupor) zgjat jetën dhe zvogëlon rrezikun për sëmundjet degjenerative.

Në studim janë përfshirë 30 pacientë të sëmurë nga kanceri i prostatës. Pjesëmarrësit kanë ngrënë ushqim me sasi të vogla yndyre, duke ushtruar joga me ç’rast e kanë zvogëluar edhe stresin.

Pas tre muajsh te 24 pacientë është vërejtur rritja e nivelit të enzimës telomeraza, e cila mbron telomerët e pranishëm në fund të kromozomeve. Sa më i gjatë të jetë telomeri, aq më e gjatë është edhe jeta, pohojnë autorët e studimit.