Ish drejtori Meçe: Lulzim Basha abuzon me miliona

[KastroZiso99]

Filluan dhe PDistat te akuzojne njeri tjetrin per korrupsion
Ndershmeri apo luft klanesh per te ndare pjesen..?

Si mendoni..???

A1 televizion - www.a1tv.al

Ish drejtori Meçe: Lulzim Basha abuzon me miliona

Ministria e Punëve Publike, Transporteve dhe e Telekomunikacioneve, prej vjeshtës së vitit 2005 është shndërruar në një gropë të zezë, ku "kanë humbur" fonde kolosale që janë dhënë për të kryer punët publike dhe rrjetin infrastrukturor.

Akuza e rëndë është bërë dje prej z.Arben Meçe, ish-drejtor deri dy ditë më parë i Planifikimit të Territorit në Ministrinë e Punëve Publike, Transporteve dhe Telekomunikacioneve.

Në një intervistë ekskluzive që do të publikohet sot në Televizionin A1, zyrtari i lartë i kësaj ministrie akuzon publikisht ministrin Lulzim Basha, si përgjegjësin kryesor të shpërdorimeve të kryera në mëse një vit me buxhetin e shtetit, dhënien e qindra-milionë lekëve për punë që nuk janë kryer.

Mece flet edhe për pushtimin dhe masakrimin e territorit pas nisjes së procesit të legalizimeve të ndërtimeve informale, mungesën e seriozitetit në strukturën e ministrisë që menaxhon shumicën e fondeve të buxhetit të shtetit, si dhe mosreagimin e qeverisë përballë sinjalizimeve të shpeshta mbi këto fakte skandaloze.

"Ministria e Lul Bashës, ka menaxhuar për vitin 2006 mbi 230 milionë euro".

Ish-drejtori Meçe thotë se qeveria prej krijimit të saj në shtator 2005, e kishte prioritet Sektorin e Punëve Publike, Transporteve dhe Telekomunikacioneve, si një investim për të treguar aftësinë, do të kishte qeveria për të përmirësuar cilësinë e jetës së qytetarëve.

Një fond edhe më i madh u nda nga buxheti i shtetit edhe për vitin 2007, që përkonte me vitin kur ishte sfida e zgjedhjeve administrative. Por Meçe akuzon, se me gjithë "bujarinë e qeverisë" për të ndarë një mal me fonde buxhetore, produkti i punës është skandaloz dhe shumë prej projekteve të nisura ose kanë mbetur në fazë fillestare, ose nuk kanë nisur fare.

Ish-drejtori Meçe rikthen në kujtesën e shqiptarëve pamjet e fushatës elektorale, ku Kryeministri i vendit, edhe për efekte elektorale, nuk kishte se çfarë shiritash të objekteve të përfunduara të priste, duke inauguruar vetëm fillime punimesh në disa vepra publike.

Ana më e frikshme e këtij megaskandali financiar është fakti, që thekson ish-drejtori Meçe, se "janë lëvruar të gjitha fondet nga buxheti i shtetit për disa dhjetëra objekte që janë inekzistente".

Objektet në fjalë janë rrugë të rëndësishme, apo punë publike për të cilat askush në ministri nuk di të japë përgjigje, se pse nuk janë bërë dhe se ku kanë shkuar fondet.



P.S. Ketu e keni edhe video

http://www.a1tv.al/index2.php?faqe=video&lajmID=11304

[brooklyn]

nuk eshte lajm i sakte. Ky zoteria flet me shume me sllogane dhe nga inati qe ka mbetur i papune. rruget e shqiperise nuk ndertohen per nje dite dhe duhen me shume para ne drejtim te rrugeve tona. Fajet nuk i ka basha por fajet i ka sistemi i vjeter qe e la shqiperine njesoj me vitet 1912. Na takon ne si shqipetare tju themi ndal ketyre qe nxjerrin lajme te rreme dhe mundohen te fusin shkopinj nen rrota.

[KastroZiso99]

CIla eshte pjesa e rreme e lajmit qe te jemi me konkrete?