Zanfina Ismajli

[Amor]

Une do i kisha thene Beyonce.

[ShHalimi]

oj Zanfina nuk po te ka hije hic as ty as motres tande Adelines

[ShHalimi]

zanfina je e mir ama jo si leonora jakupi tung kalo shum kec

[engjellorja]

amani ore...vetem kengetare nuk mund te quhen keto pfffffff...
i genjen mendja se do behen kengetare duke u zhveshur gjithnje e me shume

[Bl3ri]

Qe nje shembull..

[GL_Branch]

wow fantastike, Zanfina eshte femra me e bukur ne Ballkan dhe me e talentuara




padyshim

[Do_dona]

J.Lo shqipetare...Zanfina

Duhet me shtu kile kjo bukur shume mbrapa per te u duk si J.LO, mandej dhe eshte bukur shume e vogel me shtate,dhe asnje nuk eshte ashtu si duken ne foto!!

[Amor]

Shume te gabuara i paske informatat.Zanfina eshte e gjate 1.75cm. E per nje shqipetare kjo eshte gjatesi mbi normale.

[Bl3ri]

Jam e dashuruar, por jo me Lorikun

Shkruan : Revista Mapo

Nuk ka mbetur më asgjë nga ajo adoleshentja e ndrojtur që këndoi dikur “Partizani i Vogël”, as imazhi i transgresives që përçoi në klipin “Cocaina”. Tani, padyshim që është një ikonë e nxehtë e muzikës. Nuk ka frikë të identifikohet si Zanfina dhe vetëm kaq. Është rritur nën hijen e Adelinës dhe nuk kish sesi të ndodhte ndryshe, që të mos merrte sadopak prej mbiemrit që trashëgonin. Por në skenë, ajo do të dilte e vetme dhe imazhi i princeshës së muzikës kosovare, nuk do t’i vlente, as për sharmin apo vokalin e saj. Dhe, që nga ajo kohë, kur puliti sytë para dritave të forta të prozhektorëve, Zanfina Ismaili nuk dëgjoi më, se ajo ishte motra e Adelinës. Nëse të dyja mund të jetojnë nën të njëjtën çati, të merrnin së bashku duartrokitjet apo të ndanin shpesh edhe veshjet e gardërobës, në fund, secila tani ka një pasaportë krejt ndryshe në tregun muzikor. Jo sepse Zanfina është bionde dhe me një trup pothuajse perfekt, pasi ndryshe ndihet edhe së fundmi teksa sheh se kilet e tepërta e vënë në siklet para shikimeve të të tjerëve. Por fundja, edhe kështu me ca kile më ajo shumë është vetvetja. “Njerëzit më komplimentojnë shpesh për trupin. Kjo po më ndodh më shumë tani që kam shtuar peshë dhe unë vetëm i falënderoj ata me një buzëqeshje të madhe”-tregon në një rrëfim ekskluziv për MAPO, këngëtarja bukuroshe, pinjollja e fundit e dinastisë Ismaili.

“Hmmm..., po jam e dashuruar”
As me Lorik Canën, por as edhe me ndonjë tjetër që mund të jetë përfolur në shtyp për lidhje dashurore. Tani Zanfina nuk është më e vogël të skuqet apo ta mohojë, se gjatë regjistrimeve të këngëve në krah përveç së ëmës, mund të jetë ndonjë djalosh bukurosh i magjepsur pas hireve të saj. Duket se AI që i ka rrëmbyer zemrën është krejtësisht i panjohur, kjo është edhe arsyeja që Zanfina nuk do të drejtojë gishtin drejt mashkullit që i rri aktualisht pranë. Megjithatë, kur e pyet nëse vërtet është e dashuruar, pasi mendohet për një çast ajo tund kokën. “Hmmm...Po”. Por sigurisht që nuk nxjerr asnjë emër, kërkon të mbajë sekret gjithçka që ka të bëjë me jetën e saj private. Pas zhurmës që është bërë së fundmi në media përpiqet të sqarojë se asnjë prej tyre nuk është e vërtetë. Bukuroshja e Prishtinës hedh kryekëput të gjitha thashethemet që janë lakuar së fundmi se ajo dhe një futbollist kanë pasur një lidhje, për më tepër, kur e pohon vetë se në zemrën e saj është dikush tjetër. “Nuk më pëlqen të lidhem me një futbollist”-thotë ajo. Është një mënyrë për të thënë se mes dhjetëra historish që ka dëgjuar, ajo që ka pasur kryefjalë Lorik Canën, nuk është veçse e trilluar, kjo edhe për faktin se as që ka patur fatin ta takojë ndonjëherë. Nuk e fsheh që prej kohësh fjala më e bukur që i tingëllon në vesh është Dashuria. Është nga ato vajza romantike që rrallë mund të gjesh në epokën tonë dhe e pranon se i pëlqejnë situatat e tilla, veçanërisht për t’i shprehur dëshirën se do të qëndrojë pranë saj. “Mënyra që do të doja që një mashkull të me propozonte, është njësoj si ndodh në filma, një darkë romantike në restorant, dhe kur mashkulli ulet në gjunjë dhe të propozon...”-pranon Zanfina. “Nuk kam shumë shoqëri. Kam po të njëjtët miq që nga fëmijëria, njerëz të cilëve i besoj dhe i dua. Aktualisht vazhdoj studimet për Drejtësi, por nuk jam shumë e rregullt në ligjërata sepse nuk më premton koha”-tregon ajo. Nuk e fsheh që i pëlqejnë udhëtimet dhe mes vendeve që e joshin pa masë është edhe Tirana, madje Zanfina ka shprehur dëshirën që në kryeqytetin tonë të kishte një shtëpi. Është një yll i skenës dhe e di shumë mirë se duhet që të respektojë ‘kontratën” me veten dhe fansat e saj për të qenë gjithnjë në formë perfekte dhe me linja të përkryera. Por, Zanfina Ismaili është nga ato vajza që asnjëherë nuk do të refuzonte një nga pjata e gatuara nga duart e nënës së saj, edhe duke e ditur që ushqimi që ka para në tryezë ka tepër kalori dhe do t’i rrezikonin për të shtuar ca kile më tepër, ajo pranon se gjithmonë është e gatshme për një drekë të mirë.

Dy motra një frajer
Ato nuk janë dy, por tre motra dhe secila, sipas mënyrës së vet është e lidhur me muzikën, pasi jetojnë në një familje ku gjithmonë është kënduar. Në fillim ishte Adelina, ajo që thuajse e tërhoqi pas në karrierën e saj, madje jo vetëm kaq, pasi përveçse ishte një prej motrave Ismaili, ajo tentoi dhe u identifikua si Zanfina. Jo për imazhet e nxehta që e shoqërojnë në videoklip, por edhe siç kritika e ka vlerësuar, ajo bart ca vlera që fshihen në timbrin e zërit të saj. E vogla e familjes Ismaili pranon se mes saj dhe familjes gjithçka ecën më së miri, madje secila ka detyrat e veta në art, por edhe kur shkelin pragun e shtëpisë. “Jam shumë e lidhur me motrat e mia, por sidomos me nënën time. Pa të nuk shkoj as në xhirime, askund tjetër sepse pa ndihmën e saj e kam vështirë t’i realizoj shumë gjëra”-rrëfen Zanfina. Megjithëse e sprovuar, pasi teksa rritej dëgjonte sesi e motra Adelina, përveç famës përflitej aq fort në media, nuk do të trembej kur lexonte, gjithfarë thashethemesh mbi të dhe familjen. Bashkëpunimi “Dy motra një frajer”, ishte vetëm fillimi, që startoi me një thashemnajë sikur ato realisht kishin një zënkë mes tyre, për një frajer (të dashur), por në fakt jo gjithçka që shkruhet mes rreshtave në gazeta është e vërtetë. “Thashethemi më i fundit që kam dëgjuar është se më kanë rrëmbyer dhe kanë kërkuar shumë para për të më lëshuar. Deri tani të gjitha që i kam dëgjuar për veten kanë qenë shumë të pavërteta. Zakonisht reagoj ndaj thashethemeve kur më prekin në nder dhe moral, atëherë reagoj pakëz më shumë, ndërsa kur nuk kanë të bëjnë nuk merrem fare me to”-pohon Zanfina, duke pohuar se përballet kaq shpesh me fjalë dhe histori që vërtiten rreth saj, sa nuk ka më humorin e nevojshëm për t’i lexuar. Ka aq shumë impenjime për të mbushur ditën sa as që mendohet dy herë të shohë nëse mes rreshtash do të gjejë sado pak të vërtetë. Përpos koncerteve, Zanfina studion për Drejtësi dhe mes dhjetëra leksioneve që ka lënë pas dore përpiqet që të jetë sadopak e pranishme në auditor.

“Një puthje” nga Zanfina
Në ditët e fundit të vitit që të lamë pas, Zanfina u shfaq rrugëve të Prishtinës në dhjetëra banderola për të promovuar albumin e saj më të ri. Ishte “Një Puthje”, pas disa këngëve që e kishin linçuar fort në tregun muzikor dhe nuk kishte sesi të ndodhte ndryshe, që të mos sillte për fansat e saj një album të ri. Por duket se bashkë me albumin e ri, ajo ndihet po kaq mirë edhe për faktin se kënga përfaqësuese “As i pari, as i fundit”, që e renditi shumë shpejt në 10-shen e këngëve më të mira në Kosovë. “Albumi ka ecur shumë mirë. Kështu më ka thënë edhe producenti im, por edhe nga adhuruesit të cilët janë shtuar që nga dalja e albumit”-pohon Zanfina, e bindur se kënga e fundit ka qenë për të një ogur i mirë për atë që do të vijë më pas. Një përfaqësim dinjitoz edhe në “Eurofest”, padyshim që hedh poshtë të gjitha pretendimet se kënga e saj është e vjedhur. Kjo ishte të paktën ajo ç’ka u përfol shumë shpejt pasi kënga ishte hedhur në treg dhe ishte materializuar edhe me një videoklip vërtet joshës. “Deri tani nuk kam pasur këngë të vjedhura dhe as kënga “As i pari, as i fundit” nuk është e vjedhur, prandaj edhe njerëzve u pëlqeu aq shumë, sepse ishte autentike. Nuk e bazoj karrierën time tek këngët e huaja, që t’i huazoj sepse atëherë nuk do të isha ajo unë më. Unë dhe Adelina dallohemi për këtë sepse nuk kemi pasur asnjëherë këngë të vjedhura”-sqaron vajza e vogël e familjes Ismaili, duke hedhur poshtë të gjitha pretendimet se kënga është një kopje e atyre dhjetëra syresh që lançohen pafund në tregun ballkanik të muzikës. Këngëtarja bukuroshe rrëfen se aktualisht është duke bërë një pauzë të shkurtër dhe se nuk ka ndërmend që për momentin të ketë ndonjë bashkëpunim, siç është edhe komentuar në media të ndryshme kosovare.

[Embelsira]

Flasin per Zanfinen

Make up artistja Sellma Kasumoviq dhe
Kreatori i modes Valdrin Sahiti

Sellma - Grimi eshte bere per kalendar apo xhirim te vitit te rri, menyra se si eshte grimuar ndoshta nuk eshte shume e pershtatshme per foro mirepo per skene eshte mire nuk verehet shume duke pasur parasysh ndricimin e dobet.
Edhe pse zanfina ketu eshte veshure me veshje sportive-elegante per television preferohet ky grim andaj eshte edhe arsyeja pse eshte bere.
Natyrisht nje ndryshim i vogel me floket nuk do ishte i demshem.
Mirepo duhet pranuar se Zanfina eshte kengetare me shije, nuk dyshoj ne idete e saja duke ditur moter e kujt eshte ? gjithnje e di se cfare duhet te beje per tu dukur bukur, fundja gjithnje arrine te duket mire.

Valdrini - Zanfina me kete veshje ia ka aritur qellimit te nxjere ne pah trupin e saj te bukur.Komplimente.
Ngjyra e bardhe e kombinuar me arri jane dy ngjyra qe kan qene ne trend dy vjetet e fundit dhe aspak ska gabuar ne kombinim.
Kjo veshje sportive eshte shendruar me shume kujdes ne veshje elegante, verehet se zanfina ka mbathur atlete gje qe verteton se ajo ka shije.
Disa kolege te saj edhe ne perditshmeri bejne kombinime fatale " trenerka me take te larta ".
Problem i vetem te Zanfina eshte stili i flokeve dhe grimi.
Aspak nuk jan ne perputhshmeri me veshjen qe ka.
Ky eshte edhe nje fakt qe tregon se kengetaret tona nuk u tregojne grimereve dhe frizereve se cka do veshin, e me pas ata te percaktohen se cka duhet te bejne...

Bazuar ne foton me poshte

[no name]

Zanfina Ismajli: E vërteta e marrëdhënies sime me Lorik Canën

Këngëtarja tregon edhe për raportet e shumëpërfolura me motrën e saj, Adelina Ismaili

Ka ardhur në Tiranë pas shumë vitesh. Duke e ndjerë shkëputjen e gjatë me publikun shqiptar, që nga koha kur ishte fëmijë, pikërisht atëherë kur merrte pjesë në festivalet muzikore, Zanfina Ismajli mendoi se ky ishte momenti më i mirë, për të qenë në një event në Shqipëri. E shoqëruar nga nëna dhe e motra Ema, ajo ka kënduar dy ditë më parë në festivalin e muzikës moderne “Top-fest”, ndërsa motra më e madhe Adelina i shkruante herë pas here në celular për t’i dhënë kurajo, apo ndonjë këshillë të vogël përpara daljes në skenë. Por pavarësisht mungesës së gjatë të Zanfinës në skenat shqiptare, lajmet për të e sidomos të rejat në lidhje me jetën private kanë ngjallur gjithmonë interes. I tillë ka qenë edhe lajmi i publikuar nga gazetat shqiptare, se këngëtarja kosovare ka pasur një marrëdhënie sentimentale me futbollistin Lorik Cana. Por për Zanfinën, në të vërtetë bëhet fjalë vetëm për një thashethem, mes shumë thashethemeve të tjera, që kanë dalë rreth marrëdhënieve të saj me motrën e madhe Adelina. Të gjitha këto, e kanë bërë bukuroshen nga Kosova ta humbasë disi besimin tek gazetat dhe gazetarët, ndaj ka vendosur të mos flasë asnjë fjalë në lidhje me jetën e saj private. Sa për marrëdhëniet me Adelinën kanë qenë dhe do të mbeten të shkëlqyera edhe pse kohët e fundit, duket se motra e vogël Zanfina, po fiton më shumë terren në fushën e muzikës. Studente në vitin e tretë për drejtësi, Zanfina Ismajli shprehet se pas karrierës muzikore synon një karrierë të suksesshme edhe si juriste.


Cila është arsyeja që vendose të jesh në një festival muzikor në Tiranë?
Së pari, zgjodha “Top-fest”-in, sepse që nga fillimet më ka pëlqyer shumë si festival. Në Kosovë quhet edhe versioni shqiptar i MTV-së. Kam parë, se fryma e këtij festivali është ndryshe nga të tjerët. Eshtë shumë rinor, ka shumëllojshmëri zhanresh dhe më ka pëlqyer mënyra se si organizohet finalja, ndaj edhe këtë vit meqenëse kisha këngë të reja vendosa të marr pjesë dhe ta promovoj këngën time në një mënyrë shumë të mirë dhe të jem për herë të parë në një festival në Shqipëri, që nga fëmijëria.
Vjen në Tiranë për të marrë një çmim, apo për të qenë pranë publikut?
Kisha menduar se i kisha munguar publikut në Shqipëri dhe duhej të isha e pranishme në një festival, në mënyrë, që adhuruesit e mi këtu të më shihnin nga afër. Përsa i përket çmimeve asnjëherë nuk i kam parë si qëllim në vetvete, sepse nuk mendoj që gjithmonë duhet të fitohet diçka.
Ke pasur emocione, duke qenë se prej vitesh nuk e njihje pritjen e publikut në Tiranë?
Them që publiku ka një sy të mprehtë dhe emocionet janë të pranishme, por besoj që pritja ishte e mirë.
Me çfarë je duke u marrë momentalisht në Kosovë?
Aktualisht kohën time kryesore e merr shkolla, por edhe koncertet në Kosovë e diasporë, të cilat kohët e fundit kanë qenë të shumta.
Shpesh kemi dëgjuar që marrëdhëniet e tua me Adelinën, nuk janë të mira…
E vërteta është që ne kemi marrëdhënie shumë të mira, ashtu siç mund të kenë dy motra me njëra-tjetrën. Thashethemet nëpër gazeta kanë bërë që njerëzit të mendojnë, se ne kemi marrëdhënie të këqija, por si mund të kemi ne të tilla marrëdhënie kur jetojmë nën një kulm, kemi të njëjtin profesion dhe kemi shumë gjëra të përbashkëta! Ç’është më e mira, këshillohemi, rrimë bashkë dhe jemi shoqe, përpara se të jemi motra.
Të ka ndihmuar Adelina dhe emri i saj që të ecësh në fushën e muzikës?
Në disa raste ka pasur ndihmë emri i saj, në disa raste jo. Mendoj, që më shumë më kanë ndihmuar këshillat dhe sugjerimet e saj profesionale, sesa emri.
Në raport me Adelinën, e gjen veten më të suksesshme, apo më pak të suksesshme?
Them, që Adelina është më e suksesshme, sepse ajo ka një karrierë të gjatë, të cilën askush nuk mund t’ia shkelë e as t’ia marrë, ndërsa mua më duhet ende shumë punë, që të arrij aty ku është ajo… Dhe shpresoj që t’ia arrij.
Ka gjëra në të cilat do doje t’i ngjaje Adelinës apo ta imitoje atë?
Inovacionet që Adelina ka bërë kanë qenë aq të mëdha saqë askush nuk mund t’i përsërisë dhe do të doja që karriera ime të jetë po aq inovative sa edhe e saj.
Ç’mund të na thuash për jetën tënde jashtë skenës? Ndonjë djalë…?
Para disa kohësh kam folur edhe për jetën time private, por ka filluar të më keqpërdoret, ndaj edhe jam ndalur. Nuk flas më për jetën private, vetëm për atë profesionale.
Po për marrëdhënien tënde me futbollistin Lorik Cana?
Ky është një thashethem që ka filluar nga Tirana dhe më pas në Kosovë e diasporë, ka marrë përmasa shumë të mëdha. Por ja që në të vërtetë atë futboller unë nuk e njoh, e madje as nuk e kam parë ndonjëherë në jetë dhe nuk ka asgjë të vërtetë në fjalët që janë shkruar.
Si mendon ti, cila është arsyeja apo baza e këtij thashethemi?
Të gjitha këto fjalë unë i kam parë si mënyrë për të shitur gazetën, sepse kur dikush dëshiron të ketë një lajm të ri sensaci-onal, përdor emrin e një këngëtareje, e cila është më atraktive në këtë moment. Mendoj se më është keqpër-dorur pak emri, por ja që keqkuptimet u pastruan, pasi unë pata treguar e para, që nuk e njoh, nuk e kam parë dhe nuk kam pasur asgjë me të.
Je e kujdesshme, ndaj asaj që mediat shkruajnë për ty?
Mundohem të jem, por mediat nuk mund t’i kontrolloj.
Cila ka qenë gjëja që të ka dëmtuar më shumë?
Thashethemi për Lorik Canën, sepse unë po thosha që nuk e njoh, ndërsa ai nuk po fliste dhe kjo më bëri pakëz në dyshim. Edhe fjalët që kam marrëdhënie shumë të këqija me motrën, të cilën e dua shumë, më kanë lënduar. Mendoj që njerëzit, për të arritur diçka në profesion përdorin mënyra nga më të ndryshmet dhe kjo nuk është e drejtë.
Je shpallur këtë vit këngëtarja më seksi mes disa këngëtareve shqiptare. Je e kënaqur?
Jam ndjerë shumë mirë, sepse ka qenë konkurrenca e madhe. E falënderoj shumë publikun, që më ka votuar. Në të vërtetë nuk e kam pritur dhe kisha besuar se mund të fitonte tjetërkush.
Kë shihnit si fituese të mundshme?
Ndoshta Bleona Qerretin, ose ndonjë tjetër.
Sa e rëndësishme është për një këngëtare të jetë seksi?
Mendoj se kjo e ndihmon karrierën, sepse syri kërkon bukuri. Gjithmonë kur shohim diçka në ekran, kërkojmë të jetë e bukur.

G.Panorama

[AlbaneZ]

Kerkon ti ngjaje te motres po kot e ka se nuk e arrin dot

Zanfina eshte sexy dhe terheqese,por si kengetare ..... cope.

[Nolird]

Zanfina zerin nuk e ka te mire

te tjerat i ka ok

[Amor]

Ndegjojeni mire si kendon pastaj flisni se a ka ze te mire apo jo.Ne fund te fundit ju profesora te muzikes nuk jeni qe te kritikoni dikend.

[Rammstein_R]

T'merr i Estrades ... osht ...

[Amor]

Shume perfekt eshte...

[Bl3ri]

Shume perfekt eshte...

[Alienated]

A veme nje bast se ne me shume se 50 perqind te postimeve mbi Zanfina Ismailin eshte perdorur per te pershkruar ate fjala SEXY ???

[Shpetulla]

E ftuar nga LDD dhe me pas nga AAK,Zanfina Ismaili refuzon qe te dyja partite duke mos dashur qe te indentifikohet ne asnje menyre politikisht.Mga burime te aferta nga te dyja partite (Rasim Selmanaj AAK dhe Gani Geci LDD),Zanfina kishte refuzuar edhe pagesen jo aq te vogel e prere ne vendimin e vet qe te mos marr pjese ne asnje tubim partiak.
Bravo Zanfina,Rrushja e Lales.

[rrezarta]

si duket qenke shume i afert familjen ismaili meqe paske info kaq te sakta ,dhe po i njihshe emrat e njerzeve partiak.hahahah

me se miri e tregoj e motra e saj identifikimn per pari ,diten kur u shfaq ne skene . sa keq qe e paska zhgenjy gani gecin se kishte raporte shume te ngushta me te ,por me siguri ai i gjori nuk paska aq leke sa ti ofroj dikujtt si adelines e cila cdo gje bene per ato dreq parash.