Me poshte do te gjeni nje shkrim te botuar ne JAVA /S
Për kënd pavarësia
Njeriu i Kosovës moti ka humbur, nëse e ka pasur
ndonjëherë, virtytin dhe vlerën njerëzore të të
jetuarit, e domethënies së jetës së përditshme, që në
fund rezulton me tërësi. Ky virtyt e këto vlera janë
zhdukur në një proces që quhet lakmi. Lakmi për
pushtet, jo vetëm politik dhe vendimmarrës.
Në këtë kohë ku çdo qytetar është viktimë; në këtë
kohë ku çdo institucion kombëtar/vendor por edhe
ndërkombëtar është me përplot virusa të korrupsionit;
në këtë kohë që është vështirë të mbetesh normal; në
këtë kohë ku për jetën dhe cilësinë e jetës vendoset
aty-për-aty, më të njofshum, nga njerëz që nuk kanë
“haber” me asgjë e i quajmë ekspertë; në këtë kohë ku
arsimimi më shumë shkatërron sesa ndërton; në këtë
kohë kur shëndetësia më parë të sëmurë sesa shëndoshë;
në këtë kohë kur gazetaria zbatohet nga njerëz që nuk
e dinë dallimin mes gazetarisë dhe politikës; në këtë
kohë kur ekonomia e Kosovës zhvillohet me hapa të
kërmillit; në këtë kohë kur shërbimet jetësore, si:
uji, ngrohja, rryma, etj., i paguajmë me shuma të
hollash jashtë çdo normaliteti mendor të të jetuarit,
vetëm sa për të mbuluar shpenzimet private të
drejtuesve të atyre organizatave; në këtë kohë me një
SHPK ku shpesh, sipas sjelljeve, më shumë lihet
përshtypje se pjesëtarët e saj janë njerëz “me allti
në shokë” sesa policë - mbrojtës dhe ruajtës të
rendit; etj. etj., pra në këto rrethana flitet për
pavarësinë e Kosovës.
Por, dy gjëra që duhet të sqarohen janë: çka nënkupton
pavarësia në këtë kuadër dhe prej kujt kjo pavarësi,
si dhe a është kjo llojë pavarësie në kuadër të
demokracisë?
E para: nëse shikojmë situatën e përgjithshme në
Kosovë, pavarësimi i vendit në këto rrethana është
asgjë më shumë sesa “hara-kiri” për ne, qytetarët e
Kosovës. Në këtë kuadër, pavarësia e Kosovës do të
thotë legjitimim, zyrtarizim dhe më pas kalimi në
normalitet i gjithë kësaj situate në Kosovë siç është
përshkruar më lartë. Nuk dëshiroj të parashikoj
trazira, por kësaj më parë i thonë “pavarësi private”
sesa pavarësi për Kosovën dhe qytetarët e saj. Unë, si
qytetar i Kosovës, kam frikë nga kjo pavarësi. E, këtë
nuk mund ta fshehi, e lëre më t’i gëzohem. Desha ose
nuk desha, kjo me automatizëm më bënë një lloj
zëdhënësi i më se 90 për qind të qytetarëve të
Kosovës, zë i tyre për ndihmë.
E dyta: pavarësia e tillë nuk ka asgjë të përbashkët
me demokracinë, për më teër, pavarësia në këto
rrethana është kundër çdo parimi demokratik, sidomos
atij Amerikan. Pavarësimi i Kosovës në këtë kuadër ka
potenciale të prodhoj Sadam Hyseina e tiranë të llojit
të ndryshëm, që shprehjen demokraci ja bashkangjesin
mbiemrit.
Cfarë do të ndodhë me ne pas pavarësimit të Kosovës?
Askush nuk ka përgjigje në këtë.
Por, thonë: bëhet mirë.
Skënder Limani
-------
Ky shkrim me kishte ardhur ne email, dhe e pash te arsyeshme te postoj!
Krijoni Kontakt