C'armatimi i shqiptareve,hap vendimtar i qeverise shqiptare?

[Letersia 76]

TIRANË- "Lufta për parandalimin e trafikut të paligjshëm të armëve të lehta" mbledh vendet anëtare të SECI-it në një seminar në Tiranë. Ky seminar ka synuar të avancojë zbatimin e planit -aksion të Taks Forcës për goditjen e trafikut të armëve dhe eksplozivave. Gjatë ditës së djeshme janë diskutuar mënyrat e bashkëpunimit si dhe për shkëmbimin e informacioneve gjatë fazës së parë të operacionit. Ndërsa pritet bashkëpunim nëpërmjet institucioneve shtetërore të vendeve që aderojnë në SECI, për goditjen e trafiqeve të ndryshme, kryesisht atë të armëve. Në këtë seminar e ka marrë fjalën ministri i Rendit Publik, Luan Rama, i cili ka vlerësuar bashkëpunimin me SECI-n, PNUD-in dhe OSBE-në. Më pasi ai ka shtuar se qeveria shqiptare është tepër e vendosur kundër të gjitha llojeve të trafiqeve dhe trafikantëve. Më pas, ministri Rama u ka bërë të ditur pjesëmarrësve në seminar rezultatet e fundit të luftës Antitrafik, duke premtuar se angazhimi i saponisur do të jetë konstant në punën e Policisë së Shtetit.