Nji qelbanik me pak mbi faqen e dheut.

[Brari]

Shekulli
------------
Tom Begeja kishte vrarë edhe djalin e tij. Policia kishte dështuar 3 herë për kapjen e tij


Policia ekzekuton serial-killerin


Shkodër, vritet 53-vjeçari i shumëkërkuar. Akuzohej si autor i disa vrasjeve

SHKODËR - Vritet gjatë shkëmbimit të zjarrit me policinë, i shumëkërkuri Tom Gjon Begeja. 53-vjeçari Begeja është ekzektuar rreth orës 04.00 të ditës së djeshme, gjatë një rrethimi të banesës së tij trekatëshe, në fshatin Kukël, thanë për gazetën burime të policisë. 53-vjeçari, lindur dhe banues në fshatin Kukël të komunës Barbullush në Shkodër, akuzohej si autor i disa vrasjeve, madje dhe autori i vrasjes së djalit të tij. Katër prej tyre, të dokumentuara nga policia. Policia kishte dështuar 3 herë për kapjen e Tom Begesë. Plani për kapjen e tij së fundi dihej vetëm nga krerët më të lartë të policisë së Shkodrës. Sipas burimeve, ai ishte nën vëzhgimin e policisë që prej 45 ditësh, ndërsa për kapjen e tij u aktivizuan 35 forca speciale të ardhura nga Tirana. Ato kanë bërë rrethimin me kujdes të banesës 3- katëshe të Begesë dhe i kanë bërë thirrje atij që të dorëzohej, ndërsa ai ka filluar të qëllojë me breshëri automatiku. Policia tha se qëllimi ishte që të kapej i gjallë, por terreni i vështirë dhe fakti që në banesë ndodheshin edhe bashkëshortja e tij, djali i tij i martuar, bashkë me gruan dhe 3 fëmijë, bëri që policia të ishte e kujdesshme në veprimet e saja, që të mos dëmtoheshin të tjerët. Në një interval të shkurtër kohor, Begeja filloi të qëllojë me breshëri automatiku, për të çarë rrethimin, pasi nuk dallonte dot policinë. Policia i është përgjigjur me zjarr dhe, për rreth 10 minuta, kanë qëlluar me breshëri të dyja palët. Begeja tentoi të largohej duke qëlluar në lëvizje, ndërsa plagoset pak metra larg oborrit të shtëpisë së tij. Policia e dërgon në spitalin më të afërt, atë të Lezhës ku, si pasojë e plagëve të marra, ai vdes. Burime të policisë thanë për gazetën se Begeja ishte tepër i rrezikshëm, mbrohej me kujdes, lëvizte dhe fshihej në vende të ndryshme dhe siguronte informacion me anë të njerëzve që aktivizonte. Ai vepronte kryesisht pa bashkëpunëtorë. Vitet e fundit ishte larguar dy herë drejt Italisë. Kryesisht strehohej në stanet në mal të Jushit dhe nga banorët e zonës, sidomos në periudha trazirash shihej tek vendoste mitralozin në faqe të malit dhe me dylbi kontrollonte gjithë rrugët hyrëse të Kukëlit e Barbullushit. Banesa e tij ndodhej rrëzë malit, e rrethuar në tri drejtime me avlli të lartë. Në banesën e tij u gjet një arsenal i tërë armësh: dy automatikë "Kallashnikov", një pistoletë "TT', një arkë me municione për mitraloz të lehtë, dy arka me fishekë automatiku. Në trupin e Begesë ndodhej një gjerdan me tre krëhëra automatiku me fishekë e granata dore dhe një palë dylbi.

Reagimi
Në Barbullush e Kukël dje ishte një ditë e zakonshme. Disa prej tyre tregohen indiferentë, ndërsa të tjerë thoshin se u vinte mirë që nuk kishte të dëmtuar nga radhët e policisë. Të tjerë luanin kokën apo thoshin lehtë se ndiheshin të çliruar. Një plak në Barbullush pyeste se a ishte e sigurt se Tom Begeja kishte vdekur?! Një banor i zonës, i larguar kohë më parë dhe banues në Shkodër, thotë se në këtë kohë, kur vinin emigrantët, Toma ulej në stanet dhe u vinte gjoba. Në banesën e tij nuk kishte shumë njerëz. Pjesëtarët e familjes dukeshin të qetë, edhe pse ishte vrarë njeriu i tyre, i cili, sipas të njohurve, i kishte torturuar vazhdimisht edhe ata. Deri në orën 16.00 të ditës së djeshme, trupi i tij ruhej nag uniformat blu në morgun e spitalit të Lezhës. Pritej që kufoma e tij të tërhiqej në orët e mbrëmjes nga familjarët.

Përse akuzohej
Begeja akuzohej si autor i disa vrasjeve në Shkodër dhe në Lezhë. Baba i 4 fëmijëve, Begeja fillimisht është dënuar në vitin 1986, me 1 vit heqje lirie për armëmbajtje pa leje. Në vitin 1993 ai vret Rrok Filaj, që punonte si roje i dyqaneve në fshatin Kukël. Vrasja ka ndodhur për motive grabitjeje. Pas kësaj, Begeja fshihet në malin e Jushit, pranë fshatit të tij, si dhe në fshatra të tjera përrreth, pa u kapur nga policia. Më 22 shkurt të vitit 2000 gjykata e Lezhës e dënoi atë në mungesë me 10 vjet heqje lirie, për tentativë vrasjeje të Lazër Kolës, nga fshati Kodhel i Lezhës, ndërsa në maj të po atij viti gjykata e dënon me 25 vjet burg në mungesë për vrasjen e Hilë Nikollës. Më 2000-ën, Tom Begeja, vret djalin e tij 25- vjeçar, Gjeton. Vrasja ndodhi pasi Begeja ishte në gjak me një fis tjetër dhe elektriçisti i fshatit që kishte hipur në shtyllë për të rregulluar dritat, i përkiste fisit në gjak. Tom Begeja i thotë djalit të tij që ta vriste elektriçistin, por ai e kundërshtoi. Gjatë debatit me të birin, Tom Begeja e vret atë. Aktiviteti kriminal i Begesë do të vazhdonte edhe më pas. Në 22 shkurt të këtij viti ai shikon në një lokal në Kukël 30-vjeçarin Dashamir Çeka dhe, për motive hakmarrjeje, i zë pritë atij për ta vrarë. Ky sapo e sheh largohet me shpejtësi dhe duke vrapuar ndiqet nga 53- vjeçari. Për t'u mbrojtur, Çeka hyn në banesën e Qerretajve, që ndodhej buzë rrugës dhe kërkon të fshihet aty. Në oborr ndodhej e zonja e shtëpisë, 26- vjeçarja Majlinda Qerreti. Begeja, i cili e kishte ndjekur Çekën hyn me pistoletë në dorë dhe në oborr përpiqet të ndalohet nga Majlinda. Kjo e fundit thotë: "Dashamiri ka hyrë në shtëpinë tonë dhe, sipas zakonit, ishte në besën e tyre, ndaj ai nuk mund ta vriste aty". Por Begeja qëlloi mbi 26- vjeçaren, nënë e dy fëmijëve dhe që ishte shtatzënë dhe, më pas, hyn në banesë, ku vret dhe Dashamir Çekën, të strehuar aty. Majlinda Qerreti që donte ta pengonte, shoqërohet e plagosur në spital nga bashkëshorti dhe komshinjtë ku dhe vdes. Begeja largohet për të mos arritur të kapet nga policia.
Anila Dushi


---------------------

Nji kriminel me pak.
Disa avokat qelbaniker me me pak pune.
Disa njerez me shume do te jetojne e mijra te Tjere do te jene me te qete.
Rrofte policia!

Ja kush nderton shtepi tre kateshe ne Shqiperine "demokratike".

[Lezhjani]

ja kam pase nigjua zanin.
Ka gjete ca meriton! e marshin mrapa shume si ai.