Qeveria e re Nano 4

[Brari]

KJ...lajmeron..
----------------------

Socialdemokratet ndahen me PS
Socialdemokratet paralajmerojne shkeputje nga koalicioni "Aleanca per Shtetin". Takimi i djeshem mes kryesocialistit Nano dhe kryetarit te PSD, Skender Gjinushi perfundoi me debate. Nano i ka ofruar Gjinushit post ministror, ndersa socialdemokrati nuk e ka ulur piacen, per te qene serish zv-kryeminister. Gjinushi ka deklaruar nderkohe pas takimit me Nanon se do te rishikohet marreveshja dhe se do te takohet serish me Nanon. "Ne jemi ne pritje te marreveshjes. Deri tani nuk ka nje marreveshje. Gjithmone socialistet kane dashur te perfitojne ne kurriz tone, qe ne gusht te vitit te kaluar. Por tani nuk mund te tolerohet nje situate e tille", tha dje Gjinushi per "KJ". Gjinushi u tregua teper indiferent ndaj nje pranimi te kerkeses se Milos per te hyre ne qeverine e re. "Nuk vendos Milo per nje gje te tille. Vendos partia", tha prere Gjinushi.

Pas takimit te zhvilluar, socialdemokratet jane mbledhur mbreme per te zyrtarizuar qendrimin, qe ata do te mbajne ndaj koalicionit. Por me shume sesa sherri me socialistet, socialdemokratet duket se kane instaluar sherrin mes tyre. Paskal Milo dhe Skender Gjinushi, tashme ndajne qendrime te ndryshme. Burime te besueshme te gazetes thane se mes Gjinushit dhe Milos ka pasur nje konflikt te hapur mbi pjesmarrjen ne qeveri ose jo. Milo preferon te zere vendin e Ministrit te Integrimit ashtu sikurse Nano ia ka ofruar dy dite me pare ne nje dreke tek Piazza.

Nenkryetari i PSD, Gaqo Apostoli deklaroi mbreme se, mbetet shume pune per te bere, duke mos perjashtuar keshtu edhe mundesine per shkeputje perfundimtare te PSD nga koalicioni i mazhorances. Para disa ditesh, Kryetari i PSD, Skender Gjinushi deklaroi se, ne rast se, nuk respektohet formula 2+1 atehere ata do te shkeputen nga koalicioni. Kjo eshte konfimuar ne menyre te qarte me pas edhe nga socialdemokrati Engjell Bejtaj, i cili deklaroi publikisht se, Skender Gjinushi duhet te qendronte ne postin e zv-Kryeministrit. Megjithate oferten e socialdemokrateve nuk e ka pranuar kryeministri i emeruar Nano. Ky i fundit ka marre okejin e socialdemokratit tjeter Paskal Milo per te drejtuar Ministrine e Integrimit. Keshtu, Milo futet ne qeverine e ardhshme por shkeputet perfundimisht nga strukturat partiake. Zyrtare te larte te PSD nuk preferuan te komentojne per qendrimin, qe do te mbahet ndaj levizjes se fundit te Paskal Milos, qe kundershton krejtesisht vendimin e kryesise se PSD. Gjithesesi diskutimet per pjesemarrjen ose jo ne qeverine e ardhshme ende vazhdojne pavaresisht se, gjasat flasin per nje ftohje tashme te PAD me Partine Socialiste. Pas tratativave jo pak e lehta me Gjinushin, Nano ka arritur te binde partite e tjera aleate te koalicionit. Keshtu PBDNJ dhe PA do te jene dakort me ndryshimet e ardhshme ne qeveri perderisa dy perfaqesuesit e tyre, Ministri i Drejtesise Spiro Peci dhe ai i Shendetesise Lufter Xhuveli nuk do te levizin nga postet ministrore. Kete radhe Nano ka fituar edhe voten e aleancistit Neritan Ceka. Ky i fundit pranoi dje oferten e Nanos per MInister te Kultures pas refuzimit per kete post te Ministres se Jashtme Arta Dade. Neritan Ceka do te jete deputeti i vetem nga PAD qe eshte i kenaqur me kabinetin e ri qeveritar. Dy deputetet e tjere, Arben Imami dhe Prec Zogaj kane deklaruar tashme voten kunder qeverise se ardhshme. E vetmja mundesi bashkepunimi, qe ata kane ofruar me mazhorancen lidhet me ngritjen e nje qeverie teknike qe do ti paraprinte zgjedhjeve te parakohshme.

N.P

............................

Me dhimbset Shoku NANO..

Ke te vere e ke te heqe...nga te kater nahijet i versulen krokodilet socialo-katarsiste, socialo-metiste, socialo-gjinushovjeviste-terbacoiste dhe hipopotamet aleancisto-cekaiste-preciste-milo-kexhibioiste dhe po e ndukin NANON e gjore nga faqet si petlla e mullaqet si valixhet e jevgjve te Korces ne Dogan te Kapshtices. Te tere duan te qeverrisin ose shqip, Xhvasin..

Kenga "bir selman i nenes ke te ve me pare" eshte me kuptimplote e aktuale se kurre...pra dhe po e quaj me te drejte Qeverine Nano 5 si QEVERRIA "Selmani 1"...lol

[Brari]

KJ ben celullar..
--------------------

Qeveri e qete pa Gjinushin

Ja skema e fundit e qeverise "Nano5":

1. Kryeministri Fatos Nano

2. Zv.kryeminister dhe Minister i Jashtem Ilir Meta

3. Minister i Rendit Publik Luan Rama

4. Minister i Mbrojtjes Pandeli Majko

5. Minister i Financave Kastriot Islami

6. Minister i Ekonomise Arben Malaj

7. Minister i Transportit Spartak Poci

8. Minister i Shendetsise Mustafa Xhani

9. Minister i Mjedisit Lefter Xhuveli

10. Minister i Kultures Arta Dade

11. Minister i Drejtesise Spiro Peci

12. Minister i Punes dhe Cshtjeve Sociale Valentina Leskaj

13. Minister i Rregullimit te Territorit dhe Turizmit Besnik Dervishi

14. Minister i Energjetikes e Industrise Viktor Doda

15. Minister i Bujqesise Agron Duka

16. Minister Shteti per Reformat Blendi Klosi

17. Minister i Integrimit Sokol Nako

18. Minister i Pushtetit Lokal Ben Blushi

19. Minister i Arsimit Luan Memushi

-----------------

Ne se do kemi mbas kaq debatesh nji qeveri pa xinxo-vetulltrashin e kurveleshit une e konsideroj gje pozitive.

1-sepse nuk kemi minister te pavotuar,sepse gjinushi nuk fitoi ne votime si person, ai i fut me katapult aty si nenkrietar qeverie padrejtesisht.
2- mafia e rebelizmit 96-97 merr nji goditje pa njeriun e saje nr 1 ne qeverri.

[Brari]

GSH
--------
Ja çfarë u bisedua kokë më kokë në selinë e PS. Çfarë ishte oferta e fundit që bëri Fatos Nano

10 minutat fatale për Gjinushin
Kreu i PSD: Ne do votojmë kundër qeverisë së re


--------------------------------------------------------------------------------

Dhjetë minuta bisedime midis Gjinushit dhe Nanos kanë vendosur përfundimisht daljen e PSD në opozitë. Dështuan kështu dhe negociatat e fundit që u bënë dje në selinë e PS, vetëm pak minuta para se Nano të çonte listën e qeverisë te Moisiu. Gjinushi ka këmbëngulur për respsketimin e marrëveshjes mes dy partive, ç'ka nënkupton që ai të qëndrojë në postin e zëvendëskryeministrit.

Por, Nano, ka refuzuar sërish. "Unë nuk mund të jem ministër i thjeshtë, pasi kam qenë kryetar i Parlamentit dhe më pas zëvendëskryeministër", i ka thënë Gjinushi, Nanos, bëjnë të ditur burime nga PS. Kryetari i PS është përgjigjur se PSD mund të caktojë dy ministra të tjerë dhe Gjinushi le të mbetet kryetar i partisë. Por kreu i PSD nuk ka pranuar as këtë skemë. Kështu janë mbyllur pa asnjë rezultat bisedimet që zgjatën vetëm pak minuta. Më pas Nano është nisur drejt presidencës, ndërsa Gjinushi doli në konferencë shtypi, ku bëri të ditur se PSD do votojë kundër qeverisë. Ai tha se "tani PSD është një parti opozitare, por nuk e kanë prishur aleancën me të majtët sepse si ndajnë asgjë nga socialistët, por i ndajnë shumë gjëra nga një grup personash të PS". Që në fillim të fjalës së tij Gjinushi ka akuzuar drejtëpërsëdrejti PS për një parapërcaktim të posteve ministrore. "Ne denoncojmë faktin që formulat qeverisëse janë bërë shumë kohë më parë" tha ai. Kryetari socialdemokrat e ka hedhur kategorikisht poshtë ofertën e Nanos për dy postet ministrore, duke kërkuar në këtë mënyrë respektimin e plotë të marrëveshjes që PSD ka bërë me PS. Gjinushi dënoi edhe bashkëpunimin ndërmjet kryetarit socialist, Nano, me atë të opozitës Berisha. Këtë bashkëpunim ai e sheh si një kërcënim serioz për PS. Lidhur me këtë ai tha "nuk ka pasur asnjë tentativë nga PS për të vazhduar bashkëqeverisjen, ndaj rrjedhimisht ne vlerësojmë që kemi një shkarje djathtas të PS dhe këto janë produkt i marrëveshjeve që bëhën me Berishën. Dihet se është vetëm në interes të së djathtës çarja e së majtës, por kjo nuk është arsyeja që të prishet brenda 24 orësh një bashkëpunim pesëvjeçar i PS me PSD". "Tepër kategorik ai theksoi se një paqe me Berishën ka gjithmonë një çmim dhe çmimi që ai kërkon është shumë i madh, sepse Berisha po kërkon të marrë presidentin, shërbimin informativ, të çahet e majta, por mbi të gjitha ai po kërkon të pregatitet për të fituar zgjedhjet e parakohshme vitin e ardhshëm". Para takimit të fundit me Nanon, Gjinushi mblodhi kryesinë e partisë për të vendosur vendimin përfundimtar. Pas përfundimit të mbledhjes Gjinushi e bëri të ditur vendimin e votuar me 16 vota, 13 pro dhe dy abstenime, njëra prej të cilave ajo e Paskal Milos. Kurse Milo tha për Gazetën se "vendimi i PSD në opozitë është një vendim që do të ketë rrjedhoja për partinë. Gjithashtu ai shprehu qëndrimin e tij pozitiv për të votuar qeverinë e re. "Unë do t'i bindem vullnetit të partisë sime për të mos marrë pjesë në qeveri, por do të votoj qeverinë e re".

Kabineti "Nano 5"

KRYEMINISTËR FATOS NANO
Zëvendëskryeministër dhe Ministër Jashtëm Ilir Meta
Ministër i Rendit Luan Rama
Ministër i Mbrojtjes Pandeli Majko
Ministër i Financave Kastriot Islami
Ministër i Drejtësisë Spiro Peçi
Ministër i Bashkëpunimit Ekonomik Arben Malaj
Ministër i Transportit dhe Telekomunikacionit Spartak Poçi
Ministër i Pushtetit Lokal Ben Blushi
Ministër i Punës dhe Përkrahjes Sociale Valentina Leskaj
Ministër i Rregullimit të Territorit dhe Turizmit Besnik Dervishi
Ministër i Arsimit Luan Memushi
Ministër i Kulturës Arta Dade
Ministër i Industrisë dhe Energjitikës Viktor Doda
Ministër i Bujqësisë Agron Duka
Ministër i Shëndetësisë Mustafa Xhani
Ministër i Integrimit Sokol Nako
Ministër i Ambientit Lufter Xhuveli
Ministër Shteti për Koordinimin e Reformave Blendi Klosi

-----------------

Gjinushi eshte shum interesant.

". "Unë nuk mund të jem ministër i thjeshtë, pasi kam qenë kryetar i Parlamentit dhe më pas zëvendëskryeministër", i ka thënë Gjinushi, Nanos, bëjnë të ditur burime nga PS.

[Brari]

Pune te mbare Qeverise !


TIRANE (29 Korrik) - Presidenti i Republikës, Alfred Moisiu, dekretoi sot në mesditë përbërjen e Qeverisë së re, paraqitur nga Kryeministri, Fatos Nano. Sipas njoftimit të kabinetit të Presidentit, në mbështjetje të neneve, 93, 96 dhe 98 të Kushtetutës së Republikës së Shqipërisë, pas konsultimeve zyrtare me titullarët e institucioneve përkatëse të shtetit, Presidenti Moisiu dekretoi përbërjen e qeverisë së re dhe ia dorëzoi dekretin e emërimit të Këshillit të Ministrave, Kryeministrit Nano. Përbërja e Qeverisë së re, është si më poshtë:

1. Kryeministër, Fatos Nano

2. Zëvendëskryeministër dhe ministër i Punëve të Jashtme, Ilir Meta

3. Ministër i Mbrojtjes, Pandeli Majko

4. Ministër i Rendit Publik, Luan Rama

5. Ministër i Drejtësisë, Spiro Peçi

6. Ministër i Transportit dhe Telekomunikacionit, Spartak Poçi

7. Ministër i Financave, Kastriot Islami

8. Ministër i Arsimit dhe i Shkencës, Luan Memushi

9. Ministër i Kulturës, Rinisë dhe Sporteve, Arta Dade

10. Ministër i Pushtetit Lokal dhe Decentralizimit, Ben Blushi

11. Ministër i Mjedisit, Lufter Xhuveli

12. Ministër i Bujqësisë dhe Ushqimit, Agron Duka

13. Ministër i Ekonomisë, Arben Malaj

14. Ministër i Shëndetsisë, Mustafa Xhani

15. Ministër i Industrisë dhe Energjitikës, Viktor Doda

16. Ministër i Punës dhe Çështjeve Sociale, Valentina Leskaj

17. Ministër i Rregullimit të Territorit dhe Turizmit, Besnik Dervishi

18. Ministër i Shtetit për Integrimin, Sokol Nako

19. Ministër i Shtetit për Antikorrupsionin, Blendi Klosi

dxh/mr (BalkanWeb)

[Anton]

A mund të qeverisin këta njerëz

Me paraqitjen dje të kabinetit Nano 5, shqiptarët patën rastin të shohin njerëzit e korrupsionit dhe të klaneve korruptive që luftuan kundër njëri-tjetrit për jetë e vdekje, të pushojnë luftën dhe pa asnjë moral të shpallin kompromisin e pushtetit.

Është krejt e natyrshme që ne si gazetë e opozitës të komentonim me tone kritike një kabinet të pamerituar të kundërshtarëve tanë politikë, por kësaj radhe radaksisë tonë i kanë ardhur në ndihmë komentet e zotit Nano si dhe të vetë anëtarëve të tjerë të kabinetit të tij për të dhënë një fytyrë konkrete të qeverisë së PS, e cila po u ofron qytetarëve të këtij vendi një tjetër qeveri të mbijetesës së krizës.

Po të shikoni me kujdes sot, e gjithë zhurma për ndryshimet në qeverinë e PS-së, banalizohet në emra që nuk paraqesin asnjë alternativë, përveç babëzitjes për të marrë portofolin që jep tenderi me prokurim të drejtpërdrejtë, për të privatizuar Shkëmbinj Pëllumbash e Gjire të Lalzit apo për të marrë bakshishin nga sekserët e trafiqeve.

Detyra jonë si gazetë e parë e mendimit të lirë në këtë vend, është që të jemi të saktë në ato që themi dhe ato që shkrujamë, dhe për këtë ne kemi shkëputur në ligjeratë të drejtë të gjitha ato që ka thënë Kryeministri Nano për zëvendëskryeministrin Meta, kryeministri Nano për ministrin Rama dhe ministren Dade apo zëvendëskryeminstri Meta për kryeministrin aktual Nano etj.

Ne mendojmë se, "transparenca" përpara opinionit publik e emrave të kabinetit Nano është një detyrë qytetare aq sa edhe profesionale. Në këtë numër, por edhe në numrat në vazhdim ju do të shikoni ministra të dëshpëruar që lanë portofolet ministrore, si dhe hakmarrjen e tyre për të denoncuar pazaret me kreun e PS, Nano. Akuzat e ndërsjellta, kërcënimet dhe paralajmërimet e drejtuara ndaj klaneve të ndryshme në PS, të cilat arrijnë deri në akuza për vrasje që janë kryer nga "politikanë të lartë".

Për shembull, Angjeli kërcënoi se nëse ai do të preket më tej, atëherë do të tregojë se kush fshihet pas "politikanit të lartë", i cili ka shkelur një njeri. Po ashtu Angjeli kërcënoi se do të tregojë se kush fshihet pas dy ministrave të lidhur me Kadriovskin, një prej kokave të trafikut të drogës në Shqipëri. Me të njëjtën gjuhë flet edhe Muçi, i cili gjithashtu dha dorëheqjen nga posti i ministrit të Ekonomisë dhe Privatizimeve. Ju do të shihni qeveritarët që kërcënojnë në pozat e një mafiozi të penduar.

Opinioni shqiptar, lexuesit tanë, kanë rastin të rilexojnë akuzat e qeveritarëve aktualë për njëri-tjetrin që sipas vetë atyre, janë po këta qeveritarë dhe politikanë të PS-së, që drejtojnë trafikun e drogës dhe vrasin njerëz të pafajshëm, por që këto gjëra i deklarojnë vetëm atëherë kur u preken interesat. Nga këto, ne nxjerrim konkluzionin se kasta aktuale në pushtet nuk mundet kurrësesi të jetë përfaqësuesja e opinionit të gjërë, por vetëm përfaqësuesja e grupeve rivale të mafies, siç thonë ata vetë për njëri- tjetrin.

Duket sikur ky kabinet ka arritur një përputhje të interesave të grupeve mafioze që dominojnë politikat qeverisëse dhe ekonomike të vendit, por degjenerimi qeverisës i partisë-shtet, nuk mund të ndalet.







Angjeli: Nano ka dështuar për të disatën herë si Kryeministër





Nano ka lënë në kazinonë e Atlantik City (SHBA), shuma të mëdha në USD





. . . "Zanafilla e sulmeve dhe shpifjeve të Fatos Nanos dhe atyre që e rrethojnë atë, fillon në fillimet dhe gjatë vitit 1999, pas dështimit të tij në shtator të vitit 1998 me turp në qeverisje për të disatën herë si kryeministër dhe arratisjen e tij jashtë kufijve të Shqipërisë, në Maqedoni. Dëmi që ky veprim i shkaktoi institucioneve të shtetit, ekonomisë së vendit, ishte shumë i madh. Të gjithë presin që shkaktarët e kësaj katrahure të japin llogari dhe të përgjigjen. Edhe unë kam qenë anëtar i Qeverisë, por unë ndenja në krye të detyrës gjatë gjithë kohës dhe mbrojta institucionin tim".



- "Qofsha i gabuar, por zërat në atë kohë thoshin se artikujt shkruheshin e kombinoheshin nga njerëz të Fatos Nanos, së bashku me zonjën Cea, bile ndonjëherë titujt jepeshin me telefon e nga jashtë shtetit ku ndodhej Fatos Nano. Kjo pasi kishte lënë në kazinonë e Atlantik City, shuma të mëdha në USD. Ky sulm që vazhdoi për gati dy muaj, pati një fund të jo të suksesshëm për zotin Nano, për një grup njerëzish që e rrethonin dhe për vetë zonjën Cea".

- "Një fazë tjetër e denigrimit nga ana e Fatos Nanos është tallja që ai bëri me nënën time, me një fjalë më ka share nga nëna. Kjo tregon edhe thelbin e karakterit të tij. Unë nuk e bëj dot atë që bëri ai..." .



*Fjala e Angjeli në mbledhjen e KPD të Dhjetorit 2001







Meta: Nano, një padrino



Deputetët e Dushkut të paligjshëm



-"Nano është arkitekti i bojkotit që nga zgjedhjet e viti ’96"

-"Maxhoranca për zgjedhjen e Presidentit është e kontestuar"

-"Maxhoranca nuk përmbush detyrimet e saj për të qeverisur vendin"

-"Referendumi i Nanos, sfida e Brukselit"

-"I rekomandoj zotit Nano që të mos shkojë më në restorant Trieste ku bëhen pazaret e malavitas, ku bëhen qeveritë, bëhen akuzat për ministrat, bëhen edhe emërimet e qeverive të reja"

-"Nano, kamikazi i shkatërrimit të institucioneve"

-"Nano, veprime tipike mafioze"

-"Fatos Nano më përdori për të fituar zgjedhjet lokale dhe ato parlamentare"



Ish-kryeministri Meta deklaroime 30 janar se maxhoranca aktuale socialiste nuk është më në gjendje të qeverisë vendin. "Maxhoranca nuk përmbush detyrimet e saj për të qeverisur vendin", u shpreh Meta duke akuzuar për shkatërrimin e kësaj maxhorance në mënyrë të drejtpërdrejtë kreun e PS, Nano, të cilin e konsideroi si kamikazin e shkatërrimit të institucioneve. Ish-kreu i ekzekutivit i ka konsideruar metodat e Nanos për rrëzimin e tij nga posti kryeministror si "tipike mafioze". "Nuk mund të vazhdoja më të qeverisja në një kohë që sulmohej kudo qeveria nga Kryetari i Partisë, bojkotohej në parlament nga Kryetari saj dhe njerëzit që e pasojnë. Kjo do të thotë se rregullat e lojës janë prishur. Unë nuk jam një njeri i papërgjegjshëm që të mbaj peng vendin", u shpreh Meta.

Për të parën herë ish-kreu i ekzekutivit ka hapur letrat në marrëdhëniet e tij me kreun e PS. Ai ka sulmuar Nanon jo vetëm politikisht, por e ka akuzuar atë për lidhje të drejtëpërdrejta me mafien rajonale. Po me 30 janar për të parën herë Meta ka denoncuar Nanon si arktitektin e bojkotit në Shqipërinë e post ’90-ës. Meta ka kujtuar bojkotin e zgjedhjeve parlamentare të 26 majit të ’96, një veprim për të cilin Meta akuzoi direkt Nanon. "Përmes strategjisë së bojktotit të përdorur jo vetëm kohët e fundit në parlament, por që nga ’96-ta, Nano ka synuar minimin e institucioneve dhe shkatërrimin e proceseve demokratike", është shprehur Meta.

Ish-kryeministri Meta ka akuzuar Fatos Nanon si njeriun e malavitas në Shqipëri, duke u shprehur se ai është frekuentuesi më i rregullt i një prej restoranteve ku bëhen pazaret e malavitas. "I rekomandoj zotit Nano që të mos shkojë më në restorant Trieste ku bëhen pazaret e malavitas, ku bëhen qeveritë, bëhen akuzat për ministrat, bëhen edhe emërimet e qeverive të reja", është shprehur Meta në një intervistë për Tv Klan. Ish-numri një i qeverisë ka paralajmëruar Nanon, se tani pas dorëheqjes do të jetë ai njeriu, i cili do t’i numërojë kreut të PS pazaret dhe implikimet e tij në aferat e pista duke lënë këtë një kapitull të hapur. "Unë kam dhënë dorëheqjen tani nga posti i kryeministrit dhe mund të jap sqarime të plota lidhur me këto çështje", ka kërcënuar Meta.

Duke komentuar zhvillimet në vend, Meta është shprehur se deputetët e dalë nga zona e Dushkut janë të paligjshëm dhe pranoi kontestimin që i bëhet maxhorancës lidhur me zgjedhjen e presidentit. Meta tha se vendit i duhet një president konsensual dhe pranoi që është i domosdoshëm konsensusi me opozitën. Lidhur me zhvillimet brenda PS, Meta tha se referendumi që po kërkon të bëjë Nano tashmë është i kontestuar dhe ai po kërkohet që të realizohet si një sfidë ndaj Brukselit. Ai u shpreh se nuk mund të jetë një kryeministër kukull në duart e Nanos.

[alumni]

Pa fjale ...

TIRANE (30 Korrik) -

Në vitin 2005 do t'u kërkoj zgjedhësve edhe një mandat tjetër qeverisës.

Deklarata vjen nga Kryeministri Fatos Nano, i cili, së bashku me ministrat e tij, iu përgjigj pyetjeve të deputetëve shqiptarë mbi programin zgjedhor. "Vazhdoj të mbetem i angazhuar në realizimin e programit qeverisës dhe në bazë të këtyre rezultateve do të shkojmë para elektoratit për t'i kërkuar atij edhe nje mandat tjetër qeverisës", deklaroi sot Nano gjatë seancës plenare në Kuvend.

I pyetur nëse do të pranonte mbajtjen e zgjedhjeve të parakohëshme, në rast se maxhoranca do të humbasë në zgjedhjet lokale të tetorit 2003, Nano tha se "i mbetem besnik Kushtetutës të Republikës dhe rregullave të lojës politike".

Duke iu përgjigjur pyetjeve të grupit parlamentar socialdemokrat, Nano nuk përjashtoi një bashkëpunim në të ardhmen me PSD. "Desha t'i kujtoj aleatëve tanë të natyrshëm dhe historik se të gjitha këto ndryshime i kemi bërë bashkërisht. Si kryetar i maxhorancës mbetem i hapur për analiza dhe zhvillime të mëvonëshme". Qeveria "Nano" nuk premton zgjidhjen e problemit të kthimit dhe kompensimit të pronave, pavarësisht faktit se ajo është përcaktuar në Kushtetutë.

Si Kryeministri Nano, ashtu edhe zv/ kryeministri Meta u treguan të errët në përgjigjet e tyre duke mospërcaktuar asnjë afat konkret dhe objektiva të qartë për këtë çështje. "Kuvendi ka vendosur ngritjen e një komisioni parlamentar ad-hoc i cili ka kërkuar dhe asistencën e specialistëve të Këshillit të Ministrave, Ministrisë së Drejtësisë, shoqatave të interesuara për këtë problem. Dihet se puna e këtij komisioni ende vazhdon dhe në lidhje me strategjinë e realizimit të proçesit në fjalë, nga ana jonë janë konceptuar dhe modalitetet që duhet të vendosen me akte nënligjore nga Këshilli i Ministrave të cilat do të mund të materializojnë në terren kompensimin e ish-pronarëve si proçes për të cilin duhet të proçedohet krahas proçesit të njohjes dhe të kthimit të pronave".

Në lidhje me investimet e thuaja, Meta tha se asnjë investitor nuk do të shpërfillet, ndërsa për minoritetet ai theksoi se standartet e tyre në vendin tonë do të jenë të larta.

Ministri i Rendit, Luan Rama, theksoi edhe një herë tjetër shprehjen "tolerancë zero" për ndërhyrjet në punën e policisë. Ministri i Financave, Kastriot Islami, deklaroi si synim të tijin përmirësimin e vjeljes së taksave, mos ndryshimin e tatimit mbi fitimin dhe masa të metejshme për forcimin e sistemit bankar. Përsa i përket fushës së Drejtësisë, ministri Spiro Peçi tha përpara deputetëve se do të hartohen projekte të ndryshme në këtë fushë, duke premtuar se do të nxirren jashtë rradhëve të Drejtësisë të gjithë të korruptuarit. in/ko (BalkanWeb)

[Anton]

Nano: Meta drejton në mënyrë fashiste



"Unë kam ardhur këtu që të mos humbas frymën, autoritetin dhe forcën tonë politike për shkak të presionit ekzekutiv dhe policor ndaj forumeve të partisë që po ushtron Meta që drejton në mënyrë fashiste, duke bërë lidhje vertikale direkte nga zyrat e tij në zyrën e agjensive të specializuara të shtetit, nga policia deri tek Gjykata apo Prokuroria, jashtë vëmendjes së drejtuesve të institucioneve që japin llogari para popullit dhe para ligjit".



Meta është mësuar të blejë mbështetje dhe vota me para të pista.

Nuk jam sot për të rrëzuar Kryeministrin Meta, por për të atakuar kryeministrin në sytë tuaj, sepse i ka kthyer kurrizin partisë, forumeve, kryetarit dhe po punon me miqtë e tij, dhe miqtë e tij janë sot dhe nuk janë nesër. Kështu që Kryeministri Meta është mësuar të blejë mbështetje dhe vota me para të pista dhe të pastra. Sot duhet të jesh nga Skrapari që të gjesh një vend të lartë në administratën shtetërore. Incidenti i ndodhur mbrëmë në hotel "Rogner" ishte i lidhur me krimin dhe pushtetin. Unë kam ardhur këtu që të mos humbas frymën, autoritetin dhe forcën tonë politike, për shkak të presionit ekzekutiv dhe policor ndaj forumeve të partisë që po ushtron Meta që drejton në mënyrë fashiste, duke bërë lidhje vertikale direkte nga zyrat e tij në zyrën e agjensive të specializuara të shtetit, nga Policia deri tek Gjykata apo Prokuroria, jashtë vëmendjes së drejtuesve të institucioneve që japin llogari para popullit dhe para ligjit.

Unë nuk mund të lejoj dhe nuk e mbyll gojën para kërcënimeve as për ndonjë presion shtetëror dhe as për atentate për Fatos Nanon... Ka dy modele qeverisjeje, ai diktatorial ku të gjitha partite mblidhen në qendër më pas shpërndahen sipas vlerësimeve që bëjnë njerëzit në qendër, dhe kjo sjell edhe pushimin e vendimmarrjes, ky është regjimi i Ilir Metës që drejton me celular".

*akuza të Fatos Nanos për Metën me 23 nëntor 2001



"Ilir Meta, trafikant, abuzues dhe i korruptuar"



* Ju ftoj të mos e konsiderojnë qëndrimin e zotit Meta dhe të keni në qendër të vëmendjes detyrën që keni për të bërë sot, pra zgjidhjen e krizës së shkaktuar nga Ilir Meta.



* Për mua, flet vetëm Ilir Meta nga këto gjëra, kurse për Ilir Metën dhe për gjithë fenomenet e tjera, unë jam bërë interpret i zërit mazhoritar, qytetar, socialist dhe publik.



* Në çdo moment të zhvillimit të lëvizjes për katarsis kam ftuar dhe vazhdoj të ftoj kryeministrin Ilir Meta të bëhet pjesë e zgjidhjes së krizës dhe e rikompaktësimit të vlerave e kontributeve të PSSH, dhe jo pjesë e një blloku apo grupimi fraksionues



* "Gjatë gjithë këtyre muajve të krizës, në vend të ushtrimit të vullnetit për zgjidhje konsensuale janë shfaqur e rishfaqur herë pas here tentativa për të fraksionuar forumet qëndrore të partisë dhe të Grupit Parlamentar socialist, përmes demonstrimit të forcës së votave në vend të ballafaqimit të alternativave".



* "Eshtë tentuar që zgjidhja e krizës të reduktohej në rrokada emrash nëpër poste pa dhënë dot asnjë garanci për nisjen e proçesit të transparencës, tashmë të pashmangshme".



* Çdo zgjidhje e bazuar në emra të përvetshëm apo në fraksione dhe klane që demonstrojnë forcë votash apo interesash në vend të përgjegjshmërisë dhe integrimit të kontributeve dhe vlerave, do të ngelet e mangët dhe do riciklojë krizën në harqe kohore të shkurtra pa asnjë perspektivë për stabilitetin tonë qeverisës.



· Lëvizja për katarsisin e qeverisjes, nuk është pronë vetëm e një grupi përfaqësuesish dhe nuk drejtohet thjeshtë kundër një grupi rrëmbyes kolltuqesh të ekzekutivit.

Lëvizja për një qeverisje të mirë, të pakorruptuar, pa trafiqe dhe abuzime, pa krahinizëm dhe grupime interesash ilegjitime që synojnë pasurimin e shpejtë përmes përdorimit të pushtetit, erdhi si mesazh i fuqishëm drejtpërdrejtë nga anëtarësia jonë progresiste dhe zgjedhësit socialistë të orientuar nga Europa.

(Nano në mbledhjen e KPD-së me 6 shkurt 2002)









———————————————————————————

Fq. 5.



Ish-kryeministri u përgjigjet akuzave të kryesocialistit



Meta: Nano, nxitës dhe mbështetës i krimit



22 Nëntor 2001



Problemi im si Kryeministër është se këto shpifje, fyerje dhe akuza, nuk kanë si efekt të vetëm përbaltjen e Ilir Metës si person. Kjo do të ishte më pak se gjysma e së keqes. Këto shpifje, fyerje dhe akuza mbartin të keqen e madhe të ngjalljes së panikut tek qytetarët. Ato nxisin krimin, fusin ankthin në komunitetin e biznesit dhe frenojnë ecjen tonë përpara, duke paralizuar administratën shtetërore, e cila natyrisht humbet motivimin. Kjo fushatë denigruese brenda llojit të shoqëruar me kërcënimin absurd të kryetarit të Partisë për zgjedhje të parakohëshme, lëkund besimin tek institucionet, krijon zhgënjim tek partnerët tanë ndërkombëtarë dhe godet publikisht imazhin e Partisë Socialiste.

Mendoj se ka ardhur koha të thuhet hapur, se ajo që kërkon kryetari i Partisë me presionin e tij të papranueshëm është përfshirja në qeveri, apo në struktura të tjera të qeverisjes, e personave të veçantë.



2 dhjetor 2001



"Por unë dua t’u jap fjalën të gjithëve që, unë nuk do të ndaloj së punuari për të shëruar Partinë Socialiste nga demagogjia dhe kriza ku po e fut Fatos Nano".



6 dhjetor 2001:



Nano unë nuk ngjaj me fashistët.

"A i ngjan ndonjërit ky forum i lartë i Partisë Socialiste si djepi i një qeverie me tipare fashiste? A sheh ndonjëri tek ky forum i lartë i Partisë Socialiste ndonjë përpjekje për t’u mbyllur gojën atyre që mendojnë ndryshe"?

————————————————————————————————————————





Nano: Meta i implikuar në afera shumëmilionëshe



"Lëvizja për një qeverisje të mirë, të pa korruptuar, pa trafiqe dhe abuzime, pa krahinizëm dhe grupime interesash ilegjitime që synojnë pasurimin e shpejtë përmes përdorimit të pushtetit, erdhi si mesazh i fuqishëm drejtpërdrejtë nga anëtarësia jonë progresiste dhe zgjedhësit socialistë të orientuar nga Europa".





Nuk jam për t’u sjellur, sa si delirant dhe as si triumfues, që asnjë nga akuzat preçize të adresuara nga unë për institucione dhe drejtues institucionesh, nuk morën përgjigje. Kë të besoj Kryeministrin që sapo foli apo Kryeministrin që lejon që nga zyrat e FRESSH-it në Drejtorinë e Shërbimeve Qeveritare të vazhdojnë të manipulohen afera shumëmilionëshe. Të besoj shokun që kemi zgjedhur të na drejtojë drejt asocimit dhe të ardhmes europiane, apo Ilirin që vazhdon të mos marrë asnjë angazhim serioz e të përgjegjshëm për të larguar jo me skenarë të tillë mallëngjyes dhe martirizues, me dorën e egër të ligjit dhe të ushtrojë pushetin kushtetues të Kryeministrit, mbi të gjithë të dyshuarit, të paaftët dhe të padenjë për të drejtuar sektorë të rëndësishëm në administratën shtetërore, që nuk janë miqtë tanë, aq më pak të mitë, por janë njerëz të identifikuar për lidhje fare të ngushta dhe aspak politike dhe institucionale me Kryeministrin.

Ndërsa Kryeministri Ilir Meta, me lidhje të dyshimta, sapo kërcënoi që Fatos Nanon mund ta përjashtojmë dhe nga Internacionalja Socialiste dhe jo vetëm në parti.

"Por të gjitha sulmet mbi mua, jam shumë i qetë dhe i përgjegjshëm po i duken dhe publikut si një gazetë prapë e blerë nga qeveria, e bërë nga i njëjti kryeredaktor, nga të njëjtët gazetarë, madje të ish-"Zërit të Popullit", të drejtuar nga i njëjti padron".

Fatos Nano nuk ka asnjë pakënaqësi personale për anashkalim apo neglizhim nga ana e shokëve që na përfaqësojnë në qeveri. E përsëri që do të kishte qenë shumë më komode për mua që të mos ishte bërë ky gjyqi i rradhës që na harxhoi energji, nerva dhe gjëra të tjera. Dhe aq më pak kam interesa ilegjitime amorale dhe parimore. I thashë Bashkim Finos në Berat, shoku Ilir, ku u ngrit ajo gruaja e shkëlqyer militante, që nuk deshte as bukë, as ujë, as drita, përveç se ne të shkonim mirë me njëri – tjetrin dhe unë i them Bashkimit: O Bashkim, unë s’dua Shpellën e Pëllumbave, dua Anastasin, por Iliri s’ma jep. Dua të kthej Anastasin në njeriun e mirë, mik dhe shok që jemi rritur bashkë. Dhe Anastas, kur thua se të kam sharë nga nëna, kam sharë dhe nënën time, sepse ajo është nëna jonë dhe më vjen mirë që është po aq e vërfër dhe e nderuar dhe e ndershme siç kemi qenë kur hanim supën, me apo pa peshk, varej nga deti apo nga takati për ta zënë apo blerë.

[Brari]

gaz.shqip.
---------------
Programi që kanë paraqitur anëtarët e kabinetit "Nano 5". Prioritetet, gafat dhe synimet në çdo dikaster

"Unë, ministri Rama premtoj..."
"Brenda X vitesh eleminohen trafiqet nga vendi ynë"


--------------------------------------------------------------------------------

Brenda x vitesh do të eliminohet trafiku. Ky është premtimi i ministrit të ri të Rendit, Luan Rama. Rama premton që pikërisht pas x vitesh Shqipëria do të jetë e çliruar nga trafiqet. Një lapsus apo një harresë ose ndoshta parashikimi i gjatë i çtrafikimit të Shqipërisë.

Kjo është shkruar në programin e qeverisë dhe si e tillë duhet respektuar. Në fund të fundit shqiptarët të paktën pas x vitesh nuk do të kenë frikë më nga trafiqet. Programi i qeverisë, parashikon gjithashtu edhe uljen e papunësisë, por pa përqindje dhe pa shifra, parashikon shitjen e Telekomit, Bankës së Kursimeve dhe të INSIG-ut, por pa data. Ndoshta kanë harruar ministrat ta shënojnë në premtimet e tyre.

Premtimet
Sipas ministrit Doda, Shqipëria do të ketë një strategji të vetën energjitike deri në vitin 2020. Ndërsa sa për energjinë elektrike të këtij viti, nuk dihet. Sipas Majkos, brenda 2005 shqiptari do të ketë bërë hapat e nevojshëm për të aderuar në NATO. Në fakt, këtë Majko e ka marrë borxh që nga premtimi i qeverisë Meta. Sipas Leskaj, në Shqipëri do të aplikohen disa programe për uljen e varfërisë dhe të papunësisë, por nuk dihet se sa të punësuar do të shtohen dhe sa të varfër do të "pasurohen". Sipas ministrit Duka, bujqësia shqiptare, do të japë 30 për qind të GDP, por nuk premtohet sa do të ulen importet e prodhimeve buqjësore. Sipas Dervishit, brenda 2005 do të ulet me 30 për qind numëri i familjeve të pastreha, por kjo varet nga kredia e famshme greke, e cila deri tani përveç parave ka sjellë vetëm debate. Më i qëndrueshëm në premtimet e tij është Meta, ku diplomacia do të synojë integrimin në BE dhe në NATO. Malaj premton që do të vazhdojë puna për marrëveshjet e tregtisë së lirë si dhe nxitja e biznesit të vogël dhe të mesëm. Poçi premton se, brenda 3 viteve do të përfundojnë korridoret veri-jug dhe lindje perëndim. Deri tani për 5 vjet puna nuk ka shkuar as deri te gjysma e rrugëve.

Parashikime
Me shifra kemi një program ambicioz. Parashikohet ulja e borxhit të brendshëm, që do të thotë më pak para të shqiptarëve për borxhet e shtetit. Parashikohen një mal me para për varfërinë dhe ngritja e një termocentrali që do të na japë drita. Për herë të parë parashikohet shfrytëzimi i erës dhe diellit për energjinë. Sipas këtyre premtimeve do të marrim edhe 2 miliardë kilovat/orë energji më shumë. Shifër që do t'i mbyllte rrugën importeve të energjisë dhe do kursente me të vërtetë shumë para. Problem ngelet vetëm zbatimi. Se me ligje dhe projekte, na kanë zili edhe Danimarka edhe Hollanda që kanë mulli me erë.

[Vinny_T]

PD(r): Nano, me dobet se ne '97



Kryetari i PD(r) Genc Pollo, e ka vleresuar programin qeverises te paraqitur nga Kryeministri Fatos Nano ne Kuvend, me te dobet se programin qe ky i fundit paraqiti po si Kryeminister ne vitin 1997. Sipas tij, fjalimi mund te quhet "nje Deklarim i Qellimeve te Mira, por jo nje program qeveritar". "Nano ne te gjithe materialin e tij nuk permend shifra konkrete, asnje shume te ardhurash apo shpenzimesh., asnje sasi investimesh apo huash ne vlere absolute apo perqindje. Cdo program serioz, i cdo qeverie serioze, do te ishte i pakonceptueshem pa keto shifra. Ne kete fjalim Nano ka permendur vetem 3 data, dy here vitin 2004, e nje here vitin 2005. Nje program , thekson Pollo


Jam plotesisht dakort me Genc Pollon kur thote qe nje program qeverie pa afate mujore, semestrale e vjetore do te konsiderohej i paqarte dhe do te refuzohej nga cdo Parlament ne Europe".
Qe te paraqesesh nje program qeverie, do te thoshe qe te fiksosh objektiva dhe konkrete. Keto objektiva duhet te jene te qarta dhe te shifrueshme, te jepen afatet ne menyre qe ne fund te mandatit, ose dhe perpara ne fund te çdo viti çdo njeri te bej bilancin e punes se qeverise. Nano ne fund te çdo viti duhet te japi nje vleresim mbi punen e qeverise se tij normalisht, te bej bilancin ( ne menyre qe te axhustoje si duhet qeverisjen ne funksion te punes se kryer. Duke mos pasur asgje konkrete dhe te shifruar ne kete program dhe duke e lene komplet evaziv Nano nuk i le mundesine asnjeriut qe te kontrolloje punen e tij, keshtu qe do te kemi perseri nga ana e qeverise deklarime te stilit: "plani u realizua 100%, objektivat u rrealizuan.....dhe asnje gazetar nuk ben pyetjen esenciale perpara se te shkruaje idiotesirat e Nanos me shoke "SA ISHTE PARASHIKUAR NE SHIFRA DHE SA U BE"? Kur ka shifra edhe nje i klases se 4 fillore arrin te krahasoje ato qe thuhen me ato qe behen.
Pershendetje

[Albo]

Katër dorëheqjet e Fatos Nanos

Nga KASTRIOT DERVISHI

Rikthimi i Fatos Nanos në detyrën e kryeministrit të Shqipërisë përbën një kthim tek e vjetra dhe tek dështimi. Në gjithë këto vite të pluralizmit politik në Shqipëri, Fatos Nano mbahet si kryeministri më i dështuar në katër qeveri të tij. Më e gjata prej tyre ka qenë ajo e periudhës 1997 ? 1998, pa sjellë asnjë shkëlqim apo përparim në jetën politike apo ekonomike të vendit. Le të shikojmë lëvizjet e Fatos Nanos nga kabineti Çarçani e deri sot.

Nano në kabinetin Çarçani

Në nëntor 1990, kryetari i Presidiumit të Kuvendit Popullor Ramiz Alia, dekretoi në postin e sekretarit të përgjithshëm të qeverisë, Fatos Nanon. Ky i fundit vinte nga Instituti i Studimeve Marksiste ? Leniniste dhe pa u provuar në detyrën e ministrit, bëhej drejtpërdrejt anëtar i kryesisë së këshillit të ministrave. Si sekretar i përgjithshëm i qeverisë Nano ishte deri më 31 janar 1991, kur u emërua zv/kryeministër bashkë me Shkëlqim Canin. Kabineti i fundit i Çarçanit dha dorëheqjen me 22 shkurt pas rrëzimit të monumentit të Enver Hoxhës në Tiranë. Gjatë gjithë kësaj kohe, kabineti nuk kishte pranuar heqjen e emrit të Enver Hoxhës nga Universitetit i Tiranës. Kabineti Çarçani në momentin që Fatos Nano u bë pjestar i tij ka qenë si më poshtë:

1?Adil Çarçani? Kryeministër

2?Besnik Bekteshi ? Zv/Kryeministër dhe Ministër i Industrisë e Minierave

3?Hekuran Isai ? Zv/Kryeministër dhe Ministër i Punëve të Brendshme

4?Manush Myftiu ? Zv/Kryeministër

5?Vangjel Çërrava ? Zv/Kryeministër

6?Fatos Nano ? Sekretar i Përgjithshëm i qeverisë

7?Reiz Malile ? Ministër i Punëve të Jashtme

8?Prokop Murra ? Ministër i Mbrojtjes Popullore

9?Andrea Nako ? Ministër i Financave

10?Lavdosh Ahmetaj ? Ministër i Energjitikës

11?Bashkim Sykja ? Ministër i Industrisë së Lehtë

12?Ylli Bufi ? Ministër i Industrisë Ushqimore

13?Themie Thomai ? Ministre e Bujqësisë

14?Ismail Ahmeti ? Ministër i Ndërtimit

15?Luan Babameto ? Ministër i Transportit

16?Pajtim Ajazi ? Ministër i Tregëtisë së Brendshme

17?Shane Korbeci ? Ministër i Tregëtisë së Jashtme

18?Xhemal Tafaj ? Ministër i Ekonomisë Komunale

19?Skënder Gjinushi ? Ministër i Arsimit dhe Kulturës

20?Ahmet Kamberi ? Ministër i Shëndetësisë

21?Niko Gjyzari ? Kryetar i Komisionit të Planit të Shtetit

22?Enver Halili ? Ministër i Drejtësisë

23?Bujar Kolaneci ? Kryetar i Komisionit të Kontrollit të Shtetit





22 shkurt ? 10 maj 1991: Qeveria Nano 1

Në gjendjen e vështirë që përjetonte Shqipëria, në shkurt 1991 Fatos Nano u dekretua nga Ramiz Alia si kryeministër dhe njëherësh edhe si anëtar i këshillit presidencial. Kjo qeveri drejtoi zgjedhjet e para pluraliste të 31 marsit 1991 të vlerësuara atëherë si të manipuluara. Akti i parë i kësaj qeverie pas zgjedhjeve ishte masakra e 2 prillit në Shkodrës, ku anëtarë të këtij kabineti dhe Sekretari i Parë i PPSH?së u akuzuan si urdhëdhënës të saj. Gjithashtu për aktivitetin e ushtruar gjatë kësaj qeverie, Nano edhe u dënua tre vjet më pas nga drejtësia.

Kjo qeveri dha dorëheqjen pas miratimit të Dispozitave Kryesore Kushtetuese dhe zgjedhjes së presidentit Ramiz Alia. Përbërja e këtij kabineti ishte si më poshtë:

1?Fatos Nano ? Kryeministër

2?Shkëlqim Cani ? zv/Kryeministër

3?Aleks Luarasi ? Sekretar i Përgjithshëm i K.M.

4?Gramoz Ruçi ? Ministër i Punëve të Brendshme

5?Kiço Mustaqi ? Ministër i Mbrotjes Popullore

6?Dashamir Kore ? Ministër i Drejtësisë

7?Qemal Disha ? Ministër i Financave

8?Drini Mezini ? Ministër i Industrisë, Minierave dhe Energjitikës

9?Ylli Bufi ? Ministër i Industrisë së Lehtë dhe Ushqimore

10?Ahmet Osja ? Ministër i Bujqësisë

11?Leonard Nano ? Ministër i Ndërtimit

12?Leontiev Çuçi ? Ministër i Ekonomisë

13?Sabit Brokaj ? Ministër i Shëndetësisë

14?Kastriot Islami ? Ministër i Arsimit

15?Muhamet Kapllani ? Ministër i Punëve të Jashtme

16?Shane Korbeci ? Ministër i Tregëtisë së Jashtme

17?Moikom Zeqo ? Kryetar i Komitetit të Kulturës dhe Arteve



11 maj ? 4 qershor 1991: Qeveria Nano 2

Qeveria Nano 2 ishte qeveria që krijoi "shumica e dalë nga zgjedhjet e 31 marsit". Për herë të parë dhe të fundit në historinë e Shqipërisë u krijua ministria e Sigurimit. Kjo qeveri u përball me grevën e përgjithshme të Sindikatave të Pavarura të Shqipërisë. E dështuar nga çdo anë dhe e paaftë për të realizuar kërkesat e grevistëve, nën një presion gjithmonë e më të fortë, qeveria Nano dha dorëheqjen më 4 qershor 1991.

Një javë më pas, Fatos Nano u zgjodh në kongresin e 10?të të PPSH?së, kryetar i ri i kësaj partie që u quajt pas këtij kongresi Partia Socialiste. Përbërja e kabinetit Nano 2 ishte si më poshtë:

1?Fatos Nano ? Kryeministër

2?Shkëlqim Cani ? zv/Kryeministër

3?Zyhdi Pepa? zv/Kryeministër

4?Gramoz Ruçi ? Kryetar i Komitetit të Sigurimit

5?Aredin Shyti ? Ministër i Rendit Publik

6?Muhamet Kapllani ? Ministër i Punëve të Jashtme

7?Ndriçim Karakaçi ? Ministër i Mbrojtjes Popullore

8?Dashamir Kore ? Ministër i Drejtësisë

9?Anastas Angjeli ? Ministër i Financave

10?Drini Mezini ? Ministër i Industrisë, Minierave dhe Energjitikës

11?Ylli Bufi ? Ministër i Industrisë së Lehtë dhe Ushqimore

12?Ahmet Osja ? Ministër i Bujqësisë

13?Leonard Nano ? Ministër i Ndërtimit

14?Maqo Lakrori ? Ministër i Arsimit

15?Sabit Brokaj ? Ministër i Shëndetësisë

16?Kostandin Hoxha ? Ministër i Tregëtisë së Jashtme

17?Flamur Hoxha ? Kryetar i komitetit të Mbrojtjes së Mjedisit

18?Moikom Zeqo ? Kryetar i Komitetit të Kulturës dhe Arteve



25 korrik 1997? 14 prill 1998: Qeveria Nano 3

Pas daljes nga burgu më 13 mars 1997 dhe pas "fitores plebishitare" të 29 qershorit 1997, Fatos Nano iu rikthye përsëri postit të kryeministrit. Formalisht kjo qeveri u quajt "qeveria e re demokratike" dhe në të u përfshinë disa ish ministra të kabineteve Nano 1 e 2. Në këtë qeveri ministra të dy kabineteve të parë të Nanos ishin Kastriot Islami, Sabit Brokaj dhe Ylli Bufi.

Në fjalimin që Nano mbajti para Kuvendit Popullor më 28 korrik 1997, vlerësoi "votën plebishitare të 29 qershorit", si "vendosëse të ekuilibrit real e të qëndrueshëm". Ndër të tjera Nano atëherë premtoi "rindërtimin e forcave të armatosura", "reformë institucionale", "politikë të re të ekonomike të qeverisë", "politikë të re sektoriale të zhvillimit" etj.

Në fund të mandatit kjo qeveri nuk kishte realizuar asgjë nga ato gjëra që kishte premtuar, ky hynte ndër të tjera edhe premtimi i kthimit të parave të ish?firmave piramidale dhe premtimi për hapjen e 250 mijë vendeve pune.

Besohet që këto mashtrime Nano t`i bëjë sërish në programin e vjetër të qeverisë së re Nano 5.

Në prill 1998, pas një konflikti që lindi midis ministrit të Financave Arben Malaj dhe ministrit të Punëve të Brendshmëm Neritan Ceka, Fatos Nano pa mundësinë më të mirë për të flakur Cekën nga koalicioni. Për të plotësuar skemat e krijuara që më parë u shkri Ministria e Punëve të Brendshme dhe u krijua Ministria e Rendit Publik dhe ajo e Pushtetit Lokal. Në këtë mënyrë Nano largoi me kujdes Cekën nga kabineti dhe bëri edhe ndonjë zëvendësim tjetër. Përveç Neritan Cekës u larguan edhe Sabit Brokaj, Shaqir Vukaj, Arta Dade, Maqo Lakrori, Elmaz Sherifi si dhe u shkri funksioni i sekretarit të shtetit.

Ndër ngjarjet kryesore të ndodhura gjatë mandatit të kësaj qeverie, janë plagosja e Azem Hajdarit më 18 shtator 1997 në Kuvendin Popullor nga një deputet socialist, takimi i Fatos Nanos me Sllobodan Millosheviçin në Kretë më 3 nëntor 1997, organizimi i pritës së Milotit më 14 shkurt 1998 kundër Azem Hakdarit, djegia e Shkodrës pak ditë më vonë etj.

Kabineti Nano3 ishte si më poshtë:

1?Fatos Nano?Kryeministër

2?Bashkim Fino? Zv/Kryeministër

3?Kastriot Islami? Ministër Shteti pranë Këshillit të Ministave

4?Neritan Ceka?Ministër i Brendshëm

5?Sabit Brokaj?Ministër i Mbrojtjes

6?Paskal Milo?Ministër i Punëve të Jashtme

7?Thimjo Kondi? Ministër i Drejtësisë

8?Arben Malaj?Ministër i Financave

9?Ylli Bufi? Ministër i Ekonomisë Publike dhe Privatizimit

10?Elmaz Sherifi? Ministër i Punës, Çështjeve Sociale dhe Gruas

11?Lufter Xhuveli? Ministër i Bujqësisë dhe Ushqimit

12?Shaqir Vukaj? Ministër i Tregëtisë dhe Turizmit

13?Gaqo Apostoli? Ministër i Punëve Publike dhe Transportit

14?Et`hem Ruka? Ministëri Arsimit dhe Shkencës

15?Arta Dade? Ministre e Kulturës Rinisë dhe Sporteve

16?Leonard Solis? Ministër i Shëndetësisë dhe Mjedisit

17?Arben Imami? Ministër Shteti për Reformën Legjislative dhe Marrëdhëniet me Kuvendin Popullor.

18?Ermelinda Meksi? Ministre Shteti për Zhvillimin dhe Bashkëpunimin Ekonomik

19?Maqo Lakrori? Sekretar Shteti për Integrimin Euroatlantik

20?Perikli Teta? Sekretar Shteti për Politikën e Mbrojtjes

21?Ndre Legisi? Sekretar Shteti në Ministrinë e Brendshme

22?Lush Përpali? Sekretar Shteti për Pushtetin Lokal

Nga ky kabinet qeveria e sotme Nano 5 ka emrat e Kastriot Islamit, Arben Malajt, Lufter Xhuvelit dhe Arta Dades.



15 prill? 28 shtator 1998: Nano 4



Kabineti Nano 4, u krijua më 14 prill 1998. Ministrat e rinj të këtij kabineti qenë Anastas Angjeli, Edvin Rama, Ilir Meta dhe Luan Hajdaraga. Kjo qeveri pati pesë muaj jetë dhe shërbeu si tensionuese e jetës politike në vend. Kështu më 22 gusht 1998 me urdhërin e Fatos Nanos u arrestuan "të gjashtët". Ndërsa më 12 shtator 1998, u vra pranë selisë së PD?së, drejtuesi i lartë i kësaj partie Azem Hajdari. Vrasësit ishin të gjithë oficerë policie dhe nuk u mor kurrfarë mase për arrestimin e tyre. Pas ngjarjeve të njohura të 14 shtatorit, kryeministri Fatos Nano u largua për në Maqedoni. Presioni ndërkombëtar ishte aq i madh sa e detyroi atë të deklaronte dorëheqjen disa ditë më vonë.

Pas deklarimit se "dorëheqja është tradhëti ndaj atdheut"{shih "ZP" 15 shtator 1998}, Fatos Nano dha dorëheqjen e katër të tij më 28 shtator 1998. Ndër të tjera në këtë dorëheqje Nano ka thënë:

"Duke qenë se krizën që po kalon vendi e konsideroj në radhë të parë krizë vlerash morale të shoqërisë ku jetojmë, pasqyrë shumë domethënëse është klasa politike , marr përsipër të gjitha përgjegjësitë e mia si kryeministër i këtij vendi për gjithçka nuk ka arritur të bëjë qeveria ime...Konstatoj i pezmatuar se edhe në këto momente tepër delikate për vendin, ku po përpiqem për të riformuluar kabinetin tim konform mandatit....nga partitë aleate të koalicionit, pa përjashtua këtu asnjë pjesë të PS?së, nuk po më vjen asjë sinjal i besueshëm dhe shpresëdhënës solidariteti. Në këto kushte kur formula e koalicionit i ngjan një formule të ndarjes së pandryshueshme të territoreve, prej nga askush...nuk duket se është në gjendje të sakrifikojë për t`i hapur rrugë një bashkëqeverisje...".

Pas dorëheqjes nga posti i kryeministrit, Nano shkeli edhe statutin e partisë së tij që thonte se kryetari i partisë duhej të ishte edhe kryeministër. Vetëm pas katër muajsh Nano dha edhe dorëheqjen nga posti i kryetarit të partisë dhe në kongresin e provokuar prej tij, bëri edhe ndryshimet e statutit të partisë në mënyrë të atillë për të siguaruar mbijetesën politike.

Qeveria Nano 4 ka pasur këtë përbërje:

1?Fatos Nano?Kryeministër

2?Bashkim Fino? Zv/Kryeministër dhe Ministër i Pushtetit Lokal

3?Kastriot Islami? Zv/Kryeministër dhe Ministër i Koordinimit Qeveritar

4?Paskal Milo? Ministër i Punëve të Jashtme

5?Arben Malaj? Ministër i Financave

6?Perikli Teta? Ministër i Rendit Publik

7?Luan Hajdaraga? Ministër i Mbrojtjes

8?Thimio Kondi? Ministër i Drejtësisë

9?Ylli Bufi? Ministër i Ekonomisë Publike dhe Privatizimit

10?Gaqo Apostoli? Ministër i Punëve Publike dhe Transportit

11?Lufter Xhuveli? Ministër i Bujqësisë

12?Et`hem Ruka? Ministër i Arsimit

13?Leonard Solis? Ministër i Shëndetësisë

14?Edvin Rama? Ministër i Kulturës Rinisë dhe Sporteve

15?Anastas Angjeli? Ministër i Punës dhe i Çështjeve Sociale

16?Ermelinda Meksi? Ministre e Bashkëpunimit Ekonomik

17?Arben Imami? Ministër i Reformës Institucionale

18?Ilir Meta ? Sekretar Shteti për Integrimin Euroatlantik

Nga ky kabinet qeveria e sotme Nano 5 ka emrat e Kastriot Islamit, Arben Malajt, Lufter Xhuvelit dhe Ilir Metës.



Kabineti Nano 5



Tashmë dihet se lista e ministrave të kabinetit Nano 5 përfshin emrat e Ilir Metës, Pandeli Majkos, Arta Dades, Luan Ramës, Lufter Xhuvelit, Agron Dukës, Spartak Poçit, Besnik Dervishit, Valentina Leskajt, Kastriot Islamit, Mustafa Xhanit, Arben Malajt, Viktor Dodës, Spiro Peçit, Ben Blushit, Sokol Nakos, Luan Memushit dhe Blendi Klosit.

I vetmi ministër që e shoqëron Fatos Nanon në të gjitha qeveritë e tij është Kastriot Islami. Ky ka qenë fillimisht ministër i Arsimit e më pas zv/kryeministër. Vlerësohet se kabineti Nano 5, si të gjithë kabinetet Nano1, 2, 3 e 4?r, do të jetë një kabinet i dobët me një qëndrueshmëri që vihet në dyshim. Për më tepër katër dorëheqjet{largimet} e Nanos nga posti i kryeministrit dhe histostoriku i hidhur që ai ka si kryeministër i Shqipërisë, nuk janë tregues të mirë për të. Nuk mund të ecet më më përralla të tipit të kthimit të parave 100%, apo i hapjes se një numuri fiktiv të vendeve të punës. Qeveria Nano 5 e ka dështim që në fillim të punës së saj. Mjafton të shikosh historinë e qeverive paraardhëse për t`u bindur edhe më tej për një gjë të tillë.



Kabineti Nano 5

1?Fatos Nano?Kryeministër

2?Ilir Meta? Zv/Kryeministër dhe Ministër i jashtem

3?Arben Malaj? Ministër i Ekonomise

4-Kastriot Islami - Minist[r i Financave

5?Luan Rama? Ministër i Rendit Publik

6?Pandeli Majko? Ministër i Mbrojtjes

7?Spiro Peçi? Ministër i Drejtësisë

8?Spartak Poçi? Ministër i Transportit dhe Telekomunikacionit

9?Lufter Xhuveli? Ministër i Mjedisit

10?Luan Memushi? Ministër i Arsimit

11?Mustafa Xhani? Ministër i Shëndetësisë

12?Arta Dade? Ministër i Kulturës Rinisë dhe Sporteve

13?Valentina Leskaj? Ministër i Punës dhe i Çështjeve Sociale

14?Ben Blushi-Minister iPushteti lokal dhe Decentralizimit 15?Viktor Doda-Ministër i Industrise dhe Energjitikes

16?Besnik Dervishi? Minister i Rregullimit te Teritorit dhe Turizmit

17-Blendi Klosi-Minister shteti prane Kryeministrit

18-Agron Duka- Minister i Bujqesise

19-sokol Nako-minisdter Shteti per integrimin

Gazeta 55

[SUPERSTAR_N1]

TIRANE- Parlamenti miratoi dje në mbrëmje përbërjen dhe programin politik të qeverisë "Nano". Me gjithë debatet që kanë përfshirë Partinë Socialiste kohët e fundit, asnjë deputet i saj nuk votoi kundër apo abstenoi. Rrjedhja e vetme që pësoi maxhoranca dje në votëbesimin e qeverisë ishin tre votat e aleatit të vjetër, PSD-së. Gjinushi, Apostoli dhe Bejtja abstenuan , ndërsa Arben Imami i PAD-së dhe Nikollë Lesi i PDK-së votuan kundër. Në total, rezultati i votimit të 132 deputetëve për qeverinë dhe programin ishte i tillë: pro saj 81 vota, kundër 48 vota, dhe abstenime tre. Nga leximi i votimit duket se gjithë deputetë e PS-së, tre deputetët e PA-së, 3 të PBDNJ-së, Ceka i PA-së dhe Milo i PSD-së votuan pro , ndërsa 48 vota kundër, kishin këtë përbërje: të gjithë deputetët e PD-së që ishin në sallë si dhe PDr, PLL, PBK, PR e PDR ishin kundër qeverisë e programit. Qëndrimi unik i socialistëve ndaj qeverisë vjen këtë radhë pas tre abstenimeve të para pesë muajve më parë gjatë votëbesimit të qeverisë "Majko" , Gjoni, Poçi e Blushi abstenuan.

Rezultati: 81vota pro, 48 kundër, 3 abstenime. E gjithë PS-ja mbështet Nanon. PSD abstenon

[SUPERSTAR_N1]

Debati për votimin

Një orë pasi mbaruan 75 diskutimet e deputetëve për përbërjen e qeverisë dhe programin e saj, pozita dhe opozita debatuan nëpërmjet kryetarëve të tyre Nano e Berisha, por jo vetëm për çështjen e mënyrës së votimit të qeverisë. Berisha, Ngjela dhe të tjerë arsyetuan që dekreti i presidentit Moisiu për emërimin e kryeministrit Nano të votohej veçmas dekretit për qeverinë dhe programit. Berisha pranoi dje të tërhiqej nga kërkesa për votim të fshehtë për qeverinë, por për kryeministrin Nano ai u shpreh se :Sipas Kushtetutës dhe rregullores së Kuvendit ai duhet të votohet veçmas, meqë ka ardhur katër ditë para dekreteve të ministrave dhe në mënyrë të fshehtë meqë është person i veçantë". Madje Berisha duke tentuar që të prekte sedrën e PS-së u shpreh se "Votoni fshehtas që të bëheni një herë burra". Kryeministri Nano replikoi duke thënë se "Ky debat që po zhvillon Kuvendi nuk është në juridiksionin e tij. Sepse Gjykata Kushtetuese para pesë muajsh e ka dhënë një përgjigje për këtë çështje. Kuvendi, sipas Kushtetutës është i detyruar që të zbatojë vendimin e Gjykatës Kushtetuese dhe të mos i diskutojë ato". Po kështu, të njëjtën gjë tha dhe kryetari i grupit parlamentar Gramoz Ruçi duke cituar fjalë për fjalë vendimin e Gjykatës. "Votimi për kryeministrin, programin e qeverisë dhe anëtarët e kabinetit ,- tha Ruçi,- bëhen njëherësh". Por nënkryetarja Topalli, Ngjela e shumë deputetë të tjerë të opozitës ishin të mendimit se dekreti për Nanon kryeministër është i veçantë dhe nuk ka sesi Kuvendi ta injorojë atë. Sipas tyre, Kuvendi nuk ka se si të votojë dekretet e ministrave dhe të programit dhe të lërë mënjanë pa votuar dekretin e veçantë që e emëron Nanon kryeministër. Gjithsesi pas debateve për mënyrën e votimit filloi procedura e votimit ku rezultoi se 81 deputetë të maxhorancës ishin pro qeverisë dhe 48 kundër.

[alumni]

TIRANE (1 Gusht) -

"Kryeministri Fatos Nano dhe qeveria që ai drejton, njeh sfidat dhe përgjegjësitë që ka përpara, në rrugën e nisur të reformave për integrimine vendit në strukturat europiane". Kështu u shpreh sonte në mbrëmje, gjatë një konference për shtyp, Aldrin Dalipi, zëdhënësi i ri i Kryeministrit Fatos Nano. "Në këtë rrugë, kemi vullnetin e duhur për të qenë transparent me publikun, në njohjen dhe promovimin e politikave qeverisëse, gjë që do të ndikojë dukshëm në një koncept të ri, duke e vlerësuar këtë mekanizëm si mjet të monitorimit publik dhe më gjerë", shtoi ai. Zëdhënësi Dalipi theksoi se transparenca në veprimtarinë e Qeverisë do të nxisë bashkëpunimin e të gjithë faktorëve politikë, përfshi këtu edhe opozitën. "Ne do të jemi angazhuar për të realizuar rezultate të prekshme dhe nuk do të rreshtin përpjekjet tona që integrimi i Shqipërisë të jetë pjesë e bashkëpunimit me publikun dhemedian", tha zëdhënësi i Kryeministrit para gazetarëve. in/ko (BalkanWeb)