Kanuni i Lekë Dukagjinit dhe shqiptarët

[krokodili_73]

POshte kanuni, rrofte qytetaria.
O burra ta shpetojme tiranen nga breket e palara te lek dukagjinit e kompani.

Dy familjet tiranase banojnë në zonën e Komisariatit Nr. 4, në fshatrat e kryeqytetit dhe, pikërisht, në Laknas e Domje. Tri familjet e tjera janë të ardhura nga veriu i vendit, pikërisht për t’u ruajtur nga hakmarrja

Albert Dervishi gjatë analizës vjetore pohon se tri nga familjet janë nga Veriu, dhe dy të tjera tiranase

Pesë familje të ngujuara në Tiranë

Drejtori i Policisë: Gjakmarrja, fenomen edhe në kryeqytet

Vladimir Karaj

Pesë familje në Tiranë janë të ngujuara, për shkak të problemeve të hasmërisë.

Kjo shifër është pohuar dje nga drejtori i Policisë së kryeqytetit Albert Dervishi, gjatë analizës 6-mujore të kësaj policie, të zhvilluar në ambientet e Muzeut Kombëtar. Pohimi i drejtorit ka lënë të habitur shumë nga njerëzit që ndodheshin në sallë dhe që nuk kishin dijeni rreth kësaj çështjeje. Vetë drejtori i Policisë së Tiranës, Albert Dervishi, tha për gazetën “Panorama”: “Është ngritur një qendër për koordinimin e veprimeve për të bërë të mundur që, në bashkëpunim me komunitetin dhe njësitë e pushtetit vendor, të punohet për pajtimin e këtyre familjeve”. Ndërkohë që, sipas burimeve nga policia, tri nga pesë familjet janë të zbritura nga Veriu, ndërsa dy të tjera janë familje tiranase.

Familjet e ngujuara
Burime nga policia thanë se dy familjet tiranase banojnë në zonën e Komisariatit Nr. 4, në fshatrat e kryeqytetit dhe, pikërisht, në Laknas e Domje. Tri familjet e tjera janë të ardhura nga veriu i vendit, pikërisht për t’u ruajtur nga hakmarrja. Një prej këtyre familjeve banon në Tiranën e Re, ndërsa dy të tjera në Kamëz dhe Kodër Kamëz. Sipas policisë, gjendja e tyre nuk është shumë e rëndë dhe problemi nuk paraqitet i njëjtë si në qytet e Veriut, ku situata paraqitet shumë më kritike se në kryeqytet. Fëmijët e këtyre familjeve mund të shkojnë lirisht në shkollë dhe të arsimohen, ndërkohë që të ngujuar qëndrojnë vetëm meshkujt e rritur. Sipas policisë, pas një apeli të bërë nga drejtori i përgjithshëm për të evidentuar rastet e ngujimit dhe për të arritur në zbutjen e këtij fenomeni, komisariatet e Tiranës kanë raportuar pikërisht këto pesë raste. Gjithashtu, janë bërë edhe projektet, të cilat do të ndihmojnë në luftimin e fenomenit në fjalë.

Ngrihet qendra për zbutjen e fenomenit
Menjëherë sapo janë evidentuar rastet e gjakmarrjes në kryeqytet, Drejtoria e Policisë ka marrë edhe një sërë masash, për të bërë të mundur zbutjen dhe zhdukjen e kësaj dukurie. Sipas burimeve nga policia, rastet e evidentuara deri më tani nuk paraqesin ndonjë rrezikshmëri për jetën e njerëzve të ngujuar. E, megjithatë, janë marrë masat për të shmangur çdo rrezik që mund t’iu kanoset këtyre familjeve dhe për të bërë të mundur deri dhe daljen e tyre nga ngujimi. Drejtori i Policisë së Tiranës, Albert Dervishi, tha: ”Kemi ngritur një qendër për koordinim e punëve dhe në bashkëpunim me pushtetin vendor, me kryepleqtë e lagjeve dhe organizatat joqeveritare që merren me gjakmarrjen dhe po punojmë për të bërë të mundur pajtimin e këtyre familjeve dhe zbutjen e fenomenit. Puna për të arritur këtë qëllim ka filluar prej kohësh, megjithëse mësohet se ende nuk është arritur te ndonjë pajtim. Drejtori ka pohuar se policia, nga ana e saj, po punon edhe për të rritur sigurinë e këtyre familjeve, në mënyrë që ato të jenë sa më të qeta.

Kërcënimi për të marrë hak, vepër penale
Personat që kërcënojnë për të marrë hak, për të afërmit e tyre të vrarë, tashmë mund të arrestohen dhe të vihen para drejtësisë. Më parë shprehja se do të marr hak, nuk përbënte vepër penale dhe nuk merrej parasysh, nga drejtësia. Ndryshimi i këtij përcaktimi ndihmon në rritjen e sigurisë së familjeve, të afërmit e të cilëve kanë kryer një vrasje apo një akt tjetër penal, të cilin e dënon gjakmarrja.



Analiza e Policisë
Tirana me më pak krime

Kemi rritur evidentimin e veprave penale, ndërkohë krimi në shifra reale është ulur. Ky është edhe konstatimi i bërë në analizën e djeshme të Policisë së Tiranës. Krimi më i shpeshtë në numër është ai kundër pronës, krim ndaj të cilit është kërkuar edhe një punë me e madhe zbuluese. Në analizën e djeshme janë paraqitur edhe rezultatet e katër operacioneve të zhvilluara në Tiranë, gjatë kësaj periudhe, “Mirazh 2004”, “Rrjeta e hekurt”, “Liqeni” dhe operacioni për mbledhjen e armëve “Një armë më pak, një krim më pak”.



Familja nga Mamurrasi e ngujuar në kryeqytet

Familja e Ramadan Emërllait e cila banon në një shtëpi trikatëshe, në afërsi të Unazës së Re, e cila është e vetmja shtëpi që nuk është prishur nga Policia Ndërtimore, është një nga familjet që e vuan plagën e gjakmarrjes. Shtëpinë në kryeqytet e kanë ndërtuar dy djemtë e kësaj familjeje, të cilët kanë vdekur që prej më shumë se një viti. Kjo është një familje e ardhur nga Mamurrasi. Bashkë me dy pleqtë jeton edhe vajza, me fëmijët e saj, edhe këta të mbetur jetimë, pas humbjes së babait. Shtatë nipër më të vegjël se 18 vjeç, pjesa më e madhe e të cilëve ndjek shkollën 8-vjeçare, qëndrojnë në atë shtëpi. Gjakmarrja është shkaku i vetëm për mosprishjen e kësaj shtëpie.



Veriu, më shumë të ngujuar

Numri më i madh i familjeve të ngujuara për gjakmarrje haset në Veri të Shqipërisë, ku ka rreth 1370 familje të ngujuara. Ndërkohë që fenomeni, edhe pse në raste më të rralla dhe jo me të njëjtën ashpërsi, shfaqet edhe në jug të vendit. Për ta luftuar atë janë ngritur disa shoqata e organizata, synimi i të cilave është të arrijë pajtimin e familjeve.



Të dhënat

1370 familje janë të ngujuara në Shqipërinë e Veriut. Në këto familje 7000 individë janë ngujuar për shkak të këtij problemi.

70 për qind e krimeve e ka burimin pikërisht te gjakmarrja.

1370 mosmarrëveshje janë zgjidhur që nga viti 1991, nga Misioni i Pajtimit Mbarëkombetar, nga të cilat rreth 40% kanë qenë vrasje.

Në 313 raste është bërë pajtimi i plotë i mbi 400 familjeve që kanë qenë në gjak dhe prisnin nga momenti në moment të vrisnin ose të vriteshin.

10274 persona janë nxjerrë nga ngujimi disavjeçar.

1100 nxënës kanë fituar të drejtën për të shkuar në shkollë, pasi nga familjet e tyre kishte ikur “hija” e vdekjes.

Janë zgjidhur mbi 300 konflikte pronësie.

5 familje janë të ngujuara në kryeqytet nga gjakmarja. Tri prej tyre janë të ardhura nga rrethet, ndërsa dy janë vendase.

shkrimi nga panorama, hallall, te pakteb ligji po leviz, ku personat qe kercenojne me gjakemarrje te denohen, te pakten eshte nje fillim.
Tjeter, te miturit qe jane ngaterruarr na kahanun per faje te prinderve injorante, duhet urgjentisht te merren nga sherbimet sociale, pasi familja jo vetme qe i ngushton lirite, po i kercenon dhe jeten. Une mendoj se shteti duhet urgjentisht te krijoje struktura, ku keta femije tu jepen familjeve te ndryshme per biresim dhe me mbeshtetje financiare nga qeveria, sic e ka gjithe bota, derisa te shuhet fara e keqe e te cmendurve shpellare. Problemi eshte shume i madh, vecanerisht kur merr nemend edhe mundesine qe nje pjese e deputeteve tane te nderuar, jane lidh kryq me kanunin, ose e perdorin per interesa personale. Rrasti me flagrant ishte merhumi Sale qe akuzonte nanon se i kishte gjakun borxh familjeve shkodrane qe ju mbyten pjestaret e familjeve ne tragjedine e vlores. Dhe kur degjon llafe te tilla nga goja e atij qe pretendon te behet kryetar shteti. ske cthua tjeter ve asaj qe na moren frymen breket e palara lekes.
Kroksi

[krokodili_73]

Ja dhe ligji, botim po i panorames

PROJEKTLIGJ MBI MASAT ADMINISTRATIVE PREVENUESE, KUNDËR GJAKMARRJES

Neni 1
QËLLIMI I LIGJIT
Zhvillimi me sukses i proceseve demokratike të Shqipërisë, ndeshi me dukurinë e lindjes të fenomenit të gjakmarrjes, që trashëgohet nga Kodet feudale mesjetare. Kjo veprimtari kriminale, drejtohet kundër jetës të njerëzve të pafajshëm, kundër shtetit demokratik e ligjor, kundër rendit kushtetues, kundër sovranitetit shtetëror.

Kjo veprimtari, e shtrirë në disa zona me prapambetje ekonomike, komprometon rëndë sistemin demokratik e juridik, dëmton zhvillimin ekonomik, arsimor e kulturor të vendit. Mijëra njerëz të terrorizuar e kanë lënë punën, e kanë lënë shkollën dhe janë ngujuar brenda mureve për t’i shpëtuar plumbave të gjakësorit. Vetëm në Shkodër, 1000 fëmijë e kanë lënë shkollën dhe rrezikohen të mbeten analfabetë.

Shteti shqiptar, për ta luftuar këtë fenomen, ka adoptuar ligje që e konsiderojnë gjakmarrjen vepër penale të dënueshme nga Kodi Penal. Po ashtu, organizata joqeveritare kanë ushtruar veprimtari të gjerë pajtuese të gjaqeve, por për fat të keq, të gjitha këto kanë qenë të pamjaftueshme. Prandaj, mbështetur në Nenin 21 të Kushtetutës, që thotë se “Jeta e personit mbrohet me ligj”, si dhe në Nenin 27 dhe 28 të Kushtetutës, hartohet ky Projektligj, që synon masa të përshtatshme administrative, për të prevenuar rreziqet për jetën e njerëzve, që burojnë nga zakoni mesjetar i gjakmarrjes.

Neni 2
Kodi i Shqipërisë konsideron se Kanuni që mban emrin e Lekë Dukagjinit, Kanuni i Labërisë, si dhe çdo Kanun apo Kushtetutë, që u përket sistemeve të tjera shoqërore, i përkasin historisë dhe kanë vetëm vlera studimore. Përpjekjet e njerëzve të veçantë, për të zbatuar normat e tyre, të cilat bien ndesh me Kushtetutën dhe ligjet e shtetit demokratik të Shqipërisë, nuk mund të lejohen. Prandaj, nisur nga parimi kushtetues se shteti ka barrën për mbrojtjen e të drejtave dhe lirive themelore të shtetasve të vet, ndalon kategorikisht gjakmarrjen dhe e quan atë një shfaqje të egër, të trashëguar nga sistemi obskurantiv mesjetar.

Neni 3
Në nenin kushtetues, të shprehur qartësisht në Nenin 27 të Kushtetutës se “askujt nuk mund t’i hiqet liria, përvec… c) për të parandaluar kryerjen prej tij të një vepre penale…”, Kuvendi vendos me ligj masa administrative parandaluse për ata persona apo familje, që shfaqin qëllimet e tyre për të zbatuar normat kanunore të gjakmarrjes, për t’i bërë ata të parrezikshëm për shoqërinë. Prandaj, për personat apo familjet që nuk pranojnë të heqin dorë nga gjakmarrja, vendosen masa të përshtatshme izolimi, në zona të thella, me të drejta të kufizuara të lëvizjes së tyre. Kur personi me banim të detyruar, shkel detyrimet që i janë caktuar, organet e rendit kanë të drejtë ta procedojnë dhe ta dërgojnë për ndjekje penale.

Neni 4
Vendimi që merret nga Këshilli i Rrethit për të penalizuar me banim të detyruar, një person apo familje që deklarohet në gjakësi, duhet t´u bëhet menjëherë i njohur të interesuarve, duke i njoftuar, njëkohësisht, për të drejtën e ankimimit në Gjykatën e Shkallës së Parë, brenda 10 ditëve. Shqyrtimi i çështjes në gjykatë, duhet të bëhet me procedurë të shpejtuar. Pas dhënies së vendimit, kur gjykata e çmon të bazuar vendimin e Këshillit të Rrethit, organet e rendit e përcjellin të penalizuarin në vendbanimin e detyruar. Por, kur i penalizuari, nga vendbanimi i tij i ri, apelon vendimin e Gjykatës në Apel, organet e rendit duhet ta shoqërojnë atë në seancat gjyqësore.

Neni 5
Vendimi për penalizimin me banim të detyruar të personave apo familjeve që deklarojnë se janë në gjakësi me persona apo familje të tjera, jepet nga Këshilli i Rrethit, mbi bazën e dokumentacionit përkatës të paraqitur nga Këshilli Komunal dhe organet e rendit publik. Vendimi duhet të synojë përmbushjen e qëllimit kryesor, për ta bërë të pamundur kryerjen e veprës penale të gjakmarrjes. Po ashtu, vendimi duhet të përcaktojë të drejtat e kufizuara, për të lëvizur deri në 10 km larg vendbanimit të detyruar. Në raste të veçanta, ai duhet të kërkojë leje dhe të shoqërohet nga organet e rendit.

Neni 6
Kërkesa që përgatitet për Këshillin e Rrethit, për penalizimin e personave apo familjeve që deklarojnë se janë në gjakësi, duhet të pasqyrojë edhe punën sqaruese që është bërë paraprakisht me ta, veçanërisht, për njohjen e dispozitave të këtij ligji, për pasojat që do të kenë në rast se nuk do të zbatojnë normat kushtetuse dhe të heqin dorë nga vetëgjyqësia dhe gjakmarrja.

Kur një familje pranon të heqë dorë nga gjakmarrja, por një nga antarët e kundërshton vendimin e tyre, masat izoluese merren vetëm mbi personin që e kundërshton vendimin. Gjithashtu, kur një person, që ka deklaruar heqjen dorë nga gjakmarrja, nuk respekton deklaratën e dhënë, ai duhet të gjykohet për kryerje të veprës penale me dashje dhe me motive të dobëta. Njëkohësisht, Këshilli i Rrethit, ka për detyrë të shqyrtojë, varur nga rrethanat, penalizimin e anëtarëve të tjerë të familjes së tij.

Neni 7
Për përgatitjen e dokumentacionit të nevojshëm për penalizimin e personave të deklaruar në gjakësi me të tjerë, organet e pushtetit lokal dhe të rendit, duhet të përdorin “deklarata tip”, të firmosur rregullisht prej secilit person në moshë madhore. Kur persona të caktuar, e kundërshtojnë firmosjen e deklaratave-tip, organet e rendit dhe të pushtetit lokal, mbajnë një procesverbal për të pasqyruar rrethanat e çështjes. Në këto raste, personi apo familja që e kundërshton firmosjen e deklaratës, konsiderohet se është në gjakësi, prandaj, kundër tyre merret masa e izolimit. Ndërsa, kur deklara firmoset nga madhorë, por kërcënime burojnë edhe nga minorenë, për ta përgjigjen prindërit. Ndërsa, kur paraqiten raste të një kërcënimi imediat, organet e rendit duhet të bëjnë ndalimin e personit dhe procedimin e tij, konformë dispozitave të Kodit Penal.

Neni 8
Këshilli i Rrethit, para se të marrë vendimin përkatës për banim të detyruar të personit apo familjes të deklaruar në gjakësi, duhet të dëgjojë edhe palën në gjykim. Kur ajo nuk pranon të paraqitet, vendimi merret mbi bazën e deklaratës së firmosur prej tyre ose të procesverbalit të mbajtur nga organet e pushtetit lokal dhe të rendit publik.

Në vendimin e Këshillit të Rrethit, duhet të përcaktohet qartë edhe vendstrehimi i personit apo familjes, në përshtatshmëri me kushtet e vendit. Brenda mundësive, të penalizuarit duhet t’i rekomandohet edhe vendi i punës.

Neni 9
Personat apo familjet e penalizuara me banim të detyruar, i gëzojnë të gjitha të drejtat civile që burojnë nga Kushtetuta dhe ligjet, me përjashtim të kufizimit që u bëhet lëvizjeve të tyre, bazuar në Nenin 27 të Kushtetutës, si masë prevenuse kundër qëllimit të deklaruar të tyre, për të kryer vepra penale të gjakmarrjes. Në rast se ky izolim do të bëjë efektin e duhur, duke deklaruar me shkrim se heq dorë nga gjakmarrja dhe do të zbatojë normat kushtetuse dhe të ligjeve, Këshilli i Rrethit duhet ta shqyrtojë kërkesën e tij dhe ta pranojë atë, kur çmon se deklarata e tij është e sinqertë dhe e besushme.

Neni 10
Për zbatimin e këtij ligji, ngarkohen organet e pushtetit lokal dhe ato të rendit publik.

Neni 11
Ky ligj, hyn në fuqi 15 ditë pas botimit në Gazetën Zyrtare.

[lis]

Une jam dakort me marrjen e masave per te eleminuar gjakmarrjen por qe ne fillim te botimit te ligjeve dhe neneve qe parashikojne masa ndaj personit qe kercenon jeten e tjetrit, vihet re tendenca jo serioze dhe demagogji e cila te jep pershtypjen e disa rregullave sipas parulles partia ne balle e populli ne kembe.
Tek neni 1 sipas atyre qe kane hartuar kete fletore me ligje, demokracia ne Shqiperi ka triumfuar
Kjo nuk eshte aspak e vertete pasi suksesi dhe konsolidimi i demokracise ne Shqiperi kerkon dekada te tera dhe se Kanuni eshte rikthyer perseri ne Shqiperi tashme jo per te mbajtur te bashkuar ata shqipetare qe ruajten vetite me te mira te trasheguara te shqipetareve qe nga mesjeta e deri me sot por Kanuni eshte kthyer qe ti kujtoje ketij shteti formal se neqoftese nuk do te vazhdohet rruga per te kulturuar shqipetaret ashtu sikur duhet dhe ashtu sic na e lane amanet te paret tane, atehere ose pushtetaret tane te mencur te largohen nga postet prej se cilave jane majmur ose vete popullata me gjykimet e saj gradualisht tu jape mundesi intelektualeve te ndershem te ndertojne nje kushtetute qe u pershtatet shqipetareve.

Feudalizmi ka qene shume i permendur gjate rregjimit te kaluar hoxhist dhe u be nje term propagandues qe tmerronte edhe vete ata qe e kishin perdorur ne raste padrejtesish dhe kur nuk kishte shtet e aq me shume kur populli lengonte ne kolonizimin osman
Duke e quajtur veprimtari kriminale zgjidhjen e problemeve ne shoqeri nepermjet Kanunit te Leke Dukagjinit nderkohe qe kushtetuta e shtetit shqiptar nuk funksionin dhe duke e quajtur veprimtari kunder shtetit demokratik dhe ligjor dhe kunder rendit kushtetues dhe kunder sovranitetit shteteror, njeriu mendon se kolaborcionistet shqipetare qe mbajten rregjimin hoxhist ne kembe akoma mbajne poste kyqe per te shkaterruar identitetin e shqipetareve kete te fundit mund ta gjesh vetem ne disa treva te Shqiperise.
Kjo propagande antishqipetare e perligjur dhe nga injorantet shqipetare te cilet per para dhe post te ekzekutojne edhe ne ditet e sotshme, nuk ndihmon shqipetaret ne asnje lloj aspekti per tu kulturuar.
Perkundrazi kjo e ben akoma edhe me te diskutueshme rolin e qeverise shqipetare e cila luan te gjitha llojet e mekanizmave per te mbajtur pushtet dhe per te ruajtur pasurite e vena nga vjedhja dhe rrrenimi i shqipetareve.
Ndersa Fatos Nano dhe te gjithe anetaret e kabinetit te tij si dhe te gjithe anetaret e partise socialiste jane nder milardieret me te medhenj shqipetare, zonat per te cilat flitet ne kete fletore zyrtare, jane varferuar per te pasuruar shtresen e politikaneve qe trasheguan rregjimin me te eger dhe me jetegjate komunist qe mban rekord edhe ne librin "Gines"
Duke qene se politika shqipetare akoma nuk eshte reformuar dhe duke qene se demokracia ne politike eshte vetem formale pasi ne Shqiperi nuk mund te thuhet se ka korrupsion por kalbje me para te nje pakice njerezish me ne krye Fatos Nanon, atehere ligjet dhe nenet per te cilat flitet do te ngelen ne leter dhe jo vetem qe do te ngelen ne leter por ashtu sikur po propagandohet keto kohet e fundit, veprimtaria e shume personave qe kerkojne drejtesi dhe nuk kane se ku te gjejne, do te jete nje arme e fuqishme per te ruajtur pushtetin dhe jo per te kulturuar njerezit.
Tendenca nga qarqe te caktuara per te kriminalizuar njerezit eshte e kahershme por sot e nxori koken e saj dhe po godet dhe po terrorizon shqipetaret e pafajshem qe kerkojne, shtepi, pune, nje ekonomi stabile, qetesi dhe progres.
Kryeministri i Shqiperise nuk ka lene gje pa bere gjate gjithe mandatit te tij dhe vjedhjet jane konstatuar hapur dhe shkruajtur neper gazeta.
Perse nuk denohet kryeministri shqipetar?
Perse nuk zbatohen ne rradhe te pare ligjet per te denuar kete individ i cili eshte akuzuar se ka shtypur me makine edhe nje njeri?
Por ajo thenia e grekeve te lashte se "Zotat perkrahin me te fuqishmin", gjen karar ne Shqiperi.
Eshte turp qe te tallesh me popullin tend.
Ketij populli te lodhur dhe te dermuar, keta njerez dhe individe pa skrupuj po i hapin plage te reja ne vend qe ti a mbyllin.

Mendoni sikur dikush tu a vriste te afermin.
Cfare do te benit neqoftese nuk do te funksiononte shteti dhe krimi i organizuar dhe ai i paorganizuar te ishte vete shteti ashtu sikur eshte sot?
Ku do te kerkonit drejtesi neqoftese do te shihnit kriminelin te shetiste me makine tipi i fundit para syve tuaj dhe polici ta pershendeste ate?

Nuk po hyj ne detalje por ne vend te patetizmit therrisni llogjikes dhe zgjidhni gjerat me llogjike dhe gjakftohtesi dhe jo duke kujtuar me nostalgji ate rregjim qe i beri shqipetaret nga te gjitha viset e Shqiperise sikur te ishín kafshe.
Po denoni veten dhe po gjykoni veten e aq me shume po beheni pjese e asaj shoqerie qe turperon shqipetaret.

[krokodili_73]

Postuar me pare nga Mani:
Nese m unden analfabetet e shekullit XXI ti hudhin poshte keto , atehere cdo gje ne rregull me padijen e tyre,por kujtoj se jo se ata jane mu keta per te cilet flitet ne kreun e njizetet te Kanunit.
Pra vlera e Kanunit eshte sa madheshtore aq edhe historike per popullin ton,por te atillet qe paraqiten si ne kete pjese Forumi jo se ata jan te paditur dhe jane "Hjeksija" vet.
Pra nje teme e qelluar dhe me shume interes per kombin dhe popullin ton.
...........................
Sa fjale te bukura miku im, megjtihese i mungon gramatika. Megjithate elxo realitetin......
Artikulli marre nga gazeta korrieri

"Ngujimi na ndal varrimin e taneve"
E Premte, 09 Korrik 2004
Ne familjen Luci, te te shtateve te kycur brenda nje shtepie me qera, ne Bregun e Lumit. Makthet e perditshme, prej 6 vjetesh qe perjetojne ne metropolin shqiptar, pas arratise nga Dukagjini i Shkodres. Heqja e 5 femijeve nga shkolla dhe shperndarja e fisit. Humbja e 5 njerezve te shtrenjte qe "i mbuloi me dhè fshati. Dhe deshira: "Dua te fle nje nate ne lendine"

Dashamir BICAKU

TIRANE - Gjergj Luci, eshte nje nga shume banoret e rinj te ardhur ne rrethinat e Tiranes, per te jetuar. Prej gjashte vjetesh, eshte shperngulur nga Dukagjini i Shkodres ne Breg te Lumit, se bashku me shtate pjesetaret e tjere te familjes se tij, ne nje shtepi me qera. Gjakmarrja e ka shtrenguar te mos dale jashte mureve te shtepise ku jeton. Ne te kundert, fundi nuk nevoje te thuhet, gjakesi e pret per t'u hakmarre. Ndryshe nga te tjeret, ai nuk ka mundur te ndertoje nje shtepi te tijen, jo se eshte i pafuqishem fizikisht dhe ekonomikisht. Ndryshe nga njerezit e shumte qe normalisht si cdo dite dalin jashte portave te shtepive, shkojne ne pune, punojne ne kopesht, apo ne zanate te ndryshme, ai prej shtate vitesh duket se ka harruar cdo zanat, te cilin do t'ia kishte enda ta ushtronte. Familja e tij, eshte ne gjak me familjen Zefi ne Shkoder, qe prej 11 shtatorit te vitit 1997, kur djali i xhaxhait te tij, Petrit Luci, vrau ne nje moment gjaknxehtesie ne nje lokal, ne qender te Shkodres, Zef Gjeloshin e Sadik Franin nip e daje me njeri- tjetrin, ndersa plagosi pese persona te tjere ne menyre aksidentale. Vetem 30 dite pas ngjarjes, gjakesit vrane Petrit Lucin, duke marre hak per Sadik Franin. Por gjaku ishte dyfish, dhe duhet te vritet edhe nje tjeter pjesetar i familjes Luci, per shkak se vec Sadik Franit, kishte mbetur i vrare edhe daja i tij, Zef Gjeloshi. Te gjithe pjesetaret meshkuj te saj, mbi moshen 16- vjecare, prej kohesh, nuk e kane pare driten e diellit, jashte portes se shtepise se tyre. Gjergj Luci, eshte 48 vjec, por i duket e padrejte dhe jonormale kjo qe po ndodh me te. Prej me shume se gjashte vitesh, ata nuk varrosin dot te afermit e tyre, per shkak te hasmit. "Pese njerezit tane jane varrosur nga fshati dhe ne nuk na ka dhene leje". Dje Gjergj Luci dhe bashkeshortja e tij, Lulja, pranuan te rrefejne per "Korrieri"-n, ngujimin qe "s'dihet kur do te mbaroje".

Si nisi hasmeria?

Jemi ne hasmeri, me familjet Frani dhe Gjeloshi nga Dukagjini i Shkodres. Ne vitin 1997, me 11 shtator, djali i xhaxhait tim Petrit Luci, pas nje grindjeje banale, ne nje lokal ne Shkoder, vrau shoket e tij, Sadik Franin dhe Zef Gjeloshin. Mbeten te plagosur aksidentalisht edhe pese te tjere. Nje muaj me pas ata vrane, autorin e ngjarjes (dorezin), Petritin. Ketu mendoj une, bazuar ne kanun gjithcka duhej te mbyllej, sepse dorezi u vra.

Pati viktima te tjera?

Jo qe prej asaj kohe. Ne jemi shperndare ne vende te ndryshme, e per me teper kemi qendruar te ngujuar ne shtepite tona. Kemi nderruar vendbanimet. Por keshtu nuk mund te jetohet gjithmone. Vellezerit e mij, jane larguar jashte vendit. babai eshte 80 vjec dhe jeton i ngujuar, vetem me nenen, ne Torovice te Lezhes. Po keshtu edhe xhaxhai im jeton i ngujuar. E c'na duhet kjo jete, ku jeton me friken se duan te te vrasin dhe fle me nje sy mbyllur e nje hapur.

Kur erdhet ne Tirane?

Jemi ketu qe prej veres se vitit 1998. Atehere u vendosem fillimisht ne Bathore, ku morem nje shtepi me qera. Pasi qendruam nje vit, morem kete shtepi ketu.

Po femijet?

Lulja (bashkeshortja): Kemi 5 femije, dy djem dhe tri vajza. Ne vitin e pare te hasmerise, dy djemve u detyruam dhe ua nderpreme shkollen. Ishin vetem ne klasen e peste, por kishim frike per ta.

Gjergji: Me pas ne erdhem ne Tirane, ne vitin 1998 ku morem nje shtepi me qera ne Babrru, dhe atehere filluam t'i dergonim femijet ne shkolle.

Shqetesoheni per ta?

Friken e kemi vazhdimisht.

Gjergj, ju adilni nga shtepia?

Te them te drejten shume rralle, por te mos thene aspak. Nuk mundem sepse askush nuk me garanton jeten. Nuk kemi mundur te shkojme as tek njerezit tane, prej shume kohesh. Madje as ne raste vdekjesh. Me kane vdekur pese njerez te aferm gjate kesaj kohe dhe nuk kam mundur te shkoj as t'u hedh nje grusht dhè, as une e as te afermit. Te gjithe ata jane varrosur nga fshati.

Si jetoni ketu?

Gjergji dhe Lulja njezeri: Na kane ndihmuar te afermit tane, duke na dhene ndonje ndihme. Deri para disa muajsh, merrnim ndihme sociale ne komunen e Babrruse, por tani na e nderprene. Jetojme si mos me keq. Edhe energjine, nuk e kemi paguar, per shkak se nuk kemi mundesi. I thashe elektricsitit dhe policise se si ishte puna dhe ua bera te qarte se nuk kisha mundesi.

Gjergji: Nuk arrij te mbaj familjen me buke. Kjo eshte nje zhdukje e ngadalshme per ne. perse duhet qe une, qe nuk i kam bere keq askujt, duhet te vuaj per krimet e nje tjetri? Keto jane ceshtje qe shteti duhet t'i zgjidhe medoemos.

Ju ka ndihmuar policia?

Ata jane interesuar vazhdimisht, per problemet qe ne kemi pasur. Inspektori i policise se Rendit, ka ardhur vazhdimisht, na ka vizituar. Fatmiresisht derime tani, nuk kemi patur probleme serioze. Por shteti duhet te beje dicka per ne dhe keto mijera familje qe e ardhmja e tyre deri me tani eshte nje vdekje per se gjalli.

Keni kontaktuar me gjakesin?

Per mua do te ishte mire qe te futej shteti garant, qe une te ballafaqohesha me te, balle per balle si burri me burrin. Te me thoshte cfare borxhi i kisha dhe perse une duhet te qendroj i ngujuar. Por une ne fakt, as nuk kam vrare, e as nuk do te vras ndonjehere njerez. Une kerkoj paqen, pajtimin me te gjithe njerezit. Dua te fle jashte ne lendine, te punoj per familjen time. Dua te jem i lire.

E shpresoni nje dite?

(Pasi mendohet pak, pergjigjet shkurt) Nuk e di...

Gjakmarrja ne shifra

1 370 familje te ngujuara

Te gjitha ne veri te vendit

7 000 persona te ngujuar

400 familje te pajtuara

10 274 te dale nga ngujimi

1 100 femije ikin ne shkolle

TE TJERE NE GJAK

Familja e ngujuar refuzon te flase

Familja me mbiemrin Lusha nga Tropoja, e cila banon ne Kamez, qendron e ngujuar prej tre muajsh, pasi nje i afem i tyre, ka vrare nje person ne Puke. Ata nuk kane pranuar te flasin per "Korrieri"-n per shkak te pasigurise qe ndjejne ne jeten e tyre. Ne dere, ka vetem gra dhe vajza. Nje djale i vogel luan me top, ne korridor, i cili eshte i rrethuar me hekura. Sapo nje i huaj afrohet tek familja Lusha, nje e rritur, keshillon djalin rreth 10 vjec, te lere topin e futbollit dhe te futet brenda ne shtepi. D.B

[mani]

Po dashamire ai i vrami me heret nga keta te ngujurit ishte nje bageti,ishte nje kafshe e eger apo shtepiake,nuk ishte ai njeri.Pra ai ishte ngujuar qe me pate nga nje katil,nga nje gjakpires,nga nje kriminel,e tani si ti i thua kesaj pune,pse ata te afermit e tij nuk gjykojne kriminelin,krimin e bere nga ai por mbeten ne ate te tyren.Kjo eshte ajo e liga e jone se Kanuni nuk na ka faj ne,por kriminelet,te cilet ne te gjitha trojet tona vrasin per cdo dite pa meshire e ne fund dalin dhe paraqiten si pre e kesaj te keqje qe po na ndodhe dite e per dite.Ata lane femije pa prind,gra pa burra,nena pa bije,kulla pa mashkej,pra ata jane kriminel,ata duhet gjykyar , por sot ata jetojne,jane dhe mbahen nga shume e shume lider si njerez te ndershem,kjo eshte krim,kjo eshte tragjedia jone.
Behet pytja si e ndien veten ata gjelat,gjakpirsa qe lan femije pa prinder,gra pa burra,nena pa djem,si kane fytyre ata te dalin para popullit.
Pra te lexojme edhe kete:

SHPI, GJÂ E PRONE.

KRYE I DHETËT.

SHPIJA E RRETHI I SAJ.

NYE I KATERDHETEKATERT.

"Shpija e thyeme ká 500 grosh giobë e dý per nji të zot’t".

§ 132. Në themel xêhet shpija, po kje kullë, mëdheskë a ksollë, mjaft qi të két carânin e votres e të qesë tym.

[dallandyshe]

Kam fatin e mire qe ketu ka rene qetesia dhe po beje nje kerkese.
Nuk kerkoj shume gjera, i lexova me siper, gerricje, klithma, kacafytje, politike, histori, kulure, mish- mash i tere...
Vlera te rralla, te gjalla, te shkuara , realiteti, blla blla bllaaa....

Dikush qe i di mire parimet e "kanunit" te shqiptareve, mund te me tregoje apo shpjegoje qarte, sakte dhe drejt, dicka prej tij qe e kam te paqarte?!
Jam e interesuar vetem ne nje pike: "femra shqiptare".
Te vecantat e tij, se te pergjithshmen e kam te qarte...
Si trajtohet ?
Si mbrohet?
Cili eshte perkujdesi i ligjit te "kanunit" ndaj femres shqiptare (te mirat dhe te keqijat)?!
C`fare thuhet per te; cila eshte e drejta qe kane gezuar femrat ne shoqerin, ne familje ne ....perjashtohet Shote Galica qe ka luftuar perkrah burrit te vet Azem Galices....
Pra; "kanuni i Lek Dukagjinit dhe i shqiptarve" ndaj femres shqiptare?!

[krokodili_73]

Këshilltari i posaçëm i Këshillit të Evropës në Shqipëri deklaron në Shkodër rrugët kundër fenomenit të gjakmarrjes

“Shqipëria, jashtë asociim- stabilizimit nga gjakmarrja”


A. Dushi

SHKODËR- Këshilltari i posaçëm i Këshillit të Evropës në Shqipëri, Gi Mishel Brandtner, ka dhënë dje një deklaratë për shtyp në Shkodër, lidhur me fenomenin e gjakmarrjes ku ka theksuar se “Shqipëria është tani në procesin e negociimit me Bashkimin Evropian për marrëveshjen e asociim – stabilizimit, por ajo nuk do të mund ta arrijë atë në një situatë hakmarrjeje të vazhdueshme në territorin e saj“. Ai ka treguar rrugët dhe mënyrat për të luftuar këtë fenomen, për të cilin ka folur dhe në takimet që ka pasur me autoritetet zyrtare të Shkodrës, ku gjakmarrja është më e përhapur, si me prefektin, kryetarin e bashkisë, kreun e policisë, përfaqësues të besimeve fetare, shoqatave që përpiqen të kontribuojnë për zgjidhjen e kësaj çështjeje, si dhe me familje në gjak. Brandtner ka vërejtur se ndërmjet këtyre aktorëve nuk ka një mendim të përbashkët mbi përmasat e fenomenit, dhe shifrat që paraqiten prej tyre kanë ndryshime të mëdha, por asnjë prej tyre nuk e mohon këtë fenomen, edhe pse ai ka rënie vitet e fundit. Shqipëria nuk mund t’i lejojë më vehtes që një situatë e tillë të vazhdojë. Gjakmarrja përbën një plagë të rëndë për jetën shqiptare dhe nuk mund të tolerohet më, u shpreh këshilltari i posaçëm i KE-së. Më pas ai ka folur për pasojat e këtij fenomeni në jetën sociale, ekonomike, e psikologjike, ku fëmijët e izoluar rriten me kërcënimin se një ditë do të vriten, ndërsa meshkujt jetimë rriten me idenë se do të marrin hak në të ardhmen. Sipas tij, dy janë rrugët kryesore që duhet të ndiqen për zgjidhjen e problemit”. Për këshilltarin e posaçëm të KE-së e para është rikthimi i plotë i shtetit ligjor në mendjet dhe jetën e përditshme të shqiptarëve. Kanuni nuk i zgjidh konfliktet mes qytetarëve, por është shteti ligjor ai që duhet të vendosë. Kanuni i lashtë garantonte ligjin dhe organizimin social atëherë kur nuk ekzistonte shteti dhe ligji. Këshilli i Evropës, mbështet plotësisht iniciativat e marra nga presidenti Moisiu për të luftuar gjakmarrjen. “Ekziston një nevojë e ngutshme që qytetarët të kenë besim në forcën e shtetit dhe në angazhimin e tij të palëkundur për zbatimin e ligjit. Ligji duhet të ushtrojë efektin e tij parandalues mbi hakmarrësit e mundshëm, duke dhënë dënime të rënda në rastet e vrasjeve për “nder”. Gjakmarrja duhet të shtypet si pasojë e përpjekjeve të kombinuara të legjislativit, ekzekutivit dhe gjyqësorit”, tha Brandtner. Ndërsa rruga e dytë, ka theksuar këshilltari i posaçëm i KE-së, është ajo korigjuese. “Shteti nuk mund të merret me situata individuale të cilat janë krijuar si pasojë e gjakmarrjes, por shoqëria civile duhet të ndërmarrë hapa për të reduktuar impaktin e konflikteve ekzistuese dhe të përpiqet t’i zgjidhë ato. Për këtë arsye unë kam marrë pjesë në pajtimin e familjeve në gjak, dhe do ta bëj përsëri”,- tha ai. Këshilltari i posaçëm i KE-së u ka bërë thirrje qytetarëve shqiptarë, veçanërisht grave, për një ndryshim rrënjësor paqësor kundër zakonit barbar të vrasjes për hakmarrje. Ai ka bërë thirrje për të mos mbajtur armë dhe për t’i dorëzuar ato vullnetarisht duke mbështetur idenë që një armë më pak është një jetë e shpëtuar.

[Hyllien]

E di si i thone ketyre gjerave ? Pordhe me oke nga Evropa. Car do thone neser ? Mos pillni shume kalmaj e se Evropa nuk toleron gjera te tilla ? Rrine rrine e mendohen e gjejn nga nje sebep. Po ne Itali ka me vite vite te tera qe ka hakmarrje ne gjith jugun... apo nuk quhen ato, ligji hyka ne fuqi vetem per keto qe futen mbas kesaj deklarate ?

[shkodra13]

Qe gjakmarrja asht nji plage teper e rande, kjo s'ka diskutim
Qe kunder saj punohet tash nji shekull, tue fillue qysh prej misioneve te jezuiteve neper male edhe kjo dihet.
Qe per zbatimin e ligjit ndaj vrasjeve i duhet kerkue llogari shtetit edhe kjo s'asht e re. Si funksionon ligji ne Shqipni e difton rasti i krimit ne Tirane, ku vrasesi qe hyri per me vjedhe deklaroi se i duheshin leke per me nxjerre vellain prej burgut... leke per me nxjerre prej burgut
Por qe “Shqipëria, jashtë asociim- stabilizimit nga gjakmarrja” uroj te jene vetem nji titull i marre jo te jete thane ashtu. Nji tjeter diplomat ma pare tha qe Shqipnia asht jashte Europes se nuk pranon plehnat italiane...arsyen e vertete pse jena jashte e dine ata e ma mire e dijme edhe na.

[krokodili_73]

Kafazet e turpit


Andrea Stefani

Vizitorët e rrallë largohen, ndërsa ata mbeten pas me ballë të mbështetur pas hekurave duke vështruar me dëshpërim botën. Prej vitesh një mollë e ndaluar për ta. Nuk i ka dënuar asnjë gjykatë por janë të burgosur. Jo vetëm kaq. Janë të dënuar me vdekje. Për këtë të dytën ka një vendim...

... të pashkruar. Është vendimi i Kanunit. “Krimi” i tyre është të qenit të vegjël, fëmijë ende të pafuqishëm për të mbrojtur jetën. Është dhe fakti që nuk ka dalë asnjë forcë që t’i mbrojë. Natyrisht, nëse kjo përbën krim. Për qeli kanë shtëpinë e prindërve, atë ku zakonisht lind jeta.

Shqipëria është një nga shtetet e rralla – në mos i vetmi - ku këmbëngul dhe tolerohet një nga krimet më të llahtarshme që mund të ketë njohur njerëzimi. Statistika nuk ka (kjo flet edhe një herë për vëmendjen e pakët që i kushtohet këtij kobi), por dihet nga të gjithë se me qindra fëmijë mbeten të ngujuar në shtëpitë e tyre, për shkak të një dukurie të përbindëshme, që e përflasin si zakoni i gjakmarrjes. Por ç’duhen statistikat kur edhe një fëmijë i vetëm i ngujuar duhet të trondiste çdo shoqëri, duhet ta bënte të ngjethej, të ngrihej dhe të kontrollonte veten, gjendjen shëndetësore, psikike, normalitetin e saj! Sepse një shtet që toleron burgosjen e fëmijëve nuk është shtet normal. Ose është katil, ose është i dobët. Cila nga këto i përket shtetit shqiptar? Shumë i dobët? Por kjo sikur çalon, dhe jo pak, me pompozitetin dhe luksin në rritje të zyrtarëve të këtij shteti, me deklaratat e tyre për rend e siguri. Apo mos nuk është dobësi, por thjesht papërgjegjshmëri, moskokëçarje zyrtarësh? E, megjithatë, më tmerruese se dobësia apo neglizhenca e pushtetit publik, është qetësia me të cilën po e përcjell këtë fenomen, prej vitesh, e tërë shoqëria, publiku vetë. Po të mos ishte për disa shoqata të vogla apo misione fetare, harresa do të qe më e totale.

Çfarë bëjnë njerëzit, fqinjët që jetojnë rrotull këtyre burgjeve që nga jashtë duken si shtëpi? Ç’bën fshati? Po qyteti? Sepse ngujimi nuk është më sot një dukuri vetëm e zonave malore (përse i quajmë të thella?) të largëta, por edhe e qyteteve, është tashmë një dukuri urbane. Ngujimi po “pushton” edhe qytetet. Vetëm në kryeqytetin shqiptar – pak kilometra në vijë ajrore nga Parlameti, Kryeministria, Ministria e Rendit apo ajo e Drejtësisë - ka disa familje që jetojnë të ngujuara nga frika se po të shkelin jashtë, i pret plumbi. E pra ç’bën shoqëria, ç’bën shteti, ç’bëjnë shqiptarët? A nuk e kuptojnë se ata fëmijë të mbyllur në kafaz janë turpi ynë, se vështrimet e tyre të dëshpëruara denoncojnë shpirtkazmërinë tonë, denoncojnë gjumin tonë të qetë, denoncojnë pabesinë dhe cinizmin e shpresave tona për lumturinë e fëmijëve tanë? Si është e mundur të mos ndiejmë dhimbje kur liria dhunohet që në djep? Logjika nuk mund të mos na shpalosë si përgjigje një shkretëtirë të psikikës sonë sociale: në thelb ne nuk e dashkemi, nuk jemi mësuar ta dashurojmë lirinë. Prandaj nuk ndiejmë dhimbje kur dhunohet një liri siç, në të kundërt, ndiejmë dhimbje dhe revoltë kur dhunohet apo cënohet diçka që duam. Përgjërimet tona për lirinë janë ende një lojë me Evropën, një hipokrizi. Sepse dashuria për lirinë, si dukuri shoqërore, nuk mund të jetë e vockël, mizantrope, fshatareske, me gardh, liri vetëm për veten apo për fëmijët e tu. Dashuria për lirinë është qytetare, është humanizëm dhe, si e tillë, aq e gjerë sa nuk mund ta neglizhojë lirinë e qenies njerëzore në përgjithësi. Në një shoqëri ku individët nuk e çajnë ****ën për lirinë e njëri-tjetrit, liria është e tradhtuar që në djep, është e dënuar me vdekje dhe robëri. Por çfarë është liria që e përflasim kaq shumë? Eshtë thelbi i njeriut, është jeta. Njeriu nuk është papagall. E fut në kafaz dhe rri. T’i heqësh lirinë njeriut, i ke shkaktuar vuajtjen më të rëndë. Jo rastësisht për njerëzit që kryejnë krime, është shpikur si ndëshkim heqja e lirisë, burgosja.

Një grup xhirimi i IREX-it sapo është kthyer nga fshatrat Bushat dhe Rranxë. Dy të rinj 20-vjeçarë – gazetarët i quajnë ata ambasadorë të paqes – i kanë shoqëruar në shtëpinë e familjes Hila, ku jetojnë të ngujuar 3 fëmijë. Kanë 6 vjet kështu. Gëzimi (një emër që sikur rreket të fshehë vuajtjet e të zotit), është 15 vjeç ndërsa Agetina, 13. Nuk shkojnë në shkollë që kur s’mbahet mend dhe me librat, takohen vetëm kur ditëve të verës, në “kullën” e tyre vjen një mësuese që e dërgojnë “ambasadorët e paqes”. Argëtimi i tyre i vetëm janë disa pëllumba, që ndryshe nga fëmijët, nuk janë të burgosur, nuk i kap Kanuni i tmerrshëm. Djali thuajse nuk flet fare ndërsa vajza, Agetina, ripërtyp sa me endje aq dhe me dhimbje përzier bashkë, një kujtim, një ditë gjithnjë e më të largët kur, në ilegalitet të plotë, kish mundur të shikonte një koncert në qytetin e Durrësit. “Mbetet dita më e lumtur e jetës sime” - thotë vajza. Por më tragjiku është i vogli fare, Agustini. Kur e mbyllën në shtëpi qe vetëm 3 vjeç. Tani është 9. Nuk e mban mend fare si ishte liria, nuk e njeh shijen e saj.

E kemi të vështirë ta kuptojmë dhe të pamundur ta ndiejmë se çfarë robërie e llahtarshme është kjo, ç’ferr! Të kuptojmë se çfarë dëshirash shkrumbohen në shpirtrat e këtyre fëmijëve, çfarë zjarri digjet dhe çfarë etjeje përvëluese valon aty! Ndoshta duhet të kthehemi me mend prapa, në fëmijërinë tonë, atëherë kur me të qara apo me qindra dredhi e gënjeshtra, gjenim mundësinë për t’i ikur disiplinës prindërore, për të fituar qoftë edhe 1 orë më shumë nga liria, nga parajsa e lojërave fëminore. Duhet të rikujtojmë se ç’do të thotë për fëmijën “të dalë jashtë”, që të kuptojmë masën e pamatë të torturës për të cilën, duam apo s’duam, jemi të gjithë bashkëfajtorë, krimin e burgosjes së fëmijëve.

Ngujimi, ky fenomen antiliri dhe antinjeri, është një tregues i hatashëm i shartimit të shtetit shqiptar me gjendjen natyrore, me kaosin. Të dhënat më të fundit që qarkullojnë flasin për 240 familje të ngujuara vetëm në Qarkun e Shkodrës. Po sa fëmijë vuajnë skllavërinë e ngujimit që sjell kërcënimi me vdekje? Përpjekjet e misionarëve të pajtimit kanë mundur të nxjerrin nga ngujimi disa dhjetëra familje, të çlirojnë po ashtu disa fëmijë, por dukuria e shëmtuar këmbëngul. Qeveritarët justifikohen me lirinë: është liria që gjallëroi gjakmarrjen e cila, nga ana e saj, ka sjellë aktin më antiliri në botë, burgosjen e fëmijëve. Ndërkaq, të tjerët, misionarët e vdekjes, gjakmarrësit, fshihen pas “nderit” apo “Kanunit”.

Por çfarë dreq zakoni apo nderi është ky që sakrifikon në themelet e veta foshnjet? A mund të mos e quash këtë “zakon” një monstër fëmijëngrënse? Dhe cili popull do të pranonte ta quante veten autor të një zakoni të tillë, cili popull do pranonte ta bënte atë pjesë të traditës së vet pa u skuqur nga turpi. Thonë që është zakon mesjetar. Në fakt, nuk ka të bëjë aspak me mesjetën, madje as edhe me Kanunin që përdoret si maskë.

Aq më tepër nuk ka të bëjë me nderin. Nuk është as edhe zakon. Është një krim i shëmtuar të cilin, nëse shteti nuk arrin ta mposhtë, duhet të pranojë se ka falimentuar. Nuk është mesjetë, është barbari. Madje, akoma më keq, është egërsi. Dhe nëse nuk duan të quhen të egër, gjakatarë, shqiptarët duhet të bëjnë diçka për t’i çliruar ata fëmijë dhe kështu, të shpëtojnë edhe veten nga kafazi i turpit ku i ka futur sa një individualizëm i egër, aq edhe një papërgjegjshmëri kolektive.

Kohët e fundit në libraritë e Tiranës po qarkullon përsëri “Ditari i Ana Frankut”. Ndërkohë në Shqipëri ka me dhjetëra, ndoshta me qindra “Ana” që vuajnë të njëjtën robëri, një përndjekje po aq të mizore, sa ajo e nazizmit, përndjekjen e gjakmarrjes. Por pak kush shkruan për to. Të paktë janë edhe ata që revoltohen për gjendien e tyre. Jo?! Po a është e mundur që edhe të revoltohesh edhe të mos bësh asgjë për t’i çliruar këto foshnja nga një krim që, sa ishte diktatura, u struk i trembur nën shtresat e akullta të saj ndërsa sot, kapardiset përgjakshëm duke spekuluar me “nderin e fisit” apo duke abuzuar me stinën e lirisë? Mos vallë po i vjen fundi edhe kësaj stine? Ndërkohë ne i themi vetes se jetojmë në një shoqëri të lirë, në një shoqëri që po shkon drejt Evropës, në një shoqëri e emancipuar me “first lady”, me UNICEF dhe me një mori shoqatash për fëmijët. Vetëquhemi të lirë, sepse nuk kemi më të burgosur politikë si në komunizëm, ndërkohë që këta të burgosur të gjakut nuk e kompromentokan atë që qenka kaq e rëndësishme për Evropën, “lirinë politike”. Dhe vërtet, për ata të mjerë vështirë se gjen ndonjë rresht në raportet e KE-së apo të institucioneve ndërkombëtare që llogaritin “demokratizimin” e Shqipërisë. Duket se edhe të huajt, si të infektuar nga një epidemi e përgjithshme, nga një tolerancë e egër që shikon vetëm punët e veta, kanë nisur të mendojnë se kjo çështje nuk është problem qeverish, por punë e Kanunit. Kemi mbërritur në një pikë ku duhet pyetur: A është ende e rëndësishme, thelbësore, liria e njeriut, liria e fëmijëve për sistemin, për demokracinë? A është ende e rëndësishme, thelbësore, liria humane për “lirinë politike”?

Duke imituar atë që ndodh në Evropë në mediat shqiptare janë shfaqur edhe kafazet e arta. Shikuesit ndjekin me kuriozitet rivalitetet e konkurrentëve, votojnë simpatitë dhe antipatitë, kënaqen! Bëhen edhe biseda ku zbërthet psikologjia e kafazorëve. Por as edhe një media nuk u kujtua të dërgojë dhe të instalojë qoftë edhe një kamera të vetme, jo për javë të tëra, por qoftë edhe për 24 orë, në këto kafaze të përgjakur ku nuk vdes a fiton shpresa për disa mijëra euro, por lëngon, torturohet në mënyrën më mizore instikti i qenies humane për jetën. Por a nuk duhet të kishim një ekran që të na tregonte se jetojmë në një shtet ku shtëpitë kthehen si pa u ndjerë në burgje dhe djepet në kafaze? Na duhet një një ekran që të na vrasë si një prangë, që të na kujtojë si një damkë mëngjeseve dhe mbrëmjeve fajin tonë, krimin tonë, turpin tonë. Ndoshta do të na bënte të ngriheshim për t’i treguar botës se nuk jemi gjakatarë, por çlirimtarë!

[krokodili_73]

Myrteza Sadaj rrëfen nga spitali atë që ndodhi në shtëpinë e tij dhe pohon që do marrë gjakun e djalit të vrarë

“Nuk mund ti fal vrasësit e tim biri”

“Floriani ka hyrë në dhomën e gjumit dhe ka qëlluar mua dhe time shoqe. Ai pukiani ka vrarë tim bir”

Lindita Çela

TIRANË- Hatixhe Sadaj, megjithëse ende ka mbi trup plagët e plumbave ka lënë spitalin për të pritur vizitat në shtëpinë e saj. Të afërmit e familjes ku pak netë më parë ndodhi tragjedia thonë se Hatixheja ka kaluar në depresion të plotë ndërkohë që ka dashur ta përcillte në banesën e fundit të birin e saj 22- vjeçar, Gencin. Në familjen Sadaj hyjnë e dalin njerëz për mort, ndërsa Myrtezai për shkak të plagëve qëndron ende i shtruar në Spitalin Ushtarak. Fakti që nuk ka mundur të përcjellë të birin, që nuk ka mundur ta shohë për herë të fundit fytyrën e tij, edhe pse pa jetë, janë dy pengjet më të mëdha të burrit 46-vjeçar. Mjafton që të kujtojë që Gencin nuk do të mund ta shohë më kurrë që Myrtezai të përlotet dhe ndjenja e hakmarrjes është aq e madhe sa vetëm vdekja e gjaksit mund ta ngushëllojë disi. “Vetëm vdekja e Florianit mund të na pajtojë familjet tona megjithëse njihemi prej vitesh”,-thotë Myrtezai duke reaguar pas kërkesës për falje të bërë nga familja e Florian Muçës. Ka vendosur të presë që shteti të thotë fjalën e tij e më pas me zakonet e Kanunit të çojë gjakun e të birit në vend. Ai akuzon Florian Muçën si njeriun që ka plagosur atë dhe të shoqen ndërsa Arlind Hysenin si njeriun që kreu vrasjen e të birit.
Zoti Sadaj familja e djalit që dhunoi shtëpinë tuaj ka kërkuar falje, e pranoni atë?
Po t’ju ndodhte ju a do të bënit një gjë të tillë… Si mund të fal unë gjakun e Gencit tim. Si mund të fal unë një njeri i cili ka goditur tre vetë brenda një nate ku të gjithë ne ishim në hallin tonë. As që e mendoj një fakt të tillë. Ky problem zgjidhet vetëm me gjak.
Po familjen e Florianit, do ta falni?
Me njerëzit e tjerë të kësaj familjeje nuk kam punë, unë dua vetëm kokën e atij që na erdhi dhe na vrau në shtëpi. Do të pres deri sa shteti të thotë fjalën e tij dhe nëse shteti nuk e vret do të jem unë ai që do ta bëj një gjë të tillë. Nuk do të lë as djalin tjetër që të merret vetëm me këtë punë por do ta vras vetë, edhe nëse del nga burgu pas 10 vjetësh. Ai njeri duhet vrarë sepse ka vrarë tre vete në shtëpinë time. Unë tani nuk kam më grua, sepse edhe ajo thuajse ka vdekur jo nga plagët por për shkak të humbjes së të birit, Gencit tim. Edhe unë, ju nuk e dini po pyesni këto që janë këtu, nuk jam më njeri, megjithatë Zoti më la pak frymë sa për të marrë hakun e tim biri.
Mendoni se kështu do të nxisni gjakmarrjen?
Ç’farë gjakmarrje po nxis unë kur ky njeri më erdhi në shtëpi. Ishte ai që na vrau dhe jo unë. Shteti duhet ta dënojë me vdekje këtë njeri që të bëhet shëmbull edhe për të tjerë kriminelë që të mos guxojnë të prekin shtëpitë e njerëzve të thjeshtë. Në të kundërt një ditë do ta bëj unë. Më thoni ju çfarë babai jam unë që qëndroj i shtrirë këtu ku nuk mundta të përcjell në banesën e fundit tim bir. Nuk munda ta shohë as për herë të fundit dhe ju më thoni ta fal. Mezi i kam rritur fëmijët e mi. Ndërsa sot më vjen në shtëpi një kriminel me merr dritën e syve të mi dhe tani flitet për falje.
Familja e Florianit ka shprehur dëshirën për të ardhur tek ju për ngushëllime. A do ta pranonit një gjë të tillë?
Jo kurrën e kurrës. Ata nuk kanë punë në derën time sepse nuk mund të fal ato që më vranë tim bir. Nesë ata të të vrasin kriminelin e tyre, ta varrosin atëherë unë mund të pranoj ngushëllimet e kësaj familjeje. Më pas do t’ju shkoj edhe unë për mort. Në të kundërtën nuk kanë punë në derën time. Përse nuk shkoi im bir të vristë familjen Muça por ishte biri i tyre që erdhi tek unë. Kam punuar me Kaloshin, kemi patur shoqëri por faj ka edhe ai që nuk ka ditur të edukojë fëmijën e tij.
Floriani ishte ai që ju qëlloi?
Po. Me pistoletë në dhomën e gjumit ka hyrë Floriani. Ishte ai që më goditi në korridor mua dhe gruan time. Ndërsa tim bir e vrau ai pukiani.
Pse e dini kush ishte bashkautori tjetër i Florianit?
Po, por me atë do t’i laj hesapet ndryshe. Le të fshihet tani por një ditë do të dalë. Është po i njëjti djalë që pak muaj më parë ka hyrë në shtëpinë time për të vjedhur, megjithatë po pres që shteti të thotë fjalën e tij. Më pas, e kam unë radhën.




une mendoj qe pavaresisht nga dhimbja qe ka kjo familje, ketij personi i duhet bere e qarte se nese do te perdori kanunin, do te denohet rende, e pakta te mbyllet mbrenda pa afat.

[ATMAN]

A ju krypsha trute juve bashke me kanunin. Ti madame thuj babes te respektoje ligjin e jo kanunin, ndryshe do ngeleni skllavet e erresires.
Kanun ka vec shqiperia, sicilia e korsika, e per kete gje tregohen me gisht, ashtu si dhe reptilet qe kan ngele gjalle nga koha e dinosaurve.
Qashtu bre

jam plotesisht dakort me ty , kanuni i perket se kaluares, shqiptaret duhet te zbatojne ligjin dhe jo kanunin patriarkal te lek dukagjinit

[kenguri]

Ah ju lutem mbyllni kete teme se mjaft u diskutua,sipas mendimit tim KANUNI YNE eshte krenaria jone kombetare .Per kete a oer ate per te ruajt dinjiotetin kombetar ne kohen e Lekes shume mire per ate kohe kemi dale me filosofet dhe ligjedhenesit shqiptare pra paskemi qene jurist autodidakt ' pLEQERIA JONE
FISNIKET SHQIPTARE
"Krejt ne regull te gjithe keni shprehe mendimet tuaj por kanuni e ka vendin ne muzeum.MOS tua mare mendja juve zoterinj te shtini ne veprim kanunin tone sot
Dhe mos na shkoj mendja tua leme trashigim brezave te ardhshem qe ti zgjidhin problemet me kanun.
Pse sepse ne atehere e demtojme shtetin tone Perse atehere ne kemi fakultetin JURIDIK per te prodhuar gjykates dhe juriste tj.
Pastaj KANUNI YNE nuk eshte i gjith shqiptareve a mund te thuash se po ,e une te them se jo.Ligji shteteror vlen per shqiptaret.Kanun nuk ke te shqiptaret e Manastirit e Krahines se Prespes e nga Kumanova e Tetova e ndoshta ne Vlore e Himare.E atehere si do gjukohen pjesa tjeter e popullit shqiptare 7 milionesh kur ata as qe nane ndegjuar per Kanunin une po te betohem se kurr skane ndegjue.

Mbeci me shendet se ika e i kam do pune tjera.

[ALBA]

"MALLKIMI GJENETIK" I RODIT TE SHQIPTARIT

Nga Tonin Cobani

Sa serioze tingellon deklarata e keshilltarit te posacwm te Kwshillit tw Evropws per gjakmarrjen, aq qesharake me duket iniciativa e nje grupi deputetesh per te krijuar nje Keshill Koordinues Konsultativ ne Luften kunder Gjakmarrjes nen drejtimin e Presidentit te Republikes. Keshilltari i posacem i KE-se Guy-Michel Brandtner, ka deklaruar keto dite se "Gjakmarrja eshte nje barre e rende per jeten ne Shqiperi dhe nuk mund te tolerohet me. Nuk eshte Kanuni menyra per te zgjidhur konfliktet ndermjet qytetareve. Shteti ligjor duhet te jete ai qe duhet te vendose. Shoqeria civile duhet te ndermarre hapa per te reduktuar impaktin e konflikteve ekzistuese dhe te perpiqet t'i zgjidhe ato" (citohet sipas gazetes "Korrieri", 15 korrik 2004).

Nderkaq iniciativa e nje grupi deputetesh perpiqet ta toleroje ende gjakmarrjen ne Shqiperi dhe te justifikoje mosfunksionimin e shtetit ligjor, duke propozuar nje projektligj per krijimin e nje perzierje institucionesh (Keshill Koordinues) qe mbahen me te madhe me taksat e qytetareve, gjoja se me kete iniciative ligjore po i shpeton ata qytetare shqiptare nga gjakmarrja qe i kanoset per shkak te "mallkimit gjenetik" te rodit te shqiptarit. Sa qesharake! Sepse, sipas projektligjit, ai Keshill Keshillimor (Konsultativ) do te perbehet prej institucioneve shteterore "te ekzekutivit dhe te drejtesise" per shkak te mosfunksionit te te cileve eshte ringjallur gjakmarrja.

Dhe te vjen te gajasesh se qeshuri kur kupton se projektligji kerkon qe institucionet e legjitimuara te shtetit juridik me pushtet te plote per te vepruar, si jane organet ekzekutive dhe te drejtesise, tjetersohen ne nje institucion keshillimor prane Presidentit. Madje te krijohet pershtypja se edhe institucioni i Presidentit te Republikes zhvleftesohet deri ne ate mase sa duket se deri para ketij projektligji, atij (Presidentit) i kane munguar keshilltaret apo ai (Presidenti) nuk ka qene ne krye te Keshillit te Larte te Drejtesise per te kerkuar te zbatohen ligjet tw cilat do te justifikonin funksionimin e shtetit ligjor ne te gjitha hallkat, perfshire edhe parandalimin e gjakmarrjes.

Ne projektligjin e propozuar nga nje grup deputetesh flitet per "luften kunder gjakmarrjes" (sikur te behej fjale per luften kunder terrorizmit globalist) dhe kjo e fundit pra gjakmarrja, etiketohet si "fenomen kriminal" (si fenomeni i kamikazeve fondamendaliste). Jo, more zoterinj ligjvenes! As lufte do te beni me gjakmarrjen, as fenomen kriminal do do ta shpallni ate. Te besh lufte me gjakmarrjen eshte donkishotizem, dmth eshte njesoj sikur te luftosh me mullinjte e eres apo me shakujt e veres. Ndersa ta konsiderosh gjakmarrjen nje "fenomen kriminal" eshte nje sofizem banal per te na mbushur mendjen se e zeza (mosfunksionimi i shtetit juridik) eshte e bardhe.

Vrasja per gjakmarrje s'mund te jete fenomen kriminal ose dicka e tille, perve'se nje krim, nje vrasje me paramendim, nje veper penale qe duhet te ndeshkohet, sipas ligjeve te shtetit juridik. Nese kjo gje nuk funksionon, fenomen kriminal eshte institucioni i drejtesise dhe strukturat e tjera shteterore qe nuk i kryejne detyrat e tyre.

Fenomen kriminal eshte edhe penalizimi qe i behet kultures shqiptare duke perfolur Kanunin, vepren e princit te shquar humanist te shek. XV Leke Dukagjini. Legjislacioni i pashkruar, qe la ai princ shqiptar, ka funksionuar mrekullisht atehere kur nuk kishte nje shtet me ligje te shkruara, i cili te organizonte jeten e shqiptareve dhe te mbronte interesat e tyre etnokulturore. Fakti qe ai sistem juridik popullor vazhdon te perflitet sa here shteti ligjor nuk funksionon, deshmon papergjegjesi ndaj kultures kombetare, sepse Kanuni i Leke Dukagjinit se bashku me folklorin e pasur shqiptar dhe gjuhen e bukur shqipe, jane tri njesite baze te identitetit kulturor te shqiptareve ne Ballkan. Asnjera prej ketyre njesive nuk mund te jete mallkim gjenetik i rodit te shqiptarit, si duan ta paraqesin realitetin e sotem disa shqiptare, te cilet vazhdojne "te na bajne me qeshe" edhe kur behet fjale per gjera kaq serioze, sic eshte nevoja e arritjeve te disa niveleve minimale, ekonomike dhe sociale, qe pengojne realisht integrimin e vendit tone strukturave euro-atlantike.

[ALBA]

“Gjakmarrje, se nuk ka shtet ligjor”
Misioni i pajtimit të gjaqeve është tëpër i vështirë, ka të bëjë me “gjak”

Autori i Lajmit: Argetina Tanushi
Shteti të zbatojë ligjin ndaj personave që kryejnë krim, pasi këto vite do të mbeten gjithnjë dëshmitarë të shumë krimeve të rënda. Është kjo një thirrje e hapur që Emin Spahia, sekretari i Lidhjes së Misionarëve të Paqes së Shqipërisë, me qendër në qytetin verior të Shkodrës, ka bërë gjatë një interviste, të marrë dy muaj më parë, në ambientet e Lidhjes.
Me misionin për të realizuar një reportazh për fenomenin e vjetër të gjakmarrjes, para dy muajsh trokitëm në dyert e Lidhjes, aty ku gjithmonë të përgjigjej dikush, e pikërisht Emin Spahia, si gjithnjë i gatshëm të flasë për këtë fenomen. Me ndihmën e tij, për dy ditë me radhë, ne shkuam në shumë familje, problemet e të cilave ai i dinte shumë mirë, kështu që, mundësuam edhe këtë intervistë, ndoshta e fundit e jetës së tij.

Si e shpjegoni fenomenin e gjakmarrjes?
Historikisht shqiptarët nuk kanë qënë të tërhequr nga konfliktet e, aq më tepër nga vrasjet. Në shekuj, po të shfletosh historinë, edhe ata të cilët kanë patur konflikte serioze, kanë arritur t’i sheshojnë ato. Megjithatë, për shqiptarët fisi është pika më e dobët e, aq më tepër, që malësorët kanë disa karakteristika të veçanta si besa, mikpritja, nderi e beja, që janë të shenjta. Mbi këto parime, malësorët me breza të tërë kanë ndërtuar marrëdhëniet shoqërore. Kështu, mund të themi se është një lloj ‘nderi’ që jeton brenda ndërgjegjes së malësorëve, ajo që mund ta quaj forcë, që i ka shtyrë “për të marrë gjakun”.

Pse u rikthye gjakmarrja?
Sot nuk kemi të bëjmë me fenomenin e gjakmarrjes. Pothuajse të gjitha vrasjet që kanë ndodhur këto vitet e tranzicionit, kryesisht në malësi, kanë ardhur si rezultat i mosfunksionimit të stukturave ligjore dhe shtetërore. Duhet të respektohet shteti dhe ligji, por mbi këtë bazë, unë i bëj thirrje strukturave të shtetit të zbatojnë ligjin ndaj personave që kryejnë krim, në të kundërt, asnjë nismë e jona nuk mund të ketë rezultat. Vrasja dhe ngujimi kolektiv gjatë këtyre viteve tranzicioni, në sfondin e tyre paraqiten mjaft dramatike. Këto vite ishin dëshmitarë të shumë krimeve të rënda. Vetëm në Veri të Shqipërisë kanë mbetur 700 nëna të veja dhe rreth 2000 fëmijë jetimë, si dhe janë vrarë me qindra persona të pafajshëm. Shoqëria e këtyre trevave është bërë e ndërgjegjshme për cënueshmërinë e lirive të personit dhe pasigurinë për jetën.

A është Kanuni një relike apo realitet?
Realitet është vetëm mënyra se si transmetohet lajmi i vrasjeve, që për fat të keq, kanë qenë të shumta, kryesisht në Veri dhe se pikërisht në trevat ku ka ekzistuar dhe vepruar më parë kanuni. Sot në vitin 2004, është fatkeqësi të aplikohet Kanuni, ai e ka vendin në muze, si një monument kulturor, si një relike historike. Ne po përpiqemi me të gjitha strukturat e ngritura pranë Lidhjes së Misionarëve, që të ndikojmë në zhdukjen e ngujimit kolektiv, dhe respektimin e shtetit ligjor.

Ku është lidhja mes gjakmarrjes dhe nderit?
Gjakmarrja në kohën e Lekë Dukagjinit, kishte dy anë. Të falje, ose të vije në vend nderin. Në Kanun ishin të sanksionuana qartë gjërat. Të jepte të drejtën për vrasje, sepse konsiderohej “vrasje për nder”. Si dhe kishte raste kur bëhej përpjekje për pajtim, madje edhe pas vrasjeve. Kështu, gjakmarrje ishte një farë “death penalty” për fajtorët. Ndërsa sot nuk kemi të bëjmë, as me gjakmarrje, as me Kanun. Kanuni i përkiste një kohe shumë të largët, të shkuar dhe, se duhet të mbahet vetëm si një mjet, për ruajtjen e kohëzimit shoqëror. Meqë strukturat shtetërore nuk veprojnë, atëherë detyrimisht dhimbja e vrasjes kthehet në një diçka të brendshme, shpirtërore “Më vrau”.

Ku mendoni se qëndrojnë sot shqiptarët, të cilët kanë zgjuar të drejtën zakonore të gjakmarrjes?
Është kryesisht media ajo që e citon, pothuajse çdo vrasje që ndodh në këto zona, “për shkak të gjakmarrjes”. Jo, nuk është e vërtetë. Nëse do të kishte ligj që t’i dënonte, asnjeri nuk e dëshiron ngujimin, nuk e dëshiron Gjakun, madje edhe njerëzit më të vrarë shpirtërisht, fizikisht dhe moralisht, thonë se, nëse ‘gjaksi’ kapet dhe dënohet me burg, nuk kemi pse të vrasim njeri. Në gjithë botën, kur tjetri vret, shteti i jep dënim kapital, kurse këtu në Shqipëri, jo vetëm që nuk ka dënim me vdekje edhe nëse tjetri pushkaton njëqind vetë, por edhe nuk bëhen as përpjekjet më të vogla për të prangosur kriminelët. Këto fakte e rendisin Shqipërinë si vendin e parë në botë, si mbartës i konflikteve të gjakmarrjes.

Pse shteti pajtohet me termin gjakmarrje?
Kryesisht këto vrasje nuk i përkasin Kanunit. Mund të them me plot bindje se pjesa më e madhe e tyre nuk ka të bëjë me këtë fenomen. Nëse do të flisnim për një kohë para 60 vitesh, atëherë mund të themi se kemi të bëjmë me fenomenin e lashtë të gjakmarrjes. Ndërsa tani kemi të bëjmë me vrasje brënda shtetit, brenda një Kushtetute, brenda një ligji që ka një strukturë të specializuar, por që duhet të funksionojë, dhe jo veprimi të qëndrojë vetëm në euforinë e fjalës. Kështu ka plot raste si, vrasje fëmijësh të vegjël, vajzash, gjë që me ligjin e Kanunit nuk mund të marrë gjak kurrsesi. Pra, këto nuk janë vrasje kanunore.

Sa e keni ndjerë mbështetjen e shtetit dhe sa e vështirë ka qënë për ju personalisht fillimi dhe vazhdimësia në këtë nismë?
Për të qënë i sinqertë, aspak. Asnjëherë, asnjë mbështetje nuk ka patur nga shteti shqiptar, edhe kur ne kemi trokitur në dyert e tij për projekte madhore dhe që kanë të bëjnë me jetën drejtpërdrejt. Ndërsa, përsa i përket vështirësive, ato kanë qënë të llojeve të ndryshme, që nga ajo teknike, materiale e deri tek jeta, e cila për të qënë i sinqertë, është vënë disa herë në rrezik. Këto janë disa çështje delikate, kanë të bëjnë me ‘gjak’, ndaj dhe duhet shumë kujdes, maturi etj.


ballkan

[Ermali-AL.....]

“Gjakmarrje, se nuk ka shtet ligjor”
Misioni i pajtimit të gjaqeve është tëpër i vështirë, ka të bëjë me “gjak”

Pse i ka fajet shteti keshtu , qe ka giakmarje ne malesi ...?

Qeveria ka hapur disa programe per zbutjen e njerzve ne malesi , cfare do tjeter ti ...?
qeveria si del dot ndane me njeres te shkolluare jo to tja dale me njeres qe jane ritur me ligjet e kanunit

Ti alba je kolisur me PS .... sikur ka ndonje parti tjeter me te mire . Sa per Sali Budallain qe zdi te flase , mos e diskuto . Te na hape edhe ndonje lufte tjeter

Amerikanve i takon shteti i tyre , ne na takon shteti jone . ..
Pos "vrane" mendjen shqiptaret per te arthmen e tyre , kush do mendoje shteti ? te gjitha shteti ?

[drenicaku]

Kanuni ka te mirat dhe te keqijat e tij por sot ne nje vend te civilizuar duhet harru kanunin,po si duket akoma eshte ne fuqi kjo po vrehet sidomos ne shqiperi qka do te thot se akoma nuk jemi civilizu prandaj..................................

[friendlyboy1]

Kanuni i lek dukagjinit esht me te vertet me vlera. Por keto vlera duhet te shfaqen ne muzeume dhe jo te vihen ne jet. Sot jetojm ne shekullin e 21 kanuni nuk ka me vlera ligjore. problemet ne zonat ku kanuni esht perdorur deri von nuk vin nga ligjet e kanunit por nga njerzit qe jan nga natyra rob te kqij, vrases sojzeza. Un i kam shum inat idiotet qe mundohet te arsyetojn vrasjet me kanun pasi vrasja nuk ka asnje arsyetim.

[ALBA]

Fenomeni i gjakmarrjes është rishfaqur edhe në Korsikë të Francës apo në Jug të Italisë

Autori i Lajmit: Ismail Kadare
Ismail Kadare, shkrimtari i njohur shqiptar, i cili gjatë gjithë jetës së tij ka qenë njëri prej intelektualëve, që ka orientuar gjykimin e shoqërisë sonë për problemet më kardinale, ka pranuar gjithashtu të flasë në lidhje me fenomenin e gjakmarrjes, duke e cilësuar atë si një turp. Në intervistën e tij të mëposhtëme, gjeniu i letrave shqipe kërkon ngritjen në këmbë të opinionit shoqëror dhe zgjimin e institucioneve shtetërore për të shpëtuar gratë e fëmijët nga kjo tragjedi qindravjeçare. Në këtë bashkëbisedim të shkurtër, Kadare shpërndan gjithashtu edhe konfuzionin mbi historikun dhe prejardhjen e fenomenit të gjakmarrjes. Dhe, ndërsa shumë analistë apo psikologë kërkojnë ta paraqesin gjakmarrjen si një epidemi thjesht shqiptare, Kadare sqaron se ajo është dukuri ballkanike dhe, madje, mbarëbotërore. “Ende sot ka zona në Korsikë të Francës dhe në Jug të Italisë që e vuajnë këtë fenomen”, shprehet ai. Dhe, duke kërkuar rrugët e zgjidhjes së problemit, Ismail Kadare kërkon bashkëpunimin e shtetit me shoqërinë civile dhe strukturat ndërkombëtare, në mënyrë që kjo epidemi të mos rishfaqet më në Shqipëri.

Zoti Kadare, a është gjakmarrja një dukuri e trashëguar ballkanike apo pjesë e tranzicionit të një shoqërie që nuk gjen rrugën e duhur?
Gjakmarrja është një dukuri e vjetër, jo vetëm ballkanike, por universale. S’është e vërtetë se është veç specialitet shqiptar, siç paraqitet. Gjakmarrja vjen nga antikiteti grek.
E kam thënë disa herë që një pjesë e tragjedive greke e trajtojnë këtë dukuri universale, që njihet në të gjitha vendet. Është mëkat që shqiptarët ta pranojnë këtë si fenomen negativ veç të botës së tyre. Prandaj, duhet ta kemi të qartë të gjithë, dhe pse është e vërtetë se këtu ka vazhduar më gjatë si institucion, por vazhdon ende edhe në Korsikë të Francës, në Jugun e Italisë dhe po ashtu edhe në zona të veçuara të botës.

Si do ta shihnit sot librin tuaj “Prilli i thyer”, që flet për gjakmarrjen?
Gjakmarrja sot në Shqipëri, mendoj se e ka shpjegimin si reaksion kundër ndalimit të rreptë me ligj që i bëri komunizmi dhe më pas u muar si “zakon i mirë” që duhet të ringjallet. Por është zakon që s’duhej të ringjallej. Kjo që po ndodh, s’ka të bëjë me kanunin shqiptar dhe është shumë barbare dhe kryhet me kallashnikov. Është një gjëmë e zezë, e trishtueshme dhe duhet të mbyllet, se është turp për kombin shqiptar sot. Ngujimi i qindra grave dhe fëmijëve në shtëpi për shkak të gjakmarrjes, është një e tmerrshme dhe e pabesueshme.

Cili do të ishte interpretimi i juaj për Kanunin?
Ky është një kod zakonor i vjetër, i lindur në rrethana të caktuara historike. Në mungesë të shtetit, është opinioni publik që merr rolin e tij. Kjo është bërë pjesë në historinë e popullit shqiptar. Ky është një kod i përdorur që s’duhet të ekzistojë në kohë moderne. Nga ky kod kanë kaluar shumë popuj.
Por, Shqipëria është e vonuar. Opinioni ynë duhet të bëjë çmos dhe emancipimi ynë duhet ta përjashtojë këtë kod, se ne kemi institucionet juridiko-shtetërore. Sigurisht, ky kod është bërë pjesë e historisë së kaluar. Për atë kohë nuk gjykohet as i mirë, as i keq.
A ka të bëjë fenomeni i gjakmarjes dhe heqja e dënimit me vdekje me problemet e integrimit të Shqipërisë në Europë?
Ka mendime të ndryshme, por nuk mendoj se është shenjë e demokratizimit të lartë heqja e dënimit me vdekje, sikurse s’është shenjë e kundërt, vënia e tij. Çdo shtet ka marrë nga rrethanat e veta.
Europa e ka gjykuar kështu dhe mendoj se ne iu jemi bindur parimeve europiane. S’ka asgjë të keqe. Shtetet e Bashkuara të Amerikës e mbajnë këtë dënim. Ky është një shtet demokratik që mund të jetojë me këtë kod, sikurse mund të jetojë fare mirë edhe me heqjen e tij. Nuk besoj se ka ndonjë rëndësi kaq të madhe, sa i japin. Nuk zgjidh kaq punë, sa i japin rëndësi.

Si mund ta komentoni faktin, që Kanuni vazhdon të funksionojë edhe pas vitit 1912, kur shqiptarët themeluan shtetin e tyre ligjor?
Kjo është drejtësi paralele, që nuk mund të bashkëjetojë me drejtimin e shtetit, në asnjë vend dhe në asnjë rend shoqëror. Është e vërtetë se kanuni i respoekton rregullat deri në mani, por ato janë rregulla zakonore. Dhe rregullat zakonore kanë ndryshim nga rregullat shtetërore. Mund të pajtohen në një pjesë, por s’mundet të që kanuni të sfidojë rregullat shtetërore, ose penaliteti shtetëror të kryhet, duke u zëvendësuar nga Kanuni.

Data e Publikimit: 03/09/2004

ballkan

[Doktorr Sakica]

gjakmarrja tregon vetem dashurin ndaj ati qe e kane vrare.

kjo nuk eshte aspak vetem fenomen shqiptar por mbarbotror edhe ne kanunin e pare shqiptar/botror Biblen shkurhet "Sy per sy e dhemb per dhemb", "an eye for an eye, and a tooth for a tooth" "auge um auge, zahn um zahn".

po kta evropianet dihet se familien dhe shokun nuk e nderojn ashtu si i nderon nje shqiptar dhe nuk ja mban per te vrar dikend, por ja le punen shtetit i cili vrasesin e dergon ne burg per 20 vjet ose krejt jeten dhe ja blen buken me parat e familjes se te vdekurit.

kanuni ka qene i mire ne kohen e vet por tani eshte nje kanun tjeter dhe ai duhet te respektohet... deri diku per vrasesit e femijve, trafikanteve te vajzave dhe femive, per perdhunusit vlen kanuni i lekes i cili e parashikon vdekjen e menjehershme dhe te ngadalsheme.