Për Inatin Tim

[SkenderRusi]

PËR INATIN TIM


Për inatin tim
po bëhesh më e bukur,
Me ata sy jeshilë
si thellësia e deteve!
Për inatin tim
vjeshtës i dhe urdhër,
Të ndalojë përkohësisht
bjondimin e pemëve!

Për inatin tim
vazhdon të më duash,
Që të më largosh
nga krahët e erërave!
Ti po bën atë
që bëri Odiseu,
Për të mos dëgjuar
këngën e sirenave!

Për inatin tim
po bëhesh më e vogël,
Madje vetëm me ndryshimin
e formës së flokëve!
Për inatin tim
seç ke një të qeshur,
(Niagara do kish zili
po ta dëgjonte!)

Për inatin tim
vazhdon të më puthësh,
Duke larguar prej meje
gjithë dimrat!
Për inatin tim
vazhdon të më mundësh,
Duke bërë atë që bëjnë
vetëm tigrat!
26 tetor 2005

RIPI PREJ LËKURE


Nuk e di ç’i shkrepi një ditë,
Më solli një rip prej lëkure!
Më shihte në sy duke pritur,
Një fjalë, apo ndoshta një puthje!


Ndërsa unë zgjodha të parën,
(Jo se ,nga puthjet,do ndahem!)
Dhe ia kthej pas pak i menduar:
-Tani,po,mund të varem!

26 tetor 2005

[nitROSHI]

Te dobeta.

[SkenderRusi]

ERË BRENDA ERËS
-një gruaje të divorcuar-

Ty-Zoti,
Nuk mund të të dënojë
Dy herë,
Për të të bërë grua!

(Kam thënë,
Ti je ajo reja në qiell,
Që bëhet pulëbardhë
Sapo e prek me duar!)

Ty-fati,
Nuk mund të të burgosë
Dy herë,
Duke të vënë prangat!

(Kam thënë,
Ti je ajo era brenda erës,
Siç janë vetëm të dashurat!)

Ty-vdekja,
Nuk mund të të vdesë
Dy herë,
Duke prishur ekuilibrin e tokës!

(Kam thënë,
Ti je edhe Ekuadori,
Edhe Poli i Veriut të botës!)

25 tetor,2005

[SkenderRusi]

NËSE DO MË PYESNI




Nëse do më pyesni
kujt i ngjaj më shumë,
Unë them,xixëllonjës,
që kurrë s’fjeti!
Gjysma e saj e shuar
jam unë,
Gjysma që ndriçon
është poeti!

27 tetor,2005

[SkenderRusi]

OTELLOJA I BARDHË


Pas borës që ra,
doli dielli,
I kuq në fytyrë,
i përflakur!
Filloi ta shkrijë,
që mos e shkelin,
Këmbët e tokësorëve
të përbaltur!


Edhe dielli,
E paska një të dashur!

29 tetor,2005

[LoveLyBruneTT]

Zoti Skender Nderime dhe respekte nga ana ime, kam kohe qe nuk kam lexuar nga poezit tuaja, Hera e fundit mbaj mend ka qene para 6 - 7vjetesh ne Korce mbasi merresha shpesh me aktivitet qe ju organizonit tek ( Pallati i kultures) per festen e nenave mbremje qendrore etj etj, por ju keni punuar me shume te rinj dhe te reja so anyway kam qene (nxensja juaj) eh me nostalgji i kujtoj ato kohe....... so shkruani me shume....... Ju uroj shendet.

[diikush]

te bukura poezite Skender; urime!





P.S. Lovely, aman po deshe shkruaj ne forum pa e bere tekstin me lloj-lloj ngjyrash, bold, zmahuar, etj, keshtu sic shkruajme ne te tjeret, se 2 sy mezi i kemi, gjynah te na shkojne jabana. Flm shume per mirekuptimin.

[Veshtrusja]

NËSE DO MË PYESNI




Nëse do më pyesni
kujt i ngjaj më shumë,
Unë them, xixëllonjës,
që kurrë s’fjeti!
Gjysma e saj e shuar
jam unë,
Gjysma që ndriçon
është poeti!

27 tetor,2005

shume bukur Skender. Flm