Bankat ne shqiperi

[ganoid]

NJE BANKE NGA SHQIPERIA QE INVADON NE BALLKAN



Teuta Shamku



Emigrantet shqiptare qe jetojne ne shtetin fqinj Greqi, tash e tutje mund t'i kryejne sherbimet bankare ne nje banke qe qendren e ka ne atdheun e tyre. Banka Amerikane e Shqiperise do te hape nje dege te saj ne Athine. Lajmin e kane konfirmuar per gazeten "Koha Jone", drejtues te Bankes se Shqiperise. "Banka Amerikane e Shqiperise ka marre OK-in nga BSH-ja per te celur nje dege ne Athine. Kjo eshte e para banke nga Shqiperia qe shtrihet ne rajon me nje dege te re", thane dje burime zyrtare nga Banka e Shqiperise.

Specialistet bankare thone se ky fakt eshte nje zhvillim pozitiv qe tregon se sistemi bankar ne vendin tone eshte ambicioz.

Vendimin per te hapur nje dege te re te Bankes Amerikane ne Athine e ka qeveria amerikane, pasi BA financohet nga Fondi Amerikan per Zhvillimin e Ndermarrjeve. Burime nga Banka Amerikane thane se deri tani jane gjetur ambjentet e deges se bankes dhe pritet se shpejti te filloje aktiviteti, sapo te jape miratimin Banka Qendrore e Greqise. Celja e kesaj dege ne Athine shihet si nje perparesi per emigrantet tane ne Greqi, pasi numri i tyre shkon deri ne 500 mije.

Banka Amerikane e Shqiperise mund te konkuroje denjesisht ne tregun bankar ne Greqi, pasi ajo operon me sistemet e fundit te bankingut, duke ofruar edhe bankingun me internet. Ne projektet e saj Banka Amerikane synon shtrirjen e saj me dege edhe ne shtete te tjera ne rajon. Burime te sigurta thane dje se Banka Amerikane eshte duke u pergatitur per te celur nje dege tjeter ne shtetin fqinj Italine, ku edhe atje numri i emigranteve shqiptare eshte i madh. Banka amerikane do te ofroje shume sherbime per emigrantet shqiptare, si transferta bankare, depozita, etj.



Bankat shqiptare drejt shtrirjes ne rajon

Sipas specialisteve te Bankes se Shqiperise, Banka Amerikane

eshte e vetmja ne tregun bankar shqiptar qe ka nje dege jashte kufijve. Ndersa bankat e tjera me kapital te huaj, duke qene se banken meme e kane ne vendet nga vijne, u sherbejne shqiptareve nepermjet tyre. Mundesine per t'iu sherbyer shqiptareve ne rajon kohet e fundit e ka ofruar edhe banke me kapital 100 per qind shqiptar. Credins Bank ka nisur bashkepunimin e saj me tri banka ne Kosove dhe Malin e Zi, nepermjet te cilave u ofrojne sherbime te shpejta shqiptareve ne keto vende. "Ne kemi krijuar marredhenie bashkepunimi me dy banka ne Kosove, Banken Kreditore te Prishtines dhe Casa Bank, si dhe nje banke ne Malin e Zi, Atlasmond Bank", thote per "KJ" Artan Santo, Drejtori i Credins Bank. Sipas Santos marredhenia me tri bankat ofron mundesine per transfertat bankare, si dhe per bashkepunimin mes bizneseve te Kosoves dhe Malit te Zi. "Ne ofrojme sherbime me kosto shume te lire dhe per me teper ne nje kohe shume te shkurter", shton Santo

[ganoid]

Cani: Na falni për rënien e dollarit
“Ka ndikuar në rritjen e importeve dhe uljen e eksporteve



Tiranë

Guvernatori ka kërkuar falje për rritjen e vlerës së lekut në treg. “Ne duhet të kishim ndërhyrë më parë për të frenuar rritjen e vlerës së lekut”.

Kështu është shprehur dje Cani gjatë paraqitjes së programit monetar për vitin 2004, në Komisionin e Ekonomisë. Sipas tij, rritja e vlerës së lekut, në krahasim me monedhat e tjera, ka bërë që të rriten ndjeshëm importet dhe ka influencuar negativisht mbi eksportet shqiptare. “Ne kemi ndërmarrë ndërhyrje në treg për përmirësimin e këtij raporti”, ka theksuar Cani, duke pranuar se këto ndërhyrje janë bërë më vonë se sa duhej. Aktualisht, raporti i eksporteve me importet është 1/4. Pra, Shqipëria eksporton 1 produkt dhe merr katër të tillë nga vendet fqinje. Deficiti i lartë tregtar ka bërë që shpesh Banka e Shqipërisë të japë alarmin për mungesën e mjeteve monetare për importe. Nga ana tjetër, Cani ka paraqitur përpara deputetëve programin monetar të Bankës dhe bashkëjetesën e tij me politikën fiskale. “Në funksion të objektivit, programi monetar synon kontrollin e rritjes së ofertës monetare, në mënyrë që niveli i mjeteve monetare reale t’i përgjigjet nevojave reale të ekonomisë, për një rritje ekonomike prej 6 për qind. Programi Monetar garanton respektimin e objektivave sasiorë të BSH-së dhe kontrollin e huamarrjes së brendshme të qeverisë në nivelin 2.7 për qind të PBB-së”, tha Guvernatori Cani. Sipas tij, gjatë vitit 2004, depozitat në valutë pritet të rriten me 17.7 miliardë lekë, paraja jashtë bankave parashikohet të rritet me rreth 14.9 miliardë lekë, depozitat në lekë do të rriten me 14.8 miliardë lekë dhe kërkesa e qeverisë dhe e sektorit privat për mjete monetare në lekë parashikohet në 14.5 miliardë lekë. Gjithashtu, financimi i deficitit buxhetor nga ana e sistemit bankar është parashikuar 20 miliardë lekë ose 2.3% e GDP-së.

“Gjatë vitit 2004 është parashikuar që, kredia për ekonominë të rritet me 16.5 miliardë lekë”, theksoi Cani. Krahasuar me rritjen e tepricës së kredisë për vitin 2003, kjo rritje është rreth 3.6 miliardë lekë ose 28% më e madhe. “Rritja e kredisë në valutë supozohet të jetë rreth 14.5 miliardë lekë, ose 88% e rritjes totale të kredisë për ekonominë”, tha ai. Diferenca midis normave të interesit të kredisë në lekë ndaj atyre në valutë, do të sjellë një rritje më të madhe të kredisë në valutë, ndaj asaj në lekë. Gjithashtu në rënien e ritmit të rritjes së kredive në lekë, do të ndikojë edhe niveli i lartë i likuiditetit të sistemit bankar gjatë vitit 2003. Për këto arsye, kredia në lekë pritet të rritet vetëm me 2 miliardë lekë, gjatë vitit në vazhdim.



Islami paraqet projektbuxhetin: Rriten çmimet, nuk rriten pagat

Rritja e çmimit të energjisë, telefonisë, rritja e akcizës së karburanteve dhe e taksave të tjera, nuk janë të kompensuara në buxhetin e vitit të ardhshëm. Kjo ka qenë akuza e deputetëve të opozitës në Komisionin e Ekonomisë, kur Islami parqiti projektbuxhetin për vitin e ardhshëm. Sipas Islamit, në buxhet është parashikuar që të ketë një rritje pagash prej 8 për qind. Por inflacioni është parashikuar të jetë 4 për qind dhe rritja reale e pagave është 4 për qind. Sidoqoftë, reagimi i opozitës për buxhetin nuk ka gjetur përkrahjen e deputetëve të pozitës. Këto të fundit vazhdojnë të heshtin lidhur me problemet e buxhetit. Nga ana tjetër, Islami vazhdon të mbrohet me organizmat ndërkombëtare, megjithëse në paketën fiskale nuk u mbrojt dot me këto organizma. “Projektbuxheti është përputhur me projekt paketën fiskale 2004 dhe është hartuar duke u mbështetur në Strategjinë Kombëtare për Zhvillim Ekonomik dhe Social, në Programin Buxhetor Afatmesëm dhe mbi bazën e rezultateve të pritshme të parashikuara për vitin 2003”, tha Islami. Sipas tij, edhe për vitin 2004, rritja ekonomike është parashikuar të jetë 6% dhe inflacioni në kufirin 2-4%. Të ardhurat totale do të rriten në 24% të GDP-së, të ardhurat tatimore nga 20.1% e GDP-së do të rriten në 20.7% të GDP-së, fondi i asistencës sociale do jetë 4% e GDP-së, të ardhurat jotatimore 2.5%, huamarrja e brendshme 2.7%, shpenzimet operative 2.7%, subvencionet 2.5%, fondi i pagave 6.15%, shpenzimet kapitale do zenë 2.14% e GDP-së etj. Në projektbuxhetin e vitit 2004 është parashikuar që sektorët prioritarë të jenë arsimi, shëndetësia dhe transporti. Sipas Islamit, në projektbuxhetin e vitit 2004, për arsimin është parashikuar një fond prej 24.3 miliardë lekësh ose 2.95% e GDP-së. Për shëndetësinë janë parashikuar rreth 20.3 miliardë lekë, për transportin 15.6 miliardë lekë dhe për bujqësinë rreth 16 miliardë lekë.

Treguesit ekonomikë 2004

Rritja ekonomike 6 për qind
Inflacioni 4 për qind
Rritja e pagave 8 për qind
Të ardhurat 20.1 për qind e GDP
Shpenzimet e operative 2.7 për qind e GDP
Shpenzimet kapitale 2.14 për qind e GDP
Huamarrja e bredshme 2.7 për qind e GDP


Agrobiznesi
Paketa fiskale zgjidhje të pjesshme

Paketa fiskele 2004, e miratuar në Komisionin parlamentar të Ekonomisë, i jep zgjidhje të pjesshme kërkesave dhe problemeve me të cilat ndeshet sektori i agroindustrisë sot në vend. Kështu deklaruan dje gjatë një takimi kombëtar, përfaqësues të Këshillit të Agrobiznesit Shqiptar (KASH). Agim Rrapaj, president i KASH-it, tha se, “kërkesat e agrobiznesit për disa ndryshime në paketën fiskale 2004, u përcaktuan që në Kongresin e 3-të të KASH-it, madje ato u mbështetën dhe nga Komisionet Parlamentare të Bujqësisë, Ekonomisë e Financave. Por ky mirëkuptim nuk ishte i mjaftueshëm me organet tatimore dhe Ministrinë e Financave. Sipas tij, konferenca kërkoi uljen e çmimeve për të gjitha burimet energjetike në bujqësi e, veçanërisht mos vendosjen e taksave për mekanikën bujqësore. Megjithëse u paraqit një studim serioz për heqjen e akcizës së karburanteve për mekanikën bujqësore dhe serat me ngrohje, i diskutuar dhe vlerësuar nga komuniteti i biznesit, (sipas të cilit buxheti i shtetit fitonte 12 milionë USD dhe GDP-ja rritej mbi 100 milionë USD, e përmirësohej efektiviteti i prodhimit), ky studim nuk u përfshi në paketën fiskale 2004. Pas insistimeve të KASH, Komisioni parlamentar i Ekonomise dhe Financës pranuan që të hiqet akzica për karburantet e serat me ngrohje si dhe projektin pilot të mekanikës bujqësore. Në paketën e re, sipas Rrapajt, i jepet zgjidhje vetëm industrisë së qumështit, ndërkohë që KASH-i ka kërkuar diferencim dhe rimbursim të TVSH-së për të gjitha lëndët e para që blen sektori i agropërpunimit drejtpërdrejt te fermeri.