Rrefimi i 18-vjecares: Si me prostituuan egersisht.

[Shpirt Njeriu]

Policia greke ka riatdhesuar nepermjet Kapshtices,nje prostitute 18 vjecare e cila mbas qendrimit 24 ore ne Drejtorine e Polocise se Korces eshte mare ne dorzim nga policia e Lushnjes. Historia rrenqethese e 18 vjecares lushnjare E.Mujo e ka zanafillen e saj dy vjet me pare,kur adoleshentja ka lene ne shtep ine e saj te mbuluar nga mjerimi dhe fatkeqesia e humjes te babait,nenendhe 4 motrat e vogla."Burri im ka erdhur ne shtepine tone-ka nisur rrefimine saj prostituta-i adresuar nga nje i aferm i familjes.Sjellja e tij ka qene shembullore sa nena eshte bindur duke e quajtur fatin qe do te na ndryshonte jeten".Keshtu historia embushur me te papritura do te kthehej ne dramen dhe fatkeqesine e saj te madhe. Dukagjinasi me banim ne Shkoder me inicialet G.S.e ka mbajtur per disa dite "gruan"e tij ne nje motel ne dalje te Vlores duke e trajtuar si nje princeshe. "Ai me mbulonte me dhurata dhe lule-tregon ende e shokuar vajza-ndersa tmeri im do te niste mbas nje muaji te vendosjes sone ne Milano".Mosbindja per te dale ne rrugee vajzes ka treguar fytyren e vertete te bashkeshortit-tutor i cili duke e terhequr zvare ka lejuar ta perdhunojne ne shtepine e tyre 3 sho ket e tij vlonjate.Me tej dalja ne rruge naten me vajza te tjera duhej te shoqeruar me 1 milion lireta fitim ne nate,ose perndryshe nisnin torturat cnjerezore."Ajo qe smund ta harroj-thote E.Mujo-ishte kurme fuste ne vaske me uje te ftohte per te me mbytur". Qendrimi ne Itali ka zgjatur,vetem 5 muaj ndersa me pas tutori 38 vjecar ishte denoncuar nga nje tjeter vajze e prostituar nga Malesia e Madhe.Greqia do te behej stacioni tjeter i vajzes fatkeqe,ndersa jetimja mundohej te ndihmonte edhe familjen ne Shqiperi pa trguar te verteten qe e torturonte.Ne shtetin fqinj vendndodhja e re e ciftit do te vazhdonte ne qytetin turistik te Kalki dhikise.Atje realiteti nuk do te ndryshonte aspak,ndersa torturat nuk do te mernin fund per lushnjaren qe jetonte ditet e ankthit te saj.Policia greke e ka ndaluar 18 vjecaren ne oret e vona te dy diteve me pare,ndersa ajo ishte ne pritje te klienteve te "uritur" te nates.Ka qene nje sherr qe vajza nga Shqiperia po bente me dy te rinj te cilet po e godisnin.Polocia e njoftuar nga vete E.Mujo ka shoqeruar kete te fundit dhe ka vendosur kthimin e saj ne atdhe per mungese te lejes se qendrimit.Ne Kapshtice prostituta iu eshte do- rezuar autoriteteve policore te cilet e kane nisur ne Drejtorine e Policise ne Korce,per llogari te zyres antitrafik.Vajza nga Lushnja ka trguar histori ne e saj duke bere te ditur dhe identitetin e sakte te tutorit te vet.

[Shiu]

Me te vertete me vie keq per vajzen qe ne moshen 16 vjecare eshte detyruar te mirret me prostitucion. Tragjedi e vertete.

Nuk duhet te mbeshtetemi vetem ne efikasitetin e policise se Italise, Greqise apo Shqiperise. Duhet vete populli te ndermarre masa per parandalimin e ketyre rasteve, te tregohet me i zgjuar dhe me i guximshem qe t'u thote STOP tutoreve te cilet pothuaj publikisht mirren me "biznesin" e tyre, pa u gjykuar nga askush.

[kolombi]

Prostitucioni,nje nga plaget me te medha qe jetojme.Fatkeqsisht njoh dhe kam degjuar shume histori te tilla ,pavarsisht se jo te gjitha dalin ne driten e gazetarise se televizionit.
Uroj dhe shpresoj te gjithe se bashku te luftojme semundje te tilla qe shemtojne boten ku jetojme.

[Tequila Sunrise]

tmerr i vertet per t'u menduar jo me per t'u jetuar!

[Babe]

[bunny]

speechlesssss...again and again...and again....
plasem duke i degjuar keto histori....ca l*** po ben gje policia jone ose e italise ose e greqise....krye pimpi mund te jete nano vete...ose noj depuded tjeter....lol...
muaqqqqqqqqqqqqq

[Shpirt Njeriu]

SHKODER

Dorela është një vajzë e re, e bukur dhe e urtë. Jam e bindur se dikush e ka mashtruar. Do Zoti që të mos ketë shkuar jashtë shtetit se, po të jetë kështu, ka mbaruar çdo gjë". Kështu është shprehur dje për Gazetën gjyshja e Dorela Pepajt, e cila paraditen e së shtunës që shkoi është larguar në mënyrë të mistershme nga shtëpia. Shtëpia e 16-vjeçares nga fshati Hot i Shkodrës që prej katër ditësh është mbuluar nga ankthi dhe frika për fatin e saj. Të gjithë familjarët janë në alarm. Ata dyshojnë se Dorela është trafikuar jashtë vendit. Një telefonatë e Dorelës, bërë dy net më parë, ka shtuar akoma më shumë frikën e familjarëve. "Jam në Greqi", ka thënë vajza dhe ka mbyllur telefonin. Gjithsesi prindërit e saj ende shpresojnë që adoleshentja të mos ketë mbërritur në vendin fqinj. Dje gjyshja e saj ka rrëfyer për Gazetën lidhur me ngjarjen e së shtunës. "Ishte ora 11 paradite kur Dorela doli në rrugë. Në shtëpi isha unë dhe prinndërit e saj. Pamë një makinë në rrugicën pranë shtëpisë, por nuk dyshuam për ndonjë gjë të keqe. Vetëm kur vajza nuk erdhi, u bëmë merak për të", thotë 75-vjeçarja nga Hoti. Sipas gjyshes së Dorelës, mbesa e saj është mashtruar dhe ka ikur me makinën që po e priste afër shtëpisë. "Para se të dilte mbesa, dëgjuam borinë e makinës. Ajo ra dy herë. Me siguri ishte sinjali për Dorelën", sqaron gjyshja. Sipas 75-vjeçares, Dorela kishte nisur një kurs njëvjeçar për italisht në qendrën "Don Bosko" në Shkodër. Të shtunën ajo e kishte pushim, ndaj ishte në shtëpi. Gjithashtu, gjyshja e Dorelës thotë se vajza me siguri është mashtruar nga shoqëria e saj. E përlotur, e moshura tregon se kishin denoncuar në polici dhe se të gjitha shpresat i mbajnë te përfaqësuesit e Rendit. Ndërkaq, policia e Shkodrës është vënë në kërkim të pesë adoleshentëve të arratisur nga shtëpia (2 vajza dhe tre djem). Ekspertët citojnë se fotot e të rinjve janë shpërndarë në të gjitha komisariatet e policisë së vendit.

[BOY_UK]

ja nje nder tmerret e zakonshme ne shkoder me vjen shum keq per pjestart e familjes uroj qe te kthehet se shpejti ne shtepi pa marrur rrugen e prostitucionit

[Cjapi]

Gazeta thote mes tjerash :

"Dukagjinasi me banim ne Shkoder me inicialet G.S.e ka mbajtur per disa dite "gruan"e tij ne nje motel ne dalje te Vlores duke e trajtuar si nje princeshe. "Ai me mbulonte me dhurata dhe lule-tregon ende e shokuar vajza-ndersa tmeri im do te niste mbas nje muaji te vendosjes sone ne Milano".Mosbindja per te dale ne rrugee vajzes ka treguar fytyren e vertete te bashkeshortit-tutor i cili duke e terhequr zvare ka lejuar ta perdhunojne ne shtepine e tyre 3 sho ket e tij vlonjate.Me tej dalja ne rruge naten me vajza te tjera duhej te shoqeruar me 1 milion lireta fitim ne nate,ose perndryshe nisnin torturat cnjerezore."Ajo qe smund ta harroj-thote E.Mujo-ishte kurme fuste ne vaske me uje te ftohte per te me mbytur"."


Pse po ja ruajn erzin kti Dukagjinsit e nuk ja thon krejt emer e mbiemer?
Sternipi Lek Dukagjinit tutor vajzash shqiptare. Kulmi i Turpit jo vec per fisin e kti banditi por per krejt Shkodren qe eshte bere Rrethi me i ndyre ne Shqiperi. As atdhetar as fetar nuk jan por vec kafshe.

[macia_blu]

Hej ti cjapi, mendohu kur flet si flet ti duke pergjithesuar gjithe qytetin e shkodres (si qytet me kafshe, e po na tragon Leke Dukagjinin) Me cilin qytet na u krenoka stroma jote, qe me flet keshtu per Shkodren?
Apo je i biri i ndonje nga ata te "hakmarrjes per liri" dhe i dem baba dem komunist qe te pelqekeka te quhesh si nip sternip i Leke Dukagjinit????
Ti duhet te godasesh gjestin , vepren dhe individin, por nje qytet e aq me pak qytetin e Shkodres.
Te shkon shume menyra e te biseduarit me nikun qe ke. Tamam cjap e cfare cjapi se.!

[Brari]

TEMA:

--------------

RAJONI

Sekreti i parrëfyer i shqiptares Xheni

E dëshiruar për t'u larguar prej jetës së dhunshme në Shqipëri, Xheni ikën në mënyrë klandestine në Britani. Por menjëherë këtu adoleshentja rrihet, dhunohet dhe detyrohet të prostituojë. Ndërsa historia e saj është mjaft e njohur nga policia shqiptare që po përpiqet të përmbajë shpërthimin e trafikut të qenieve njerëzore.

Sophie Arie, The Guardian

Xheni është një vajzë trupvogël, e këndshme, 20 vjeçare, me sy të shndritshëm, me xhinse të shtrënguara fort dhe me një rrip përreth belit me një tokëz të dukshme. I pëlqen shoqëria deri ku nuk mban më. Por asaj nuk i ka rënë rasti të dalë këto kohët e fundit. Në të vërtetë asaj i është dashur të qëndrojë e mbyllur në qytetin e saj të ndyrë në Shqipëri larg prej detit dhe qyteteve të tjera, ndarë prej maleve të ashpra. Ndërsa një fashë drite bie mbi dhomën e qetë e familjare, ajo ndez pafundësisht cigare dhe bubrron me mua në anglisht me një theks të rëndë, përballë mamasë me fytyrë të hequr nga lodhja. "Nuk mundem të dal jashtë. Nuk kam mundësi", thotë ajo ndërsa motra e saj drejton gotat me raki nga miqtë anglezë. "Njerëzit të shikojnë. Ata mund të thonë se kam qënë jashtë. Ata e dinë se çfarë kam bërë."

Që kur u kthye nga Britania në fillim të këtij viti pa asnjë dokument, Xheni (kështu i pëlqen asaj ta quajnë) nuk ka guxuar t'i thotë familjes së saj se ajo ka qenë e detyruar të punojë si prostitutë. "Ata do të turpëroheshin. Ata do të më përzinin", tregon ajo e sigurt se mamaja dhe motrat e saj të strukura ndanë nesh në divan, nuk kuptonin qoftë dhe një fjalë. Ata vazhdojnë të mendojnë se ajo pati fat duke fituar afro 45 dollarë në ditë në një bar kafe si kamariere në Londër, punë që në të vërtetë ajo e kishte bërë pasi iu arratis kodoshit. Familja e saj krenohet. Është e vetmja e afërt që ia ka arritur. Xheni është një prej qindra vajzave shqiptare të çoroditura, të traumatizuara që i janë rikthyer vendit të tyre të ashpër, pasi janë detyruar t'iu shërbejnë qindra burrave në Perëndim përpara se të kthehen mbrapsht. Më vonë duart e saj dridhen ndërsa sytë i lëngëzohen kur më tregon larg prej syve kureshtarë të familjes së saj dhe e ndihmuar nga një gotë verë shqiptare, atë që i kishte ndodhur në të vërtetë.

Në moshën 15 vjeçare, Xheni, njëra prej shtatë fëmijëve të një babai të vrarë nga fqinji pas një sherri për një rrip toke, iku me mamanë e saj tek shtëpia e motrës më të madhe. Por burri i motrës i shtrënguar prej shumë gojëve që i duhej për të ushqyer, filloi të rrihte vajzën e re. Fqinjët mund të shikonin sherrin dhe shpesh asaj i duhej të mos shkonte në shkollë ngaqë ishte shumë e rrahur. Një përpjekje e dështuar për të marrë një overdozë e rriti më shumë zemërimin e kunatit të saj. Por një ditë një fqinj erdhi në shtëpinë e shpëtimtarit të saj, i tha se kishte rënë në dashuuri me të dhe dëshironte ta ndihmonte. Ai pagoi "taksinë" që i nxori ata kontrabandë nëpërmjet kufirit me Greqinë ku ai i kishte premtuar asaj se do të gjenin punë dhe një jetë më të mirë. "Ai më tha se do të martoheshim. Por sapo hymë në Greqi ai nuk e përmendi më një gjë të tillë," tha ajo. "Ne morëm pasaporta false dhe i hypëm tragetit për në Itali". Në Itali "i dashuri" i Xhenit - të cilit ajo ka frikë t'ia përmendë emrin se mos ndonjë ditë ai mund ta zbulojë - u lidh me ca shokë të tij në një apartament në Torino. Ata filluan të rrihnin adoleshenten e tmerruar, derisa ajo ra dakord të punonte në rrugë. Ajo u mbyll në një apartament pa mundësi komunikimi me telefon dhe e kërcënuar me vdekje, nëse nuk do të dorëzonte fitimet e përditshme. "Gjithë kohës iu thoja se doja të kthehesha tek mamaja ime. Por ata më kërkonin vazhdimisht që të punoja. Isha kaq e frikësuar. Më kishte ardhur shpirti në majë të hundës", thotë ajo. "Doja vetëm të vdisja". Biznesi filloi të bjerë dhe kodoshët ishin të shqetësuar se kishin dëgjuar për rritjen e efektivitetit të aksioneve të policisë. "Na duhet të lëvizim për në Angli. Atje është më lehtë," tha 'i dashuri' i saj një ditë. "Ka sauna dhe masazhiste, ndërsa klientët kanë më shumë parà".

Xhenin e rrasën në një veturë që u nis në drejtim të një tjetër apartamenti-burg në Bruksel. Atje, thotë ajo, "i dashuri" e rrahu aq keq sa policia dëgjoi ulurimat, gjeti çiftin dhe arrestoi kodoshin. Xhenit iu dha strehim si azilkërkuese, por, - tha ajo, - ishte e frikësuar të shkonte në shtëpi nga frika se prindërit e saj do ta përbuznin atë. Në vend të kësaj ajo u drejtua për në Britani, e fshehur, pa dijeninë e shoferit, në një kamion së bashku me 15 të tjerë. Ajo u kap nga policia sapo kamioni zbarkoi në tokë ndërsa shërbimi social i dha asaj strehim në pritje të statusit të saj. Ndërsa punonte në një kafe "djemtë shqiptarë vinin rrotull" thotë ajo duke i kërkuar të kthehej në apartamentin e tyre. "Shqiptarët më vendosën në një shtëpi në Paddington," thotë ajo duke mbajtur frymën në çdo fjali që shqipton.

"Ishin pleq. Klientët ishin pleq. Ne ishim tre. Na duhej të vishnim T-shirts të gjata dhe të bardha. Vetëm kaq. Ngjante si një uniformë infermieresh". Për afro tre muaj Xheni punoi në bordellin e zymtë në Paddington, duke u rraskapitur në më shumë se 16 orë seksi në ditë, ndërsa njerëzit vetëm disa rrugë më tutje shkonin e vinin në punë të tyre. Klientët paguanin nga 30 deri në 50 stërlina për çdo gjysëm ore "varej nga çfarë ata donin". Ata të gjithë përdornin profilaktikë, thotë ajo e bindur se nuk kishte marrë asnjë sëmundje. "Një natë kam patur 26 klientë," thotë ajo duke ngulur vështrimin mbi mbulesën e tavolinës. "Do të doja të bëja seks një ditë me atë që dashuroj. Por nuk ma merr mendja se do të arrij të bëj një gjë të tillë, pa më shkuar mendja tek gjithë ata burra." Pas pune kodoshët mund ta përdhunonin atë njëri pas tjetrit duke e lidhur dhe duke përdorur mesin e saj të zhveshur për të thithur kokainë. Një ditë, një prej vajzave që qau shumë duke larguar klientët, i thyen gishtërinjtë e dorës me derë, ndërsa ia rruan edhe flokët si dënim. "Nuk kishim njeri me kë të këmbenim dy fjalë. Nuk kishim ku të shkonim. Njeri pa njeri. Nuk kishim kujt t'i besonim", thotë ajo. Xheni u gjet disa herë e rrahur ndanë rrugëve nga patrullat policore gjatë natës, por për të mbrojtur kodoshët që e kishin kërcënuar me vdekje, ajo kurrë nuk e hapi gojën për të thënë se ishte e detyruar të prostituonte. Ajo ia arriti të largohej nga bordelli pas një aksioni të policisë duke u zhdukur për ca kohë në turmën masive të kryeqytetit, teksa gjeti punë në një kafene londineze. Ajo u kthye në fillim të këtij viti. Me të mbërritur në Shqipëri, Xheni ia tregoi gjithë historinë e saj, për herë të parë, policisë së qytetit të saj. Ajo thotë se nuk e di çfarë ka ndodhur me "të dashurin" e saj dhe jeton me frikën se ai do të kthehet e do ta gjejë. Me aq sa di ajo, kodoshët e saj në Londër kanë skllavëruar vajza të tjera. "Ndihem fajtore", thotë ajo e kthyer në qytetin e saj. "U miklova në moshën 15 vjeçare. Kisha nevojë për dikë të kujdesej për mua. Por duhej të kisha qendruar dhe të duroja kunatin tim të më rrihte. Nuk ma merr mendja se do të kishte qenë më keq se kaq".

Xheni është një rast klasik i një brezi vajzash pak të arsimuara të Shqipërisë së varfër që përbëjnë lëndën e parë për trafikantët për të ushqyer shpërthimin e industrisë së seksit në Evropë sa më shumë të jetë e mundur. Përfitimet nga skllavëria e seksit janë shumë më të mëdha dhe rreziqet tejet më të ulëta se trafikimi i drogës apo i armëve. Qeveria amerikane llogarit se janë më shumë se 700 mijë njerëz të trafikuar për qëllime shfrytëzimi në të gjithë botën gjatë vitit.

Dhe ndërsa Italia ka vënë përposhtë me sukses vërshimin e gomoneve nëpërmjet Adriatikut, kodoshët shqiptarë janë drejtuar për në veri, duke synuar Britaninë dhe vendet e tjera evropiane. "Rruga italiane tashmë është ndërprerë. Dhjetëra gangsterë kanë lëvizur në drejtim të Britanisë së Madhe, Hollandës, Suedisë dhe Norvegjisë", thotë Avni Jasharllari, që drejton njësinë qeveritare antitrafik, e krijuar dy vjet më parë. "Ne kemi dijeni për 330 kriminelë të fshehur në Britani. Ata janë më të lirshëm të merren me aktivitetet e tyre atje". Ka filluar bashkëpunimi midis policisë shqiptare dhe asaj britanike, por mesazhet është e vështirë të transmetohen shpejt, për shkak të linjave telefonike mjaft të dobëta dhe fakseve që mungojnë. Policia shqiptare ndjen se përpjekjet e saj "në luftën kundër trafikut" janë të rrudhura për shkak se Britania thonë ata "e ka injoruar industrinë e seksit". Ndërsa klubet e Londrës po përballen me çështjet e trafikut gjithkund në Britani problemi kuptohet fare pak. Kodoshët shqiptarë po "zotërojnë arenën evropiane" të trafikut të qenieve njerëzore sipas Organizatës Ndërkombëtare për Migrim (IOM), pjesërisht sepse ata po punojnë në grupe të vogla familjare dhe vënë në lojë emocionet për t'iu mbushur mendjen vajzave të largohen njëherë e mirë. Vajzat e trafikuara shumica prej Evropës Lindore, Afrikës Perëndimore dhe Azisë tashmë gjenden që nga Napoli në Nottingham dhe afro 65 për qind e atyre që kanë ardhur nga Shqipëria, janë nën moshën 18 vjeç. Ministria e Brendshme numëron 1,420 çështje më 1998, por ekspertët në terren të thonë se kjo "është maja e ajsbergut" përderisa biznesi po shkulmon dhe pjesa më e madhe e vajzave të skllavëruara janë aq të tmeruara sa nuk shkëputen dot. Shumica e vendeve evropiane edhe sot nuk kanë ligjin për të ndaluar këtë formë moderne të skllavërisë. Në Britani projektligji për shfrytëzimin seksual është ende në parlament dhe duhet të aprovohet përpara mbarimit të vitit që do të thotë se trafikantët do të përballen me një dënim që shkon deri në 14 vjet heqje lirie. Ndërkohë Shqipëria po lufton të rregullojë vërshimin e vajzave që kanë dalë apo kanë rrëshqitur në industrinë e trafikut. Ato postohen nëpër shtëpira kur ka vende bosh nëpër linjat ajrore, por kur ato arrijnë atje, nuk është se gjejnë familjarët e tyre që mezi i presin krahëhapur në aeroport. Prostituimi është krimi më i rëndë që mund të bëjë një grua në këtë vend musliman me madhësinë e Uellsit.

3.1 pothuaj e njohin njeri tjetrin ndërsa në zonat rurale sipas kodeve sociale të lashta vetëm gjaku i hasmit mund ta paguajë shkeljen në nder. Kthimi në një jetë normale për një ish prostitutë është pothuaj e pamundur. Në veriun e pashtet e të drobitur, agjencitë e ndihmave iu mësojnë nënave si të mbrojnë vajzat e tyre nga miklimi i trafikantëve, ndërsa të tjerë afrojnë strehim për gratë që nuk duan të dalin në publik dhe refuzojnë shtëpi apo punë për shkak të turpërimit të tyre në të kaluarën. Shumë prej tyre e gjejnë një shteg në ndonjë qytet tjetër, disa largohen sërish në ndonjë vend tjetër të huaj dhe shumica bien sërish në duart e kodoshëve të tyre. "Opinioni publik është gjëja më e vështirë për këto vajza", thotë Krenar Kasi, skuadra antitrafik e të cilit në qytetin e Beratit ka pritur më shumë se 200 vajza të trafikuara nëpër Evropë gjatë 18 muajve të fundit. "Shumica e tyre e gjejnë një zgjidhje. Ato vendosen në një qytet tjetër ku nuk i njeh kush. Ose dhe ndoshta largohen në ndonjë vend tjetër të huaj sërish. Kjo është e vetmja mënyrë për të gjetur atë që iu mungon këtu- normalitetin".

Policia shqiptare ia ka arritur të bindë gjithmonë e më shumë vajzat e kthyera të tregojnë emrat e kodoshëve duke i ruajtur vetë ato fillimisht dhe më pas duke ia dorëzuar IOM dhe shërbimeve të tjera mbështetëse me kalimin e muajve. Rojet iu rrinë gati kodoshëve që vërdallosen nëpër strehëzat e vogla të IOM-it për ish prostituta në Tiranë, që shpresojnë të bindin apo të tmerrojnë ish skllavet e tyre për të tërhequr denoncimet.

"Një vajzë që denoncoi kodoshin e saj, na u desh ta shoqëronim atë në disa qytete të ndryshme me truproja dhe me dritare të qarkuara me hekura", thotë Spartak Guma, shef i policisë së antitrafikut në Tiranë. "Kur ajo u kthye më së fundi në qytetin e saj të lindjes në Fier, mbi derën e shtëpisë së saj qe shkruar një parrullë e madhe në mur "prostitutë".

Ndërsa trafikimi është një plagë për Moldavinë, Rumaninë dhe Bullgarinë, për Shqipërinë ajo është krejt gjë tjetër. Në fundin e regjimit gjysëm shekullor stalinist, kriminelët shpërthyen ndërsa policia vetëm tashmë ka filluar të merret me ta. Pothuaj gjysma e numrit të viktimave të identifikuara në rajon janë shqiptare, thuhet në një raport të botuar në muajin korrik nga IOM-i dhe Komisioni Ndërkombëtar i Migracionit Katolik. Që nga janari 2000, janë numëruar 2.241, por ekspertët thonë se të dhënat e vërteta janë shumë më të mëdha. Me thënë të drejtën Xheni tashmë është shumë më e zgjuar - pasi ka mësuar si të merret vesh me të gjithë llojet e burrave - por ajo është gjithashtu me një fëmijëri të lënë përgjysëm që i gëzohej ëndrrës se një ditë do të bëhej një modele apo një yll opera, kur u kthye në Britani.

"Tashmë Anglia është shtëpia ime", thotë ajo pasi ka kaluar disa ditë në pritje të një vize në konsullatën britanike në Tiranë. "Një minutë pasi mbërrita këtu u ndjeva e drobitur. Më merr malli për EastEnders. Mezi më zë gjumi gjatë natës.






-------------

[Ceceni Tirons]

E ca pret nga dukagjini?

[Shpirt Njeriu]

Juliana Gropa 23 vjec, i dha fund jetes me 22 dhjetor te vitit te kaluar, nje vit pas marteses, duke refuzuar kerkesen e te shoqit Artur Gropa, per te prostituuar ne Itali, pasi bente prej kohesh prostituten, ne Fier. Ne motivimin e arrestimit, policia i tha te dyshuarit se ka detyruar bashkeshorten te vetesakrifikohet, per te mos prostituuar ne Fier dhe jashte shtetit. Duke mos gjetur rrugedalje tjeter vec detyrimit per te prostituuar dhe vetevrasjes, Juliana Gropa nje grua 23 vjecare, i dha fund jetes duke pire tre kokrra fotoksine. Artur Gropa, ose sic e therrisnin, "Vesho", ka qene nje here i denuar ne Greqi ne burgun e Koridhalose, per vjedhje banese. Po ne kete burg, ne godinen e femrave, per mungese dokumentesh emigrimi dhe pune te paligjshme ne vendin fqinje, ndodhej Juljana Muka nga Bilishti i Korces. Te dy jane njohur duke shkembyer letra dhe fotografi. Sipas rrefimit te nje shoku te tij, Arturi ka arritur nepermjet avokateve, te fitoje lirine bashke me vajzen dhe, pas daljes nga burgu jane kthyer ne Patos, per te bashkejetuar ne Shqiperi. Nderkohe, sipas te afermve te vajzes, 23 vjecarja veren e vitit 2001, ishte martuar me Arturin banor i fshatit Dukas. Sipas burimeve te policise vendore, Arturi kishte gjashte muaj qe e perdorte gruan e tij Julianen si prostitute, neper motelet e Fierit dhe se fundi, kishte vendosur ta dergonte per te prostituuar edhe ne trotuaret e Italise.

[Shpirt Njeriu]

"Martohemi", e perdhunon dhe ben prostitute


Nje e mitur nga Korca, ka provuar dite te tmerrshme dhune seksuale dhe detyrimi per te prostituuar, nga "njeriu i zemres", qe i premtoi martese. Altin Latollari, 25-vjecari nga Maliqi, eshte arrestuar dje, si i dyshuari i trafikimit te 15-vjecares A.T. Deshmite rrenqethese te viktimes se perdorur fillimisht ne Maqedoni dhe me tej, ne Greqi. I ndaluari: "Jam i pafajshem"

I premton martese, e merr me vete per ne Greqi dhe e perdhunon ne Maqedoni. Per te perfunduar ne vendin helen, si vajze trotuaresh, ne Selanik. Keshtu akuzohet te kete vepruar nje 25 vjecar nga qyteti i Maliqit, me nje vajze te mitur nga qyteti i Korces. Viktima e dyshuar e dhunes seksuale dhe detyrimit per te prostituuar, ka denoncuar disda dite me pare, pretendentin e saj per bashkeshort, duke bere qe ai te bjere dje, ne prangat e policise se Korces. Burime zyrtare te policise vendore, thane per "Korrieri"-n, se Altin Latollari, 25 vjec, banues ne Maliq, u arrestua pasi ka perdorur dhe trafikuar per qellime fitimi, 15-vjecaren A.T., lindur dhe banuese ne Korce. Para dy ditesh policia greke ka i ka kapur te dy, ne qytetin e Selanikut. Pasi eshte konstatuar se dy te lartpermendurit, kane qene te papajisur me dokumentet e duhura gje qe i ka detyruar t'i kthejne ne Shqiperi. Me te mberritur ne Korce, 15 vjecarja ka denoncuar se Latollari e ka detyruar te bente prostituten. Mbas ketij denoncimi 25 vjecari ka rene ne pranga ndersa gjate hetimeve nuk ka pranuar akuzen, duke thene se e donte vajzen e mitur dhe do te martohej me te. Nderkohe, nga qelite e paraburgimit, ku ndodhet i dyshuari i prangosur, nuk ka pranuar te kete kryer vepra te tilla penale. Ai ka thene dje pas arrestimit, se e donte te mituren dhe se kishte ndermend te martohej me te, sikurse edhe i kishet premtuar kohe me pare. Policia tha se vajza fillimisht ishte derguar ne Maqedoni, nga burri i saj virtual, 25-vjecari nga Maliqi, Altin Latollari. Atje sipas te njejtave burime, dyshohet qe vajza te jete perdhunuar nga i arrestuari dhe me pas, eshte derguar ne Greqi, nepermjet shtetit tjeter fqinje, Maqedoni. Burimet e mesiperme te policise, bejne te ditur se vajza e mitur, eshte riatdhesuar vetem dy dite me pare, se bashku me tutorin e saj, premtues i marteses. Vajza sipas deshmive te mbledhura ne policine vendore, ishte perdorur nga "i shoqi" per rreth nje muaj, si prostitute ne Selanik te Greqise. Por me kthimin e tyre ne token ame, per shkak te kapjes nga policia greke, Altini, dyshohet se nuk e ka prezantuar vajzen 15-vjecare si gruan e tij, e per rrjedhoje me mbiemrin e tij, (Latollari). Kjo mesohet ta kete revoltuar 15-vjecaren e cila duke i kujtuar se nuk kishte qene burri i saj, por tutori shfrytezues per nje muaj ne Selanik, ka "detyruar" policine ta vere ne pranga. Irena Vreto

[Shpirt Njeriu]

Ja si donim ta çonim në Greqi 15-vjeçaren"

SHKODER

I kanë prerë flokët, ia kanë lyer me bojë dhe i kanë vënë syze që të mos njihej nga policia. Kështu me luk të ndryshuar e kanë mbajtur plot një javë tek ish-hotel "Peza" në kryeqytet 15-vjeçaren nga Hani i Hotit. Katër tutorët shkodranë ishin në tratativa për ta trafikuar në Greqi të miturën. E keqtrajtuar dhe e trembur, Dorela Pepaj ka bërë sikur ka pranuar ofertën për të shkuar në vendin fqinj, derisa të shtunën që shkoi, ajo ka mundur të largohet nga të rinjtë trafikantë. E ndërsa vajza është kthyer në shtëpinë e saj, policia ka mundur të verë në pranga tre shtetasit: Gj.V (18 vjeç), B.D(17 vjeç) dhe S.S (17 vjeç) dhe kushërirën e saj 17-vjeçare, banuese në lagjen "Skëndërbeg" në qytetin verior. Ndërkohë, burime nga dikasteri i rendit bëjnë të ditur se katër të rinjtë e arrestuar kanë mashtruar Pepajn, me qëllim trafikimi në Greqi (kjo është dhe akuza atashur atyre). Sipas bluve, si "karrem" ka shërbyer kushërira e viktimës. Dy javë më parë, 17-vjeçarja e ka ftuar në shtëpinë e saj në Shkodër, Dorelën. Kursantja e italishtes të shtunën ishte në shtëpinë e saj, në Han të Hotit, pasi ishte ditë pushimi. E trembur se prindërit nuk do t'i jepnin leje, pasi ajo vetëm për fundjavë kthehej në shtëpi, ka vendosur të ikë fshehurazi. Gjithsesi kushërira e saj është treguar shumë "xhentile". Ajo bashkë me një prej tre shokëve të saj, me të cilët kishte bërë planin për të ikur në Greqi, ka shkuar për ta marrë Dorelën me makinë. E ndërsa dy të rinjtë kanë marrë me vete 15-vjeçaren, në qytetin e Shkodrës në makinë kanë hipur dhe dy të tjerë. Kështu të katër tutorët pa humbur kohë janë nisur në drejtim të Tiranës. Kanë zënë një dhomë te ish-hotel "Peza" dhe aty kanë ndenjur një javë pa ndërruar vend. Kjo për faktin se prindërit e të miturës kanë dhënë alarmin dhe policia e Shkodrës kishte dërguar foton e saj në rajonet e policisë në të gjithë vendin. Sipas bluve, të katër të rinjtë kanë tentuar të gjejnë një person që do t'i niste në Greqi. Ndërkaq e mitura ka mësuar qëllimin e vërtetë të udhëtimit të saj. Ajo është kërcënuar dhe keqtrajtuar. Vetëm dredhia, një OK fals, e ka shpëtuar vajzën. Të shtunën që shkoi ka mundur të ikë e të kthehet në shtëpi të saj. Ndërkohë policia e Shkodrës ka zbuluar vendqëndrimin e mashtruesve të të miturës, të cilët i ka prangosur menjëherë.


Tutorët: Të miturën e mashtruam para 1 jave

Lajmi se ishte rrëmbyer një 15-vjeçare nga Shkodra mori dhenë. Të katër mashtruesit e së miturës, megjithë përpjekjet për të ikur në vendin fqinj, dështuan. Të shtunën ata u prangosën. Fillimisht të rinjtë (tre djem e kushërira e së miturës) nuk kanë pranuar që të flasin. "Kërkojmë një avokat", kanë deklaruar ata. Vetëm pas këmbënguljes së ekspertëve dhe përballjes me faktet e provat e mbledhura prej tyre, katër të rinjtë kanë pranuar se e kanë mashtruar 15-vjeçaren nga Hani i Hotit dhe se kanë dashur ta trafikojnë atë në Greqi. Burime nga dikasteri i rendit pohojnë se katër shtetasit në fjalë akuzohen "për mashtrim të një të miture me qëllimin trafikimin e saj jashtë shtetit". Materialet në ngarkim të të pandehurve i janë përcjellur organit të Prokurorisë së Shkodrës. Dosja pothuajse është e kompletuar me prova.