Close
Faqja 3 prej 7 FillimFillim 12345 ... FunditFundit
Duke shfaqur rezultatin 41 deri 60 prej 138
  1. #41

    Te huaj jemi

    Te huaj jemi ne prej kohesh
    Ē’ish per t’u thene eshte thene
    Si guret qe zene vend ne toke
    Ne jete vend ne kemi zene

    Drejt njeri tjetrit kemi mbyllur
    Te gjitha rruget edhe shtigjet
    Si dy qytete mesjetare
    Me mure, heshta dhe me pirgje

    Por naten, kur i lodhur truri
    Portat i mbyll me qetesi
    Ti gjen nje shteg dhe futesh brenda
    Nje shteg qe vetem ti e di

    Pastaj si neper rrugica parqesh
    Shetit mes cirkovolucionesh
    Hyn neper endrra e shkujdesur
    Fanitesh, qesh, ma ben me dore

    Por kur mengjesi ze afrohet
    Nis shqetesohesh befas ti
    Dhe heshturazi del perjashta
    Nga shtegu, qe vec ti e di

    E dita vjen. Rrjedh prap jeta
    Dhe ne te dy si dhe me pare
    Te ftohte rrime e te pamposhtur
    Si dy qytete mesjetare

    1964
    Mos shkruaj gjė kur je me nerva, sepse, ndėrsa plaga e gjuhės ėshtė mė e keqe se e shpatės, mendo ē’ka mund tė jetė ajo e pendės

  2. Anetarėt mė poshtė kanė falenderuar shigjeta pėr postimin:

    Foleja_ (26-11-2017)

  3. #42
    Jam Tea :) Maska e My_Soul
    Anėtarėsuar
    07-02-2004
    Vendndodhja
    Diku...
    Postime
    464
    Me trembi e shoqja kur e pashe, lol
    Fotografitė e Bashkėngjitura Fotografitė e Bashkėngjitura  
    HAKUNA MATATA

  4. #43
    Jam Tea :) Maska e My_Soul
    Anėtarėsuar
    07-02-2004
    Vendndodhja
    Diku...
    Postime
    464
    Kadare, Ali Podrimja, tjetren gjejeni vete
    Fotografitė e Bashkėngjitura Fotografitė e Bashkėngjitura  
    HAKUNA MATATA

  5. #44
    Monolog

    Ne naten plot acar nje zjarr desha te ndez
    Por, nata ish e ftohte, ah, ē’tmerr i zi qe ish
    Ndaj qe te mbahej gjalle ky zjarr n’ate rrebesh
    Diēka perhere kerkonte, kerkonte vazhdimisht

    Ndaj si shtegtari murg, qe shkarpat mbledh net err
    Une hidhja n’ ate zjarr gjymtyret pa pushim
    Po ishin pak ato, ndaj fill pas tyre rresht
    Mbi te nisa te hedh copera te shpirtit tim

    Se s’behej ndryshe, dot, se s’behej ndryshe, eh
    Se duhej qe dikush ta mbante ate flake
    Ne flakezen-delir qe veē vajesosja sjell
    Te frikshme pamje ndritnin e dridheshin perqark

    I shihnit valle ato, dallonit valle diēka
    Ndersa rreth meje nata me terr e ujq u mbush
    Se donin qe te gjithe ta fiknin ate zjarr
    Dikush me ligesi e me padije dikush

    Te tjere maje kodrash ku dielli kishte rene
    Te tyret zjarre ndrisnin dhe qeshnin qe pertej
    Se s’donin te kuptonin se c’behej ketu brenda
    Se ē’fli kerkon nje flakez qe lindet ne nje terr

    I lodhur nganjehere kam thene: shuhu pra
    Ne qoftese nuk te duan, te bjere nate e pafund
    Te verbtit syte tuaj keshtu ndoshta do t’ jene
    Ne terrin absolute pa shqetesim kurrkund

    Po prap diēka me shtynte te ngrihem si somnambul
    Si murgu shkretimtar qe shkarpat verbtaz mbledh
    Dhe siper zjarrit prap’ te hedh gjymtyret akull
    Dhe coprat nje nga nje te shpirtit tim te hedh

    1984
    Mos shkruaj gjė kur je me nerva, sepse, ndėrsa plaga e gjuhės ėshtė mė e keqe se e shpatės, mendo ē’ka mund tė jetė ajo e pendės

  6. #45
    Bjeshkėt e Namuna ne dimer

    As zog, as vetetime
    Gjekund syri s'has
    Ngrire gjithēka. Enderr
    Veshur ne kuarc

    Si ne hotelet e shtrenjta
    Ku shtegtari s'hyn
    Shiu dot s'i afrohet
    Luksit alpin

    Shkembinj si tempuj
    Nene re, mbi re
    Nje varreze bubullimash
    Kujdes, nen kembe ke

    1980
    Mos shkruaj gjė kur je me nerva, sepse, ndėrsa plaga e gjuhės ėshtė mė e keqe se e shpatės, mendo ē’ka mund tė jetė ajo e pendės

  7. #46
    Administratore Maska e Fiori
    Anėtarėsuar
    27-03-2002
    Vendndodhja
    USA
    Postime
    3,016
    Poesia et narratus

    Ti pėr mua mendohesh, mė shkruan,
    Kur e qetė n'oborr bie nata.
    Kur e vetme, plot ėndrra ti ruan
    Si rrėzohet ne kopsht gjeth' i thatė,
    Ti mendohesh, kur hija vjeshtishte
    Mbulon kopshtin dhe fryn erė e ftohėt...
    Kurse unė nė orė tė latinishtes
    Tė mendohem pėr ty gjej kohė.

  8. #47
    in bocca al lupo Maska e Leila
    Anėtarėsuar
    25-04-2003
    Postime
    2,556

    1976

    LULEMOLLET

    Lulemollet nen driten e henes
    Bien si brilante diku.
    Ikin qiellit patat e egra
    Me pak hene ne krahe gjithashtu.

    Per te qene nje mbremje e bukur
    Pak gjera i mjaftojne, fare pak.
    I mjafton nje shtresez hene,
    Si bukes se mengjezit pak gjalpe.

    Per te qene e bukur kjo udhe
    Ritmi i hapave tone i mjafton.
    Ja patat e egra nga krahet
    Shkundin henen pike-pike si limon.

    Nga dritaret e shtepive fshatare
    Copra lajmesh te TV-se vijne qe larg.
    per lulet e molleve po te fliste
    Spikerja,
    _________ s'do te cuditesha aspak.

    N'Evrope jemi vendi i vetem.
    Qe ne mbremje me pare se gjithcka
    Japim lajmet per njerezit e thjeshte
    Te uzinave dhe fushave te medha.

    Mbledhin buzet me siguri ish-zoterinjte:
    Uh, c'lajme pa lezet, "me fshat".
    Ata qe me te rendesishem se dritherat
    Quajne cdo krim e psikopat.

    Brilantet e Zhakline Onasisit
    Mbi te gjitha lulet e botes vene ata
    Dhe per rrudhat e Greta Garbos
    Psheretijne si per me te madhe hata.

    Peshtyj mbi sensacionet e pertej detit
    Mbi "yjte" e "superyjte" e gjithe c'jane
    Te gjithe ata bashke dinjitetin
    E nje are me grure s'e kane.

    Gjithe reklamat e tyre se bashku.
    S'kane kaq drite se keto lulemolle
    Lulemollet qe ndershmerisht bien
    Pa kerkuar asgje,
    _____________ nen hapat tone.




    ALPET NE DHJETOR


    C'eshte ky vend keshtu, keto pllaja me bryme,
    Me malet sup me sup e koke me koke perpjekur?
    Ja qielli gri i larte, mes tij nje bubullime
    Si e plagosur iken, nje shpelle te gjeje per te vdekur.

    Hotelet jane larg dhe ne vazhdojme te ikim
    Nen boren qe floknajen e saj rrezon perqark.
    Thua se kodrat nisen per ne dasmen e Halilit,
    Thua se brigjet kthejne nga vdekja e Mujit larg.

    Gjithcka eshte madheshtore nen kete bore bashkuese,
    Ne perzierjen e maleve dhe te njerezve epike,
    Nen kete qiell te madh nga shkrepetima pershkuar
    Si nga qerre gjemonjese tragjedish antike.
    Ndryshuar pėr herė tė fundit nga shigjeta : 14-10-2005 mė 18:28
    trendafila manushaqe
    ne dyshek te zoterise tate
    me dhe besen e me ke
    dhe shega me s'me nxe

  9. #48
    in bocca al lupo Maska e Leila
    Anėtarėsuar
    25-04-2003
    Postime
    2,556

    1976... me interesante keto te shkuarat, apo jo?

    MUNDJA E BALLKANASVE NGA TURQIT NE FUSHEN E KOSOSVES ME 1389

    Fusha e mbytur ne gjak e kllapi shumegjuheshe shtrihej tutje.
    Bashke me diten, ballkanasit, u thyen. Medet!
    Gadishulli i madh u gdhi Evrope e u ngrys Azi.

    Gjema vraponte rrafshnaltave, ikte grykave,
    Ato dot nuk e mbanin, ia kthenin maleve gulconjes,
    Qe e rrokullisnin pllajave, kerkonin ishuj per t'ua ndare,
    Po ishujt s'gjendeshin. Gjithcka qe bere katrahure.
    Furtunat ne qiej u hutuan, verviteshin si te verbra,
    Plakeshin ne cast vetetimat e binin neper baltera.
    Qiejt po zhvisheshin. Mjere ju, popuj te ballkanit.
    Mjere ju gjuheshterpa, me mbaresat si shkopinj te thate me alfabete te pergjakur.
    Si do t'u djege malli per te pjelle nje vjershe. Medet!
    C'gjak do te derdhet, per te ndrequr c'u prish ketu.
    Ra nata. Nje qiell i panjohur u shtri mbi gjithshka, i ftohte,
    Pastaj gjysmehena doli e mori ne dorezim gjithcka.
    C'mesim i madh kjo dite per popujt e Ballkanit.
    C'gjak do te derdhet per te ndrequr c'u prish ketu.



    PLAZHET NE DIMER

    Shtrire para nesh humbetire e plazheve,
    Hapesire e gjere si ne poemat e Naim Frasherit.

    Plazhet te mbetur bosh pa stinen e veres
    U ngjajne guackave qe iu kane marre perlat.

    Perbri tyre lokomotivat fishkellejne se largu,
    Tek terheqin trenat plot me molle te lageta.



    NISJA E SHQIPTAREVE PER NE LUFTE

    U nisen per ne lufte, "bene tutje",
    Pa fjale te medha e pa kenge,
    Me opingat me xhufka te kuqe
    Si me zjarre te vegjel mbi kembe.

    Iken larg qe te gjenin armikun.
    Cdo armik, ne cdo breg, qe ta gjesh.
    Kaq te thjeshte luften e kishin,
    Sa qe "tutje" e quanin thjesht.

    Ne cdo ane qe te ecnin, patjeter
    Do t'u dilte diku midis shqotes,
    Ajo ishte per ta pjese e jetes,
    Ish permasa e katert e botes.

    Dhe kur binin ne prille a ne vjeshtra
    Neper brinja te shtrire, per lugje,
    Si me zjarre te vegjel te perjetshem
    Era loste me xhufkat e kuqe.



    KTHIMI I SHQIPTAREVE NGA LUFTA

    Po vijne, dil t'i shohesh,
    Te rraluar, ja.
    Mbi opinga xhufkat
    Te perzhitura.

    Ku eshte Cute Gjati,
    Allamani ku?
    Ne rime te nje balade
    Kane ngecur diku.

    Po Marku, Dule Shkoza?
    Vonojne pak...
    Rapsodet ecin ngadale,
    Te verber jane.

    C'bete andej tutje,
    C'nam, c'baterdi?
    Per nam s'u kujtuam,
    Beme Shqiperi.

    Po kthehen, dil t'i shohesh
    Te rralluar me plumb,
    Xhufkat mbi opinga
    Nga tymi -- shkrumb.



    TERRORI I BARDHE
    - Klasave te permbysura -

    Njerezit, pavaresisht nga klasat, buzeqeshin,
    Dhe duke buzeqeshur, une shpesh ju kam pare.
    Por vec kur kam shkruar dicka qe vecanerisht ju ka prekur,
    Mes zmaltit te dhembeve tuaj ka ndritur terrori i bardhe.




    DASHURIA
    1968

    Kane frike prej teje. O, sa kane frike.
    Pleq me fytyra plot rrudha, qe s'i trembi as bisha, as plumbi,
    Burra me borsalina dhe canta, qe thirren shpesh neper mbledhje,
    Gra shamizeza, qe perballuan trimerisht vdekjet;
    Kane frike prej teje.

    C'i tremb?
    Mos valle mjegulla jote e bardhe e sperkatur aneve me reflekse te cuditshme?
    Ngrene kunder teje
    Pushken, shkopin, mallekimin. Duan te te shtypin
    Me sendyqet e pajave, te te marrin frymen
    Me dysheket e jasteket e qendisura. Hedhin
    Balten e zeze te shpifjeve mbi rroben tende te bardhe.
    Pastaj fillojne sulmin e fjaleve pa fund.
    Dashuria? Ah, dashuria, kush ia pa asaj hairin,
    Pardje u zune dy fqinjet, i degjuat? (Jane marre me dashuri)
    Tezja jote zvarriset gjyqeve. (Ku shkoi dashuria?)
    Para tri javesh nje vajze u hodh nga kati i gjashte.
    E degjove? Ja, keto ben dashuria.

    Atehere, si vjellin cdo gje, ashtu si artileria
    Qe vjell bresherite e zjarrit mbi fushen e luftes,
    Hedhin kunder teje, ne sulm te deshperuar,
    Regjimentet e zes te shkeseve.
    Por ti,
    Duke shkundur nga supet balten
    E shpifjeve dhe thashethemeve, duke shkundur
    Puplat e jastekeve, naftalinen e senduqeve,
    Ngrihesh para tyre edhe me e bukur
    Nga shenjat e kaltra te goditjeve.
    Ndryshuar pėr herė tė fundit nga Leila : 14-10-2005 mė 12:54
    trendafila manushaqe
    ne dyshek te zoterise tate
    me dhe besen e me ke
    dhe shega me s'me nxe

  10. #49
    Moderator
    Anėtarėsuar
    24-04-2002
    Postime
    2,009
    Tirana në dimër

    Ismail KADARE


    Kjo poemë me titull "Tirana në dimër" e shkruajtuar në mars-prill të këtij viti e ka thyer betimin e Ismail Kadaresë. Në vitin 1997 kur shkroi poezinë "Krishtlindje në Nju Jork", Ismail Kadare deklaroi se ajo ishte poezia e fundit që shkruante në jetën e tij. Por duket, Kadare është kthyer sërish tek pasioni i hershëm. "Tirana në dimër" është përfshirë në vëllimin me 100 poezi të zgjedhura nga krijimtaria 50-vjeçare e Ismail Kadaresë që sapo ka dalë në treg nga shtëpia botuese "Onufri". "Milosao" po boton me lejen e botuesit një pjesë të kësaj poeme.



    Maestoso

    1
    Fryn erë e dimrit, fishkëllen si bishë
    Që nga Gjykatë e Lartë në Parlament.
    Tirana gdhin, aq pabesisht e hijshme,
    Sa s'di ç'ta marrësh, delir apo qytet.

    Zgjohet sërish, me atë emër të tmerrshëm,
    Që një mijë vite rreh ta heqë më kot.
    Vërtetin gjethet dantealigershëm
    Si shpirtra që nuk patën trupa dot.

    Përballë tyre, zyrtarë të pashpirt,
    Në varg veturash rendin, s'dihet ku.
    E verbër si të tjerat ngjan kjo ditë
    Ngaqë askush s'beson askënd, askund.

    2
    Në një mëngjes të tillë ç'të bësh më mirë,
    Se sa të shkosh në klubin "Davidoff"?
    Të zësh një kënd mu te qelqnajë e ngrirë
    Dhe mendjen mundësisht ta çosh në off.

    Në kafene ka për çdo punë një qasje,
    Të tillë që kurrkënd nuk e gjen dot.
    Për tri mijë euro porosit një vrasje,
    Për katër mijë, titullin vikont.

    Për gjithçka flitet, pronat, asgjëkundin,
    Çmimin Nobel a një veturë të re,
    Për zgjedhjet dhe dekretet krejt të fundit
    Të zotit president me emër hebre.

    Flitet për mllefe, për kupën që u mbush,
    Për Jezu Krishtin a ndjesën fill pas kobit.
    Në njërën nga tryezat shpall dikush
    Një skicë të re të historisë së kombit.

    Pas tij, kur etërit tanë një vjeshtë dolën për pre,
    Një shkabë rrëmbyen në trojet e mëdha.
    Më lehtë u merrje shpirtin se atë shpend,
    Ndaj bota u lodh e shkabën ua la.

    Krenarë që Romën e Bizantin zhvatën,
    Jo një kasolle vllahu në Ballkan,
    E vunë në flamur të tyre shkabën
    Dhe bij të saj u shpallën anembanë.

    Kështu në kafene kjo punë merr qasje
    Me "kundra" e "pro" të bujshme, natyrisht.
    Okej, për tri mijë euro, thotë vrasësi,
    Për dukën dhe dukeshën bashkë, dyfish.
    3
    Mesdita ia beh, si grua e dehur tapë.
    Temperatura e dollari zbresin prap.
    Po shqyhen celularët: okej, shkërdhatë,
    Rrofsh, je yll bote, e tung, e top, e ****.

    A shqip është kjo llahtarë apo dreqnisht?
    Për gjithçka flitet, heshtet për gjithçka.
    Ja të dy palët, xhelatë, viktima e ish,
    Kujtime shkruajnë netëve me mllefe të mëdha.

    Po ç'është ky popull që në gropë i shtrirë
    Kujton aq krenarisht se është në majë?
    Dhe kur përkunër, nga gropa del i lirë,
    Jam i rrëzuar! Klith me thirravaj?

    Një makth i dalë nga një gjumë i marrë
    Më i zbërthyeshëm se ky komb do të qe.
    Ca trumba zogjsh me curle e celularë
    Që nëpër mjegull klithin, nëpër re.

    4
    Pse gjethet befas prarim kurore marrin,
    Tek shtrohen si qilim mbi bulevard?
    Kambana e katedrales së Shën Palit
    Trishtueshëm bie si me peng e aht.

    Ç'nuk pjell ky vend, horra, shenjtorë e tmerr,
    Zonja Makbeth e pranga e perla e hekura.
    Dhe ja tani njëra pas tjetrës nxjerr
    Dy mbretëresha, që të dyja të vdekura.

    Nuk qenë robina jo, rrëmbyer vonë,
    Pas dokeve kreshnike a në pritë.
    Kanë ardhur vetë, ndonëse qenë në fron
    E para veç një vit, e dyta as një ditë.

    Dhe katedralja i përcjell me vaj
    Dy mjellmat e gabuara, të mekura.
    Ato që s'erdhën për kurorë, veç për varr,
    Të brishtat zonja, mbretëreshat e vdekura.
    5
    Në klubin "Davidoff" qelqnajë e ngrirë
    Dremitje dite sjell s'di se nga ku.
    Një si madonë e lodhur më është përhirë,
    Që italishtja gjuhë mund t'ishte gjithashtu.

    Lehonë e zbehtë pas lindjes së kaltëreme,
    Në të njëmijtin e treqindin vit,
    Më shumë se Krishti madonën, kjo poemë
    E lodhi ndoshta gjuhën italisht.

    O këto pamje i njoh dhe nuk i njoh,
    Këto tri kate, rradhët, ashensorët,
    Ku hypin, zdrypin, klithin obobo,
    Rufjanët, mëkatarët dhe mizorët.

    Të gjithë janë aty, rrahin më kot
    Të ndërrojnë katet, por katet s'ndërrohen kurrë.
    Të zes, në mjegull shtyhen sindozot,
    Ish-korbat e së zezës diktaturë.

    Nga bie dalja? Ku ndodhet Purgatori?
    Nga pyetjet sheshi gumëzhin si zgjoi.
    Shkodran je ti? Ç'plenum i zi të polli?
    Më ngriti i dyti, i gjashti më rrëzoi.

    Një zë gjëmon: këndej plenumi i katërt,
    Piktorët andej, i pesti rreth u mbush.
    Shkrimtar spiun je ti? Rend te i shtati.
    Në s'do të digjesh te i teti shkrumb.

    Rendni, fatzinj, mëshirë për ju nuk ka,
    Ashtu siç ju nuk patët për askënd.
    S'ka vend ndërkaq te Tmerret e Mëdha,
    As te Politbyroja nuk ka vend.

    Me ngut po shtohet një Gropë e Hon i Ri,
    Bri Lugjezezës një tjetër Lugjezezë.
    I nënti rreth po mbushet, dhe ai.
    S'ka mbetur veç një vend për Zonjën e Zezë.

    6
    Në kafene ka rënë njëfarë qetësimi.
    Shpirti pushim kërkon, e ndoshta mall.
    Anëdete blu, plazhe të shkreta dimri,
    Hotele ku nuk mbërrin i ftohti i madh.
    Një grua e mjegullt, shfaqur te qelqnaja
    M'u duk se më kujtonte një premtim.
    Vdekja s'më la, atë premtim të mbaja,
    I thashë më në fund plot pikëllim.

    Ajo më pa habitshëm që pas qelqit:
    Nuk të marr vesh, kjo gjuhë më bën ujem.
    Në qoftë se ti, siç thua, je i vdekur,
    Atëhere mua ç'më mbetet që të jem?

    S'e di, i thashë, me habi të ftohtë,
    Tek shpirti prapë me pikëllim m'u mbush.
    Dikush nga ne të dy s'është më në botë,
    Po cili a cila, këtë s'e di askush.

    Një copë herë me shenja morëm e dhamë.
    S'kuptoheshim, veç kishim mall e mund.
    Gjersa ajo u tret te qelqi i madh
    Dhe unë mbeta shkret në kundaskund.

    7
    Mbrëmja po bie. Tirana rrotull bllokut
    Nis të stoliset për ballo a për orgji.
    Një foshnje e rastit, e paligjshme e Nju-Jorkut,
    Një ëndërr xhuxhe a shkërbim i tij.

    Në borxhe e gjyqe rrokaqiejt vërtitin
    Drita dhe bare rrotulluese lart.
    Poshtë tyre, luanesha të përgjumura në pritë,
    "Amerikan", "Raiffeisen" e "Credin's Bank".

    Por s'do t'ia dijë askush për borxhe a gjyq,
    Të dehur qejfit krejt a marrja e hakut.
    I gjatë, si natë e ankthshme n'udhëkryq
    Shfaqet mes brymës kryebashkiaku.

    Kull e Sahatit po tregon një orë,
    Që ndoshta kundërshtohet si çdo gjë.
    Në sallat e muzeut të fundit vizitorë
    Ja muzgu si në kurth befas i zi.

    ..... Paris, mars-prill 2005

    "Milosao"

  11. #50
    .. Maska e km92
    Anėtarėsuar
    24-08-2005
    Vendndodhja
    Kumanovė
    Postime
    4,210

    Ismail Kadare...!

    Ismail Kadare lindi nė qytetin e Gjirokastrės. Atje ai kaloi fėmijėrinė dhe kjo la gjurmė tė thella nė gjithė jetėn dhe krijimtarinė e tij. Shkollėn e mesme e kreu nė gjimnazin "Asim Zeneli". Mė pas kreu studimet e larta nė Fakultetin e Historisė e tė Filologjisė nė Universitetin e Tiranės, pastaj nė Institutin "Gorki" tė Letėrsisė Botėrore nė Moskė. Kėto studime iu ndėrprenė pėr shkak tė krizės politike ndėrmjet Shqipėrisė dhe ish Bashkimit Sovjetik. Kadareja ka punuar nė gazetėn "Drita", pastaj drejtoi revistėn "Les letres albanaises". Sė fundi punonte nė profesion tė lirė. I.Kadare ka qenė dhe ėshtė protagonist i jetės politike dhe i mendimit tė vendit qysh prej viteve '60. Nė fund tė vitit 1990, dy muaj pas rėnies sė shtetit diktatorial, Kadare u largua sė bashku me familjen nė Paris, por mbajti lidhje mjaft tė shpeshta me Shqipėrinė. Ismail Kadare ėshtė njė nga personalitetet mė tė shquara tė kulturės shqiptare, ambasador i saj nė botė. Kadare ėshtė shkrimtari qė i ktheu mitet legjendare nė realitet, shkrimtari qė bėri histori prej prehistorisė; pa rėnė nė kundėrthėnie me vetveten dhe gjykimin modern, ai arsyetoi estetikisht nė mėnyrė tė pėrkorė dhe pėr kohėn absolute. Nė Shqipėrinė e ndodhur nė udhėkryq vepra e Kadaresė ka qenė dhe mbetet njė shpresė apo njė ogur i bardhė pėr tė.
    Ismail Kadare ėshtė autor i shumė veprave nė poezi e prozė, laureat i shumė ēmimeve kombėtare, kandidat i ēmimit Nobel pėr shumė vite me radhė, anėtar i Akademisė sė Shkencave tė Shqipėrisė dhe Anėtar i Akademisė Franceze tė Shkencave Morale.
    Vepra e Ismail Kadaresė ėshtė pėrkthyer nė 32 gjuhė tė huaja duke arritur kėshtu njė rekord tė pėrhapjes nė tėrė botėn e qytetėruar.

    POEZIA E KADARESĖ
    Poezia e Ismail Kadaresė ėshtė njė prej zhvillimeve mė novatore nė vjershėrimin shqip gjatė njė gjysmė shekulli. Ajo shprehu vendosmėrinė e shkrimtarėve tė brezit tė viteve '60 pėr tė realizzar qėllime estetike tė ndryshme prej paraardhėsve.
    Frymėzime dialoshare (1954), Ėndėrrimet (1957), Endėrr industriale (1960), Shekulli im (1961), Poemė e blinduar (1962), Pėrse mendoben kėto male (1964), Shqiponjat fluturojnė lart (1966), Motive me diell (1968), Koha (1976), Shqipėria dhe tri Romat, pėrbėjnė titujt kryesorė tė veprės poetike tė Kadaresė.
    Ismail Kadare, ndryshe nga Agolli, nė periudhėn e parė tė krijimtarisė sė tij, u tėrhoq pas poemės epiko-lirike. Nė prirjen e pėrgjithshme ai nuk u shkėput prej frymės monumentalizuese tė poezisė sė mėparshme, por e kushtėzoi kėtė me tipin e njeriut shqiptar, tė historisė sė tij kombėtare, tė fatit tė tij nėpėr shekuj. Thuajse nė tė gjitha poemat e shkruara nė vitet '60 -'70 ka njė gėrshetim tė mjeteve tė reja tė tė shprehurit me mėnyrėn tradicionale tė tė vėshtruarit tė jetės dhe tė historisė:

    Po s'ndėrron ai kurrė
    Art i skulpturės
    Gėnjeshtrėn mbi mua ka ngrķrė pėrgjithnjė.
    I mbėrthyer nė dėshminė e saj tė rremė
    Tė vėrtetėn kujtoj dhe qaj pėr tė.
    (Laokonti)

    Poezia e Kadaresė, ndryshe prej prozės sė tij, ėshtė pėrgjithėsisht e qartė, pa ekuivoke, shpesh marciale, thuajse pėrherė optimiste. Ajo, nė kritikėn zyrtare, ėshtė pritur si pasurim problematik i poezisė shqipe, veēanėrisht me temėn e qėndresės shumėshekullore tė popullit shqiptar nė rrugėn e tij tė gjatė tė historisė. Poezia e Kadaresė ėshtė poezi e sfidave tė mėdha shqiptare. Ajo ėshtė e pėrshkuar nga qėndrimi hyjnizues ndaj historisė kombėtare, ndaj lavdisė sė tyre, ndaj tokės sė tė parėve, ndaj gjuhės shqipe.
    Qėndresa hyn nė poezinė e Kadaresė qysh prej kohėrave antike, deri nė periudhat mė tė afėrta tė historisė. Veēmas ajo lidhet me "motin e madh", tė epokės sė Gjergj Kastriotit; por Kadare hyjnizoi njė periudhė mė tė hershme se kjo, qė ishte mitizuar mė herėt prej Rilindjes Kombėtare: periudhėn e humanizmit evropian (siē mendon shkenca e historisė, kjo periudhė e gjeti Shqipėrinė nė tė njėjtėn shkallė zhvillimi me anėn tjetėr tė Adriatikut), e cila pati shprehjen e saj dhe nė njeriun dhe qytetėrimin shqiptar:

    Njėzet e katėr luftra bėri,
    Njėzet e katėr vdekje theu.
    ēka mangut linte ditėn Gjergji,
    Plotėsonte natėn Skėnderbeu.
    (Portreti i Skėnderbeut)

    Pėrgjithėsisht poezia e Kadaresė ėshtė e sunduar prej mitit tė sė shkuarės, evokimit tė lavdisė sė dikurshme. Kadare synon, pėrmes poezisė sė tij, ta ēlirojė njeriun shqiptar prej akuzash qė e kanė ndjekur ndėr shekuj, duke pėrfshirė akuzėn si popull i lindur me instinktin e luftės dhe tė mercenarizmit, binjak me armėn dhe peng i saj:

    Dhe kur binin nė prille a nė vjeshtra
    Nėpėr brinja tė shtrirė, nėpėr lugje,
    Si me zjarre tė vegjėl tė pėtjetshėm
    Era loste me xhufkat e kuqe.
    (Nisja e shqiptarėve pėr nė luftė)

    Poema epiko-lirike shqipe arriti njė nivel tė lartė afirmimi me vepra tė tilla tė I. Kadaresė, si "Pėrse mendohen kėto male" dhe "Shqiponjat fluturojnė lart", pastaj me "Shekulli i 20-tė", "Poemė e blinduar", "Shqipėria dhe tri Romat" e vepra tė tjera.
    Poezia e Kadaresė ėshtė e prirur drejt sintetizmit dhe abstraksionit. Nė kėtė cilėsi poezia e Kadaresė tė sjell ndėrmend vjershėrimin e Migjenit. Sintetizmi shfaqet nė mungesėn e ēfarėdo subjekti apo elementi tė subjektit. Poemat e Kadaresė, pėrgjithėsisht poezia e tij, janė art mendimi, pa elemente tė rrėfimit (narracionit). Si tė tilla, si poema mendimi, ato ofrojnė shumėsi leximesh, nė kohė dhe nė miedise tė ndryshme.
    Kadare nė problematikėn e poezisė shqipe, krijoi emėrtesėn e "temės sė madhe". dhe jo vetėm kaq, ai e ktheu nė mit atė, duke e bėrė mbizotėruese nė jetėn letrare tė vendit pėr mė shumė se dy dekada. Para sė gjithash poezinė e Ismail Kadaresė e intereson ajo qė shpesh quhet gojėdhėnė kombėtare ose mit i origjinės. Sfidat mė tė rėndėsishme tė historisė sė popullit shqiptar janė stacione tė poezisė sė tij.
    Kadare i shkroi disa prej veprave tė tij mė tė rėndėsishme nė vargje tė lira, duke pėrvetėsuar vlera tė rėndėsishme tė vjershėrimit tradicional, prej De Radės deri tek Migieni. Nė fillimet e veta ishte i ndikuar prej poezisė ruse, veēmas prej Majakovskit. Poezia intime e Kadaresė ėshtė mjaft e ngrohtė, e drejtpėrdrejt, njė bashkėbisedim me tė dashurėn qė pėrgiithėsisht ėshtė larg si vend apo si kohė:

    Do shkoj tė ulem pėrmbi pellgjet,
    Tė pi nė gjunjė duke rėnė,
    Nė grykė e di qė do mė ngelet
    I ftohti medaljon i hėnės.

    Gjithashtu poezia intime e Kadaresė pėrshkruhet nga malli pėr qytetin e lindjes, pėr njerėzit qė lanė gjurmė nė fėmijėrinė e tij,
    pėr atdheun kur ndodhet larg tij, pėr kohėn studentore, vajzat dhe rrugėt e Moskės kur ėshtė nė atdhe, e mbi tė gjitha, pėr vajzėn qė le gjurmė nė shpirtin e tij, por qė pėrgjithėsisht ndodhet larg.

  12. #51
    i/e regjistruar Maska e Jano
    Anėtarėsuar
    09-09-2006
    Vendndodhja
    Bukuresht
    Postime
    44

    Me sugjeroni nje veper te Kadarese .

    Cila mendoni se eshte vepra me dinjitoze e Ismail Kadarese e perkthyer ne anglisht ?
    Dua ti bej nje profesorit tim dhurate nje veper te Kadarese ne anglisht.
    Per vete nuk kam mundur te lexoj botimet e tij te fundit , dhe do te doja te gjeja dicka qe me te vertete e perfaqeson Kadarene.
    Feja e shqiptarit eshte shqiptariA

  13. #52
    Fine Wine Maska e ildushja
    Anėtarėsuar
    06-12-2002
    Vendndodhja
    Rr. A Kasemi, N'ajėr
    Postime
    832
    Citim Postuar mė parė nga Zani
    ...
    Kur ti kalon Rruges se Dibres
    Ata me sy te ndjekin pas
    dhe tak..me brryl i bien shokut
    -E shef filanen?E kam pas...

    Por ti kokeulur nxiton hapin
    Te arrish shoqen qe ke prane
    E ti shpetosh thenies standarte
    -Te gjithe djemte njesoj jane!

    E ka njeri te plote kete?
    "and..nothing makes us so lonely... as our own secrets..."-Nebelstern

  14. #53
    i/e regjistruar Maska e Jimmi_1978
    Anėtarėsuar
    10-11-2006
    Vendndodhja
    Larg
    Postime
    443
    Librin ''Dimri i Vetmise se Madhe'' kam lexuar por nuk kam lexuar Dimri i Madh (The Great Winter). A mund te me tregoj dikush a jane dy romane te ndryshme apo i njejti eshte vetem nderrim titulli gjate ribotimeve?
    Barca

  15. #54
    i/e regjistruar Maska e ANNUIT COEPTIS
    Anėtarėsuar
    08-02-2007
    Vendndodhja
    ....larg
    Postime
    111
    Citim Postuar mė parė nga jimmychrist
    Librin ''Dimri i Vetmise se Madhe'' kam lexuar por nuk kam lexuar Dimri i Madh (The Great Winter). A mund te me tregoj dikush a jane dy romane te ndryshme apo i njejti eshte vetem nderrim titulli gjate ribotimeve?

    Ka pasur nje problem lidhur me titullin e librit, problem qe lidhej me sistemin monist.
    Problemi qendronte ne fjalen "VETMI" te cilen Kadare kishte vene gjate botimit te pare. Ajo u quajt nje gabim prej diktatures prej faktit se mund te merrej per nje insinuate politike lidhur me prishjen me Bashkimin Sovjetik, ndaj ne botimin e dyte u vendos te hiqej fjala vetmi dhe te lihej vetem DIMRI I MADH.

    "Shqiperia smund te ishte e vetmuar prej prishjes dhe izolimit sepse ajo qendronte gjithmone stoike"

    Te pakten keshtu kam lexuar.Le te me korrigjoje njeri nqs nuk e kam te sakte....
    .......NOVUS ORDO SECLORUM........

  16. #55
    i/e regjistruar Maska e Jimmi_1978
    Anėtarėsuar
    10-11-2006
    Vendndodhja
    Larg
    Postime
    443
    Citim Postuar mė parė nga ANNUIT COEPTIS
    Ka pasur nje problem lidhur me titullin e librit, problem qe lidhej me sistemin monist.
    Problemi qendronte ne fjalen "VETMI" te cilen Kadare kishte vene gjate botimit te pare. Ajo u quajt nje gabim prej diktatures prej faktit se mund te merrej per nje insinuate politike lidhur me prishjen me Bashkimin Sovjetik, ndaj ne botimin e dyte u vendos te hiqej fjala vetmi dhe te lihej vetem DIMRI I MADH.

    "Shqiperia smund te ishte e vetmuar prej prishjes dhe izolimit sepse ajo qendronte gjithmone stoike"

    Te pakten keshtu kam lexuar.Le te me korrigjoje njeri nqs nuk e kam te sakte....
    Falemnderit ANNUIT COEPTIS edhe une ashtu mendoja deri sa lexoja titullin.
    Por deri sa nuk kisha pasur ne dore librin tjeter smund te isha i sigurte.
    Barca

  17. #56
    Pritja

    Telefoni po merr nje sy gjume para ardhjes sate
    Abazhuret varen te heshtur mbi pritjen
    Perbindeshat mbi qilimin e dhomes dremitin te qete

    Ora kaloi
    Ti u vonove
    Drita e abazhureve u be e keqe
    Si i vrare telefoni ka rene permbys e s’merr fryme
    Tani perbindeshat filluan te levizin
    Ja, po zgjohen me leshra te kerleshura mbi qilim

    Ti do vish patjeter te qetesosh gjithcka

    1966


    Rete

    Mes maleve tutje prej tokes lindore
    Sec ra nje ushtar nene plumbat mizore

    As kryq nuk i vune, s’e shtine ne toke
    As nene e as moter s’iu gjenden mbi koke

    Vec rete qe vinin qe larg nga vatani
    E pane dhe e njohen e zune te qanin

    1957
    Mos shkruaj gjė kur je me nerva, sepse, ndėrsa plaga e gjuhės ėshtė mė e keqe se e shpatės, mendo ē’ka mund tė jetė ajo e pendės

  18. #57
    i/e regjistruar Maska e Auroraa
    Anėtarėsuar
    02-07-2007
    Vendndodhja
    KOSOVA dhe USA
    Postime
    399
    Ismajli njeri i madh eshte .
    Always do right - this will gratify some and astonish the rest.

  19. #58
    Gone Maska e MiLaNiStE
    Anėtarėsuar
    19-05-2003
    Vendndodhja
    dónde ustedes no me puede ver
    Postime
    1,770
    Vjeshte e moēme

    Gjith' udhet e fshatit balta i ka mbushur,
    Vija werresh zgjaten tutje neper fushe.

    Era si femije ndjek fletet mes shelgjesh.
    Ato ikin, lodhen, bien siper pellgjesh.

    Si mendime zgjaten tutje gjurma qerresh.
    Nje vajze per dasme c'trishton pas penxheresh.

    Nga Libri Enderrime 1957

  20. #59
    Gone Maska e MiLaNiStE
    Anėtarėsuar
    19-05-2003
    Vendndodhja
    dónde ustedes no me puede ver
    Postime
    1,770
    Portreti i Skenderbeut

    Si dite e plote ai shtjellej
    me re dhe ere mbi atdhe.
    Nje emer, Gjergj, e kish si diellin,
    tjetrin si henen, Skenderbe.

    Dy brire dhije kish mbi krye,
    Embleme e vjeter e cuditshme,
    Sikur ta dinte qe mes brinjeve
    Dy perandore do te godiste.

    Njezet e kater luftra beri,
    Njezet e kater vdekje theu.
    Cka mangut linte diten Gjergji,
    Plotesonte naten Skenderbeu.

    Pas vdekjes eshtrat iu ndane,
    Ne mijera varre ato u shtrine.
    Gjithscka te shumte ai e pati,
    Te vetmen kish vec Shqiperine.

    Nga Libri Koha 1976

  21. #60
    i/e regjistruar Maska e mondishall
    Anėtarėsuar
    28-11-2006
    Vendndodhja
    Ne Selanik te Greqise
    Postime
    2,690
    Librin "Koha" e kam lexuar me nje fryme dhe te them te drejten me ka frymezuar per stilin e vecante kadarean. Ai liber ka dale pas nje pauze te Kadarese, ku flitej se diku i kishin shkulur veshin per shenja shfaqjesh te huaja ne ndonje krijim te tij. Dhe doli "KOHA", qe u mireprit dhe largoi duart nga veshi i tij. Sepse ato duar, nuk ta pertonin qe pas veshit, te kalonin mes kokes dhe trupit dhe te te mbytnin fare.

Faqja 3 prej 7 FillimFillim 12345 ... FunditFundit

Tema tė Ngjashme

  1. Premisa tė gabuara
    Nga Arrnubi nė forumin Komuniteti musliman
    Pėrgjigje: 3
    Postimi i Fundit: 30-04-2012, 18:25
  2. Pėrgjigje: 10
    Postimi i Fundit: 06-10-2011, 14:03
  3. Leter drejtuar Ismail Qemal bej Vlores
    Nga Brari nė forumin Problematika shqiptare
    Pėrgjigje: 0
    Postimi i Fundit: 28-11-2006, 14:14
  4. A po realizohet teoria e konspiracionit hebre?
    Nga DEN_Bossi nė forumin Problematika shqiptare
    Pėrgjigje: 9
    Postimi i Fundit: 20-11-2006, 12:27
  5. Historia fetare pėrmes historisė dramatike (nga Ismail Kadare)
    Nga macia_blu nė forumin Toleranca fetare
    Pėrgjigje: 23
    Postimi i Fundit: 13-01-2004, 12:15

Regullat e Postimit

  • Ju nuk mund tė hapni tema tė reja.
  • Ju nuk mund tė postoni nė tema.
  • Ju nuk mund tė bashkėngjitni skedarė.
  • Ju nuk mund tė ndryshoni postimet tuaja.
  •