5D Konstruksion: Arrestohen dy drejtorë të Bashkisë Tiranë për vjedhje me tendera e biznes ndërtimi

[Albo]

‘E ka shteti’: Nga tenderat te biznesi i ndërtimit, si u pasuruan drejtorët e Bashkisë

Vendimi i gjykatës për masat e sigurisë së drejtorëve të Bashkisë Tiranë, Redi Molla dhe Mariglen Qato zbulon mekanizmin e pasurimit të tyre përmes korrupsionit dhe manipulimit me tenderat që ushqenin kompaninë 5D Konstruksion. Pronarët fiktivë paguheshin në të zezë, ndërsa administratori mbante shënim pagesat për “Ortaku 1” dhe “Ortaku 2”.

Nga Gjergj Erebara


Kreu i Bashkisë së Tiranës, Erion Veliaj dhe ish-kreu i UKT-së, Redi Molla gjatë një inspektimi në vitin 2017.

Në prill 2021, gjatë fushatës për zgjedhjet parlamentare të qershorit të atij viti, shtetasja J.B., e cila mendonte se punonte në një kompani private, i komunikon një shokut të vet duke i thënë se dikush kishte marrë administratorin e kompanisë 5D Konstruksion nga Lapraka, duke i kërkuar që ajo të dalë në fushatë zgjedhore, besohet, për Partinë Socialiste.

“Kanë marrë shefin tim nga njësia e Laprakës, duke ditur se pronari është i shtetit dhe i kanë thënë, thuaj J. të angazhohet me zgjedhjet,” citohet punonjësja në një vendim për masë sigurie të Gjykatës së Posaçme.

Partia Socialiste i fitoi zgjedhjet e atij viti mes akuzave për abuzim masiv me burimet shtetërore, një sistem kontrovers të përdorimit të punonjësve të administratës për të mbledhur vota dhe një listë zgjedhësish ku çdo njëqind shtetas kishin një zyrtar partie mbikëqyrës të njohur si “patronazhist”.

Sistemi dukshëm nuk ishte i kufizuar vetëm te punonjësit e administratës publike, por edhe te kompani, nominalisht private, të cilat, në fakt akuzohet se i përkiste dy drejtorëve të Bashkisë së Tiranës, Redi Molla dhe Mariglen Qato. Të dy u arrestuan me urdhër të SPAK javën e kaluar, ndërsa gjashtë zyrtarë të tjerë të bashkisë u akuzuan gjithashtu për shkelje të barazisë në tenderë dhe vepra të tjera penale.

Dosja prej 120 faqesh e përgatitur nga Prokuroria për të argumentuar kërkesat për masa sigurie para Gjykata e Posaçme e Shkallës së Parë për Korrupsionin dhe Krimin e Organizuar, detajon se si Molla dhe Qato morën dividentë, ndërsa pronari nominal, një bukëpjekës në Tiranë, paguhej në mënyrë informale me një rrogë nga kompania që supozohej se e kishte nën pronësi.

Prokuroria vëren gjithashtu se si, pa ndonjë përpjekje të madhe për të maskuar natyrën kriminale të transaksioneve, kompania që fitonte miliona euro tenderë dhe kishte miliona lekë fitime të pashpërndara, shitej nga një aksioner te një tjetër përkundrejt çmimit nominal të aksionit, 100 lekë gjithsej. Prokuroria pretendon gjithashtu se shkeljet e bëra nga zyrtarët e shtetit për të dhënë kontrata punimesh publike për këtë kompani ishin të shumta, për shkak se kompania ishte e re dhe nuk kishte kurrfarë aktiviteti për të justifikuar plotësimin e kritereve tenderuese, të tilla si xhiroja apo suksesi në zbatimin e projekteve të mëparshme.

Përgjimet e komunikimeve mes punonjësve të ndryshëm të kompanisë sugjerojnë gjithashtu se pronësia e Qatos dhe Mollës mbi kompaninë ishte një sekret që e dinin të gjithë dhe as nuk kishte ndonjë përpjekje shumë të fortë për ta mbajtur të maskuar. Përgjimet paraqesin gjithashtu një mjedis pune të dominuar nga sherret dhe presioni, punonjës që marrin qetësues për të fjetur gjumë dhe një inspektim të çuditshëm nga ana e Tatimeve, në të cilën inspektorët tatimorë “kishin parë diçka që nuk duhej të shihnin”.

Historiku i suksesit të kompanisë 5D Konstruksion buron sipas SPAK nga pozicioni publik i aksionerëve të fshehtë të saj. Kompania arrinte të fitonte tenderë të panumërt në institucionet e Bashkisë Tiranë, por nuk ishte në gjendje të fitonte tenderë në institucione të tjera publike nën varësi të zyrtarëve të tjerë socialistë.

Hetimi zbulon gjithashtu se paratë që besohet se iu vodhën shqiptarëve me tenderë të manipuluar u investuan në ndërtim pallatesh. Të dhënat e Qendrës Kombëtare të Biznesit tregojnë se pas vitit 2021, kompania nisi ndërtime në pesë objekte, kryesisht pallate banimi dhe një hotel në Durrës.

Në fakt, në lidhje me hotelin në Durrës, kompania u pajis edhe me statusin special të dhënë nga qeveria e kryeministrit Edi Rama, status që i fal kompanisë taksa dhe i ngarkon taksapaguesit me mbulimin e kostove të shërbimeve bazë si ujë, kanalizime, etj..

Hoteli në Durrës sjell në vëmendje kryetarin e Bashkisë së Tiranës, Erion Veliaj, i cili, në komunimimet private të punonjëses J.B., përshkruhet si asgjë më pak se njëri prej aksionerëve pas hotelit, i cili rezulton zyrtarisht në emrin e katër personave të tjerë.

“Këtë hotelin po e bëjmë ne,” thotë punonjësja e kompanisë. “Është aks. pronari jon… Lali eri… E kta.” [SIC]

Pyetur nga BIRN, një zëdhënës i Bashkisë dërgoi një koment nga kryetari Veliaj në të cilin, përshkrimi konsiderohet si absurd.

“Kjo është gjëja e tretë më absurde që kam dëgjuar për veten. Kampion mbetet ai që ka thënë se jam djali i Ahmadinexhadit, kurse në vend të dytë ai tipi poshtë dritares, që thoshte se kam bërë skemat piramidale të vitit ‘97, nga gjimnazi. Jo, nuk kam ASNJE lidhje me ndonjë hotel, as në Durrës, as në Tiranë, as në gjithë globin!”

Molla dhe Qato u deklaruan të pafajshëm para gjykatës të shtunën, në seancën e vleftësimit të masës së sigurisë të dhënë më herët pas dyerve të mbyllura nga GJKKO.

Elektricisti dhe bukëpjekësi


Kantieri i ndërtimit të hotelit nga kompania Mediterranean Investment Group në Durrës. Foto kortezi nga: Skyscrapercity.com.

Biseda mes punonjëses së nxehur, J.B., dhe një mikut të saj në prill 2021 gjithsesi është një nga provat për të cilat prokuroria thotë se tregojnë pronësinë e drejtpërdrejtë të Qatos dhe Mollës mbi kompaninë 5D Konstruksion.

“Nga provat e administruara, të vlerësuar në raport me njëra-tjetrën, rezultojnë të dhëna që mbështesin faktin se shtetasit Redi Molla dhe Mariglen Qato janë personat që kontrollojnë dhe drejtojnë aktivitetin e shoqërisë tregtare, janë personat që marrin vetime për veprimtarinë e shoqërisë tregtare, për punësimin apo largimin e punonjësve, për pagat e punonjësve, janë persona që në disa raste kanë arkëtuar shuma monetare në shoqëri për veprimtarinë e saj të përditshme, janë persona që kanë marrë përfitime financiare nga aktiviteti tregtar i shoqërisë,” citohen prokurorët në vendimin e gjykatës.

Megjithatë, në letra kompania u regjistrua në vitin 2016 nga një elektricist nën emrin Igor Elektrik. Kompania fitoi tenderin e parë në maj 2016, as një muaj nga data e themelimit dhe autoriteti kontraktor ishte vetë Ujësjellës Kanalizime Tiranë SHA, kompani e drejtuar në atë kohë nga Redi Molla dhe ku kryetari i komisionit të prokurimit ishte Mariglen Qato.

Dyshes së pronarëve iu desh që të mbyllin sytë për të dhënë kontratën me vlerë 5 milionë lekë, pasi kompania e sapokrijuar nuk mundej të plotësonte kriteret më minimale të tenderimit, të tilla si pasja e mjeteve për të bërë punën apo pasja e një aktiviteti të mëparshëm. Prokuroria i ngarkoi Qatos edhe akuzën e mosdeklarimit të interesave private, pasi në formularin tip të procesit të prokurimit, deklaroi se “nuk ishte” në kushtet e konfliktit të interesit.

Prokuroria vëren gjithsesi se pavarësisht se ishte pronar i një kompanie që shpejt fitoi tenderë dhe bëri para të madhe, elektricisti gjatë të gjithë kohës vijonte të punonte me një nipt personi fizik, përmes të cilit paguante sigurime shoqërore për veten. Por fitimet nga tenderët duket se janë mjaftueshëm të bollshëm sa kompania, brenda pesë muajsh nga themelimi, zhvendosi zyrat, nga një apartament diku në periferi në rrugën Sitki Çiço, te qendra Kondor në rrugën “Babë Rexha” në Tiranë.

Në vitin 2016, viti i parë dhe i pjesshëm i aktivitetit, kompania realizoi të ardhura në masën 77 milionë lekë. Në vitin 2017, kompania realizoi të ardhura në masën 175 milionë lekë dhe fitime neto në masën 6.1 milionë lekë. Dhe pavarësisht se paratë ishin aty, prokurorët thonë se pronari fillestar shiti 75% të aksioneve të kompanisë përkundrejt çmimit 75 lekë (shlyer jashtë zyrës noteriale).

Blerësi, shtetasi Muhamet Petriti, rezulton se është një bukëpjekës në Tiranë. Sipas prokurorisë, ai merr rrogë dhe paguan sigurime shoqërore te një biznes furrë buke, nën pronësinë e së shoqes. Ai nuk rezulton të ketë kontroll real mbi kompaninë që ka nën pronësi. Administratori i kompanisë, Nestor Muhametllari nuk e ka numrin e tij, ndërsa në një rast kur i duhej, ia mori shtetasit Alfred Qato, vëllai i drejtorit të arrestuar Mariglen Qato. Në këtë rast, administratori porosit Alfred Qaton që “pronari” të shkojë të bëjë tërheqje në bankë ndërsa numri i komunikimeve mes pronarit dhe administratorit është jashtëzakonisht i vogël. Përkundrazi, prokuroria vëren se administratori ka mbi 1 mijë telefonata dhe thirrje të humbura me vëllezërit Qato.

Ortaku 1 dhe Ortaku 2

Prokuroria siguroi ato që duket se janë prova të forta se Molla dhe Qato, dy drejtorët e arrestuar, ishin pronarë de facto të kompanisë. Në dokumentet që i janë gjetur administratorit, përfshirë blloqet e shëbimeve, të dyve u referohet si Ortaku 1 dhe Ortaku 2 me llogari të hollësishme për të treguar se sa para ka marrë njëri dhe sa tjetri nga dividentët e fitimeve të kompanisë.

Një bllok shënimesh i sekuestruar në zyrë dhe një tjetër i sekuestruar në shtëpinë e administratorit tregojnë pronarët e vërtetë të kompanisë. Pastaj, dokumentet e sekuestruara në kompjuterin e financës së kompanisë i paraqesin drejtorët si njerëz që kanë përfitime apo pagesa të rregullta nga kompania.

“Rezulton fakti se Ortaku 1, ose ndryshe O1, që i referohen dokumenteve të gjetura në kompjuterat e sekuestruara të kompanisë është i njëjtë me person (R) që i referohet në shënimet e tij shtetasi Nestor Muhametllari, që është shtetasi Redi Molla,” vëren prokuroria. Në dokumentet e brendshme të kompanisë, shtetasit Mariglen Qato i referohen si (M) apo Ortaku 2.

Kompania 5D Konstruksion pati të ardhura në masën 22 milionë euro për periudhën nga themelimi deri në vitin 2022, viti i fundit për të cilin është depozituar bilanc në Qendrën Kombëtare të Biznesit.


BIRN

[Albo]

Drejtori i arrestuar i Bashkisë mori status special për hotel me 5 yje në Durrës

Qeveria i dha kompanisë së lidhur me Redi Mollën statusin special si investitor në hotel me 5 yje në Durrës në vitin 2021, ndërsa ai mbante postin e administratorit të një ndërmarrje të Bashkisë së Tiranës.

Nga Vladimir Karaj


Kantieri i ndërtimit të hotelit nga kompania Mediterranean Investment Group në Durrës. Foto kortezi nga: Skyscrapercity.com.

Më 6 tetor 2021, ministrja e Mjedisit dhe Turizmit, Mirela Kumbaro deklaroi mes vendimeve të tjera të qeverisë edhe dhënien e statusit special për ndërtimin e një hoteli me 5 yje në Durrës në favor të kompanisë “Mediterranean Investment Group”.

Kumbaro e prezantoi këtë si një investim 15 milionë eurosh, që ishte sipas saj “vazhdim i strategjisë për turizmin i qeverisë shqiptare për të shtuar investitorët e fuqishëm, por edhe brandet më të fuqishme të turizmit botëror”.

Kompania që përfitoi heqjen e taksave përmes statusit special ishte e lidhur me Redi Mollën – ish drejtori i arrestuar i Ujësjellësit të Tiranës, i cili akuzohet nga SPAK për veprat penale të korrupsionit dhe fshehjes së pasurisë.

“Mediterranean Investment Group” u themelua në shtator të vitit 2020 dhe njëri prej aksionerëve me 24% ishte Selim Molla, babai i ndjerë i Redi Mollës, i cili ia trashëgoi aksionet në birit në shkurt 2024.

Në kohën kur kompania me aksioner babanë e tij mori statusin e veçantë të “Investitorit në strukturë akomoduese me 5 yje, status special”, Molla ishte administrator i Tirana DC, një ndërmarrje me aksionere 100 për qind Bashkinë e Tiranës, të cilën e drejtoi deri në vitin 2023. Më herët ai ka qenë për 5 vjet drejtues i Ujësjell Kanalizime Tiranë nga viti 2016 deri në vitin 2020.

Molla u arrestua të enjten nga SPAK me akuzën e korrupsion me tenderat e Bashkisë së Tiranës dhe ndërmarrjeve nën zotërimin e saj. SPAK e akuzon Mollën sëbashku me zyrtarë të tjerë të bashkisë se favorizuan kompaninë 5D Konstruksion në tendera punësh publike. Kompania është regjistruar në pronësinë e Nestor Muhametllarit, por prokuroria pretendon se ka de fakto zotërues Mollën dhe drejtorin tjetër të Bashkisë së Tiranës, Mariglen Qato.

Kompania 5D Konstruksion u themelua në vitin 2016 me emrin “Igor Elektrik” dhe e ndryshoi më pas emrin në vitin 2019 në V.A.S. Konstruksion dhe në vitin 2021 në 5D Konstruksion.

Të dhënat e bilanceve të kompanisë të depozituara në Qendrën Kombëtare të Biznesit, tregojnë se të ardhurat e saj ishin në masën 2.2 miliardë lekë [rreth 20 milionë euro] për periudhën nga viti 2016 kur u themelua deri në vitin 2022. Nga të dhënat e prokurimeve publike, kompania ka fituar 29 kontrata me vlerë të përgjithshme prej 1.8 miliardë lekësh.

Sipas SPAK hetimet për Mollën dhe personat e tjerë të akuzuar në këtë dosje kanë filluar kryesisht në prill të vitit 2023, ndërsa më pas atyre u është bashkëlidhur edhe një kallëzim penal nga kandidati i opozitës për kryetar i Bashkisë së Tiranës në zgjedhjet vendore të vitit të kaluar, Belind Këlliçi. Sipas SPAK, Qato dhe Molla e kishin fshehur pronësinë mbi kompaninë 5D Konstruksion përmes ortakëve fiktivë në aktet e regjistrimit. Molla i ka mohuar akuzat në një qëndrim publik duke pretenduar se nuk kishte lidhje me kompaninë dhe se akuzat ishin sulm politik.

Qeveria e kryeministrit Edi Rama është akuzuar shpeshherë se ka favorizuar njerëzit e vet dhe një grup oligarkësh në dhënien e statusit special për ndërtim hotelesh në turizëm apo statusin e investitorit strategjik.

E pyetur nëse kishte favorizuar në dhënien e statusit special kompaninë e lidhur me Mollën, kryeministria nuk ktheu përgjigje deri në publikimin e këtij shkrimi, ndërsa administratori i kompanisë “Mediterranean Investment Group”, Dritan Kadiu tha përmes telefonit se kompania kishte disa aksionerë, por nuk preferoi të komentonte mbi rastin e Mollës pasi “nuk ishte i qartë për rrethanat”.

BIRN

[Albo]

Përgjimet/ A ishte Erjon Veliaj pronari i vërtetë i kompanisë “5D”?



Skema me të cilën kanë vjedhur drejtorët e bashkisë së Tiranës, Mariglen Qato dhe Redi Molla nuk ka të krahasuar me metodat e vjetra të korrupsionit në këto 30 vitet e fundit në Shqipëri. Deri dje, kush kishte në mend të përfitonte nga tenderat, detyrohej të binte në ujdi me biznesmenët për t’i marrë ryshfetin, që flitej se shkonte tek 20%.

Kurse drejtorët e Erjon Veliajt nuk kënaqeshin me pak. Në vend se të jepnin tenderin dhe të prisnin ryshfetin, ata i ranë shkurt, i merrnin për vete të gjitha paratë. Shmangën biznesmenët nga skema, krijuan një kompani vetë dhe tenderat i fitonin me kompanitë e veta.

Në thelb, këtë provon edhe dosja e SPAK, që çoi në burg bashkëpuntorët më të ngushtë të Erjon Veliajt, ish drejtorin e IMT-së Mariglen Qaton, ish drejtorin e Ujësjellësit Redi Mollën dhe ish-drejtorin e planifikimit Taulant Tushe.

Kuptohet se nga numri i madh i tenderave që i kishin marrë bashkisë, veprimtaria e kompanisë “5D Konstruktion” ishte e njohur për fuqinë që kishte brenda institucionit. Madje spekulimet, se Mariglen Qato, Redi Molla dhe Taulant Tushe kishin edhe bekimin e kryetarit të bashkisë Erjon Veliajt përmenden edhe në bisedat e vartësve të tyre.

SPAK ka zbardhur bisedat e Jonida Bejkos, punonjëse e kompanisë “5D Konstruktion”. Në bisedë e sipër me një të njohurin e saj i tregon atij hotelin që drejtorët e Veliajt po ndërtonin në Durrës duke shtuar se “është aks. pronari jon… Lali eri… e kta”. Më poshtë faksimile nga dosja e SPAK me përgjimet.



Bisedat e Bejkos janë zbardhur nga celulari i saj i sekuestruar gjatë bastisjes së zyrave të kompanisë nga oficerët e Byrosë Kombëtare të Hetimit. Bejko tregon se si i kishin kërkuar që të përfshihej në fushatën e Partisë Socialiste, pasi dihej se pronarët realë të kompanisë “5D Konstruksion” ishin drejtorë në bashkinë e Erjon Veliajt.

Vetë punonjësja, pranon në bisedat me miqtë e saj se Mariglen Qato është një nga njerëzit më të rëndësishëm në bashki, praktikisht nr.2 i institucionit, pas Erjon Veliajt. Siç lexohet më poshtë:



Nga biseda të tilla, të nxjerra nga celularët e punonjësve të kompanisë, prokurorët kanë krijuar bindjen se pronarët realë janë Mariglen Qato dhe Redi Molla. Më pas, kanë verifikuar nëse bisedat korrespondojnë me lëvizjet e parave në bankë, apo me procedurat e tenderave në bashki. Gjithçka ka rezultuar e qartë: kompania “5d Konstruksion” u krijua nga drejtorët e bashkisë për të fituar tenderat e institucionit.

Nga viti 2016 deri në 2020 me kompaninë e tyre, drejtorët kanë bërë kërdinë. Rezulton se kanë fituar 13 tendera në bashki dhe 10 tendera tek ujësjellësi që e drejtonin vetë. Fitimet janë disa qindra miliona lekë.

Me pak fjalë, taksat që u merren qytetarëve kalonin në buxhetin e bashkisë së Tiranës. Nga aty drejtorët i tenderonin tek kompania e tyre private dhe më pas në xhepat e tyre. Shiko dokumentin më poshtë, që sipas dosjes së SPAK tregon qindra miliona lekë të fituara përmes kësaj skeme:



Një e dhënë e rëndësishme për prokurorët kanë qenë disa blloqe me shënime personale të administratorit të kompanisë “5D Konstruktion” Nestor Muhametllari. Ky person rezulton të jetë edhe truri i kompanisë.

Nestor Muhametllari merrej si për të “kopsitur” procedurat fiktive të tenderave të trukuar, ashtu edhe për ndarjen e parave mes drejtorëve të bashkisë, duke ruajtur një lloj ekuilibri në marrëdhëniet mes tyre.

Në bllokun me shënime që iu gjet Nestor Muhametllarit, emrat e dy drejtorëve janë të shenjuar me (M) për Mariglen Qaton dhe me (R) për Redi Mollën. Kuptohet se herë njëri dhe herë tjetrin vijnë dhe marrin para nga arka e kompanisë dhe për të qenë në rregull me të dy, Nestori mbante shënimet si më poshtë:


Pjesë nga shënimet e bllokut të Nestor Muhametllarit që mbante llogaritë e parave të drejtorëve të Bashkisë

Nga leximi i dosjes, rezulton se Nestor Muhametllari kishte të njëjtin rol si Klodian Zoto në aferën e inceneratorëve. Pasi mbaronte punë me letrat e kompanisë private, Nestori merrej me dokumentat shtetërore, ku i duhej të përgatiste tenderat me porosi, në mënyrë që të skualifikonte kompanitë e tjera në garë dhe ta fitonte tenderin për kompaninë “5D”.

Një ndër këta shembuj është tenderi për rikonstruksionin e palestrës së mundjes për sportklub “Tirana”, institucion në varësi të bashkisë.

Nga mesazhet në celularët e sekuestruar del se drejtuesja e institucionit, Deborah Keçi është gjithë kohës në komunikim me Nestor Muhametllarin gjatë kohës kur përgatiteshin procedurat për tenderin.

Ajo i ka urdhrat të qarta: paratë duhet të kalojnë tek kompania “5D” dhe për këtë duhet t’i bindet Nestor Muhametllarit.

Deborah Keçi i jep Nestor Muhametllarit të gjithë dokumentacionin paraprak për organizimin e tenderit, madje i mundëson hyrjen në sistem në mënyrë që ai të hedhë vetë të dhënat, duke u pajisur me “user” dhe “password” të një prej antarëve të Komisionit të Vlerësimit të Ofertave.

Deborah Keçi skualifikon kompanitë e tjera private që kishin marrë pjesë në “garë” dhe shpall fituese kompaninë “5D”. Në fund, bashkë me Nestor Muhametllarin i përgjigjet edhe kompanive që kanë ankimuar tenderin.

Por gjatë kohës që komunikon me mesazhet ne whatsapp, Keçi nuk e fsheh frikën për manipulimin që po bën. Me mesazhe, lutet që dokumentat të shihen me kujdes, duke thënë: “Vetëm aman shikojini tamam se mos ham ndonjë burg”.



Nga një shikimi i shpejtë i dosjes së drejtorëve të arrestuar të bashkisë së Tiranës, Mariglen Qato, Redi Molla dhe Taulant Tushe bien në sy dy detaje domethënëse për vjedhjen.

Së pari është shtrirja në kohë e punëve që ka kryer kompania “5D”. Nga viti 2016 deri në vitin 2023 kur u denoncua nga Belind Këlliçi janë 7 vjet vjedhje e buxhetit të bashkisë së Tiranës.

Së dyti, është fakti se drejtorë të disa dikastereve në bashkinë e Tiranës kanë pranuar të firmosin procedurat e manipuluara të tenderave edhe pse ishin në dijeni se paratë po shkonin në xhepat e kolegëve të tyre.

Nuk është vetëm rasti i Deborah Keçit, por edhe i drejtorit të transportit Enton Punavisë apo i drejtoreshës së “Tirana Parking”, Eglantina Zëre, të cilët sot janë në ndjekje penale nga SPAK.

Kuptohet se këta nuk kanë firmosur në kundërshtim me ligjin për t’i bërë një nder kolegëve të tyre, që sot janë në burg. Gjasat janë që ata të kenë marrë urdhër nga lart, nga i vetmi njeri që kishte fuqinë t’i bëjë bashkë në një vjedhje sistematike dhe e strukturar.

Por SPAK këtu e ka ndalur hetimin, duke lënë në pikëpyetje, nëse Erjon Veliaj ishte pronari i vërtetë i kompanisë “5D” apo drejtorët hëngrën mollë dhe dardha pas shpinës së tij?

Lapsi.al

[Albo]

Tenderat për drejtorët/ Bashkia e Tiranës, “tokë e djegur” nga arrestimet



Kompania “5D” me të cilën është zbatuar një skeme korrupsioni për përfitimin e tenderave të bashkisë së Tiranës, ishte pagëzuar me këtë emër sepse për përfitimet e tenderave punonin 5 drejtorë të Bashkisë së Tiranës, njerëz të emëruar në poste kyçe dhe bashkëpuntorë të ngushtë të kryetarit, Erjon Veliaj.

Denoncimet e para u bënë nga Belind Këlliçi, kandidati i opozitës gjatë fushatës së zgjedhjeve të 14 Majit, ndërsa këtë të enjte SPAK urdhëroi arrestimin e tre drejtorëve, që konsiderohen edhe pjesë e rrethit të ngushtë të Erion Veliajt në bashki.



Në qendër të aferës është Maringlen Qato, ish drejtues i Ujësjellësit të Tiranës dhe ish-drejtor i Inspektoriatit të Mbrojtjes së Territorit, tashmë i arrestuar pasi konsiderohet “ortak i vërtetë dhe pronar “de facto” i shoqërisë “5D Konstruksion” sh.p.k bashkë me Redi Mollën, edhe ky ish-drejtor në Ujësjellës Kanalizime të Tiranës.

Një urdhër-arresti i dytë është firmosur për ish-drejtorin tjetër të bashkisë së Tiranës, Taulant Tusha, i cili gjendet në burg prej disa muajsh për çështjen e inceneratorit të Tiranës.

Prokurorët e SPAK e kanë parë të arsyeshme që vetëm këta të tre të arrestohen, ndërsa 6 persona të tjerë, zyrtarë të bashkisë dhe një biznesmen janë lënë në detyrim paraqitje.

Skema e fitimit të tenderave nga kompania e drejtorëve të bashkisë

Në sqarimin që shpërndau për mediat, Prokuroria e Posaçme renditi disa raste që zbulojnë se si administrata e bashkisë punonte që një pjesë e buxhetit t’i kalonte kompanisë “5D Konstruksion” nëpërmjet manipulimit të procedurave tenderuese.

Së pari, nga viti 2016-2020, kur Redi Molla ishte drejtor i Ujësjellësit të Tiranës “5D Konstruksion” është shpallur fituese në shkelje të rregullave të prokurimit publik në 7 (shtatë) procedura prokurimi që i kishte organizuar Ujësjellësi. Sipas SPAK, në këto tendera dy drejtorët kishin trukuar tenderat në mënyrë që kompania e tyre të shpallej fituese.

Së dyti, nga viti 2016 deri në vitin 2018, kur Maringlen Qato ishte Drejtor i Departamentit Mbështetës në Ujësjellësin e Tiranës, kompania që ai kishte në zotërim (5D) doli fituese në 4 (katër) tendera ku vetë Qato ishte pjesë e Komisionit të Vlerësimit të Ofertave dhe ka marrë vendime për shpalljen e fituesit.

Së treti, SPAK i akuzon drejtorët e bashkisë se përfituan tendera me kompaninë e tyre “5D Konstruksion” edhe me ndihmën e Taulant Tushes, kur ky ishte Drejtor i Përgjithshëm të Drejtorisë së Planifikimit të Punëve Publike. Këtu SPAK veçon edhe emrat e disa drejtorëve të tjerë të arrestuar, që më pas u lanë në detyrim paraqitje, si Enton Punavija, Julian Zanaj dhe Albano Janku, të cilët kanë qenë pjesë e komisionit të vlerësimit të ofertave.

Së katërti, një tjetër ish-drejtoreshë e bashkisë së Tiranës Eglantina Zere, që drejtonte “Tirana Parking” ka bërë të njëjtën gjë, duke shpallur të njëjtën kompani fituese të tenderave të bashkisë, ndërsa mbante komunikim të drejtpërdrejtë me biznesmenin Nestor Muhametllari që ishte administrator i “5D Konstruksion”. Në këtë rast “vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sqaron SPAK.

Së pesti, të njëjtën gjë thotë SPAK ka bërë edhe Deborah Keçi e cila rezulton të jetë titullare e Klubit Sportiv “Tirana”. Pasi ka folur direkt me administratorin e kompanisë “5D”, Nestor Muhametllari, ajo ka favorizuar kompaninë e drejtorëve të bashkisë.

A e dinte Veliaj për goditjen e SPAK?

Goditjen e parë nga SPAK, Erjon Veliaj e mori në dhjetor të vitit të kaluar, kur SPAK vuri në pranga bashkëpuntorin e tij të ngushtë Taulant Tushe. Duhet thënë se arrestimi i Tushes e prekte tangent punën e bashkisë së Tiranës, pasi procedurat për inceneratorin e Tiranës mbanin zyrtarisht vulën e ministrisë së atëhershme të mjedisit.

Ndërkohë arrestimet e kësaj të enjteje mund të konsiderohen një goditje mu në zemër të Bashkisë së Tiranës, pasi të arrestuarit janë disa nga njerëzit më të afërt të Erion Veliajt.

Kryetari i bashkisë së Tiranës bëri disa deklarata publike në mbrojtje të Taulant Tushes në dhjetor të vitit të kaluar, por gjithsesi nuk e shkeli vijën e kuqe të partisë për të mos sulmuar institucionet e drejtësisë. Por mbrëmjen e kaluar, gjatë prezantimit të librit të Alket Islamit, Erion Veliaj bëri disa deklarata të guximshme, duke lënë të kuptohet se goditjet e SPAK po i vinin nga Edi Rama.

Veliaj bëri një krahasim mes shumë detyrave që mbante kryetari i parë i bashkisë së Tiranës, Ali Ndroqi me atë që mund të jetë sot edhe kryeministër, edhe kryetar i SPAK, edhe kryetar i Gjykatës, duke hequr nje paralele me Edi Ramën. Video më poshtë:

[Albo]

Sekrete nga dosja e drejtorëve të arrestuar të Veliajt (faksimilet)



Dosja e kompanisë që burgosi drejtorët e Bashkisë, Taulant Tusha, Marenglen Qato dhe Redi Molla është e mbushur me detaje pikante që dëshmojnë për një grabitje flagrante ditën për diell. Ajo tregon se si së paku pesë drejtues të afërt me Erion Veliajn Kishin ngritur një kompani “5D” të cilës i jepnin me garë fallco punët publike të kësaj bashkie. Dhe kjo bëhej ditën për diell, në sytë e të gjithëve, pa pikën e gajles se mos pikaseshin. Në një moment një punonjëse e Bashkisë flet me një të njohurin e saj në celular dhe i dërgon një foto duke i thënë: “Ky është hoteli i Lalit” dhe më pas i tregon atij se po i bëhej presion për tu angazhuan në fushatën elektorale në favor të PS-së.



E bukura është se të gjithë punonjësit e kompanisë ku pronarë ishin drejtorët e Veliajt e dinin më së miri këtë të fshehtë publike. Në një bisedë mes tyre përgjohen dy vajza duke shkruar me njëra tjetërën se si ka mundësi që Belind Këlliçi që e zbuloi këtë skandal, i paska marrë evsh të gjitha…



Në shumë pjesë të vendimit 122 faqësh të gjykatës del qartë se bashkia e Tiranës ka qenë një makineri e stërmadhe e grabitjes së buxhetit të taksave të qytetarëve. Mes viteve 2016 2022 kompania “5D” e drejtorëve të Veliajt ka dalë fituese në pjesën më të madhe të tenderave ( së paku 13 procedura prokurimi nga Bashkia dhe 10 nga ujesjelles kanalizimi dyshohen si korruptive). Këto të dhëna janë zbuluar pas sekuestrimit të celularëve dhe blloqeve të llogarive të kompanisë “5D”. Lapsi.al do të vijojë të botojë pjesë nga kjo dosje e lemertishme.

Lapsi

[Albo]

Si u kthye në super investitor drejtori i Erion Veliajt



Elvin Tivari, një ish-drejtor i shitjeve në Ujësjellës Kanalizimeve në Tiranë që dikur punonte për një pagë 700 mijë lekë të vjetra në muaj, shumë shpejt u kthye në sipërmarës i sukseshëm që menaxhon investime në miliona euro.

Këto investime shtrihen në ndërtim, hotelëri, restorante, zyra konsulence, që në Shqipëri njihen si zyra seksere dhe zyra në fushën e shitjeve imobilare.

I lidhur ngushtë me lobin e bashkisë së Tiranës, Elvin Tivari si të gjithë drejtorët e tjerë të kësaj bashkie, pësuan një ngritje të menjëhershme ekonomike, duke u shfaqur konkurencë serioze dhe rrezik falimenti për shumë biznesmenë veteranë që veprojnë në Shqipëri.

Prokurori i SPAK, Klodian Braho, është duke hetuar rolin e Tivarit në raport me detyrën që ka pasur në Drejtorinë e Ujësjellësit në Tiranë dhe perandorinë e biznesit privat që ka ngritur në zonat më të lakmuara të vendit.

Biznesi i drejtorave të bashkisë së Tiranës, përfshirë dhe Elvin Tivari, shumë shpejt pësoi jo vetëm ngritje ekonomike, por dhe një shtrirje të madhe gjeografike nga Tirana, Durrësi, Vlora e deri në Dhërmi.

Pra në zona mjaft të lakmuara kohët e fundit, aty ku është vija bregdetare apo aty ku përqëndrohet popullsia më e madhe, siç është kryeqyteti i vendit Tirana.

Në total në emër të Elvin Tivarit, janë rregjistruar në QKB, 8 subjekte private të cilat janë duke u verifikuar nga SPAK.

Në 7 shkurt 2022, ish-drejtori i Veliajt, Elvin Tivari, ka themeluar kompaninë “LA Brisa”, një kompani kjo që menaxhon një prej hoteleve luksoze në bregdetin e Dhërmiut.



Ky biznes është i ndarë mes dy aksionerëve, Elvin Tivari, që gëzon 40 për qind të aksioneve dhe Fatos Malaj, vëllait të kryetarit të Bashkisë Mat, Agron Malaj.

Ndërkohë në 11 shtator 2023 Elvin Tivari, hap një tjetër biznes në Tiranë, të quajtur “I Rise Property & Investment” të cilin e zotëron 100 për qind të aksioneve.

Biznesi ka si objekt: “...Agjensi Imobilare,dhënie këshillimi dhe konsulence në tregun e shitjes dhe blerjes së pronave për individë. Shërbime ndërmjetësimi dhe komisione në sektorin imobilar. Konsulencë për projekte në fusha të ndryshme, ndërtimi i ndërtesave rezidenciale dhe jo rezidenciale...".

Gjithashtu emri i Elvin Tivarit, del si pronar dhe tek kompania e tregtimit të kafesë, “Gourmet&Co” në Xhafzotaj të Durrësit, i cili zotëron 33 për qind të aksioneve të këtij biznesi. Ndërsa pjesën tjetër e siguron ortaku i tij, Theofan Kazanxhiu.

Këtë biznes, Elvin Tivari e ka blerë në vitin 2008 nga Bledar Pajana, kundrejt çmimit prej 330 mijë lekë të vjetra.

Zgjerimi i bizneseve të ish-drejtorit të bashkisë, Tivarit, ka vijuar dhe në vitin 2023, pasi në 13 Tetor, ka themeluar “Gastro Factory”, një Bar-Restorant që ushtron çdo lloj operacioni dhe transaksioni ne lidhje me importimin, eksportimin,tregtimin,shitjen dhe shperndarjen e mallrave të nevojshme në fushën e gastronomisë.

Në këtë biznes Tivari gëzon 34 për qind të aksioneve, ndërsa pjesën tjetër e gëzon ish-drejtori i UKT-së, Redi Molla dhe Dritan Kadiu.

Të tre këta emra dalin dhe tek ndërtimi i superhotelit me 5 Yje në Durrës, dhe kjo përputhet plotësisht përmes kompanisë “Etitur” që Elvin Tivari e ka hapur 3 shtator 2020 dhe gëzon 100 për qind të aksioneve.

Në vitin 2018 Elvin Tivari, hap një Bar-Restorant-Piceri “Marina Bistro”, në qytetin e Durrësit.Ky biznes aktualisht është i pezulluar.

Ndërkohë në 19 Prill 2022, Elvin Tivari së bashku me Dritan Kadiun hapin kompaninë “Blue Construction”, duke ndarë 50 për qind të aksioneve. Kjo është një kompani që ka si aktivitet në fushën e Hoteleri-Turizmit.

Oranews

[Albo]

Dosja hetimore për drejtorët e Bashkisë Tiranë, përgjimet: 'Lali Eri është aksioner te hoteli’



Në dosje hetimore të zbardhur për mediat zbulohet një mesazh mes punonjësve të 5D Konstruksion, ku theksojnë se Erion Veliaj është aksioner i një hoteli që po ndërtohet në Durrës, bashkë me Mollën dhe Qaton.

Ndër të tjera, SPAK ka mundur të zbardh bisedat mes punonjësve, të cilët konfirmojnë se Redi Molla dhe Mariglen Qato janë personat që kontrollojnë dhe drejtojnë aktivitetin e shoqërisë tregtare, janë personat që marrin vendime për largime apo punësime të punonjësve si dhe janë persona që kanë marrë përfitime financiare nga kompania në kohën që edhe drejtonin institucione të rëndësishme në varësi të Bashkisë Tiranë.

Hetimet e SPAK kanë mundur të lidhin fijet jo vetëm mes drejtorëve, por tentakulat e tyre shkojnë deri tek kupola e Bashkisë Tiranë, vetë kryebashkiaku Erion Veliaj.

Një ndër to është rasti kur një nga punonjëset bisedon me një tjetër person dhe zbulon se “5D Konstruksion” po ndërton një hotel ku aksioner mes të tjerash është edhe vetë kryebashkiaku Veliaj, përveç drejtorëve.

“Gjatë hetimeve paraprake është sekuestruar telefoni celular i shtetases Jona Bejko punonjëse në shoqërinë “5 D Konstruksion” shpk për të cilin është kryer ekspertimi teknik si dhe kqyrja dhe analizmi i të dhënave të përfituara nga akti i ekspertimit.

Rezulton se Bejko ka pasur biseda me interes me një individ të identifikuar si Arban, me të cilin ka zhvilluar një sërë bisedash, që lidhen me punën e saj të përditshme. Në datën 06.01.2023 Jona Bejko i dërgon bashkëbiseduesit një foto ku duket një objekt dhe më pas midis tyre zhvillohet kjo bisedë:

Jona Bejko: Këtë hotelin po e bëjmë ne. Është aksioner pronari jonë, Lali Eri e këta. Dhe unë marr vetëm 600 mijë lekë të qelbta. Plasi lufta këtej nga zyra. U zu me shefen e financës keq fare Nestori. Ajo i përplas derën në fytyrë. Ky e përzë në shtëpi. Qr mirë që s’u rrafën se ke idenë çfarë bëri këtu. Me të thënë Nestori pra hapur fare në anën e kujt je.

Qeveria i dha kompanisë së lidhur me Redi Mollën statusin special si investitor në hotel me 5 yje në Durrës në vitin 2021, ndërsa ai mbante postin e administratorit të një ndërmarrje të Bashkisë së Tiranës. Nuk dihet nëse është pikërisht ky hotel për të cilin punonjësja Jona Bejko zbulon se është aksioner “lali Eri”, thënë ndryshe kryebashkiaku Veliaj.

Syri

[Albo]

Denoncimi/ Nga Herion Rrapaj te Kacidhja e Tivari, ja 6 anëtarët e tjerë të bandës së Veliajt në Bashki

VIDEO

Belind Këllicci, anëtar i Kryesisë së PD-së, i ka bërë thirrje SPAK që të hetojë pjesën tjetër të bandës së Bashkisë së Tiranës, përvecc drejtorëve të arrestuar deri më tani, në kuadër të hetimeve për atë që njihet si dosja ‘5D’.

Në këtë kuadër Këllicci renditi si pjesë të bandës së Bashkisë së Veliajt:

Herion Rrapaj (i cili me bitumin e fabrikës së Bashkisë, shtroi asfaltin elektoral ndëkohë që fiktivisht bënin proçedura tenderuese me kompani private)

Arben Maloku (i cili ka ngritur një skemë identike si 5D dhe ka ndërtuar 3 kate pa leje në mes të Tiranës),

Ermal Kapllanaj (i cili u vu në shërbim të Inceneratorit të Tiranës duke shantazhuar të gjithë biznesin e ndërtimit)

Alban Dokushin (personi përgjegjës për tjetërsimin e pronave publike, por mbi të gjitha Drejtori të cilit i kishte humbur pronësia e landfillit të Sharrës)

Elton Kacidhja (drejtori i UKT që i cili i dha tenderin e matësave të ujit Klodian Zotos)

Elvin Tivari (për të cilin Mirela Kumbaro firmosi statusin special për ndërtimin e hotelit 15 milionë euro në Durrës).

Referuar reagimeve të dy drejtorëve të arrestuar me urdhër të SPAK-ut, Mariglen Qato dhe Redi Molla, të cilët akuzonin Prokurorinë Speciale se kishin vepruar nën presionin politik të Këlliccit, anëtari i Kryesisë së PD-së, theksoi se “deklaratat patetike se drejtësia e re e hartuar nga vetë Erioni dhe Rilindja e Edi Ramës, na qënkërka shantazhuar nga unë, janë sa qesharake po aq dhe pa vlerë”.

“Erion Veliaj bën mirë të heshtë dhe të presë arrestimin e plotë të shtabit elektoral të zgjedhjeve të 14 Majit, e në fund bën mirë që të presë me buzëqeshje deklaratën që vetë Edi Rama, shumë shpejtë do të shkruajë për të”, shprehet Këllicci.

Në përfundim, Këllicci tha se vetëm një Qeveri teknike dhe zgjedhje të lira e të ndershme, janë e vetmja zgjidhje për ta çliruar vendin nga kjo bandë e korruptuar në bashki e në çdo qelizë të qeverisë.

Syri

[Albo]

Kush është drejtoresha e bashkisë që i shpëtoi burgut



Mes drejtorëve të Bashkisë Tiranë që kanë marrë pjesë në tendera fiktivë nuk janë vetëm Taulant Tushe, Maringlen Qato dhe Redi Molla. Një nga personat e dosjes “5D”, e përfshirë në skemën korruptive bashkë me ish-drejtorë dhe ish-zyrtarë të tjerë të Bashkisë Tiranë është Eglantina Zere.

Zere, një nga të ‘përkëdhelurat’ e bashkisë së kryeqytetit më parë ka qenë në krye të Tirana Parking dhe më pas ka kaluar në drejtorinë e gjelbërimit. Sipas njoftimit fillestar të SPAK Zere akuzohej se ka favorizuar në një procedurë prokurimi operatorin ekonomik “V.A.S Konstruksion sh.p.k” duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt.

“Janë mbledhur provat e nevojshme që provojnë faktin se shtetasja Eglantina Zere në cilësinë e titullarit të autoritetit kontraktor “Tirana Parking”, ka favorizuar në një procedurë prokurimi operatorin ekonomik “V.A.S Konstruksion sh.p.k”, e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt.

Shtetasja Eglantina Zere ka pasur komunikime direkte me shtetasin Nestor Muhametllari, administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k.”, njoftoi dje SPAK për Zeren”. Lapsi.al ka arritur të sigurojë bisedat që figurojnë në dosjen e gjykatës ku ajo i drejtohet administratorit të kompanisë fituese 5D me termin “LAL” (shiko poshte në fund të shkrimit).



Sipas veprës së kryer ajo duhet të kishte pasur të njëjtin fat si homologët e saj drejtorë, por ajo nuk përfundoi në pranga si pasojë e disa kushteve lehtësuese.

E para se ishte femër, e dyta se shuma e tenderit që ajo kishte manipuluar nuk ishte e madhe dhe së treti se ishte e martuar dhe kishte në përgjegjësi një fëmijë të vogël, vendosi gjykata. Për këto arsye vendimi për të, nga një tjetër gjyqtare femër, Rudina Palloj, ishte vetëm pezullim nga detyra dhe detyrim paraqitje./ Lapsi/



Lapsi

[Albo]

A i kërkojmë dot përgjegjësi Veliaj për drejtorët?

Nga Ola Xama

Ajo që lexohet në dosjen e hetimeve të SPAK për aferën e kompanisë ‘5D Konstruksion’, nuk është as më pak e as më shumë se ato që dëgjojmë çdo ditë për mënyrën se si paracaktohen tenderat dhe se si shteti vendos kë të bëjë të pasur duke blerë pushtet.

Duke kontrolluar në procedurat e prokurimeve që i janë dhënë kësaj firme, në total të dalin një dyzinë kompanish të cilat marrin pjesë në tendera herë bashkë dhe herë kundër njëri-tjetrit. Përfituesit numërohen me gishtat e dorës dhe ata që nuk janë rrethi i tyre skualifikohen në të gjitha fazat.

Çudia që na krijuan hetimet e kompanisë 5D, lidhet me risinë se në dallim nga skema klasike që kemi dëgjuar, drejtorët nuk merrnin përqindje në tendera por ia çonin të gjitha paratë firmës së tyre.

Është naive që çdokush në këtë vend të besojë se ata që sot punojnë në poste drejtuese në administratë rropaten për të mirën e popullit, dalin lypin vota ditë e natë në fushatë dhe kënaqen me një pagë që në rastin më të mirë nuk kalon 1.200 euro. Me pagat që sot ka shumica e institucioneve publike, ai që kërkon të pasurohet me dinjitet ose kalon në sektorin privat ose largohet nga ky vend.

Naive është po ashtu të besohet se kryebashkiaku Erion Veliaj nuk ka ditur gjë për këtë aferë. Përgjegjësia e parë ka të bëjë me rolin e tij si titullar i Autoritetit Kontraktor në 8 procedura ku fitues ka qenë kompania ‘5D Konstruksion’. SPAK ka vërtetuar se pronarë janë drejtorët më të rëndësishëm të Bashkisë Tiranë dhe njerzit e afërt të tij. A duhet hetuar nëse ka patur dijeni për konfliktin e interesit, njësoj siç është hetuar roli i ish-ministrit Ilir Beqaj te dosja e ‘Sterilizimit’?

Së dyti, titullari i Autoritetit Kontraktor është personi i cili cakton njësinë e prokurimit, antarët e Komisionit të Vlerësimit të Ofertave, shpall fituesin dhe lidh kontratën. Po ashtu, në 3 raste Erion Veliaj është njoftuar me shkresë nga operatorët pjesëmarrës në tender për ankesa që kanë patur për skualifikim të padrejtë.

Natyrshëm lind pyetja: A është Erion Veliaj ai që lexon ankesën dhe cakton anëtarët e Komisionit të Shqyrtimit të Ankesave? Si ka vepruar ai në rastin që disa kompani e kanë njoftuar se oferta e tyre më e ulët, që mund t’i kursente para bashkisë dhe qytetarëve është skualifikuar padrejtësisht? Përse komisioni i ankesave i ngritur prej tij, nuk konstatoi shkeljet që gjeti SPAK në këto procedura?

Përgjegjësia e tretë është morale. Përse Veliaj nxitoi të mbështesë drejtorët e tij dhe të ‘duartrokasë’ kallzimin që ata bënë për shpifje pas denoncimit të kandidatit të PD në zgjedhjet lokale? Përse nuk ngriti një audit, nuk ushtroi një kontroll, nuk premtoi hetime?

Këtë histori sido që ta kthesh, të gjitha rrugët të çojnë te konkluzioni se ose përfitimet e paligjshme janë bërë me bekimin e tij, ose institucioni që ai drejton ka rënë në të gjitha instancat. Në rastin më të keq është bashkëpunëtor dhe në rastin më të mirë është i paaftë për të drejtuar bashkinë!

Syri

[Albo]

Degradimi i shtetit/ Kompania 5D shpallte vet fituesit e tenderave të Bashkisë



Dosja e SPAK për aferën 5D zbulon një çudi të padëgjuar më parë në historinë e shtetit shqiptar. Ndonëse ishte e privilegjuar në procedurat e prokurimit dhe kishte akses në përpilimin e kritereve, kompania 5D nuk është ndalur aty, por ka arritur deri në pikën që të marrë edhe atributet e Komisionit të Vlerësimit të Ofertave.

Bisedat e zbuluara në telefonat apo kompjuterat e punonjësve të kësaj kompanie faktojnë se skualifikimi i ofertave dhe shpallja e fituesve në disa tendera publikë, nuk janë bërë nga zyrtarët e shtetit, që ishin pjesë e Komisionit të Tenderave, por janë bërë nga vetë kompania 5D. Rasti klasik është ai i tenderit për “rikonstruksionin e sheshit të parkimit tek Selman Stermasi,” me vlerë 150 mijë euro.

Në këtë procedurë garuan disa kompani, të cilat u skualifikuan nga Manjola Bunguri, punonjëse e kompanisë 5D. Kjo e fundit, pasi bëri vlerësimin e ofertave dhe skualifikimet përkatëse shpalli fituese kompaninë 5D, që në atë kohë mbante emrin V.A.S Konstruksion së bashku me Rroku Guest.

Kapitali zbardh përgjimet e SPAK mbi këtë tender, nga bisedat e kryera mes administratorit të 5D Nestor Muhametllari, punonjës së kësaj kompanie Manjola Bunguri si dhe drejtoreshës së Tirana Parking, Eglantina Zëre.

Biseda e kryer mes shtetasve Nestor Muhametllari dhe Manjola Bunguri datë 23.09.2019:

Nestori: O Manjola, nga ajo lista që më dërgove ti nga Tirana Parking vetëm Ndregjoni dhe Turja kanë ngelur se të tjerët kishin ngatërruar ofertën. Këto duhen parë kur të kesh mundësi.
Manjola: Pa merak se i shikoj unë.

Biseda e datës 24.09.2019
Manjola: Nestor, Ndregjonit i gjeta plot mangësi. Se këtë kisha merak.
Nestori: Aaaaa shumë mirë. Shyqyr se atë kisha merak.

Biseda e datës 26.09.2019
Manjola: Nestor janë gati skualifikimet nesër në orën 9. Më vonoi pak Kevin Konstruksion se i kishte shumë të mira letrat, kurse Turja kishte plot mangësi.

Biseda e datës 28 shtator 2019
Nestori: O Manjola, taksirat e ke të shohësh pak edhe Shpresa.al se nuk po i japin dot drejtim.
Manjola: Ok pa merak.

Më pas, skualifikime që përpilonte punonjësja e kompanisë Manjola Bunguri, i përcilleshin drejtorëshës së Tirana Parking Eglantina Zëre dhe miratoheshin formalisht nga Komisioni i Vlerësimit të Ofertave. Kjo sipas SPAK është faktuar nga bisedat mes Nestor Muhametllarit dhe drejtoreshës së Tirana Parking Eglantina Zëre.

Biseda e kryer në 24 shtator 2019:
Eglantina’bën mo… Do e mbyllim apo doni dru
Nestori: Ja kam dhënë Mannjolës, deri nesër mbyllet.

Bisedë e datës 28 tetor 2019:
Eglantina: është hedhur njoftimi i fituesit lal. Besoj sot e shpall APP dhe ecim përpara.

Me publikimin e fituesit edhe në Agjencinë e Prokurimeve Publike, drejtoresha e Tirana Parking uron Nestor Muhametllarin për tenderin.

Eglantina: Ecim tani, ta gëzosh.
Nestori: Thank You, jeni të paparë.

Pas zbardhjes së ketyre bisedave prokurorët shkruajnë në dosjen e SPAK sa më poshtë:
“Rezulton se verifikimin dhe vlerësimin e ofertave të kompanive të tjera që kanë marrë pjesë në këtë tender nuk e kanë bërë anëtarët e Komisionit të Vlerësimit të Ofertave, por e ka bërë shtetasja Manjola Bunguri, e cila ka punuar punonjëse në shoqërinë 5D.”



Por ai i Tirana Parking ishte vetëm një rast. Një një tjetër tender të zhvilluar nga Klubi Sportiv Tirana për rikonstruksionin e palestrës së mungjes, drejtoresha e këtij institucioni Deborah Keçi, i ka dhënë Nestor Muhametllarit usernamet dhe fjalëkalimet e anëtarëve të Komisionit të Vlerësimit të Ofertave.



Biseda e kryer në 1 dhjetor 2020:
Nestori: Deborah duhet të më dërgosh urgjent kodet e 3 anëtarëve të KVO
Deborah: teuta.guri123456789, jetjon.mera123456789, reinaldo.glerazi123456789
Nestori: Më duhet dhe useri i atij që ka hedhur procedurën
Deborah: joana mullara sporti2020
Deborah: Do e bëni ju vlerësimin tani?
Nestori: Po po patjetër, nesër.

Edhe në këtë rast përmes fjalëkalimeve të anëtarëve të Komisionit të Ofertave, kompania 5D ka aksesuar sistemin elektronik të prokurimeve dhe ka bërë vlerësimet dhe skualifikimet e ofertave të kompanive të tjera duke shpallur veten fituese.

kapitali.al

[Albo]

Reagon Erion Veliaj: Ndonjëherë, duhet t’u japësh kohë njerëzve të sqarojnë problemet me drejtësinë



Kryetari i Bashkisë së Tiranës, Erion Veliaj zhvilloi sot një bashkëbisedim me nxënësit ekselentë të shkollës “Qemal Stafa”, me të cilët ndau disa prej projekteve që po realizohen në kryeqytet, por vuri theksin edhe te rëndësia që duhet t’i kushtohet promovimit të nxënësve të mirë. Duke folur për Bashkinë e Tiranës, Veliaj theksoi se:

“Siç besoj e dini, kam pasur një javë sfiduese me shëndetin tim personal, por siç e keni parë nga lajmet, kam pasur edhe një sfidë me shëndetin e organizatës që drejtoj. Kjo është një organizatë, e cila ka bërë që Tirana të shpallet “Kryeqyteti Europian i Rinisë”, “Kryeqyteti Europian i Sportit”, “Kryeqyteti Mesdhetar i Kulturës dhe Dialogut”, dhe patjetër ka bërë edhe 40 shkolla të reja, – duke nisur me rikonstruksionin e shkollës tuaj, “Qemal Stafa”, dhe mbaron për pak ditë me ndërtimin e shkollës “Emin Duraku”, – sheshin Skënderbej, Pazarin e Ri, Parkun e Liqenit, Bulevardin e Ri, duke krijuar një reputacion të jashtëzakonshëm për Tiranën me boom-in turistik.

Por, si çdo organizatë, ashtu si organizmi i njeriut, ka sfidat e saj. Pyetja është: Si i adresojmë këto sfida? Sot e kam nisur ditën me një takim, ku morëm vendimin për largimin e disa kolegëve sepse organizata e madhe është më e rëndësishme se 1 apo 2 persona, të cilët mund të kenë probleme me ligjin dhe duhet t’i zgjidhin këto probleme me drejtësinë. Unë uroj që të provojnë pafajësinë e tyre, por teksa i zgjidhin ato probleme, na duhet që organizata të vazhdojë përpara. Në një organizatë, – nuk ka rëndësi nëse është shkollë, nëse është bashki, nëse është drejtori apo kompani e madhe, – nëse ka një problematikë, ajo duhet adresuar.

Unë mendoj se njerëzit duhet t’i zgjidhin problemet me drejtësinë pa e ulur ritmin e organizatës. Kjo është arsyeja pse disa njerëz duhet të bëjnë ‘time out’, dhe pse organizata vetë, në këtë rast Bashkia e Tiranës, duhet të vendosë disa sisteme vetë-korrektuese. Ne e kemi një sistem të brendshëm auditi, por unë besoj se duhet të vëmë edhe sistem për të kontrolluar konfliktin e interesit. Ka shumë organizata, të cilat për dikë që ka punuar aty dhe më pas është larguar, vendosin që ai person të mos ketë të bëjë më me atë organizatë për një periudhë të caktuar 3 vjet, 5 ose 10. Këtë po e mendoj ta zbatoj seriozisht edhe në Bashkinë e Tiranës.

Kjo organizatë ka bërë punë të jashtëzakonshme, ia ka ndryshuar fytyrën Tiranës, por nuk është përfekte, bën gabimet veta. Ndonjëherë, duhet t’u japësh kohë njerëzve të sqarojnë problemet me drejtësinë, ndërsa organizatës duhet t’i japësh lirinë të vazhdojë të ecë përpara. Ky është një vend që nuk ta fal kollaj suksesin. Ka disa njerëz që harrojnë çdo punë që është bërë dhe për një problematikë, për një çështje që patjetër duhet zgjidhur dhe adresuar, janë gati të zerojnë gjithçka.

Është e pashmangshme që në një organizatë komplekse, dikush të cedojë, por, pyetja është: si sillet secili prej nesh kur përballet me këtë problem? Ndaj, mbetem i vendosur që, siç kjo organizatë e ka bërë Tiranën historinë më të madhe të suksesit në rajon, dhe në ndryshimet e korrigjimet për transparencë e luftë kundër konfliktit të interesit për punonjës apo ish-punonjës, të jetë gjithashtu model ripërtëritje e përmirësimi.

Teksa dëshiroj me gjithë zemër të besoj deri në fund në pafajësinë e të gjithë bashkëpunëtorëve të mi, në ditët në vijim do të duhet të mendojmë me kolegët e bashkisë, disa masa konkrete që do duhen marrë, në mënyrë që të kemi një kontroll më të rreptë e një parandalim më efikas ndaj çdo lloj devijimi potencial nga standardet më të mira publike. Pasi Bashkia Tiranë duhet të jetë kampione edhe në procedurat e prokurimit, garantimin e transparencës, shmangien e konfliktit të interesit.

Unë shpresoj dhe jam i bindur se drejtësia do të bëjë punën e saj në mënyrë profesionale, të drejtë e të pavarur. E ndërkohë, në bashki ne duhet të vazhdojmë me më shumë vrrull punën, jo vetëm për të mos cenuar në asnjë moment besimin e qytetarëve te ne, por për të përmbushur ndaj cdo banori e banoreje të Tiranës premtimet për të cilat jemi zotuar”. Gjithashtu, Veliaj dëgjoi edhe sugjerimet e nxënësve, idetë e tyre, si dhe i ftoi ata të jenë bashkëpunues me njëri-tjetrin.

Koha Jone

[Albo]

Dokumentat/ Si trukohet një tender në bashkinë e Veliajt



Kur del në publik për të bërë propagandë, Edi Rama flet për organizimin e tenderave dhe prokurimeve publike përmes Inteligjencës Artificiale (IA). Por në fakt realiteti është krej tjetër: shteti është me brekë nëpër këmbë dhe rolin e tij e luan vetë privati. Pra ato kompani që janë caktuar për të fituar luajnë edhe rolin e arbitrit shtetëror duke bërë punën dhe disponuar paswordet e komisionerëve që duhet të shpërndajnë paranë publike. Lapsi.al ka gërmuar së paku tre raste kur kjo ka ndodhur në mënyrë flagrante.

Sekuestrimi nga hetuesit i celularëve dhe kompjuterave të vartësve të firmës private të drejtorëve bashkiakë, Maringlen Qatos dhe Redi Mollës dëshmon për një realitet rrënqethës. Djegja e ofertave të kompanive konkurente rezulton se nuk bëhej nga zyrtarët e shtetit, që ishin pjesë e Komisionit të Tenderave, por nga vetë kompania 5D që ishte edhe lojtar edhe arbitër njëkohësisht. Në mënyrë flagrante kjo shihet tek atribuimi i 150 mijë eurove për “rikonstruksionin e sheshit të parkimit tek Selman Stermasi”. Për ti fituar këto para konkuronin disa kompani, të cilat u përjashtuan prej garës nga një punonjëse e kompanisë 5D, e quajtur Manjola Bunguri. Ajo e bëri vetë “vlerësimin” e ofertave dhe shpalli fituese kompaninë e Mollës dhe Qatos.

Natyrisht e gjitha kjo ka ndodhur edhe me bashkëpunimin e drejtoreshës bashkiake të Tirana Parking,Eglantina Zëre, në dosjen e prokurorisë thuhet:

“Janë mbledhur provat e nevojshme që provojnë faktin se shtetasja Eglantina Zere në cilësinë e titullarit të autoritetit kontraktor “Tirana Parking”, ka favorizuar në një procedurë prokurimi operatorin ekonomik “V.A.S Konstruksion sh.p.k”, e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt.

Shtetasja Eglantina Zere ka pasur komunikime direkte me shtetasin Nestor Muhametllari, administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k.”, njoftoi dje SPAK për Zeren”. Lapsi.al ka arritur të sigurojë bisedat që figurojnë në dosjen e gjykatës ku ajo i drejtohet administratorit të kompanisë fituese 5D me termin “LAL” (shiko poshte në fund të shkrimit).



Në dosje figurojnë dhe bisedat e kryera mes administratorit të 5D Nestor Muhametllari, punonjës së kësaj kompanie Manjola Bunguri si dhe drejtoreshës së Tirana Parking, Eglantina Zëre.

Biseda e kryer mes shtetasve Nestor Muhametllari dhe Manjola Bunguri datë 23.09.2019:

Nestori: O Manjola, nga ajo lista që më dërgove ti nga Tirana Parking vetëm Ndregjoni dhe Turja kanë ngelur se të tjerët kishin ngatërruar ofertën. Këto duhen parë kur të kesh mundësi.
Manjola: Pa merak se i shikoj unë.

Biseda e datës 24.09.2019
Manjola: Nestor, Ndregjonit i gjeta plot mangësi. Se këtë kisha merak.
Nestori: Aaaaa shumë mirë. Shyqyr se atë kisha merak.

Biseda e datës 26.09.2019
Manjola: Nestor janë gati skualifikimet nesër në orën 9. Më vonoi pak Kevin Konstruksion se i kishte shumë të mira letrat, kurse Turja kishte plot mangësi.

Biseda e datës 28 shtator 2019
Nestori: O Manjola, taksirat e ke të shohësh pak edhe Shpresa.al se nuk po i japin dot drejtim.

Manjola: Ok pa merak.

Më pas, përjashtimet e kompanive që i caktonte punonjësja e 5D, Manjola Bunguri, i përcilleshin drejtorëshës së Tirana Parking Eglantina Zëre dhe miratoheshin formalisht nga Komisioni i Vlerësimit të Ofertave. Kjo sipas SPAK është faktuar nga bisedat mes Nestor Muhametllarit dhe drejtoreshës së Tirana Parking Eglantina Zëre.

Biseda e kryer në 24 shtator 2019:
Eglantina:C’bën mo… Do e mbyllim apo doni dru
Nestori: Ja kam dhënë Mannjolës, deri nesër mbyllet.

Bisedë e datës 28 tetor 2019:
Eglantina: është hedhur njoftimi i fituesit lal. Besoj sot e shpall APP dhe ecim përpara.

Me publikimin e fituesit edhe në Agjencinë e Prokurimeve Publike, drejtoresha e Tirana Parking uron Nestor Muhametllarin për tenderin.

Eglantina: Ecim tani, ta gëzosh.
Nestori: Thank You, jeni të paparë.

Por si episodi i “rikonstruksionit të sheshit të parkimit tek Selman Stermasi” ka edhe të tjera. Në një tender të zhvilluar nga Klubi Sportiv Tirana për rikonstruksionin e palestrës së mungjes, drejtoresha e këtij institucioni Deborah Keçi, i ka dhënë Nestor Muhametllarit usernamet dhe fjalëkalimet e anëtarëve të Komisionit të Vlerësimit të Ofertave.

Biseda e kryer në 1 dhjetor 2020:
Nestori: Deborah duhet të më dërgosh urgjent kodet e 3 anëtarëve të KVO
Deborah: teuta.guri123456789, jetjon.mera123456789, reinaldo.glerazi123456789
Nestori: Më duhet dhe useri i atij që ka hedhur procedurën
Deborah: joana mullara sporti2020
Deborah: Do e bëni ju vlerësimin tani?
Nestori: Po po patjetër, nesër.



Pra edhe këtu tenderi është fiktiv. Atë e di edhe vetë Deborah Keçi që është përgjuar në një vend të thotë me të drejtë: “Aman kujdes se mos përfundojmë në burg”. Edhe ajo e kupton paligjshmërinë e dhënies së fjalëkalimeve të anëtarëve të Komisionit të Ofertave, duke i mundësuar kompanisë 5D të bëjë vlerësimet dhe skualifikimet e ofertave të kompanive të tjera.

Siç kemi parë nga dokumenta të tjera të sekuestruara nga prokurorët, kjo nuk është vetëm një praktikë e ndjekur nga firma e Qatos dhe Mollës, por një epidemi korruptive që ka infektuar me gjasë gjithë bashkinë e Tiranës. Një tjetër drejtor i lartë i saj, Taulant Tusha, tashmë nën arrest edhe për aferën e inceneratorëve edhe për atë të kompanisë së drejtorëve, vepronte po njësoj për landfillin e Tiranës.

Përpara se shteti shqiptar të merrte një vendim për inceneratorin, ai i dëgonte fillimisht shkresat për miratim tek përfaqësuesi i tij, Klodian Zoto.

Pasi në gusht 2017, u nënshkrua kontrata me “Integrated Energy bv”, për impiantin e përpunimit të mbetjeve të Sharrës, qeveria dhe bashkia ishin në diskutime shkresore për mënyrën se si do të bëhej financimi i këtij koncesioni. Por dokumentat konfidenciale, njeriu më i afërt i Veliajt, Taulant Tushe, që më parë kishte qenë edhe anëtar i komisionit për dhënien e koncesionit, ia kalonte Klodian Zotos. Në emailet e këtij të fundit janë gjetur informacionet në “kohë reale”, për diskutimet qeveritare dhe për planin e financimit të bashkive të Qarkut Tiranë, përpara se vendimi të merrej në Këshillin e Ministrave. Dhjetë ditë para 31 majit 2018, ditës kur në mbledhjen e qeverisë u bë miratimi, Zoto mori nga Tusha e-mailin për planin e financimit.



Pra një gjë është e qartë. Sa herë dalin dokumenta shihet se ushtarët e Veliajt që paguhen si punonjës së shtetit kanë bërë në zyrat e bashkisë punën e privatit. Ata kana luajtur për llogari të tij, ose duke dhenë informacione ose më keq akoma duke shitur fjalkalimet e komisionerëve që duhej të bënin vlerësimin, ose duke i skualifikuar personalisht konkurentët.

Lapsi

[Albo]

Andi Bushati: Me paratë e ‘5 D’ janë blerë votat e Veliajt



Analisti Andi Bushati deklaroi sonte se është shumë me bazë pretendimi se Erion Veliaj është i përfshirë drejtpërdrejt në aferën ‘5 D’.

Bushati u shpreh tek të ‘Pa Ekspozuarit’ se drejtorët e Bashkisë e dinë që do shkojnë në burg, jo prej Qatos dhe Mollës, dhe se nuk kanë frikë sepse është Veliaj në mes.

‘Pse dyshohet të jetë Veliaj në skemën ‘5 D’, ngrenë këtë kompaninë që i japin paratë e Bashkisë, kalojnë paratë e Bashkisë tek xhepat e tyre.

Edhe drejtorët e tjerë e dinë se është i pari në mes prandaj binden. Drejtorët e dinë se shkojnë në burg jo prej Qatos dhe Mollës, dhe nuk kanë frikë sepse është Veliaj në mes.

Ja ku është prapë Erion Veliaj. Ka arritur absurdi deri në fund. Po paratë që kanë vjedhur ku i kanë çuar? I kanë investuar në betejën elektorale të Erion Veliajt.

Nuk mund të mos ta dinte Veliaj se ku shkonin lekët. Është organigramë e krijuar, që Erion Veliaj të bëjë para, që Veliaj të blejë vota.

Do të doja dikë përballë, që të arrijë të hedhë poshtë dyshimet e mia.’-tha Andi Bushati.

Syri

[Albo]

‘Doni dru? Ta kish mbyll kafsha’/ Zbardhen bisedat dhe mënyra si fitonte tenderat ‘5D’



Emisioni ‘Në shënjestër’, trajtoi këtë të mërkurë, arrestimet më të fundit të ndodhura në Bashkinë Tiranë, ku në prangat e SPAK, ranë Mariglen Qato dhe Redi Molla, me pozicione drejtuese në këtë bashki.

Këta të fundit në periudhën kur morën këto poste, themeluan kompaninë që sot mban emrin ‘5D Konstruksion’, ku ata ishin pronarë të fshehur, shoqëri tregtare që e ushqenin po vetë me tendera.

Dokumentari, pjesa e dytë:

Mariglen Qato dhe Redi Molla merreshin direkt edhe me punësimin apo shkarkimin e punonjësve të kompanisë. Kjo pozitë e tyre në kompani pohohet edhe nga një bisedë ku Nestor Muhametllari, administratori i shoqërisë, kur vinte puna për largime nga kompania, gjithmonë i referohej Mariglenit ose Redit. Biseda e mëposhtme e ilustron këtë situatë.

26 Korrik 2021

Tauland Cjapi i shkruan Nestor Muhametllarit.

Taulandi: Sot mora vesh qe të kanë thënë që hiqe Landin nga puna, dhe ju po më lini fëmijën pa bukë‘

Nestori: ‘O Land unë ty as të kam sjellë, as të kam hequr… Vendimi për ty më ka ardhur’.

Taulandi: ‘Ti i kishe thënë Merit që Landi s’bën asgjë. Kështu më tha në telefon. Ndërkohë që unë për kokë të çunit të kam kërku punë përditë’.

Por Nestor Muhametllari dhe Mariglen Qato kanë komunikuar me njëri-tjetrin edhe nëpërmjet një telefoni tjetër që administratori i kompanisë ‘5D Konstruksion’ kishte në përdorim. Ai i dërgon Qatos një dokument lidhur me një aplikim. Po kështu, Muhametllari ka komunikime edhe me Redi Mollën, pas një tenderi që kompania ‘5D Konstruksion’ ka fituar.

Hetimet

Nestor Muhametllari ka pasur komunikime me shtetasin Mariglen Qato, të regjistruar me emrin ‘Meri Qato’. Ku në një nga bisedat i dërgon edhe një dokument që e përshkruan si ‘aplikimi për në Yzberisht’.

Nestori ka komunikime edhe me shtetasin Redi Molla, ku bisedojnë për t’u takuar. Ata flasin për një procedurë prokurimi që ka për objekt kryerjen e punimeve në vendin e quajtur ‘Liqeni i Thatë’, e cila është fituar nga shoqëria ‘5D Konstruksion’ sh.p.k.

Megjithatë ajo që ka përbërë rëndësi për grupin hetues, është ‘Ortaku 1’ dhe Ortaku 2. Në shënimet e tij Nestor Muhametllari, i referohet Mariglen Qatos dhe Redi Mollës.

Hetimet

Në kompjuterin e përdorur nga ekonomistja Jonida H, u gjet një e-mail i datës 3 Maj 2017, në drejtim të adresës elektronike mariglenqato@gmail.com.

Ku në dokumentin ‘Ditari total’ për periudhën nga data 1 Janar 2019-31 Dhjetor 2019, janë pasqyruar me hollësi pagesat dhe arkëtimet e shoqërisë. Nga ku rezulton se ‘Ortaku 1’ ose ndryshe O1, është i njëjtë me personin me inicialin (R), që është shtetasi Redi Molla. Kurse ‘Ortaku 2’ ose ndryshe O2, është i njëjtë me personin me inicialin (M) që është shtetasi Mariglen Qato.

Jonida H. ka një komunikim të vazhdueshëm me shtetasit Mariglen Qato dhe Redi Molla, çka provon faktin se këta të dy janë pronarët faktikë të kësaj shoqërie tregtare.

Shefja e Financës i shkruan personit me emrin Redi:

‘Ta dish që po shmangem totalisht nga funksionet në këtë kompani, përderisa Nestori e bën, e ke autorizuar ti. Ok vazhdoni kështu po nga mua mos kërko më asnjë info’.

‘Redi’ i përgjigjet: ‘Mendoj qe je duke e ekzagjeruar pak. Info sigurisht që do vazhdosh të më japësh. Se kjo që thua ska kuptim’.

9 Janar 2023

Jonida H. komunikon me Mariglen Qaton.

‘Nuk e di pse ishte ky mesazh gjithsesi të falenderoj për sugjerimin.

Unë mendoj që nuk duhet të nxitohesh në përfundime të tilla sepse për momentin e di që të kanë fryrë.’

Në një moment tjetër punonjësit flasin edhe për një inspektim nga ana e Tatimeve, ku siç del nga përgjimet inspektorët kishin parë diçka që nuk diuhet ta shikonin dhe për një përplasje të madhe midis administratorit dhe shefes së financës në kompaninë ‘5D Konstruksion’.

6 Janar 2023

Algert Çifliku komunikon me Jonën.

Jona: ‘Koleg, kam lajme, këtej nga zyra, plasi lufta, u grin Nestori me Jonidën.

Se ke idenë ça lufte po të them. Erdhën tatimet për kontroll në mëngjes. Pa na thënë asgjë…Duke prekur dhe hapur çdo gjë pa leje. Se çkapën ca gjëra që s’duhet t’i shifnin’.

Algert: ‘Do hanë vetë kokat’.

Jona: ‘U bë nami pzz… Të shikojmë si do vazhdojë seriali… Vetëm unë dhe ti ee.. Dhe po u përmend nga ata lart,.. Bëj sikur sdi gjë… Habitu’.

Në një tjetër bisedë Jona B., e cila punon në kompaninë ‘5D Konstruksion’ flet e shqetësuar edhe për urdhërin që asaj i është dhënë për t’u marrë me zgjedhjet e 14 Majit edhe pse ajo është punonjëse në një kompani private. Ky urdhër vjen pasi pronari i saj i vërtetë, është drejtor në Bashki dhe ka nevojë për vota.

Bisedat

Në biseda Jona B. flet për pronarët e shoqërisë dhe aktivitetin e kompanisë.

Më datë 7 Prill 2023 ajo i shkruan një personi: ‘Kanë marrë shefin tim nga njësia e Laprakës duke ditur që pronari është i shtetit dhe i kanë thënë thuaj Jonës të angazhohet me zgjedhjet…

Uaaa u habita.

Ça veni imagjino. Me u marr me ty edhe nëse punon në privat……

Me bo 1 buzë shtremët si puna këtij pronarit tim….Pfff….Tu më thënë ky drejtori bashkisë…..’

Më datë 6 Janar 2023, Jona B. i dërgon bashkëbiseduesit një foto ku duket një objekt.

Jona: ‘Këtë hotelin po e bëjmë ne.

Ështe aks, pronari jon Lali Eri’….

Jona: Dhe unë marr vetëm 600 mijë lekë të qelbta’

SPAK ka pretendimet e veta se zyrtarët e bashkisë, të vënë tashmë në pranga, në kundërshtim të hapur me ligjin, i kanë dhënë tendera të shumtë kompanisë së tyre, pavarësisht nëse i plotësonte kriteret apo jo. Pas kompanisë ‘5D Konstruksion’, ku qendronin Mariglen Qato dhe Redi Molla, është hetuar një sërë procedurash prokurimi të zhvilluara nga Autoriteti Kontraktor ‘Ujësjellës Kanalizime Tiranë’ sh.a., autoritet në të cilin Redi Molla dhe Mariglen Qato kanë mbajtur pozicionet drejtuese.

Hetimet

Shoqëria ‘5D Konstruksion’ sh.p.k ka marrë pjesë në disa procedura prokurimi të shpallura nga autoriteti kontraktor ‘Ujësjellës Kanalizime Tiranë’ sh.a, ku edhe është shpallur fituese dhe ka lidhur kontrata për punë/shërbime publike.

Në kohën që kjo shoqëri ka marrë pjesë në disa prej këtyre procedurave dhe është shpallur fituese, Redi Molla ka pasur cilësinë e titullarit të autoritetit kontraktor, ndërsa Mariglen Qato ka pasur cilësinë e Kryetarit të Komisionit të Vlerësimit të Ofertave.

Po kështu, hetimi zbuloi edhe lidhjet e anëtarëve të komisioneve vlerësuese me Redi Mollën dhe Mariglen Qaton, nga ku dilte shpesh që punonjësit e kompanisë ‘5D Konstruksion’ mbanin kontakte me anëtarët e Komisioneve Vlerësuese të Ofertave dhe i dorëzonin dokumentet jashtë afatit ligjor. Ndërsa kompania shpallej fituese, edhe pse nuk plotësonte kriteret ligjore dhe në kushte të tillë duhet të skualifikohej.

Një nga këto komunikime është edhe ai midis drejtorit të Punëve Publike në Bashkinë e Tiranës dhe Nestor Muhametllarit, për ndërtimin e një shkolle, ku Taulant Tusha, sipas SPAK, është në dijeni se pronari i vërtetë i kompanisë nuk është Muhametllari, por Qato dhe Molla.

Taulant Tusha i ka dërguar personit tjetër një folder ku përmendet emri ‘Hasan Vogli’.

Taulant Tusha: Nuk e kuptoj pse nxitohen…… Thuaj Nestorit fol me Anjezën për projektin.

Lidhur mbi bisedën e mësipërme, nga hetimet ka rezultuar se Bashkia Tiranë ka realizuar procedurën e prokurimit me objekt ‘Rindërtimi i 8 objekteve arsimore në Bashkinë Tiranë-Ndërtim i shkollës Hasan Vogli’, e cila është zhvilluar më datë 10 Gusht 2020 dhe kontrata është lidhur më datë 30 Shtator 2020.

Personat që përmenden në këtë bisedë janë shtetasi Nestor Muhametllari, ortak dhe administrator i shoqërisë ‘5D Konstruksion’ sh.pk, si dhe shtetaset Anjeza Çallpati dhe Ilda Qazimllari, punonjëse në Drejtorinë e Planifikimit të Punëve Publike pranë Bashkisë Tiranë.

Komunikimi i mësipërm dëshmon faktin se shtetasi Taulant Tusha, i cili ka patur cilësinë e Drejtorit të Përgjithshëm të Drejtorisë së Planifikimit të Punëve Publike dhe cilësinë e anëtarit të KVO-së. ka pasur komunikime me bashkëbiseduesin e mësipërm i cili është një person që ‘urdhëron’ dhe ‘udhëzon’ shtetasin Nestor Muhametllari për mënyrën se si duhet të veprojë për punët e shoqërisë ‘5D Konstruksion’ sh.p.k. ku vetë ku i fundit është administrator i shoqërisë.

Një tjetër bisedë po kaq interesante është edhe ajo midis Nestor Muhametllarit dhe Manjola Bungurit, për projektin ‘Tirana Parking’, ku kjo e fundit kujdeset që të gjejë mangësi konkurrentit të mbetur në garë të kompanisë ‘5D Konstruksion’ dhe shpreh kënaqësinë e saj që më në fund i ka gjetur shumë të tilla. Ajo që është edhe më interesante është fakti se Manjola Bunguri është punonjëse në kompaninë ‘5D Konstruksion’ dhe si e tillë ka përgatitur edhe letrat për skualifikimin e kompanive të tjera në garë, duke kryer kësisoj rolin që duhet të bënte komisioni i vlerësimit të ofertave.

Bisedat / 23 Shtator 2019

Nestori: ‘Manjola nga ajo lista që më dërgove ti nga ‘Tirana Parking’, vetëm Ndregjoni dhe Turja kanë ngelur se të tjerët kishin ngatërruar ofertën……

Këto duhen pa, kur ta kesh mundësinë ti…

Manjola: ‘Nestor, Ndregjonit i gjeta plot mangësi. Se këtë kisha merak’.

Nestori: ‘Aa shumë mirë.. Shyqyr se atë kisha merak’.

24 Shtator 2019.

Nestor Muhametllari bisedon me Eglantina Zëre, Drejtore e ‘Tirana Parking’.

Eglantina: ‘Çbën mo… Do e mbyllim apo doni dru’.

30 Shtator 2019.

Nestori: ‘Të vazhdoj Kiço?Ta mbyllë?’.

Eglantina: ‘Ta kish mbyll që të premten kafsha, urgjent’.

28 Tetor 2019

Eglantina: ‘Është hedhur njoftimi për fituesit lal’

30 Tetor 2019.

Eglantina i shkruan Nestorit.

‘Ecim tani, ta gëzosh’

Nestori: ‘Thank you ‘Jeni të paparë’.

Nga hetimi rezulton se vlerësimin e ofertave nuk e kanë bërë anëtarët e KVO-së, por Manjola Bunguri, punonjëse në shoqërinë ‘5D Konstruksion’ sh.p.k.

Një tjetër tender i përfituar nga kompania ‘5D Konstruksion’ në kohën kur kjo shoqëri mbante emërtimin ‘VAS Construksion’ është ajo në lidhje me procedurën e prokurimit të autoritetit kontraktor Klubi Sportiv ‘Tirana’, institucion në varësi të Bashkisë Tiranë, me objekt ‘Rikonstruksion Palestra e Mundjes’.

Hetimet

Në kontekstin e zhvillimit të kësaj procedure prokurimi, nga të dhënat e marra gjatë hetimit paraprak, janë gjetur dhe siguruar komunikime midis shtetasit Nestor Muhametllari (administrator i operatorit fitues ‘VAS Konstruksion’ sh.p.k) dhe shtetases Deborah Keçi (titullare e Autoritetit Kontraktor). Nga të cilat rezultojnë të dhëna të cilat mbështesin faktin se operatori ekonomik ‘VAS Konstruksion sh.p.k është favorizuar në mënyrë të padrejtë në këtë procedurë prokurimi.

30 Tetor 2020

Deborah: ‘Nestor, prapë s’më solle njeri sot’.

31 Tetor 2020.

Nestori: ‘Debora… Preventivin ta kemi dërguar ..E ke gati’.

2 Nëntor 2020.

Deborah Keçi i shkruan Nestorit.

‘Do t’i bëjmë bashkë?… Se jam në time limits për ta hedhur… Se më digjet si fond’.

Nestori: ‘Do përpiqemi ti bëjmë…

1 Dhjetor 2020.

Nestori: ‘Duhet të më dërgosh kodet e 3 anëtarëve të KVO-së’.

Deborah: ‘Do e bëni ju vlerësimin tani?’,

Nestor: ‘Po po, patjetër… nesër’.

7 Dhjetor 2020.

Deborah: ‘Vetëm aman shikojini tamam se mos hamë nai burg’.

Nestor: ‘Do i them juristes ta shofi nesër. Ti do dalësh nesër apo je pushim?’.

Deborah: ‘Edhe dal… Te ishim takuar ti shikonim pak… Me kujdes se kam pak frikë’.

9 Dhjetor 2020.

Nestor: ‘E mbylli Debora’.

Deborah: ‘Hajt për hajër… Më dilni për zot tani’.

Sipas SPAK, Deborah Keçi në cilësinë e drejtueses së ‘Klubit Sportiv Tirana’, është dakordësuar për fituesin që në fazën e përgatitjes së dokumenteve, ende pa u shpallur procedura. Ndërsa Nestor Muhametllari dhe punonjësit e tjerë të shoqërisë ‘VAS Konstruksion’ sh.p.k. kanë përgatitur preventivin e punimeve, duke pasur userat dhe fjalëkalimet e anëtarëve të KVO-së, dhe kanë kryer vetë vlerësimin e ofertave dhe dokumenteve të depozituara nga operatorët e tjerë ekonomikë. Ndërkohë, Mariglen Qato dhe Redi Molla kanë fshehur në deklaratën e tyre të pasurisë faktin që indirekt kanë qenë pronarë të kompanisë ‘5D Konstruksion’.

Hetimet

Nga data 6 Shtator 2023 dhe në vazhdim rezulton se Mariglen Qato ushtron funksionin e administratorit të shoqërisë ‘Tirana DC’ sh.a, shoqëri aksionare 100 % në pronësi të Bashkisë Tiranë.

Për shkak të këtij funksioni Qato është subjekt i deklarimit të pasurisë dhe ka depozituar pranë I.L.D.K.P.I-së deklaratën e interesave private para fillimit të detyrës, të dorëzuar më datë 5 Tetor 2023. Nga ku del se ka fshehur faktin se ka në zotërim të tërthortë shoqërinë ‘5D Konstruksion’ sh.p.k,

Po kështu del se Redi Molla dhe Mariglen Qato janë pronarët ‘de facto’ të shoqërisë ‘5D Konstruksion’ sh.p.k, nga momenti i themelimit të saj dhe në vazhdim. Duke e drejtuar dhe kontrolluar atë dhe marrë vendime për veprimtarinë e shoqërisë tregtare si dhe duke marrë përfitime financiare nga aktiviteti tregtar i shoqërisë.

SPAK ka provuar po kështu edhe miqësinë e hershme midis Mariglen Qatos dhe Redi Mollës, e cila më pas ka shërbyer që të dy të themelojnë kompaninë ‘5D Konstruksion’, të cilën më tej ata e ushqyen me tendera, gjatë kohës që ishin drejtues në Bashkinë e Tiranës.

Hetimet

Në periudhën nga muaji gusht 2015 deri në muajin shkurt 2016, Redi Molla dhe Mariglen Qato kanë punuar së bashku në të njëjtin institucion, në Drejtorinë e Përgjithshme të Rrugëve dhe Ndriçimit Publik.

Më 24 Shkurt 2016, Molla është emëruar Drejtor i Përgjithshëm i shoqërisë ‘Ujësjellës Kanalizime Tiranë’ sh.a. ndërsa Mariglen Qato më datë 16 Mars 2016 është emëruar Drejtor í Departamentit Mbështetës në shoqërinë ‘Ujësjellës Kanalizime Tiranë’ sh.a.

Gjatë kohës që Redi Molla ka ushtruar finksionin e Drejtorit të Përgjithshëm të shoqërisë ‘Ujësjellës Kanalizime Tiranë’ sh.a, shoqëria tregtare ‘Igor Elektrik’ sh.p.k ose ‘VAS Konstruksion’ sh.p.k ka marrë pjesë dhe ka fituar 7 procedura prokurimi.

Roli i drejtorit Redi Molla në fitimin e këtyre tenderave që po i kalonin kompanisë së themeluar nga ai në bashkëpunim me Mariglen Qaton, duket se ka qenë edhe më i drejtëpërdrejt. Kjo po të kihet parasysh se Molla kishte edhe tagrin të zgjidhte anëtarët e komisioneve vlerësuese të ofertave.

Hetimet

Në këto prokurime Redi Molla ka patur cilësinë e titullarit të autoritetit kontraktor, si dhe ka qenë personi që ka urdhëruar kryerjen e prokurimit, përbërjen e njësisë, si edhe anëtarët e Komisionit të Vlerësimit të Ofertave.

Ku ka nënshkruar kontratat e sipërmarrjes me shoqërinë ‘Igor Elektrik’ sh.p.k ose ‘VAS Konstruksion’ sh.p.k, si edhe ka kryer çdo veprim tjetër që lidhet me cilësinë e titullarit të autoritetit kontraktor.

Po kështu gjatë kohës që Mariglen Qato ka ushtruar funksionin e Drejtorit të Departamentit Mbështetës në shoqërinë ‘Ujësjellës Kanalizime Tiranë’ sh.a, në 4 procedura prokurimi në të cilat është shpallur fitues shoqëria ‘Igor Elektrik’ sh.p.k. ai ka qenë anëtar i Komisionit të Vlerësimit të Ofertave, i caktuar nga titullari, Redi Molla.

Gjatë kohës që Redi Molla ka ushtruar funksionet e tij si zyrtar publik në Bashkinë e Tiranës, ai ka përfituar nga qeveria edhe dhënien e një statusi special, atë të ndërtimit të një hoteli me 5 yje në Durrës, nga kompania ‘Mediterranean Investment Group’ që u themelua në shtator të vitit 2020.

Një prej aksionerëve me 24 % të kapitalit ishte Selim Molla, babai i Redi Mollës, i cili para se të ndahej nga jeta ia kaloi aksionet të birit. Më 1 Mars 2024, Redi Molla mori 100 përqind të kapitaleve të kompanisë, për një afat 5 vjeçar.

Syri

[Albo]

Afera korruptive në Bashkinë Tiranë/ Drejtori i besuar i Veliajt ka telefonuar mbi 1-mijë herë administratorin e '5D'



Lidhjet e drejtorëve të besuar të Erion Veliajt me kompaninë "5D" provohen në çdo fashikull të dosjes. Mijëra thirrje telefonike janë realizuar shtatori i 2019 deri më qershor të 2023, mes drejtorëve të Erion Veliajt, Mariglen Qatos, Redi Mollës dhe administratorit të kompanisë "5D" Nestor Muhametllarit.

Në dosjen hetimore të SPAK saktësohet se mes Nestor Muhametllarit dhe Mariglen Qatos ka pasur 1011 thirrje telefonike në 4 vite. Ndërsa me Redi Mollën, Nestor Muhametllari ka zhvilluar 528 thirrje telefonike.

"Shtetasi Nestor Muhametllari për periudhën nga data 20.09.2019 deri në datën 07.06.2023 ka pasur 1011 thirrje telefonike (duke përfshirë edhe thirrjet të humbura) me shtetasin Mariglen Qato, me nr.0692072042, i rregjistruar me emrin "Mer Qato". Për periudhën e mësipërme shtetasi Nestor Muhametllari ka pasur gjithashtu kontakte telefonike me shtetasin Redi Molla me numer telefoni nr.0692582402, ku përfshihen 528 thirrje telefonike, kontakt i regjistruar me emrin Redi Molla", thuhet në dosjen hetimore të SPAK.

Më 28 mars, GJKKO vendosi 9 masa sigurie për drejtorët dhe zytarët e Bashkisë së Tiranës, mes të cilëve në pranga ranë Mariglen Qato dhe Redi Molla.

Nga hetimet e SPAK-ut ka rezultuar se Molla dhe Qato janë pronarët "de facto" të kompanisë "5D Konstruksion", nëpërmjet së cilës janë përfituar me dhjetëra tenderë në shkelje të ligjit.


Syri

[Albo]

'Balkan Insight': Drejtorët e Erion Veliajt u përfshinë edhe në manipulimin zgjedhor

Rrjeti ndërkombëtar Balkan Insight, publikoi sot në versionin anglisht pjesë nga investigimi për skandalin e kompanisë së drejtorëve të Erion Veliajt.

Në shkrim thuhet se drejtorët e Veliajt janë të implikuar edhe në manipulimin industrial të zgjedhjeve të prillit 2021.

PJESË NGA SHKRIMI

Në prill 2021, gjatë fushatës për zgjedhjet parlamentare të qershorit të atij viti, shtetasja J.B., e cila mendonte se punonte në një kompani private, i komunikon një shokut të vet duke i thënë se dikush kishte marrë administratorin e kompanisë 5D Konstruksion nga Lapraka, duke i kërkuar që ajo të dalë në fushatë zgjedhore, besohet, për Partinë Socialiste.

“Kanë marrë shefin tim nga njësia e Laprakës, duke ditur se pronari është i shtetit dhe i kanë thënë, thuaj J. të angazhohet me zgjedhjet,” citohet punonjësja në një vendim për masë sigurie të Gjykatës së Posaçme.

Partia Socialiste i fitoi zgjedhjet e atij viti mes akuzave për abuzim masiv me burimet shtetërore, një sistem kontrovers të përdorimit të punonjësve të administratës për të mbledhur vota dhe një listë zgjedhësish ku çdo njëqind shtetas kishin një zyrtar partie mbikëqyrës të njohur si “patronazhist”.

Sistemi dukshëm nuk ishte i kufizuar vetëm te punonjësit e administratës publike, por edhe te kompani, nominalisht private, të cilat, në fakt akuzohet se i përkiste dy drejtorëve të Bashkisë së Tiranës, Redi Molla dhe Mariglen Qato. Të dy u arrestuan me urdhër të SPAK javën e kaluar, ndërsa gjashtë zyrtarë të tjerë të bashkisë u akuzuan gjithashtu për shkelje të barazisë në tenderë dhe vepra të tjera penale.

Dosja prej 120 faqesh e përgatitur nga Prokuroria për të argumentuar kërkesat për masa sigurie para Gjykata e Posaçme e Shkallës së Parë për Korrupsionin dhe Krimin e Organizuar, detajon se si Molla dhe Qato morën dividentë, ndërsa pronari nominal, një bukëpjekës në Tiranë, paguhej në mënyrë informale me një rrogë nga kompania që supozohej se e kishte nën pronësi.

Prokuroria vëren gjithashtu se si, pa ndonjë përpjekje të madhe për të maskuar natyrën kriminale të transaksioneve, kompania që fitonte miliona euro tenderë dhe kishte miliona lekë fitime të pashpërndara, shitej nga një aksioner te një tjetër përkundrejt çmimit nominal të aksionit, 100 lekë gjithsej. Prokuroria pretendon gjithashtu se shkeljet e bëra nga zyrtarët e shtetit për të dhënë kontrata punimesh publike për këtë kompani ishin të shumta, për shkak se kompania ishte e re dhe nuk kishte kurrfarë aktiviteti për të justifikuar plotësimin e kritereve tenderuese, të tilla si xhiroja apo suksesi në zbatimin e projekteve të mëparshme.

Përgjimet e komunikimeve mes punonjësve të ndryshëm të kompanisë sugjerojnë gjithashtu se pronësia e Qatos dhe Mollës mbi kompaninë ishte një sekret që e dinin të gjithë dhe as nuk kishte ndonjë përpjekje shumë të fortë për ta mbajtur të maskuar. Përgjimet paraqesin gjithashtu një mjedis pune të dominuar nga sherret dhe presioni, punonjës që marrin qetësues për të fjetur gjumë dhe një inspektim të çuditshëm nga ana e Tatimeve, në të cilën inspektorët tatimorë “kishin parë diçka që nuk duhej të shihnin”.

Historiku i suksesit të kompanisë 5D Konstruksion buron sipas SPAK nga pozicioni publik i aksionerëve të fshehtë të saj. Kompania arrinte të fitonte tenderë të panumërt në institucionet e Bashkisë Tiranë, por nuk ishte në gjendje të fitonte tenderë në institucione të tjera publike nën varësi të zyrtarëve të tjerë socialistë.

Hetimi zbulon gjithashtu se paratë që besohet se iu vodhën shqiptarëve me tenderë të manipuluar u investuan në ndërtim pallatesh. Të dhënat e Qendrës Kombëtare të Biznesit tregojnë se pas vitit 2021, kompania nisi ndërtime në pesë objekte, kryesisht pallate banimi dhe një hotel në Durrës.

Në fakt, në lidhje me hotelin në Durrës, kompania u pajis edhe me statusin special të dhënë nga qeveria e kryeministrit Edi Rama, status që i fal kompanisë taksa dhe i ngarkon taksapaguesit me mbulimin e kostove të shërbimeve bazë si ujë, kanalizime, etj..

Syri

[Albo]

'Do e bëjmë fshatin si qytet'/ Si reklamonte Veliaj tendera miliona euro që i dha kompanisë së 5 drejtorëve të tij të besuar



Në mes të Korrikut të vitit 2022, zyra e Shtypit e Bashkisë së Tiranës shpërndau një kasetë të gatshme, ku shfaqej Erion Veliaj gjatë inspektimit të punimeve për rindërtimin e shkollës “Dritas” në zonën e Zall-Herrit, të shkatërruar nga tërmeti i 26 nëntorit 2019.

Veliaj premtoi se shkollat e fshatit do të ishin njëlloj, në mos më të mira se të qytetit.

“Parimi është që edhe nxënësit e Zall-Herrit të kenë një shkollë me të njëjtën cilësi, standard dhe hapësira si çdo shkollë tjetër që po bëjmë në Tiranë. Shumë prej shkollave në ish Bllok nuk kanë as gjysmën e këtij standardi…”, deklaroi kryebashkiaku.




Sipas dokumentave që ka konsultuar “Boldnews.al” rezulton se shkolla “Dritas” ishte pjesë e programit të Rindërtimit. Tenderi për ngritjen e godinës së re, me fond mbi 1.5 milionë euro, u zhvillua nga Bashkia e Tiranës në maj 2021 dhe fitues u shpall një bashkim operatorësh, i drejtuar nga kompania “V.A.S Construction”, e njohur më pas me emrin “5D Konstruksion”.

Më herët, e njëjta kompani, ishte pjesë e grupit ekonomik që fitoi një tjetër tender për Rindërtim shkolle në kryeqytet.

Në shtator 2020, “V.A.S Construction” fitoi kontratën me vlerë 2.5 milionë euro. Edhe për këtë investim, nuk mungoi reklamimi i Veliajt, gjithnjë nëpërmjet kasetave të gatshme.



“Shkolla “Hasan Vogli” me gjasë do imponojë këtë estetikë dhe këtë kulturë në gjithë këtë komunitet. Unë mezi pres të marr aplikimet nga pallatet përreth…”, deklaroi Veliaj në ceremoninë e inagurimit, në Tetor të vitit 2022.

Kompania “V.A.S Construction” (“5D” shpk) është kontrolluar nga drejtorët e tij më të rëndësishëm, Mariglen Qato, Redi Molla dhe Taulant Tusha, sipas hetimeve të zhvilluara së fundmi nga Prokuroria e Posaçme, SPAK.



Kryebashkiaku Erion Veliaj ka zgjedhur rolin e të paditurit.

Në një intervistë dhënë në “Opinion” rreth një vit më parë, Veliaj deklaroi se nuk ka asnjë dijeni që drejtorët e tij të jenë pjesë e ndonjë kompanie private që ka fituar tendera në bashkinë e Tiranës, duke iu përgjigjur me mohim akuzave publike që vinin për këtë fakt nga Partia Demokratike në opozitë.

Nëse merren të mirëqena deklarimet publike të Veliajt, duket se ai është i vetmi person në Bashkinë e Tiranës që nuk ka pasur informacion se “5D” shpk (e njohur më parë si “V.A.S Construction” apo “Igor Electric”) zotërohej nga bashkëpunëtorët e tij më të ngushtë.

Të dhënat e publikuara në media nga dosja hetimore e SPAK-ut dëshmojnë se një numër i konsiderueshëm personash, përfshirë zyrtarë të lartë të Bashkisë së Tiranës apo punonjës të thjeshtë të kompanisë “5D”, ishin në dijeni të pronarëve realë të shoqërisë, të cilët, sipas Prokurorisë së Posaçme dyshohet se janë Mariglen Qato dhe Redi Molla.

“Pazaret” për shkollën “Hasan Vogli”

Në një pasazh të dosjes hetimore, thuhet ndër të tjera:

Gjatë hetimeve paraprake, nga kontrolli i ushtruar në zyrën e shtetasit Nestor Muhametllari (pronari në letra i kompanisë “5D” shpk, shën.red), nga vëzhgimi i pajisjeve telefonike e kompjuterike të sekuestruara, ka rezultuar se në njësinë kompjuterike të sekuestruar këtij shtetasi është gjetur një foto e komunikimit me shtetasin Taulant Tusha (Drejtor në bashkinë e Tiranës, shën.red), në aplikacionin Whatsapp.



Sipas përmbajtjes së këtij komunikimi, shtetasi Taulant Tusha i ka dërguar një personi tjetër një folder, me emërtimin “Mangësitë.doc” dhe në komunikim përmendet emri “Hasan Vogli”.

Më tej, midis tyre zhvillohet biseda si më poshtë:

Bashkëbiseduesi: Kush e solli këtë?

Taulant Tusha: Dr ime. (drejtoria ime)

Bashkëbiseduesi: T’i plotësoj sot me urgjencë. Po ja çoj.

Taulant Tusha: Nuk e kuptoj pse nxitohen….Thuaj Nestorit, fol me Anjezën për projektin.

Bashkëbiseduesi: I kam thënë unë shpejt, shpejt….. Ok.

Taulant Tusha: Se Ilda qenka 1….

Bashkëbiseduesi: Direkt.

Sipas SPAK-ut, lidhur me bisedën e mësipërme, nga hetimet ka rezultuar se Bashkia Tirane ka realizuar procedurën e prokurimit me referencë nr.REF-67231-07-28-2020, me objekt “Rindërtimi i 8 (tetë) objekteve arsimore në Bashkinë Tiranë-Ndërtim i shkollës ‘Hasan Vogli”, e cila është zhvilluar në datên 10.08.2020 dhe lidhur kontrata në datën 30.09.2020.

Në datën 09.09.2021 është nënshkruar marrja e përkohshme e objektit në dorëzim. Të dhënat tregojnë se data e modifikimit të fundit të këtij imazhi është data 25.11.2020.

Po ashtu, rezulton se personat që përmenden në këtë bisedë janë shtetasi Nestor Muhametllari, ortak dhe administrator i shoqërisë “5D Konstruksion” sh.p.k, si dhe shtetaset Anjeza Callpati dhe Ilda Qazimilari, punonjëse në Drejtorinë e Planifikimit të Punëve Publike pranë Bashkisë Tiranë.



Komunikimi i mësipërm dëshmon faktin se shtetasi Taulant Tusha, i cili ka patur cilësinë e Drejtorit të Përgjithshëm të Drejtorisë së Planifikimit të Punëve Publike dhe cilësine e anëtarit të Komisionit të Vlerësimit të Ofertave, ka pasur komunikime me bashkëbiseduesin e mësipërm, i cili është një person që “urdhëron” dhe “udhëzon” shtetasin Nestor Muhametllari per mënyrën se si duhet të veprojë për punët e shoqërise “5D Konstruksion” sh.p.k. ku vete ai i fundit është administrator i shoqërisë.

Ky komunikim krijon dyshime se shtetasi Taulant Tusha ka pasur dijeni ne lidhje me pronarët e vërtetë të shoqërisë “5d Konstruksion” sh.p.k dhe njëherësh ka dijeni për faktin se shtetasi Nestor Muhametllari është vetëm i punësuar në këtë shoqëri dhe interesohet që ky i fundit të komunikojë me punonjës të drejtorisë së tij, me qëllim ndreqjen e mangësive në projektin me objekt “Ndërtim i shkollës “Hasan Vogli”.

Syri

[Albo]

Blloku i milionave/ Gjenden shënimet ku drejtorët e Veliajt investonin paratë e vjedhura



SYRI TV ka zbardhur dosjen hetimore ku janë kryer 23 pagesa apo marrje detyrimesh në vlerë mbi 33 milion e 550 mijë lekë të reja, ose 335 milion e 500 mijë lekë të vjetra janë zbardhur nga një bllok shënimesh të gjetura në banesën e Nestor Muhametllarit që mbante mbishkrimin “Notes”. Bëhet fjalë për pagesa rrugësh, agjensishë, projektesh, etje (f10).

Ndërkohë në zyrën e Muhametllarit në kompanisë “5D Konstruksion”, është gjetur tjetër bllok me mbishkrimin “Baylan”. Në shënimet përkatëse thotë SPAK, është pasqyruar fakti se Redi Molla ka marrë shumën prej 11 milion lekë të rinj nga fitimi i relizuar në vitin 2018 nga “5D”. Ndërkohë në të njëjtim bllok shënimesh rezulton se Mariglen Qato ka marrë 4 milion lekë. Bie në sy fakti se “5D konstruksion”, shtriheshin në përfitimet e tyre edhe jashtë Tiranës. Kështu, në bllok shënohen disa vlera me mbishkrimet:

“Investuar në Lushnje 7. 754. 365 L”.

“Investuar në Lanabregas 13. 593. 868 L”,

“Investuar në Burrel 2. 500. 000 L”

“Investuar në Karpen 2. 000. 000 L”

“Për tu arkëtuar 40. 976. 305 L”

Një tabelë tjetër në bllokun e sekuestruar, përshkruan se i është kthyer Redi Mollës shuma prej 32 milion e 500 mijë lekë të reja, e zbritur nga shuma totale preh 134 milion e 810 mijë lekë. Shuma është e përafërt me neton e devidentit të shpërndarë nga “5D” më 30 qershor 2020, kur ortak i vetëm i shoqërisë ishte Muhamet Petriti.

Në një bllok tjetër të punonjësit Mariglen Lika, bëhet fjalë për një mbledhje stafi e “5D”, ku përfshihet edhe emri i drejtorit Redi Molla si pjesmarrës, e ku parashikohet ndarje e përgjegjësive të anëtarëve të shoqërisë, objektivat dhe organizimi.

SPAK thotë se Nestor Muhametllari nuk kishte kontakt të drejtëpërdrejtë me Muhamet Petritin, por rolin e ndërmjetësit e bënte Alfred Qato, vëllai i Mariglen Qatos. Alfredi interesohet për një pagesë, ku ndër të tjera evidentohen bisedat si me poshte.

Biseda e dates 12.08.2020.

Alfred: "Nestor si je".

Nestor: "Mire Fredi si je ti ?"

Alfred: "Neser hajde nga ora 10 qe te vem te banka.

Alfred: "Tha Meri" (Mariglen Qato)

Nestor： “0k.

Alfred: Takohemi te furra rruga elbasanit.

Nestor: ok.

Biseda e dates 17.08.2020.

Alfred: "Nestor si je te kishi ber ate kerkesen neser per ato... Sa kan ngel ato"

Nestor: "Mire Fred si kalove ti... nuk na i ben njeri neser ato".

Alfred: "Pse".

Nestor: "Do bejme nje kerkese giate javes per nje pjese... Po se duan justifikim te

besueshem".

Alfred: "Ok... Me thuaj kur se vini... Se une do jem jasht tirane... (“Që ti them merit")

Nestor: "Te them une... Ta bejme kerkesen te enjte per te premten... Si do na thoi ajo

gaca. Te banka".

Alfred: "Ne rregull... Vetem me thuaj qe te lajmeroj Merin".

Nestor: "ok:

Në daten 20.08.2020 shtetasi Alfred Qato i dergon shtetasit Nestor Muhamellari me mesash kontaktin e telefonit te shtetasit Muhamet Petriti, me permbajtjen "Met Petriti” dhe nr përkatës të celularit

Ndersa Nestor Muhametllari i pergjigjet "ok, se flas une".

25. Ne datën 10.03.2021 shtetasi Nestor Muhametllari ka pasur komunikime te tjera me shtetasin Alfred Qato, të lidhura me shtetasin Muhamet Perriti, si me poshte:

Nestori: "Fred si kalove, si je ti?... Ato i kane kaluar Merit.. Te shkoj ti terheqi 2 here nga 5 te mos e bezdiain.. Dhe i mbaroj taksiratet".

Alfred: "Mir si je. Po deshe hajde mere nji dit dhe mbarojeni atije ku njef ti.

Nestor: "oki… Edhe ashtu e bejme".

Alfred: "Ti them neser nga ora 10,.. te rruga elbasanit".

Nestor：'ok".

Alfred: "hajde atje… Dhe mbarojeni".

Nestor: "ok".

Biseda e datës 11.03.2021.

Alfred: "Gjes... Po të pret Meti te furra"

Nestor: "mgjesi... Po po, duke ardhur jam".

Nga te dhenat e llogarise bankare te shtetasit Muhamet Petriti prane Bankes BKT, ka rezultuar se ne llogarine bankare te tij eshte transferuar ne datën 22.07.2020 shuma prej 25,000,000 leke me pershkrimin "shpërndarje dividenti viti 2019", transferuar nga shoqerua "VAS Konstruksion" sh.p.k.

Kjo shume eshte terhequr pjese-pjese nga shtetasi Muhamet Petriti

ne daten: 03.08.2020 (8.000,000 leke),

në datën 14.08.2020 (7.000,000 lekë),

ne daten 20.08.2020 (4,000,000 Iekë),

ne datën 17.09.2020 (3.000.000 leke),

ne datën 01.10.2020 (2.999.400 leke).

Shuma prej 25.000,000 leke e transferuar ne llogari të shteasit Muhamet Petriti nè forme dividenti per aktivitetin e shoqerise per vitin 2019, e eila eshte terhequr teresisht prej tij nga llogaria bankare sipas udhezimeve te shtetasit Nestor Muhamellari. Alfred Qato, si dhe udhezimit te shtetasit Mariglen Qato, korrespondon me shënimet e gjetura ne dokumentin "Pasqyres se levizjes se mjeteve monetare korril 2020, shume monetare e konsideruar si e drejte/detyrim per “ortakun 1”.

Bisedat e kryera nga shtetasit Nestor Muhametllari dhe Alfred Qato ne daten 10.03.2021 dhe 11.03.2021 (me siper) duket se lidhen pikerisht me terheqien e shumës 1,000,000 leke nga llogaria e bankare e shtetasit Muhamet Petriti, e cila eshte terhequr ne datën 11.03.2021 (500,000 leke) dhe ne daten 18.03.2021 (499,850 leke), pikerisht sipas udhezimeve te shtetasit Nestor Muhametllari.

Syri

[Albo]

Reagon Erion Veliaj pas arrestimit të ish-drejtorëve të bashkisë



Kryebashkiaku i Tiranës, Erion Veliaj ka reaguar pas arrestimit të ish-drejtorëve të Bashkisë Tiranë.

Deklarata e plotë e Erion Veliajt:

Jam këtu para jush, pasi kam parë, njësoj si ju, e dëgjuar, njësoj si ju, çfarë ka ndodhur me disa drejtorë e ish-drejtorë të Bashkisë së Tiranës, dhe pasi kam kaluar edhe një peripeci të vogël shëndetësore personale, për të cilët ju falenderoj për kujdesin.

Jam përpjekur të kuptoj, sa e kam pasur unë të mundur, se si janë zhvilluar ngjarjet që çuan në ngritjen e akuzave për këta zyrtarë të institucionit që unë drejtoj.

Po e nis nga vija e kuqe e Partisë Socialiste dhe e kryeministrit Rama: Çështjet që hap drejtësia e re, me këdoqoftë dhe kudoqoftë, në cilindo nivel të përgjegjësive ekzekutive dhe administrative, nuk janë për t’u komentuar në aspektin e tyre ligjor, por janë thjesht për t’ua besuar organeve të drejtësisë. Cilido individ që është përfshirë në këto çështje, duhet të përballet vetë me drejtësinë, i zhveshur nga çdo lloj mbrojtjeje tjetër, përveç mbrojtjes ligjore nga avokatët e vet.

Pra, unë s’kam asnjë koment për vërtetësinë e akuzave, për shkallën e përfshirjes ose jo të secilit në aktivitetin e paligjshëm për të cilin akuzohen, për fajësinë apo pafajësinë e tyre, që është ekskluzivisht tagër i gjykatës, nivelin e respektimit të së drejtës njerëzore e kushtetuese të prezumimit të pafajësisë në para-burgimin e tyre, e kështu me radhë.

Kjo vijë e kuqe ma bën të pamundur futjen në debat për faktet, me ata të cilët e shfrytëzojnë lirinë e fjalës në media për të bërë prokurorin, sigurimsin modern apo inkuizitorin mesjetar, duke më përfshirë edhe mua në të dënuarit pa gjyq, për sa ka ndodhur ose nuk ka ndodhur.

Por, nëse për faktet e kam të pamundur të hyj në debat sepse do të cenoja parimin e mosndërhyrjes në një çështje të drejtësisë, për pjesën time të përgjegjësisë dhe për rolin që kam me bekimin e qytetarëve të Tiranës, e kam të pamundur të mos shprehem.

Po! Nuk ka asnjë diskutim, që unë kam punuar dhe bashkëpunuar me këta njerëz dhe për sa më takon, e kam vlerësuar punën e tyre në bazë të rezultateve, që flasin vetë në çdo cep të qytetit, për këdo që do t’iu referohet arritjeve reale në sektorët që ata kanë drejtuar, në kohën që kanë punuar në Bashkinë e Tiranës.

Mariglen Qato ka drejtuar IMT-në nga shtatori 2018 gjer në shtator 2023. Falë punës së tij dhe asaj skuadre është bërë i mundur Bulevardi i Ri, çlirimi i Unazës tek Astiri, lirimi i Liqenit nga zaptimet në gjysmën e tij, hapja e terreneve në Kombinat dhe 5 Maji për lagjet e reja pas tërmetit. Teksa sot ecim në ato bulevarde, buzë Liqenit, apo përgjatë Unazës së Madhe, ne kuptojmë sa punë të dobishme ishin për qytetin, por edhe sa kundërshtarë politikë u ndërzyen ndaj IMT-së sepse kishin lidhur karrierën e tyre me bllokimin e këtyre kantiereve e sabotimin e Tiranës.

Redi Molla ka drejtuar UKT-në në vitet 2016-2020, ku e ktheu një ndërmarrje të falimentuar në të vetmin ujësjellës me bilanc pozitiv në vend, që sot financohet direkt nga bankat ndërkombëtare të zhvillimit dhe që e ktheu Tiranën e vogël nga 7 orë ujë në ditë, ku vaditej misri e thaheshin lagjet, në një qytet 25 herë më të madh në sipërfaqe, me 20 orë ujë mesatarisht, e në shumicën e zonave urbane me 24 orë ujë.

Taulant Tusha ka drejtuar punët publike në Bashkinë e Tiranës gjer vitin e kaluar. Me një përkushtim të jashtëzakonshëm ka ndjekur 24/7 projekte që Tirana i priste prej një shekulli – nga Sheshi Skënderbej, tek Pazari i Ri, nga Bulevardi Zogu I, tek Unaza e Vogël, nga Kalaja e Tiranës në qendër, tek ajo e Petrelës në periferi, nga zgjatimi i Lanës, e gjer tek Lumi i Tiranës, që përmbyste gjithë njësitë 4, 8, 9 e 11, e gjer tek 101 kopshte e çerdhe të rinovuara, e 40 shkolla të reja, nga ‘Kosova’ e ‘Samiu’, gjer tek ‘Partizani’ e ‘Çajupi’, ku çdo ditë ulen e rriten 200 mijë fëmijë të kryeqytetit në kushte optimale.

Kjo ishte një pasqyrë e përmbledhur e punës së tyre në bashki dhe e punës sime me ta, përpara se hienat që s’kanë prekur punë me dorë, të skërmisin dhëmbët me jargë për gjahun e rradhës.

Tani ka një pyetje, sa brutale aq edhe banale, që ngrihet rëndom nga inkuizitorët mesjetarë, sigurimsat modernë dhe prokurorët mediatikë nëpër banaqe televizionesh, kurdo që SPAKU vepron ndaj një zyrtari të caktuar: Si ka mundësi të mos i dinte këto Edi Rama dhe si mund të ndodhi që, deri edhe zëvendësi i tij, një person që sot është në kërkim nga drejtësia, t’i bëjë këto pisllëqet e mëdha për të cilat akuzohet, pa bekimin e kryeministrit?

Më falni! Po pse, në cilën pjesë të funksionit të tij të përcaktuar me Kushtetutë dhe dispozita ligjore, kryeministri duhet të përgjojë zëvendësin e tij apo cilindo zyrtar tjetër, me të cilin e lidh puna, kur këta të fundit e ushtrojnë influencën e postit dhe i përdorin lidhjet e tyre me X-in ose Y-in, për të përfituar në mënyrë të paligjshme?!

Si mund të jetë kaq e padiskutueshme, që një kryeministër, apo në rastin tim, një kryetar bashkie, të jetë në dijeni të çdo gjëje që s’ka të bëjë fare me funksionin e tij të përcaktuar me ligj apo me objektivat e me një mijë e një problemet e përditshme të punës së tij?!

Ku jemi këtu? Në komunizëm? Kur shoku Enver i vinte mbrapa një parti të tërë e një armatë të tërë me spiunë, të gjithë zyrtarëve të shtetit, deri tek vrima e çelësit e shtëpisë së tyre, që sot u dashka të arrestohet e të burgoset nga gjykata politiko-mediatike, titullari i institucionit, sapo SPAK-u nxjerr fletët e arrestit për një apo disa zyrtarë të institucionit disa mijëra vetash që ai drejton?!

I ngre këto pyetje retorike sepse në asnjë vend normal demokratik, nuk ndodh kjo gjueti shtrigash. Në parlamente, ekrane, portale, madje as në rrjetet sociale të Francës, Italisë, Greqisë e me radhë, nuk i shikon këto turra drush për të djegur të gjallë Presidentë, kryeministra, kryetarë bashkish, kur drejtësia thjesht po bën punën e saj në luftën kundër korrupsionit dhe ku gjykatat, në fund, e ndajnë shapin nga shqeri, të fajshmit nga të pafajshmit!

Këta gjahtarët profesionistë të shtrigave, që kanë një mandat deputeti të partive me vulë të humbur apo një kravatë moderatori dhe analisti në kolltuqet e spektakleve politike televizive të çdo mbrëmjeje, po që s’kanë asnjë respekt për dinjitetin njerëzor, për punën, për faktet, duan që populli ta harrojë këtë të vërtetë të madhe.

Shqiptarët e kanë dëgjuar dhjetra, në mos qindra herë, nga goja e kryetarit tonë, Edi Ramës, se ne duam një drejtësi të drejtë, që të godasë djathtas e majtas dhe të shikojë e të ecë vetëm drejt, me shpatën e ligjit në dorë! Unë e di që për shumë njerëz politikanët janë njerëz që tjetër thonë, tjetër mendojnë dhe tjetër bëjnë, po pikërisht pse Edi Rama, kryeministër dhe kryetari ynë i Partisë Socialiste, dhe kjo parti e udhëhequr prej tij, janë ndryshe nga ky stereotip dhe Shqipëria sot është shumë më ndryshe se 10 vite më parë, edhe Tirana sot është më ndryshe se 10 vite më parë, edhe drejtësia sot është më ndryshe se 10 vite më parë!

Nga ana tjetër, kulmi fare këtu tek ne është se çfarë po ndodh sot në Shqipëri, ka nisur pikërisht nga vizioni, projekti dhe vullneti shtetndërtues i Edi Ramës, kryeministrit tonë, dhe Partisë Socialiste, pa të cilët SPAK-u as që do ekzistonte dhe kjo luftë kundër korrupsionit as që do imagjinohej. Eshtë një luftë që ne e kemi kërkuar, e bëjmë sa mundemi, prej ditës së parë në këto detyra, me reforma, shërbime digjitale, me masa për përmirësime të vazhdueshme procesesh administrative, por edhe auditime e largime nga puna për punonjës që shkelin rregullat apo denoncohen nga qytetarët.

Por, nivelet ekzekutive të qeverisjes nuk janë as prokurori as gjykata, prandaj ne e shohim drejtësinë si aleate strategjike në këtë luftë dhe e mbështesim pa rezervë punën e saj, si një punë e domosdoshme për pastrimin e administratave tona nga elementët e korruptuar. Prandaj, edhe ekziston ndarja e pushteteve dhe e punëve në këtë sistem dhe prandaj, ligji ngarkon prokurorët e gjykatësit të bëjnë një punë që, as kryeministri, as ministrat, as kryetarët e bashkive, as mund ta bëjnë, as janë të lejuar me ligj që ta bëjnë.

Disa i bien shkurt: Po pse, nuk dëgjoni ju fjalë për njërin e për tjetrin? Patjetër që dëgjojmë edhe ne fjalë. Madje, më shumë se sa për të gjithë, për veten tonë! Po çfarë duhet të bëjmë, përveçse të pyesim veten apo të tjerët sa të vërteta janë këto fjalë! Dhe me veten e dimë çfarë është e vërtetë ose jo, ndërsa me të tjerët si ta verifikojmë deri në fund të vërtetën e fjalëve? T’u vëmë njerëz mbrapa? T’u fusim përgjues në makina dhe në shtëpi? T’i paraburgosim në një zyrë në bashki apo nëpër ministri, në bazë të dyshimeve dhe t’i mbajmë aty derisa të thonë të vërtetën?! T’i torturojmë? Këto janë të gjitha të pamendueshme, jo thjesht kriminale, në aspektin e ligjeve demokratike, të cilat fuqinë represive të shtetit ia njohin si ekskluzivitet organeve policore e gjyqësore, jo titullarëve të pushtetit ekzekutiv dhe politik!

Disa të tjerë thonë: Kur dëgjoni fjalë largojini menjëherë nga puna! Po nëse do të ndiqnim këtë kriter duhet të largonim veten nga puna çdo ditë nga gjithë thashethemet dhe fjalët, dhe nga ana tjetër, largimet nga puna të drejtuesve të administratës janë si në çdo vend europian edhe në Shqipëri, një përgjegjësi që me ligj nuk e ka asnjë titullar politik! E pra, punët janë të ndara, siç janë edhe përgjegjësitë e qëllimet tona publike nga përgjegjësia individuale e secilit para ligjit dhe nga qëllimet e erreta personale të kujtdo që përfiton në rrugë të paligjshme, duke abuzuar me detyrën, pas shpinës së institucionit e të atyre me të cilët e lidh puna e përbashkët.

Tani, padiskutim që mua nuk ka sesi të më vijë mirë, nëse akuzat e ngritura ndaj disa ish-drejtorëve e drejtorëve të Bashkisë Tiranës provohen të vërteta në gjykatë.

Përkundrazi, më vjen tmerrsisht keq, që krahas angazhimit në plot punë të mira të përbashkëta, disa zyrtarë të rëndësishëm të kësaj bashkie të jenë angazhuar në punë të pista për përfitime personale. Por, në pritje të fjalës së fundit të drejtësisë për ta, unë vetë nuk kam çfarë pres për t’ju parë të gjithëve në sy dhe për t’ju thënë se asnjë përfitim i paligjshëm personal, nuk më ka lidhur kurrë as me ta dhe as me askënd tjetër në detyrën time si shërbëtori numër një i Tiranës sonë.

Gabime mund të kem bërë edhe unë plot! S’kam asnjë dyshim! Po s’e kam bërë kurrë fajin që ta përdor firmën time, fjalën time, ndikimin tim, për çfarëdo lloj përfitimi personal të paligjshëm. Uroj që këtë ta vërtetojnë deri në fund edhe hetimet për inceneratorin e Tiranës, me të cilin e vetmja gjë që më ka lidhur ka qenë pastrimi i këtij qyteti, tanimë shembullor në pastërti, edhe hetimet për këtë çështjen e hapur së fundmi nga drejtësia.

Unë i trembem shkeljes së normave me të cilat jam edukuar që fëmijë në këtë qytet dhe e kam frikë ligjin përpara se sa të bëhem një subjekt i ndëshkimit të tij, kështu që nuk e kam shkelur kurrë as ligjin, as besimin e atyre që më kanë dhënë tre herë mandatin për të drejtuar Tiranën. Prandaj, drejtësia të vazhdojë punën e saj, s’ka nevojë t’ia them unë se çfarë duhet të bëjë, ndërsa unë do të vazhdoj punën time me skuadrën e transformimit të Tiranës, edhe me më shumë këmbëngulje për Tiranën e për bashkëqytetarët e mi, pas kësaj ngjarjeje që nuk më bën aspak krenar.

Faleminderit të gjithëve për mbështetjen, kurajon dhe forcën që më jepni çdo ditë!

Disa fjalë për zhvillimet e fundit dhe një falenderim për mbështetjen! ���� pic.twitter.com/liyHLaWlk3

— Erion Veliaj #B40TiranaSummit �������� (@erionveliaj) April 6, 2024

Koha Jone