SHBA fton Metën e Bashën për vizitë, harron të ftojë Rilindasin Rama!

[Albo]

Edi Rama sajon “puç” me Fatmir Xhafën



Që ditën kur Ilir Meta ia arriti të bindë opozitën që të miratonte Reformën në Drejtësi me 140 deputetët, në zyrat e Kryeministrisë nuk ka patur qetësi nga inati, mllefi dhe dashakeqësia. Kjo pasi donin të nxirrnin PD dhe LSI si shkaktare të mosdakordësisë me SHBA dhe BE. Fakti që u kalua me konsensus të plotë Reforma kryesore rriti kuotat e kryeparlamentarit Meta te ndërkombëtarët, si dhe solli ne hullinë amerikane PD-në me votimin qe beri.

Nuk u arrit skema kryeministrore që edhe të kalonte me 94 vota Reforma, edhe ndante në dy pjesë PD-në, edhe krijonte një PD të re me deputetët anti-Basha e anti-Sali, edhe e vinte në pozite bllokuese LSI, edhe merrte mandat populist Rama se do reformën, se ka amerikanët pas vetes,etj. Natyrisht luftë për pushtet.

Por Reforma kaloi dhe Meta e Basha morën ftesën për në Konventën e Demokratëve Amerikanë. Ndërsa Rama nuk u lejua të hynte për shkak të skandalit me foton e parë me Obamën, skandal që vetëm sa ka filluar.

Konsensusi i arritur natën e 21 Korrikut me 140 vota për Reformën në Drejtësi duket se është në buzë të greminës dhe shkak është bërë ligji për Vetingun. Burime nga Kuvendi i Shqipërisë bëjnë me dije se kryeparlamentari Ilir Meta ka ndërprerë sot vizitën e tij në SHBA ku është ftuar të marrë pjesë konventën e demokratëve dhe është nisur urgjent për në Tiranë.

“Kryetari i Kuvendit, z. Ilir Meta, ndërpret vizitën e tij në Shtetet e Bashkuara të Amerikës për t’u kthyer në Shqipëri dhe për të sqaruar konfuzionin e krijuar ditëve të fundit që kanë për qëllim prishjen e konsensusit historik parlamentar të 21 korrikut për reformën në drejtësi”- njoftoi këshilltari i Kryetari të Kuvendit, Emiljano Aleksi.

Ndërkohë që nga Tirana kryetari i Komisionit të Reformës në Drejtësi Fatmir Xhafa e ka ironizuar momentin kur është pyetur për ndërprerjen e vizitës së Metës ndërsa është shprehur: “Më vjen keq që i kanë prishur vizitën z. Meta për të rivendosur konsensusin që nuk ka nevojë për shumë deklarata”.

Duke folur për nxitimin për të kaluar në miratim ligjin e vetingut, Xhafa është shprehur se: “Të gjithë kanë marrë projektligjin për Vetingun. Ata kanë qenë tërësisht në dijeni që në 4 korrik. Nga kjo pikëpamje ky pr/ligj është gati për tu shqyrtuar dhe për të kaluar në seancë plenare. Ky pr/ligj ka të nevojshëm një pëlqim të partnerëve ndërkombëtarë. Ky pr/ligj është trajtuar nga drejtoria e ligjeve në Komisionin Europian. Duke qenë se SHBA do të ,mbështesë më fonde dhe do të trajnojë ata që do të bëjnë vetingun duhet të disburosjnë fondet që janë në limitin kohor. Ky projketligj duhet të kalojë në Komisonin e Reformës në Drejtësi. Për momentin nuk ka vetëm pëlqimin e opozitës pasi z. Petrit Vasili ka qenë pjesëmarrës kur është shqyrtuar ligji. Edhe z. Vasili do të ketë fjalën e tij në fund kur të bëhet diskutimi në komision. Kushtetuta është miratuar mne 140 vota në Kuvend dhe është shpallur nga Presidenti i Republikës, cdo shqyrtim i projektligjit mund të nisë që në momentin e hyrjes në fuqi”- ka deklaruar Xhafa.

Pra u gjet momenti që kryeparlamentari ishte në Konventën e Demokratëve Amerikanë në SHBA ku do të bëhej shpallja zyrtare e Hillary Clinton si kandidate për presidente e SHBA, dhe ku me pas Meta do të qëndronte në disa takime të rëndësishme. Në Tiranë nxituan t’ia prishin festën Metës, duke krijuar sikur PD dhe LSI nuk duan kalimin e ligjit të Vettingut,etj.

Pra imazhin pozitiv konsensual, dikush në Tiranë nxitoi ta shfryjë si tollumbace dhe riktheu skemën e përgatitur para 21 korrikut që të kap PD, bile edhe LSI, se janë “antiamerikane” dhe kundër reformës.

Edi Rama pa u konsultuar me kryeparlamentarin urdhëroi Fatmir Xhafën të përgatisë për në seancë për ditën e enjte projektin e Vettingut, e ku natyrisht pa u diskutuar dhe pa qënë dakord PD nuk ka se si të miratohet, kur u bë gjithë ajo punë e madhe për Reformën. Por hileja është edhe diku tjetër. Se për këtë ligji nuk duhet më 94 vota, por 84 dhe Rama vë LSI para faktit të kryer, që nëse nuk e voton je “antiamerikan!”.

Pra, nuk është çështja se duhet patjetër të enjten ky ligj, pasi nuk shembet Roma të premten dhe as nuk rregullohet Shqipëria për një javë. Synimi është me çdo kusht që të prishet konsensusi i deritanishëm dhe të gjendet çdo mjet, e çdo pretekst për zgjedhje të parakohshme, pasi më vonë mbetet shumë vonë për Ramën!

Ilir Meta e ndërpreu vizitën ne SHBA dhe mbetet të shikohet përplasja Meta-Rama se deri ku ka shkuar.

A ka shkuar thika në palcë mes tyre?!

Koha Jone

[Albo]

Kush po e shkatërron Konsensusin?



Ka zgjatur vetëm pak ditë ‘festa’ e arritjes së konsensusit për votimin e ndryshimeve në Kushtetutë. Forcat kryesore politike, PS dhe PD i janë rikthyer sherrit dhe akuzave për votimin e 7 ligjeve të reja, që janë pjesë e reformës në drejtësi.

Shkak është bërë një kërkesë, në dukje procedurale e Partisë Socialiste, porse në thelb provokon opozitën për ta detyruar për bojkot. Kreu i Komisionit Parlamentar për Reformën në Drejtësi, Fatmir Xhafaj kërkoi me urgjencë miratimin e ligjit për vetingun e gjyqtarëve. Kërkesa dhe projektligji, sipas PD-së, u është dërguar në rrugë zyrtare deputetëve opozitarë dy ditë më parë. PS thotë se është e gatshme që këto ligje t’i miratojë që në seancën e sotme të Kuvendit. Dje, Fatmir Xhafaj kërkoi mbledhjen e Komisionit, ndërkohë anëtarët e PD-së nuk u paraqitën.

Mungesa e demokratëve ka të bëjë me dy momente. Së pari, sipas tyre drafti u ka ardhur me vonesë nga Xhafaj dhe duan kohë që të njihen me detajet e reja që janë shtuar. Dhe shqyrtimi i këtij projekti ka jo pak jo pak probleme,sipas tyre. Në këtë ligj duhet të jenë pasqyruar të gjitha negociatat e bëra më herët mes palëve. Gjithashtu, projekti duhet të jetë hartuar sipas variantit të Ndihmës Sekretares së Shtetit Amerikan për Europën dhe Euroazinë Victoria Nuland, por edhe letrës së fundit që Komisioneri i BE, Johannes Hann u dërgoi për krerët e partive kryesore PS, PD, LSI. Palët ranë dakord për kalimin me 140 vota të ndryshimeve Kushtetuese duke marrë garanci se dhe 7 ligjet e tjera do të miratohen në frymën e konsensusit. Nëse projektet kanë pësuar ndryshime dhe futen me emergjencë për votim në Kuvend, dyshimet e opozitës janë se PS-ja mund të ketë lëvizur nga marrëveshja e 21 korrikut.

Së dyti, votimi i projektligjit të Vetingut me urgjencë në seancën e Kuvendit ka probleme të rënda ligjore. Ndryshimet në Kushtetutë u miratuan në datën 21 korrik zyrtarisht hyjnë në fuqi vetëm më 11 gusht. Nëse deputetët do të kërkojnë miratimin e tyre më herët, nuk bëjnë gjë tjetër veçse shkelin me të dyja këmbët Kushtetutën. Një gabim të tillë nuk e bëjnë as juristët fillestar. Votimi i ligjeve në seanca jashtë afateve të Kushtetutës, mund të hap rrugën e ankimit më vonë në Gjykatën Kushtetuese dhe këtu nis një spirale që e bënë pa vlerë konsensusin e datës 21 korrik.

Në këtë situatë lind pyetja, cila është pala që po tenton të shkatërrojë konsensusin e arritur të enjten e kaluar? Ambasadorja e BE-së, Romana Vllahutin pranoi dje se miratimi i ligjeve më herët sesa data 11 gusht është e pamundur nga pikëpamja juridike. Duke qenë se edhe vetë ambasadorja e BE-së ka nxjerrë paksa zbuluar nxitimin e Edi Ramës për votuar ligjet, atëherë përse gjithë kjo urgjencë në Partinë Socialiste për të shkelur Kushtetutën? Sepse socialistët thonë se projektligjet janë gati për miratim që ditën e sotme në Kuvend.

Ndërkohë mbrëmjen e djeshme, në një deklaratë të përbashkët për mediat Ambasadat e SHBA dhe BE kërkuan votimin e 7 ligjeve të mbetura. Deklarata thotë se drafti është shpërndarë drejtuesve të partive në muajin qershor. Ndërsa vë në dukje se kreu i Kuvendit, Ilir Meta është treguar i gatshëm të mbledhë Kuvendin në seancë të jashtëzakonshme në datën 11 gusht, kohë në të cilën hyjnë në fuqi ndryshimet Kushtetuese.

“BE së bashku me SHBA-të kanë kërkuar miratimin e shpejtë të shtatë ligjeve, dhe të parin ligjit e vlerësimit (vetting), në mënyrë që të përshpejtohet zbatimi i paketës së Reformës në Drejtësi. Kjo gjë i është bërë e ditur të gjithë udhëheqësve politikë, dhe Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakord për këtë”,- thuhet në deklaratën e SHBA dhe BE.

Ajo që ka acaruar palët duket se është kërkesa e bërë nga PS për mbledhje dhe votim urgjent këto ditë. Në këtë mënyrë PS-ja vendoset në pozicionin se është ‘pro’ reformës, ndërsa PD-ja duke kundërshtuar procesin, sipas socialistëve, kundërshton edhe miratimin e reformës. Është e njëjta lojë që u përdor me datën 21 korrik dhe që nuk lë hapësira për kompromis. Një lojë që ka nisur në Komisionin e Parlamentar të Reformës në drejtësi, por që duket se drejtohet direkt nga Kryeministria. PS-së reforma nuk i duhet me miratimin e opozitës, ndaj po provokon. Edhe dje në mbrëmje Rama u kujtoi demokratëve se votat i dhanë nga presioni i BE dhe SHBA, si dhe nga frika e çarjes së PD. Afati vendosur këtë herë është 11 gushti. Deri në atë datë, qëndrime të tilla nuk bëjnë gjë tjetër veçse minojnë edhe një herë konsensusin.

Por duket se Edi Rama është xheloz që Ilir Meta arriti të bindë opozitën e cila e votoi me 21 korrik. Taktika e PS-së nuk e pranon që PD ta votojë. I duhet ta paraqesë PD-në si parti antireformë, ndaj e acarojnë dhe i krijojnë premisa qe të mos votojë. Jo se PD-ja është “Shenjti”, por me mirë duhet bashkëpunim se sa sherr. Flitet për reforma që do sherbejnë për 50 vitet e ardhshme, ndaj sa me shumë debat e konsensus aq me mirë, pasi partia që vjen në pushtet nga opozita nuk duhet ta rrezojë reformën, pasi cikli fillon nga fillimi.

Duket se ka zhvillime mbrëmë vonë në kampin e mazhorancës. Kryeministri Rama ka mundësi të kërkojë largimin e dy ministrave të LSI, duke provokuar kështu një krizë qeverisëse, pasi ka siguruar 72 vota për të bërë qeveri tjetër, thonë burime nga selia rozë.

Kryeministri Rama ka garantuar votat e çamëve, të Nard Ndokës, të Dashamir Shehut, të Eduard Selamit dhe Majlinda Bregut. Mësohet se me këto deputetë si dhe PDIU-së, Rama bën 72 vota. Eduard Selami mësohet se mund të jetë zv/kryeministër, kurse Majlinda Bregu ministre e jashtme. Ndërsa sejcili deputet “tradhtar” që vjen nga e djathta do të marrë post ministri.

Pra një qeveri e re “rrumpallë” fundi i se cilës nuk dihet nëse do të përfundojë në Lanë apo në lumin e Fushëkrujës!

Koha Jone

[Ciarli]

Klanet e 'vogla' Amerikane qe mund te krahasohen me Lanen apo me Fush-Krujen e Amerikes kaotike(pre-demokrate dhe te tradhtuar), po e kanosin perseri kete vend dhe kush e di kush e ndihmon te mos mbytet, mbase viktimat e sirenave te medha te alarmeve.