Një grua u arrestua në kryeqytetin rus, Moskë, pasi u zbulua se kishte me vete kokën e një fëmije të vrarë.
Gruaja besohet se ishte dadoja e fëmijës, ndërsa u zbulua në një stacion metroje teksa u end rrugëve përreth një orë.
Gruaja besohet se e ka vrarë më parë fëmijën në një apartament dhe më pas i ka prerë kokën. Ajo është identifikuar si Gyulchehra Bobokulova, 39-vjeç, nga Uzbekistani.
Lajmi shokues është publikuar nga mediat ndërkombëtare, sipas të cilave gruaja me një hixhab në kokë është zbuluar në veriperëndim të Moskës teksa bërtiste: “Unë jam terroriste”… “Unë do t’ju hedh në erë të gjithëve”, “Allah Ekber”, “E urrej demokracinë”.
Sipas hetimeve të para, dadoja ka vrarë vajzën 4 vjeçare dhe më pas ka djegur banesën për t’u larguar nga vendi i ngjarjes.
Një dëshmitar i tha një televizioni rus se kishte parë gruan e veshur plotësisht me të zeza në afërsi të metrosë “Oktyabrskoe Polit”, në veriperëndim të Moskës. Dëshmitari tha se gruaja nuk kishte pako të dyshimtë me vete por vetëm një kokë fëmije.
Një zëdhënës nga Komiteti Hetues i Rusisë ka thënë se po hetohet rreth rastit, ndërsa gruas do t’i bëhet një ekzaminim mjeko-ligjor dhe ekzaminim psikiatrik për të analizuar më pas rastin
Krijoni Kontakt