SHBA: Kryebashkiakët socialistë të Krujës dhe Kavajës janë trafikantë droge

[Albo]

Dekriminalizimi, PD fton mazhorancën të nënshkruajë paktin për largimin e të inkriminuarve



PD i ka kërkuar mazhorancës që të largojë të gjithë kandidatët për zgjedhjet e 21 qershorit që kanë rekorde kriminale. Për këtë, në një dalje për mediat nga selia blu, deputeti Oerd Bylykbashi i ka kërkuar mazhorancës që të nënshkruajnë një pakt për verifikimin e të gjithë kandidatëve, por sipas PD, mazhoranca nuk i ka kthyer asnjë përgjigje.
Oerd Bylykbashi: Partia Demokratike i ka propozuar mazhorancës ‎nënshkrimin e një pakti mes partive politike për verifikimin e kandidatëve që garojnë për zgjedhjet e 21 qershorit në kuadër të dekriminalizimit dhe largimin menjëherë nga gara të atyre kandidatëve që kanë rekorde kriminale.
Prej dy javësh mazhoranca e ka lënë në heshtje dhe pa përgjigje këtë propozim të Partisë Demokratike.
Jam sot para jush për të bërë transparencë të plotë të këtij propozimi.
Partia Demokratike propozon nënshkrimin e një pakti që do mundësojë:
1- Verifikimin për pasjen ose jo të rekordeve të rënda kriminale, për cilindo nga kandidatët e regjistruar për zgjedhjet e 21 qershorit, nëse një nga subjektet politike nënshkruese të paktit e kërkon këtë;
2- Përdorimin e gjurmëve të gishtërinjve për çdo rast të kërkuar, me qëllim verifikimin e plotë e të saktë të rekordeve kriminale;
3- Tërheqjen e menjëhershme nga gara të kandidatëve që rezultojnë me rekorde të rënda kriminale ose refuzojnë verifikimin e të dhënave të tyre.

ORA NEWS

[SERAFIM DILO]

Mir e ka dhe ambasadori,por ti heqesh kriminelet e hajdutet politikes mbetet vendi bosh. Perveç budallenjve edhe populli pse jane keta kriminel e hajdut shkon e voton.

[Albo]

SHBA e BE zbulojnë tre emrat e kandidatëve të inkriminuar në zgjedhje: Poshtërim i popullit shqiptar


Ambasadoret Lu e Vlahutin

“Vendosmëria e dukshme e partive për të kandiduar njerëz të dyshuar për krime përbën një poshtërim të popullit shqiptar”. Kështu janë shprehur për BIRN, ambasadori i SHBA-ve në Tiranë, Donald Lu dhe kreu i delegacionit të BE-së, Romana Vlahutin.

Që të dy kanë bërë thirrje që votuesit të refuzojnë kandidatët e dyshuar, kur të hedhin votën të dielën. Vlahutin shtoi se kandidimi i njerëzve me të shkuar kriminale do të ketë edhe pasoja negative në procesin e integrimit të Shqipërisë në BE.

Pas një bojkoti gjashtëmujor të opozitës në Parlament, në dhjetor 2014, me ndërmjetësim të Parlamentit Europian, socialistët në pushtet dhe demokratët arritën një marrëveshje dhe premtuan se do të zgjidhin problemin e njerëzve me të shkuar kriminale që garojnë për poste publike.

Gjithsesi, provat e mbledhura nga BIRN tregojnë se partitë politike thjesht po shtireshin përballë Brukselit.

Prova të siguruara nga BIRN tregojnë se dy kandidatë që garojnë për koalicionin e udhëhequr nga Partia Socialiste, Artur Bushi dhe Elvis Rroshi, të cilët kërkojnë postet e kryebashkiakëve në Krujë dhe Kavajë, kanë qenë të arrestuar për trafik droge.

Një kandidat nga Partia Demokratike për Bashkinë Këlcyrë, Gentian Muhameti, është ndërkohë i dënuar për trafik droge.

Panorama

[Albo]

Kandidatët e inkriminuar, Roshi i dënuar për drogë në Zvicër, Bushi për kokainë në Itali, Muhameti i dënuar në Itali



Të dhëna policore të marra nga BIRN në Itali dhe Zvicër tregojnë se së paku tri kandidatë që garojnë në zgjedhjet e së dielës kanë të shkuar kriminale.

Shqiptarët do të votojnë të dielën për të zgjedhur kryebashkiakët dhe këshilltarët e 61 bashkive, në një palë zgjedhjesh që konsiderohen si shumë të rëndësishme për ambiciet e vendit në përparimin e procesit të integrimit në Bashkimin Europian.


Edi Rama dhe Elvis Rroshi në një takim elektoral. Foto: Facebook

Gjithsesi, të dhëna të mbledhura nga BIRN nga agjencitë ligjzbatuese nëpër Europë tregojnë se një numër kandidatësh të nominuar nga partitë politike kanë të shkuar kriminale. Madje, disa janë akuzuar për kontrabandë të sasive të mëdha të drogës mes vendeve të ndryshme të Europës.

Prova të siguruara nga BIRN tregojnë se dy kandidatë që garojnë për koalicionin e udhëhequr nga Partia Socialiste, Artur Bushi dhe Elvis Rroshi, të cilët kërkojnë postet e kryebashkiakëve në Krujë dhe Kavajë, kanë qenë të arrestuar për trafik droge.

Një kandidat nga Partia Demokratike për bashkinë Këlcyrë, Gentian Muhameti, është ndërkohë i dënuar për trafik droge.

Gjithsesi, Partia Demokratike më vonë e tërhoqi Muhametin nga lista e saj e kandidatëve, dukshëm nën presion nga BE dhe SHBA-të.

Partia në pushtet nuk e ka bërë këtë. Një zëdhënës për kryeministrin Edi Rama, kryetar i Partisë Socialiste, mohoi akuzën që partia e tij ka nominuar “ndonjë kandidat të dënuar penalisht nga ndonjë gjykatë vendëse apo e huaj, qoftë me vendim të formës jo të prerë”.

Një zëdhënës i Rroshit i tha BIRN se akuzat janë të pavërteta dhe të motivuara politikisht. Ndërsa zëdhënësi i Bushit nuk iu përgjigj kërkesës së BIRN për koment.

Kryetari i Partisë Demokratike, Lulzim Basha nuk komentoi arsyen pse demokratët e patën mbështetur më herët kandidimin e Muhametit për ta tërhequr atë më pas.

Ambasadori i SHBA-së në Tiranë, Donald Lu dhe kreu i Delegacionit të BE-së, Romana Vlahutin, i thanë BIRN se vendosmëria e dukshme e partive për të kandiduar njerëz të dyshuar për krime përbën një poshtërim të popullit shqiptar.

Që të dy kanë bërë thirrje që votuesit të refuzojnë kandidatët e dyshuar, kur të hedhin votën të dielën.


Gentian Muhameti dhe Lulzim Basha. Foto: Facebook

Vlahutin shtoi se kandidimi i njerëzve me të shkuar kriminale do të ketë edhe pasoja negative në procesin e integrimit të Shqipërisë në BE.

Pas një bojkoti gjashtëmujor të opozitës në parlament, në dhjetor 2014, me ndërmjetësim të Parlamentit Europian, socialistët në pushtet dhe demokratët arritën një marrëveshje dhe premtuan se do të zgjidhin problemin e njerëzve me të shkuar kriminale që garojnë për poste publike.

Gjithsesi, provat e mbledhura nga BIRN tregojnë se partitë politike thjesht po shtireshin përballë Brukselit.

Ironikisht, Artur Bushi si ish deputet, mbështeti në janar një rezolutë të parlamentit, ku bëhej thirrje ndaj partive politike që të pastronin radhët e veta nga njerëzit me të shkuar kriminale.

Para se të bëhej deputet më 2013, policia italiane e arrestoi Bushin më 11 qershor 2010 në qytezën e Gallaratës.

Ata e mbajtën atë deri më 24 korrik atë vit, të dyshuar si pjesë e një organizate kriminale, të njohur si banda e Morriggia-s.

Franco Novati, një ish komandant policie në Gallarate, i cili drejtoi hetimin, i tha BIRN se kjo bandë importonte kokainë nga Hollanda në Itali.

“Kur ne i vumë nëntë prej tyre nën përgjim, ata folën për ‘pjesë këmbimi’, por ne e dinim se kjo qe fjala në kod për kokainën,” rikujtoi ai.

Njoftimi i policisë italiane për bandën Moriggia. Foto: Policia Italiane

Novati tha se kokaina vinte nga Amsterdami përmes korrierëve dhe shitej me shumicë te bosët vendorë në Breshia, Modena, Luka dhe Piaçenza.

“Ne ndërhymë në transportin e fundit të 10 apo 11 kileve të kokainës nga Hollanda dhe arrestuam bandën,” shtoi ai.

Gjithsesi, megjithëse Bushi u arrestua, ai nuk u dënua, tha për BIRN zyra e prokurorisë së Busto Arsizio.

“Çështja e Bushit u nda mënjanë nga çështja nr. 1986/2010RGNR mbi bandën Moriggia. Numri i çështjes së re qe 7257/2010,” shpjegoi një zëdhënës.

“Më 20 mars 2011, çështja e Bushit u arkivua dhe u mbyll pa dënim kundër tij,” shtoi zëdhënësi.

Novati tha se Bushi pretendoi në gjykatë se ai po shkonte në Hollandë bashkë me të tjerët, thjesht për të blerë makina dhe për t’i shitur në Itali dhe se nuk kishte dijeni për atë se çfarë bënin të tjerët në Hollandë.

“Policia qe e sigurt që ai qe i përfshirë, por provat nuk qenë të mjaftueshme në gjykatë,” tha Novati. “Ai qe pranë bosit të bandës Morrigia”, shtoi ish-shefi i policisë, aktualisht në pension.

Një kandidat tjetër i akuzuar në të shkuarën – dhe i dënuar – për trafik droge, është ajo e kryetarit të bashkisë Kavajë Elvis Rroshi, i njohur gjithashtu si Ervin Rroshi.

Rroshi, i cili u zgjodh më 2011 si kryebashkiak, po kërkon aktualisht një mandat të dytë në këtë bashki.

Para se të bëhej kryebashkiak, Rroshi qe dënuar në Zvicër për shpërndarje droge.

Një zyrtar i Zvicrës, i cili foli në kushtin e anonimatit, i tha BIRN se të dhënat policore të Zvicrës tregojnë se Rroshi qe subjekt procedimi penal nga viti 1993 deri më 1997.

“Ai u hetua për trafik droge dhe shpërndarje, por nga ajo që mund të shoh unë, qe një peshk i vogël,” tha zyrtari i policisë për BIRN.

“Atij iu dha një dënim i vogël dhe u deportua në Shqipëri pas periudhës së paraburgimit,” shtoi ai.

I njëjti burim tha se autoritetet e Shqipërisë patën kërkuar informacion në vitin 2011 nga homologët e tyre zviceranë nëse Rroshi qe dënuar për trafik droge dhe pastrim parash dhe se ata e patën marrë përgjigjen.

“Interpol Tirana mori të njëjtin informacion,” specifikoi zyrtari zviceran.

Zëdhënësi i Rroshit, Shpend Barameta i tha BIRN se ai nuk ka qenë asnjëherë i dënuar.

“Na vjen vërtet keq që situata dhe histori të tilla sajohen sa herë ka fushata zgjedhore…,” tha ai.

Endri Fuga, këshilltar i kryeministrit Edi Rama, gjithashtu mohoi që ndonjë nga kandidatët e koalicionit të udhëhequr nga socialistët, Aleanca për Shqipërinë Europiane, qe dënuar për krime.

“Partia Socialiste dhe Aleanca për Shqipërinë Europiane po punojnë për një ligj europian dhe demokratik, përmes të cilit të vendoset një vijë e kuqe që ndalon zgjedhjen apo emërimin në detyrat publike të personave me rekorde kriminale,” tha ai.

“Të tjerat janë politikë e llojit të ulët që merr rëndom formën antidemokratike të gjuetisë së shtrigave, të cilën, Partia Socialiste e refuzon me bindje të plotë si mjet famëkeq të së kaluarës diktatoriale apo gjysmëdiktatoriale,” shtoi Fuga.

Gentian Muhameti, kandidat për Këlcyrën, i cili më pas u tërhoq nga Partia Demokratike, qe arrestuar gjithashtu në Itali më 1997, për trafik droge.

Eliana Martella, zëdhënëse e policisë për qytetin e Leçes në Italinë e jugut i tha BIRN se Muhameti qe arrestuar më 20 janar 1997 në Melendugno, provinca e Leçes, me 30 kilogramë marijuanë.

“Ai u dënua me dy vjet burg dhe me 15 milionë lireta [gjobë] (në atë kohë rreth 7,500 euro],” shtoi Martella.

“Ai e pranoi fajin dhe përfitoi një dënim [të reduktuar] prej një viti e gjashtë muajsh burg dhe 10 milionë lireta [gjobë] më 15 mars 1997”, shtoi ajo.

Më 9 qershor, Komisioni Qendror i Zgjedhjeve votoi për të hequr Muhametin nga lista e kandidatëve për Partinë Demokratike. Kolegji Zgjedhor, një gjykatë e specializuar për mosmarrëveshjet zgjedhore, e la në fuqi këtë vendim.

KQZ, njësoj si partitë politike, ka qenë nën presion nga SHBA dhe BE për të ndaluar kandidatët me të shkuar kriminale në zgjedhje.

Drejtuesja e delegacionit të BE-së në Tiranë Vlahutin, i tha BIRN se kjo qe një çështje për të cilën BE “ka lobuar fort… për shkak se zyrat publike janë për t’i shërbyer popullit”.

“Të vendosësh nëpër lista njerëz për të cilët ka të dhëna se janë të përfshirë në aktivitet kriminal, veçanërisht trafik droge, trafik qeniesh njerëzore dhe prostitucion, është fyese dhe poshtëruese për qytetarët, votat e të cilëve kërkojnë këto parti politike,” tha ajo.

“Në procesin e integrimit do të analizohet gjithashtu angazhimi për t’i dhënë qytetarëve qeverisjen më të mirë, kështu që do të ketë efekt, por ne duhet të jemi njësoj, madje edhe më shumë të shqetësuar për pasojat që kjo do të ketë mbi shoqërinë [shqiptare],” shtoi Vlahutin.

Ambasadori i SHBA-së në Tiranë, Donald Lu, i cili ka bërë gjithashtu përpjekje kundër nominimit të kandidatëve me të shkuar kriminale, thotë se Shqipëria meriton të ketë kandidatë më të mirë.

“Nëse do të zgjidhen, ata do pretendojnë se ju mbështesin, ndërkohë që vjedhin paratë tuaja për të financuar Mercedezët e zinj luksozë, vilat anës detit apo rezidencat e tyre skandaloze. Shqipëria meriton më shumë,” tha ai mbi këta kandidatë.

“Tashmë i takon votuesve t’i refuzojnë këta kriminelë që përbëjnë tallje për sistemin politik të Shqipërisë,” shtoi ai.

BIRN


Panorama

[Qyfyre]

Do fitoj LSI mesa duket

[Albo]

VIDEO/ Rroshi për akuzat: S’më tremb askush se kam mbështetjen e Ramës. Carën e shëtita në Europë

Kreu i Bashkisë së Kavajës, i cili kandidon edhe për një mandat tjetër në këtë bashki u është përgjigjur dje akuzave se ka qenë i dënuar më parë.



Panorama

[Albo]

U denoncuan si të inkriminuar, Rroshi dhe Bushi fitojnë zgjedhjet, kryebashkikë në Kavajë e Krujë

Kandidatët e maxhorancës, Elvis Rroshi në Kavajë dhe Artur Bushi në Krujë, pavarësisht denoncimit të ndërkombëtarëve për të kaluarën e tyre kriminale, rezultojnë të jenë në avantazh në bashkitë në të cilat garojnë.


Artur Bushi/ Elvis Roshi

Thirrjet e ambasadorit të SHBA, Donald Lu, një ditë para zhvillimit të zgjedhjeve nuk janë përkthyer në rezultate konkrete në këto qytete. Mbyllja e numerimit flet për një fitore të thellë të dy kandidatëve, emrat e të cilëve u denoncuan edhe nga rrjeti i gazetarisë investigative “Birn”, për të kaluarën e tyre kriminale.

Kryebashkiaku aktual i Kavajës, Elvis Rroshi fitoi me 16. 540 vota, ose 63.61%, përballë rivalit të tij demokrat Engjëll Cara, i cili mori vetem 36,39% te votave.

Triumfues ne keto zgjedhje eshte edhe ish-deputeti socialist Artur Bushi, kreu i Bashkise se Krujes, i cili mori 18.362 vota, ose 54,59%, nderkohe qe rivali i tij i djathte Hamdi Pasha mori 15.274, ose 45,41%.

DENONCIMI
Thirrjet e vazhdueshme të ambasadorëve drejtuar kryetarëve të partive për pastrimin e listave nga kandidatët e inkriminuar u konkretizuan me publikimin e shkrimit nga “Birn” për tre kandidatët me të kaluar kriminale. Rrjeti i gazetarisë investigative, i cili financohet nga SHBA, denoncoi të kaluarën e kandidatëve të maxhroancës në Kavajë e Krujë, Elvis Rroshi dhe Artur Bushi dhe atij të tërhequr nga opozita në Këlcyrë, Gentian Muhametit.

“Birn” denoncoi kandidatin e maxhorancës në Krujë, Artur Bushi, për faktin se para se të bëhej deputet në vitin 2013, është arrestuar si i dyshuar si pjesë e një organizate kriminale, të njohur si banda e “Morriggia”-s. Lidhur me këtë ngjarje, rrjeti investigativ paraqiti edhe prova të cilat vërtetonin qëndrimin e Bushit në burg. Edhe për kandidatin e Kavajës dhe kryebashkiakun aktual, Elvis Rroshi, u paraqitën prova dhe komunikime me institucionet ndërkombëtare të cilat vërtetonin se para se të zgjidhej kryebashkiak ishte dënuar në Zvicër për shpërndarje droge.

Sipas autoriteteve ndërkombëtare, pas akuzave për trafik dhe shpërndarje droge, atij iu dha një dënim i vogël dhe më pas u transferua në Shqipëri. Kandidati i PD në Këlcyrë, Gentian Muhameti, i cili u çregjistrua vetëm një javë përpara zgjedhjeve të 21 qershorit, gjithashtu rezultoi të ishte dënuar më parë në Itali për trafik droge. Ambasadori amerikan, Donald Lu dhe ambasadorja e BE-së, Romana Vlahutin, kanë bërë thirrje të vazhdueshme për partitë politike që në fazën fillestare të përzgjedhjes së kandidatëve, që të ofrojnë për votuesit persona pa precedentë penalë.

Nëpërmjet një statusi në rrjetet sociale, ambasadori i SHBA-ve, Donald Lu, vetëm një ditë përpara zgjedhjeve doli hapur me një thirrje për qytetarët për të mos votuar dhe për të refuzuar të gjithë kandidatët e inkriminuar që partitë politike ofruan në zgjedhjet e 21 qershorit.

Panorama

[Albo]

VIDEO/ Rroshi për akuzat: S’më tremb askush se kam mbështetjen e Ramës. Carën e shëtita në Europë

Kreu i Bashkisë së Kavajës, i cili kandidon edhe për një mandat tjetër në këtë bashki u është përgjigjur dje akuzave se ka qenë i dënuar më parë.



Panorama

Mire ia the ambasadorit amerikan. Ti nuk ia ke friken atij se ty te ka bere shoku Rama kryebashkiak.

O shoku Rama!

Po mire bre xhanem, te gjithe trafikantet e kriminelet ne Partine tone Socialiste gjete te na i sjellesh!

Turp e per faqe te zeze!

Albo

[Albo]

Spahiu, letër Donald Lu-së: Do i njihni bashkitë e fituara nga kriminelët?



Kreu i Aleancës Kuqezi Kreshnik Spahiu i ka dërguar një letër publike ambasadorit amerikan Donald Lu.

Ai i kërkon ambasadorit që të mos njohë fituesit e bashkive ku kandidonin persona me rekorde kriminale.

Në nisjen e fushatës Donald Lu bëri thirrje që të pastroheshin listat nga të inkriminuarit.

Por nëse PD hoqi kandidatin e saj në Këlcyrë për shkak të rekordeve kriminale, nga PS nuk pati asnjë lëvizje.

Ja letra e plotë e Kreshnik Spahiut:


I nderuar shkëlqesia juaj, Ambasador Donald Lu
Prej disa ditësh kemi ndjekur me shumë interes prezencën dhe rolin tuaj aktiv në fushatën elektorale të zgjedhjeve për qeverisjen vendore në Shqipëri.

Me admirim kemi vlerësuar se ju po kryni me dinamizëm misionin tuaj si vazhdimësi e suksesshme e ish-ambasadorëve të mëparshëm, Arvizu dhe Withers.

Mijëra shqiptarë panë tek ju një rreze shprese 24 orë para ditës së votimit, kur ju i apeluat gjithë shqiptarëve që të mos votonin kandidatët për kryetar bashkie të cilët janë me rekorde kriminale.

Thirrjet tuaja për të mos votuar elementët mafioz dhe “Mercedesët e Zinj” ishin një apel miqësor dhe diplomatik i një miku të vërtetë të shqiptarëve dhe jo i qeveritarëve.

Më lejoni që të shpreh konsideratën por dhe vlerësimin e mijëra shqiptarëve për kurajon tuaj fisnike.

Ndëkohë që zgjedhjet përfunduan dhe emrat e kandidatëve fitues u publikuan, një sërë pikëpyetjesh u ngritën sërish për të ardhmen e Shqipërisë.

Miliona sy janë drejtuar drejt jush për të parë dhe dëgjuar nëse:

– Kriminelët u votuan apo u refuzuan me vota nga shqiptarët?

– A do legjitimohet fitorja edhe nëse atyre do u krijoj imunitet funksioni publik i kryetarit të bashkisë?

– A do i njoh Washingtoni ata si partnerë?

– A do njihen këto zgjedhje të fituara nga “mercedesët e zinj” si proces zgjedhor me standarde apo jo?

– A do bëhen publikë emrat e kryetarëve që fituan, por që më pare, kanë pas rekorde kriminale apo do lihen anonim emrat e tyre

Parimet dhe standardet janë padyshim më të rëndësishme se rezultati apo se kush ishte fituesi.

Këto dhe shumë pikëpyetje i nderuar mik i madh i shqiptarëve pritet të marrin një dritë informacioni prej jush në kushtet kur populli ka një krizë besimi të lartë tek institucionet e drejtësisë.

Ne ju inkurajojmë në rrugën e guximshme që keni nisur dhe u kërkojmë ndihmë si një komb me demokraci hibride dhe mungesa të theksuara të të drejtave qytetare.

Ne jemi me ju, se dhe Ju, jeni një avokat i shkëlqyer i kombit shqiptar.

Duke shpresuar në mirëkuptimin tuaj, më lejoni dhe njëherë të shpreh konsideratat e larta për shkëlqesinë tuaj.

Me respekt, Kreshnik Spahiu (Kryetar Aleanca Kuqezi)

[Ciarli]

Ajo dihet, por Shba ben mire tu jape 'zemren', drogen e fundit te laboratoreve dhe jo helm skarco. Kur 'Ameriko' te zbuloje drogen 'Kepi i Shpreses se Mire' prap neve nuk do na japin gje por do e dorezojne ne Evrope ku edhe do paguhen pak.

[Albo]

Halimi: Rama e pranoi publikisht identitetin e dyfishtë të Rroshit

Nga Eduard Halimi

Rama ne Kavaje sot e pranoi publikisht ate qe opozita dhe mediat nderkombetare publikuan dite me pare per te shkuaren kriminale te Elvis alias Ervin Rroshi.
Rama pranoi se:

1- Elvis Rroshi quhet Ervin Rroshi
2- Ervin Rroshi eshte akuzuar per vrasje dhe denuar per plagosje me arme zjarri te nje qytetari ne Kavaje ne vitin 2000
3- Ervin Rroshi eshte akuzuar, denuar dhe debuar nga Zvicra per trafik nderkombetar te droges ne vitin 1997, por sipas rames paska qene I vogel. (!!!! 22 vjec)

Nuk e di cfare do beje shtabi I Ervinit qe kercenoi mediat nderkombetare te benin pergenjshtrimin duke u lene ultimatum te shtunen, kur shefi I tij sot I pranoi live per gjithe shqiptaret.

Keta nuk kane as piken e dinjitetit dhe nuk ndalen duke poshteruar qytetaret e Kavajes dhe gjithe Shqiperise me nje kandidat me te shkuar kriminale.

I bashkohem ambasadorit Donald Lu qe I ben thirrje shqiptareve: zero vota kandidateve me te shkuar kriminale

Zero vota per Elvis alias Ervin Rroshin ne date 21 qershor. Zero vota per poshterimin dhe poshteruesin e Kavajes dhe gjithe Shqiperise Edi Rama
Te gjitha votat per dinjitetin e Kavajes, per Engjell Caren.

Shqip

[Albo]

Këshilltarët e PD në Kavajë e Krujë, nuk njohin për kryetarë bashkie Rroshin e Bushin‏



Këshilltarët e Partisë Demokratike në Bashkinë e Kavajës nuk e njohin kryetarin e kësaj bashkie dhe kanë vendosur të mos marrin pjesë në mbledhjet e thirrura prej tij. Këshilltarët demokratë nuk njohin legjitimitetin e një kryetari Bashkie si Elvis Roshi, me precedentë të rëndë penalë, një përfaqësues të trafikut të drogës.



Po ashtu, edhe këshilltarët demokratë të Bashkisë së Krujës, nuk e njohin për kryetar Bashkie, Artur Bushin, person i arrestuar dhe i proceduar nga policia italiane për trafik droge. Këshilltarët demokratë të këtyre bashkive besojnë se qytetarët e Kavajës dhe të Krujës, meritojnë të përfaqësohen nga persona me integritet të lartë e që janë në shërbim të tyre, dhe jo nga njerëz të inkriminuar që janë në shërbim të pushtetit të tyre personal.

Shqip

[Ciarli]

Po keta trafikante nuk kane legjitimitetin e quasi trafikanteve latine qe po mban gjalle lindjen e asfiksuar, me cudi dhe tmerr,,,,ja e mira e tyre.

[Albo]

Tronditet e majta/ Roshi dhe Bushi drejt dorëheqjes



Burime brenda mazhorancës thanë për Lapsi.al se shumë shpejt kryebashkiaku i Kavajës, Elvis Roshi dhe ai i Krujës, Artur Bushi, pritet të japin dorëheqjen duke i hapur rrugë kështu zgjedhjeve të reja në këto dy bashki. Largimi i tyre do të jetë një tjetër rezultat i betejës për dekriminalizimin që opozita shqiptare dhe partnerët ndërkombëtarë kanë ndërmarrë fuqishëm muajt e fundit. Lapsi mësoi se si argument për dorëheqjen e mundshme të këtyre dy personazheve do të jetë tërheqja që opozita ka bërë nga këshillat bashkiakë në Kavajë e Krujë. Duke i akuzuar si elementë me të shkuar kriminale, Partia Demokratike bojkotoi këshillat bashkiakë dhe nisi një fushatë të fortë ndërkomëbtare për të denoncuar përfshirjen e individëve të lidhur me krimin në nivelet e larta të vendimarrjes së shtetit.
Kryeministri Edi Rama i pati injoruar akuzat e opozitës dhe bashkë me to edhe rekomandimet e BE dhe SHBA për të mos kandiduar persona me të shkuar kriminale. Ai doli publikisht për të mbrojtur kandidatët e tij dhe për të bërë apologjinë e të kaluarës së tyre problematike në vendet e BE. Rama tha se ndryshimi i emrave apo akuzat e policisë italiane, kishin të bënin me probleme të vogla dokumentash dhe se nuk kishte prova për fajësinë e të zgjedhurve prej tij. Rama fitoi zgjedhjet e 23 qershorit, përfshi edhe bashkitë që ishin bërë objekt i debatit për dekriminalizimin. Duke shpresuar se zhurma do të zgjaste pak dhe kjo çështje do të harrohej, kryeministri nuk dha asnjë shenjë reflektimi përkundrejt presionit në rritje të opozitës.
Por siç ndodh rëndom, kur e keqja fryhet, krismat e deputetit Armando Prenga në Laç do të plasnin edhe skandalin brenda mazhorancës. Prenga u arrestua, ndërsa deputeti tjetër i Lezhës, Arben Ndoka dorëzoi mandatit, si një nga individët për të cilin presioni nga SHBA u bë thuajse i hapur. Me këtë dorëheqje, kryeministri tentoi të mbyllë një kapitull që në fakt sapo është hapur dhe nuk dihet ku do të përfundojë. Rama u shfaq me ish deputetin Ndoka në Lezhë, në një shfaqje për kuponin tatimor, duke dashur të japë mesazhin që ikja e tij ishte për të kënaqur ndërkombëtarët, por qytetarët duhet ta dinin se ai mbetej në krah të tij.
Mesazhet e fundit të Parlamentit Europian, ku Shqipëria u krahasua me epokën e filmave më kaubojsë, ku u dha alarmi për depërtimin e krimit në nivelet më të larta dhe cënimi i zgjedhjeve të lira, dëshmuan se asgjë nuk është mbyllur me një lënie mandati. Në të njëjtën kohë, amsadori i Britanisë së Madhe tha hapur nga Durrësi se disa kryebashkiakë të zgjedhur nuk përmbushin standartet e përfaqësuesit të qytetarëve. Në vijim të dekriminalizimit dhe presionit të opozitës, ndërkombëtarët presin hapa dhe akte konkrete nga kryeministri shqiptar. Elvis Roshi dhe Artur Bushi mund të jenë goditjet e radhës. Por lista është e gjatë dhe mazhoranca pritet të përjetojë të tjera goditje.

Lapsi

[Albo]

Intervista/ Dorëheqja, flet Artur Bushi: Ja çfarë më kërkoi Rama



Kryetari socialist i Bashkisë Krujë mohon në mënyrë kategorike dhënin e dorëheqjes për shkak të akuzave të opozitës për precedentë penalë në Itali. Në një intervistë për Shqiptarja.com, ai shpjegon se do të ushtrojë deri në fund detyrën që i ka besuar sovrani, dhe nuk i është kërkuar në asnjë rast dorëheqja.

Z. Bushi, a keni planifikuar dhënien e dorëheqjes nga posti i kryebashkiakut të Krujës për shkak të akuzave të opozitës për probleme penale në të shkuarën tuaj?
Është vijim i të njëjtit qëndrim që ka bërë opozita edhe në 2013, e ka vazhduar edhe kur kam qenë deputet, e kanë trumbetuar edhe kur kam qenë gjatë fushatës, dhe vazhdojnë me të njëjtën histori. Unë kam dokument të Ministrisë së Drejtësisë Italiane, që jam pa asnjë lloj precedenti penal. Dhe nuk kam asnjë çështje që të jetë në hetim e sipër. Këto dokumente unë i kam në dispozicion për këdo, madje edhe me data të rifreskuara, dhe me vulën e Prokurës në fjalë. Unë i kam të gjitha dokumentet në rregull, madje edhe me projektligjin që sot ka paraqitur qeveria shqiptare për dekriminalizimin, unë nuk prekem në asnjë prej pikave të parashikuara.

I qëndroni bindjes se keni prova për pastërtinë tuaj penale?
Përderisa unë jam i padënuar dhe nuk ka asnjë hetim në proces në emrin tim në asnjë shtet të botës, opozita le të vijojë të hedhë baltë, unë jam i qetës. Opozita ka të drejtën e fjalës, por ato media që abuzojnë në këtë drejtim, duhet të konsultohen me dokumentet e dëshmisë së penalitetit që unë kam. Unë nuk kam ndërmend të jap dorëheqjen, por e kam ndërmend të përkushtohem për të përmbushur këtë përgjegjësi të madhe që më ka dhënë populli në krye të Bashkisë Krujë.

Z. Bushi, a ju ka kërkuar në ndonjë rast kryeministri Rama që të jepni dorëheqjen?
Mohoj në mënyrë kategorike që kryeministri të më ketë kërkuar të jap dorëheqjen. Kryeministri mua më ka kërkuar vetëm një gjë: të lutem shumë më sill projekte zhvillimore për Krujën që ne të bëjmë punën tonë.

Shqiptarja

[Albo]

Dekriminalizimi/ Edi Rama mbron Elvis Roshin. “Kavajasit kanë bërë 3 herë rresht zgjedhjen e duhur, ai ka mbështetjen time”



Ndërsa Elvis Roshi, kryebashkiak i Kavajës prite të jetë një nga “kurbanët” e parë kur ligji i Dekriminalizimit të marrë formën veprore, kryeministri Edi Rama i doli sot në mbrojtje të hapur atij. Gjatë aktivit të PS-së që pati ndalesën e rradhës në Kavajë, Rama ka vlerësuar me nota maksimale Elvis Rroshin duke e cilësuar atë si njeriun që po shëndrron imazhin e Kavajës nën udhëheqjen e tij.

“Kavajasit kanë bërë 3 herë rresht zgedhjen e duhur”- ka deklauruar Rama duke iu referuar rizgjedhjes në krye të Bashkisë së Kavajës, Elvis Roshi. “Më lejoni të përshëndes Roshin për punën që ka bërë dhe për transformimin e imazhit të këtij qyteti”- vijoi më tej Rama duke garantuar se qeveria do të jetë edhe më pranë projekteve të parashikuara për Kavajën.

Por ndërsa artikulonte këto fjalë, Edi Rama paralelisht duket se ka dalë në mbrotje të hapur ndaj një personazhi të njohur për botën e krimit dhe trafikut të drogës përpos edhe një personi Elvis të dënuar në vitin 2000 nga gjykata për plagosje dhe armëmbajtje pa leje.

Syri

[Albo]

E denoncoi PD - Elvis Rroshi sqaron përse është ndaluar dhe dëbuar nga Gjermania



Partia Demokratike, i ka kërkuar Kosmionit Qëndrorë të Zgjedhjeve që të nis procedurat për ndërprejen e mandatit të kryebashkiakut të Kavajës Elvis Rroshi, pasi akzuohet se ka fshehur të dhënat në vetëdeklarim. Gazeta Rilindja Demorkatike botoi sot formularin e vetëdeklarimit që buron si detyrim i ligjit të dekriminalizimit, ku Rroshi pranonte se ishte ndaluar ne Gjarmani, por nuk jepte arsyet e ndalimit. Pak orë më vonë Rroshi ka reguar në rrejtin social facebook, i cili ka sqaruar se është ndaluar në Gjermani pasi ka qënë emigrant pa letra, ndërsa garanton se nuk është subjekt i asnjë krimi që parashikon ligji i dekriminalizimit.

Tirane- Pas plotësimit të formularit të vetëdeklarimit, Partia Demokratike akuzoi Kryebashkikun e Kavajës, Elvis Rroshi, se ka fshehur të shkuarën e tij. Gazeta zyrtare e selisë Blu, Rilindja Demokratike, botoi fomularin e vetëdeklarimit të Elvis Rroshit, i cili pranonte se ishte ndaluar në Gjermani, por në vëtëdeklarim nuk jepte arsyen. Marrë shkas nga kjo Partia Demokratike, i kërkoi Komisionit Qëndror të Zgjedhjeve që t’i drejtohet prokurorisë, që të nisë procedurën për ndërprerjen e mandatit të kryetarit Bashksië Kavajës, ashtu siç e përcakton ligji

Ervin Salianji: I shpallur nga Edi Rama si model për t’u marrë shembull nga të tjerët, Roshi ka pasur në të kaluarën probleme të rënda me drejtësinë.

Ai po mundohet ti fshehë ato duke mos dhënë arsyet pse është dëbuar nga Gjermania. Një provë që konfirmon qëndrimet dhe denoncimet e Partisë Demokratike dhe të ambasadorit amerikan për kandidimet e kriminelëve në zgjedhje. Partia Demokratike i bën thirrje Komisionit Qendror të Zgjedhjeve të dërgojë menjëherë në prokurori formularin e Roshit, pasi fshehja e të dhënave është një vepër penale më vete që do të mjaftonte për ndërprerjen e mandatit të Roshit. Partia Demokratike i bën thirrje prokurorisë dhe organeve që ligji ngarkon me zbatimin e tij, që të nisin menjëherë nga puna.

Mbi akuzat e demokratëve reagoi kryetari i bashkisë së Kavajës, i cili nëpërmjet një postimi në facebook, thekson se ai është ndaluar në Gjermani, pasi ka qenë emigrant pa letra. Rroshi, garanton se nuk është subjekt i asnje krimi qe parashikon ligji i dekriminalizimit.

Elvis Rroshi:“Une jam ndaluar ne Gjermani nga autoritetet vendase dhe me pas jam debuar nga Gjermania. Kjo ka ndodhur pasi kam qene emigrant pa letra. Kam shkruar ne deklarate se nuk me kujtohen detajet e ceshtjes pasi dua te jem i sakte ne cdo percaktim. Te gjitha detajet dhe procedurat e ndalimit dhe debimit tim jane duke u zbardhur nga avokatet e mi dhe do u vihen ne dispozicion publikut dhe institucioneve shteterore sa me pare te jete e mundur. Por nje gje eshte e sigurte: Une nuk jam subjekt i asnje krimi qe parashikon ligji dekriminalizimit dhe nuk doja qe Sali Berisha dhe partia e tij te kerkonin largimin tim nga politika per pasaktesi deklarimi” sqaron Elvis Rroshi



ORA NEWS

[Albo]

Dekriminalizimi - Prokuroria i kërkon KQZ formularin e vetëdeklarimit për Elvis Rroshin



Prokuroria e Përgjithshme ka kërkuar materialet paraprake nga Komisioni Qendror i Zgjedhjeve për kryetarin e Bashkisë së Kavajës, Elvis Rroshi.
Me anë të një njoftimi, Prokuroria thekson se kryebashkiaku ka dhënën informacione të pa sqaruara mirë kur ka plotësuar formularin e dekriminalizimit.

“Në zbatim të ligjit, Prokuroria e Përgjithshme ka ngritur strukturën e posaçme, e cila do të verifikojë integritetin e subjekteve të këtij ligji. Bazuar në tagrin e tij ligjor, Prokurori i Përgjithshëm, z. Adriatik Llalla, ka kërkuar nga Komisioni Qendror i Zgjedhjeve (KQZ) që të paraqesë materialet paraprake mbi subjektin e ligjit, Elvis Rroshi, me funksion Kryetar i Bashkisë Kavajë.

Kërkesa e Prokurorit të Përgjithshëm mbështetet në faktin se, në formularin e vetëdeklarimit të këtij subjekti, ka të dhëna të pasqaruara, të cilat kërkojnë verifikim më të thelluar”, thuhet në njoftim.

Sipas ligjit është KQZ institucioni që bën verifikimin e formulareve të vetëdeklarimit, por në rastin e kryebashkiakut Elvis Rroshi, ku ai pranon se ishte ndaluar dhe dëbuar nga Gjermania është institucioni i Prokurorisë që duhet të bëjë verifikimet.

Pak ditë më parë, Partia Demokratike kërkoi nga Prokuroria që të ndërpresë mandatin e kryetarit të Bashkisë së Kavajës, Elvis Rroshi, pasi në formularin e dekriminalizimit ai nuk kishte sqaruar se pse ishte ndaluar në Gjermani.

Ndërkohë, kryebashkiaku sqaroi se ishte dëbuar nga Gjermania për shkak se nuk kishte dokumente si shumë shqiptarë të tjerë në atë kohë.
Prokuroria: Ngrihet struktura e posaçme

Gjithashtu, Prokuroria e Përgjithshme thekson se duke nisur nga java e ardhshme do të ftojë në takim për koordinimin e veprimeve me organet e tjera shtetërore që kanë struktura të posaçme për zbatimin e tij.

Për këtë arsye, Prokuroria e Përgjithshme ka ngritur strukturën e posaçme, e cila do të verifikojë integritetin e subjekteve të këtij ligji.
“Prokuroria e Përgjithshme, krahas angazhimit të saj, pret dhe mirëpret çdo informacion apo indicje nga institucionet përgjegjëse dhe qytetarët mbi rekordet e mundshme kriminale të zyrtarëve, brenda apo jashtë vendit, për të cilat janë parashikuar ndalimet përkatëse në ligjin ‘Për Dekriminalizimin’”, thuhet më tej.



ORA NEWS