Kolumbiani që priste 250kg kokainë nga Mali i Zi do të paguhej nga Artan Santo?

[Albo]

Anija me banane do të vinte në Shqipëri, kapen 250 kg kokainë nga Ekuadori në Malin e Zi





BAR- Autoritetet malazeze njoftuan këtë të enjte sekuestrimin e 250 kg kokainë nga Amerika e Jugut në një nga operacionet më të mëdha të drogës në vend.

Droga është zbuluar të mërkurën në një nga portete më të mëdha në vend, atë të qytetit jugor Bar, në një anije që mbante banane të ngarkuara nga Ekuadori për në Shqipëri. Droga ishte e ndarë në 223 pako. Kokaina e cilësisë së lartë kap një vlerë të parashikuar deri në 12.5 milionë euro, sipas autoriteteve doganore vendase.

Kokaina e sekuestruar

Sipas Drejtorit të Doganave Vladan Jokoviç policia ka kryer një kontroll të detajuar në anije, pas dyshimeve. Nga kontrolli është gjetur se droga ishte fshehur në një shtresë të poshte të kontenierit, e ndarë në 223 pako. Sipas tij ngarkesa ishte bërë nga kompania “Vimtcoprp” në Ekuador, dhe anije po kalonte tranzit në Malin e Zi, ndërsa malli ishte i destinuar për kompaninë shqiptare “Rrapo”.

Agjencitë e lajmeve citojnë se Mali i Zi dhe vendete e tjera të Ballkanit janë rrugë kryesore për transitin e drogës nga Amerika e Jugut dhe Lindja e Mesme për në Evropën Perëndimore

Panorama

[Albo]

E po kjo pike e zeze!

Kemi probleme me hashashin, tani edhe kokaina na duhet! Po mire ore keta trafikantet pse zgjedhin Shqiperine tone per keto gjera?

Nuk e dine keta qe Qeveria e Rilindjes nuk te fal?

O shoku Rama,

Mos i ben ai Berisha keto pislleqet e kokaines qe te na e nxije faqen tone te Rilindjes?

Albo

[Albo]

U fsheh me banane: Kapen 12.5 milionë euro kokainë, u porosit në Fier

Dogana malazeze bllokon 250 kilogramë kokainë që vinte nga Ekuadori në Shqipëri. Kompania porositëse me seli në Mbrostar të Fierit.

Droga me vlerë 12.5 milionë euro vinte nga Ekuadori.

Dogana malazeze parandaloi dje trafi-kimin drejt Shqipërisë të një ngarkese me 250 kilogramë kokainë, e cila ishte fshehur në një kontejner bananesh.
Lënda narkotike është zbuluar dhe bllokuar në Portin e Barit të Malit të Zi në një kontejner që ishte vulosur në emër të një kompanie shqiptare që merret me tregti bananesh, e cila e ka selinë e saj në Fier. Ngarkesa me banane ishte nisur nga Ekuadori dhe mbërriti në portin malazez në një anije, e cila kishte edhe mallra të porositura nga kompani të tjera. Kontrolli me skaner zbuloi disa anomali në konstruktin e kontejnerit, ndërsa më pas verifikimet e agjentëve doganorë dhe të policisë zbuluan dyshemenë e dyfishtë të kontejnerit. Ngarkesa me banane mësohet se ishte nisur nga Ekuadori, ndërsa verifikimet në faturën dhe kodin e vulosur të kontejnerit zbuluan se ajo ishte porositur nga kompania “Rrapo” me qendër në Fier. Në hapësirën mes dy shtresave ishin vendosur plot 223 pako me lëndë narkotike kokainë, e cila me çmimin e tregut kap shifrën e 12.5 milionë eurove. Duke përdorur një skaner, oficerët e policisë doganore kanë zbuluar kokainën e fshehur poshtë dyshemesë prej druri të kontejnerit.

Flet kreu i Doganave

Drejtori i Autoritetit të Doganave në Mal të Zi, Vladan Jokoviç, deklaroi dje pas aksionit se kontejneri ku u gjet droga është dërguar nga kompania “Vimticorp SA” nga Ekuadori. Sipas zyrtarit malazez, marrësi i ngarkesës, sipas dokumentacionit, ishte kompania shqiptare “Rrapo”, citon “Vejesti” zyrtarin malazez. Sipas tij, droga u zbulua në një kontroll rutinë nga zyrtarët e departamentit të luftës kundër kontrabandës. Sipas regjistrit zyrtar të Shqipërisë në QKR, kompania “Rrapo” rezulton se është regjistruar në mars të vitit 2013 nga Nazike Rrapaj. Objekti i veprimtarisë së saj është për të importuar fruta dhe sipas regjistrit, ngarkesa e djeshme ishte aktiviteti i saj i parë.

Nis hetimi në Fier, policia bastis magazinën e bananeve

FIER – Aksion i policisë në ambientet e godinës së kompanisë “Rrapo” buzë autostradës Fier-Lushnjë. Pas lajmit për bllokimin e sasisë së madhe të kokainës mes kontejnerëve me banane nga Ekuadori, me destinacion firmën me qendër në Fier, forca të shumta të policisë zbarkuan dje në fshatin Vajkan, në territorin e të cilit ndodhet kjo godinë. Në mbrëmje ishte e vështirë t’i afroheshe ndërtesës dykatëshe, e njohur si pikë grumbullimi e tregtimi të bananeve. Ajo ishte ndërtuar disa vite më parë, por banorë të zonës tregojnë se kishin dëgjuar se aty po kryheshin punime për ta shndërruar në një pikë përpunimi të bananeve, të ardhura nga vendet e tropikut gjysmë të pjekura. Po sipas banorëve, rreth orës 17:30 të pasdites disa makina policie kishin rrethuar godinën e më pas kishin hyrë brenda, ndërsa në mbrëmje vetëm një furgon policie ndodhej pranë, ndërsa disa persona civilë të urdhëronin për t’u larguar nga ky ambient. Nga pamja e jashtme nuk ka asnjë tabelë emërtuese të aktivitetit që ushtrohet në ndërtesë. Orientimi u mor fillimisht nga regjistrimi i biznesit në Qendrën Kombëtare të Regjistrimit, ku rezulton pronar Dritan Rrapaj dhe ortake nënën e tij, Nazike Rrapaj. Mësohet se 40-vjeçari Rrapaj ka lindur në Fier dhe jeton në Tiranë, ndërsa e ëma banon në qytetin e Fierit. Nuk bëhet e ditur nëse ata janë shoqëruar nga policia pas bllokimit të lëndës narkotike në portin malazez.

Panorama

[Albo]

Droga e kapur në Malin e Zi, Tahiri: Nuk kishte destinacion Shqipërinë

KORÇË-Droga e kapur në Malin e Zi një ditë më parë nuk kishte destinacion Shqipërinë. Deklarata u bë nga ministri i Brendshëm Saimir Tahiri nga qyteti i Korçës. Ministri thekson se kompania e përmendur nga mediat malazeze është shqiptare dhe po hetohet. Sipas Tahirit ngarkesa me banane kishte për destinacion vendin tonë.

250 kilogramë kokainë u sekuestruan një ditë më parë në portin Bar të Malit të Zi të fshehura në kutitë e bananeve. Droga është gjetur në një nga tre kontejnerët që sillte banane nga Ekuadori drejt Shqipërisë.

Duke përdorur një skaner, oficerët e policisë doganore kanë zbuluar kokainën e fshehur poshtë dyshemesë prej druri të kontenierit. Mësohet se droga ishte e ndarë në 223 pako. Vlera e llogaritur e shitjes së drogës arrin deri në 12.5 milionë Euro.

(a.n/BalkanWeb)

[Albo]

Pronari i firmës "Rrapo": Porosita banane, s’e dija për kokainën

FIER-Pronari i kompanisë “Rrapo” në Fier, Dritan Rrapaj, ka mohuar të ketë dijeni se në ngarkesën me banane të porositur prej firmës së tij, të transportohej drogë.

Pas kontrollit të ushtruar në godinën në fshatin Vajkan, një grup hetimor ka marrë në pyetje pronarin Rrapaj, shkruan sot e perdtishmja "Panorama". Mësohet se ai ka dhënë deklarimet e tij në lidhje me 250 kg kokainë të bllokuar në portin e Tivarit në Mal të Zi, në një prej kontenierëve me banane që ai kishte porositur për aktivitetin e tij që ushtronte prej vitesh. Rrapaj, i cili rezulton se bashkë me të ëmën Nazike Rrapaj janë aksionerë në këtë kompani, ka qenë i qetë në deklarimet e tij. Ai ka treguar se është habitur kur ka mësuar se në ngarkesën me banane që kishte porositur në Ekuador ishte zbuluar një sasi e madhe droge. “Gjithçka në biznesin tim e kam ushtruar në përputhje me ligjin. Jam i gatshëm që të vë në dispozicion të drejtësisë të gjithë dokumentacionin përkatës për të vërtetuar se kompania ime nuk ka lidhje me drogën që është gjetur në një prej kontenierëve me banane”, mësohet të jetë shprehur Rrapaj.

Marrja e dëshmisë së tij është kërkuar nga Prokuroria e Krimeve të Rënda, e cila ka nisur verifikimet për rastin, pas sinjalizimit nga autoritetet malazeze se droga mund të kishte destinacion Shqipërinë, aty ku ishte edhe destinacioni i bananeve. Konfirmohet se nuk ka asnjë hetim në lidhje me këtë çështje nga pala shqiptare, pasi jo vetëm deklarimet, por edhe nga kontrollet e ushtruara në ambientet e firmës “Rrapo” dhe në banesën e pronarit të saj nuk ka pasur asnjë element të dyshimtë. “Kam ndërtuar në fshatin Vajkan, buzë autostradës Fier-Levan, objektin dykatësh me qëllim magazinimin dhe përpunimin e bananeve. Ato kisha qëllim që t’i tregtoja me shumicë, kryesisht në tregun e Fierit, por dhe më gjerë”, mësohet të ketë thënë Dritan Rrapaj, i cili është lindur në Fier, por banon në Tiranë. Pasi ka studiuar tregun, ai ka gjykuar se bananet do të bliheshin në Ekuador. Ai ka gjetur dhe kompaninë e transportit nga ky vend i largët drejt Adriatikut.

Nga burime të Policisë mësohet se 40-vjeçari Rrapaj ka deklaruar se i kishte kërkuar kompanisë ekuadoriane “Vimtcopr” që t’i siguronte 10 kontenierë me banane, të cilat do t’i blinte në faza të ndryshme. “Fillimisht bëra pagesën për dy kontenierë të cilët mbërritën në Portin e Durrësit. Me këtë sasi nisa punën dhe pasi më pëlqeu cilësia e frutave të blerë, vendosa që të porosis edhe tre kontenierë të tjerë. Pasi të vinte ngarkesa do të bëja dhe pagesën, në varësi të cilësisë së frutave. Nuk kam asnjë dijeni lidhur me drogën që mësova nga mediat se ishte kapur në një prej kontenierëve me banane që kisha porositur për llogari të kompanisë sime. Nuk kam as dijeni dhe as lidhje me drogën, pasi transportimi i bananeve është marrë përsipër nga firma ekuadoriane dhe unë nuk kam si të jem i përzier me këtë gjë”, është shprehur 40-vjeçari. Policia e Fierit ka ushtruar kontrolle në ambiente të brendshme të magazinës së kompanisë, duke dyshuar për ndonjë element të dyshimtë, por pas dy ditësh janë përgjigjur se nuk ka asgjë të tillë.

Kokaina u kap me përgjime, zbardhet itinerari i anijes
Nderkohe Gazeta Shqiptare bazuar tek mediat malazeze ka zbardhur me detaje sot itinerarin ielëvizjes së anijes "Jilhan", në të cilën u sekuestruan 250 kg kokainë. Mediat malazeze kanë sqaruar se anija nën pronësi të kompanisë zvicerane "MSC", e cila qarkullon në dete me flamurin panamez, është nisur në 25 maj, nga Porti i Durrësit drejt portit Korsinia. Sipas gazetës së përditshme malazeze "Vijesti", në 28 maj, e njëjta anije u nis drejt portit Gioia Tauro në Itali, ku mendohet se ka qëndruar katër ditë. Mësohet se gjatë kësaj kohe, anija është ngarkuar me tre kontenierët e bananeve, të cilët ishin porositur për në Shqipëri nga kompania "Rrapo", me qendër në Fier. Mediat malazeze shkruajnë se e njëjta anije është parë në 2 qershor që të niset nga Italia dhe të kalojë në kanalin e Otrantos, ku rreth orës 19:00 ka humbur gjurmët. Rreth orës 23:45 minuta, anija "Jilhan" është parë rreth 7 milje larg Ulqinit. "Transporti i kontenierëve u bë nga kompania malazeze 'Interlog', me pronar Erik Koshutën. Në portin e Tivarit për disa orë priste një shofer me mjetin kamion, që të merrte në dorëzim ngarkesën", citon media malazeze "Vijesti". Veç kësaj, aty thuhet se anija në datën 3 qershor ka shkarkuar kontenierët në Mal të Zi dhe ka vazhduar itinerarin e saj drejt Durrësit, ku është ankoruar të enjten (data 5) rreth orës 05:07. Mbrëmjen e së premtes, anija, pasi ka qëndruar 16 orë në portin e Durrësit, rreth orës 22:30 minuta është rinisur për në Gioia Tauro, në Itali.

Zbulimi
Burime nga Policia e Shtetit bëjnë me dije, se sinjali i parë që ka çuar policinë malazeze në zbulimin e ngarkesës së dyshimtë kanë qenë përgjimet që kanë pasur autoritetet malazeze, pasi kjo nuk është hera e parë që kokaina vjen nga Ekuadori në drejtim të Malit të Zi. Por, të njëjtat burime sqarojnë se tre kontenierët që janë transportuar me anijen "Jilhan", i janë nënshtruar vëzhgimit përmes skanerit, ku tek kontenieri që është gjetur sasia prej 250 kg kokainë, është vënë re një problem me vulën e doganës dhe është vënë re një saldim i freskët, gjë që ka çuar në kontrollin e imtësishëm të policisë, derisa në dyshemenë e kontenierit është gjetur sasia e lëndës narkotike. Policia po punon në pistën se droga ka pasur si destinacion Italinë dhe Francën, por pa dhënë detaje se çfarë itinerari do ndiqte trafiku i drogës. Ndërkohë, pista tjetër e hetimit i referohet faktit se, kontenierët do të vinin në Shqipëri, do të shkarkoheshin bananet, dhe më pas do të çmontoheshin për të marrë kokainën e pastaj do të niseshin bosh.

Burime të policisë shqiptare sqarojnë se ky version ka ngritur edhe dyshimet se përfaqësuesit ligjorë të kompanisë "Rrapo Company" mund të kenë pasur dijeni për këtë trafik. Për këtë arsye, D. Rrapaj dhe N. Rrapaj janë marrë në pyetje për ngarkesën, ku kanë deklaruar se kanë porositur vetëm bananet dhe nuk kishin dijeni për drogën. Burime nga uniformat blu bëjnë me dije se, kokaina e cilësisë së lartë, nëse do të zbriste në Shqipëri, do të përzihej me përzierës lëndësh narkotike dhe do të tregtohej në tregun europian. Hetimet e policisë vijojnë në bashkëpunim edhe me autoritetet malazeze, për të zbuluar trafikun e drogës, që në total kapte vlerën e 12.5 milionë eurove.

(d.b/BalkanWeb)

[Elian70]

Deklarata u bë nga ministri i Brendshëm Saimir Tahiri nga qyteti i Korçës. Ministri thekson se kompania e përmendur nga mediat malazeze është shqiptare dhe po hetohet. Sipas Tahirit ngarkesa me banane kishte për destinacion vendin tonë.

cfare fatkeqesie.... si nuk e besuan nje here kete minininistrin...cfaj ka i shkreti nese porosit nje pjate me spageti dhe i hedhin MJALTE te tjeret...
gjynah edhe per firmen fierake...si do ja bejne pa banane tani???!!

[Albo]

Kokaina në Malin e Zi, Berisha: Një zyrtar shqiptar njoftoi trafikantët për operacionin

TIRANE - Ish-kryeministri Sali Berisha deklaron se një zyrtar i lartë shqiptar ka njoftuar rrjetin e trafikut të drogës që u kap në Malin e Zi, për operacionin që po organizohej nga shërbime partnere të specializuara në luftën kundër drogës.

Në faqen e tij zyrtare në rrjetin social “Facebook” Berisha shkruan: “Burime të brendshme të Aleancës së Anti-drogës informojnë sa vijon. Ky rrjet trafiku po ndiqej që në lindje, sapo filloi, që nga vendi i origjinës deri në vendin e pritjes, nga shërbime partnere të specializuara në luftën kundër drogës. Por në këtë proces, këto shërbime, gjetën se një zyrtar i lartë shqiptar kishte përdorur informacionin e tyre për të njoftuar rrjetin dhe për këtë ata ndërprenë menjëherë bashkëpunimin me autoritetet shqiptare. Zyrtari i lartë u shkarkua, por të nesërmen urdhri i shkarkimit u anulua nga lart, shumë lart. Pas kësaj, shërbimet partnere njoftuan në dy raste të tjera shërbimet e vendeve të tjera por jo me ato shqiptare”.

Sipas Berishës, pas informacionit të publikuar në media për sekuestrimin e drogës në Malin e Zi, ministri Tahiri u tha shqiptarëve, "mos kujtoni se droga është e jona".

“Policia, mediat e Malit të Zi, të rajonit dhe të botës dhanë lajmin e bujshëm se në një anije në Malin e Zi u kapën 250 kg kokainë e cilësisë më të lartë me destinacion Shqipërinë, në një kontenier me banane të porositur nga kompania shqiptare me pronar Naziko Rrapon, e themeluar vetëm pak muaj më parë. Shqiptarët u habiten kur të nesërmen vetë ministri Tahiri vrapoi të mbronte pritësit e 250 kg kokaine, duke deklaruar njëlloj si ata se droga nuk kishte destinacion Shqipërinë, por Francën ose Italinë, pasi sipas tij, Shqipëria ishte treg i vogël për ngarkesa të tilla të mëdha”- shkruan Berisha.

Sipas tij, “me këtë deklaratë Sajmiri i Ramës pohoi publikisht se droga ishte thjesht një trafik qeveritar dhe se Naziko ishte thjesht një ufo apo "halla" e qeverisë".

"Ministri Tahiri bërtet së bashku me trafikantet se kjo sasi e madhe droge nuk ishte e destinuar për në Shqipërinë tonë, mbasi është e vogël, por për Francën dhe Italinë e madhe, sikur ajo të mos mund të shpërndahej lirshëm nga voglushja jonë në Itali, Gjermani, Francë e gjetiu, madje edhe duke kaluar lirshëm doganat e qeverisë si miell i saj!!”- përfundon Berisha.

(er.nu/BalkanWeb)

[Xinxerfilli]

Mashtrimet e Berishes skane te sosur.

Dritan Rrapaj ka qene pronar i kompanive te ndryshme qe nga vitit 2003 ndersa firma me e fundit e cila merrej me import fruta perimesh eshte rregjistruar ne QKR qe ne Mars te 2013 dhe kjo ishte hera e shtate qe bente te njejten porosi per banane dhe jo para disa muajsh sic na e thote Sala.

Berisha ka shume burime sekrete nga kjo Aleanca e Anti-Droges e cila merr vesh dhe operacionet e shteteve te huaja Por nje pyetje kam une, ku i kishte gjithe keto burime kur ishte ne qeveri dhe perse nuk i perdori atehere?

Une them qe te gjitha njesite e spiunazhit boterore te shkrihen ne nje te vetme: SALA

[Albo]

Hetimet: 250 kg kokainë, blerësi ndoshta një malazez ose kosovar

Tirane- Hetuesit e Malit të Zi nuk janë shumë të sigurtë se ngarkesa me 250 kg kokainë e cila u bllokua më 3 qershor në portin e Tivarit të kishte destinacion Shqipërinë.
Po hetohet një mundësi që blerësi të jetë nga Mali i Zi ose një shqiptar nga Kosova.
Lajmi është publikuar në gazetën “Politika”
Policia po kryen një hetim intensive për të përcaktuar se kujt i përket droga, kush e dinte për ngarkesën dhe nëse blerësi i vërtëtë ishte një shtetas në Mal të Zi.
Gazeta ka mësuar nga zyrtarët e lartë se hetimet janë përqëndruar në faktin nëse kokaina kishte qëllim Shqipërinë apo nëse klienti ishte një shtetas malazez apo nga Kosova.

ORA NEWS

[Albo]

Kolumbiani priti në Tiranë 250 kg kokainë të Malit të Zi

Arrestohet në Aeroportin e Rinasit një 36-vjeçar nga Kolumbia, i cili dyshohet se ka lidhje me sasinë e kokainës që u kap në portin e Malit të Zi një javë më parë. Shtetasi i huaj, Cesar Augusto Pelaez Luiz, i cili kishte hyrë në Shqipëri me pasaportë spanjolle pasditen e së martës, po tentonte të udhëtonte sërish drejt Spanjës duke ikur nga vendi ynë.

Policia ka thënë se po nga Spanja ai kishte mbërritur në Tiranë më datë 19 maj, thuajse tri javë më parë. Burime të rezervuara nga Drejtoria e Përgjithshme e Policisë thanë se arrestimi i shtetasit kolumbian ka lidhje me kontejnerin e bananeve ku u gjet e fshehur sasia më e madhe e kokainës e kapur më parë në Malin e Zi, plot 250 kilogramë, me vlerë 12.5 milionë euro.

Të njëjtat burime sqaruan se 36-vjeçari Pelaez Luiz kishte ardhur në Shqipëri më 19 maj dhe dyshohet se ishte personi që do merrte paratë e drogës kur ajo të mbërrinte në vendin tonë. Ndonëse të rezervuara, burimet nga Policia e Shtetit e konfirmuan arsyen e arrestimit të tij, por duke sqaruar se me hetimet po merret vetëm një grup i vogël dhe i besuar inspektorësh nën drejtimin e zv.drejtorit të Përgjithshëm të Policisë, Sokol Bizhga.

Në këtë hetim mësohet se ka marrë pjesë edhe prokuroria, e cila po verifikon nëse kolumbiani ka komunikuar me shtetas në Shqipëri, përfshi edhe pritësit e ngarkesës me banane. Të premten e javës që shkoi, 24 orë pas sekuestrimit të kokainës në Malin e Zi, ministri i Brendshëm, Saimir Tahiri, u shpreh se destinacioni i drogës nuk ishte Shqipëria. Duket se deklarata është bërë për të mos dëmtuar hetimet..

Lajmin e plote nga Etleva Delia e lexoni sot ne “Panorama” print