Kamerat e fshehta të “Ça’ thu”: 400 mijë lekë për… t’u bërë invalid. Reagon MMSR
Postuar më: 14 Janar, 2014 tek Aktualitet
Duke marrë shkas nga pamjet e transmetuara në datën 13 janar 2014 në emisionin investigativ “Ç’a thu?” në televizionin Agon, i cili zbuloi një skemë mashtrimi ndaj qytetarëve me qëllim përfitimin e të drejtës së KEMP-it përkundrejt mitmarrjes, Ministria e Shëndetësisë dhe Ministria e Mirëqenies Sociale dhe Rinisë njoftojnë si më poshtë:
Instituti i Sigurimeve Shoqërore, me kërkesë të posaçme të Ministrit të Mirëqenies Sociale dhe Rinisë, Erion Veliaj, ka pezulluar menjëherë nga detyra të gjithë anëtarët e KMCAP-së të Drejtorisë Rajonale Durrës. Gjithashtu, ISSH-ja ka urdhëruar ngritjen menjëherë të një grupi për kontrollin e të gjithë dosjeve të invaliditetit të vlerësuara nga ky komision, duke vlerësuar të gjithë dokumentacionin e tyre deri në origjinën e krijimit të tij.
Nga ana tjetër, Ministri i Shëndetësisë, Ilir Beqaj, kërkoi sot nga Drejtoria e Spitalit Rajonal Durrës marrjen e masës së pezullimit nga detyra të z. Vladimir Laro, me detyrë mjek kirurg-angiolog në Spitalin e Durrësit. Kërkesa e Ministrit të Shëndetësisë mbështetet në pikën 3, të nenit 116 të “Kushtetutës së Republikës së Shqipërisë”, ligjin nr. 10107, datë 30.03.2009 “Për kujdesin shëndetësor në Republikën e Shqipërisë” dhe ligjin nr. 9160, datë 17/07/2003 “Për shërbimin parësor spitalor në Republikën e Shqipërisë”.
Ministria e Shëndetësisë dhe Ministria e Mirëqenies Sociale dhe Rinisë nxisin Prokurorinë e Përgjithshme që, në kryerje të funksioneve të saj kushtetuese, të fillojë menjëherë procedimin penal për personat përgjegjës.
Me këtë rast, Ministria e Mirëqenies Sociale dhe Rinisë dhe Ministria e Shëndetësisë dëshirojnë të ripërsërisin edhe një herë vullnetin e palëkundur të Qeverisë për të ndëshkuar çdo rast korrupsioni, ndërsa institucionet vazhdojnë përpjepkjet për reformimin tërësor të shërbimit të pagesave të fondit të Mbrojtjes Sociale dhe shërbimit mjekësor.
Ministritë përshëndesin dhe falenderojnë gazetarët e emisionit investigativ të televizionit Agon për zbulimin e rastit në fjalë, puna e të cilëve është një ndihmë e paçmuar në nismat dhe hapat e ndërmarra nga Qeveria në luftën ndaj korrupsionit.
***
Kamerat e fshehta të “Ça’ thu”: 400 mijë lekë për… t’u bërë invalid
13 janar 2014
Emisioni “Ca thu” në Agon Channel ka sjellë sot në mbrëmje pamje të një rasti korruptiv në Spitalin Rajonal të Durrësit. Pamjet e filmuara me kamera të fshehtë tregojnë mjekë që marrin ryshfet për të lëshuar vërtetime për të drejtën e marrjes së Kempit, për një qytetar, të cilit nuk i takon pasi është i aftë fizikisht. Më poshtë, disa pjesë nga filmimet që po transmetohen në ACH
Mjeku – Ka ikur ai (mjeku i Tiranës) sot se erdhe vonë.
Pacienti – Po mirë nuk mund ti telefonosh të shkojmë ditë tjetër?
Mjeku – Mbas festave. Ai vetëm ditë të mërkure është.
Pacienti – Nuk e mbuloj dot për 1 milion e gjysëm sa më the.
Mjeku – Kjo punë zgjidhet ndryshe. Të paktën një 400-ëshe do e lere.
Mjeku – 100-ëshe ne, 100 këtu, 100 tek Tani, 100 tek unë. Cfarë të të them unë?
Pacienti – Po ti më the do 200 në Tiranë o burrë i dheut.
Mjeku – Do flas unë, do të ta ul.
Mjeku – Do vish të martën, do marr unë doktorin do t’i them ma mbaro këtë punë. 100-ështe tek doktori, pastaj do vish këtu të plotësojmë këtë.
Mjeku – Aty pastaj do (lek) e di ti është Keli, Tani, unë…
Mjeku – Ik dhe herë tjetër hajde me kështu… Unë kujtova se kupton ti.
Mjeku – Mos përmend emra në celular…
Pacienti – Bëj eko më tha ai dhe të plotësoj epikrizën.
Mjeku – Do shkojmë të bëjmë ekon atje, të jap nja dy filma unë. Si t’a gjejmë se duhen bërë keq, me mpiksje gjaku. Hajde, do shkojmë atje tek klinika ime.
Tek klinika e mjekut
Mjeku – Ty të është holluar me tepër këmba (e shëndoshë) se tjetra.
Mjeku i ben eko dhe i ploteson kartelën pacientit
Mjeku – Tani kjo mund të sajojë ndonnjë gjë aty. Nuk është reale, por i kam shkruar të paktën këtu. Është me spec një çikë kjo histori se janë dhe filmat e pastër që nxorra.
Mjeku – Duhen dhe analizat e yndyrnave pak të shpjegohen, të mpiksjes së gjakut se duhen bërë keq ato dhe të transkriptohen tek fletëdrejtimi për kemp. Do t’i sajoj unë.
Mjeku – E takove Kelin?
Pacienti – Po.
Mjeku – Në ç’formë e takove?
Pacienti – Sa ikëm bashkë vajtëm atje.
Mjeku – Tani ai do kafe.
Pacienti – Po po pa merak.
Pacienti – T’ia japim që tani?
Mjeku – Do një dyqindëshe, Keli. Do ia coj unë që sot se nesër është në kemp edhe 100 unë, 100 Tani.
dita
Përgjigju Duke Cituar
Postuar më parë nga benseven11
Krijoni Kontakt