-
Kapet shqiptarja me 2 kg heroinë në trup. Transport droge për 300 euro
Kapet shqiptarja me 2 kg heroinë në trup. Transport droge për 300 euro
MAQEDONI- Ndalohet shtetasja shqiptare me 2 kg heroine mbeshtjelle neper trup, teksa tentonte te kalonte në pikën e kalimit kufitar Bogorodicë mes Maqedonisë dhe Greqisë.
Autoritetet doganore të Maqedonisë theksuan se janë gjetur 2 kilogram drogë heroinë e cilësisë së lartë në autobusin e linjës Stamboll – Shkup, i cili po hynte në Maqedoni sot rreth orës 05:30 të mëngjesit. Autoritetet doganore theksuan se droga u gjet në trupin e një shtetaseje shqiptare, e cila disa pako të mbushura me drogën i kishte lidhur për rreth trupit të saj.
Siç bëhet e ditur, shtetasja shqiptare ka pranuar gjatë bisedës informative se kishte arritur marrëveshje për transportin e drogës për vetëm 300 euro me një shtetas të panjohur turk. Ajo gjithashtu ka thënë se për t`i hyrë këtij biznesi ilegal të transportit të lëndës narkotike ishte kontaktuar nga një shtetas shqiptarë.
Autoritetet doganore theksuan se vlera e kësaj sasie të drogës së pastër arrin në 50 mijë euro. Nuk është publikuar identiteti i shtetases shqiptare, por vetëm inicialet A.K nga Tirana, ndaj të cilës është shqiptuar masa e paraburgimit me akuzën e ngritur për trafikim të lëndëve narkotike. (INA)
Panorama
-
Regullat e Postimit
- Ju nuk mund të hapni tema të reja.
- Ju nuk mund të postoni në tema.
- Ju nuk mund të bashkëngjitni skedarë.
- Ju nuk mund të ndryshoni postimet tuaja.
-
Rregullat e Forumit
Krijoni Kontakt