Selia e PSD, Policia e Shtetit dhunon pronarin e godines dhe permbaruesit

[Archon]

Policia private "Aulona",e cila mbahet mend per dhunimin ne Permet te besimtareve,prifterinjve ortodokse dhe gazetareve,sot ka perfunduar e shoqeruar e gjitha ne komisaritin e Tiranes,pas nje perplasje me policine e shtetit,ne perpjekje per te zbatuar nje vendim gjyqesor per te marre godinen e Partise Social-Demokrate PSD te Skender Gjinushit.Pas konfliktit gjithe perbaruesit privat jane shoqeruar ne rajonin e policise nga Policia e Rendit

****


TIRANE - Zyra e Përmbarimit privat ka ndërmarrë sot një aksion për lirimin e godinës ku ndodhet selia e PSD-së. Kjo është shoqëruar me konfrontim fizik dhe verbal mes policisë së rendit dhe policisë private para godinës, e cila ndodhet prapa Ministrisë së Drejtësisë në rrugën “Fortuzi” .

Aksioni nisi në orën 10:00, kur Zyra e Pëmbarimit Privat thotë se kishte për detyrë ekzekutimin e VKM-së, që kishte të bënte me lirimin e godinës për t’ia kthyer pronarit si dhe një vendim të Entit të Banesave.

Por nga ana e kryetarit të PSD-së është bërë kallzim penal duke i akuzuar se po ndërmarrin një veprim të paligjshëm, pasi personi që kërkon të marrë pronën, ka falsifikuar dokumentet.

"Gjinushi ka tentuar të hyjë, por nuk është lejuar, pasi përfaqësues të përmbaruesve i kanë vënë kyçin selisë"- informoi gazetari Arsen Rusta, i TV A1 Report i cili ndodhet pranë godinës.

Në këtë situatë ka ndërhyrë policia e rendit.

"“Largo policinë private”- thoshte një punonjës policie. Kjo e fundit ka bërë rezistencë dhe në këto momente ka pasur tension mes policisë private dhe asaj shtetërore.

Në orën 10:09 policia e rendit ka shoqëruar në makinë disa policë privat. Vetë shefi i komisariatit nr 3 Ladi Laskaj u mor me shoqërimin me forcë të punonjësve të policisë private në furgonin e policisë.

Në orën 10:13 mbërriti dhe zv/drejtori i policisë Pandi Sulla. Me urdhër të tij u shoqëruan në në komisariatin nr 3 dhe pjesa tjetër e policisë private. Ndalimi u bë pasi ata kanë kundërshtuar dhe fyer uniformat blu. Drejtuesit e PSD bashkë me kryetarin Gjinushi pas orës 13:00 kanë hapur zinxhirin e portës dhe janë futur brenda.

Por edhe në orën 18:30 të mbrëmjes mjedisi vijon të ruhet nga efektivë të Komisariatit 3, që kanë qenë aty për çdo rast konflikti. Ndërkohë ndodhen të shoqëruar në polici 11 efekticë të policisë private dhe përmbaruesi Baftjar Nelaj.

PRONARI I BANESES: E KEMI FITUAR PRONEN ME GJYQ
Pronari i banesës, i cili ka fituar pronën, Osman Manopulli deklaron se e ka fituar pronën me gjyq. “Policia na ka kërkuar të largohemi pasi ka ardhur Skënder Gjinushi. Ne e kemi fituar me gjyq pronën dhe policia e rendit duhej që të vinte për lirimin e saj, por Gjinushi nuk e lëshon”- tha ai në një prononcim para selisë.

AVOKATI I PSD: SELINË E KEMI ME VENDIM TË KËSHILLIT TË MINISTRAVE
Avokati i PSD, Florian Taçi ka shpjeguar se "ka dëgjuar nga mediat për pretendimet e pronarit, kur në fakt është situatë e kundërt ligjore". Sipas Taçit, me vendim të Këshillit të Ministrave të vitit 2008 jemi posedues të ligjshëm. "Por përse vjen përmbaruesi?", do ta pyeste një gazetar avokatin. "Përmbaruesi vjen për ekzekutimin e vendimit të Entit Kombëtar të Banesave. Por ne e kemi godinën me vendim gjykate të formës së prerë, është posedim i ligjshëm. Kanë folur dy gjykata në vitin 2008 dhe 2010 ndaj padisë së Astrit Manopullit; ajo e shkallës së parë dhe ajo e apelit, që ia japin selinë PSD dhe para tyre administrata hesht".

GJINUSHI: PËRMBARIMI PRIVAT, BANDË E ISH-QEVERITARËVE
Kreu i Partisë Social Demokrate, Skënder Gjinushi duke folur për median, ka deklaruar se, prona është shtetërore dhe se ata që pretendojnë se janë pronarë, kanë falsifikuar dokumentet.
“Gjykata është kundër prishjes. Letrat e falsifikimit janë mbi tavolinë dhe ato janë bërë objekt i hetimit, pasi 2 të 3 e pronës janë shtetërore. Këto kanë bërë objekt kallëzimi. Është bërë një kallëzimi penal. Janë akoma disa banda qeveritare apo ish qeveritare me letra falso. Vendimi i gjykatës është në favorin tonë. Gjyqi po vazhdon. Nga ana tjetër është edhe Enti Kombëtar i Banesave, që e ka kategorizuar PSD si familje të pastrehë. Ne e dimë që nuk jemi gomerë dhe akti administrativ është shfuqizuar nga ministri përkatës. Letrat ua japim merrini e studioni. Entin Kombëtar i Banesave ne nuk e njohim. Ky është shpërdorim i pastër detyre. Drejtuesi i kësaj drejtorie do të japë llogari para gjykatës”, tha Gjinushi gjatë prononcimit për median.

REAGIMI I MB: POLICIA PRIVATE KUNDËRSHTOI POLICINË
Policia ka shoqëruar efektivët e policisë private pasi kanë penguar Policinë e Shtetit në kryerjen e detyrës. Gjatë një prononcimi për Shqiptarja.com, Ministria e Brendshme bëri të ditur se, “efektivët e policisë private kanë kundërshtuar policinë e rendit në kryerjen e detyrës, si dhe për konfrontim gjatë detyrës”.

Shqiptarja.com

[Archon]

[skender76]

Rama ka than qe do e zgjidhe ceshtjen e ish-pronareve, dhe po e mban fjalen.....

[shitesi]

Ish pronar ishin ish pronar ngelen.Nuk e kuptoj si mundet nje vend qe pretendon te futet ne parine e shteteve te botes te vazhdoj me sjellje te tilla ndaj prones.

[Xhuxhumaku]

Rama ka than qe do e zgjidhe ceshtjen e ish-pronareve, dhe po e mban fjalen.....

nji miku im qe kishte qellu aty, po me thoshte shpare qe Gjinushi kishte marre ne telefon sajmir tahirin, dhe i thoshte iki nga vila po te me nxjerre Rama, vetem athere. Mua sme nxorri Berisha, po me nxjerrin tani


ky eshte edhe birisha yt skru, ner,

me nji poc pjerdhin te gjithe, po he.

[Ziti]

Rama ka than qe do e zgjidhe ceshtjen e ish-pronareve, dhe po e mban fjalen.....

ai qe premton se do zgjidhe ceshtjen e prones ne shqiperi, ai eshte legen.
prona meret vetem me force dhe dinakeri. forcen e ben leku. dinakerine e ben greku.

[Alti Elezi]

Paria e Tiranes nuk leshon kollaj,RIPJELLJA me ligjin Kamunist 7501 qe e zbatoi Salushi dhe Vazhdon nen Betim Edushi........pronaret duhet te kultivojne ne bahcet e tyre,prasin po nga ai i Fshatit Arrez,se eshte goxha produktiv.

[Ziti]

Paria e Tiranes nuk leshon kollaj,RIPJELLJA me ligjin Kamunist 7501 qe e zbatoi Salushi dhe Vazhdon nen Betim Edushi........pronaret duhet te kultivojne ne bahcet e tyre,prasin po nga ai i Fshatit Arrez,se eshte goxha produktiv.

me mar un pronat e mija i bie qe te nxjere nga shtepia 1000 banore ne nje fshat te jugut.
keta qe kerkojne pronat nuk kane aspak te drejte. prona duhet te ishte mbrojtur me force ne vitet 1960. tani koha ka ndryshuar.

[Albo]

Selia e PSD, Gjinushi: Noka tentoi të na largonte pa gjyq. Pronarët: Ja e vërteta

Selia e PSD, Gjinushi: Noka tentoi të na largonte pa gjyq. Pronarët: Ja e vërtetaTIRANË-Kryetari i PSD, Skënder Gjinushi ka sqaruar sot konfliktin e djeshëm për godinën ku prej vitesh funksionon si seli e partisë që ai drejton.

Gjinushi deklaroi gjatë një konference për shtyp se situata dje ishte një tentativë e pastër për grabitjen e selisë si dhe një veprim sipas tij, banditesk urdhëruar prej ish-ministrit të Brendshëm, Flamur Noka.

“Kjo është inertësia e qeverisë që humbi zgjedhjet dhe strukturat e saj në mënyrë të organizuar krahas vjedhjes së vendit kishin programuar edhe grabitjen e selisë. Ish-ministri i Brendshëm tentoi të na largonte pa gjyq. Ka vetëm një gjyq mes nesh dhe pretenduesit dhe këtë e vërtetoni në Gjykatën e Lartë, është në rekurs nga ana e atij që ka humbur. Vendim i formës së prerë ku i rrëzohet kërkesa për largimin tonë me gjyq nga selia. Kur flet gjykata, hajdutët heshtin”,- tha ai.

Ai ka akuzuar për shpërdorim detyre drejtorin e Entit Kombetar të Strehimit, për aktin normativ të 5 shtatorit, që e futi edhe PSD si familje të pastrehë.

“Ta fusim PSD në subjekt partiak, e fusin si të pastrehë dhe ky Ylli Pajo e bën këtë. Ne jemi në listën e 5 shtatorit, figurojmë si të pastrehë. Hajdutët mbijetojnë, falsifikimi është i pastër”.

Sipas Gjinushit, Policia e Shtetit ka mbrojtur dje vendimin e formës së prerë të gjykatës.
“Policia e Shtetit ka mbrojtur dje vendimin e formës së prerë të gjykatës, ku ne jemi palë me pretenduesit, ka mbrojtur pronën e shtetit sepse 2/3 janë shtet me vërtetime nga shteti. Ky nuk është pronari, ky është blerësi i blerësve dhe pronari nuk e ka të gjithë godinën, ka vetëm 1/3. Banditët vijnë në emër të drejtorit apo të përmbaruesve. Hajdut me letra, kurrë nuk keni parë, ja ku i keni”.

Ndërkohë gazetari i "News 24", Spartak Koka i paraqiti dokumentet e personave që pretendojnë pronësinë e godinës së PSD me vendim gjykate.
“Ai që e ka kërkuar godinën, e ka humbur gjyqin, ka ikur. Ky që e ka blerë, ne sërish jemi me këtë gjyq, ky do pronën, por çfarë prone do nuk e kuptoj?”, tha Gjinushi.

Pas insistimit të gazetarit Koka se ka vendim gjykate që i jep të drejtë pronarit të marrë godinën, Gjinushi humb kontrollin duke kaluar me fyerje, pa dhene nje pergjigje te qarte per shkresat dhe firmen qe kishte hedhur ne vitin 1996, ku i premtonte pronarit kthimin e godines bashke me truallin.

AVOKATI I PRONAREVE: GJINUSHI PREMTOI SE DO E LESHONTE PRONEN NE VITIN 1997, POR U GDHI NENKRYETAR KUVENDI DHE HARROI

I ftuar në studion e lajmeve në TvNews24, në rubrikën “Opinion”, Riza Hicka, avokati i pronarëve që pretendojnë godinën, selisë së PSD shpjegoi cështjen me selinë. I intervistuar nga Ola Bruko, Hicka theksoi se Gjinushi e politizon me patëdrejtë cështjen e selisë kur realisht, tha ai, bëhet fjalë vetëm për cështje juridike.

Zoti Hicka, sot dëgjuam kreun e PSD, Gjinushi të sqarojë cështjen e selisë së PSD. Sipas jush cfarë nuk qëndron në këto deklarata?

Me keqardhje konstatoj se z Gjinushi ka njohuri të jurisprudencës dhe kam parasysh dhe faktin që ai ka qenë dhe nënkryetar parlamenti. Në gjithë atë konferencë shtypi që u nda në dy pjesë, një e natyrës politike që do ti japë Gjinushi, e dyta u mundua të japë disa fakte të deformuara, të pavërtetuara, të cilat do i shpjegojë më pas, por ju garantoj juve se gjithçka do them këtu do jetë e bazuar në prova shkencore.

Ajo parti që iku që humbi zgjedhjet mund ta nxirrte gjinushin, kur të donte se ishte në pushtet. Gjinushi i jep kot nota politike kësaj cështje.

Po si është e vërteta me shkresat?

Pronësia fillon me një Komision të Kthimit të Pronave. As Gjinushi nuk e përmend këtë. Vendimi mban nr 664. 2.9.1994, vendim i Komisionit të Kthimit të Pronave në favor të trashëgimtarëve Fortuzi, pronarë.
Komisioni i cuar për të verifikuar pronën në vend, vëren se në shtëpi nuk janë bërë ndryshime konstruktive, e dyta oborri është i rrethuar me mur. Pra kjo është në pjesën arsyetuese. Pra komisioni ka vendosur ti kthejë pronarit në rrugën “Asim Vokshi”, shteti shqiptar si ish-pronar ia rikthen pronarit, ne gabimisht themi pronarit të vjetër se ai është, pronari origjinal. Personi që unë mbroj është Astriti, ai e ka blerë këtë pronë, ka ndodhur blerja në vitin, 1997.

Po si mund të veprojë z Gjinushi në rast se kundërshton?

Ka një organ si prokuroria ku ai të mund të shkojë dhe ka shkuar disa herë dhe ia kanë pushuar çështjet, sepse ai as nuk shkon paraqitet në asnjë proces.

Në studio kemi dhe gazetarin Spartak Koka. Na e sqaroni z Koka cfarë përmbante ajo shkresë që irritoi z Gjinushi?

Ajo është një shkresë e firmosur nga z Gjinushi. Në vitin 1996, Gjinushi rrëfen se do ia dorëzojë me vullnet të plotë pronarit Agim Sula godinën me dëshirë. Unë këtë i tregova Gjinushit dhe pse u acarua me këtë pjesë. Shkresa mban firmën e z Gjinushi. E pyeta për tarifat disa milionëshe të ujit dhe dritave të papaguara nga selia e PSD dhe ai u irritua dhe kaloi me fyerje.

Ndërhyn avokati Hicka

Shkresa me firmen e Gjinushit


Në atë shkresë në atë vit ne do e blinim godinën. Garantuam se do e blinim dhe Gjinushi do e lironte në janar të vitit ‘97, por në vitin ‘97 e dimë të gjithë çfarë ndodhi dhe nuk u veprua as në atë vit. Në vitin ’98, Gjinushi u gdhi nënkryetar parlamenti dhe ai harroi shkresën që e kishte bërë. Ai nuk e lëshoi këtë godinë.

Në rast se godina i kthehet ish-pronarit, si veprohet. A i është gjetur streha e re selisë së PSD?
Shteti shqiptar ia ka caktuar dhe zyrat dhe ambientet ku të transferohet zyra e selisë së PSD. Ambienti që propozohet është hapësira tek një pallat tek ‘Bulevardi Zogu i I’, ia ka dhënë Bashkia e Tiranës.

Z. Gjinushi shprehet se nuk e njeh vendimin e gjykatës...

Nëse z Gjinushi nuk e njeh vendimin e gjykatës ky është një problem i tij. E njeh apo nuk e njeh vendimin e gjykatës është problem i tij, e ritheksoj dhe dhe jo imi. Dhe Presidenti dhe kryeministri ngrihen në këmbë para vendimit të një gjykate.

Por Z Gjinushi pretendon se godina është pronë shtetërore.

Nuk është pronë shtetërore, e ritheksoj dhe këtë e ka caktuar dhe gjykata. Tani ai del kundër..


KONFLIKTI PËR PSD, MINISTRIA E BRENDSHME REAGON PËR ARRESTIMIN E POLICIVE PRIVATE

Me një deklaratë për shtyp sot Ministria e Brendshme ka reaguar mbi konfliktin me policinë private të Përmbarimit për cështjen e selisë së godinës së PSD. MB thekson se policia private dje ka shkelur rëndë ligjin.

Reagimi i poltë i Ministrisë së Brendshme
Në vijim të informacionit të djeshëm, mbi shoqërimin dhe më pas arrestimin e tre punonjësve të shërbimit të Ruajtjes dhe Sigurisë Publike “AULONA POL-1”, të cilët kanë konsumuar elementë të veprës penale të “Kundërshtimit të punonjësit të policisë se rendit publik” dhe “Mosbindje ndaj urdhërit të punonjësit të policisë së rendit publik”, ju informojmë se:

Gjatë konfliktit të ditës së djeshme, shtetasi Baftjar Avdulla Nela, me preçendentë të mëparshëm penalë (goditje me mjete të forta, armëmbajtje pa leje etj), është shoqëruar në ambientet e Komisariatit të Policisë Nr.3 Tiranë, pasi ka hyrë me dhunë dhe nxjerrë jashtë një punonjës të shërbimit të ruajtjes dhe sigurisë fizike “A- 2000” e cila kishte marrëveshje dypalëshe me PSD për ruajtjen e këtij objekti, në rrugën “Fortuzi”.

Ndaj shtetasit Baftjar Nelaj, vazhdojnë verifikimet për sqarimin e rolit të tij, gjatë incidentit të ditës së djeshme, si dhe legjitimitetin ose jo të veprimeve përgjatë ushtrimit të detyrës duke tejkaluar kompetencat funksionale si përmbarues Gjyqësor Privat. Nga ana e përmbaruesit gjyqësor Baftjar Nelaj nuk është depozituar asnjë kërkesë për mbështetje në kryerjen e ekzekutimit të vendimit, bazuar në Akt - Marrëveshjen përmes Policisë së Shtetit dhe Dhomës Kombëtare të Përmbaruesve Gjyqësor Privat.

Theksojmë se, ndërhyrja e shërbimeve të policisë së shtetit, ka qënë e bazuar në ligj dhe ajo është realizuar vetëm pas konfrontimit të palëve, me synim shuarjen e konfliktit dhe sqarimin e rrethanave. Strukturat e Policisë së Shtetit, do të vazhdojnë të udhëhiqen nga Ligji, paanshmëria, objektiviteti, me qëllim parandalimin në kohë të shkeljeve të ligjshmësi dhe vënien përpara përgjegjësi ligjore të autorëve.

(d.b/BalkanWeb)

[Albo]

Konflikti te PSD, MB: Ja pse u bënë arrestimet. Nelaj tejkaloi kompetencat si përmbarues privat

TIRANE- Ministria e Brendshme ka sqaruar shoqerimin dhe arrestimin e djeshem te tre punonjësve të shërbimit të Ruajtjes dhe Sigurisë Publike “AULONA POL-1”, pas perplasjes mes policive te selia e PSD-se ne Tirane.
Ne nje njoftim per mediat, MB sqaron se ata kanë konsumuar elementë të veprës penale të “Kundërshtimit të punonjësit të policisë se rendit publik” dhe “Mosbindje ndaj urdhërit të punonjësit të policisë së rendit publik”.

“Gjatë konfliktit të ditës së djeshme, shtetasi Baftjar Avdulla Nela, me preçendentë të mëparshëm penalë (goditje me mjete të forta, armëmbajtje pa leje etj), është shoqëruar në ambjentet e Komisariatit të Policisë Nr.3 Tiranë, pasi ka hyrë me dhunë dhe nxjerrë jashtë një punonjës të shërbimit të ruajtjes dhe sigurisë fizike “A- 2000” e cila kishte marrëveshje dypalëshe me PSD për ruajtjen e këtij objekti, në rrugën “Fortuzi””- thuhet ne njoftim.
Sipas MB, ndaj shtetasit Baftjar Nelaj, vazhdojnë verifikimet për sqarimin e rolit të tij, gjatë incidentit të ditës së djeshme, si dhe legjitimitetin ose jo të veprimeve përgjatë ushtrimit të detyrës duke tejkaluar kompetencat funksionale si përmbarues Gjyqësor Privat.
“Nga ana e përmbaruesit gjyqësor Baftjar Nelaj nuk është depozituar asnjë kërkesë për mbështetje në kryerjen e ekzekutimit të vendimit, bazuar në Akt – Marrëveshjen përmes Policisë së Shtetit dhe Dhomës Kombëtare të Përmbaruesve Gjyqësor Privat”- thuhet me tej.
MB thekson se, ndërhyrja e shërbimeve të policisë së shtetit, ka qënë e bazuar në ligj dhe ajo është realizuar vetëm pas konfrontimit të palëve, me synim shuarjen e konfliktit dhe sqarimin e rrethanave.

Panorama

[Qyfyre]

nese ka vendim gjyqi, cfare kundershtojne keta?

[Archon]

nese ka vendim gjyqi, cfare kundershtojne keta?

cudi sesi nuk po shikojme sot ndonje shkrim per shtetin ligjor,vendimet e gjykatave,"shenjterine" e vendimit te tyre,etj sic degjuam ne rastin kur e njejta polici private nderhyri ne permet kunder kishes ortodokse.

[Qyfyre]

cudi sesi nuk po shikojme sot ndonje shkrim per shtetin ligjor,vendimet e gjykatave,"shenjterine" e vendimit te tyre,etj sic degjuam ne rastin kur e njejta polici private nderhyri ne permet kunder kishes ortodokse.

Eshte i njejti rast. Nese ka vendim gjykate qe i jep te drejte pronarit, duhet te leshojne zyrat.

[Albo]

Gjykata: Gjinushi të lirojë godinën, t’i kthehet pronarit

Historia e selisë së PSD që nga ‘91. Një pjesë, me qira për autoshkollë. Ne “Panorama”, dy vendimet e Gjykatës së Tiranës më 2013.


Historia e godinës ku ndodhet sot Partia Socialdemokrate në Tiranë ka nisur më herët, megjithatë problemet e pronësisë duket se e kanë zanafillën në vitin 1991. Me një shkresë të datës 6 korrik 1991, Këshilli i Ministrave i asaj kohe, i drejtuar nga Ylli Bufi, ka vendosur t’i kalojë Partisë së Skënder Gjinushit godinën në fjalë. Në shkresë thuhet se objekti i urdhrit është “kalimi i godinës” së Ministrisë së Punëve të Jashtme në përdorim të Partisë Socialdemokrate. “Godina e Komitetit të Marrëdhënieve Kulturore me Botën e Jashtme t’i kalohet për përdorim me qira Partisë Socialdemokrate të Shqipërisë për selinë e saj. Të merren masa për lirimin e mjediseve në mënyrë të menjëhershme, t’i vihen në dispozicion Partisë Socialdemokrate zyrat e redaksisë së revistës “Shqipëria e Re”, thuhet në letrën e firmosur nga Ylli Bufi më datë 6 korrik 1991.

PËRDORIMI I GODINËS
Bazuar në shkresën e mësipërme, godina, oborri dhe trualli i saj u morën në përdorim nga Partia Socialdemokrate. Pronari Astrit Manopulli theksoi dje se PSD nuk lidhi kontratë qiraje dhe nuk pagoi asnjë qindarkë për përdorimin e godinës në fjalë. Ai madje theksoi dje se ndërtesa ka një fizionomi të veçantë dhe është dëmtuar disa herë në konstruktin e saj nga ndërhyrjet që janë bërë. Në njërën nga portat e godinës në fjalë rezulton se është vendosur tabela sinjalizuese e një autoshkolle, së bashku me numrin e saj të telefonit. Tabela, e cila është vendosur pikërisht në portën metalike që bllokoi dje policia private, është vendosur edhe brenda rrethimit në ambientin ku ndodhet selia e PSD. Sipas disa dëshmitarëve të zonës, brenda atij ambienti dikush ka dhënë me qira një pjesë të tij që përdoret nga autoshkolla në fjalë.

PRONËSIA
Sipas vendimeve të Gjykatës së Tiranës, Astrit Manopulli është pronar i pasurisë me nr. 5/152 me sipërfaqe 1380 m2, që provohet nga vërtetimi hipotekor nr. 3188, dt. 18.07.1997, me përshkrimin “një shtëpi dykatëshe dhe objekte të tjera me sipërfaqe 235 m2, dhe trualli me sipërfaqe 1380 m2 në rrugën “Asim Vokshi”. Pas vendimeve të dhëna nga gjykata e Tiranës për lirimin e godinës, kryetari i Partisë Socialdemokrate ka bërë padi në Prokurori për falsifikim dokumentesh. Prokuroria ka vendosur pushimin dhe mosfillimin e hetimeve dhe, për rrjedhojë, Gjinushi ka bërë ankim në Gykatë kundër vendimit të prokurorisë, më datë 23 shtator 2013.

GJYKATA
Më 12 korrik 2013, gjykata e Tiranës ka vendosur pranimin e kërkesës së pronarit të pronës, Astrit Manopulli, dhe detyrimin e Entit Kombëtar të Banesave të fillojë procedurat për lirimin e objektit duke përcjellë në Gjykatën e Rrethit Gjyqësor Tiranë kërkesën për lëshimin e urdhrit të ekzekutimit. Më pas, me një vendim të dytë, të datës 20 shtator 2013, gjykata e Tiranës ka dhënë vendimin përfundimtar për lirimin e godinës dhe kthimin e saj te pronari. Përmbaruesi deklaroi dje se kishte njoftuar në kohë PSDnë për lirimin e godinës. Trazhgim Sokolaj/PANORAMA

Panorama

[Albo]

Noka, letër Gjinushit në prill 2013: Liro godinën, ke gati selinë tjetër

TIRANE – Ish-ministri i Brendshëm, Flamur Noka, ka vënë në dijeni kryetarin e Partisë Socialdemokrate, Skënder Gjinushi, për lirimin e godinës që në prill 2013. Në datën 24 prill 2013, me anë të një shkrese me objekt “njoftim për pajisjen me ndërtesë në përdorim, subjektit Partia Socialdemokrate”, Noka i shkruan Gjinushit se: Në bazë të kërkesës së përsëritur të shtetasit Astrit Manopulli, i cili ka pretenduar të drejtën e pronësisë përmes gëzimit dhe disponimit mbi ndërtesën ku ushtron aktualisht veprimtarinë subjekti PSD me adresë në rrugën “Asim Vokshi”, Nr.24, aktualisht rruga “Fortuzi”, është konstatuar se: Ankuesi, shtetasi Astrit Manopulli, rezulton të jetë pronar i ligjshëm, pronar i ndërtesës ku ushtron veprimtarinë Partia Socialdemokrate, fakt ky i provuar në basë të vërtetimit hipotekor nr.3188, datë 18 korrik 1997 të ZVRPP Tiranë. Në këto kushte, duke qenë se ndërtesa ku PSD ushtron veprimtarinë nuk është pronë shtetërore, dhe rrjedhimisht nuk është në inventarin e pronave publike, në bashkëpunim me Bashkinë e Tiranës, me qëllim respektimin e të drejtës kushtetuese të pronësisë së ankuesit, ju caktojmë në përdorim ambientin e vënë në dispozicion nga Bashkia Tiranë, ndodhur në Bulevardin “Zogu I”, me nr.pasurie 6/127+1-5, kati i pestë me adresë: Ndërtesa 22, hyrja 3. Në shkresën e Nokës lihej afat për lirimin e godinës brenda 15 ditësh.

Panorama

[Albo]

Nje tjeter shkelje flagrante e ligjit nga ana e Policse se Shtetit, qe eshte e denueshme me ligj. Policia e Shtetit, Ministria e Brendshme, zgjedh qe te ndeshkoje me dhune pronarin e godines dhe te mos zbatoje nje vendim gjykate te vendit.

Si mund te funksionoje nje shtet qe drejtohet nga pushtetare qe injorojne vendimet e gjykatave dhe ligjin?

Nje tjeter prove e instalimit te shtetit policor ne Shqiperi.

Albo

[DYDRINAS]

Gjinushi: Ish-qeveria po më merr selinë

» Dërguar më: 31/10/2013 - 09:03

Kryetari i PSD-së, Skënder Gjinushi ka sqaruar dje, konfliktin për godinën që prej vitesh funksionon si seli e partisë që ai drejton. Gjinushi deklaroi gjatë një konference për shtyp, se situata dje ishte një tentativë e pastër për grabitjen e selisë, si dhe një veprim sipas tij, banditesk, urdhëruar prej ish-ministrit të Brendshëm, Flamur Noka. "Kjo është inercia e qeverisë që humbi zgjedhjet dhe strukturat e saj. Në mënyrë të organizuar, krahas vjedhjes së vendit kishin programuar edhe grabitjen e selisë. Ish-ministri i Brendshëm tentoi të na largonte pa gjyq. Ka vetëm një gjyq mes nesh dhe pretenduesit dhe këtë e vërtetoni në Gjykatën e Lartë. Është në rekurs nga ana e atij që ka humbur; vendim i formës së prerë, ku i rrëzohet kërkesa për largimin tonë me gjyq nga selia. Kur flet gjykata, hajdutët heshtin", citohet Gjinushi në "Balkanweb".
Ai ka akuzuar për shpërdorim detyre drejtorin e Entit Kombëtar të Strehimit, për aktin normativ të 5 shtatorit, që e futi edhe PSD-në si familje të pastrehë. "Ta fusim PSD-në në subjekt partiak, e fusin si të pastrehë dhe ky Ylli Pajo e bën këtë. Ne jemi në listën e 5 shtatorit, figurojmë si të pastrehë. Hajdutët mbijetojnë, falsifikimi është i pastër".
Sipas Gjinushit, Policia e Shtetit ka mbrojtur dje, vendimin e formës së prerë të gjykatës. "Policia e Shtetit ka mbrojtur dje, vendimin e formës së prerë të gjykatës, ku ne jemi palë me pretenduesit; ka mbrojtur pronën e shtetit, sepse 2/3 janë shtet me vërtetime nga shteti. Ky nuk është pronari, ky është blerësi i blerësve dhe pronari nuk e ka të gjithë godinën, ka vetëm 1/3. Banditët vijnë në emër të drejtorit apo të përmbaruesve. Hajdut me letra, kurrë nuk keni parë, ja ku i keni". Ndërkohë, gazetari i "News 24", Spartak Koka i paraqiti dokumentet e personave që pretendojnë pronësinë e godinës së PSD-së me vendim gjykate. "Ai që e ka kërkuar godinën, e ka humbur gjyqin, ka ikur. Ky që e ka blerë, - ne sërish jemi me këtë gjyq, - ky do pronën, por çfarë prone do nuk e kuptoj?!", tha Gjinushi. Pas insistimit të gazetarit Koka se ka vendim gjykate që i jep të drejtë pronarit të marrë godinën, Gjinushi humb kontrollin duke kaluar në fyerje, pa dhënë një përgjigje të qartë për shkresat dhe firmën që kishte hedhur në vitin 1996, ku i premtonte pronarit kthimin e godinës bashkë me truallin.

gazeta shqiptare

[DYDRINAS]

LEMA GJINUSHI = Enverputinizem

[DYDRINAS]

Durrës, një person i vë flakën vetes

Publikuar më 01.11.2013 | 9:03

Një person i ka vënë flakën vetes, mëngjesin e sotëm, para gjykatës së Durrësit. Kalimtarët e rastit i kanë ardhur në ndihmë duke ndihmuar të shuajnë flakët.

Nga të dhënat e para mësohet se personi është një burrë rreth 50 vjeç, i cili ka hedhur benzinë mbi veten dhe më pas i ka vënë flakën me çakmak. Nga burimet paraprake, mësohet se 50-vjeçari ka tentuar të djegë veten në shenjë proteste për çështjen ende të pazgjidhur të pronave.

/Shekulli Online/ E.B./

[Qyfyre]

ja kishte vene shoku flaken ketij mesa degjova une