Kisha e Permetit: Komuniteti i krishtere reagon me nje ze ne mbrojtje te Kishes

[Archon]

Prifti i Përmetit: Jam shqiptar, më thanë këlysh i Janullatosit




Më thanë grek i poshtër dhe këlysh i Janullatosit”. Kë-shtu shprehet at Ilia Tyto, prifti ortodoks nga Përmeti që pretendon se e kanë rrahur dy ditë më parë pranë Kishës së Shën Mërisë së Pazarit, në qytetin jugor. Ai rrëfen në një intervistë për “Gazeta Shqiptare”, detajet e ngjarjes dhe kërkon zgjidhje të çështjes. Pas përplasjes mes zyrës së Përmbarimit dhe komunitetit ortodoks në këtë qytet, për godinën e Pallatit të Kulturës, reagimet kanë qenë të shumta. Kryetari i zyrës Përmbarimore, Fatos Alimadhi, deklaroi se përfaqësuesit e kishës kanë përdorur forcën dhe presione për të bllokuar punën, ndërsa vetë at Ilia Tyto shprehet se është sulmuar me grushte dhe shkelma.
Para dy ditësh ju keni pasur një incident në Përmet. Si ndodhi ngjarja?
Unë në orën 8 si zakonisht shkoj gjithmonë për të bërë shërbesën në Kishën e Shën Mërisë së Pazarit. Kur shkoj për shërbesën nuk shoh asnjëherë kush është përqark kishës. Atë ditë pashë që kisha qe e rrethuar nga forca, që nuk qenë policore, por qenë polici private të “Aulona Security”. Kur desha të hyja në kishë që të bëja shërbesën, më thonë: ‘Zotëri ju nuk mund të hyni në kishë, nuk do kaloni’. Ju thashë që unë nuk jam zotëri, por prift i kishës. Më thanë që nuk kanë ndërmend të më lënë të kaloj. Unë nuk desha të dija kush ishin, doja vetëm të hyja në ‘shtëpinë time’ dhe të bëja shërbesën, ndaj u thashë se problemet që kanë t’i zgjidhnin si të donin. Pas kësaj ata mu drejtuan me këto fjalë: ‘Ti këlysh i Janullatosit, nuk do të kalosh se këtu i thonë Shqipëri, o grek i poshtër’. Këto fjalë nuk mund të mi thonin mua, pasi unë jam shqiptar i kulluar.
Pas kësaj ju sulmuan?
Pas kësaj unë tentova të hyja në kishë dhe ata më goditën me grushte e me shqelma dhe më hodhën në rrugë duke më thyer edhe celularin.
Cila është marrëdhënia juaj me Janullatosin?
Unë jam i detyruar të shërbej në kishë. Kam bërë një betim që t’i shërbej Kishës Ortodokse, t’i shërbej Krishtit, t’u shërbej besimtarëve, t’i shërbej kryepeshkopit tim, që e kam atin tim shpirtëror, t’i shërbej Anastas Janullatosit. Atë e kam atin tim shpirtëror, por unë i shërbej kishës shqiptare, sepse kisha nuk është greke, është shqiptare. Kaq di të them unë, për pjesën e gjyqeve janë marrë të tjerë, unë shërbej në kishë nuk merrem me gjyqe, që besoj i ka sqaruar Mitropolia e Gjirokastrës. Unë di që kjo ka qenë një kishë e do vijojë të mbetet një kishë.
Si e konsideroni aktin e së premtes?
Mua më penguan që të kryej detyrën e shenjtë, mua më rrahën sikur të isha bandit. Kjo gjë nuk ka ndodhur asnjëherë në asnjë vend. Madje as në vendet më ekstremiste. Ata që e bënë këtë nuk qenë banditë, ata udhëhiqeshin nga kushedi se kush dhe pse u bë ditën e Shën Mërisë.
A ka lidhje ky incident me ato të ndodhura së fundmi në Himarë?
Jo, nuk mendoj se ka ndonjë lidhje. Nuk ka lidhje me ngjarjet e Himarës. Ata janë të paguar nga dikush, sepse janë polici private e nuk vijën kot. Kjo që u bë, erdhi ose nga bashkia, ose është dikush nga larg që do të ndërtojë aty në vend të kishës, kazino ose pallate. Ne nuk do ta lëmë të ndodhë këtë, sepse ajo ka qenë, është dhe do të jetë kishë ortodokse në funksion të besimtarëve.
Nëse gjykata ka dhënë tjetër vendim, duke e kaluar objektin në tjetër pronësi, si do t’ia bëni për ta rimarrë e për ta ripërdorur si kishë?
Me mjete paqësore. Me lutje janë shembur perandori e jo një gjë kaq e ulët që po bëhet në Përmet.
A ju kanë bërë kontroll mjekësor?
Jo, ende jo. Mjeku ligjor ishte në Gjirokastër por u fsheh, nuk e di se pse. Ai tha nuk jam këtu, duke qenë aty. Nuk donte, nuk erdhi. Më kanë thënë që do ta takoj të hënën.
Njerëzit me të cilët u përplasët, i njihnit më herët?
Jo. Janë shoqëri, kanë një njeri që i drejtonte. Nuk e di se kush janë. Kishin katër përmbarues, mes tyre edhe Alimadhi, që i drejtonte, ai ishte si një fashist.
Ku shkuat pas ngjarjes?
Bërë denoncim tek policia e Përmetit.
Ku jeni dëmtuar?
Në supin e majtë, poshtë syrit të majtë dhe afër buzës kur më qëlluan më grusht dhe kyçin e këmbës së djathtë dhe më kanë tërhequr zvarrë.
Ju kanë cilësuar si njeri të Janullatosit, ndërkohë që ju thoni se jeni shqiptar. Cila është origjina juaj?
Kryepeshkopi është i gjithë Shqipërisë, është edhe i imi patjetër. Unë e kam për nder që jam prift i Janullatosit. Kjo nuk do të thotë se jam grek. Këtu gaboni juve, kisha është shqiptare, nuk është e Janullatosit. Ai shërben si kryepeshkop, sepse është zgjedhur për të qenë i tillë nga një sinod i shenjtë.
Po origjina juaj nga është?
Unë jam nga fshati i Sejfulla Malëshovës, nga Malëshova dhe nuk kam asnjë lidhje me grekët. Ndaj më vjen shumë keq kur më akuzojnë. Unë habitem se si ata njerëz më thanë mua grek.
Kanë reaguar Ministria e Jashtme greke për ngjarjen si edhe Vangjel Dule nga PBDNJ. Pse duhet të reagojnë përfaqësuesit grekë për një kishë shqiptare?
Unë nuk jam politikan. Jam prift, nuk merrem me politikë, merrem me punët e Perëndisë. T’ua lëmë politikanëve të bëjnë ç’të duan.
Duhet ta zgjidhin ata çështjen?
Unë dua që ajo të zgjidhet, s’e di se nga kush.

[Toffee]

Shqiperia eshte nje shtet laik edhe demokrat.
Laik sepse shteti eshte i ndare nga feja dhe nuk favorizon njerin ne kurriz te tjetres. Eshte shtet demokrat dhe problemet zgjidhen nga drejtesia.
Kur na leverdis nuk hapim goje ndersa kur nuk na leverdis themi qe sistemi gjyqesor eshte i korruptuar apo nuk funksionon.
Po flas ne pergjithesi sepse normale qe ka shume probleme sidomos me kriminalitet, korrupsion etj etj.
Per problemin e kishes me sa lexova Kisha ortodokse autoqefale e Shqiperis e ka humbur gjyqin deri ne gjykaten kushtetuese. Ky eshte sistemi, nqs seshte e kenaqur mund te apeloj ne gjykata nderkombetare kunder shtetit Shqiptar. (sdq nuk i di mire keto proceset juridike).

Eshte mese normale qe zyra e Permbarimit te zbatoj nje urdher nga gjykata Kushtetuese dac i vjen mire ose jo KOASH.

Shqetesuese eshte fakti qe nje shtet fqinj qe shume here nderhyn ne menyre flagrante me punet e brendshme te Shqiperis ben nje deklarat perpara vete KOASH.
Deklaratat e Vangjelit as po i fus ne hesap se sdua te felliq kete shkrim me emrin e tij.
Ca motivi ka Greqia qe shume here hidhet si pleshti here pas here, gjasme per ti dale zot komunitetit ortodoks ne Shqiperi?
Mua me duket nje rast i paster i perdorimit te fese per te "dividi et impera"
Sdq disa dele nga ky komunitet vejne ca u thote urata para atdheut.

Do kisha deshire qe KOASH gjithashtu te ishte deklaruar per incidentin ne Himar.Per dhunimin e kishes dhe nxjerrjen jashte nga kisha e priftit orthodoks, ku te pakten Kryepeshkopi Janullatos duhej ta ngrinte zerin.
Ajo ishte nje fyerje jo vetem e kombit Shqiptare por edhe e Kishes Ortodokse Autoqefale Shqiptare. Por jam me se i bindur qe hiresia e tij kishte pune me te rendesishme.

[ilia spiro]

Shoh qe eshte bere ndryshim i drejte ne emertimin e temes,..por perseri calon,..sepse nuk ishte "polici" e vertete ajo qe perdhosi Kishen e se Tereshenjtes ne Permet, por nje grup "paramilitaresh",...sugjeroj te behet ky ndryshim.,,gjithsesi ju faleminderit..
ne shqiperi nuk sundon shteti por paramilitarizmi,
si trajtohet Kleri Orthodhoks nga trupat "komando", vetem maja e ajsbergut se dhembet e thyer nuk jane regjistruar.., jane share duke i quajtur "kelyshe te janullatosit",..ja cilet jane keta "profesioniste", qe kane goditur edhe median (tashme e dokumentuar ne kete forum) nga vete operatori..



por ceshtja eshte kush fshihet prapa ketyre paramilitareve, kush i financon,...dhe kush eshte i interesuar per shkaterrimin e Kishes Orthodhokse...

[Albo]

Diten qe orthodhokset permetare dhe ne mbare boten festojne Fjetjen dhe Lartesimin e Shen Marise ne Qiell, 15 gusht dhe ditet ne vazhdim, demonet e kuq sulmojne Kishen e Shen Marise se Pazarit ne Permet. Dhunojne e perdhosin godinen e shenjte, rrahin prifterinj e besimtare, dhunojne edhe gazetaret qe vijne per te mbuluar ngjarjen. Lajme te dhunimeve te tilla jemi mesuar ti degjojme nga vende si Siria, Egjipti, Pakistani, por ja qe edhe ne Shqiperi paskemi njerez-demone te tille qe sulmojne Kishen dhe sherbetoret e Perendise qe sherbejne ne te. Dhe mediat e medha ne Tirane nuk e mbulojne ngjarjen por e lene te kaloje si nje akt i rendomte dhe jo si dhunimi i rradhes ndaj KOASH dhe besimtareve orthodhokse shqiptare.

Demonet e kuq sulmojne tempullin e Shen Marise, Nenes se Zotit e gjithe te krishtereve orthodhokse ne bote, qe me lutjet e Saj mbron qytetin e bekon gjithe permetaret! Sulmojne Mbretereshen e Kupes se Qiellit qe Zoti e rrethuar nga legjione engjejsh dhe shenjtoret e Kishes ne shekuj! Dhe duke bere kete gje, bejne mekatin qe nuk njeh falje, nuk njeh meshiren e Perendise: mekatin ndaj Shpirtit te Shenjte, qe strehoet ne ate Kishe e ne mbare Kishen Orthodhokse. Nje mekat qe ka per te renduar mbi shpirtrat e tyre, mbi shpirtrat e grave e femijeve te tyre, mbi shpirtrat e femijeve te femijeve te tyre, ne perjetesi. Nje mekat qe u dhuron ferrin e perjetshem, ne kete bote dhe ne boten qe vjen. Por a i dine apo kuptojne keto ligje universale shpirterore ata qe i ideojne, planifikojne, nderrmarin e fshehin ne media keto sulme ndaj Kishes? Sigurisht qe nuk i kuptojne pasi jane zombi-njerez, njerez pa shpirt e pa frike Perendie. Njerez te vdekur shpirterisht por te pakallur ende ne dhe. Nuk njohin frike Perendie, njohin vetem besnikerine ndaj frymes se qoftelargut me te cilen u linden e rriten nen komunizem.

Dhe justifikimi qe nxjerrin per te kryer kete akt te dhunshem ndaj Perendise? Kultura! Bashkia mori ne pronesi pallatin e kultures ne Permet!

Kur nje diplomat amerikan vizitoi Permetin ne nje mision fakt-mbledhes mbi problemin e Kishes se Shen Marise, kur arriten para Kishes ne Permet, perkthyesi i tij shqiptar i thote: "Kjo ka qene shtepia e kultures ne Permet dhe tani e ka marre Kisha." Diplomati ngriti vetullat dhe iu drejtuar perkthyesit te tij shqiptar: Shtepi Kulture? Ishte menyra e tij per te thene qe nuk e kuptoj se cdo te thuash. Perkthyesi i shpjegoi qe ne komunizem ajo kish sherbyer si "shtepi kulture". Diplomati nuk insistoi me tej, por e shenoi togefjaleshin "shtepi kulture" ne bllokun e tij dhe e mbylli ate dileme me fjalet: "Nuk e dija qe Kultura kishte nje shtepi, tani e mesova!" Kur u kthye ne Tirane, merr ne telefon nje intelektual te nderuar ne Tirane dhe e fton per nje kafe e bisede ne nje lokal ne Tirane. Misioni i diplomatit: Te zhbirroje kuptimin e "shtepise se kultures" ne Permet.

Intelektuali shqiptar e sqaroi diplomatin se ato qe shqiptaret njohin si "shtepi kulture" nuk ishin gje tjeter vecse vatra te indoktrinimit te popullsise shqiptare me propaganden komuniste te rregjimit. Ato u ngriten ne Shqiperi ne vitet 60 sipas modelit kinez te revolucionit kulturor komunist te Mao Cedunit ne Kine. Ne to nuk prodhohej art e kulture, ato sherbenin si vatra te indoktrinimit te fshatrave e qyteteve te vendit, neper te cilat kalonin gjithe popullsia e vendit, qe nga femijet e vegjel ne bankat e shkollave, e deri tek pleqte pensioniste, ku duhet te mesonin "moralin e njeriut te ri komunist". Dhe nuk ishte rastesi qe ne shumicen e rasteve, keto "shtepi kulture" u ngriten mbi godinat e objekteve te kultit te vendit, kishave e xhamive, pasi rregjimi komunist e kish te qarte qe duhej te "shkaterrohej tradita fetar e shqiptareve" para se shqiptaret te mund te indoktrinoheshin me ideologjine komuniste. Morali i ngritur mbi traditen shekullore fetare te shqiptareve, u zevendesua me moralin komunist. Ungjilli e Kurani ia lane vendin Veprave te shokut Enver! Frika ndaj Perendise ia la vendin frikes ndaj xhelateve te rregjimit komunist, qe te vrisnin, pushkatonin, burgosnin, internonin per nje fjale goje.

Ajo qe diplomati amerikan nuk mesoi nga goja e intelektualit ne Tirane ishte se njeriu qe drejtonte kete "shtepi kulture" per vite te tera ne Permet, Kastriot Bezati, ishte njeriu qe Partia dhe Shoku Enver dergoi ne Kine qe te mesonte nga vellezerit tane kineze se si te benin te njejtin "revolucion kulturor" edhe ne Shqiperi. Kastrioti mesoi edhe kinezcen ne Kine dhe e mori fort per zemer "revolucionin kulturor kinezo-shqiptar". Me renien e komunizmit, kjo kategori njerezish ngelen si peshku pa uje. Askush nuk kish me nevoje per njerez qe profesion kishin "indoktrinimin e masave" apo "revolucionet kulturore komuniste". Por ama keta njerez kishin nevoje per "shtepine e kultures", vend qe pas vitete 90 e kthyen ne nje biznes duke e leshuar me qira per bilardo, lojra fati e plot pislleqe te tjera.

Dhuna ndaj prifterinjve dhe gazetareve? Eshte e perligjur per "kelyshet e Janullatosit"!

Dy myrtajat e kuqe ne historine e njerezimit qe i kane kushtuar atij me shtrenjte ne jete njerezish, jane nacionalizmi dhe komunizmi. Per 50 vjet shqiptaret u indoktrinuan dhunshem me ideologjine komuniste. Tre breza shqiptaresh e provuan kete indoktrinim komunist, dy prej ketyre brezave u dogjen nen komunizem, njeri prej tyre shpetoi pa u djegur plotesisht. Nje brez i ri shqiptaresh, 22 vjecaret e sotem ne Shqiperi, i perkasin nje brezi te ri te lindur ne demokraci e qe nuk ka jetuar nje dite te vetme nen komunizem. Per prinderit e gjysherit e tyre, jane produkte te komunizmit dhe helmojne kete brez te ri me botekuptimin e tyre komunist. Me rrezimin e komunizmit, nostalgjiket dhe kongjillet e komunizmit gjeten nje strehe te re: strehen e nacionalizmit. Te njejtet vegla qorre te komunizmit nga flamurtare te ideologjise komuniste dhe sherbimit ndaj Partise, sot jane kthyer ne "nacionaliste e patriote", maska e tyre te re. E justifikojne dhunimin e Kishes me "heqjen e kryqit dhe ngritjen e flamurit". Cilin flamur ngritet, ate flamur qe dhunuat duke i hequr yllin e Davidit pasi ishte "simbol fetar" dhe ne na duhej nje "flamur komunist" qe e sulmon fene dhe manipulon historine shekullore te atij populli? Cilin flamur ngritet ne krye te Kishes, ate flamur qe ka nje shqiponje me dy-krena te gdhendur ne dyert e altareve te kishave e manastireve orthodhokse ne mbare trojet shqiptare? Ate flamur e ate embleme qe u ruajt per shekuj ne Kishen Orthodhokse?

Por faktet dhe e verteta nuk u hyjne ne pune demoneve te kuq. E verteta u hyn ne pune vetem njerezve te Zotit, njerezve te drejte. Sulmojne Kryepeshkopin Anastas vetem se ai eshte me origjine greke, nje akt i paster racizmi. Sulmojne nje nga njerezit me me kulture te kohes qe jetojme qe kur shkruan e flet, e gjithe bota e krishtere degjon e meson ate se cfare ai ka per te thene pasi ka nje jete qe punon ne sherbim te Kishes dhe njerezimit. Sulmojne nje njeri te Zotit qe shume e kane sulmuar ne keto 23 vjet ne Shqiperi, njerezit me me pushtet te vendit, por Perendia i ka zhdukur nga faqja e dheut! Ku eshte sot kreu i SHIK Bashkim Gazidede qe i vuri detyre vetes te "persekutonte e perzinte Kryepeshkopin Anastas nga Shqiperia"? Perendia e degdisi ne skutat e Anadollit, vendit te tij te origjines per 10 vjet, dhe kur u kthye ne Shqiperi nuk e pati te gjate. Ku eshte Tani i Top Channel qe me mediat e tij sulmonte Kishen Orthodhokse dhe Kryepeshkopin Anastas ne cdo mundesi qe i jepej duke manipuluar opinionin publik shqiptar? Vdiq ne nje aksident spektakolar ne mes te Tiranes ne krahet e te dashures se tij, edhe pse burre i martuar e baba me femije! Ku eshte sot kryeministri i plotfuqishem Berisha qe me projekt-kushtetuten e 1994 donte te largonte Kryepeshkopin Anastas nga Shqiperia vetem se ai nuk kish lindur ne Shqiperi. 3 vjet me vone Perendia e zurri me gurre dhe ishte ai e largoi familjen e tij nga vendi dhe jo Kryepeshkopi Anastas. Ku eshte sot kryeministri i plotfuqishem Berisha qe me censusin e tij te manipuluar i nxorri orthodhokset e vendit 3% si per tu bere qejfin shumices muslimane qe te votonin per te ne zgjedhje? U detyrua te japi doreheqjen pas humbjes me te madhe politike te karrieres se tij politike!

Nese doni te kini fatin e ketyre me lart, nese doni qe te shuheni me rrenje e me fare, vini dore mbi Kishen dhe dilni kunder Vullnetit te Perendise, se e shikoni se cfare ju gjen. Dhe nese Kisha e Shen Marise se Pazarit nuk i kthehet KOASH dhe besimtareve orthodhokse te Permetit nje ore e me pare, vetem sa do t'i sillni vetes ndeshkimin e rende te Perendise. Ka drejtesi njerezore qe njerezit mund ta manipulojne, por ka edhe nje drejtesi hyjnore te ciles nuk i shpeton dot askush! Dhe ne besimtaret orthodhokse nuk i varrim shpresat tek drejtesia e korruptuar shqiptare qe ze diellin me shoshe kur vjen fjala tek Kisha ne mes te qytetit, por i varrim shpresat tek Zoti yne Krisht e Nena jone e Tereshenjte Shen Mari. Zoti nuk na ka braktisur kurre ne shekuj, nuk na ka braktisur as ne oret me te erreta te historise ne ate vend e ne ate popull, e nuk do te na braktisi as sot.

Bekimi i Perendise do te bier mbi kryet e gjithe te krishtereve orthodhokse qe jetojne me frike Perendie, ashtu si mallkimi i Perendise do te bier mbi shpirtrat e te gjithe te pabeseve ne perjetesi!

Perendia eshte me ne dhe lutjet tona duhet t'i drejtohen vetem Zotit tone Krisht e Nenes sone Shen Mari!

Mbrona o Nene e Tereshenjte me lutjet e tua dhe ndricoje erresiren shpirterore te popullit tim!

[Albo]

Per problemin e kishes me sa lexova Kisha ortodokse autoqefale e Shqiperis e ka humbur gjyqin deri ne gjykaten kushtetuese. Ky eshte sistemi, nqs seshte e kenaqur mund te apeloj ne gjykata nderkombetare kunder shtetit Shqiptar. (sdq nuk i di mire keto proceset juridike).

Se sa e korruptuar, inkriminuar dhe jo-funksionale eshte sistemi i drejtesise shqiptar, kete e di cdo qytetar i thjeshte i atij vendi, e di edhe cdo institucion nderkombetar ne bote qe pervit leshon raporte qe tregojne qe gjendja jo vetem nuk po permiresohet, por po perkeqesohet nga viti ne vit. Kjo ideja se "gjykata shqiptare mori nje vendim dhe ceshtja u mbyll me kaq" eshte idiotesk ne kete rast, pasi vendimi i gjykatave, sidomos vendimi i Gjykates Kushtetuese, bie ndesh me faktet e thjeshta ne kete ngjarje: prezenca e Kishes ne mes te qytetit eshte nje fakt historik i pamohueshem dot nga askush dhe eshte e dokumentuar edhe me foto te vjetra. Vetem nje njeri i verber apo dashakeqes e shpirtzi nuk di te shikoje para syve te tij qe Kisha ka qene ne mes te qytetit per plot 3 shekuj! Pra kemi perballe nje vendimi gjykate, faktet e thjeshta e kokeshkreta qe cdo njeri i shikon me syte e tij, e nuk ka nevoje shume per "gjykime" apo "vendime gjykatash".

Por dashakeqesia e fjaleve te tua, dhe atyre qe mendojne si ty, nuk mbaron ketu. Shqiperia nuk eshte nje "demokraci normale". Shqiperia nuk eshte nje vend me tradite te shendoshe demokratike, ku mund te aplikonim "metrin e thjeshte" qe ti perdor me lart. Shqiperia eshte nje vend, ku jo me larg se 50 vjet me pare, rregjimi komunist beri nje "revolucion kulturor" duke sulmuar e dhunuar te gjitha objektet e kultit ne vend, duke pushkatuar, helmuar, burgosur e internuar klerin, duke e nxjerre besimin ne Zot te jashteligjshem, dhe duke denuar me burg kedo qe guxonte te zinte ne goje emrin "zot" e jo me te fliste per fene. Fjalen "zot" e zevendesoi fjala "shok". Dhe jo vetem qe ky nuk ishte nje akt i zakonshem, por ishte nje akt i paprecedent ne historine e njerezimit, pasi rregjimi komunist, e futi Shqiperine ne faqet e librit te Rekordeve Guiness te botes, si shteti i vetem ne bote i veteshpallur ateist me nje te rene te lapsit te rregjimit komunist!

Ju jeni injorante kur vjen fjala tek konteksti historik i Shqiperise, edhe pse i keni perjetuar ne kurriz te gjitha keto qe une po ju shkruaj. Por per ju kjo ishte "jeta" dhe "realiteti" i asaj kohe dhe i vetmi realitet dhe jete qe ju njihnit, prandaj kjo gje ju duket normale. 20 vjet demokraci e liri nuk kane mjaftuar qe edhe ti e shume si ty te kuptoni ate qe ka ngjare e po ngjet me ate vend, por llomotisni e ripertypni propaganden komuniste qe degjoni nga goja e baballareve e gjysherve tuaj, produkte te asaj kohe e atij rregjimi.

Tani te pyes une ty: cfare kujton ti se risjellin ne kujtese keto akte te tilla dhune ndaj Kishes, ne mendjen e atyre besimtareve orthodhokse qe perjetuan Shqiperine e 1967?!

Albo

[prenceedi]

Ju jeni injorante kur vjen fjala tek konteksti historik i Shqiperise, edhe pse i keni perjetuar ne kurriz te gjitha keto qe une po ju shkruaj. Por per ju kjo ishte "jeta" dhe "realiteti" i asaj kohe dhe i vetmi realitet dhe jete qe ju njihnit, prandaj kjo gje ju duket normale. 20 vjet demokraci e liri nuk kane mjaftuar qe edhe ti e shume si ty te kuptoni ate qe ka ngjare e po ngjet me ate vend, por llomotisni e ripertypni propaganden komuniste qe degjoni nga goja e baballareve e gjysherve tuaj, produkte te asaj kohe e atij rregjimi.

Tani te pyes une ty: cfare kujton ti se risjellin ne kujtese keto akte te tilla dhune ndaj Kishes, ne mendjen e atyre besimtareve orthodhokse qe perjetuan Shqiperine e 1967?!

Albo

Injoranti ne kete mes je ti dhe ata qe mendojne si ti.
Nuk mund te quash injorante te gjithe sistemin e drejtesise shqiptare.
Personalisht jam kunder menyres se si u veprua...dmth momenti qe u zgjodh per te ven ne vend nje vendim gjyqsor.
Por jam pro zbatimit te ligjit.
Ceshtja ishte lehtesisht e zgjidheshme por me sa duket kisha mendonte se eshte mbi shtetin dhe ligjet.
Ka mekanizma nderkombetar qe mund tju ishte drejtuar kisha......kohen e pati te bollshme.

[ilia spiro]

http://www.youtube.com/watch?feature...cKwNXx_N-w&t=0
kjo eshte thjesh lufte fetare kunder orthodhoksise, ketu nuk ka pune as ligji, gjykatat etj., pasi gjithcka ne shqiperi eshte e korruptuar, askush nuk beson ne keto "gjykata" qe jane thjesht organe rrjepjeje dhe pasurimi ne sherbim te klaneve politike dhe mafioze....,
nepermjet "ligjeve" dhe "gjykatave" kane udhehequr hitleri, e hoxha, stalini, e gjithe krimet e tyre jene bere mbi bazen e ligjeve dhe gjykatave....
ketu ka thjesht ose antiorthodhoksi ose korruptim per ndertime biznesi ne pronen e Kishes Orthodhokse...

[Albo]

Injoranti ne kete mes je ti dhe ata qe mendojne si ti.
Nuk mund te quash injorante te gjithe sistemin e drejtesise shqiptare.
Personalisht jam kunder menyres se si u veprua...dmth momenti qe u zgjodh per te ven ne vend nje vendim gjyqsor.
Por jam pro zbatimit te ligjit.
Ceshtja ishte lehtesisht e zgjidheshme por me sa duket kisha mendonte se eshte mbi shtetin dhe ligjet.
Ka mekanizma nderkombetar qe mund tju ishte drejtuar kisha......kohen e pati te bollshme.

Asnje "gjykate nderkombetare" nuk ka pushtet ne Shqiperi pasi nje gje te tille e ndalon Kushtetuta e Shqiperise. Organi me i larte gjykues ne Shqiperi eshte Gjykata Kushtetuese dhe cdo vendim i saj eshte i paapelueshem. Dhe keto reagimet tuaja mbi "gjykatat nderkombetare" jane pjese e skizofrenise shqiptare qe kujton se bota e ka per detyre te zgjidhi ceshtje te tilla lokale qe nuk u japin zgjidhje dot vete gjykatat dhe institucionet e atij vendi. KOASH e ka ngritur kete ceshtje ne te gjitha mundesite qe i eshte dhene ne bote dhe te gjitha kancelarite nderkombetare e njohin problemin ne detaj, dhe jo vetem me Kishen e Shen Marise se Permetit por edhe me shume kisha te tjera ne vend qe mbahen te uzurpuara me dhune nga segmentet e shtetit, sic jane "kishat muze" qe i mban Ministria e Kultures, sic eshte Kisha e Shen Marise se Elbasanit qe eshte uzurpuar me dhune nga SHIK i Bashkim Gazidedes dhe i eshte dhene spiunit te tyre qe e veshen prift ne Elbasan, Nikolla Markut, e plot raste te tilla ku shteti shqiptar vazhdon praktikat e shtetit komunist.

Zgjidhja eshte e thjeshte: Bashkia Permet ose Kuvendi i Shqiperise, ose qeveria shqiptare, nxjerrin nje vendim qe e kalojne kete "shtepi kulture" ne prone te KOASH. Ne 1967 shteti komunist shqiptar nuk i sekuestroi Kishat dhe pronat e Kishes me "vendime gjykate", por me nje vendim qeverie ne Tirane. Dhe ne vend qe Kishes dhe komuniteteve fetare te vendit t'iu tregohet dera e gjykates ku sorrollaten prej 20 vjetesh per te marre cdo prone ne vend, qeveria duhet te korrigjoje kete padrejtesi historike ne te njejten menyre, duke nxjerre nje vendim qe te gjitha pronat e sekuestruara komuniteteve fetare ne 1967, ti kthehen ketyre komuniteteve, ose te kompensohen ne leke.

Ata qe heshtin pasi duan te bejne "llogari votash" ne zgjedhje duke luajtur me karten e nacionalizmit e ne kurriz te Kishes dhe besimtareve orthodhokse, duhet te mendohen mire se besimtaret orthodhokse jane votues te rregullt ne vend dhe sic "hodhen Salen nga fiku ne 23 qershor" hedhin edhe kryetarin socialist te Bashkise Permet dhe majmunin e cirkut ne Tirane.

Albo

[Ingenuous]

Kisha Orthodhokse Autoqefale e Shqiperise eshte pjese e pandare e kishes orthodhokse ne te gjithe boten(sepse kisha eshte nje,pavarsisht ndarjeve administrative),pra me ato sakrilegje qe u bene aty(dhunimi i eneve te shenjta,ungjillit,klerikeve,etj) jane perdhosur gjithe kishat orthodhokse ne mbare boten,eshte njelloj sic ndodh kur behen sakrilegje ndaj feve te tjera,reagojne gjithe vendet e tjera te asaj feje,prandaj ka reaguar edhe Greqia.Pastaj mos harro se ne kishen orthodhokse te Shqiperise bejne pjese edhe gjithe minoriteti grek ne Shqiperi.

Ps: Ministria e Jashtme Greke, nepermjet zedhensit te saj informon qytetaret shqiptare se po ndjek me vemendje çdo levizje dhe zhvillim...fiuuuu

[Ingenuous]

Vec kesaj kisha po jep nje shembull te keq arrogance e mos respektimi te ligjit me kete akt laperdhar...

Kisha ortodokse pse nuk rikonstrukton dy kishat e tjera qe ndodhen po prape ne Permet ne qytet, por kerkon te zaptoje pallatin e kultures qe eshte ne qender dhe nuk eshte toke e saj. Le te rikonstruktoje dy te tjerat qe per me teper kane edhe vlera historike ..... mua ky fakt me mjafton te kuptoj cili ishte qellimi .....

Kjo ka dhe prapavije etnike filogreke, duke pas parasysh se Permeti ka ende nje popullsi jo ortodokse ne shumice, pra tentohet rritja e identitetit ortodoks ne menyre artificiale.