Censusi 2011: Komunitetet fetare nuk pranojne rezultatet e censusit

[MaDaBeR]

Kete e dime ne se si do t`i mbledhim..ndoshta nuk do te mbledhim 30 % te banoreve, por nje numer i caktuar dhe do te kerkojme nepermjet prokurorise, qe te beje krahasimet me regjistrin elektronik te INSTAT-it. Nese nuk perputhen, fillon menjehere procedimi penal nga ana e Prokurorise, e cila do te beje zbardhjen e ketij manipulimi skandaloz..., dhe gjykatat qe do te japin drejtesi...
Nese vertetohet se ka patur manipulime ky eshte edhe qellimi yne,...se si do numerohen ta vendose gjykata, pastaj,...ne per veten tone e dime sa jemi...
Duhet patjeter nenshkrimi sepse, perndryshe gjithcka ne census eshte e diskutueshme, nese nuk ka dispozita per keto, te mbajne pergjegjesi politikanet qe nuk bejne ligjet sic duhet, por per manipulim

Po nese ai gjykatesi qedo t'i bjere shorti, do ta gjykoje kte çeshtjen siç gjykohen Shqiptaret ne Greqi? Do te shkoni ne Strasburg me dokumenta pa vule e pa nje Institucion Legjitim qe i ka Miratuar keto dokumenta?

[Qyfyre]

Ce zgjasni kot muhabetin. Te presim listen e firmave qe do mbledhe kisha ortodokse dhe pastaj diskutojme nese ja vlen apo jo. Se jam i sigurte qe ato lista do jen plot me emra fallco.

[BlueBaron]

Ce zgjasni kot muhabetin. Te presim listen e firmave qe do mbledhe kisha ortodokse dhe pastaj diskutojme nese ja vlen apo jo. Se jam i sigurte qe ato lista do jen plot me emra fallco.

Qyfyre, qe te kete vlere firma, krahas saj duhet numri i dokumentit te identifikimit (karte identiteti ose pashaporte). Po te kete vetem emer dhe firme, nuk vlejne as per te fshire te ndenjurat ne wc, jo me ne gjykate ...

[Albo]

Njoftim per Media

Fjala e Drejtorit të Përgjithshëm të INSTAT, Ines Nurja gjatë prezantimit të rezultateve kryesore të Censusit të Popullsisë dhe Banesave 2011.

Kam kënaqësinë sot në këtë ditë, të prezantoj rezultatet finale të censusit të popullsisë dhe banesave 2011. Ky proces ka qenë i gjatë dhe angazhoi thuajse të gjithë stafin e INSTAT në Tiranë e prefektura si dhe qeverinë shqiptare, shoqërinë civile, parnterët e INSTAT dhe komunitetin ndërkombëtar.
Ky census u krye duke ndjekur rekomandimet dhe standardet europiane dhe INSTAT sot publikon të dhënat themelore statistikore socio-ekonomike për të ndërtuar politika të shëndosha për një jetë më të mirë të shqiptarëve. Madje këto të dhëna konform standardeve europiane do të japin kontributin e tyre në procesin e integrimit europian.
Censusi i vitit 2011 është një operacion statistikor mjaft kompleks dhe ka kaluar në shtatë faza të ndryshme; përfshirjen e palëve të interesuara për përzgjedhjen e pyetjeve thelbësore dhe jo thelbësore, aktivitetet përgatitore, numërimin në terren, përpunimin e të dhënave, publikimin e rezultateve, vlerësimin e mbulimit dhe analizat e rezultateve.
Të pestë fazat e para janë përfunduar, ndërsa publikimi i rezultateve finale do të kryhet sot me këtë publikim të parë, i cili do të ndiqet gjata vitit që vjen me tjera publikime të rëndësishme dhe së fundmi me analizat tematike deri në vitin 2014.
Operacionet e censusit e kanë fillesën në vitin 2008 me përgatitjen e hartave dixhitale. Ndërsa në vitin 2009, INSTAT filloi një një proces konsultativ me grupet e interesit duke përcaktuar temat e regjistrimit ku qëllimi kryesor ishte për të rritur ndërgjegjësimin në lidhje me këtë proces si dhe për të patur përfshirjen e aktorëve të tjerë në këto aktivitete përgatitore.
Gjatë këtij censusi u kryen disa testime të pyetësorit dhe në vitin 2010 u krye një census pilot në mënyrë që të testojë disa nga aspektet kryesore të funksionimit të plotë të Censusit në Tetor të vitit 2011.

Aktivitetet në terren për numërimin e popullsisë dhe banesave u organizuan dhe monitoruan me ndihmën e një mjeti mjaft efikas, atë të aplikacionit të menaxhimit Web GIS.
Për mbarëvajtjen e punës në terren, INSTAT emëroi një koordinator në nivel qarku, si dhe u ndërtuan komisionet rajonale dhe komunale në secilën komunë dhe prefekture të Shqipërisë.
Një nga sukseset e këtij censusi ishte rekrutimi dhe trajnimi i mbikëqyrësve, kontrollorëve dhe anketuesve me të cilët puna në terren u krye brenda afateve dhe metodologjisë së përcaktuar.

Anketa e pas Censusit u krye për herë të parë në Shqipëri për të vlerësuar mbulimin e Censusit në terren si dhe cilësinë e disa variablave të përzgjedhur.
Në datë 21 dhjetor 2011, INSTAT prezantoi publikisht rezultatet paraprake, bazuar në shumatoret individuale të anketuesit mbi njësitë ekonomike familjare, ndërtesave dhe banesave.
Skanimi i pyetësorëve filloi në dhjetor 2011 në Qendrën e Përpunimit të të Dhënave e krijuar rishtazi për këtë census.
Gjej rastin këtu të prezantoj disa nga rezultatet kryesore të këtij censusi, të cilat ju i keni më të detajuara në publikimin që mbani në dorë.
Nga rezultatet përfundimtare të Censusit të Popullsisë dhe Banesave 2011, rezulton se popullsia rezidente është 2 821 977. Numri total i refuzimeve është 21 839 persona. Siç shihet nga kjo panoramë, krahasuar me Censusin e vitit 2001 kemi një rënie të popullsisë banuese prej 8%. Ndaj analizat paraprake na dëshmojnë se emigracioni dhe lindshmëria janë dy faktorët kryesorë përgjegjës të rënies së numrit të popullsisë, të cilat kërkojnë analizë të hollësishme në të ardhmen. Numri i femrave krahasuar me vitin 2001 ka pësuar një rënie prej 9.2% ndërsa ai i meshkujve me 8.3%. Raporti gjinor në Shqipëri kërkon një vëmendje të veçantë nga demografët dhe studiuesit.
Për herë të parë në historinë e censuseve në Shqipëri, popullsia që jeton në zonën urbane e ka tejkaluar numrin e popullsisë që jeton në zonën rurale. Tashmë në zonën urbane jetojnë 53,5% e popullsisë ndërsa 46,5% e saj jeton në zonën rurale.
Nga ana tjetër, numri i familjeve ka pësuar një rënie krahasuar me shifrat e censusit të mëparshëm. Sot numërohen 722 262 familje nga 726 895 që ishin në vitin 2001. Por struktura brenda familjes (numri i anëtarëve) ka patur një ndryshim të rëndësishëm. Mesatarisht sot një familje shqiptare ka 3.9 anëtarë nga 4.2 që kishte në vitin 2001.
Struktura demografike e Shqipërisë po ndryshon duke patur parasysh që nga këto rezultate kemi rënie të koeficientit të fertilitetit, rritje të popullsisë urbane, ndryshim në strukturën e popullsisë, në karakteristikat etno-kulturore, në nivelin e arsimimit, në kushtet e jetesës dhe në strehim.
Numri i ndërtesave për qëllime banimi në censusin e vitit 2011 është 598 267 dhe është rritur me 16.8% krahasuar me vitin 2001. Fondi i banesave rezulton në 1 012 400 banesa ku përfshihen jo vetëm banesat e banuara por edhe ato të pabanuar që përbëjnë 29.8% të totalit në krahasim me 11.3 % në 2001. Jo vetëm fondi i banesave është rritur në krahasim me vitin 2001 por dhe kushtet e jetesës në to kanë ardhur duke u përmirësuar përsa i përket aksesit në shërbimet bazë si dhe zotërimit të pajisjeve afatgjatë. Në ndryshim nga censusi 2001, lidhur me karakteristikat e kushteve të banesës INSTAT disponon edhe të dhëna mbi telefoninë fikse dhe mobile të cilat i gjeni në këtë publikim.
Një tjetër risi e këtij censusi ishte përfshirja e pyetjeve mbi gjuhën amtare, fenë dhe grupet etno-kulturore. Këto të dhëna interesante do të japin një panoramë më të qartë të disa karakteristikave të popullsisë shqiptare të cilat u mungonin studiuesve prej një periudhe të gjatë kohe. Po ti hedhim një vështrim të shpejtë, shohim se 98.77 % e popullsisë ka si gjuhë amtare shqipen. Më pas vijnë gjuha greke me 0.54 %, maqedonase 0.16 %, rome 0.14 % dhe arumune me përkatësisht 0.14 %

Një tjetër e dhënë e cila do të analizohet më tej nga studiuesit është dhe ajo mbi përkatësinë fetare. Sipas vetëdeklarimit mbi përkatësinë fetare në censusin 2011, në territorin e
Shqipërisë janë 56.70% muslimanë, 10.03 % katolikë, 6.75 % ortodoksë, 2.09 bektashinj, 0.14 ungjillorë. Ndërkohë që 5.49 janë vetëdeklaruar si besimtarë të pacilësuar dhe 2.5 % ateistë. Numri i atyre që kanë preferuar të mos përgjigjen kësaj pyetje është 13.79% të totalit të popullsisë.
Përsa i përket përkatësisë etno-kulturore, 82.58 % kanë deklaruar se janë shqiptarë të 0.87 % grekë, 0.30 % romë, 0.30 % arumunë dhe 0.20 % maqedonas. Numri i mospërgjigjeve në këtë pyetje përbën 13.96 % e totalit të popullsisë.

Një tjetër analizë me mjaft interes do të ishte shpërndarja e numrit të refuzimeve (13.96 %) dhe përgjigjeve të pa vlefshme apo të papërcaktuara (1.58 %) lidhur me përkatësinë etno-kulturore. Po tu referohemi këtyre shifrave, rezulton se 99.6 % e tyre kanë deklaruar gjuhë amtare shqipen, 0.15 % gjuhen greke, 0.04 % rome, 0.04 % arumune dhe 0.03 % maqedonase.
Një vend të rëndësishëm në këtë publikim zë dhe niveli i arsimimit të popullsisë. Po tu referohemi shifrave, vërejmë se në popullsinë 10 vjeç e lart, 96,2 % tyre e kanë ndjekur ose janë duke e ndjekur shkollën. Në censusin e vitit 2011 bën dallim ndjekja e sistemit universitar dhe pasuniversitar nga 10.7% të popullsisë 10 vjeç e lart, tregues i cili në vitin 2001 ishte 5.5%
Për herë të parë në një census është pyetur edhe për aftësinë e kufizuar të popullsisë. Këto të dhëna do të shërbejnë në të ardhmen për të bërë vrojtime më të specifikuara si dhe për të ndërtuar politika mbështetëse në funksion të kësaj kategorie personash.
Unë me të vërtetë shpresoj se këto të dhëna do të jenë shumë të dobishme për të interpretuar ndryshimet e vendit tonë dhe do të shqërbejë si bazë për të ndërmarrë aksionet e duhura për një zhvillim të qëndrueshëm të Shqipërisë në të ardhmen.

Dhe në fund gjej rastin të falenderoj, Eurostat për mbështetjen e dhënë, Qeverinë Shqiptare, Komisionin Qendror të Censusit, Delegacionin Europian në Tiranë, Asistencën Teknike të BE-s si dhe stafin e INSTAT, i cili ka punuar me profesionalizëm dhe përkushtim maksimal për realizimin me sukses të Censusit të Popullsisë dhe Banesave 2011.


Instituti i Statistikave
Bul.”Zhan D’ark”, Nr. 3, Tirana, ALBANIA, Tel: +355 (4) 2222411 / 2230484 / 2233356 / 233357 / Fax: + 355 (4) 2228300
www.instat.gov.al

[Qyfyre]

29.8% e banesave ne Shqiperi jane te pabanuara?

[Albo]

INSTAT publikoi te dhenat e saja mbi censusine mbajtur para 1 viti dhe tani mund te komentojme rezultatet.

Ana pozitive e censusit eshte e dyfishte: a) ky census eshte mbase censusi me i mire i mbajtur ne Shqiperi b) shqiptaret u njohen me procesin e censusit qe eshte nje proces i ri per ta. Le te shpresojme se shqiptaret do te mesojne me kohen vleren e ketyre censuseve qe shteti mban cdo dekade dhe kjo do te kthehet nje tradite edhe per shqiptaret, tradite e ngjashme me traditen e votes se lire. E perbashketa e censusit me procesin e votimit eshte se eshte shtetasi i lire shqiptar ai qe deshmon me gojen e tij se kush eshte, cfare beson, ku jeton, ciles etnie i perket, ashtu sic zgjedh me vullnet te lire partine dhe kandidatin qe i jep voten ne zgjedhje ne ate dhomen e fshehte. Te dyja keto procese per shqiptaret jane ende tradita te reja demokratike dhe do te duhet kohe qe shqiptaret t'i vleresojne ato sic duhet.

Problemi kryesor qe une e besoj shumica e shqiptareve kane me keto rezultate eshte mungesa e transparences dhe procesi i tejzgjatur i perpunimit te rezultateve te censusit. Procesi mujor i mbajtjes se censusit ne terren ne mbare territorin e vendit gjate muajit tetor 2011 ishte nje process qe une do te thosha ishte shume profesional dhe i suksesshem. Ajo qe eshte e papranueshme, ajo qe demton kredibilitetin e gjithe procesit dhe rezultatet e tij, eshte periudha mbi 1 vjecare per "perpunimin" e te dhenave nga censusi. Eshte qesharake te mendosh qe procesi i perpunimit te te dhenave ne menyre dixhitale do te zgjaste mbi 1 vit, kurse procesi i mbledhjes se informacionit nga popullsia ne terren ne cdo fshat e qytetet te vendit do te perfundonte brenda 1 muaji! Ajo qe e kompromenton akoma me shume kete proces dhe kredibilitetin e tij eshte mospublikimi i plote i te dhenave te censusit. Censusi nuk mbahet qe te nxjerri vetem nje raport final perqindjesh, por qe te krijoje nje tablo/harte te qarte demografike ne cdo qytet e fshat te vendit, bazuar ne te dhenat e mbledhura. Deri me sot nuk kam degjuar INSTAT qe te shprehet publikisht qe do ti beje te dhenat e censusit publike, sic bejne gjithe organizatat e tjera ne bote. Perkundrazi, gjeja e pare qe mediat shqiptare raportuan eshte se "INSTAT do te djegi formularet e censusit tani qe te dhenat finale u publikuan". Kjo jo vetem qe nuk perben transparence, por kjo le hapesire per spekullime me te drejte nga ana e publikut, qe INSTAT dhe gjithe rezultatet jane te montuara dhe jo reale. Dhe kjo le nje shije shume te keqe ne gojen e shqiptareve, qe jane mesuar me praktika te ngjashme manipulime votash ne zgjedhje ne te shkuaren.

Pra perfundimi im i pare mbi procesin eshte se: Censusi deshtoi te rrisi kredibilitetin e opinionit publik shqiptar ne kete proces administrativ demokratik! Shqiptaret jane po aq skeptike ndaj shtetit te tyre per respektimin e te drejtave e lirive te tyre kur vjen fjala tek censusi, po aq sa jane edhe per zgjedhjet dhe rezultatet e tyre te mbajtura ne vend. Ky eshte ne vetvete nje shans i humbur per shtetin shqiptar me kete process qe nisi mire por perfundoi mos me keq.

Te lexosh numrat e censusit:

Numri i pare qe bie ne sy nga te dhenat eshte se vetem 83% e shqiptareve kane deklaruar nje etni shqiptare. Qe do te thote, se 17% e gjithe popullsise shqiptare i perket nje etnie tjeter nga ajo shqiptare, ose ka refuzuar qe ti pergjigjet pyetjes. Nje tjeter deshmi qe minoritetet etnike te vendit, kane bojkotuar censusin ne mase. Faji per kete nuk bie mbi shtetin dhe INSTAT, faji per kete bie mbi Spahijte e Idrizat qe se bashku me Top Channel e Balkanweb, bene nje propagande te forte para mbajtjes se censusit qe te krijonin shantazh ne vend krashi minoriteteve te vendit. Ata vecuan minoritetin grek ne sulmet e tyre, por shantazhi i tyre eshte ndjere njesoj nga gjithe minoritetet e tjera te vendit. Si perfundim nga ky numer, mund te nxirret qe minoritetet etnike qe jetojne ne Shqiperi nuk ndihen te mbrojtura e te respektuara nga shoqeria dhe ligji, por ndihen te kercenuara. Kjo ne vetvete eshte "arritja" e faqezinjve te paguar te turqve mes shqiptareve, Kreshnik Spahiut e Shpetim Idrizit. Propaganda e tyre para censusit i ftonte shqiptaret qe te bojkotonin censusin duke mos iu pergjigjur pyetjeve mbi etnine dhe fene, por doli qe shqiptaret e kane injoruar kete thirrje kurse 13% e popullsise se vendit, shumica minoritare, e kane bojkotuar censusin. Tablloja do te jete me e qarte nese INSTAT publikon harten e vendodhjes se shqiptareve qe kane refuzuar pyetjen mbi etnine.

Gjeja tjeter qe ve ne medyshje numrat e censusit eshte se ato bien ndesh me realitetin demografik te qyteteve e fshatrave shqiptare me te cilet shqiptaret e thjeshte perballen perdite. Bie ne sy per shembull numri qesharak me pak se 1% i minoritetit arumun ne vend, kur historikisht dhe realisht arumunet jane mbase minoriteti me i madh ne vend. Bie ne sy numri tejet i vogel i romeve me pak se 1% kur vete Ministria e Puneve Publike shqiptare para disa vitesh nxorri nje studim ku numeronte 2.5% te popullsise shqiptare ishte rome. Bie ne sy mosekzistenca e minoritetit turk, serb e malazez ne keto te dhena, kur perseri ekzistenca e tyre eshte e verifikueshme lehtesisht nga prania e organizatave e shoqatave te ketyre minoriteteve ne vend. Sado i vogel te ishte numri i ketyre te dhenave te ketyre grupeve, ato duhej te ishin renditur ne liste. Duke mos i renditur, shteti u jep mesazhin e gabuar ketyre minoriteve duke u mohuar ekzistencen dhe duke i marxhinalizuar nga jeta ekonomike dhe politike e vendit.

Por shifrat me te pabesueshme te censusit jane ato qe kane lidhje me besimin fetar. Ne keto shifra del ne pah edhe manipulimi total i rezultateve. Bie ne sy qe numri i komunitetit musliman ne vend eshte 57%. INSTAT nuk ben dallimin mes muslimaneve sunit dhe atyre shija, por mjaftohet me etiketimin "musliman". Bile gjithashtu ne sy qe dy prej minoriteteve me te medha ne vend, bazuar mbi historine e ketij vendi, komuniteti orthodhoks dhe ai bektashi, jane tashme ne shifra shume te uleta. Orthodhokset kane zbritur nga 30% i popullsise ne kohen e Zogut ne pak me pak se 7% ne kohen e sotme. Por komunitetin te cilin e kane bastarduar komplet eshte ai bektashi, ky sipas INSTAT vetem 2% e popullsise eshte bektashi ne besim. Ne kohen e Zogut bektashijte numeronin te pakten 20% te popullsise. Perseri, 13% e popullsise, ashtu si ne rastin e pyetjes se etnise, kane refuzuar t'i pergjigjen kesaj pyetjeje, duke bojkotuar ne kete menyre censusin dhe duke mos krijuar nje tabllo te qarte te relievit shpirteror te shqiptareve. Bie ne sy edhe numri i ulet i i paperfillshem i ateisteve, qe rrezon nje nga mitet qe shume shqiptare te rritur nen komunizem mbrojne edhe sot e kesaj dite, qe shumica e shqiptareve jane ateiste. Sipas censusit, nje pakice e paperfillshme e shqiptareve deklarohen si ateiste.

Ajo qe stonon me shifrat e besimit eshte edhe numri i besimtareve romano-katolike. Ky numer eshte i njejte me kohen e Zogut, 10% e popullsise se vendit. Kjo deshmon qe me numrat e besimit fetar eshte manipuluar rezultati ndjeshem, dhe kjo eshte bere me vetedije dhe ka qene nje vendim politik. Duket qe eshte vendim politik, pasi numri i muslimaneve dhe romano-katolikeve nuk eshte prekur, kurse numri i komuniteteve te tjera eshte minimizuar me qellim. Nese ka qene nje vendim politik i marre nga qeveria, apo nje vendim i blere nga interesat e vendeve fqinje qe kane korruptuar drejtuesit e INSTAT, kjo do te mesohet vetem nese te gjitha te dhenat e censusit behen publike dhe shqiptaret fillojne e germojne numrat per te ndertuar tablone e qarte. Bie ne sy qe kompania qe INSTAT perdori per dixhitalizimin e te dhenave ishte nje kompani italiane.

Nese ky ka qene nje vendim politik i shtetit per manipulimin e numrave per te mos krijuar probleme me zgjedhjet, kjo ka per ti kushtuar shtrenjte partise ne pushtet. Duke zgjedhur qe te mos publikojne te dhenat reale por ti manipulojne ato, mesazhi qe shteti po u jep te gjithe minoriteteve etnike apo fetare te vendit eshte ai i segregimit dhe jo integrimit. Dhe cfare do te bejne keto komunitete? Nese deri me sot kane zgjedhur qe te mos marrin pjese e bejne presion politikes, duke filluar qe sot e zgjedhjet e ardhshme, Partia e Arumuneve te Shqiperise do te jete pjesemarrese ne zgjedhje e te njejten gje do te bejne edhe komunitetet fetare te vendit si ai orthodhoks edhe ai bektashi per te korrigjuar nje padrejtesi te tille ndaj tyre. Keto komunitete kane vete statistikat e numerave te shqiptareve qe jane pagezuar apo marrin pjese ne jeten e ketyre komuniteteve fetare, e keto numra jane shume here me te larta se ato te censusit. Dhe ajo qe ka per te ndodhur eshte sektarizimi i shoqerise shqiptare ne baza etnike dhe fetare. Dhe rezultati i zgjedhjeve te ardhshme mund te jete nje rezultat me i afer me realitetin e shoqerise shqiptare se sa vete rezultati i censusit.

Gjeja tjeter qe bie ne sy eshte emigracioni ne mase i shqiptareve. 8% e gjithe popullsise se vendit ka emigruar nga vendi ne dekaden e fundit. 30% e gjithe banesave ne Shqiperi jane te pabanuara. Emigracioni eshte nje problem shqetesues per nje popull te vogel si ai shqiptar dhe INSTAT duhet te beje nje studim tjeter te vecante vetem per shkallen e emigracionit ne vend dhe cilat jane zonat me te prekura prej tij dhe si kjo ndahet ne baze rrethesh, qarqesh, etnish e komunitetesh fetare.

Censusi ishte nje shans i humbur i shtetit shqiptar per te fituar kredibilitetin e duhur ne syte e qytetareve te vete dhe ne syte e mbare botes se qyteteruar. Shpresoj dhe uroj qe shteti shqiptar te nxjerri mesime nga keto gabime dhe ti adresoje ato ne zgjedhjet dhe censuset ne te ardhmen. Nuk mund te qeverisesh dot nje popull kur qytetari nuk ka besimin minimal ne aftesite e tua si shtet per te respektuar lirite themelore te tij.

Albo

[Kermilli]

Jo jo Nuk eshte keshtu.
Problemi eshte qe shifrat duhen lexu me kujdes.. Emigracioni i Shqiperise se Jugut eshte kryesisht drejt greqise dhe pjesa ku jetojne me shume ortodokse eshte ajo.
Kurse emigrimi i shqiperise se veriut eshte kryesisht drejt shqiperise se mesme dhe numri i katolikeve prandaj ka ndenjur ne vend.. Plus te qenurit katolik sot eshte me joseshe sepse shikohet si dicka me shume perendimore.. Sikurse niveli i klerit Katolik eshte goxha per tu vleresuar ne punen e ruajtjes se deleve.
Mund te kete edhe probleme qe thote Ilia, Por do i behej dem Shqiperise nese do ulej qellimisht numri i ortodokseve..Nuk besoj se ka nje plan shqiptar per uljen e ketij numri sepse do ishte nje plan idjot. Ordokse shqiptar kan pas nje rol thelbesor ne krijimin e Shqiperise dhe ndoshta pa to sdo e kishim..
Nese do ishte kjo sdo zgjidhej kryetaret e opozites ortodoks(do e kishin shume te veshtire), kryetaret e disa bashkive ku shumica e banoreve eshte mysliman etj etj

Nuk besoj se njeri ka frike prej Spahiut apo Idrizit. Jane shume te vegjel per tu pasur frike.

Edhe une keshtu besoj

[Qyfyre]

Por shifrat me te pabesueshme te censusit jane ato qe kane lidhje me besimin fetar. Ne keto shifra del ne pah edhe manipulimi total i rezultateve. Bie ne sy qe numri i komunitetit musliman ne vend eshte 57%. INSTAT nuk ben dallimin mes muslimaneve sunit dhe atyre shija, por mjaftohet me etiketimin "musliman". Bile gjithashtu ne sy qe dy prej minoriteteve me te medha ne vend, bazuar mbi historine e ketij vendi, komuniteti orthodhoks dhe ai bektashi, jane tashme ne shifra shume te uleta. Orthodhokset kane zbritur nga 30% i popullsise ne kohen e Zogut ne pak me pak se 7% ne kohen e sotme. Por komunitetin te cilin e kane bastarduar komplet eshte ai bektashi, ky sipas INSTAT vetem 2% e popullsise eshte bektashi ne besim. Ne kohen e Zogut bektashijte numeronin te pakten 20% te popullsise. Perseri, 13% e popullsise, ashtu si ne rastin e pyetjes se etnise, kane refuzuar t'i pergjigjen kesaj pyetjeje, duke bojkotuar ne kete menyre censusin dhe duke mos krijuar nje tabllo te qarte te relievit shpirteror te shqiptareve. Bie ne sy edhe numri i ulet i i paperfillshem i ateisteve, qe rrezon nje nga mitet qe shume shqiptare te rritur nen komunizem mbrojne edhe sot e kesaj dite, qe shumica e shqiptareve jane ateiste. Sipas censusit, nje pakice e paperfillshme e shqiptareve deklarohen si ateiste.

Domethene shifrat jane ato qe mendon ti. Nese censusi i pershtatet mendimit tend, eshte i sakte. Nese thote ndryshe, atehere jan manipuluar. 7% ortodoks eshte manipulim, kurse 2% ateiste eshte e sakte

Une kam mendimin se jane pikerisht fetaret qe kane ndikuar ne shtremberimin e shifrave. Ata duke luftuar mes tyre se kush te fuse sa me shume shqiptare ne rrethin e vet, kane cuar ne 2% ateistet qe nuk kane nje institucion qe mund te luftoje per ta. Dhe per me teper ateistet nuk merziten shume nese u ulet artificalisht numri sic shihet qarte ne teme, dhe prandaj nuk kane menduar ta mbrojne me force mosbesimin e tyre. Por mania e fetareve ketu ne teme per te rritur shifrat e tyre, ma perforcon akoma me shume bindjen se te njejtat taktika kane ndjekur edhe kishat e xhamit e tyre gjate "rregullimit" te shifrave te censusit.

[drague]

Domethene shifrat jane ato qe mendon ti. Nese censusi i pershtatet mendimit tend, eshte i sakte. Nese thote ndryshe, atehere jan manipuluar. 7% ortodoks eshte manipulim, kurse 2% ateiste eshte e sakte

Une kam mendimin se jane pikerisht fetaret qe kane ndikuar ne shtremberimin e shifrave. Ata duke luftuar mes tyre se kush te fuse sa me shume shqiptare ne rrethin e vet, kane cuar ne 2% ateistet qe nuk kane nje institucion qe mund te luftoje per ta. Dhe per me teper ateistet nuk merziten shume nese u ulet artificalisht numri sic shihet qarte ne teme, dhe prandaj nuk kane menduar ta mbrojne me force mosbesimin e tyre. Por mania e fetareve ketu ne teme per te rritur shifrat e tyre, ma perforcon akoma me shume bindjen se te njejtat taktika kane ndjekur edhe kishat e xhamit e tyre gjate "rregullimit" te shifrave te censusit.

nqs me ndihmon moderatori Scion

ne klasen time te gjimnazit kishim vet 2 fetare nga 30 qe ishim ne klase

si na dalin 2% ateiste?!MATEMATIKA IME E HEDH POSHTE CENSUSIN

[freeopen]

e habitshme se si zoti Albo ska komentu hala ne ket teme sepse ai ishte personi qe i priste ma me padurim rezultatet e censusit. ku do vertetohej ni her e mir prezenca e ni minoriteti te madh turk prej 20% ne shqipnin e mesme she shkoder.

Eshte i zene me fshirjen e postimeve te cilat nuk i vijne per shtat,prandaj.